بحر الآلمـاس
09-13-2008, 12:09 AM
وهذا الحوووار :
البنت وهي جالسة على سريرها تحلم:
ياريت هالحظ يحالفني لو مرة واتزوج غني على الاقل بنزحر من الصبح شي عدل مو اهني تمللنا من بطنة الشاي والبخصم ... صج حياة فقارى .
الام وهي تشتغل : على ويش تتحرطمين يا حظي دام هاذي خيابتش لا مدورة لش شغلة لا في البيت ولا بره بتعيشين حياة فقارى طووول عمرج ودام هاذي خيابتش يابوي لا تغسيل مواعين ولا خمام ولا طباخ منو يبغاش قومي انفعي روحج بدل هالاحلام الضايعة ..
أماني : باجر اذا جه خطبني براويش منهي اللي تشتغل .. وهي تطلع امها على صوب
الأم تسحب يد بنتها : قومي غسلي بلا خيابة حظ علينا
اماني : وين اتوفق وهالنحس وراي وراي ... تقصد الشغل ..
عقب ما خلصت الخمام انسمتت محلها وامها المسكينة قاعده تغسل الحوي : قومي بلا خيابة وخمي حجرتش هالعفيسة باجر اذا جه هالغني على قولتش وين بتقعدينه في زريبة الغنم اللي عندنا
اماني : لاتطنزين اما ها عمي وش خانته اذا مانفعنا الحين متى بينفعنا والله ويش خانة العموم اذا مانفعونا اكو بيتهم وش كبره قول يعزمنا عليه ... عاد هي حاطة في بالها الين جه يخطبها بتوديه بيت عمها علشان يقول هاذه بيت رزه
وبعد 3 ايام
اتصل أحد الخطاطيب وطلب يد اماني واتفقوا على الموعد :وفي الحوار:
حسون :الو
اماني : هلا من ؟
حسون: اهني بيت حجي مكي ؟
اماني : أي اطلب آمر
حسون: ممكن الوالده؟
اماني تنادي امها حق التلفون
ام اماني : هلو ويش تبغا ؟
حسون لو سمحتي انا ابغي اطلب ايد بنتكم وانشالله بنزوركم يوخ الخميس على بركة الله ها ويش قلتين حجية ؟
ام اماني:حياكم ياولدي زارتنا البركة
اماني: امايي ويش هست ويش يبغا فيش ؟
امها : قام حظش يا امنو هاذه واحد بيخطبش ( شكله يابوي حسون ولد ام حسن المنتف )
اتصلت اماني في عمها : الو هلا عمي
عمها: ها ويش تبين تراني كلش مشغول مالي زاغر حق خرابيطش
اماني :لا هالمرة مو خرابيط هالمرة واحد جاي يخطبني وماعندي الا انت ولي امري ( عسى الله ياخذك وتورث لينا شي من هالجنزة الخشوشة )عاد هو قال بيجي يوم الخميس تعال ها ؟
عمها:لا مشغول عندي بيزنس
اماني: (هاذه احنا ويه بيزنسه اللي مايخلص )انزين عاد عمي الله يطوةل في عمرك تعال ماعندنا الا انت بعد لو عندي غيرك ماجيت ليك
عمها : وبعد!!؟انزين بلا تصبيغ علينا باجي
اماني : توها بتقول انه لو يضيفه في بيتهم وصكاه في وجهها
امها : ها ويش قال عفر اشوفش متشققة؟
اماني : بيجي عمي
وجه يوم الخميس وجه عمهم انرز على الكراسي : جيبوا لي عصير يادافع البلا هاذي امنو مو مخلية صبغ مو حاطتنه في وجهها يللا دلفي جيبي عصير
اماني ( ماصارت كلوز وجحلة قالوا صبغ روح شوف مكياج بناتك عقب تعال اطنز علينا ككل وحده كأنها مهرج)
بدت الاوامر(الحين عاد ويش يسكته جان ما يفشلنا
وراحت تجيب العصير الا بطقت الجرس
اماني : جه الحظ
الام: حياكم حياكم زارتنا البركة
اماني راحت تلبس عباية
امها دخلت ليها الحجرة :يللا عاد يا امنو ما صارت عباية
اماني: انزين عاااد ما صارت هاي حالة حتى والناس يخطبوني تتحرطمين بتفتكين مني بتفتكيـــــــــــــــــــن
جت اماني وجابت العصير وعطته ام حسون وحسون وعهما استغربت يوم شافت حسون تذكرت ايام كن يلحق وراها في السكيك ويناديها : امووووووووون وهي تقوله : حسنوو يالمنتف تبيني انتفك عاد هي تقول في بالها :
مداه صار عاقل والله يصير سبحانه مغير الاحوال
ام حسن : شخبارش اماني ؟
اماني: زينة الحمدلله ( مادرينا هاذه بيجيني جان ماتعدلت )
ام حسن : احنا يا ام اماني جايين نخطب بنتكم اماني حق هالولد الزين الطيب
اماني تدور على صوب وتتكلم : هاذه الا منتف لا شاف الزين ولا شي يمكن بعد تغير سبحان الله وهي تطالع السقف
ام اماني : والله احنا ماعندنا مانع بس خلوا البنت تفكر
ام حسن : من حقكم وقاموا وسلموا وطلعوا
وبعد كم يوم جه واحد يبي يخطب اماني بس عاد هاذه غني بس الام عرفت الاصول وردته لأنه النبي قال ولا يخطب مسلم على خطبة اخيه عاد يوم درت اماني سوت الفزعه
راحت لامها المطبخ وقالت لها : انتين ماتبين الخير حقي
امها: ليش عاد يابتي كل واحد ما ياخذ الا نصيبه ماكو ام ماتبي الخير لبتها
اماني : الحين انتين رافضة الغني وتبين هالمنتف ياخذني ماصارت ولا قلنا بيتغير الحال اشوفه صار ازفت انجان هذا حظي ما بتغدى الا على لقمة عيش لا ودام ولا هم يحزنون فلحنا اقول
ام اماني : الارزاق بيد الله يا بتي ما يجوز تقبيلين بالثاني الله ما يرضى النبي قال لا يجوز ان يخطب المسلم على خطبة اخيه واحنا قلنا بنفكر على حسون
اماني : انتون قلتون مو اني منو قال ابيه اصلا وهلقرادة الحظ تلاحقني يعني مابيه وهي تصارخ
ام اماني : ويش بتقولين من عذر انتين بتجرحينه جدي مو زين يابتي خافي الله فيه
اماني: بقوله ما ابيك وما احلى الصراحة في السننا
امه: يللا بلا فجاهة
اماني : أي باقوله مابيك وخلاص ولين قام يحن بقوله مابي فقير ... مو كفاية الفقر اللي عايشتنه
امها : بس انتين تجرحينه بكلامش
اماني : انجرح ما انجرح في الطقاق عاد هو كلش ابو احساس هالمنتف عيل اعيش مع اغنياءولا اظل على حالي وهي تطالع امها كأنها تلومها
امها : لا تطالعيني مو اني اللي كاتبه لش هالحظ الله كاتب علينا وثاني شي اللي اتسوينه حرااااااااام
اماني : حرمت عليه عيشته ذوبتيني امااااااااااه غربلتيني بهالمنتف
بعد ساعات اتصلت ام حسن : ها ام اماني اشصار ؟
امها: خليه ولدش يجي بنخليها تقابله
عقب ما صكت التلفون قالت لعل وعسى يكسر خاطرها هالمنتف على قولتها
اماني زادت الطين بله وجه حسون وقعد مع امها وعقب جت اماني
اماني : ها اشوفك جاي وش صاير ؟
حسن: ها اماني شحوالش ؟
اماني : الله يشحولك زينة اني
حسن: ها ويش قلتين ؟
اماني : عن شنو ؟ وهي تنكر
حسن : ها يعني شنو
اماني : زواج منك ماكو
اهني امها قامت من الفشلة عاد تقول في وجهها : سود الله وجهش
حسن: ليش عااد ؟
اماني : انت الظاهر ناوي على روحك اقول قوم اطلع قبل لا يصيدك شي
حسن : اذا فيني شي غلط اقدر اصلحه بس انتي قولي شنو ؟
اماني : ما ابيك لانك فقير وتلوع جبدي كلما اشوفك زين
حسن : قام يطالع روحه ويقول : شلون يعني ؟ الفقير ماله رب النبي ايقول تزوجوا الفقراء يغنيكم الله والفقر مو عيب والله يسامحكم
اماني : شنو الله يسامحنا مسوي روحك طيب بعد اني ما امباك امي مالها خص ولفظ الجمع ما يصلح
بطلت له الباب : في امان الله ( مستانسة لأنها سوت اللي في بالها )
امها قامت تلومها : ليش سويتين جدي بالولد جاي يخطبش تطلعينه مجروح من البيت
اماني : مجروح يا مجرووووح الله يعينك يا مجروح الله ياخذك يامجرووووح
امها : بلا طنازة لكن الله بيراويج حوبة هالولد
اماني تضحك ودخلت حجرتها
بعد كم يوم اتصلوا يبون يخطبونها وطلع اللي يبي يخطبها غني واتفقوا على الموعد وتم الايجاب والقبول وجابوا شيخ وعقد عليهم
عاد استانست وقامت تستغر بروحها وتشوشه على امه ومرت 3 سنوات من غير ما تجيب اولاد وراحوا للدكتور وعرفوا انها عاقر اهني حزنت وقامت تحقد ومادري شتسوي واصلا حالتها تكسر الخاطر اهو قام يعاينها وقام يعني يسايرها وشاف ان الحياة وياها صعبه فتزوج عليها وجاب اولاد اما هي قامت تنكد عليه عيشته بس استحملها
وسلامتكم .. ويالله أبي ردود تشجعني
البنت وهي جالسة على سريرها تحلم:
ياريت هالحظ يحالفني لو مرة واتزوج غني على الاقل بنزحر من الصبح شي عدل مو اهني تمللنا من بطنة الشاي والبخصم ... صج حياة فقارى .
الام وهي تشتغل : على ويش تتحرطمين يا حظي دام هاذي خيابتش لا مدورة لش شغلة لا في البيت ولا بره بتعيشين حياة فقارى طووول عمرج ودام هاذي خيابتش يابوي لا تغسيل مواعين ولا خمام ولا طباخ منو يبغاش قومي انفعي روحج بدل هالاحلام الضايعة ..
أماني : باجر اذا جه خطبني براويش منهي اللي تشتغل .. وهي تطلع امها على صوب
الأم تسحب يد بنتها : قومي غسلي بلا خيابة حظ علينا
اماني : وين اتوفق وهالنحس وراي وراي ... تقصد الشغل ..
عقب ما خلصت الخمام انسمتت محلها وامها المسكينة قاعده تغسل الحوي : قومي بلا خيابة وخمي حجرتش هالعفيسة باجر اذا جه هالغني على قولتش وين بتقعدينه في زريبة الغنم اللي عندنا
اماني : لاتطنزين اما ها عمي وش خانته اذا مانفعنا الحين متى بينفعنا والله ويش خانة العموم اذا مانفعونا اكو بيتهم وش كبره قول يعزمنا عليه ... عاد هي حاطة في بالها الين جه يخطبها بتوديه بيت عمها علشان يقول هاذه بيت رزه
وبعد 3 ايام
اتصل أحد الخطاطيب وطلب يد اماني واتفقوا على الموعد :وفي الحوار:
حسون :الو
اماني : هلا من ؟
حسون: اهني بيت حجي مكي ؟
اماني : أي اطلب آمر
حسون: ممكن الوالده؟
اماني تنادي امها حق التلفون
ام اماني : هلو ويش تبغا ؟
حسون لو سمحتي انا ابغي اطلب ايد بنتكم وانشالله بنزوركم يوخ الخميس على بركة الله ها ويش قلتين حجية ؟
ام اماني:حياكم ياولدي زارتنا البركة
اماني: امايي ويش هست ويش يبغا فيش ؟
امها : قام حظش يا امنو هاذه واحد بيخطبش ( شكله يابوي حسون ولد ام حسن المنتف )
اتصلت اماني في عمها : الو هلا عمي
عمها: ها ويش تبين تراني كلش مشغول مالي زاغر حق خرابيطش
اماني :لا هالمرة مو خرابيط هالمرة واحد جاي يخطبني وماعندي الا انت ولي امري ( عسى الله ياخذك وتورث لينا شي من هالجنزة الخشوشة )عاد هو قال بيجي يوم الخميس تعال ها ؟
عمها:لا مشغول عندي بيزنس
اماني: (هاذه احنا ويه بيزنسه اللي مايخلص )انزين عاد عمي الله يطوةل في عمرك تعال ماعندنا الا انت بعد لو عندي غيرك ماجيت ليك
عمها : وبعد!!؟انزين بلا تصبيغ علينا باجي
اماني : توها بتقول انه لو يضيفه في بيتهم وصكاه في وجهها
امها : ها ويش قال عفر اشوفش متشققة؟
اماني : بيجي عمي
وجه يوم الخميس وجه عمهم انرز على الكراسي : جيبوا لي عصير يادافع البلا هاذي امنو مو مخلية صبغ مو حاطتنه في وجهها يللا دلفي جيبي عصير
اماني ( ماصارت كلوز وجحلة قالوا صبغ روح شوف مكياج بناتك عقب تعال اطنز علينا ككل وحده كأنها مهرج)
بدت الاوامر(الحين عاد ويش يسكته جان ما يفشلنا
وراحت تجيب العصير الا بطقت الجرس
اماني : جه الحظ
الام: حياكم حياكم زارتنا البركة
اماني راحت تلبس عباية
امها دخلت ليها الحجرة :يللا عاد يا امنو ما صارت عباية
اماني: انزين عاااد ما صارت هاي حالة حتى والناس يخطبوني تتحرطمين بتفتكين مني بتفتكيـــــــــــــــــــن
جت اماني وجابت العصير وعطته ام حسون وحسون وعهما استغربت يوم شافت حسون تذكرت ايام كن يلحق وراها في السكيك ويناديها : امووووووووون وهي تقوله : حسنوو يالمنتف تبيني انتفك عاد هي تقول في بالها :
مداه صار عاقل والله يصير سبحانه مغير الاحوال
ام حسن : شخبارش اماني ؟
اماني: زينة الحمدلله ( مادرينا هاذه بيجيني جان ماتعدلت )
ام حسن : احنا يا ام اماني جايين نخطب بنتكم اماني حق هالولد الزين الطيب
اماني تدور على صوب وتتكلم : هاذه الا منتف لا شاف الزين ولا شي يمكن بعد تغير سبحان الله وهي تطالع السقف
ام اماني : والله احنا ماعندنا مانع بس خلوا البنت تفكر
ام حسن : من حقكم وقاموا وسلموا وطلعوا
وبعد كم يوم جه واحد يبي يخطب اماني بس عاد هاذه غني بس الام عرفت الاصول وردته لأنه النبي قال ولا يخطب مسلم على خطبة اخيه عاد يوم درت اماني سوت الفزعه
راحت لامها المطبخ وقالت لها : انتين ماتبين الخير حقي
امها: ليش عاد يابتي كل واحد ما ياخذ الا نصيبه ماكو ام ماتبي الخير لبتها
اماني : الحين انتين رافضة الغني وتبين هالمنتف ياخذني ماصارت ولا قلنا بيتغير الحال اشوفه صار ازفت انجان هذا حظي ما بتغدى الا على لقمة عيش لا ودام ولا هم يحزنون فلحنا اقول
ام اماني : الارزاق بيد الله يا بتي ما يجوز تقبيلين بالثاني الله ما يرضى النبي قال لا يجوز ان يخطب المسلم على خطبة اخيه واحنا قلنا بنفكر على حسون
اماني : انتون قلتون مو اني منو قال ابيه اصلا وهلقرادة الحظ تلاحقني يعني مابيه وهي تصارخ
ام اماني : ويش بتقولين من عذر انتين بتجرحينه جدي مو زين يابتي خافي الله فيه
اماني: بقوله ما ابيك وما احلى الصراحة في السننا
امه: يللا بلا فجاهة
اماني : أي باقوله مابيك وخلاص ولين قام يحن بقوله مابي فقير ... مو كفاية الفقر اللي عايشتنه
امها : بس انتين تجرحينه بكلامش
اماني : انجرح ما انجرح في الطقاق عاد هو كلش ابو احساس هالمنتف عيل اعيش مع اغنياءولا اظل على حالي وهي تطالع امها كأنها تلومها
امها : لا تطالعيني مو اني اللي كاتبه لش هالحظ الله كاتب علينا وثاني شي اللي اتسوينه حرااااااااام
اماني : حرمت عليه عيشته ذوبتيني امااااااااااه غربلتيني بهالمنتف
بعد ساعات اتصلت ام حسن : ها ام اماني اشصار ؟
امها: خليه ولدش يجي بنخليها تقابله
عقب ما صكت التلفون قالت لعل وعسى يكسر خاطرها هالمنتف على قولتها
اماني زادت الطين بله وجه حسون وقعد مع امها وعقب جت اماني
اماني : ها اشوفك جاي وش صاير ؟
حسن: ها اماني شحوالش ؟
اماني : الله يشحولك زينة اني
حسن: ها ويش قلتين ؟
اماني : عن شنو ؟ وهي تنكر
حسن : ها يعني شنو
اماني : زواج منك ماكو
اهني امها قامت من الفشلة عاد تقول في وجهها : سود الله وجهش
حسن: ليش عااد ؟
اماني : انت الظاهر ناوي على روحك اقول قوم اطلع قبل لا يصيدك شي
حسن : اذا فيني شي غلط اقدر اصلحه بس انتي قولي شنو ؟
اماني : ما ابيك لانك فقير وتلوع جبدي كلما اشوفك زين
حسن : قام يطالع روحه ويقول : شلون يعني ؟ الفقير ماله رب النبي ايقول تزوجوا الفقراء يغنيكم الله والفقر مو عيب والله يسامحكم
اماني : شنو الله يسامحنا مسوي روحك طيب بعد اني ما امباك امي مالها خص ولفظ الجمع ما يصلح
بطلت له الباب : في امان الله ( مستانسة لأنها سوت اللي في بالها )
امها قامت تلومها : ليش سويتين جدي بالولد جاي يخطبش تطلعينه مجروح من البيت
اماني : مجروح يا مجرووووح الله يعينك يا مجروح الله ياخذك يامجرووووح
امها : بلا طنازة لكن الله بيراويج حوبة هالولد
اماني تضحك ودخلت حجرتها
بعد كم يوم اتصلوا يبون يخطبونها وطلع اللي يبي يخطبها غني واتفقوا على الموعد وتم الايجاب والقبول وجابوا شيخ وعقد عليهم
عاد استانست وقامت تستغر بروحها وتشوشه على امه ومرت 3 سنوات من غير ما تجيب اولاد وراحوا للدكتور وعرفوا انها عاقر اهني حزنت وقامت تحقد ومادري شتسوي واصلا حالتها تكسر الخاطر اهو قام يعاينها وقام يعني يسايرها وشاف ان الحياة وياها صعبه فتزوج عليها وجاب اولاد اما هي قامت تنكد عليه عيشته بس استحملها
وسلامتكم .. ويالله أبي ردود تشجعني