السلاآآم عليكم ورحمة الله وبركاته



موضوع عجبني وحبيت آناقشكم و اعرف ارآئكم فيه



كل شخص عنده ××بنت/ولد ×× عمه او خاله اوعم او خال



وكل عائله تختلف عن الأخرى .!



فيه عائلات عادي البنت تتكلم مع ولد خالها وتقعد معه وتسولف



ويمكن تتهاوش هي وياه على موضوع وهي متغطيه وملتزمه بالحجاب



وفيه ناس لا حتى لاسلام ولا كلام حتى في العيد او عند الأصــآبه آو المرض عيب تسلم آو تبارك .!



لأن يعتبر هذا قلت آدب ويمكن البنت لو سلمت
آو باركت قالوا إنهــآ جريئه وماتستحي .!



وفيه عوآئل وسط بس سلام والسؤال عن آخبارك فقط .!



طبعاً آنــآ آعرف وحده تقول انا مستحيل اتكلم
مع عيال آقاربي وجه لوجه .!
بس في المسنعفوا ,,, عادي .!



تقول نص إللي في المسن عيــــــآل خوآلي
وعيال عماني .!



بس إني آتكلم معهم وإحنـــــآ مع بعض في مجلس مستحيل .!



... ... ...



إنت/ إنتي من آي نوع .؟



يعني هل تمانع من الكلام مع بنات/اولاد آقارب آو لا .؟




_ آتمنى إني آشوف آرآئكم في الموضوع



ونبي كل الاعضاءالتفاعل والمشاركه معناويقولون رائيهم بصررراحه

ايه نعم انا ضد ان البنت تسولف مع ولد عمها او تسلم عليه مهما كان يبقى رجال ومو محرم لي ..
وبعدين والله الاسلام ما حلل الكلام الا مع المحارم الخوال العمام اوووما عيالهم كثري لي منها هع هع هع ..
على قولة جدتي (يا عيبااااااه)

بالنسبه لي انه الشيء عادي الانه اسلم واسأل عن أخباره وو حتى لو سولفت وياه بسولف وياه في سوالف حده
عاديه من الحياه يعني وبعد السوالف لها حدود مب في كل شي امم يعني مب سوالف مالت خرابيط. في ناس اقولون انه اهوه مب محرم
وو هو اكيد رجال و مهما كان هاذي من أهلي يعني مب غريب ويعني في رابط بينا نصير حق بعض ..
وهاذي وجه نظري^^..


ومشكوره اختي ع الموضوع
ويعطيك العافيه
وماننحرم...

انا ضد السوالف مع العيال سوى عيال عم او خال السلام ممكن غير كذه لالالا اصلا استحي ماقدر انطق كلمه فالسكوت احسن <<ههههههه

انا نفس كلام جوهي
وجوري..
ضد الكلام مع عيال العم والخال ولين تكلمت في السياره وبالياله
تطلع الكلمه لني مو نتعوده ..
وحلات البنت بحياها ..
ومو محرم اصلن لي فكثر الكلام له عواقب كبيره بعد..

ويسلمو على الموضوع..

ودي واح ـترامي..//

انا صرااحة مع جوهي وسكووونة

لانه بالدين مو حلال واهم شيء رضى الرحمن

مشكورة خيتووو على هيك طرح

بالنسبه لي انه الشي عادي لاانه اسلم واسال عنهم واحنا نفس اخوان
وهم اكبرمني بالعمر .............مشكوره خيوتي ع طرح حلو
يعطيج العافية

بالنسبة لي شي عادي بس يكون( بحدوووووووووووووود )

وكل واحد وله وجهة نظر تختلف


ويعطيج العافية ع الموضوع النآيس

ع ـين الرب ترع ـآج

انا رايي مايصير البنت تتكلم مع ولد عمها او خالها مهما كان يبقى رجال......

والبنت زينتها بحياها وصوتها المفروض مايطلع....

<<تتخيل نفسها داقه سالفه مع ولد عمها بتلقى نفسها ثاني يوم مكسره باقرب مستشفى خخخخخخخخخخ

مو شرط ياحبيبتي على كلامك مكسره من ثاني يوم يكون سوالف بس بحدود والله انتي قلتيها هي وجهة نظر والناس اذواق

مو شرط ياحبيبتي على كلامك مكسره من ثاني يوم يكون سوالف بس بحدود والله انتي قلتيها هي وجهة نظر والناس اذواق


غاليتي...

احترم رايج وماكتبت كان رايي فهذا مجتمعي لااستطيع انكار عاداته

وان كان لكل مجتمع عاداته..

عبرت عن رايي بكل صدق واريحيه ...

لا اعتقد باني الوحيده التي لدى مجتمعها هذه العاده

الا اذا كنت اعيش بالعصر الجاهلي ولا اعلم

تعلمنا منذ الصغر وضع حواجز بين البنات والاولاد حتى باللعب

وخطوط حمراء لايجوز تخطيها..

لا اتذكر الان متى اخر مره القيت السلام على احد ابناء عمي او خالي ربما قبل عشر سنوات

اتمنى ان لايكون مشاركتي وابداء رايي مصدر ازعاج لك..

تقبلي تحياتي