قالوا إن الشعر ديوان العرب وأهـل الخطابـة
والبلاغـة مـن زمـان وعاصمتهـا يعربيـة
يوم كان الشعر لأهل الحي سيـفٍ يعتـزا بـه
يوم كان الشاعر النابـغ وزيـر إعـلام حيـه
قالوا إن الشعر جبهـة تنفتـح قبـل المجابـه
يجلد الشاعر خصومـه بالحـروف اللوذعيـة
يوم كان الشعـر يحـي لابـة ويميـت لابـة
ناس عقب الموت تحيى به وناس تموت حيـة
قالوا إن الشعر بحر وقالوا إن الشعـر غابـه
قالوا إن الشعر شمس وقالوا إن الشعـر فيَـه
وأنا قلت اللـي يقولنـه صحيـح ولا غرابـة
بيت من سحر البيان يرجـع الكهلـة صبيـة
لكن الشي الغريب اللي عجزت أعرف جوابـه
شاعر بعمـر الشبـاب تشيبـه نظـرة بنيـة
قبل أعرفه كنت أشوف عيون خلق الله تشابـه
يوم شفته صرت أعرف إن العيون أخطر قضية
أنا كنت احسب حساب الحب واسمع عن عذابه
بس ما كنت احسب إن الحب واحـد والمنيـة
واسمع إن العالم نيوتـن لـه اسـمٍ يعتنابـه
سجل التاريخ لـه فضـل اكتشـاف الجاذبيـة
هالنيوتن لو يشـوف عيونهـا غيـر حسابـه
كان قال الجاذبية صـدق فـي عيـن ابدويـة
يوم صوبني كحيـل العيـن بعيونـه اصابـه
سحرهـا خلانـي أرجـع للعصـور الجاهليـة







ذيك لو تسبح فنهر النيـل قـال النيـل يابـه
ذيك لو عمـان تلمـح حسنهـا قالـت يبيـه
ذيك لو مجنون ليلـى شافهـا طـاب التهابـه
نظـرةٍ منهـا تنسيـه اسـم ليلـى العامريـة
وابتسامة ثغرها سيفٍ محـد يقـوى ضرابـه
تنثنـي دون ابتسامتهـا سيـوفٍ عنتـريـه
شعرها جيش الظلام اللي يهـز مـن التقابـه
كل خصلة فوق جبهتهـا تقـود أميـة سريـة
عنقهـا ماكنـه إلا وردةٍ فيـهـا انتصـابـه
جيدهـا مـع صدرهـا ماكنـه إلا مزهـريـة
بطنها الضامر ذبحه الجوع مدري وش غدابـه
فيه سحر السر سر السحـر قصـه سرمديـة
خصرها مثل الكتاب اللـي ولا واحـد قرابـه
فيه من بلوى عقـاب ووالـده نفـس البليـة
إن مشى ترف القدم لا واهنـي دربٍ مشابـه
الدروب اليـا مشـى قامـت تغنـي سامريـه
جيتله مثل السـؤال اللـي يـدور لـه إجابـه
قلت له واللي خلقك انـت القمـر ولا سميـه
قال لا صرت القمر وشلـون ترقـاه وتطابـه
قلت والله لو بغيـت أرقـاه وعيونـي قويـة
من كثر ماهو شغل عقلي فقد عقلـي صوابـه
لين صرت من الهبال امشي ونـا أدور عليـه
كلنا نخطي ولا عمر الخطـى يصبـح معابـه
المعابـه واحـدٍ غيـر النبـي مالـه خطيـة
أنا ماني شاعـرٍ هايـم يعيـش مـن الكتابـة
ماكتبت الشعر خوف ولا طلبـت بـه العطيـة
القلم رجـال حـر ولا يبـاع ويشتـرى بـه
والشعر تاريخ والتاريـخ مـا يوخـذ مطيـة
ألمعيٍ من رجـال ألمـع ولـي قـدر ومهابـة
من عسير العز قوم المرجلـه وأهـل الحميـة



لشـــــــــــــــآعـــــــــــــــر ســـلطــــان الألمـــعــــــي..

أنا ماني شاعـرٍ هايـم يعيـش مـن الكتابـة

ماكتبت الشعر خوف ولا طلبـت بـه العطيـة
القلم رجـال حـر ولا يبـاع ويشتـرى بـه

والشعر تاريخ والتاريـخ مـا يوخـذ مطيـة

اختيار جميل يا طبيعه في اختيارك ونسمة هواء الجبال العالية عطر الفل والياسمين شكرا لك

مرحبا فيك ..آخوي مداوي ..
كل الشكر لمرورك وتعليقك..
شرفت متصفحي..
لاعدمناك..

يشرفني تواجدكم ومروركم ..هــــنــآ
لاعدمناكم..

ابيآت رائعة
شموخ الآلمعية
سلمت أناملكِ على هيك آحسآس
لاخلا ولاعدم
ودي ..~

ابيات روووعة يسلمو يالغلا

شيهانة نورتي يا يابعدي ..
لاعدمنا مرورك العذب ..
ودي..

هلا يا هلا بهمس الغلا ..
الروعة فيك ومنك ..
نوررتي..

صح لسان القاايل وسلم بنانك يالغلااا

ابيااات ذوووووق وكلمات قمة بالرووعة

ماننحرم ابد ياارب

لك حبي ..

مرآآآآآآآآحب نعناعة ..الف شكر لمرورك الذوق يا ذوق ..
ما ننحرم من طلتك الحلوه ..
تسلميييييييين ياغلا ..