السلام عليكم ورحمة الله وبركاته
اليوم اقدم لكم مجآرآت الشاعر : هزاع البديري
مع الشاعر العلم والشاعر المميز : سعد بن جدلان
كما يعلم الجميع أن سعد بن جدلان شاعر علم وشاعر من العيار الثقيل وله طريقه خآصه في صيآغت مفرداته الشعريه .



ودنا بالطيب بس الدهر جحاد طيب=كل ما تخلص مع الناس كنك تغشها

يدك لامدت وفاء لاتحرى وش تجيب =كان جاتك سالمه حب يدك وخشها

كل ماشبيت نار المحبه مع حبيب =قام يسحل في مشاهيبها ويرشها

وكل ما واجهت لك فالزمن وجه غريب =مثل ماقال المثل دام تمشي مشها

وذمةٍ ماهيب تندار للحق المصيب =جعل قشاش الحطب لاسرح يقتشها



للشـــاعر سعــد بن جـــدلان




الله الوالي على كل مخلوقن رقيب= رازق فروخ الحباري وهي في عشها

والقدر مكتوب من دون شك ودون ريب=وعرف الي ينفخ النفس مسهل فشها

الزمن هذا مع الناس في وضعه عجيب= ناس يرفعها سماء بس ناس يطشها

لاتسوى طيب في شخص مردي النصيب= لو نهيته عن دروب الرذاله دشها

انتبه لا تامن النذل لو نه صحيب= معضم الأصحاب لقفيت يكثر حشها


لشاعر : هــــــزاع البديري

الله الله .. مجاااراه جميله اخوي ذعار .. وصح لسانكـ يا هزاع ..

مجآرات رآآآآئعة
أهنئك أخوي على ذائقتك وجميل إنتقائك
لاهنت ولاهان احساسك الجميل
لـ قلبك أنفآس الورد ..~

انتقاء جميل..اخوي
يعطيك العافيه