خلف تلك الزوايا وفي ركن بعيد جدا تتناثر الشموع هنا وهناك....
ومع كل موجة هواء تهب تضيئ تلك الشموع او ينطفى نورها....
تلك الشموع التي تفرح وتتالم وتحزن وتضحك وتعاني هي التي نعيش معها لفترة طويلة جدا بكل المشاعر الممتزجة فيها .....
حكاياهم واقعية ولكنها تتجسد في شخصيات خيالية نتابعها بكل مافينا سواء احببناهم او كرهناهم....
من جديد انا معكم ولااجلكم ايها الاعزاء......
ها انا اعود لكم مجددا مع مولودة جديدة....اختكم ملح الحياة.
************************************************** ************************************************** *********************************
البارت الاول,,,,
ياسمين/وين وصلنا؟
مشاعل/والله مدري...وش كنتي تقولين انتي اصلا؟
ياسمين مسوية معصبة/يا سلااااام يعني ماكنتي معي!!!
مشاعل وهي تنسدح على السرير/لاوالله ماكنت معك كنت اقولب فكرة براسي...
ياسمين/سمعتي يانوير وش تقول الاخت؟
مشاعل وهي تناظر بنورة اللي واقفة قبال النافذة/اسمه هاذي بعد وش عندك هناك...
ياسمين بغمز/تتطمن حبيب القلب رجع ولالسه؟
لفت لهم نورة وقالت بحدة/ياسمينوا ووجع!!!
مشاعل/هههههه
ياسمين/قولي الصدق يالله...
نورة بنرفزة وهي تجلس معهم على حافة السرير/الله ياخذه ويفكني من سيرته زين...
مشاعل/علامك انتي من تجي سيرته انقلبتي فوق تحت؟؟؟
***********************************خالد/اليوم مقدر....
وضحى بنرفزة/طبعا ماتقدر..
خالد بهدوء/انتي عارفة ان اليوم خواتي يتجمعون وانا ماابي اتخلف عن ها الجمعة؟
وضحى وهي تعدل كحلها/تتهنوا...
ساد الصمت لثواني بينهم.....
خالد بحنان/وضحى...
وضحى/..........
خالد بنفس الحنان/تعالي...
وضحى رمت الفرشة من يدها بقوة وتنهدت....
قام خالد من مكانه وجاها بسرعة وحوط كتوفها بيدينه وهمس باذنها/علامك يالغلا...
وضحى وهي مغمضة عيونها/ولاشي....
خالد باصرار/مايصير شوفي ها الكشرة اللي بوجهك وانتي تعرفين ان فيك شي...
وضحى بصرامة وهي تبي تقوم/قلت لك ولاشي اتركني خلاص...وبعدين انت مو عندك جمعة في بيت اهلك خلاص روح لاتتاْخر؟
خالد بهدوء/وضحى شفيك اذا على السوق تراه مابيطير لاتزعلين نفسك؟
وضحى بانفعال/ومن قال اني زعلانة اصلا!!
تنهد خالد وابتعد عنها وراح يلبس شماغه علشان يطلع...
وضحى بلا مبالاة/يمديك توصلني بيت اهلي ولابتتاْخر عن موعدك؟
ناظرها بدون مايتكلم..
وضحى بنفس الاسلوب/خلاص وصل الجواب لاتقعد تناظرني كذا بدق على اخوي يمرني...
خالد/وانتي ليش ماتجين معي بيت اهلي؟
وضحى/اليوم بالذات مالي خلق...
***********************************سعد/اقول جدتي...
قاطعته الجدة بصراخ/ووجعه ..قول يمه ليش تكبرني؟؟
مشعل/ليش انتي بعدك صغيرة ياجدتي؟
الجدة ام خالد/أي بعدني صغيرة وماحد له عندي شي...قول شبغيت؟
سعد/سلامتك.....كنت بسالك عن حياتك انتي والباشمهندس....
الجدة ام خالد/ومنو هذا بعد؟انا غير جدك ماعرفت بحياتي!!!
مشعل/قولي الصدق جدتي...
سعد وعجبته السالفة انهم يلعبون في الجدة مثل كل اسبوع/يالله تكلمي ولا بنعلم جدي عن الباشمهندس...
الجد ابو خالد من وراهم/منو هذا بعد اللي ماغسل وجهه؟
الجدة ام خالد بهمس/يويل حالي...
مشعل بهمس/يدك على ميتين ريال ونسحب السالفة؟
الجدة ام خالد/وين عصاي؟
سعد بنفس الهمس/يالله تكلمي بسرعة يا أي يا لا...
الجد ابو خالد/شفيكم.....
سعد/ولاشي نقول لجدتي تبي شي احنا قايمين..
مشعل بتهديد/احنا قايمين ياجدتي وش قلتي؟
***********************************

نواف حط بيالة الشاي بقوة وقال بذهول/منهي...
تركي بهدوء/نوف بنت عمي..
نواف/تصدق ماتوقعتها ابدا....
تركي وهو سرحان/اذوب فيها يانواف صدقني...
نواف/؟؟؟؟؟؟؟؟؟؟
تركي تنهد/يحمدون ربهم ان البنت لسه بخير وماماتت من نظراتي لها...
نواف/وش ها الحكي بعد؟
تركي/في قلبي نار تشب كل مايمر طاريها ..
نواف/أي...
تركي/شقولك بس يانواف خلها على الله..
نواف/من متى..لاتقولي من سكنت عندكم بالبيت كانت بعدها صغيرة ياتركي ماراح اصدقك؟
تركي/تصدق مدري من متى كل الي اعرفه ان كل يوم يزيد اللي بقلبي لها...
نواف/ومتى بتصارحها؟
تركي/والله مدري ياخوك خايف مووت...
نواف/من شنو؟
تركي/من اني اصارحها وتكون متعلقة بغيري...
نواف/واذا كانت متعلقة بغيرك وتفكر فيه المفروض انك تعرف ها الشي بدري علشان لاتتعلق اكثر واكثر..
تركي بزعل/واقطع قلبي اكثر اكثر.....
***********************************عبدالله/وحشتني سواليفك....
مشاعل من وراه/منو هذا اللي وحشتك سواليفه..؟
لف لها بسرعة ولقاها تضحك وابتسم لها..
عبدالله/وانتي دايم كذا تجين بدون محد يحس فيك؟
مشاعل بنفخة/هذا لاني ريشة..
عبدالله/عدال بس لاتطيرين...
مشاعل/لاتلف وتدور قول مني هاذي بنت الحلال اللي وحشتك؟
عبدالله بجدية/وليش ماهو ولد حلال؟
شهقت بقوة وفتحت عيونها على وسعها وضحك عليها...
عبدالله/شفيك انتي...كل شي تصدقينه...
مشاعل/انا ادري عنك...انت بعد...يااخي الدنيا خربانة خربانة...
عبدالله/شوف اللي ماتستحي انا اخوك ولد امك وابوك
غمزت له وقالت بتهديد/وبتقولي ياولد امي وابويمن تكون ها الحلوة اللي واحشتك؟
تنهد عبدالله وهو يناظر بجواله
مشاعل/يعني بتقولي منهي ها الغزالة اللي تناظر فيها وقلبك متشوق يبيها...
***********************************هذا كان البارت الاول لمولودتي الجديدة(كل يوم لك حال جديد..يوم قريب ويوم بعيد)
واتمنى انها تنال على اعجابكم ورضاكم...
وتعالوا نشوف الشخصيات...
الجد ابو خالد والجدة ام خالد...وبناتهم
1/ام تركي...(تركي/عبدالله/مرام/حصة/مشاعل)
2/ام سعد/(نورة/سعد/ريم)
3/(ام مشعل(مشعل/ياسمين)
4/خالد وزوجته وضحى بنت عمه...
بيت عمهم(نواف/وضحى/لؤلؤة)
بيت ام فارس(فارس/محمد/ريان/روان)
وكل شخصية بيجي عنها الكلام بالتفصيل من خلال البارتات

,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,,,,,,,,,,,,,,,,,,,,,,
البارت الثاني....
,,,,,,,,,,,,,,,,,,,,,,,,,,,,,,,,,,,,,
سعد/ها جدتي بتعطيني الميتين ريال ولاشلون؟
الجدة بحلطمة/ماعندي...
مشعل/اقول جدي ماتعرف منهو الباشمهندس اللي كنا نتكلم فيه..
قاطعته الجدة/اقول يابوحالد مافي بجيبك ميتين ريال..
سعد ومشعل كتموا ضحكاتهم...
الجد بوخالد/لمنو؟
الجدة/موصية العيال يجيبون لي غرض...
الجد/وش غرضه اللي ماعرفه...
الجدة بتلعثم/غرض..غرض وبس..
الجد/انتي يوم شيبتي خرفتي وقمتي تخبين علي!!!
سعد بهمس للجدة/يالله تكلمي ودافعي عن نفسك...
الجدة بقهر/قوم اقلب خشتك ولاتولايني شكلك الا بعد شهر كامل!!!
مشعل بتهديد/مو بكيفك اول تجيبين الفلوس ياجدتي ولابتروحين في علوم مع ها الشيبة المزيون..
الجدة بعصبية/استح هذا جدك...
الجد/انتوا شفيكم تتكلمون كذا ماتبوني اسمع...
سعد/اسال جدتي...
الجد/جدتك خلاص خرفت وقضت...
الجدة/ها..ها وش تقول يابو خالد؟؟؟
مشعل يهمس لسعد/شكلها راحت علينا وبتتفرغ له..
مشعل/لاوانا مشعل ماتروح,,,
(سعد ومشعل....اول ابطال المغامرات في روايتنا...بزارين متوسط على قولة اختي ههههه
عيال خالة وتلاقيهم نفس الهبال والتصرفات واللبس ومايختلفون الا بالشكل....همهم وشاغلهم الوحيد انهم يسوون مقالب في جدهم وجدتهم...)
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,
ام تركي/ماتقولي انت من متى ماشفتك؟
خالد بضحكة/من الخميس اللي فات...
ياسمين/هههههه
خالد/انتي انطقي انا واختي انتي شكوا...
ياسمين/وانا شقلت عاد؟
ام سعد/الا وين وضحى ماجت معك ياخوي...
خالد/صاحبتها بتمرها تبي منها كم ثوب مدري وش قالت...
نورة/حدد ياخالي منهي اللي تبي من الثانية كم ثوب؟
خالد/افا..انا مرتي ماتلبس من عند احد اكيد صاحبتها اللي تبيهم...
مشاعل/أي عاد احنا صدقناك...
خالد مسوي معصب/ها..منهي ذي اللي تتكلم عن مرتي..حرم الاستاذ خالد العتيبي؟
مشاعل/وحدة...
خالد/ادري فيها وحدة ماهم ثنتين واشوف جنبها دلة ياترى وش فيها...
نورة/لاتستظرف عاد ياخالي اكيد مو بيبسي بالدلة؟
مشاعل/ههههههه
ياسمين/حليب بالشوكلاته..
خالد/وليش ماتعزمون..
ام سعد/مابغيت الا اكرم الخلق يعزمونك هذولا لو تنقلب انت قدامهم شي يناكل اكلوك من زمان...
خالد/ههه...امي وابوي وينهم؟
ام مشعل/مع مشعل وسعد...
ام تركي/الله يهداهم بس..احنا جايين لهم وهم مقابلين ها البزارين..
خالد/خل اقوم الحق عليهم قبل لاتقوم داحس والغبراء...لان ها الاربعة مايجتمعون....
(خالد...الولد الوحيد بعد ثلاث بنات وها الشيم انقص منه بالعكس زاده شهامة ومرجلة وخلاه رجال ينشد فيه الضهر...
عمره واحد وثلاثين سنة...متزوج من وضحى بنت عمه حسب رغبة ابوه وحبوا بعض بعد زواجهم بس حياتهم يوم روقان وعشرة هواااش....
اسمراني وحبوب وفيه شبه كبير بعبد الله ولد اخته..حبوب مع الكل وخصوصا البنات اللي شغلتهم بس يناقرون في بعض).,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,
لؤلؤة/وضيحي تراك مصختيها....
وضحى/انتي ماتوقفين معي ابدا دايم الدوم معاه..
لؤلؤة/لاني مو شايفته غلطان
وضحى/لامو غلطان ياقلبي بس اقوله ابي اروح السوق يقولي جمعة اهلي!!
لؤلؤة/ووين الغلط؟
وضحى بعصبية/سكتي واللي يعافيك...
لؤلؤة/مشكلتي عارفة انك على علاقة حلوة ببيت عمي ولابقول ان هم السبب؟
وضحى/لامو هم السبب انا احبهم وهم يحبوني ..
لؤلؤة/طيب وين المشكلة؟
وضحى/ماف مشكلة...
لؤلؤة/تراك بتجنين الرجال معك....
وضحى/ياسلااام....
لؤلؤة/انتي عارفة ان اليوم جمعة بيت عمي وكل اسبوع تروحين معه وانا اكون هناك بعد في معظم الاحيان ليش ها الاسبوع غيرتي وتتبين السوق؟
وضحى/والله مدري بس طقت فيني روحة السوق من قعدت من النوم شسوي بالله؟
لؤلؤة/اه منك انتي وزوجك معك بجد مافي مثلكم ابدا!!يوم حبايب وتنحسدون على علاقتكم ويوم عدوان وتدورون المشاكل من تحت الارض؟؟؟
(وضحى/البنت الكبيرة بعد نواف وتجي بعدها لؤلؤة..بس بالتفكير والعقل لؤلؤة متقدمة على وضحى بمراحل....ماهي بذاك الجمال الاسطوري اللي يمتلكونه الكثيرين بس جمالها واضح بعيونها ورقتها وطيبتها مع الكل ومع خالد في بعض الاحيان..مشكلتها دايم متعقدة من شي اسمه زواج ودايم تحس بان علاقتها بخالد بتنتهي باي لحظة فتخرب على نفسها وسعادتها بهواشها الدايم معاه وهذا يرجع لاامها واخوها نواف ..
لؤلؤة/البنت الاعقل والاركد مافي بينها وبين اختها أي تشابه لابالتفكير ولابالشكل....تدرس مع نورة بنفس الجامعة)
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,

بعد الساعة عشر ونص دخلت مشاعل غرفتها بالبيت مسوية نفسها زعلانة على نوف اللي من شافتها تركت الاب توب وابتسمت ومشاعل ماهي عاطية وجه..
نوف بتشاؤم/افا ليه الكشرة الكبيرة هاذي...
مشاعل/وراك مادة البوز علينا ياحلوة...
شالت عبايتها وقعدت على سريرها وقامت نوف ومسكت كتفها وسندت راسها عليه وضحكت/ياقلبي فرفشي ترى بجد ماتنطاقين وانتي مكشرة..
مشاعل/قومي ذلفي عني!!
نوف/ ههههه
مشاعل/لاتحاولين تكلميني...
تنهدت نوف وقالت بزعل/ماعليه ميشو بجد ماكنت طايقة اروح ها الاسبوع وحسيتا ني متضايقة...
مشاعل/الشلة زعلانين عليك...
نوف/براضيهم...
مشاعل وحتى خالاتي يوم شافوك ماجيتي زعلوا عليك...
نوف/الاسبوع الجاي باذن الله براضيهم اذا رحت بس انتي روقي...
مشاعل/بالله ماتقولين لي وش استفدتي انتي يوم قابلتي ابوي..
نوف/ياسلاام ترى ماارضى على عمي انا...
مشاعل/مقدر عليك ولاعلى عمك انا...
نوف بدلع/شيشو...
مشاعل/خلاص سكتنا انطمينا بس بجد بجد نورة وياسمين زعلانين عليك...
نوف/اللحين بقوم اراضيهم
مشاعل/هذا اللي انتي شاطرة فيه بتقومين تراضينهم مااخذنا منك حكي غير...
(مشاعل..ترتيبها بالعيلة البنت الثانية من ناحية البنات ومن ناحية الاولاد يكون ترتيبها الرابعة..سمارها عجيب وعيونها عسلية فاتحة بسنة اولى جامعة. ...
شخصيتها مزيج بين الحساسية والارهاف بالمشاعر وبين الانطواء والهدوء والكتمان ولكل شخصية ظروف بتمر فيها شلتها اقرب شي لها....
نوف/بنت اخو ابو تركي..انتقلت للسكن معهم بعد ماتوفى ابوها وامها بحادث وهي عمرها ثلاثة عشر سنة تبدلت مشاعرها من الحساسية والدلع الى الهيبة والشخصية الجادة بعد الفترة الصعبة اللي عاشتهاوبعد تخلي اخوها سعود عنها تدرس هي وياسمين بنفس الجامعة ثقلها وهيبتها اول شي يلفتون لها تحب عبدالله ولد عمها ومحد يدري عن ها الشي وتركي اخوه يحبها وهي ماتدري عنه علاقتها بكل عيال عمها حلوة وحتى خالاتهم ماعدا حصة الكبيرة واللي ماتواطنها ومرام اللي علاقتها معها نص ونص),,,,,,,,,,,,,,,,,,,,,,,,,,,,,,,,,,,,,,,,,,,,,, ,,,
في سيارة خالد...
خالد/أي سوق تبين تروحين..
وضحة بسخرية/ صباح الليل تسوقت وشبعت في بيت اهلي!!!
بحنية قال لها/ياعمري تدرين ان جمعتنا بالنسبة لي مهمة ومقدر اتخلى عنها ..
وضحة/والمطلوب مني؟؟
خالد/هذا احنا رايحين السوق ماصار شي...
وضحى/خالد السوق سكرت اذا ماتدري؟؟
خالدعمري ماعليهما...
قاطعته بسرعة/راسي يعورني وابي انام؟؟؟
تنهد خالد وسكت ثواني بعدها قال بفرفشة مصحوبة برومنسية/تبين تنامين..اكيد وحشتك يالغلا؟؟؟
بصرامة قالت/الود ودي نمت عند اهلي,,,
خالد/افا بس افا...
وسوى روحه زعلان عليها وهي ماشالت همه ولفت عنه للنافذة وبعد فترة صمت قال لها بشوية زعل وهو يجر يدها ويمسكها/ولاتفكرين تراضيني بعد!!
وضحى بدون نفس/مازعلت احد علشان اراضيه؟
خالد/اه منك ومن ثقلك بس علشاني احبك تتغلين علي!!
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,
الساعة وحدة ونص في غرفة عبدالله...
دق تلفونه وفز له بلهفة من سمع ها النغمة الخاصة بحبيبته وشاله والرنة الثانية حتى ماكملت وبلهفة وشوق قال/الو..
عبير برواق/مرحبا...
بشوق مصحوب بعتب كبير قال لها/وينك انتي؟
عبير/موجودة..
عبدالله وهو بعده زعلان/كم مكالمة وكم مسج وصلوك مني اليوم؟
عبير/ماعليش ياقلبي كنت مشغولة..
بلوم قال لها/طول اليوم عاد؟
عبير/كانوا اهلي حواليني ..
عبدالله بنفس العتب/وماقدرتي تنفردين بنفسك دقيقة وحدة وتقولين لي انا مشغولة؟
عبير بلامبالاة/ماتوقعت ان عدم ردي عليك بيضايقك؟
عبدالله/قولي قسم؟
بانفعال قالت/الظاهر منت رايق ..وقت اللي تروق دق لي انا مااحب اتكلم معك كذا..يالله باي...
تنهد بقوة بعد ماسكرت السماعة خوفه واهتمامه فيها دايما مايلاقون من حضرة جنابها أي قبول ولامبالاة ويطلع بالنهاية هو الغلطان..وش الصرفة معك ياعبير بس,,,,,
(عبدالله....الابن الثاني لعيلة بو تركي...
عمره 26 سنة...اسمر وعيونه سودة فيه وسامة وجاذبية بس مو كثر اخوه اللي هيبته تطغي عليه..فيه شبه قريب من خاله خالد...اللي يميزه اكثر شي رومنسيته وهدوئه...يحب عبير بنت جيرانهم اللي ماهي مقدرة حبه لها وتغب عنه بالايام ويظل هو يحاتيها ومايدري عن حب نوف له)
,,,,,,,,,,,,,,,,,,,,,,,,,,,,,,,,,,,,,,,,,,,,,,,,
سعد/تصدقين الليلة هبلنا في جدتي انا ومشعل,,,
وهي مشغولة بكمبيوترها قالت له/ومن متى وانتوا تاركينها بحالها اصلا!!!انتوا دايم تهبلون فيها وفي ذاك الشيبة اللي معها؟
سعد/ههههههه حلوة كلمة شيبة عجبتني من قلب....
نورة بدون مترفع راسها/وش سويتوا فيها الليلة بعد؟
سعد/لك خلق تسمعي...
نورة/أي...
سعد/زين رفعي راسك شوي عن ها الكمبيوتر؟
نورة/لاتحاف انا معك.....قول وش سويتوا؟

,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,

************************************************** **********
البارت الثالث,,,
,,,,,,,,,,,,,,,,,,,,,,,,,,,,,,,
سعد/سمعي السالفة يابنت الناس............................................. .................................................. ........
نورة رفعت راسها/وش سوت فيكم بعدين؟
سعد بفخر/طبعا اضطرت تعطينا الميتين ريال على بالها انها بتكون تهدي في الوضع شوي...
نورة/وانتوا طبعا ماهديتوا الوضع؟
سعد/طبعا لا...اخذنا الميتين ورحنا لجدي وقلنا له ان الباشمهندس هذا هو السباك اللي كان بالبيت قبل شهرين يصلح بالبيت
نورة/وصدقكم؟؟؟
سعد بفرح/طبعا واخذنا منه هو بعد ميتين ريال علشان نقل المعلومات اللي تصير من وراه...
نورة/لاياشيخ ماهو صاحي جدي يصدقكم...
سعد/هههههه
سعد/تركناه بعدين يتفاهم مع جدتي بروحهم وطلعنا ونظرات جدتي التهديدية ورانا..
نورة وهي تهز راسها وترجع لكمبيوترها/جيل صدق ينخاف منكم..
سعد/بس ربحنا 400 ريال في لحظات...
نورة/انا لومنها ذبحتكم...
سعد/اذا قدرت توصل لنا خل تورينا شطارتها...
نورة بجدية/اقول ياشيخ تراها جدتك فلا تنسى....(بنفس عمر الشلة وتدرس هي ولؤلؤة بنت عمهم بنفس الجامعة ونفس القسم...طويلة وبيضة..ملامحها حلوة بس تلاقيها دايم زعلانة ومتضايقة لانهم محيرينها لفارس ولد الجيران من الصغر وينتظرونه يرجع وياخذها وهي رافضة ها الطريقة بالزواج ومن تجي سيرة فارس تنقلب فوق تحت)
*************************************
ياسمين وهي تحط لها مناكير/وفيت وماتوقعت الخيانة...وقلت اللي يكفيني حنانه....
دق جنبها جوال وشاله مشعل بسرعة/الو...هلا نواف...
طاحت غرشة المناكير من يدها وتكسرت على السراميك وتلطخ المناكير بالارض...
ماسمعت الا صوت صراخ مشعل عليها بعد ماسكر/شفيك انتي؟
رفعت راسها وقالت بغباء/ها...ولاشي..
مشعل يقلدها/ها ولاشي...اجل وش ها الحوسة اللي سويتينها من ساعة...
طالعت بالمناكير اللي قبالها وقالت وهي سرحانة بنواف/ها...ولاشي...
قامت بسرعة تنظف الفوضى اللي سببتها بمجرد سمعت اسمه ينطري قدامها..بس يا ترى ليش نواف متصل؟؟؟وش يبي؟؟؟
مشعل/ياسمين....
رفعت راسها بهدوء بدون ماتقول/هذا تركي ناسي جواله هنا اليوم ونواف كان داق عليه....
**********************************/****تركي/وراك مانمتي انتي؟
لفت له مرام اللي كانت تمشي بالصالة بدون هدف وشافته توه داخل وقالت له/لنفس السبب اللي اللي مخليك سهران..
تركي/لاوالله؟
بضحكة قالت له/أي والله...
تركي/روحي نامي ولايكثر...
مرام/مافيني نوم والله..
تركي/والحل؟
مرام بترجي/اقعد اسهر معي..
تركي/أي مو هذا اللي ناقصني...
مرام/شفيها..
تركي/البنات ناموا..
مرام/ماابي..
تركي/وش اللي ماتبينه..
مرام/ماابي اسهر معهم...
سكت شوي وشرد شويبعدها قال/شلونك مع نوف يامرام
بدون نفس قالت/عادي...
تركي بهيبة/شلون يعني عادي؟
بضيق قالت/يعني عادي...
جلس على الكنبة اللي صادفته وقال/تعالي اجلسي ...
حست انها بتتوهق معه على سالفة نوف/مو قلت بتنام وماتبي تسهر معي؟
بصرامة قال لها/غيرت رايي ..تعالي اجلسي...
(تركي/الولد الكبير لعيلة العتيبياسمر وطول بعرض وشعره اسود فاحم وناعم..وعيونه حادة..مشتهر بهيبته ومع الاقلية القليلة بطيبته..
عمره 30 سنة ماكمل جامعته واشتغل بعد الثانوية علطول..اقرب صديق له نواف وهو الوحيد اللي داري عن حبه لنوف)
مرام/البنت الصغيرة بعيلتهم بثاني ثانوي..وعلاقتها بنوف مشوشة بمعظم الاحيان وهذا راجع للاخت الكبيرة حصة اللي حاطة في بالها ان نوف دخيلة وانها تبي كل شي لها وبتاخذ امها وابوها منهم)

[color="black"]لؤلؤة/مين كنت تكلم؟
نواف/داق على جوال تركي وطلع ناسيه في بيت جده...
لؤلؤة/امم..
نواف/اختك كانت هنا...
لؤلؤة/أي..
نواف/وشفيها ماراحت عند بيت عمي؟
لؤلؤة/كالعادة سوء تفاهم مع خالد..
نواف بضيق/هاذي شفيها؟
لؤلؤة/لاتسالني اسالها هي..
نواف/والله ان خالد ولد عمي ذهب ومافي مثله...
لؤلؤة/مشكلتها عارفة ها الشي,,,
نواف/وليش ها المرة بعد متزاعلاين
لؤلؤة/مثل كل مرة حجة جديدة..
نواف/لؤلؤة كلميها ترى اللي تسويه يفشل...
لؤلؤة/تعبت منها يانواف....قلت لها بالاخير بيعوفك وبيروح لغيرك اذا ظل حالكم كذا....
تنهد نواف وسكت....
(نواف,,ولد اخو ابو خالد جدهم...وهو الاخو الكبير وبعده بنتين وشال مسؤليتهم من صغرهم بعد ماتوفى ابوه وتزوجت امه واحد ثاني وتزوج وطلق زوجته بعد اربعة شهور لانهم مااتفقوا ومحيرين له ياسمين وهو مايبيها لانه خايف من الارتباط من جديد ودايم ياجل بالموضوع وخايف يقول مايبيها لايزعل عليه عمه ابو خالد اللي هو جد ياسمين ودايم اذا التقى معها يسم بدنها بكم كلمة.بعمر تركي ومعه بنفس الشركة..)
**************************************اول ماسكرت على نفسها باب الغرفة تنهدت بقوة وربطت اسمه باتصاله....
كذا صح نواف داق على جوال تركي اللي كان ناسيه ولاليش بيدق يعني!!!!!
اه منك يانواف...لو تدري انت وش مسوي بحياتي وكيف معذبني كان اكيد رق قلبك يالقاسي...!!!
دمعت عيونها منه ومن طاريه وكل مامسحت دمعة رجع ينزل لها شلال دموع بداله..
طاح ثقلها على الارض وضمت ركبها وقامت تشاهق من بين دموعها وذكرى نواف وجرحه يزيدون في عذابها لاسيما انه يعذبها على مراى من الكل والكل ساكت وراضي...الله يرحمك يايبى لو كنت عايش اكيد ماكنت بترضى بمذلتي؟؟؟(طبعا مع البنات بسنة اولى جامعة ابوها متوفي وساكنين عند جدها...همها بها العالم نواف اللي حيروهم لبعض وبيوم اللي المفروض تكون فيه ملكتهم اجل نواف الموضوع وفهمت منه انه مايبيها ...
جسمها حلو وشعرها قطعة وحدة سودة ولون بشرتها ابيض وعيونها ضيقة وصغيرة (عيون شرق اسيا يعني) حساسة مووت وكتومة ماتحب احد يتدخل بمشاكلها...
**************************************اول مااصبح الصباح عند الجد والجدة نسوا هواشهم البارحة والمقلب اللي سووه فيهم عيالهم اللي هذا حالهم كل ماتجمعواوابتدوا يومهم بصباحية جديدة وهوشة جديدة بينهم بدون تدخلات من احد...
الجدة ام خالد برواق/تبي قهوة؟
الجدابو خالد بدون نفس/والله بكيفك؟؟؟
الجدة ام خالد/بسم الله وانا شقلت؟
الجد ابو خلد بصراخ/قد سمعتي احد ياكل ها الرطب بدون قهوة؟
الجدة ام خالد بعناد/أي سمعت...
لجد ابو خالد بتحدي/منو؟
الجدة ام خالد بعناد/سمعت وبس مو لازم تعرف؟
الجد ابو خالد/صبي وبس وانتي ساكتة..
مشعل بصوت نايم/صباح الخير...
الجد/صباح النور...
الجدة ام خالد/غريبة صاحي بدري واليوم الخميس مو من عوايدك...
مشعل بدون نفس/غصبا عني مو بكيفي...
الجد /ليش ان شاءالله..
مشعل/بروح مع اختي المطعم بتتغذى مع صاحباتها وامي مستحيل تخليها تروح بروحها....
الجدة/أي بس الساعة توها عشر منو ياكل ها الحزة؟
مشعل/وعلى مااروق اول مااقعد يبي لي ثلاث ساعات..
الجد/حشى شيطان مو بشر؟؟؟
مشعل بنرفزة/ويبوني اروق بسرعة وانا مقابل ها الوجوه السمحة؟
الجدة/من تقصد...

بنرفزة قال/بدينا بالتحقيقي وكانهم مايدرون من اقصد!!!!
**************************************خالد برقة/وضحى..وضحى..صباح النور...
فتحت عيونها اللي كانت مسوية فيها نايمةوقالت ببرود/صباح الخير...
خالد بنشاط/يالله حبي عندك نص ساعة تجهزين فيها...
وضحى /خير ان شاءالله...وش عندك؟
خالد/انتي مو قايلة امس تبين السوق..
وضحى/وبعدين؟
خالد/عاد انا قلت مدامك تبين السوق خل نطلع البحرين تتسوقين ونتمشى..ونطلع من بدري لايزدحم علينا الجسر...
وضحى وهي تعدل مخدتها/اولا.. البحرين اسواقهم مو حلوة!!ثانيا..مين قال اني بروح البحرين!!ثالثا..انا مااحب اطلع الصباح واخرب نومي!!رابعا..انت قررت وماعطيتني خبر..خامسا..انا ماابي اروح السوق خلاص؟


**************************************

البارت الرابع,,,,
,,,,,,,,,,,,,,,,,,,,,,,,,,,,,,,,,,,
فتح خالد عيونه على وسعها وقال بسرعة فيها عتاب كبير/هذا وانا قاعد ادور رضاك ؟؟؟
رفعت الغطاء عليها وعطته ضهرها وقالت بلامبالاة/محد قال لك تدور رضاي؟؟؟
خالد بقهر/كذا يعني؟
وضحى/أيحىوا لك بغيره /ليش وقال
خالد/وهذا اخر كلام عندك؟
وضحى/ليش قالوا لك كل شوي بغيره؟
سكت شوي ينتظرها تغير رايها
خالد/وضحى....
بنام ياخالد/قالتها بدون نفس...
تنهد تنهيدة طويلة بعدها قام واخذ شماغه وقال لها وهو طالع طيب براحتك....انا رايح بروحي!!!
,,,,,,,,,,,,,,,,,,,,,,,,,,,,,,,,,,,,,,
في مطعم ابو نواس بالدمام....
نوف/والله ماتسوى علي اني ماجيتكم البارحة اغذيكم اليوم على حسابي؟؟
ياسمين ببرود وهي سرحانة/تستاهلين؟
مشاعل انتبهت/وانتي شفيك بعد؟
ياسمين بعد تنهيدة/ولاشي...
نوف/لا..باين انه في شي....
ياسمين/صدقوني مافي شي...
نوف/شوفوا يااخوات انتي معها شسالفتكم؟
نورة/انا بقولكم ليش الاخت داقة بوز..
مشاعل/ليه؟
نورة وهي تناظر بياسمين المتضايقة/اكيد السالفة فيها نواف؟
تنهدت ياسمين بقوة بعد مانطقت نورة باسمه..
نوف باهتمام/ليه شايفته امس؟
ياسمين/لا..بس كان داق على جوال تركي اللي كان ناسيه ببيتنا...
نوف/وكلمتيه؟
مشاعل/وخير يعني مااظن لهدرجة اسمه منرفز...
ياسمين/لا..واسمه منرفزونص بعد زين؟؟
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,
بعيدا عن صخب الشرقية وفي ذاك المجمع الكبير بدبي...
كان فارس جالس في الكوفي شوب...وهو يتصفح جريدة اليوم واخبارها ومن بين الاخبار كان خبر عن المنطقة الشرقية والخبر كان عن الدمام...وابتسم لاشعوريا وهو يتذكر الدمام واهلها..امه تقول ان نورة كبرت وحلوت كثير..اصلا كل اسبوع تشوفها فيه تكون احلى من اللي قبله...
ياليت بس لو عنده خوات كبار يشوفونها ويوصفونها له علشان يحلم فيها براحته كل ليلة بس حسافة كل اللي تقوله امه ان نورة كبرت وحلوت وشد حيلك وارجع علشان نفرح فيكم مع بعض....
(فارس...ولد الجيران ..محيرين له نورة من الصغر...عمره ثلاثين سنة,,دارس هندسة معمارية بدبي وفتح له مكتب استشارات هناك...الكبير بين ثلاث خوان وبنت صغيرة)
,,,,,,,,,,,,,,,,,,,,,,,,,,,,,,,,,,,,,,,,
بعد ماسكر خالد باب الغرفة وهو طالع جلست وضحى تتحلطم بينها وبين نفسها وهي مضايقة نفسها بنفسها..
وفي قمة ضيقها تذكرت كلام خالد وبالضبط اخر كلمة قالها (براحتك انا رايح بروحي)شنو يعني رايح بروحه؟؟؟يسويها خالد ويروح ماعنده مانع؟؟؟ياربي وش سويت انا بنفسي؟؟؟كله مني انا يعني لازم ازودها كم حبة معه علشان روحة سوق ماتسوى؟؟؟ اووف ياربي..
ناظرت بالساعة اللي جنبها..
يالله صار له قريب النص ساعة من طلع اكيد اللحين وصل...بس شلون اتاِكد..مالي غيرنواف..بس استحي اساله مالي غير اقول للؤلؤة وهي تعرف لي بطريقتها؟
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,
على جسر البحرين...
كان خالد شارد بذهنه وماانتبه على السيارة اللي كانت جنبه وتزمر له وهي في الخط الثاني لين دق جواله وشاله بدون مايقرا الاسم..
خالد بدون نفس/الو هلا..
عبد الله/هلاوغلا..
خالد/هلا..
عبدالله/ياشيخ انت لاتشوف ولاتسمع؟
خالد/كيف؟؟
عبدالله/ماتسمعني وانا ازمر لك صار لي ساعة؟
خالد/وين تزمر لي؟؟
عبدالله/لف على يمينك وشوف؟
لف خالد بسرعة ولقىعبدالله رافع يده يسلم عليه وباليد الثانية يكلمه بالجوال..
خالد/انت وش جايبك؟
عبدالله/وانت وش جايبك بدون المدام؟؟
خالد بضيق/كنا جايين مع بعض بس هي غيرت رايها باخر اللحظات وعيت تجي؟
عبدالله/وانتوا هاذي حالتكم يوم هواش ويوم مدري وشو؟
خالد بتنهيدة/خلها على الله...الا انت وش تسوي هنا بروحك يالعزابي؟
عبدالله/افا شنو شايفني بزر؟



خالد/اجل يالعاقل خلك وراي وخاويني...
عبدالله مسوي انه متضايق/اوووف وش ها الرقابة ياخالي..
خالد مسوي نفسه جاد/وراي وماابي اسمع لك همسة وحدة سمعتني!!
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,
مشاعل/ابي لزانيا بعد؟
نورة/انتي ماتشبعين خلاص بنقوم خلصنا اكلنا..
ياسمين/مشاعل افة وجايبينها مطعم ماتقوم غير لمى تجرب جميع الانواع؟
نوف/والمشكلة مايبين عليها اللي تاكله؟
مشاعل/صلوا على محمد...وبعدين الاكل على حساب بنت عمي ربي يخليها هي اللي عازمتنا..
نوف تغمز بعيونها لنورة وياسمين/أي..الله يخلي عمي ابو تركي عساني منحرم منه..
مشاعل سوت نفسها بتغص وقامت تكحك من كذب/اجل العزيمة من فلوس ابوي يالنصابة.؟
نورة ونوف وياسمين/ههههههه
,,,,,,,,,,,,,,,,,,,,,,,,,,,,,,,,,,,,,,,,
ام خالد/اقول بو خالد شقاعد تسوي بروحك هنا؟
الجد بو خالد طفى التلفزيون بسرعة...
بتشكيك قالت/انتش قاعد تناظر؟
الجد/ولاشي....
الجدة ام خالد/وخر خل اشوف شنو هذا؟قولي يمكن شي يعجبني واشوفه معك؟
الجد ابو خالد/انتي ليش نحيسة ياحرمة..
الجدة ام خالد/اكيد تشاهد شي مو زين ولا ليش خايف كنك بزر؟
الجد ابو خالد/روحي من وجهي لاتفلت اعصابي مني,,,
الجدة ام خالد/وش بتسوي يعني اذا فلتت اعصابك منك..بتطلقني!!ماتقدر خالد والبنات بيوقفون في وجهك وبيقولون حرام عليك يايبى امنا يتيمة ومسكينة ولاتطلقها علشانا اذا طلقتها وين تروح؟
الجد ابو خالد/يعني دارية ماهو علشانك ؟
الجدة ام حالد/لاتضيع السالفة وخل اشوف وش تشاهد؟
الجد ابو خالد مسوي نفسه جاد/اعتقد لي خصوصاياتي ياحرمة ولازم تتدخلين فيها!!
الجدة بصراخ/لاياعيوني...مو يوم شيبت سويت لي فيها خصوصايات ومدري شنو؟
ام مشعل دخلت الغرفة/شفيكم؟شصاير؟صراخكم واصل للشارع؟
الجدة ام خالد/سئلي ابوك؟
الجد ابو خالد/اسئلي امك؟
ام مشعل/لاحول....وسالفتنا كل يوم كذا؟
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,


قراة ممتعة للجميع

ووالبارت الخامس,,,,,
************************************************** *************
رشت لها بختين عطر ورى اذنها ولبست وكشخت,,,,شافت شكلها في المرايا وتاْكدت من انها في المستوى المطلوب للصلح,,
طفت انوار الغرفة وتركت نور الاباجورة اللي جنبها شغال وجلست على اللسرير وتسندت عليه وناظرت بالساعة وهي ترهف بسمعها تنتظر جيته ودخوله باي لحظة,,
قبل ثواني بس دق لها نواف وقال لها ان خالد رجع الدمام وكاهو قريب من البيت يوم اتصلت فيه تساله متى بيجي خالد اذا عنده خبر,,,
اتجهت عيونها لباب الغرفة بعد ما سمعت صوت باب الشقة يتسكر..عدلت قعدتها وسوت روحها تحوس بجوالها...
دخل خالد وماسلم شال شماغه ورماه باهمال فوق الكرسي وشال جزمته وجلس جنبها بدون مايتكلم وقام يناظرها ,,
رمت جوالها جنبها ورفعت راسها بشويش له وقاموا يناظرون في بعض لثواني لين ابتسمت له وابتسم لها مباشرة...
وضحى مسوية انها تغار وقاعدة تضحك/لسه بدري ليش مانمت في البحرين بعد؟كذا توها الناس رجعتك بعدها الساعة وحدة وربع..
خالد بدفاع/والله الجسر زحمة؟
وضحى/أي صدقتك عاد...
خالد/دقي على عبدالله سئليه اذا مو مصدقتني؟
وضحى/اشوف قول بسرعة حلوين البنات اللي شفتهم؟
خالد حط راسه على ركبتها وقال بعد تصفير/اوه ه ه ه حلوين وبس..اسكتي بس اسكتي..
وضحى بتهديد/ها خالد...بدينا!!ترى بتنطرد الليلة من الشقة؟
خالد/يامعوذة امزح معك شفيك انتي وانا تملي عيني غيرك بها العالم..
وضحى/أي صدقتك عاد..
خالد برومنسية/اهون عليك تنوميني البارح زعلان يالغلا,,,
وضحى وهي تحوس بشعره/لاياقلبي ماتهون بس اعتبره حادث عرضي...خالد انا احبك ...
***********************************صباح اليوم اللي بعده في بيت الجد,,,,
مشعل/اقول جدي..شخبار تماظر؟
الجدة ام خالد/حلو حلو وانا اقول الشايب وراه سالفة ومصيبة!!!
الجد ابو خالد/شايب بعينك وانت ياالخسيس ماتدور تتكلم الا قدامها؟
مشعل بثقة/عاد المفروض انها ماتحاسبك لو عرفت انت رجال وشايل عيبك؟
شهقت الجدة بقوة/تلعب بذيلك يالشيبة؟
الجد رمى عليها نعله واحد ورى الثاني/ماتستحين انتي تقولين ها الكلام,,,
مشعل وهو كاتم ضحكته/افا عليك ياجدتي معقولة الشك ماكلك كذا,,يبى تماظر هاذي الله يسلمك تصير زوجة ابو سندريلا ام درية ونفيسة
الجدة/منو هذولا بعد اللي ماغسلوا وجوههم؟
الجد/محد ماغسل وجهه غيرك ياحرمة..اقول مشعل قوم لاتتاخر عن مدرستك يبى؟
***********************************اليوم قعدت وفي بالها حمود ورهف عيال سعود,,,
اشتاقت لهم حيل من زمان ودها تشوفهم وكل ماتدق على سعود دايم يقول مشغول ولامايرد عليها ,,
تنهدت بقوة وقامت وقفت قبال النافذة حتى الجامعة اليوم طنشت ماراحت من مروا بطاريهم في بالها,,,,
غريب ها الاخو..ماكاْني اخته من امه وابوه؟؟ما كاْني الوحيدة اللي بقيت من اهله؟؟ليش العلاقة بينا وصلت كذا؟؟
ما المفروض اكون ساكنة معه وفي بيته مهما كانت الظروف المحيطة فيه؟؟؟الظاهر مو سعود الغريب غريبة ها الدنيا بعد؟؟؟
معقولة في قلوب كذا,,,,
تنهدت بقوة اكبر من كل القهر اللي هي قاعدة تخفيه بصدرها وتنهدت بقوة اكبر يوم انفتح باب الغرفة لانها عرفت من اللي جاي,,,


نواف سكر السماعة وهو يتاْفف..
تركي/علامك؟.
نواف/هاذي لؤلؤة تقول ان عمي اتصل من الصباح يقولها ان انا وهي معزومين عندهم اليوم نتغذى وانها نست تقولي الصباح؟
تركي/وليش ها الكشرة عاد؟
نواف تنهد/انا ماابي سالفة ارتباطي فيها تقصر ابيها تطول بكل مافيها؟
تركي/وين ماتروح لو تلف العالم بتاخذها يعني بتاخذها بعد ليش ها الحوسة؟
نواف/والله لو ماعمي ها الشيبة بالسالفة كان هانت بس شسوي؟
تركي/انت وش اللي رافضه بالضبط؟
نواف/انا ارتبطت مرة ياتركي وماصارت اربعة شهور الا واحنا متطلقين؟
تركي/ذيك شواذ عن القاعدة ماهي اساس...
نواف/فكرة اني ارتبط من الاساس شلتها عن بالي وماابيها ياتركي....
تركي/وما ممكن تكون ها البنت غير وتغير لك ها النظرة؟
نواف بشماتة/مالقيت عاد الا بنت خالتك تكون غير,,لايبى انا البنات اللي فيهم شبه من شرق اسيا مايغيروني ولايهزوني بعد!!!
***********************************الجدة ام خالد/يعني تبي تصرف الولد علشان لايفضحك ويقولي شلي تفكر فيه؟
الجد ابو خالد/يبى تدرين شلون موتي قهر هاذي تماظر عليها طول تقولين نخلة!!!
الجدة بقرف/وعععععع شها التشبيه عاد!!!
الجد ابو خالد/الطول عز يامرة مو مثلك مابين رجلك وراسك فاصل؟؟؟
الجدة ام خالد/وش تقصد يالشيبة اني قزمة امشي على الارض؟
الجد ابو خالد/لا ماقصدت..
الجدة ام خالد باصرار/الا قصدت..
الجد ابو خالد/ماقصدت..
الجدة ام خالد باصرار/الا قصدت..
الجد ابو خالد/يابنت الحلال ماقصدت اللي قصدته انك مثل كرتون حق البسكويت اللي شريناه ذاك اليوم؟؟؟
ام مشعل/يبى...
الجد/نعم يبى..
الجدة /سمعتي ابوك شيقول؟
الجد بثقة/ماعليك من امك يبى قولي شبغيتي؟
ام مشعل بتنهيدة/يبى بغيت اطلب منك شي؟
الجدة بصراخ/تطلبين منه شي؟؟هذا بدل ماتحاسبينه على اللي قاله فيني وفي حقي!!
الجد/قولي يبى بس فلوس ماعندي اذا لعيالك المجانين!!!
***********************************لفت مشاعل على ياسمين اللي سكرت جوالها وهي ميتة من القهر,,,
مشاعل/علامك؟
ياسمين بعصبية/هاذي امي تقولي رجعي بدري اليوم نواف ولؤلؤة غذاهم عندنا؟
مشاعل/اوووف...وش جايبه هذا بعد؟
ياسمين/من غير ها الشياب بعد هو وزوجته!!
مشاعل/ههههه تقصدني جدي وجدتي؟
ياسمين وهي تناظر بالارض/وفي غيرهم...
مشاعل/لاتعصبين بتمشي طبيعي؟
ياسمين تنهدت وهي بعدها مارفعت راسها عن الارض/مع نواف مااظن,,,,ماتمشي معه الامور طبيعي ابدا,,
مشاعل/انتي لاتفكرين بالسالفة كثير وتشيلين هم من اللحين لين تشوفينه,,,,
ياسمين/ابي افهم ليش لازم يذلوني ها المذلة ليش؟؟؟
***********************************كانت عارفة ان اللي جاي مو عيال عمها والاكيد انها حصة لان محد غيرها يدخل بدون استئذان فما تحركت من مكانها,,,,
حصة بصوت عالي/ماتتلحلحين تلبسين لك شيلة على راسك يمكن يكون واحد من عيال عمك داخل ولاانتي بايعتها!!
نوف بحدة/عيال عمي راعيين ذوق ومرجلة ومايدخلون الغرفة قبل مايدقون بابها؟
حصة بقهر/شتقصدين؟
نوف بلا مبالاة/ولاشي,,,
حصة/ليش ان شاءالله مارحتي جامعتك اليوم ولاالدنيا سايبة عندك؟
نوف/مالي خلق؟
حصة/ياسلاااام؟؟ان شاءللله كل يوم بتسوين لنا افلام هنود ومالك خلق وزعلانة وتبكين ومدري ايش؟سمعي,,تراك كبرتي على ها الكلام يابابا...
نوف بضيق/شها الكلام ياحصة؟
حصة/هاذي الحقيقة ولاعلى بالك ان العالم اللي حوالينك ساكتين وعاجبهم ترى محد منهم متحمل ها الدلع فصيري بنت عاقلة ابرك لنا ولك؟
طلعت من الغرفة وتركت نوف بروحها تداري دموعها لاتطيح من عينها وشهقاتها لايطلعون من صدرها,,رغم انها قايلة انها كلام حصة بتطنشه وما راح تتركه ياْثر فيها بس ماتقدر على السم اللي يجيها منها,,,
************************************وضحى برواق/مشاء الله اليوم مافي دوام؟
خالد وهو بعده على الفراش يتمغط يمين وشمال/وش لي بالدوام اليوم بعد سهرة البارحة؟
وضحى حطت راسها على المخدة وتمددت هي بعد/أي والله على قولتك وش لنا..
خالد/اقول يابنت العم قومي بسك نوم وطبخي لنا لقمة ناكلها تراني ميت جوع؟
وضح/ياسلاااام انا ميتة نعس اذا انت ميت جوع؟
خالد/قومي بس قومي خلص الدلع خلاص اللحين وقت الجد؟
وضحى برجاء/خالد,,اطلب من مطعم انا نعسانة وابي انام جنبك؟
خالد والجوع لاعب فيه/قومي بس قومي !!وش له ها الخساير بعد ونطلب من المطاعم؟وش فايدة ان الرجال يتزوج؟
وضحى قامت وهي تتاْف/بدينا بالمحاضرات,,,قمت خلاص سكر اذاعتك ياولد ابوك؟
خالد/أي خلك كذا ..واول ماتخلصين تعالي صحيني انا بنام لي شوي,,,
************************************************** *******************

,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,
البارت الخامس,,,,
,,,,,,,,,,,,,,,,,,,,,,,,,,,
الجد ابو خالد/وش تسوين انتي؟
ياسمين/وش تبي ياجدي؟
الجد/روحي سلمي على ولد عمك؟
ياسمين/أي ولد عم!!!
الجد ابو خالد/أي واحد يعني؟؟نواف طبعا,,,
ياسمين بقهر/مو ولد عمي!!
الجد ابو حالد/اجل وش يصير لك يالعاقلة؟
ياسمين/ولد عم امي وولد اخوك؟
الجد ابو خالد بعد تفكير/أي صحيح...
ياسمين/طيب لؤلؤة معه؟
الجد ابو خالد/لا عند امك وجدتك بالمطبخ؟
ياسمين/جدي والله مالها داعي اسلم عليه؟
الجد ابو خالد/لا لازم تسلمين..هذا ولد عمك وبعد كم يوم بيصير زوجك؟
ياسمين...ياليت ها اليوم مايجي ياجدي ياليت..قالتها بصمت وحسرة مكبوتين داخلها ولبست عبايتها,,,

**************************************جابت له الاكل على الفراش وهي تارسة الصينية شموع وحركات وحطتها على جنبه وراحت تصحيه برقة/خالد..خالد يالله الاكل جاهز يالله حبيبي قوم..
خالد وهو يتمغط/يالله قمت..
وضحى/يالله ياعمري..
خالدوهو يعتدل بقعدته ويشوف الصينية/اوه ه ه اليوم الغذى ملكي!!!جاي لحد عندي بالفراش؟
وضحى وهي تحط الصينية بينها وبينه/ومو هذا كل شي؟
خالد/ليش في شي ثاني بعد؟
وضحى/طبعا في....اني ااْكلك بيديني..
خالد/لا السالفة كذا خطيرة؟
وضحى/شفت اني مدلعتك وانت مو حاس؟
خالد/ياعمري ترى اذا قصرت معك بشي مو بيديني سامحيني...
وضحى/مايجي منك قصور يالغالي صدقني مايجي...
خالد/يابعد عمري انتي,,,
وضحى/تسلم لي ياقلبي...
خالد/اقول خلاص عاد بسك غزل وخليني اكل ميت جوع؟
وضحى/هههههه اهم شي الكرشة؟
/خالد وهو يحوس بالصينية/وضيح,,ادري فيك سويتي لي عصير طبيعي وتعبتي نفسك بس تدرين فيني الكبسة ماتمشي معي الا مع بيبسي شيلي عصيرك وجيبيلي بيبسي...
وضحى/انا اقول خسارة التعب فيك بس مين يصدقني؟
خالد/هههههه
**************************************تركي/حصة جاية تتغذى معنا اليوم؟
حصة/من زمان ماشفتكم قلت اجي اتغذى معكم...
عبدالله/تسلمين يااختي...بشري انتي كيفك وكيف عيالك؟
تركي/الا صدق وينهم مالهم صوت ومو هاذي عادتهم؟
حصة/عند امي بالمطبخ...يالله انا رايحة اساعدها في تجهيز الاكل مو تتاْخرون؟
قاموا ثنينهم وركبوا وهم على الدرج همس عبدالله لتركي/اليوم صار سوء تفاهم بين حصة ونوف؟
تركي مسوي نفسه مو مبالي وهو بيتقطع على مايعرف/ليه؟
عبدالله/مدري بس نوف اليوم ماراحت الجامعة؟
تركي/ليش ماراحت؟
عبدالله/ماعندي خبر بس وانا طالع من غرفتي الصباح لقيت حصة عند باب نوف وانا على الدرج سمعتها تغسل شراعها,,,
تركي/وماقلت لها شي؟
عبدالله/لا..بنات ومو حلوة اكون بوسطهم لاتنسى ان حصة تفهم الشي على كيفها وخصوصا اذا السالفة فيها نوف...
ظل تركي واقف عند باب غرفته لثواني بعد ماراح عبدالله غرفته وهو متردد يدخل ولا يروح لنوف يشوفها ورغبته بشوفة نوف طغت عليه ومالقى نفسه الا قبال جناحها هي ومشاعل ويدق الباب(ابو تركي مسوي لهم جناح خاص فيه حمام ومطبخ وصالة استقبال علشان نوف تاخذ راحتها بما انها تتحجب عن عيال عمها وتظل دايم بعبايتها وهم موجودين)بعد فترة جاه صوتها واللي مبين عليه انه كان يبكي وهي تقول ينتظر شوي..
نوف/هلا تركي...
تركي رفع راسه وشاف عيونها الثابتة وفيها لمحات حزن,,,
تركي/هلا فيك....
نوف/.....
تركي/......
نوف/في شي ياتركي؟
تركي/وراك مارحتي الجامعة اليوم؟
نوف/ولاشي بس مالي خلق...
تركي/نوف ودك تروحين البحر اليوم...
ناظرته وابتسمت بمرارة وقالت بهمس/ياليت والله بكون شاكرة لك من قلبي...
تركي بلهفة ماانتبهت لها/خلاص اجل بعد الصلاة بنروح انا وانتي ومشاعل......واللحين انزلي تغذي..
نوف/مو مشتهية والله؟
تركي/مو ملزم عليك تنزلين ادري بيرجعون ينادونك بعد شوي,,,
مشى عنها وراح لغرفته وتفكيره فيها اكيد فيها شي مكدرها لاني واحد من ضمن الناس اللي يدرون عن نوف اذا تضايقت تحب تروح البحر.......
*************************************

مشت لصوب مجلس الرجال وهي تقدم رجل وتاْخر الثانية حاسة انها سلعة قاعدة تنباع غصب لنواف اللي مايبيها ومو راضي فيها....
تنهدت بقوة وهي ماسكة دلة القهوة وتعدل غطاها الثقيل عليها وتدق الباب وتدخل....
رغم انها حاسة نفسها بتموت من ها الغطاء الثقيل اللي عليها بس يوم دخلت وماشافت جدها تاْزمت نفسيا...سلمت بهمس وماسمعت حتى صوت نفسها...
تقدمت لعند الطاولة وحطت الدلة فوقها وقبل لاترفع راسها قال نواف بشماتة/اكيد انتي ياسمين؟
وقفت مكانها وماتكلمت..
نواف/تدرين كيف عرفت..؟
ياسمين/.........
نواف/من قلة ذوقك!!! ولاحتى تسلمين؟
تنهدت ياسمين بقوة وسمعها نواف وقال بشماتة/وبعد تتاْففين؟
ياسمين بارتباك وصوت واطي مقهور منه/مو قصدي بس انا سلمت بس ماسمعتني..
نواف بلا مبالاة/مو مهم سلامك؟مين طابخ الاكل اليوم؟
ياسمين/وش ها السؤال الغريب؟اكيد امي مين يعني؟
نواف/وليش ماطبختيه انتي!!!
ياسمين بقهر/عندي جامعة؟وتوني رادة منها؟
نواف/ولاماتعرفين؟
ماردت عليها ومشت لعند الباب وهو يقول بصوت عالي/مشاءالله قمة الذوق ها البنت !!!ماتنلامين مارباك رجال وعلمك السنع!!!
**************************************في المطبخ,,,
الجدة شالت الصحن اللي قبال مشعل وقالت بقهر/مافي تاكل؟
مشعل/جدتي جوعان توني راد من المدرسة؟
الجدة/قلت لك مافي اكل....
لؤلؤة/مرة عمي حرام عليك خله ياكل؟
الجدة ام خالد/لالالا لازم يتاْدب عن افعاله الشينة اللي يسويها فيني!!
ام مشعل/مشعل وش مسوي في جدتك بعد!!
مشعل/شسويت يمه ولاشي؟
الجدة /ولاشي ها؟؟انا اعلمك..قوم قدامي...
سحبت مشعل من يده ومشته وراها وتنهدت ام مشعل
ام مشعل/هذا حالهم يابنت عمي طول الوقت...هواش وصيحة؟
لؤلؤة/ههههه الله يخليهم لبعض ان شاءالله
ام مشعل/انا ربي مو راضي عني يابنت عمي ولا..
قاطعتها لؤلؤة/لا ياام مشعل وش ها الحكي عاد!!الا ياسمين وينها ؟
ام مشعل بتنهيدة/تبدل ثيابها وبتجي...
**************************************عند غرفة مشعل..
مشعل/جدتي شتبين؟
الجدة ام خالد/ادخل غرفتك؟
مشعل/ليه؟؟
الجدة/ادخل وبنتفاهم داخل؟
مشعل/اووفففف جدتي هذا وقت تفاهم عاد؟
الجدة/لاتطولها وهي قصيرة عاد ادخل يالله؟
دخل مشعل وهو يتحلطم عليها وبس دخل سكرت وراه الباب وقفلته بالمفتاح من برى الغرفة,,
مشعل وهو يطق الباب/هيه انتي فتحي الباب ليش قافلته؟
الجدة بانتصار/اقعد خيس بغرفتك اليوم مافي اكل علشا تعرف ان الله حق وماتعلم جدك على تماظر وغيرها؟؟
مشعل بعصبية وصراخ/بلاهبال علي ياجدتي تماظر فلم كرتون تحاسبيني عليه؟
الجدة/ايييه...انت مابتعقل الا اذا تاْدبت ومااكلت شي....طالع على جدك اهم شي بطنكم....
مشعل وهو يصارخ ويدق الباب بالقوة/ياعالم احد يلومني فيها لو ذبحتها؟هاذي جدة هاذي؟؟هاذي علة اللهم ياكافي!!!
******************************************في غرفة مشاعل..
نوف/قومي بس قومي مافي تشبكين اللحين؟
مشاعل/ليه؟
نوف/قلت لك تركي المغرب بيودينا البحر؟
مشاعل/المغرب مو اللحين؟
نوف/وانتي لازم تنامين لانك لو مانمتي بتخربين علينا الطلعة باخلاقك التجارية اللي بتجين فيها؟
مشاعل/هههه لابس شوي وبقوم؟
نوف/لاشوي ولاشويات قومي خمدي نامي...ماابي الطلعة تخترب بسبتك..
مشاعل/قمت..قمت...
نوف/أي خلك كذا شاطرة وتسمعين الكلام؟
مشاعل/نوف..
نوف/هلا..
مشاعل/صاير شي اليوم؟
نوف وهي تبعد عن نظرات مشاعل/شي مثل شنو؟
مشاعل/مدري بس حاسة روحتنا البحر مو جاية من فراغ؟؟خصوصا ان حصة هنا؟
تنهدت نوف وماقالت شي....
مشاعل بحنان/مو قلنا بنطش كل شي.....
نوف بضيق/قلنا....بس ساعات..مانقدر يامشاعل؟
نورة/كلمة كلمة مو فاهمة لك شي؟
ياسمين وهي تبكي/وش يقصد بكلامه يعني!!!
نورة/ياسمين والله مو فاهمة عليك شي...
ياسمين/الشره مو عليه يانورة....الشرهة على اللي بايعيني له برخيص؟
نورة/وش ماقال احقري..لاتعطينه فوق حجمه؟
ياسمين/انا مو طايقة نفسي يانورة...
نورة/روحي نزلي عندهم ولاكان صاير شي؟
ياسمين/انا سلمت...اقسم لك اني سلمت عليه بس هو ماسمعني!!!
نورة/بالناقص فيه!!!لاتقهرين حالك علشانه ونزلي عيب لؤلؤة تنتظرك اكيد لاتحسسينها بشي؟
************************************************** ***

البارت السادس,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,
ياسمين/اقول نورة هذا مشعل معي على الخط اكيد بيقولي انهم يبوني انزل بشوفه وبعدين بدق لك؟
نورة/ضروري تتصلين...ترى مابنام اليوم الا اذا تطمنت عليك وسمعت اخبارك؟
ياسمين/طيب يالله باي.......الو هلا مشعل..
مشعل على الخط بضيق/أي هلا.
ياسمين/شفيك؟
مشعل/جدتي قافلة علي الغرفة ياياسمين؟
ياسمين/ليه!!!
مشعل/تقول بتاْدبني لاني خليت جدي يشوف تماضر اللي بسندريلا!!!بذمتك هاذي جدة هاذي؟
ابتسمت ياسمين رغم الالم اللي فيها وقالت بمرح/ياولد الحلال شوفتها وتغار عليه!!
مشعل بنرفزة/أي تغار عليه انتي بعد!!!شيبة منتف ؟؟؟
ياسمين /من قال لك عاد!!جدي عنده خير بس محد يدري؟
مشعل/يصبرون علي اذا مالهفته كله!!بس مو وقته تعالي يابنت الحلال طلعيني ميت جوع...
ياسمين/يالله بجي بشوف شسالفتها,,,
**************************************ابو تركي على سفرة الغذى/نوف وينها؟
مرام/نامت هي ومشاعل,,,
حصة/عارفين الوقت وقت اكل بعد ليش ها العناد بعد!!
تركي بحزم/اقول حصة...مو كاْنك كبرتي على سوالف البزارين ؟
سكتت حصة ..
ام تركي/تركي..شها الحكي يمه....وش قالت اختك؟
تركي بنفس الحزم/هي عارفة وش قالت لنوف اليوم؟
ابو تركي بعصبية/انتي قايلة شي لبنت عمك ياحصيص؟
حصة انخطف لونها وظلت ساكتة...
ام تركي/يايمه حرام عليك البنت يتيمة ومالها غيرنا..
ابو تركي بحزم نفس حزم ولده/بنتي ماهي يتيمة؟؟؟نوف انا ابوها واللي يزعلها بكلمة وحدة ماهو شايف خير من وراي سامعتني!!!
حصة بقهر/مشاءالله لحقت تتصل فيك وتعلمك بعد ياتركي؟؟ليش..
قاطعها عبدالله بهدوء قبل لاتكبر السالفة بينها وبين تركي/انا كنت طالع لدوامي الصباح يوم شفتك واقفة قبال غرفتها تكلمينها ...وبعدين كان صوتك عالي والكل سمعه؟وقلت لتركي.....
حصة/وصايرين ثنينكم محامين لها بعد!!!
تركي بصراخ/اعقلي يابنت...وش ها الحكي؟
حصة بقهر/يعني مو كفاية اخذت ابوي وامي صوبها حتى انت واخوك؟وش ظل لنا ان شاءالله؟
ابو تركي بهدوء/حصة قومي عن سفرة الاكل مانبي نشوف وجهك!!روحي اكلي بالمطبخ مع عيالك....
ساد الهدوء المكان ومحد قال شي لان ابو تركي كلمته ماتنرد ابدا..وقامت حصة وهي بالعة غصتها وفشلتها وتتوعد في نويف اللي مسوية حاجز بينها وبينهم,,,,
سعد/شلون يعني؟
مشعل بنرفزة/يعني جدتي صارت تسوي سوالف تقهر؟اجل تحبسني بغرفتي كني بزر عندها؟
سعد/هاذي مراهقة لاتشيل في بالك؟
مشعل/اللحين لازم نسوي شي رفع ضغطها ويرميها طريحة الفراش؟
سعد/يبيلها شي قوي مو مجرد دعبات خفيفة مثل اللي نسويها..
مشعل/الليلة مالازم ننام الا واحنا عاصرين مخنا ومطلعين فكرة جهنمية؟
سعد/انا اقول مو لازم نستعجل علشان لانطلع أي فكرة لازم نجيب شي حلو..
مشعل/اجل بنتظارك وبنتظار اتصالك واذا قدرت تجي ونفكر تفكير جماعي بعد يكون احسن انا اللحين بروح ارفع ضغطها بكم شغلة بسيطة خفايف على قولتهم؟
*****************************
المغرب على البحر,,,,,

**,,,,,,,, ,,,,,,,,,,,,,,,,
مشاعل/مااجمل ان يكون الهواء عليلا في هذا الوقت امام البحر؟
تركي/مشاعل واللي يسلم عمرك اتركي الفصحى لااهلها؟
نوف/هههههه..
تركي/بذمتك نوف اللحين مو ترفع الضغط وهي تتكلم كذا!!
مشاعل بثقة/طبعا لا...
تركي/قومي بس اشتريلي موكا..
مشاعل/اوووف من ستار بكس؟بعيد؟
تركي/وين اللي بعيد كاهو ورانا بكم خطوة؟
مشاعل/ماتخاف عليّ؟
تركي/لامااخاف عليك بس اخلصي واشتريلي...يلعبون لعب بعدين يقولون ماتخاف علينا....
مشاعل/وعلى الحساب بعد!!
تركي/أي.....
بعد ماقامت مشاعل,,,,
تركي/هاذي مشاعل وقامت ..
نوف/واذا؟
تركي/انا مصر اعرف اللي مزعلك؟
تنهدت نوف تنهيدة طويلةوقالت بالم/تركي انت قد حسيت انك مو مرغوب فيك؟
تركي بنرفزة/ماعليك من حصيص هاذي سفيهة؟
نوف/لاياتركي حصة مالها شغل,,,
تركي/,,,,,,,,,,,,,
نوف بنفس الالم/جرحي ماهو منها,,
تركي/سعود؟
نوف ماقالت شي بس مسحت دمعة بطرف عينها..
تركي/تتوقعين لو كنتي قاعدة عند سعود بتكونين مرتاحة؟
نوف/لا اكيد....بس على الاقل بيكون جرحي اهون ...والله اشتقت لعياله...ودي اشوفهم من زمان...تعرف متى اخر مرة شفته ياتركي هو وعياله؟بالعيد اللي فات!!صرنا اغراب ياتركي ومانشوف بعض الا بالعيد؟ياليته يرد عليّ اذا دقيت له ويقولي أي شي بدل مايتركني كذا ماادري وش فيه ولا شنو عنده ولا اللي صاير فيه!!!
تركي/نوف سعود اخوك من يوم يومه قليل اصل مع الكل..ماالمفروض انك تزعلين منه ابذا!!
نوف بقهر/انا اخته ياتركي!!انا بذمته بعد وفاة امي وابوي؟؟انت متصور كيف اعيش مع بيت عمي وعيال عمي كباروبيت اخوي مفتوح للقاصي والداني من اهل مرته!!!صحيح انكم مثل اخواني وحجابي عنكم مو حاط بينا أي حواجز بس يظل هو اخوي اللي معي من نفس البطن؟
مايدري ليش سكت لحظتها..هل هي صعبت عليه السالفة بكلمتها (انتوا مثل اخواني)ولاهو كبر الكلمة وهي ماتسوى؟؟؟؟شوف الايام وش تقول ياتركي لاتستعجل؟
*************************************
خالد/وش برنامجنا اليوم؟
وضحى وهي تغسل يدينها/ولاشي..ماعندي شي محدد...
خالد/ماتبين نطلع؟
وضحى/بكيفك....
خالد/خلاص بعد مانسبح نطلع...اي مجمع تبين تروحين؟
وضحى/مدري ...بس الضهران حلو...
خالد/لالالا خليها الراشد؟
وضحى/وليش الراشد يعني؟
خالد/لانك تطولين بالمحلات...على ماانتي تتسوقين انا اروح ارقم لي كم وحدة؟
وضحى/لاوالله!!
خالد بثقة/اجل اقعد فاضي كذا انتظرك؟
وضحى/طيب......
واخذت كاس وملته موية وفوق راس خالد اللي قعد يضحك....
وضحى/يالله روح رقمهم كذا بها الشكل؟
خالد بضحكة/لاتحاولين بكل الاشكال وسيم وبنظرة مني ينذبحون....
وضحى/عدال ياتوم كروز...
خالد/تعالي اليوم السبت,,,
وضحى/أي,,,
خالد/اجل مافيها طلعة...انا مواعد الشباب اليوم؟
وضحى بقهر/اووووف..خالد توك تقول بتطلع معي!!!
خالد/والله نسيت ان اليوم السبت...معليش بكرة....
**************************************الجدة ام خالد/نواف ماقال شي عن سالفة العرس اليوم؟
الجد ابو خالد/ولاكلمة؟
ام مشعل/شلون يعني؟تظل البنت معلقة..
الجد ابو خالد/ياسمين مالها غير نواف ولد عمها يا تاخذه يا على قبرها..
ام مشعل/اسم الله على بنيتي الله يحفظ شبابها يايبى...
الجد/وانا شقلت؟
الجدة/زين انت ماقلت له؟
الجد ابو خالد/مو قايل له يمكن ماعنده فلوس ويطلب مني انا ماابي اعطي احد!!!
الجدة/أي لاتعطي احد خلهم لي علشان اورثك انا بعد ماتموت؟
الجد/المفروض تموتين انتي قبلي لان الحريم يموتون قبل؟
ام مشعل سكتت هي تحاتي هم بنتها وامها وابوها بشي ثاني,,
ياسمين بروحها كانت تمسح دموعها وهي ورى الباب تسمع كلامهم وراحت تفتح الباب اول ماسمعت الجرس ,,,
فتحت باب الصالة علشان تطلع للباب الخارجي وشهقت يوم لقت نواف واقف قبالها وبيده اغراض جايبهم معه,,
نواف/حلو حلو...طالعة كذا تفتحين الباب؟؟؟ليش مشعل مو هنا ؟الشغالة مو هنا ؟ولاانتي تعودتي على الفل بدون حسيب ولارقيب؟
صدمتها بوجوده قبالها وهي كذا بدون عباية ماكانت كبر صدمتها بكلامه!!!
هذا وش مفكرها؟؟؟؟
نواف بصراخ/اكلمك انتي بلا سرحان ومسوية لي فيها مستحية!!!
رفعت راسها مع كلمته وقالت له بحدة/اطلع برى!!!اصلا انت مو رجال وش لك تدخل للصالة بدون لااحم ولادستور وتقوم تعطينا خبر انك جاي!!ولامفكرها وكالة بدون بواب يااستاذ؟اطلع برى؟
ماتدري كيف سكرت الباب بوجهه بقوة وكيف راحت غرفتها وقفلت عليها الباب علشان لااحد يدري وش سوت ولاشنو قالت لها النواف؟
***********************************

[color="black"]في سيارة تركي,,,
نوف/تركي ..
تركي بهدوء/هلا...
نوف/وش فيك؟صار لك مدة وانت ساكت؟
مشاعل/ماظنتي ان احنا غصبنا عليك تجيبنه ؟
تركي بهدوء/لاولاشي....بس كذا...تذكرت شي..
نوف بابتسامة/طيب قول..مو توك كنت تسولف معي ومع مشاعل وغصبت علينا نقولك وسولفنا معك...صار دورك يالله تكلم..
مشاعل/لاتخاف سرك في بير بس مو اكيد؟
نوف/ههههه لابجد تركي قول وش فيك؟
تركي/بس تذكرت واحد من الربع اليوم كان يقولي انه....
نوف/شفيه؟
مشاعل/لاتتكلم بكلمات متقاطعة؟
تركي/هو بس يبي يعرف..والله مدري شقول خلوها لغير وقت..
اسكتوا ثنتينهم احتراما لسكوته...وظل هو شارد بفكره..اذا كانت نوف تعتبره مثل اخوها فهل في يوم من الايام بتوافق تاخذه؟؟؟ولاها الشي مستحيل؟؟؟
**************************************نورة/خلاص ...هو بعد غلطان...
ياسمين كانت تبكي وماهي عارفة وش تقول من الخوف..
نورة/صدقيني هو الغلطان,,,كيف يدخل البيت ومايعطي خبر؟
ياسمين وهي تبكي/هو مادخل كان واقف عند باب الصالة من برى...
نورة/يعتبر دخل؟وبعدين تعالي وش كنتي لابسة؟
ياسمين بقهر/وانتي متفرغة تساليني بعد وش لابسة؟
نورة/هههه يبى ابيك تروقين...محد يقدر يقولك شي...
ياسمين/انا خايفة على نفسي من ردة الفعل اللي بتصير؟
نورة/لا تكبرينها مااعتقد انه بيسوي ولابيقول شي لانه هو الغلطان؟
ياسمين/يارب..يارب..تعدي ومحد يدري عنها,,,,
دق باب الغرفة وكانت ام مشعل تناديها ..
ياسمين/ياربي..جاك الموت ياتارك الصلاة وش اسوي يانورة؟
************************************************** *************

البارت السابع,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,
دقت باب مجلس الرجال وحطت له تكملة الاغراض اللي قال يبيهم ووقفت بعيد شوي تنتظره يطلع,,,,
فتح الباب يشيل الاغراض وتلفت يمين ويسار ولقاها واشرت له يجي ودخلت لغرفتهم ولحقها وسكر الباب...
خالد/في شي؟
وضحى برقة/أي في...
خالد/شنو؟
وضحى/اني مشتاقة لك ومتمللة بروحي!!!
خالد/ماعليه ياقلبي شوي وجاي لك,,,,
وضحى/مسكته من ياقة ثوبه وتمايعت/وتفكر مني لين تجي ها الشوي بظل ماسكة نفسي!!
خالد وهو ماسك نفسه/خلاص وضوحي شوي وبيقومون الشباب,,,
وضحى بنعومة/من زمان وانت تقولي شوي,,,
خالد/خلاص كلها ساعة وبيقومون,,,
وضحى/واذا ماقاموا في ها الساعة؟

خالد/بطردهم وبجيك وش تبين بعد!

**************************************كانوا قاعدين بقهوة الليوان بالخبر وكل واحد يناظر بالثاني وهو ساكت وشايل همه بقلبه لين قطع تركي الصمت اللي بينهم,,,
تركي/تغذيت اليوم في بيت جدي؟
نواف/أي...
تركي/صار شي؟
نواف/.....
تركي/يعني صار؟
نواف تنهد وسكت....
تركي/جدي فاتحك بالموضوع؟
نواف بدون نفس/لا..
تركي/اجل شفيك ماد البوز؟
نواف/صار موقف سخيف بيني وبينها؟
تركي/شنو صار؟
نواف/شفتها اليوم وطردتني,,,,
تركي/اوووف...وشلون صاير شكلها؟
نواف بضيق/اقولك طردتني وهذا الاهم وانت تقولي كيف صاير شكلها؟
تركي/طيب ليه طردتك؟
نواف/اسمع السالفة اللي صارت...............................
تركي/طيب انت الغلطان؟
نواف/...................
تركي/ولا ان شاءالله بتقول بعد ان مو انت الغلطان؟
نواف/غلطان ماقلت لك شي بس مدري وش فيني مو قادر افكر بشي غير ها السالفة؟
تركي/لانها هي اللي طردتك من البيت وها الشي حاز فيك,,,,
في غرفة مشاعل كانوا تاركين التلفون سبيكر وهم يكلمون ياسمين....
مشاعل/وبعدين؟
ياسمين/ولاشي طلعت امي جاي تسولف معي سوالف عادية,,,
مشاعل/وماتتوقعين هو قال لهم؟
ياسمين/مدري...

نوف/مااتوقعه قال شي لو قال كان بان الموضوع من اليوم لان هو مو من صالحه يتركه يبرد,,,
ياسمين/شلون يعني؟
نوف/يعني اذا بيتكلم فيه وفي باله نية شر بيتكلم فيه حار ب حار....
مشاعل/انا كذا بعد اقول...
ياسمين/الله يسمع منكم ان شاءالله,,,
نوف/وش كانت انطباعاتك يوم شفتيه كذا قبالك؟
ياسمين/مت من الخوف...
نوف/هههههه
مشاعل بتشكيك/متاْكدة ماقزيتي من هنا ولامن هنا من ورانا!!!
ياسمين/والله انك متفرغة!!!مابدور اقز الا نواف باشا؟
نوف/ههههه وفي ها الموقف الحلو...
مشاعل/على قولتك....
ياسمين/تصدقون حاسة ها اليوم طويل ومو راضي ينتهي....
مشاعل/قومي اللحين غسلي وجهك وحطي راسك على المخدة ونامي,,,
نوف/مشاعل قصدها توفر لك جو تفكرين فيه في السالفة بروحك؟

ياسمين/ههههه على قولتك...بس مو مسكرة من عندكم لين حسيت نفسي دخت وبنام....
نورة كانت تقولب بالمجلة اللي في يدها وجت امها جلست جنبها,,,
ام سعد/نورة..
نورة/هلا يمه...
ام سعد/شلونك...
نورة/بخير الحمد الله...
ام سعد/وشخبار الجامعة؟
نورة/ماشي الحال...
ام سعد/وش تسوين؟
نورة/اطالع بالمجلة...
ام سعد/اقول نورة...
نورة/هلا يمه...
ام سعد/قربت رجعت فارس للدمام,,,
نورة بضيق/أي واحنا مالنا ومال رجعته؟
ام سعد/شلون مالنا ومال رجعته؟اذا رجع فارس..
قاطعتهانورة/خلاص يمه قفلي ها السيرة واللي يسلمك..
ام سعد/وانتي ليش معصبة ومتضايقة؟
نورة/مو متضايقة ولافيني شي بس انا مالي شغل برجعته؟
ام سعد/انتي الحكي معك يعور الراس....المهم يوم الخميس تراهم بيجون عندنا؟
نورة/اووووووف وليش بعد؟
ام سعد/ووجع ان شاءالله؟وش اللي ليش بعد!!عيب عليك يابنت اللي يسمعك تقولين ها الحكي بيقول امها ماعلمتها ولاربتها؟
نورة/يمه انا مابي اكون موجودة؟
ام سعد باصرار/الا اصلا خالتك ام فارس جاية تشوفك مخصوص....كيف ماتبين تكونيني موجودة؟
**************************************

مشعل/اقول جدي...
الجد ابو خالد/شنو؟
مشعل/صاحبي بكرة طالعين مشوار طويل وجدته ماتقدر على المشاوير هاذي ماتحبها...
الجد ابو خالد/عساها مو جدتك لو بالشام قالت تبي تروح؟
مشعل/المهم ..هو قال لو مافيها ثقل تجي عندنا البيت لين يرجعون من مشوارهم؟
الجد ابو خالد/أي اكيد خليها تجي تتفضل نتونس معها؟
مشعل/يعني مافي أي مشكلة؟
الجد ابو خالد/لا طبعا...
مشعل/وجدتي مابتقول شي اذا شافتها؟
الجد ابو خالد/البيت بيتي ومحد له شي فيه حتى انت وامك واختك؟
الجدة ام خالد وهي داخلة/وش اللي صاير؟
الجد ابو خالد بصرامة/مالك شغل؟
الجدة وهي تكلم مشعل /قول انت يالفتان؟
الجد ابو خالد/سوالف رجال مايتدخلون فيها الحريم!!!
مشعل/اعتمد يعني ياجدي واكلمهم يخلونها تجهز اغراضها علشان بكرة؟
الجد ابو خالد/أي اكيد وهاذي يبيلها مشورة؟
الجدة بحلطمة/قول انت لااذبحك مو بس اقفل عليك؟
مشعل/مااكون رجال اذا قلت لك اسرار جدي؟
الجد ابو خالد/كفو ياولدي كفو...
مشعل وهو يضحك/يالله الاقيك على خير بكرة ياجدي,,,
**************************************
بااخر الليل في غرفة عبد الله,,,,
دق جواله وشاف رقمها,,,كان متردد يشيله ولا لا...بس الاكيد انه بيشيله لانه مايقدر يقطع صوتها عنه اكثر من يومين!!!
رفعه وهو يتنهد وبداخله ارتياح مو طبيعي لانها هي اللي متصلة فيه مو هو,,,,,
عبدالله/هلا...
عبير/هلا فيك....رايق؟
عبدالله/واحد يسمع ها الصوت ومايروق!!
عبير/شلونك....تصدق واحشني!
عبدالله/قولي والله؟
عبير/لو ماكنت واحشني ماكنت دقيت علشان اسمع صوتك؟
عبدالله/ياعمري انتي؟
عبير/اقول حبيبي...
عبدالله/قولي ياقلبي....
عبير/بعدك زعلان مني!!
عبدالله/مشكلتي معك ياعبير اني اذا سمعت صوتك انسى كل الزعل؟
عبير/أي خليك كذا احسن؟وش لك بالزعل وعوار القلب...

عبدالله/أي انتي بعد خفي عليّ شوي....
عبير/وانا شسويت!!انت بس دايم تكبرها...المهم عطيني اخبارك وعلومك اللي ماسمعتها....
***************************************في غرفة خالد,,,
كانت وضحى قاعدة قبال المرايا وهي تتكحل وتتعدل ودخل خالد بدون ماتحس له وقام يغني لها,,,
خالد/ياوضحى والله مايحتاج...تحطي مثلهم مكياج...
لفت له وهي تبتسم/ها...انتهت سهرتك؟
جاها يركض/قصدك توها بتبتدي؟
وضحى قامت من على الكرسي وقعدت على سريرها/أي بس انا نعست وفيني النوم؟
خالد/افا؟؟وش ها الحكي عاد!!

وضحى/تعبانة والله..من متى وانا جالسة بروحي وغيري سافطني وهو مع ربعه؟
خالد/وكاهو جاك يكمل السهرة معك؟
وضحى/نام بس نام بكرة وراك دوام ولامفكرها حلاوة كل يوم بتسهر وماتروح دوامك؟
خالد/وش اسوي في الدوام انا!!انتي اهم؟
وضحى/لاوالله.؟وشنو اللي بيعيشنا وبياْكلنا انا ولا الدوام؟
خالد/هههههه انتي اكيد ؟
وضحى/ههه ياسلاام على عيارتك يالعيار؟روح نام بس روح نام...
خالد/افا..اهون عليك ياماما وضحى؟
**************************************لؤلؤة/نواف...انت لسه صاحي مانمت؟
رفع راسه ولقاها واقفة قباله/وانتي ليش سهرانة؟
لؤلؤة/انا نمت بس قمت اشرب لي مويه...انت وش مصحيك لها الوقت؟
نواف/روحي نامي مافي شي لاتشغلين بالك؟
لؤلؤة/متاْكد؟
نواف/خلاص قلت لك روحي نامي مافي شي,,,
مشت لؤلؤة وجلس بروحه بعد ماطفى نور الاباجورة,,,
وقعد يستعرض صورة ياسمين في باله وهو يحاول يتذكر شنو شاف غير عيونها الضيقة,,,
**************************************************

البارت الثامن,,,,
,,,,,,,,,,,,,,,,,,,,,,,,,,,,,,,,,,,
تركي/زين اني شفتك؟
رفع سعود راسه وتفاجاء يوم شاف تركي ووقف بسرعةصحيح ان سعود اكبر بس هيبة تركي مايجي شي تحتها,وقال بارتباك/تركي!!,,
تركي/أي تركي ليه متفاجاْ كذا من شوفتي؟
سعود انا ماقلت شي...
تركي/انت ماقلت شي بس تفاجاْت من شوفتي لانك متعود ماتشوفني غير بالعيد وبس ياولد العم!!!

سعود بلعثمة/تفضل..
قرب تركي من سعود وقال بهمس فيه حدة/فيك تاْخذ بريك سريع نطلع نشرب فيه فنجان قهوة ونتكلم....
سعود بصدمة/نتكلم!!!في شنو؟
تركي/في الشي الوحيد اللي صار يربطنا ببعض اكيد وهو نوف؟
**************************************وضحى/ها عسى ماشر وش له ها الكشخة وها العطر؟
ضحك عليها وهو يعدل شماغه....
وضحى/اكيد مو رايح الدوام؟!!
خالد وهو يضحك/وين بروح يعني؟
وضحى بتشكيك وهي تضحك/اساْل نفسك؟
خالد مسوي انه جاد/انا ماكنت بقولك بس مدامك مصرة خلاص اسمعي اجل انا رايح لاام العيال؟
وضحى/لا...اجل سلم عليها...
خالد/هههه سلامك يوصل يالغلا,,,
ضربته على كتفه وقام يضحك وهي تضحك معه,,,
خالد/اقول وضحى..
وضحى/سم ياقلبي..
خالد بجدية/سم الله عدوك بس كنت بقولك ورى ماتزورين امك اليوم من زمان مامريتي عليها وشفتي اخبارها؟
تلاشت الضحكة من وجهها وبان الضيق عليها وقالت/خلنا رايقين ياخالد ماله داعي نجيب أي سيرة تكدرنا؟
خالد باصرار/أي بس هاذي امك ياوضحى؟
وضحى حطت راسها على صدره وقالت بالم.../انا ماابي غيرك من ها العالم ياخالد انت امي وانت كل شي...
**************************************دخل مشعل البيت ووراه سعد اللي كان لابس عباية على انه جدة صديق مشعل,,,
وراح للصالة مكان قعدة جده وجدته بعد ماتاْكد ان امه في السوبر ماركت,,,
مشعل/يبى...هاذي جدة صاحبي...
فز الجد من مكانه وقال بسرعة/الله يحيها...
الجدة نطت وراه وبيدها عصاها.../منو انتي!!!
سعد وهو ينعم صوته بقد مافيه وهو شوي يموت من الضحك/الله يسلمك...
الجدة بقهر وصراخ/خلها تطلع من بيتي!!!
الجد ابو خالد/اقول ترى المكان مكانك يا....ماتعرفنا؟
الجدة بقهر اكبر/وش له تتعرفون بعد؟خليها تطلع لااذبحها؟
سعد وهو يتنيعم/شيخة...اسمي شيخة..
الجد برومنسية/والنعم في شيخة الحريم كلهم...شيخة اسم على مسمى...
سعد/تسلم يا عبدالعزيز..
الجدة بضيق/اسمه ابو خالد..
سعد بشلاخ/لا,,,تصدق مايبين عليك عندك عيال؟
مشعل مات من الضحك وسعد لف للجهة الثانية يقال انه مستحي من الجد اللي خق وهو مكانه وهو فاطس ضحك مايدري شلون طلعت معه...
الجدة دفت الجد بعصاها وهي تصرخ/استح على وجهك بس استح..الشيب مو تارك لك مكان وانت منثبر مكانك مو متحرك كاْنك تمثال؟
الجد يهمس لمشعل/شوف يامشيعل هاذي جدة صاحبك شكلها انيقة كاهي لابسة مثل الجزمة اللي لابستها ياسمين اختك؟
مشعل وهو يجر سعد لاينفضحون وتطلع باقي اغراض ياسمين/يالله انا بخليها تروح ترتاح فوق شوي؟
الجد بااعجاب/وتقدر تركب الدرج بعد!!مشاءالله عليها الله يحفظ شبابها...
**************************************في بيت ابو تركي
جلست حصة جنب امها اللي توها مسكرة سماعة التلفون,,,,
حصة/منو تكلمين يمه..
ام تركي/هذا تركي فديته..
حصة/جاينه شباب اليوم؟اسمعك تقولين الله يحيه...
ام تركي/لا...يقول سعود ولد عمك جاي الليلة هو وعياله قلت له الله يحيه؟
حصة باستغراب/وش الطاري سعود جاي؟بالعادة مايجي الا يوم العيد؟
ام تركي/علمي علمك يابنيتي...الله يجعله خير ان شاءالله...
سرحت حصة بتفكيرها بعيد وتحديدا في نوف وفي بالها شي تسويه ...بس تنتظر رجعة نوف من الجامعة.,,,
****في سيارة عبدالله اللي كان جايب معه نوف....
عبدالله/نوف..
نوف بلهفة/هلا..
عبدالله/شلونك...
نوف بارتياح/مدامي معكم انا بخير..
عبدالله بنفس الهدوء/نوف انتي تعرفين حصة مو من اليوم ولاامس..تعرفينها من زمان..
نوف/والمطلوب؟
عبدالله/لاتشيلين هم كلامها وطنشي وش ماقالت لك؟
نوف/عادي حصة اختي واي شي منها اكيد ماهو ضارني لانها تبي مصلحتي..
عبدالله ابتسم له وذابت هي على ابتسامته..
عبدالله/ياليت كل البنات يفكرون مثلك يانوف...
نوف ظلت مبتسمة له وهي ساكتة...
عبدالله/اذا ضايقك كلامها مرة ثانية امسحيها بوجهي؟
نوف بعد تنهيدة/انا ماازعل من احد فيكم ياعبدالله....انتوا اهلي..انتوا كل شي بالنسبة لي...
عبدالله بمرح/أي خليك قوية ترى انا عندي موضوع وابيك تساعديني فيه؟
نوف بلهفة/شنو؟
عبدالله/جايك...بعد كم يوم بطلب منك خدمة وماابيك ترديني ابيك تساعديني بس ها مو تنكبين فيني!!!
**************************************

في بيت الجد..
كان نواف ينتظر تركي بالحوش اللي دخل ينادي على جده لانهم متواعدين يروحون يزورون واحد من قرايبينهم,,,
وظل واقف عند باب الصالة من برى وهو يتذكر موقفه امس معها وبعدها ابتعد وراح وقف بالحوش لايتكرر معه موقف امس من جديد وهو تفكيره بياسمين..
وفي الجهة الثانية كانت ياسمين تمشي بالحوش وهي تكلم بجوالها..
ياسمين/أي..اي معك..انا بعد اقول انه ماله داعي تكبر السالفة وعلى قولتهم الحقران يقطع المصران...اي...اي..لاتقولين!!والله...
وفجاْة سكتت وحطت يدها على فمها تكبت شهقاتها وطاح الجوال من يدها على الارض...
ظلت تناظر بوجهه وهو واقف قبالها يناظرها...ماتدري ليش قطعت تاملاتها فيه وانتبهت على نفسها ومشت قبل لايشوفها احد؟؟؟
**************************************قعدت مترددة بعد ماراح لدوامه وهي تفكر في كلامه....
(أي بس هاذي امك ياوضحى) انا ادري انها امي ياخالد وعمري مانسيت ولاراح انسى بعد!!!
بس معقولة هي لسه فاكرة انها امي ولانست؟
مات ابوي الله يرحمه واحنا صغار ..اكبرنا نواف اللي باولى متوسط..ومااهتمت فينا وبس طلعت من العدة تزوجت وكونت لها اسرة جديدة؟؟؟
نشوفها بالعيد ولا احيانا مانلتقي واذا قعدنا معها قعدنا كانا اغراب عنها...
تنهدت بقوة وهي عادتها كل ماجاها طاري امها....
معقولة ياوضحى بعد ها العمر كله اللي قضيتيه بدون ام تبين اللحين ام!!!تسمعك وتشتكين لها!!!
رفعت السماعة ودقت الرقم اللي حافظته عن قلب رغم انها ماتتصل فيه ابدا وقلبها يدق بسرعة من الخوف....
ماهي عارفة شتقول لاامها لو كلمتها؟ولاليش هي متصلة؟حست انها غبية وتسرعت...بس فيها شي كان يبيها تتصل...وقطع عليها تفكيرها الصوت اللي رد وقال الو...
ام مشعل بنفاذ صبر/يمه مافي احد؟
الجدة بصراخ/يعني انا اكذب عليك؟
ام مشعل/الله يهداك يمه انا ماقلت كذا؟
الجدة/بس شكلك تبين تقولينها؟
ام مشعل/يمه صدقيني لفيت البيت كله ومافي احد موجود...
الجدة/اقولك دخلت علينا وهي تتمايع وشوي وتذوب؟
ام مشعل/........
الجدة/روحي سئلي ولدك ها الدعلة هو اللي جابها هنا واكيد هو اللي خشها؟
ام مشعل بنفاذ صبر/يمه مشعل رايح عند اختي ام سعدومارجع البيت اليوم من طلعته من المدرسة؟
الجدة/يعني انا كذابة؟اقولك دخل هو ومعها وركبها فوق؟
ام مشعل وقفت/بنادي على ياسمين تدورها لك فوق من جديد علشان تتطمنين؟
***********************************

دخلت غرفتها تحط اغراضها علشان تبدل ثيابها وتاكل لها لقمة...
وماانتبهت على حصة اللي دخلت بسرعة..
حصة/نوف..
لفت وهي متفاجاْةوقالت/هلا حصة...
حصة/قبل كل شي جهزي اغراضك؟
نوف بذهول/اجهز اغراضي!!!اي اغراض؟وليه؟
حصة/سعود جاي الليلة البيت؟
طاحوا من يدها مذكرات الجامعة وقالت بصدمة/سعود جاي؟؟؟غريبة ليش جاي؟
حصة/وش اللي غريب اخو وجاي ياخذ اخته وين الغريب؟
نوف/....................
حصة/جهزي اغراضك وروحي مع اخوك الليلة قولي له انك مو مرتاحة هنا ولاانتي مريحة تركي وعبدالله في بيتهم؟
نوف جلست على السرير وبان عليها الضيق وافكار تاخذها وافكار تجيبها..
حصة وهي طالعة من الغرفة/لاتتاْخرين ترى هو جاي بعد الصلاة....
**************************************دخلت غرفتها وقفلت الباب وراها وظلت تبكي بقهر منه...
لمتى بيظل معذبها؟لمتى بيظل احتقاره لها ملازمها؟كلمته حرقت قلبها؟سخريته منها ونبرته الجارحة طعنوها في الصميم...ليه....هي وش ذنبها علشان يعاملها كذا!!!ماتبيه اذاكان هذا الشي اللي يبي يسمعه فهي فعلا ماتبيه!!مو بس هو اللي مايبيها,,,
زاد بكيها وهي تذكر كلمته اللي قالها قبل شوي يوم تمر من جنبه وبعدها ترن في اذنها(اول مرة اشوف فلبينية متكحلة؟؟؟)
راحت عند المرايا تمسح الكحل من عينها وهي تشاهق بقوة وتدعي عليه من قلبها,,,
************************************************** ***************************

البارت التاسع,,,,,,,
,,,,,,,,,,,,,,,,,,,,,,,,,,,,,,,,,,,,,,,,
ام فارس/هلا والله بنورة شيخة البنات,,
نورة وهي تتحلطم/اووووف من ها الموال.....
ام فارس/سمعينا صوتك عاد يانورة؟
نورة بهدوء/هلا خالتي...عساك بخير؟
ام فارس بحب/يوم اني شايفتك اكيد بخير...انتي بشري شخبارك وشخبار جامعتك؟
نورة /الحمد الله ياخالتي كل شي تمام..
ام فارس بغمز/أي ترى فارس قربت جيته...واذا رد مايبك تنشغلين عنه بدراسة ولاشغل يبيك له وحده؟
نورة بان عليها الضيق وام فارس وام سعد فسروه انه خجل من سيرة فارس..وقاموا يضحكون...
نورة بضيق/يمه انا قايمة؟
ام فارس/وين يمه ماشبعت منك؟
نورة بنفس الضيق/اترككم تسولفون على راحتكم..
ام فارس/لايمه قعدي ماعندنا شي نقوله بعيد عنك..
ام سعد/قعدي يمه وين رايحة خالتك ام فارس ماهي غريبة عنا وبعدين هي جاية لك انتي مخصوص..
تنهدت نورة وظلت مكانها جالسة وانتبهت على روان اخت فارس وهي تكلم ريم وهي تقولها هذا ايميل فارس...
لفت بسرعة لهم وفي بالها تاخذ الايميل بس شلون وليش وشنو تقول لو اخذته؟؟؟؟
ماتدري أي ضيقة حستها بصدرها وهي تناظر في ها البيت اللي عاشت فيه من وعت وفهمت الحياة زين!!
كيف بتودعه وبتودعهم!!!
الفراق,,,شي ماتقوى عليه اكيد بس لازم تقوي نفسها لان سعود مو كل يوم بيجي يطلب منها انها تروح معه البيت فلازم تغتنم ها الفرصة....
تنهدت بقوة وهي تفكر بكل فرد من بيت عمها وهي حاسة انها جزء من ها العائلة فعلا...
بس مثل ماقالت لها حصة لازم تروح مع سعود بيته لان تركي وعبدالله ماهم ماخذين راحتهم وهي صاير عائق لهم!!!
كيف بتودع مشاعل وشنو بتقول لها؟؟؟عمها شلون تناظر في وجهه؟؟خالتها ام تركي وجمايلها لها من صارت لها ام ثانية؟
لايانوف انتي مابتهاجرين انتي بتجينهم علطول بس سكنك هنا غلط مثل ماقالت حصة...
اللحين لازم تطلع اغراضها عند الباب علشان تسهل عليها الطلعة....
******************************************مع دخلة خالد البيت كانت وضحى توها تمسح دموعها اللي من الصباح وهم ينزلون ,,,
شافها جالسة بنفس مكانها الصباح وماغيرته حتى ثيابها ماتبدلوا حتى نفس الاضاءة جاها بخوف وهو يركض ويسالها/وضحى,,,علامك,,,من مزعلك؟
تنهدت بقوة وقامت من مكانها وقالت بهدوء/ولاشي لاتشغل بالك...
خالد وهو يمشي وراها/شلون مافيك شي؟وها الدموع حبيبتي؟
وقفت بنص غرفة نومها وصارت تمسح باقي دموعها...
لف لها خالد ومسكها من كتوفها ولفها لجهته وقال بحنان/مين اللي نزل ها الدموع الغالية؟
وضحى بالم/ياليتني ماسمعت نصيحتك وكلمت امي!!
تنهد خالد وشال يدينه من على كتوفها/يعني السالفة فيها امك؟
وضحى/..................
خالد/وش صار؟
وضحى/دقيت لها ومااهتمت قالت لي انها مشغولة وبتكلمني بعدين!!!حسيت بالاحراج من نفسي؟
خالد/طيب وش فيها يمكن تكون صدق مشغولة؟
وضحى بحدة/خالد!!ماهي ا ول ولابتكون اخر مرة اللي ادق لها وتقولي مشغولةوبكلمك بعدين؟
خالد/هاذي امك ياوضحى..
وضحى بانفعال/هاذي ماهي ام ياخالد ماهي ام؟
خالد/لاتثقلين حكمك عليها ياوضحى لاتصيرين مثلها؟
وضحى/انا اكرهها ياخالد اكرهها..
خالد بعناد/وضحى ترى بتكونين مثلها وبيكون حرام انك تكونين ام؟
******************************************ام مشعل/يايمه ياحبيبي لاتاْذي جدتك وتلعب باعصابها؟
سعد/خالتي اقولك تونا رادين من بيتنا انا وهو بعد وش ها السالفة اللي مسويتها جدتي؟
مشعل/هاذي امك تبي بس تتبلى عليّ!!
سعد/طيب جدي شيقول؟
ام مشعل وهي تتنهد/ياربي ذبحتوني والله..انت بجهة وجدك بجهة وجدتك بجهة واختك بجهة رابعه!!!
سعد/الله يكون بعونك ياخالتي تلاقينها من البزارين اللي هم عيالك ولااللي ابزر منهم واللي هم امك وابوك يعني جدتي وجدي؟
ام مشعل/تسنع انت بعد يالله!!!ترى امي وابوي واحبهم..
مشعل/اقول يالغلا لاتمدحينهم واجد ترى محد معيشنا بهم غيرهم؟

ضربته امه على كتفه وقالت بتانيب/مشيعل وعمى اللي يعمي قلبك سعد/ان الهداية والضلال بيده سبحانه...
مشعل/أي والله جبتها يالنسيب...
ام مشعل هزت راسها وطلعت وقاموا يضحكون على خبالهم....
******************************************سعود/ماسلمتوا على عمتكم نوف؟
قاموا شيخة وعبدالرحمان وسلموا عليها سلام بارد وكانهم اغراب وهي ذابحة نفسها اللي تبي تضمه واللي تبي تبوسه وبانت خيبة الامل على ملامحها وهي تشوف سلامهم,,وردوا مكانهم...وقبل لايقعدون جاهم صوت تركي من على باب المجلس
تركي/اللحين عمتكم ومن زمان ماشافتكم كذا تسلمون عليها؟
ناظروا في ابوهم ينتظرون من عنده جواب وسعود تفشل من وجود تركي لانه كان قاعد بروحه مع نوف في المجلس لانه عمه مو موجود..وقال بتانيب لعياله/كذا تسلمون على عمة؟
رجعوا عياله وقعدوا جنب عمتهم وهي تمسح على رؤسهم وجلس تركي جنب سعودوقال بحدة/ماينلامون مايشوفونها الا بالعيد؟
سعود/..........
عبدالرحمان/يعني اليوم عيد ولاماهو عيد؟
نوف بحب/اكيد عيد مو شفتك اليوم يعني عيد؟
شيخة/يعني بتعطينا عيدية؟
نوف/اكيد بس بالاول تشربون العصير ...
******************************************كانت تردد كلامه بينها وبين نفسها بقهر وضيقة....
زين ياخالد زين,,,,,,,,
انا حرام اني اكون ام؟؟؟حطت يدها على بطنها وهي تتنهد....
ودموعها يسابقونها....هذا وانت مادريت اني حامل ياخالد كيف لو دريت؟
اكيد بترفض اني اكون ام عيالك؟..
تنهدت بقوة وهي تناظر في باب الحمام اللي دخله خالد علشان يتحمم وشالت عبايتها ولبستها وطلعت من الشقة بسرعة....وفي بالها تقول لاتخاف ياخالد قبل لاتجيك لحظة وتطردني انا بطلع بكرامتي ادور للي في بطني على حل؟
******************************************مشعل/دقيت لي ياجدي؟
الجد بلهفة/وينها؟
مشعل مسوي نفسه مو فاهم/منهي؟
الجد بعصبية/ترى غبائك طالع على جدتي ماهو علي!!!يعني عن منو بسال يافالح عن جدتك اللي ماتعرف تركب الدرج؟
مشعل/ههههه توك تكتشف عيوب جدتي؟
الجد بتاسف/لاتذكرني ياولدي وخلها مستورة؟
مشعل/انا ماابي اقولك انها قاعدة ولابسة بنطلون جينز اللحيم مو مثل ثياب جدتي اللي مدري من وين طالعين؟
الجد تصنم/بعد تلبس مثل اختك؟
مشعل/جدي شقولك انا وشخلي...ترقص رقص مو طبيعي؟
الجد ببلاهة/ها..سامري يعني!!!
مشعل/أي سامري ياجدي الله يهداك؟؟هاذي ماترقص الا معلاية؟
الجد/يعني شنو؟
مشعل/اتركك تشوف بنفسك وانت تحكم...
الجد/طيب وينها اللحين؟
مشعل/ترتاح شوي وبعدين بتنزل لنا...تعال بس نقعد داخل علشان اذا نزلت....

*****************************************

طلعت بسرعة بعد ماقام سعود من المجلس وراحت لعند الباب الخارجي وانصدمت يوم مالقت اغراضها موجودين وهي متاْكدة انها حاطتهم بنفسها هنا علشان تطلع معه بسهولة...
لفت بعيونها لورى وتفاجاْت ان تركي وراها مباشرة؟؟
كيف ماانتبهت ان طلع وراها..ظلت واقفة مكانها بدون أي كلمة...
تركي/تدورين شي؟
نوف وقفت من الصدمة وماعرفت شتقول...
فتح تركي الباب الخارجي..
تركي وهو ياْشر بيده/شفتي انه مشى!!!من قال لك انه جاي ياخذك؟
نوف بصدمة وهي تناظر بالشارع/مستحيل؟؟؟كيف يمشي؟هو جاي ياخذني معه؟
تركي/هو قال لك ها الكلام!!!
نوف بعصبية/يعني بذمتك ليش جاي اذا مو علشان ياخذني؟
تنهد تركي/جاي يشوفك ويسال عنك....نوف شفيك؟

نوف بعصبية/أي بس حصة قالت......يوم شافت نظرات تركي تغيرت سكتت..
تركي/حلو حلو...يعني حصيص بالموضوع؟
نوف انتبهت انها انذلت ذل من سعود وحصة وقالت بالم/تركي..طلبتك ياولد عمي...قول تم؟
تركي بسرعة/تم..
نوف/انسى السالفة حصة مالها شغل...لااحد يدري عن شي ياتركي...
تركي تنهد/علشانك ولو اني نويت اذبحها..بس صدقيني بفوتها المرة ذي علشانك.....بس ابيك تعرفين شي واحد..ها البيت ماهو متخلي عنك لااي سبب من الاسباب يانوف..فلا تتخلين انتي عنه بعد!!!
********************************************طلع من الحمام وفي باله انه يعتذر منها...غلط عليها بها الكلمة اللي رماها وهو عارف ان وضحى حساسة من ها الامور ..اصلا هي حساسة من كل شي وهو ماعرف يتفادى الغلط ها المرة....
ناداها وهو يلبس ثيابه وماردت عليه..طلع للصالة وماشافها وراح المطبخ والمجلس وكان كل شي هادى..
دق قلبه من الخوف وهو بينه وبين نفسه يقول معقول طلعت!!!
راح لغرفة النوم ومالقى عبايتها هناك....
رفع جواله ومالقى اي مكالمة من نواف...
اخذ مفاتيحه وجواله وطلع بسرعة يمكن يصادفها تمشي بالشارع...لان وضحى مدام ماقالت لنواف يمرها اكيد راحت تمشي...
******************************************ياسمين/والله مدري يانوف منهي اللي حالها احسن من حال الثانية؟
نوف بتنهيدة/طبعا انتي حالك احسن من حالي...على الاقل نواف غريب عنك ومايعرفك ورفضه لك شي عادي لانه يمكن يكون يحب وحدة ثانية ولافعلا كره الزواج بعد طلاقه...بس انا ياياسمين انا,,,انا اخوي رافضني؟؟تعرفين وش معنى ان اخوك يرفضك من حياته ومن وجودك قربه؟,,قالتها بالم وسكتت ثواني...
تنهدت ياسمين وبدت تبكي/انا ماحولي احد يانوف ماحولي...ماعندي غير خالي خالد وبس!!ومقدر اشكيله كل شي..هو بعد له حياته الخاصة مع وضحى...ساعات اتمنى الموت يانوف..
نوف/اذا انتي تمنيتيه مرة فاانا كل يوم اتمناه ياياسمين..
ياسمين/استغفر وشلون نفكر احنا..
نوف/كله من ها الضيق اللي احنا فيه...
ياسمين/احد غير تركي عارف انك كنتي بتطلعين؟
نوف/لا.....
ياسمين/احمدي ربك ان تركي هو اللي شاف اغرضك؟
نوف/أي بس حصة هي اللي قالت لي انه بياخذني معه؟
ياسمين/وانتي مافكرتي ليش ماجاب لك سيرة طول ماهو قاعد معك؟
نوف بتنهيدة/انا غبية توقعت انه مايبي يفتح السيرة علشان هو مكلم بيت عمي وقايل لهم ومشيت على ها الاساس,,,,,,
ياسمين/بتنفرج يابنت الناس بتنفرج.....تعالي شوفي مشعل وسعد شلون مهبلين في جدي وجدتي وبتصدقين ان الدنيا ماتسوى وبتموتين ضحك عليهم؟
نوف بسخرية/وليش مامتي ضحك وانتي قاعدة بوسطهم؟؟
ياسمين بتنهيدة اكبر/لان ضيقة نواف وكلامه مايستوعبها شي يانوف؟

*********************************************

البارت العاشر,,,,,,,
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,
مشاعل/انا متاْكدة ان فيك شي....احسك منتي بطبيعية؟
نوف بشرود/ولاشي,,,
مشاعل باصرار/اكيد من جية سعود؟
نوف/...............
مشاعل/غثك بشي؟ضايقك بشي؟قال لك شي ينرفزك؟
نوف بتنهيدة/لا....بس ساعات احس.....مدري شلون اقولك؟
مشاعل/نوف...مهما صار تاْكدي اني جنبك وانك اغلى عندي من خواتي؟
نوف/عارفة يامشاعل عارفة وهذا اللي مصبرني وجودك جنبي اللي يخفف عني,,,,
ابو تركي دق باب الغرفة ودخل بعد ماسمع اصواتهم قاعدين ويوم شافوه ثنتينهم وقفوا..
ابو تركي/السلام عليكم..
وعليكم السلام والرحمة...
ابو تركي/اشوف البنات اليوم ماورونا وجوههم لاعلى سفرة الغذى ولا اللحين؟
مشاعل/نسوي رجيم يبى...
ابو تركي وهو يمسك يد نوف ويمشيها معه لباب الغرفة/سوي رجيمك بروحك بنيتي نوف ماهي بحاجته مشاء الله حولها وحواليها....
مشاعل يقهر/يبى؟
نوف/هههههه
ابو تركي/يالله طلعنا عنك احنا....
وصلوا للباب وتركت نوف يد عمها..
ابو تركي/انا مو نازل الا معك يالله مافي اعذار؟
نوف بابتسامة/بلبس عبايتي وحجابي وبجيك انتظرني....
**************************************كانت عيونه تدور بالشارع يمين وشمال على سواد يمشي بين ها البيوت,,,,
معقولة وصلت؟؟؟؟؟؟؟
ولايمكن انها ماهي جاية لعند اهلها؟؟
صار يروح ويرجع بالسيارة في الجهة اللي فيها بيت عمه وبعد دقايق طويلة مرت لمحها جاية تمشي..
وعلى ما لف لها كانت دخلت البيت..وقف سيارته بسرعة ونزل يركض يدق جرس بيتهم....
وفتحت له وضحى الباب وهي بعدها مارفعت حتى نقابها وتفاجاْت يوم شافته واقف قبالها..
ماخفى على خالد عيونها اللي كانت تدمع ..
خالد بلهفة/وضحى..

قاطعته بسرعة وصوتها كان باكي /بغيت شي ياولد عمي؟
خالد برجاء/وضحى...تعالي...
وضحى وهي تعطيه ضهرها وتدخل البيت/اسفة....هذا بيتي ياخالد ومالي غيره؟
**************************************كان سعد ومشعل فالينها في الرقص وهم مشغلين لهم اغنية عبد المجيد القوس قوسك وسعد طبعا بعباية امه الراس اللي رافعها لين النص ومبين بنطلونه الجينز من تحت والبرقع اللي على قولته كاتم نفسه...والجد يناظرهم من بعيد يقال انه ثقيل يعني ولارومنسي وهم في داخلهم فاطسين ضحك عليه,,,,
سمعوا صوت الجدة وهي تناديه وبسرعة البرق قام سعد يركض وطلع من الغرفة ومشعل طفى المسجل ولحقه وعيون الجد بغت تطلع وهو يشوف سعد يركض وازداد اعجابه مرات ومرات وش ها العجوز اللي عندها ها الصحة والرشاقة,,؟؟؟
جت الجدة والجد بعده عيونه على المكان اللي طلعوا منه سعد ومشعل وهي تكلمه وهو حاقرنها واخر شي لف لها وهو معصب..
الجد بعصبية/خير ان شاءالله في شي؟
الجدة/علامك انت تناظر في الباب وكنك مسبه؟
الجد وهو يمشي عنها/انتي شيفهمك في الحب؟
**************************************نورة/ياسمينوا...في راسي شي..
ياسمين/اللي هو؟
نورة/فارس...
ياسمين/هههه فارس بكبره في راسك عاد!!
نورة بنرفزة/هيه انتي اعقلي عني اشوف...
ياسمين/انتي اللي قلتي مو انا؟
نورة/انا قصدي اقول شي بخصوص ها الفارس..
ياسمين/شنو؟
نورة/اني اكلمه؟
ياسمين/تكلمينه؟؟
نورة بتحدي/أي اكلمه واقوله اني ماابيه ومو موافقة عليه وهم غاصبيني!!!
ياسمين/وجبتي رقمه بعد!!والله منتي سهلة يانوير؟
نورة/ماعندي رقمه...اليوم سرقت ايميله من عند اخته بدون ماتحس؟ها وش رايك؟
ياسمين/امممممم....طيب لو قال لك انه هو بعد مايبيك وش بتسوين؟
نورة/..............
ياسمين/يالله قولي...
نورة بضيق/بقوله خلاص كلم اهلك ترىاهم زاعجيني بها السالفة؟
ياسمين/أي......بس على فكرة انا مااْيد انك تكلمينه وانتي ماتعرفين أي شي عن صفاته..الخوف انه يقلب السالفة ضدك يانورة؟
نورة/طيب اكلمه بدون مااعرفه بنفسي؟
ياسمين/شلون يعني؟
**************************************

كانت عيون حصة بعيون نوف وهي مولعة قهر,,,كيف ماراحت وهي شايفتها بنفسها تحط اغراضها وتطلعهم برى البيت؟؟؟
بس لو ماراحت مع امها لجارتهم كان شافت وش اللي صار ولو الرفض كان جاي من ناحية سعود كانت بتكلمه بنفسها وبتقوله خذها معك مانبيها!!بس ماهي دارية وش اللي صار بالضبط؟
عيون تركي بعد كانت عليها وتناظرها بحقد...كيف ممكن تسوي في نوف كذا وتحطها بها الموقف المحرج ؟؟بس لو ماتفدتها نوف كان علمها السنع زين؟بس لا ياحصة لا...لاتفكرين انك بتفلتين مني..والله لاادور لك على زلة اصغر منها ولااكبر واطلع حرتي فيك؟؟؟
مرام/وش فيكم كلكم ساكتين؟
ابو تركي/ولازم نحكي ولايصير فينا شي؟
نوف/لا مو كذا قصدت بس سكوتك انت وخالتي يعطي جو بالاكتئاب؟
تركي/بس هو وخالتك اللي يعطون جو بالاكتئاب اذا سكتوا؟
نوف/لا طبعا....مشاعل خوفا انها تطردني الليلة وعبدالله علشانه طيوب ومايستاهل وبس انت موت بحرتك؟
ضحكوا كلهم وهو ابتسم لها...اشكثر مشتاق ان نوف تتعامل معه طبيعي بدون حواجز؟امنية من زمان يبيها وان شاءالله تدوم له علطول؟
تركي بتهديد/زين لكن اوريك انا...
ابو تركي وهو يضحك/ها..وش عندك مع بنيتي قايم تهدد؟
نوف/أي ترى انا وراي اقوى ظهر...
حصة/الله يخليه ...ان شاءالله بس تدعين له في كل صلاة؟
نوف/عندك شك بها الشي...
مشاعل وهي تلم الموضوع/اقول يااقوى ظهر..منت ناوي تطلعنا يومين نغير جو؟
ام تركي بتاْيد/أي والله يابو تركي ودي انا والبنات نطلع مع خواتي وبناتهم يومين نغير جو وش رايك؟
عبدالله/يعني يمه احنا مالنا بالسالفة بس البنات؟
مشاعل بمرح/انتوا نترككم مع ابو خالد وام خالد هههههه
ابو تركي/حق قصر الاعمار
هههههههههههههههههههههههههههههه
ام تركي/يالله عاد كل شي الا امي وابوي ماارضى عليهم...
**************************************بعد مامرت فترة طويلة وهو قاعد بسيارته نزل منها ودق باب بيت عمه وطلعت له لؤلؤة فتحت الباب..
لؤلؤة/هلا وغلا بولد عمي؟
خالد/هلا لؤلؤة شلونك؟شخبار الجامعة؟
لؤلؤة/بخير.....
خالد/سويلي طريق بدخل..
لؤلؤة/شوي بس بلبس عبايتي...وبعدها اجيك؟
خالد/اووووف..مشوار والله يابنت عمي...انتوا معكم احد بالبيت؟
لؤلؤة/لا والله انا ووضحى بغرفتها..ونواف ماهو هنا؟
خالد/اقول لؤلؤة ولاعليك كلافة طسي المطبخ الخارجي وانا بركب لمرتي غرفتها....
لؤلؤة/ههه ماعليّ كلافة واطس بعد!!زين يابو وليد..مردودة لك ان شاءالله في مرتك...
خالد/يالله عاد عطيناك وجه قالت بتردها لي في مرتي...خليها على بالك هاذي وضيحي محد يقربها وانا راسي يشم الهوا..
لؤلؤة/عساك دايم ياخالد ..الله لايفرقكم....
خالد بعجلة/يالله بلا معلقات ....
لؤلؤة/ههههههه...................
جاه صوت لؤلؤة بعد ثواني/ خلاص خالد ادخل...
دخل وسكر وراه الباب ودخل الباب الرئيسي وركب فوق لغرفة مرته(طبعا خالد من كثر هواشه مع وضحى حافظ البيت)
وقف عند بابها ثواني يحاول يستجمع افكاره واللي بيقوله وبعدهادق باب الغرفة وفتحها ودخل..
كانت وضحى قاعدة على الفراش وعاطية الباب ظهرها ومبين عليها توها ماخذة لها دوش سريع لان شعرها كان مبلل وهو طايح عليها..
وضحى/مين اللي جاي يالؤلؤة؟
خالد/انا ياوضحى...
لفت له بسرعة والتقت عيونهم في عيون بعض...

**************************************اليوم الثاني,,,,,
نواف/جدي كلمني البارح ياتركي؟
تركي/أي....وليه متكدر كذا؟
نواف بتنهيدة طويلة/ماابي اتزوجها...علشان لااظلمها..
تركي ترك اللي بيده ورفع راسه وقال بهيبة/انت في شي في بالك ومنت قادر تتكلم...قول وش سالفتك؟ليش رافض الزواج يانواف؟لان سالفة انك تظلمها مو داخلة تفكيري ابدا!!!
نواف تنهد..
تركي/نواف انا اسمعك؟
نواف/هي اذا عرفت بترفضني وانا مااسمح لااي وحدة ترفضني فخليني ارفضها قبل لاهي ترفضني...
تركي/اقول ..اختصر وعطني الزبدة يانواف...
نواف بعد تنهيدة طويلة/انا عندي ولد ياتركي...
طاح القلم من يد تركي وبانت عليه الصدمة..
تركي/قول غيرها يانواف؟؟
نواف باصرار/ياتركي صدقني ماعندي مزاج امزح اللحين...انا يوم طلقت ريم كانت حامل....
تركي بنفس الصدمة/وكنت عارف؟
نواف/لا...ماقالت لي الا بعد الطلاق.....وكان من المستحيل اني اردها علشان الولد اللي بيكون بينا....
تركي/يعني اللحين عمره قرابة الاربع سنين...
نواف/أي....
تركي/وقاعد عند امه؟ترضاها يانواف؟
نواف بحدة/وش فايدة الام بالله اذا مااخذت عيالها عندها..خلها علشان يعوقها اذا بغت تعرس مرة ثانية؟
سكت تركي لانه عرف ان نواف متنرفز من ها السيرة....
نواف/............
تركي/تشوفه؟
نواف/مو كثير....
تركي/وليش ماقلت لي عنه؟
**************************************الجدة بصدمة/شنو؟
الجد بثقة/قلت لك بعرس....
قامت الجدة تدور حول ابو خالد اللي لابس بنطلون من سنين جدتي وقميص مشعل وصاير نكتة زمانه..
الجدة/انت اكيد مو صاحي!!
الجد وهو يمسح الجل اللي يقال ان مشعل حطه بشعره ونصه على جبهته/الا صاحي ونص؟وش فيها يعني انا ابي اشوف الدنيا مع غيرك يا بنت الناس؟

الجدة بصراخ/لحقونييييييييييييييييييييييييييييييييي الرجااااااااااااااااااال تجننننننننننننننننن يممممممممممممممه لحقينننننننننننننننننننننننننننننننننني..
دخلوا مشعل وياسمين وامهم بسرعة..
ام مشعل بخوف/يمه شصاير؟
ياسمين ناظرت بشكل جدها ولفت على مشعل وشافت ضحكته وفهمت السالفة بس سكتت...
ام خالد/بيذبحني وانا توني شباب يابنيتي؟
مشعل/أي شباب ياجدتي ؟؟؟خرفتي وانتي تقولين شباب؟
ام مشعل بعصبية/انت اطلع برى؟
الجد/وش قال هو عاد علشان يطلع برى؟ولاانتوا ماتبون رجال بها البيت يحكمكم....
الجدة بمسكنة/يمممممممه لحقي عليّ
ياسمين/ليش ياجدتي امك للحين عايشة؟
مشعل/هههههه
الجد/ههههههههههههه أي والله ضحكتيني يابنيتي الله يعطيك العافية اذا هي رجل بالدنيا ورجل بالقبر معقولة امها بتكون عايشة؟هههههههه جدتكم خرفت من زمان ضحكوا عليها ياعيال؟
ام مشعل بتاْنيب/يبى شها الحكي؟
الجدة/شفتي شفتي ابوك.....بيجنني بسواد وجهه؟
الجد بتحدي/اللي بيضحك على جدتكم اكثر بعطيه فلوس....وطلع بوكه من جيبه...
مشعل/هههههههههههههههههههههههههههههههههههههه
الجدة رفعت عصاها/اللي بيضحك بطرده من بيتي؟؟
مشت ياسمين وطلعت من عندهمك وام مشعل هزت راسها وهي مو عاجبهاوجت بتطلع وناداها الجد..
الجد/تعالي يابنيتي ماعليك منها البيت بيتي انا ومفتاحها اللي عندها قديم من زمان غيرت القفل
مشعل/هههههههههههههههههههههههه والله لااضحك لين الصبح ياجدي هههههههههههههههههههه
ضحك وحقر جدته اللي كانت تغلي وهي تناظره,,,

/////////////////////////////////////////////////////////////////////////////////////
البارت الحادي عشر,,,
********************************
لفت ولقت خالد بوجهها وطاحت فرشة شعرها من يدها ولفت وجهها عنه وقالت بحدة/خير ان شاءالله وش جايبك؟
تقرب منها وبس حط يدينه على كتوفها بعدت عنه بقوة..
خالد/وضحى..
وضحى بحدة/بعد عني ولاتلمسني لو سمحت..
تنهد وقال بهدوء/حبيبتي انا جاي لك علشان اعتذر..
وضحى/مايحتاج وفر اعتذارك لنفسك ماابيه..
بهدوء قال /حبيبتي..
وضحى/ماابي اعتذارك وماابيك...
تقرب منها وركع لمستواها ولفت وجهها عنه بنرفزة وقالت/روح ماابيك وجودك مو مريحني ابدا...
خالد/انا احبك واسف على اللي سويته ولاقلته وضايقك..صدقيني انا احبك ومدري شلون طلعت مني اصلا ها الكلمة؟
وضحى/روح اضحك على غيري بها الكلمتين..
خالد/وضحى صدقيني..
وضحى/خالد لو سمحت لاتخلي اصواتنا تعلى ..انا هنا مرتاحة واعتقد وجودي قربك يتعبك علشان كذا بظل هنا علطول اريح لنا احنا الاثنين؟؟
***********************************في بيت ابوتركي كانوا كلهم قاعدين بالحديقة يتقهون ماعدا ام تركي اللي لحقت ابو تركي يوم دخل ونوف اللي كانت موجودة معهم بس عقلها رايح لبعيد..
مشاعل/نف نف وين سرحتي؟
نوف/...........
عبد الله ابتسم وهو يشوف نوف سرحانة وصدق مو معهم.../ماهي معنا من جد مو تمزح؟
مرام/اكب عليها مويه ولااصارخ بوجهها علشان تنتبه..
تركي بحدة خفيفة/وسرحت وين المشكلة؟وش فيها يعني؟محد له حق يسرح شوي!!!
حصة بقهر/على الاقل تحترم الموجودين؟
تركي بحدة قوية/انثبري انتي احفظ لكرامتك ولاتخليني اغلط عليك...
سكتوا كلهم بعد ها الكلمة وبعد ثواني رفعت نوف راسها يوم انتهى شرودها وقامت تناظر فيهم وهم ساكتين وبهمس قالت لمشاعل/ميشو وش صاير؟
ثواني بس وانفجرت مشاعل تضحك وهي تقول لعبدالله/تساْلني الاخت وش اللي صاير؟
عبدالله وهو يبتسم/صباح الليل توك صحيتي من شرودك يابنت!!
نوف استحت من عبدالله وابتسمت تداري فشلتها وجتهم ام تركي وهي تضحك..
مشاعل/اشوف الضحكة مالية الوجه وش قايل لك الغالي؟
ام تركي وهي تجلس بينهم/عطيني البشارة واقولك؟
مشاعل بترجي/لاتكفين قولي بدون شي؟
ام تركي/ابوكم يقول كلمي خواتك واخذوا البنات طلعوا غيروا جو ولاتحاتون شي أي شي بيكون على حسابه...يمه نوف شفيك؟
نوف بارتباك/ها...ولاشي؟
ام تركي/بس منتي معنا يايمه؟
نوف/الا خالتي بس صفنت شوي...
حصة بضيق/كثرناة صفناتك يابنت العم؟
***********************************الجد ابو خالد/اقول مشعل...
مشعل/نعم يبى...
الجد ابو خالد/انت اللحين كبرت وصرت بئر اسراري..
مشعل/بئر مرة وحدة عاد ياجدي؟
الجد ابو خالد/اوووف انت دايم تقاطعني ماتخليني اقول شي مثل الاوادم؟
مشعل وهو يشرب بيبسي/قول يبى قول ولاتزعل انا اسمعك..
الجد ويقال انه مستحي من مشعل/انا طلبتك قول تم..
مشعل/زين لشنو عاد؟
الجد بخجل/انا ابي اتزوج؟؟؟قالها ونزل راسه بسرعة مستحي من مشعل وظل مشعل ساكت فترة طويلة لين رفع الجد راسه وقال بسرعة/ها شقلت؟
مشعل بذهول/شقلت على شنو ياجدي؟
الجد/على موضوع زواجي؟
مشعل بلامبالاة/وانا شكو ؟؟؟
الجد/يعني موافق ولالا؟
مشعل/ليه ان شاءالله انا العروس وانا مدري؟
الجد/انت رايك يهمني؟
مشعل/ليش؟
الجد/لانك بئر اسراري؟
مشعل/اوووف ردينا على محيط الاسرار هذا؟
الجد/مشيعل لاتسخر مني يايبى..
مشعل/ياجدي انا مااسخر منك بس اذيتني كل شوي وقلت لي بحر مدري نهر مدري بئر اسرار واسرار..يعني من زينها من اسرار؟
***********

نورة/انتي جايتني مغثة يعني؟
ياسمين/شسوي فيك فرحانة لي بها الايميل اللي عندك؟

نورة/مدري بس حاسة ان في تغيير بيصير؟
ياسمين/بالله ماتقولين لي وش اللي بيصير؟
نورة/............
ياسمين/انتي اساسا فكرتي وش بتقولين ولاشبتسوين؟
نورة/بضيفه عندي..
ياسمين/واذا ماقبل الاضافة؟
نورة/غصبا عنه يقبلها؟
ياسمين/ليه هي السالفة بكيفك؟وش بتسوين ياحظي لو ماقبل..
نورة/بدز له مسجات ورسايل..
ياسمين/وش بتقولين فيهم؟
نورة/يكلمني ضروري...لاني اعرف نورة؟
ياسمين/طيب فيني اسالك سؤال؟
نورة/شنو؟
ياسمين/اذا قال انا مااعرف منهي نورة يعني بالعربي اهله يبونك ومو عاطينه خبر شبتسوين لحظتها؟؟
***********************************بتنامين...
لفت نوف لتركي اللي كان وراها وهي رايحة لجناحها هي ومشاعل وقالت/لا..
تركي/شفيك..
نوف/ولاشي...
تركي/أي بس سرحانك زايد اليوم؟
ابتسمت ونزلت راسها وظل يتاْملها وهو ساكت...
نوف/تبي شي؟
تركي تنحنح../ها..لابس كنت ابي اعرف وين ودك تروحين؟
نوف/مدري أي مكان بعيدا عنكم..
تركي/افا..
نوف/ههههه هم قالوا كذا طلعة مافيها انتم..
تركي/لاخلاص انا زعلان منك...
نوف/اوووف زعلان مرة وحدة؟
تركي/أي ولاتحاولين تراضيني!!
نوف/ههه تريك لامااصدق انت تزعل مني!!
تعالي حضنيه بعد!!!!
لفوا اثنينهم لحصة اللي كانت متسندة على الجدار اللي وراهم...
***********************************كان مشعل بيطلع من البيت وانتبه ان جده يلحقه وين ماراح..
مشعل/جدي في شي؟
الجد/أي..
مشعل/شنو؟
الجد/مارديت عليّ؟
مشعل/ارد عليك بخصوص شنو ياجدي؟
الجد/ماقلت لي موافق ولالا؟
مشعل/موافق والف مبروك بعد..
الجد/يعني خلاص نروح نخطبها بكرة...
مشعل/منهي؟؟
الجدوهو منزل راسه من الحيا/جدة صاحبك اللي جتنا البيت؟
مشعل بصدمة/شنو؟؟
الجد/شفيك قايل شي انا؟
مشعل/بس ياجدي...
الجد/ولا بس ولاشي يابخت من وفق راسين بالحلال..
مشعل بارتباك/جدي انت مو فاهم شي...
الجد/اهبل انا مو فاهم الا فاهم ونص..
مشعل وهو يحاول يرقع السالفة/جدي انا قصدي اقول انها متزوجة يعني كيف بتتزوجها!!!
***********************************غمضت عيونها بعد ماقالت اللي في خاطرها علشان تداري دموعها وهي متوقعة ان خالد مشى...وبس فتحتهم لقته متمدد على سريرها..
وضحى بذهول/انت شتسوي؟
خالد/قومة من هنا مو قايم..
وضحى/أي بس انا..
خالد/بتغذيني ولالا..
تنهدت وضحى...
خالد/حرام عليك تراني ميت من الجوع؟
قعدت على طرف السرير ونزلوا دموعها وفز لها بسرعة..
خالد بحنان/وضحى انا احبك..
وضحى من بين دموعها/وشهوا الحب ياخالد!!!ان احنا نجرح غيرنا بدون مانحس؟
خالد بتنهد/صدقيني انا ماكنت قاصد انتي بس لاتصيرين دلوعة ياام وليد؟
حطت يدها على بطنها وقالت بخوف/منو قال لك؟
خالد/قال لي عن شنو ياوضحى؟
ندمت انها تسرعت بتساؤلها بس هي سئلت بحسن نية وكرر خالد سؤاله لها
خالد/قال لي عن شنو ياوضحى؟؟؟؟

///////////////////////////////////////////////////////////////////////////
البارت الثاني عشر,,,,,,,,,,
////////////////////////////////////////////
حصة/ماتحضنينه بعد!!!
نوف بلعثمة/انا...انا...
حصة بصوت عالي/انتي وحدة ماتستحين على وجهك ولافيك من الحيا أي لون؟؟؟واقفة مع ولد عمكوانتي قاطة الميانة بينكم...وش اللي يدور براسك وتخططين له يانوف؟
نوف وهي تبكي/حصة شها الكلام!!!
حصة/يالله بري نفسك اللحين انا قايلة اللي ماتربوا على السنع من البداية....سكتت يوم جاها كف من تركي اللي كان يغلي من العصبية وشهقت نوف بقوة وحطت يدها على فمها لانها اعتبرت حركة تركي بداية لمشاكل جديدة بتواجهها...
حصة بقهر/تضربني ياتركي علشان ها الزبالة؟
تركي بعصبية/اذا مابلعتي لسانكقسم بالله لااقطع العقال هذا عليك!!انتي ماتستحين انتي..عيالك بيصيرون طولك وانتي تفكرين كذا؟
حصة تكلم نوف بعصبية/كله منك انتي طلعي من بيتنا...
مسكها تركي من كتفها بقوة/مالك شي بها البيت سمعتي ولالا؟
تركها يوم شاف نوف نازلة الدرج تركض وراح يلحقها وهو يناديها/نوف نوف..نوف اوقفي وين رايحة...
**************************************الجد/انا ابي افهم انت من شنو خايف؟
مشعل/انا مو خايف بس قلت لك الحرمة متزوجة؟
الجد/احلف انها متزوجة؟؟
مشعل/والله العظيم...
بانت الخيبة على وجه الجد وسكت وحس مشعل بالانكسار لان مهما كان جده اطيب من جدته ومايرفض لهم طلب حتى مع كلامه وحنته..
مشعل/بس ولايهمك ياجدي الحل عندي وانا ابو مشعل..
الجد باامل/وش بتسوي يعني؟
مشعل/نطلقها من زوجها..
الجد بغباء/شلون؟
مشعل/نشوف شكثر يبي علشان يطلقها ونعطيه؟
الجد/هذا رايك يعني؟
مشعل/أي..
الجد بارتباك/أي بس اخاف خالد مايرضى...
مشعل/خلاص اجل خلي خالد يدور لك جدة صاحبه وتزوجها..
الجد/اووف..
مشعل/انا ابي افهم منو اللي كلمته تمشي انت ولاخالد؟
الجد/انا طبعا..قالها بثقة مهزوزة
**************************************طلعت الشارع تركض وهو وراها وكانت دموعها مغطية عيونها وهي ماتشوف شي ولاتسمع الا اسمها اللي كان يصارخ تركي فيه وماانتبهت الا وهي قدام سيارة تمشي بسرعة وتعرقلت وطاحت قدام السيارة..
لحظتها بس طاح قلب تركي وجاها مثل المجنون وهو يركض وصاحب السيارة طلع منها وهو خايف وقامت نوف بسرعة وهي تبكي
نوف وهي تكلم صاحب السيارة/تيسر انا مافيني شي..
الرجال بخوف/متاْكدة؟
نوف/أي انت ماصدمتني انا طحت قدام السيارة بس..
تركي بخوف وهو يهمس وراها/نوف...
نوف بدون ماتلف له/صدقني ياتركي مافيني شي خله يروح..
ركب الرجال سيارته ومشى وظلت واقفة وتركي وراها وهي عاطيته ظهرها
تركي بخوف/نوف..اعقلي وتعالي وين رايحة انتي؟
من بين دموعها قالت/اتركني ياتركي..اتركني اروح..
تركي باصرار/مستحيل..
نوف بعصببيية/لاتخليني اقسم ارمي نفسي على اول سيارة تجي ياولد عمي...
**************************************خالد/سئلتك وماجاوبتيني؟
تنهدت وسكتت..
خالد/وضحى وش صاير؟
وضحى/شي كنت بقولك عنه اليوم بس انت ماعطيتني مجال..
خالد/شنو؟
وضحى/.........
خالد/طيحتي قلبي يابنت الحلال شصاير تكلمي؟
وضحى/خالد انا حامل...
خالد بذهول/شنو؟رفعت راسها تناظره وابتسمت وفي عيونها الف دمعة وقالت باسى/ليش مافرحت!!
خالد بنرفزة/لان مو وقته مااتفقنا نجيب اللحين؟
وضحى بهدوء/عارفة بس الموضوع صار شسوي..
بعصبية اكبر قال/مستحيل مو قبل ماتنفك عقدتك مع الامومة؟
وضحى بحدة/شتقصد؟
خالد/وضحى انتي مو بقد تجيبين عيال اللحين..
كل تفكيرها كان في انها تمسك دموعها لاتطيح قدامه..مو يقول انه يحبها طيب ليش يجرحها بها الكلام!!!
خالد/انتي لازم تنزلينه؟
بهدوء وبدون مقدمات قالت/خالد..اطلع برى...
خالد بذهول/نعم؟
مسحت دموعها اللي ماقدرت تخفيهم اكثر ورفعت راسها/اعتقد لي حرية الاختيار بينك وبين اللي في بطني...وانا اخترته هو وماابيك ياخالد..تفضل روح كمل حياتك وتجريحك لغيري!!!
***************************************رجع البيت وهو بقمة ضيقه وعصبيته وكانت امه قاعدة ومعها حصة وعبدالله بس واول ماشاف حصة بوجهه صارخ فيها..
تركي بعصبية/طلعي برى ,,,تسمعيني برى ولاعاد اشوفك بها البيت؟
ام تركي بذهول/تركي وش ها الكلام ياولدي!!!
حصة قامت تبكي..
عبدالله/تركي شصاير؟
تركي بنفس العصبية/ماابي اشوفها بالبيت..
فوضى هي فوضى....
لفوا لاابو تركي اللي جاي وراهم يوم سمع صراخ تركي...وسكتوا كلهم يوم شافوه واقف وسطهم..
ابو تركي بحزم وهو يكلم تركي/انا بعدني عايش مامت..يعني محد ياْخذ مكاني..
تركي/لك طولة العمر يبى..
ابو تركي/ومني لين الله ياْخذ امانته بيتي مفتوح لكل عيالي ياتركي..
تركي/يبى انا ماطردتها الا لانها...
قاطعتهم مشاعل وهي جاية توها من فوق/وين نوف اجل انا مو شايفتها؟
التقت نظرات تركي بحصة وقال بقهر/سئليها هي تدري وينها نوف؟
سكتوا كلهم وناظروا في حصة اللي ارتبكت من نظراتهم كلهم...
ابو تركي/وين بنت عمك ياحصة؟
تركي تنهد وجلس على اول كرسي صادفه وقال/ماهي هنا؟
ام تركي/ماهي هنا؟وينها فيه اجل؟
عبدالله بلؤم/انتي مزعلتها ياحصة؟
مشاعل شهقت/لايكون سوت بنفسها شي؟نوفوا اعرفها تسكت تسكت وبعدين تسوي شي مايخطر على بال احد؟
ابو تركي بحزم/وينها بنت عمكم تكلموا؟
تركي بضيق/عند سعود عيت ياتروح عنده ولاماهي رادة..
حصة بقهر/احسن بالناقص هي ماسكنت معنا في البيت الا علشان تفرقنا؟
ابو تركي /كلمة وماني بعايدها ياحصيص انا ماابيك تقولين لي وش سويتي ولاقلتي لبنت عمك ياسودة الوجه بس ياتروحين اللحين لبيت سعود وتعتذرين منها على اللي هببتيه وتردينها معك وتدخل البيت قبلك ولابيتي يتعذرك طول العمر ومو اخوك اللي يطردك منه انا اللي ماابي اشوفك طول عمري؟
ام تركي /يايمه حرام عليك البنت يتيمة ومن صغرها عايشة معنا انتي ليش منتي عادتها وحدة من خواتك بس!!!ترى ذنبها برقبتنا لو صارفيها أي شي انتي شقايلة لها بس؟


بعد يومين في مزرعة تركي ونواف(نواف وتركي عندهم مزرعة بالعزيزية ونادرا مايروحون لها الاهل )
ياسمين/وشلون ردت بعدين؟
مشاعل/راحت لها حصة طبعا لان ابوي مارضى يتحرك من مكانه الا اذا نامت نوف بفراشها..
نورة/واااي حصيص غريبة معقولة تفكر كذا!!
ياسمين/بنات نف نف جاية سكروا السيرة ..
نوف اللي توها جاية عندهم/وراكم قاعدين هنا؟
مشاعل/وين تبين نروح؟
نوف/وين نروح!!!نتمشى بها المكان الحلو؟
ياسمين/اول ننزل في بركة السباحة..
نورة باعتراض/لا حبايبي اول نشبك مع فارس..
نوف/قلبي وجهك انتي مع وجه العنز!!
مشاعل/ههههه
نورة/نوفوا اعقلي...
ياسمين/ها نوير اشوف غيرانة على الحبيب ومقهورة لانهم غلطوا عليه؟؟
نورة بضيق/أي حبيب انتي بعد!!!
ياسمين ونوف ومشاعل/ههههههههههه
**************************************في مطبخ المزرعة...
ام سعد/وضحى يمه علامك وجهك مصوفر مالك بالعادة..مرضانة؟
وضحى بشرود/شوي..
ام مشعل/اكيد ماْخذة برد...
وضحى بنفس الشرود/يمكن..
ام مشعل بحنان/ديري بالك على حالك يمه...
ام سعد بغمز/اخاف في شي جاي لنا بالطريق؟
وضحى بضيق/لاابدا مافي شي...
ام سعد/وليش كذا واثقة؟
وضحى بلعثمة/لان خالد مايبي اللحين؟
ام مشعل/وش عليك من خالد انتي!!
وضحى/شلون شعلي منه؟
ام سعد/يايمه ياوضحى..هذا غشيم مايفتهم وش معنى عيال ..بكرة اذا شافهم قدامه وشال وحط فيهم بيدينه بيحس وش معنى الابوة؟
وضحى/أي بس انا ماابي..
ام مشعل/سمعيها مني ياام وليد انتي تقولينها اللحين وانتي بشبابك وطيشك بكرة يمشي فيك الزمن وتتحسرين انك مامليتي البيت عيال....ياام وليد بكرة تكبرين وماتقدرين على العيال وغربالهم ولاعلى الحمل....الا لؤلؤة وينها ماجت؟
وضحى/بتجي بعدين بيجيبها نواف رجعته من الدوام...ماكانت نايمة زين البارحة وقالت بتريح شوي قبل لاتجي...
**************************************البنات وهم يتمشون بالمزرعة,,,,
نورة/وااو شي ها المزرعة صراحة...
نوف/والله ينطلع منهم تريك ونويف...

مشاعل/زين يسمعونك ثنينهم وانتي تتكلمين عنهم كذا!!وقسم بالله انك تصيرين تحت التراب...
البنات/ههههههههه
نورة/اقول بنات حلوات....
مشاعل/احم احم...لاتردين نوف الكلام لي لاني انا الحلوة....نعم تفضلي اخت نورة شبغيتي تقولي...
نورة وهي تناظر بياسمين/مالاحظتوا ان الاخت المصونة من انطرى نواف انطمت!!!
لفوا ثنتينهم يناظرون بياسمين اللي كانت سرحانة وهي واقفة عند باب المجلس وتناظر بصورة نواف اللي كانت معلقة والباب كان نص مفتوح....
/////////////////////////////////////////////////////////////////////

//////////////////////////////////////////////////////////////
البارت الثالث عشر,,,
////////////////////////////////////////
قامت وضحى من مكانها وغسلت وجهها,,لازم تغير نفسيتها شوي لانها قاعدة وسط جماعة والمفروض انهم مايلاحظون ضيقها وزعلها..بس لحظة ياوضحى لو يكون خالد قايل لهم شي عن البيبي اللي جاي وانك حامل وانتي توك نافية الخبر وش بيكون موقفك منهم؟؟؟؟؟لالالا ما اعتقد ابدا ان خالد يسويها..اسا هو لسه ماوصل لحل بينكم كيف بيقول لهم..هو متضايق ومابعد حسم الموضوع معك ياوضحى لاتخلين الافكار تاْخذك وتوديك.....
وضحى....وضحى...وضحى...وين القهوة؟
انتبهت وضحى من سرحانها على صوت خالتها ام خالد تناديها....
وضحى/ها...
الجدة ام خالد/لا تو صحيتي يعني صباح الانوار..
وضحى باعتذار/اسفة خالتي كنت سرحانة معليش سّمي..
ام خالد/اقول وين القهوة؟
وضحى/ان شاءالله اللحين اروح اجيبها لك..
**************************************نواف/ها شلون النفسيات اليوم؟
تركي/ماشي الحال..مارجعت نوف للبيت وانا مصدق!!
نواف/لو مارجعت ياتركي وش كنت بتسوي؟
تركي/تصدقني لو قلت لك...
نواف/وفيها شك اني مااصدقك عاد...
تركي/كنت بروح اخطبها من سعود ذيك الليلة...
نواف/اوووف مافيه تفاهم ابدا!!
تركي/انت مو متخيل شلون ان البيت مايضم نوف..معناته مافي حياة..
نواف/والله انا خايف ان ها النوف تصدمك ياتركي على الفاضي..
تركي بضيق/نواف خلني عايش على حلمي واللي يعافيك بلاكسر خواطر...
نواف/تدري وش اللي بخاطري اللحين؟
تركي/شنو؟
نواف/اروح المزرعة..
تركي/منة هي علشان البنات رايحين تبي تروح...؟
نواف/فهمتني غلط؟
تركي بحذر/شتقصد؟
نواف ببتسامة/ابي اروح اخرب جو ياسمين!!
**************************************مشعل/خليلوه خليلوه ..خليلوه خليلوه..
سعد/وحبيبي وحبيبيوه..حبيبي وحبيبوه خليها على الله,,,
الجد وهو ماسك الكورة وحاط له كاب على راسه ومتسند على الباب/وياجعلك نصيبي.. واقولك حلالي
لفوا له اثننيهم/هههه
الجد مسوي ثقل/ها مشيعل وش صار على السر اللي بينا؟
مشعل وهو يغمز لسعد/مدفون ياجدي..
سعد وهو مسوي غبي/شا السالفة؟
الجد/ولاشي..
سعد/لاوالله انا حاس ان في شي...
مشعل/ابدا سلامتك...
الجد/شنو يعني مافي اسرار بين الابو وولده؟
سعد بتفلسف/أي بس ياجدي انت جد شايب ولست اب؟
مشعل بتمثيل/استح على وجهك يالتيس الاربد هذا جدك جنتك ونارك تقوله كذا!!تقوله انت جد؟
سعد/وش اقول اجل!!!هو جد انا ماتبليت عليه؟
الجد رمى الكورة على سعد /قليل الاداب اللي مايستحي اصلا يكون بعلمك اني اصغر من ابوك؟
مشعل لف للجهة الثانية علشان يكتم ضحكته اللي شوي وتطلع بقوة اما سعد مامسك نفسه قال بسرعة/هذا اقوى صاروخ طلع من الارض ياجدي؟
الجد يتهرب من الموقف/امشي بس ياولدي مشعل ماعليك منه هذا راعي مشاكل؟
**************************************التموا البنات جنب بعض علشان يشوفون فارس اذا كان بيرد على نورة....
دزت له ايميل(ابيك تضيفني عندك)ومارد عليها....بعدها رسلت له(ابي اكلمك بموضوع ضروري وخاص)وبعد مارد عليها....
مشاعل بطفش/بنات اخاف اللحين مو وقت..
قاطعتها نورة بسرعة/لا بلى اللحين يكون بمكتبه ومايرد الا تسع الليل انا سمعت من اخته روان...
ياسمين/ياسلام سلم حتى مواعيد العمل حافظينها؟
مشاعل بغمز/ويقولون مانبيه؟
نورة بنرفزة/سكتوا واللي يعافيكم مالي خلق شي نهائيا!!
نوف/اكتبي شي قوي..
نورة/مثل شنو يعني؟
نوف/مدري..بس شي يخليه يكلمك ويرد عليك؟
**************************************عبد الله/فيني اشوفك اليوم؟
عبير/مااعتقد..
عبدالله/أي بس انا من زمان ماشفتك؟
عبير/ماعليه حبيبي
عبدالله/طيب وراك مستعجلة كذا!!
عبير/بروح اتغذى...تعرف بيتنا مايتجمعون الا ساعة خمس مع رجعت عوض اخوي من دوامه..
عبدالله/يابختكم وانا الفقير مرمي بها البيت بروحي؟
عبير/أي صدق ليش مارحت معهم؟
عبدالله/مايبون احد وبعدين اروح اقعد مع منوبالله؟
عبير/يعني ماتغذيت لسه؟
عبدالله/لا ابوي مارجع من الشركة اليوم وتركي مايرجع بها الوقت وانا جالس بروحي..
عبير/ياحرام..
عبدالله/كني بكسر خاطرك وبتتنغصين لي من اكلكم اليوم وبتجيبينه لي البيت نقصة؟
عبير بذهول/جنيت انت اجيك البيت عاد؟
عبدالله/شفيها..
عبير/لامستحي طبعا توك تقولي انا بروحي في البيت؟
عبدالله/ومن قال انك بتدخلين انتي بتعطيني صينية الاكل من على الباب وبتمشين...ها شقلتيّ
*************************************


ام سعد/وين العيال اجل؟
ام مشعل/مع ابوي..
الجدة ام خالد/اللحين بيجون مسوين مصيبة الله يستر منهم؟
ام تركي/حرام يمه هم صدق عليهم حركات بس دمهم عسل..
ام خالد/الا تبن!!هذولا مايجي من تحت راسهم الا المصايب اللهم ياكافي؟
ام تركي/لا عاد الاسعيدان وعليان انا ماارضى عليهم هذولا عيوني المركبة..
ام خالد بكره وحقد/لانك ماتشوفين حركاتهم اللي تغث القلب..جربي يوم عيشي معهم شوفي اذا ماشاب راسك؟
ام تركي بتمني/ودي والله ودي ومنى عيني يجون عندي البيت يونسوني..
ام سعد/اقول ام تركي..
ام تركي/هلا يااختي..
ام سعد/ليش حصة ماجت تتونس معنا اليوم؟
تنهدت ام تركي بحسرة../اه بس اه...شقول بس شقول..
ام مشعل بخوف/عسى ماشر..
ام تركي/الشيطان داخل بينا..
ام سعد/لالالالا وش ها الحكي يا وخيتي وش صاير...
ام مشعل/تكلمي تراك طيحتي قلوبنا
ام تركي/قبل يومين كانت جاية البيت و...............عدلت الجدة نفسها علشان تسمع السالفة عدل,,,
**************************************(ابي اقولك شي عن نورة يافارس)
تمعن فارس بالكلام اللي مكتوب قباله...بالاول طنش يوم لقى ابيك بموضوع ضروري وخاص بس هذا اكبر من الخصوصية كلها هذا فيه نورة؟بس منو ياترى هذا...
قبل الاضافة علشان يشوف وش السالفة..
((فارس/خير في شي؟
نورة/سلامتك..
فارس/قبل كل شي منو معي؟
نورة/ناس قريبة...
فارس/كثيرة هي الناس القريبة منو بالضبط انت منهم؟
نورة/ناس تعرف عن فارس ونورة؟
فارس/وبعدين؟
نورة/..................
فارس/اقول وبعدين؟
نورة/نورة تحب واحد غيرك يافارس وبيتزوجون ..انساها؟
طالعوا البنات في بعض يوم طول فارس في الرد ودقت قلوبهم من الترقب وانفتحت عيونهم على وسعها يوم شافوا رد فارس..
فارس/اللحين تاْكدت اني ضيعت وقتي سدى معك وانك وحدة غيرانة من شيخة البنات)
**************************************الجد/مشينا..
مشعل يتعيزز/لاجدي السموحة..
الجد/ليه في شي؟
مشعل بتمثيل/لا سلامتك بجلس هنا..
سعد بتمثيل اكبر منه/بلى فيه...
مشعل/لاياخوك لاتقول...
سعد/الا بقول...
مشعل/ان قلت لااعرفك ولاتعرفني..
سعد يسوي نفسه يقنع مشعل/يبى عادي هذا حسبة ابوك والمفروض ماتستحي منه..
مشعل/أي بس جميله مغرقني ياخوك...
الجد وهو يناظر بينهم مثل الاطرش بالزفة.../شا السالفة؟
سعد/بقول..
مشعل/لا ماتقول..
الجد باصرار/قول ياسعد شصاير؟
لف مشعل وجهه يقال مستحي..
سعد بتمثيل اكبر/الاخ مفلس ومحتاج ثلاثمية لفاتورة الجوال والمدرسة يبون طلبات لاحصر لها ولاعد..
الجد/بس يبى مشعل تعال ولايصير شي بخاطرك لك كل اللي تبيه,,,اللحين الله يهداك احنا بينا كلافة امشي معي بس امشي..
مشى الجد قدامه ومشعل وسعد يتهامسون /اجل المدرسة يبون طلبات؟
سعد بنفس الهمس/على الاقل احسن من ان جدي يكون جنتي وناري لاني صدق مابدخل الجنة لو هي تحت رجله؟؟؟؟
**************************************بعد صلاة المغرب,,,
خالد بترجي/عادي اجلس معكم..
ياسمين/لا..
خالد/أي بس انا واسطتي قوية..

مشاعل/لاتحاول..
خالد/كلكم محارمي مدري انا محرم بالنسبة لكم يعني عادي...
نوف/الا انا...
لؤلؤة/وانا؟
خالد/انتوا من وين طلعتوا ياحافظ؟
البنات/ههههههه
خالد/انتي يالؤلؤة بنت عمي واخت مرتي مافي أي اشكال..
نوف بثقة/وانا؟
خالد/انتي عاد انا مربيك مع مشاعل من الصغر..
نوف/يعني كل اللي بيني وبينك مايجي خمس سنين متى ربيتني؟؟بس ميخالف روح ربي مشاعل من جديد بعدين تعال وتدخل ان شاءالله؟
البنات/ههههه
مشاعل بهبال/ليه تحسون يبيلي تربية من جديد؟
ياسمين/تصدقين عاد شكلك صاير تحفة...هههه
مشاعل/اقول خالي ادخل وماعليك منهم بس ادخل برجلك اليمين وسمي وصلي على النبي لاتحسد مزرعة اخوي..
خالد/وانا اقول محد يفهمني غير شعلولة القمر..
مشاعل/فديتك انا بس قبل لاتدخل بوكك وجوالك طال عمرك..طبعا للضرورة الامنية
**************************************

البارت الرابع عشر,,,
//////////////////////////////////
خالد/والله عاد غصبا عنكم بدخل,,,
نورة/ها خالي بدينا؟
خالد/نواف مابعد مشى وكاهو بيدخل المجلس..
ياسمين بقهر همست لنوف اللي جنبها/وش ها المنة ياربي ماتسوى علينا جينا مزرعته!!!
نوف/نزلي صوتك لايسمعونك الاوادم؟
ياسمين/اوووووف..
خالد/وش عندكم تتهامسون انتي واياها؟
ياسمين/سلامة عمرك مالك شغل,,
هههههههههه
خالد/انتوا بس شفتوني عاطيكم وجه خلاص ترى اللحين اوريكم العين الحمرة..
نورة/وش بتسوي يعني؟
خالد/ابدا..بس بقطع ها العقال عليكم..
نوف/أي صدقناك عاد...
هههههههههههههههه
مشت لؤلؤة عنهم وبعدها قالت مشاعل/الا...خويلد شسالفتك ماسالتنا اليوم عن شي وماهو من عوايدك؟
خالد فهم بس سوى روحه مضيع/انا..عن شنو؟
مشاعل/وضحى...
خالد/.........
ياسمين/شكلكم متهاوشين؟
خالد بدون اهتمام/لاعادي بس كلمتها وعرفت اخبارها ليش اسالكم عنها بعد؟
نوف/مو صحيح الكل ملاحظ ان مرتك مو طبيعية اليوم؟
مشاعل مسكت يده وقامت تغني/ياقلبي انت الفقير...صالحها يعني شيصير...مدام وضحى ياقلبي دلوعة لازم تصير...
**************************************اما برى المزرعة كان نواف واقف عند الباب وهو يتحلطم بروحه.....
وبعدين يانواف بتظل واقف لين يطلع لك خالد اللي من دخل نسى عمره!!!
أي طبعا لازم انتظره فشلة ادخل واروح المجلس بروحي..بس دخلتي داخل هي بيت القصيد لجيتي هنا...لو ظليت بالمجلس ياسمين ماراح اشوفها ولا بوصل لها؟طيب اللحين اذا شفتها شقول لها؟هاذي مشكلة ثانية يانواف مافكرت فيها..
تدري شلون انا ليش حارق دمي عليها بشوفها وبكلمها خلها تولي بللي مايحفظها ان شاءالله,,
///////////////////////////////////////////////////////////////
مشعل بهمس/مو كاْنك فلست جدي اكثر مني على اساس اني انا المفلس واللي مستحي اقوله؟
سعد/ملزوم يدفع لي مو بصير زوجته على سنة الله ورسوله..
مشعل/ههههههقصر حسك لايسمعك..
سعد/تتوقع لو عرف مافي جدة صاحبك وشلون بتكون ردة فعله؟
مشعل/بيطيح علينا اكيد
سعد/ومتى بنقوله انها بح...
مشعل/مو اللحين طبا خلنا نتبحبح شوي...وبعدها يصير خير
سعد/اقول..
مشعل/قول...
سعد/وش رايك اتزوجه صحيح؟
مشعل فطس ضحك والجد لف لهم وقال بغباء/شفيكم؟
***************************************في المطبخ كانت واقفة قبال الثلاجة وعاطية الباب ظهرها وماحست على دخلته الا يوم قال لها/شتسوين هنا بروحك؟
انتفض جسمها ومالفت له بس قالت بحدة/انتظرك تطلع؟
خالد/لهدرجة وصلت بينا..انك ماتبين تشوفيني؟
وضحى/اللي مايبيني ماابيه..
خالد/سمعي...
لفت له وقالت بحدة/ماابي اسمع منك ولاشي....
بهمس قال لها/اذا خلصنا العشى تلبسين عبايتك وترجعين معي البيت لازم نتفاهم!!
وضحى/تحلم يابابا...
خالد بعصبية/وضحى...
وضحى/مستحيل اني اروح معك...وعلى فكرة ورقتي بتوصلني؟
خالد بعصبية اكبر/ماهو بكيفك سامعتني انا اللي اقرر ها الشي وماهو لعبة كل يوم والثاني قلتي ابي ورقتي توصلني!!!الزواج مسؤلية يابنت الناس وطالما انك مو قدها تخلي عنها من اللحين؟
احم احم احم...
لفوا اثنينهم لمشاعل اللي عند الباب...
مشاعل/يقولك جدي اطلع تعشى معه هو ونواف في المجلس برى,,
////////////////////////////////////////////////////////////////
باخر الليل كان تركي جاي ياْخذ امه وخواته من المزرعو بعد مامشى الكل ..
تركي/عسى عجبتكم وانبسطتوا؟
مرام/حيييييل
ام تركي/يالله كل وحدة تشيل اغرضها معها ..
نوف/انا ومشاعل جهزنا كل اغراضنا...
مشاعل/نوفوا..
نوف/هلا..
تقربت منها مشاعل وهمست باْذنها وبعدها مشت يوم قالت نوف لها لا...
مرام/وش تبي؟
نوف/ولاشي بس تذكرت انها نست شي ماجابته وراحت تجيبه,,,
ام تركي/روحي جيبي عشى اخوك لاننساه وانا بروح اشيك على المسبح يمكن نسينا شي؟
بعد مامشوا...
تركي/انبسطتوا؟
نوف/نوعا ما...
تركي كرر كلمتها/نوعا ما...شنو يعني نوعا ما؟يعني ماانبسطتي؟
نوف/بيني وبينك كنت افكر بحصة...
تركي/حصة؟
تنهدت وقالت/ماتمنيت الامور بيني وبينها توصل لها الشي اساسا انا فكرت اني مااكلمك اصلا!!
تركي/واهون عليك ماتكلميني؟
نوف/تركي انا ماابي احد يغلط عليك ولاحتى يفكرمجرد تفكير سيء عن انك..

قاطعها باهتمام/انا اهمك يانوف؟
نوف/اكيد تهمني ياولد عمي..انت ماتدري غلاتك شنو بالنسبة لي؟




يوم ثاني بمجمع الراشد الصباح...
كان نواف عارف انها بتكون هنا لان سمع اخوها امس يقول انه بيجي معها من الصباح وماجت الساعة ثمان الا وهو يدور بالمجمع لين شافهم بعدين على حوالي العشر وانتظر فرصة ان مشعل يبتعد عنها وراح يكلمها...
نواف/وانتي طالعة كذا لاولي ولاهم يحزنون؟
ياسمين بقهرقالت/اخوي معي؟
نواف/امحق هذا اخو اللي معك؟وينه اشوفه؟
ياسمين/راح يتمشى؟
نواف/خوش والله..
ياسمين/وانت مفكر اني بسحبه و بدخله معي محل محل ادخله!!
نواف/انتي من منو ماْخذة اذن انك تطلعين من البيت ان شاءالله!!!
قامت تناظره بقهر وحست انها بتموت منه ومن تصرفاته لكن لا..لحد هنا وبس يانواف رفعت راسها وقالت بقهر/تصدق عرفت اللحين ليش بنت الناس ماقدرت تعيش معك لانك فعلا لاتطاق!!!
نواف بصوت عالي/انا اللي طلقتها مو هي اللي تركتني؟
بدون اهتمام قالت وهي تفك شيلتها من على راسها وتحطها فوق كتوفها وسط نظراته والذهول اللي فيهم/والله؟!!!تصدق عاد لو حلفت لي ماصدقتك؟
قالتها ومشت وهو واقف يناظر فيها كيف تجراْت تسوي كذا...هاذي لازم تتاْدب وتوقف عند حدها؟
/////////////////////////////////////////////
في بيت بو تركي...
عبدالله/صباح الروقان...
مرام/هلا وغلا..
عبدالله/هلا فيك...
مرام/يابعد عمري..
عبدالله/ياقلبي انتي...
مرام مو كاْنك قلبتها مغازل من الصبح ولالان اليوم خميس يعني؟
عبدالله/ههههههه
مرام/اقول ماسمعت؟
عبدالله باهتمام/لا..وش صاير؟
مرام/في خبر صار وانا عرفته من البارح؟

عبدالله/عن منو؟
مرام/يود ردينا البارح سمعت ابوي يكلم امي فيه؟
عبدالله/طيب يخص منو؟
مرام/مشاعل....
سكت شوي وبعدها قال/احد متقدم لها وخاطبها؟
مرام/أي وابوي موافق عليه لانه يصير ولد اخت صاحب ابوي ...
/////////////////////////////////////////////
العصر في بيت الجد..
طبعا ياسمين رجعت من المول وهي بقمة ثورتها من الاخ نواف وسكرت عليها باب غرفتها ماتبي تشوف احد بس يوم حرقها الجوع طلعت من غرفتها رايحة المطبخ تاْكل شي ويوم دخلت شافت جدها هناك...
ياسمين/سلام...
الجد/كاءنه منة ها السلام؟
ياسمين/جدي؟شقلت انا عاد!!
الجد/مدري عنك قاهرة الرجال..
بضيق قالت/أي رجال؟
الجد/منو غيره بعد ولد اخوي نواف...
دق قلبها بقوة معقولة اتصل وقال لجدها عن موقفهم البايخ..
الجد/البارحة بالمزرعة يادوبه ياْكل؟
ياسمين خفت شوي من توترها وقالت الحمد الله البارح مو اليوم..بعدها قالت بصوت عالي لجدها/طيب وانا شكو اساسا انا ماابيه ياجدي؟
الجد/اسمعي عاد بلادلع بنات..وبتتزوجين نواف غصبا عنك؟
ياسمين/جدي مايصير انا نفسي عايفته كيف تغصوبني عليه!!
الجد/ووجع ان شاءالله اذا سمعتك تقولين ها الكلام كسرت عظامك...
بعناد قالت/ماابيه مو غصب؟
الجد بصراخ/لاتخليني اطردك من البيت ترى بيتي هذا واذا بتكسرين كلامي مالك قعدة فيه ومالك ظلعة منه الا على بيت نواف ولا اذا ماتبينه طلعي من بيتي من اللحين ماابيك
//////////////

البارت الخامس عشر,,,,///////////////////////////////////
تركي/وين رايح؟
بروح بيت عمي..
تركي/خير..
نواف/لازم اْادب ها البنت ياتركي؟
تركي/انت هدي شوي..
نواف/شا اهدي بس ياتركي ها المجنونة ماخلت فيها أي هدوء ولارواق؟
تركي/ياولد الحلال اذكر الله...
نواف/لااله الا الله...
تركي/كيف بتروح؟وشنو بتقول؟
نواف/........
تركي/وسالفة ولدك ولامو ناوي تقول لجدي شي عنه بعد!!
نواف بضيق/بقول..
تركي/اسمع يانواف...انتظر لين تجي صلاة العشاء وبعدها روح وكلمه عن سالفة ولدك واذا حسيته طاخ وماهو متضايق كلمه عن ياسمين اما اذا حسيته معصب هدي شوي واجل الموض1وع لغير وقت...
نواف/لا انا..ااْجل موضوع ولدي بس مااْجل موضوع ياسمين؟
///////////////////////////////////////////////////////////
في بيت بو تركي كانوا ام تركي وابو تركي قاعدين بالحديقة مع البنات بس,,,,وهم يسولفون ومشاعل تسوي اظافرها وهي تغني وامورها ماشية تمام التمام لين قال ابو تركي..
ابو تركي/اقول ياالعروس..
سكتوا مشاعل ونوف وناظروا في بعض..
وقالت مشاعل بلقافتها المعهودة/مني يبى؟
ابو تركي/البارح يامشاعل تقدم لك شاب من زينة الشباب وانا وافقت,,
بخوف قالت مشاعل وهي فاتحة عيونها على وسعها/شنو يعني وافقت يبى؟نوف وهي تهدي الموضوع/يعني قصده يقولك انه من ناحيته مو معترض عليه وساْل عنه..
ابو تركي/أي ساْلت عنه يانوف؟هذا ولد اخت ابو سالم صاحبي...اسمه فواز السديري ..الولد يتيم ووارث من ابوه خير واسمه يهز السوق هز..

بضيق قالت مشاعل/أي..ويعني؟
انقذها جوالها اللي دق من اجابة ابوها اللي كان قالب ملامحه من سؤالها وكان خالها خالد هو اللي متصل/الو....هلا خالي....لا..ماشفتها اليوم؟..لاماهي عندي...ولاكلمتني؟ليش!!طيب..بستاْذن من ابوي واذا رضى انا ونوف بنجي,,,
/////////////////////////////////////////////////////////
ام مشعل بقلق/ياربي وين راحت ها البنت؟
الجدة بلااهتمام/قلعتها...
خالد بتاْنيب/يمه..
الجدة/يعني وين بتروح؟ تلاقيها رايحة تزط من ها المطاعم وكاْن طبخ امها مو حلو...
حطت ام مشعل يدينها على را سها وقالت بحزن/ياربي وينك فيه يابنيتي؟
مشعل بخوف/انتي متى فقدتيها يمه؟
ام مشعل والحزن كاسرها/يايمه هي من رجعت معك من السوق حبست روحها بدارها ويوم رحت اصحيها للصلاة صلت ونامت العصر واللحين رحت اصحيها للمغرب لقيت الدار خالية ومافيها احد..
خالد/غريبة هي مو من عوايدها تطلع وماتقول لنا ولاماترد على تلفوناتنا اذا اتصلنا؟
ام مشعل/ياخوي شوفها تكفى...
خالد/هدي ياام مشعل انا دقيت على البنات وسئلتهم قالوا ماشافوها ولاهي معهم ولامرتهم؟
الجدة بحقد/اكيد متفقين معها؟
خالد/يايمه كاهم جايين بالطريق ولو على قولتك متفقين معها مابيتعبون نفسهم ويجون؟
الجدة/تمثيل بتمثيل مااصدق احد فيهم...
ناظروا في بعض وسكتوا...
الجدة وكاْنها تذكرت شي/ان شاءالله بيتعشون هنا الليلة؟؟؟ماتكفيهم ليلة الخميس اذا تعشوا بعد الليلة؟
///////////////////////////////////////////////////////////////////
نواف/انتي شسالفتك؟
وضحى/أي سالفة؟
نواف/ليش بايتة هنا من يومين؟
سكتت وماردت عليه..
نواف بتاْنيب/متخانقة مع خالد؟
لؤلؤة/لاتشغل بالك...
نواف/ياسلام شنو يعني مااشغل بالي؟
لؤلؤة/هي تعبانة شوي ولاالسالفة مافيها هواش...
نواف/انا مو مصدق بس بعديها...
تنهدت وضحى وسكتت...
نواف/سمعوا..
وضحى/خير..
نواف/بما انكم قاعدين بقولكم شي...
لؤلؤة/خير..
نواف/انا عندي ولد..
ناظروا في بعض بدون تصديقوبصدمة قالوا ثنتينهم بصوت واحد/شنو؟؟؟
وضحى/أي ولد؟ومتى جبته؟وشلون؟
نواف/من ريم...
لؤلؤة/ليش انت رديتها يانواف؟
نواف/لا...
وضحى/لا....يعني يوم طلقتها كانت حامل؟
نواف/أي...
لؤلؤة/وغبرتنا!!يعني اللحين ولدك عمره اربع سنين؟
نواف/أي..
وضحى بانفعال/وليش توك تتكلم؟
نواف/ولدي وبكيفي...
وضحى قامت وهي معصبة وقالت/وليش مكلف على حالك وقايل لنا مدام احنا ضيوف شرف عندك؟
///////////////////////////////////////////////////////


وصلوا نورة ومشاعل ونوف بوقت واحد وكانت ام مشعل راكبة غرفة ياسمين تدورها من جديد وكاْنها بتشوفها...
دخلوا الصالة وماكان غير خالد وامه ومشعل قاعدين....
نورة/ها..شفتوها؟
خالد/لا..
مشاعل/وين راحت؟
خالد/انا لو ادري ماساْلتكم؟
نوف/طيب متى فقدتوها؟
الجدة/الناس تسلم اول؟
راحت نوف حبت الجدة على راسها ووراها مشاعل ونورة اللي حبتها بسرعة ولفت لخالد تساله
الجدة بعصبية/شوف ها الوكيحة نوير سلامها من فوق لفوق؟
نورة/احد زعلها ولاقال لها شي؟
الجدة/أي زوجي...
مشعل بضيق اول من تكلم/شنو قال لها؟
الجدة/مدري...
مشعل بتوعد/وانا اقول وينه؟
خالد/طيب يمه انتي ماتعرفين شنو قال لها؟ ولا ليش قال اصلا؟
الجدة/انا مااحب الفتنة..
خالد بنرفزة/يمه واللي يعافيك هذا وقته؟
نوف/وين ممكن تكون بس؟
لف لهم خالد وقال بضيق/انا اللي اساْكم وين ممكن تكون؟
مشاعل بترجي/فديتك يالغالية قولي ليه هاوشها؟
الجدة/علشان نواف..قال لها بيطردها من البيت اذا ماتزوجت نواف؟
خالد بضيق/ليش هو نواف اصلا تكلم وقال ابيها علشان يروح يهاوشها المسكينة؟
نوف/خالد..
لف لها خالد بسرعة/ها نوف,,
نوف/انا ادري وين ممكن تكون ياسمين بها الوقت؟
نورة/تدرين؟
نوف/أي..حطيت نفسي بموقفها وعرفت وين ممكن اروح ومااتوقع بفكر بمكان ثاني,,,
/////////////////////////////////////////////////////////////
شمة/علامك سرحان وتفكر؟
سعود اخو نوف/افكر بنصيب نوف؟
شمة زوجته/ليش هي ماتنازلت لك؟
سعود/لا..
شمة بحقد/ووجعة ليش؟
سعود/لانها كانت قاصر...
شمة/أي...
سعود/واللحين خلاص لازم اشوف لي حل...
شمة/شنو بتقول لها..
سعود/بخليها تسوي لي وكالة عامة وبسوي على اساسه عقد بيع وشاء لنصيبها من البيت والورث...
شمة/ومتى بتكلمها؟
سعود/في العيد..
شمة/اوووف يعني بعد شهرين؟
سعود/انا مالي خلق اروح بيت عمي اشوفها هناك ويسمعني تركي كم كلمة من هنا ولامن هنا. وانتي ماتبينها تجي عندك هنا؟
//////////////////////////////////////////////////////////
لؤلؤة/وضحى شفيك؟
وضحى/ولاشي...
لؤلؤة/منتي ملاحظة انك صايرة عصبية وهذا مو زين على البيبي؟
وضحى وهي حاطة يدها بقهر على بطنها وتتكلم بضيق/أي بيبي انتي بعد!
لؤلؤة/شفيك؟
وضحى/............
لؤلؤة/صار لك يومين هنا وخالد من طلع مارجع..كبرت بينكم السالفة؟
بعصبية قالت وضحى/عساها ماتصغر ولاتنحل؟
لؤلؤة/ياوضحى مايصير..مهما كان هذا ولد عمك وابو ولدك؟
وضحى/......
لؤلؤة/ليش ماتفكرين تصالحينه انتي بنفسك؟
وضحى/مستحيل؟
لؤلؤة/شيلي العناد من بالك..
وضحى/والولد اللي هو مايبيه؟

لؤلؤة/منو قال لك عاد انه مايبيه؟
وضحى/هو بنفسه؟
لؤلؤة/يمكن انه ماتوقع ها الشي ولاانه كان متضايق ولا..
قاطعتها وضحى/لؤلؤة لاتوجدين له أي اعذار الله يخليك..

البارت السادس عشر,,,,//////////////////////////////////
كانوا البنات قاعدين بغرفة ياسمين ينتظرون أي خبر يجيهم عنها وكل وحدة منهم نست كل اللي تفكر فيه وشاغلها,,,مشاعل نست صدمتها قبل ساعات قليلة بخبر العريس اللي جاي وموافقة ابوها عليه,,ونورة نست فارس وخيبة املها في انها توصل له ورفضها له اللي لازم يعرفه,,,ونوف نست عبدالله وحصة وسعود اكثر ناس شاغلين بالها,,,
ماظل عالق بذاكرة ها البنات الثلاث الا ياسمين في ذيك اللحظات والمكان اللي ممكن تكون هي فيه اللحين,,,,وليش ماقالت لوحدة منهم على الاقل؟
مشاعل/نوف..انتي وين قلتي لخالد يروح يدور عليها؟
نورة/أي صدق وين قلتيله؟
وقفت نوف قبال النافذة وماردت عليهم,,
////////////////////////////////////////////////
في مجلس ابو خالد...
نواف/عمي بغيتك بسالفة؟
ابو خالد/خير يانواف محتاج شي..
نواف/سلامتك ياعمي..
ابو خالد/اذا قاصرك ولاقاصر البنات شي لايردك الا لسانك يانواف قولي ولاتستحي..
نواف/ربي يسلمك ياعمي والله مو قاصرنا شي..
ابو خالد/اجل شفيك ياولدي يانواف السالفة ماهي سالفة سلام وترحيب لانك البارحة كنت معي بالمزرعة وشايفني؟
نواف/عمي..صراحة انا مو عارف شقول لك..
ابو خالد/قول ولاتستحي ياولدي,,
تنهد نواف بقوة وبعدها قال/عمي انا عندي ولد؟
حط ابو خالد فنجانه من يده على الطاولة وسكت...
نواف/عمي انا عارف انك بتلومني على سكوتي بس صدقني مدري وش اللي خلاني ماافتح معكم السالفة واخبركم...
ابو خالد/من طليقتك؟
نواف/أي..
ابو خالد/وناوي تردها؟
نواف بعصبية/معصي اردها...لاياعمي انا مااردها لو شيصير..
بعد فترة سكون مرت قال له ابو خالد/طيب وياسمين؟
////////////////////////////////////////////////////////////
راشد/انت داق لي يافواز؟
رفع راسه وقال/أي...بس بالاول هلا وغلا,,
راشد/هلا فيك ياولد اخوي...
فواز/اشوف من تقسم الورث بعدت عني ياراشد...
راشد/لابعدت ولاشي بس مشاغل الدنيا...
فواز بدون اقتناع/اها...مشاغل الدنيا اجل!!
راشد/فواز وش عندك؟
فواز/ليش حرام اني ادق لك يعني واتطمن عليك...
راشد/لامو حرام بس انا عارف ان عندك شي وتبي اسمعه..
فواز/طيب..من النهاية انا خطبت ياراشد وقريب ان شاءالله الملكة...
راشد/افا...انا امس متعشي في بيت عمك عادل ماجاب لي سيرة؟
فواز/.......
راشد/انت ماخطبت بنت عمك يافواز؟

فواز/لا..
راشد/لا؟؟
فواز/خالي خطب لي بنت صاحبه والجماعة موافقين؟
سكت راتشد ومارد والكلام مبين من ملامحه انه مو عاجبه,,,
(طبعا فواز السديري هذا اللي خاطب مشاعل بنت بو تركي,,,شاب وسيم نوعا ما مايل للسمار يتيم ماعنده غير خاله ابو سالم اللي هو صاحب ابو تركي وبينهم عشرة اما عمامه فمن بعد مااستلم ورث ابوه اللي كان كاتب معظمه لولده بعدوا عنه واللي زاد بعدهم عنه انه ماخطب وحدة من بناتهم...
راشد/يكون عم فواز ومقارب له بالعمر اهم شي عنده بالدنيا الفلوس ويبيع نفسه علشانها وبترجع تقوى علاقته من جديد بفواز بعد ماانتهت بتقسيم الورث لااسباب بتعرفونها بعدين)
////////////////////////////////////////////////////////////
وصل المكان اللي قالت له نوف يروحه..وقف سيارته ونزل وكانت ياسمين قاعدة عند باب المقبرة وحاطة راسها بين رجلينها بس خالد عرفها ووقف جنبها وناداها باسمها ورفعت راسها يوم شافته يناديها..
مسكها خالد من يدها ووقفها على رجولها..وهمس/تعالي...
ياسمين بدموعها/لا..ابي اقعد هنا ياخالي؟ابي اظل جنب قبر ابوي,,,
بحنان قال/تعالي..الدنيا ظلمة ومايصير تظلين واقفة هنا بروحك بكرة اجيبك صدقيني...
مشى معها للسيارة ويوم ركبوا قامت تبكي بصوت عالي..
خالد بحنان/انا ابوك ياياسمين ابوك واخوك وكل شي...
ياسمين من بين دموعها/لاياخالي انت ماتقدر تكون ابوي...وتحميني؟
خالد/افا ياياسمين كذا تقولينها بوجهي!!
ياسمين بتعب/خالي انا احبك واعزك واحترمك كثير بس انت لايمكن تكون..
قاطعها/وش اللي ناقصك عاد ياياسمين و..
لفت وجهها عنه لعند النافذة وقالت باسى/مابتفهمني؟
خالد باصرار/لابفهمك قولي كل اللي في خاطرك؟
ياسمين بتعب اكبر/ابي الامان ياخالي..ابي بيت يضمني ويكون بيت ابوي..ابوي ياخالي ومحد يعايرني اني ضيفة ثقيلة وبنطرد لو مامشيت مثل مايبون ونفذت اوامرهم؟
سحبها خالد من يدها وضمها لصدره وقامت تبكي عليه بقوة وحس هو ان دموعه مغرقة عينه وبيبكي معها بااي لحظة بس شيسوي امه وابوه وتغيريهم مستحيل ومحاسبتهم على كلامهم بعد مستحيلة!!
بعد عنها شوي وقال بمرح وهو يحاول يخفف عنها/اوووف لو يجي احد يشوفنا ويروح يقول لوضحى كان صدق بتخرب بيتي!!
رغم انها متاْلمة ومتضايقة بس ابتسمت له وبادلها هو الابتسامة ,,
//////////////////////////////////////////////////////////
بعد ماوصلت ياسمين البيت علطول لغرفتها وخالد قال لااخته تتركها وماتكلمها لين تهداْ شوي وهي اكيد بتجيها..
وفي غرفتها جلست على فراشها وشالت عبايتها والبنات حوالينها..
نورة/كذا تخوفينا عليك؟
مشاعل/لا صراحة ماتوقعناها منك ياسمسمة؟
نوف/خلاص اتركوها ترتاح وبعدها لكل حادث..
قاطعهم صوت ياسمين اللي انفجر بالبكيوهي تقول/ترى حرقة قلب ان احد يقعد يعايرك انه يطردك من بيته اذا ماسويتي اللي يبيه؟
نورة/يبى جدي وجدتي مرفوع عنهم القلم من زمان من قبل لايشيبوا؟؟ومحد يشره عليهم...
مشاعل/لمتى بنظل نقولك طنشي..
نوف/يابنات خلاص ياسمينة اللحين بتعزمنا على عشى وحبذا لو كان كنتاكي لان ورانا سوالف عظيمة وبالاخص ان مشاعل بتنخطب؟
نورة وياسمين بصوت واحد/شنو؟
مشاعل وكاْنها تذكرت/أي صح ذكرتيني,,
//////////////////////////////////////////////////////////
خالد ماصدق على الله يشوف ياسمين ..حس انه تعبان حيييل ويبي يحط راسه ويرتاح بعد ها اليوم خصوصا انه من الصبح في الدوام ومن العصر راح بيت ابوه يوم تكلمه ام مشعل تقوله عن ياسمين وللحين وقفته...
دخل الشقة وتفكيره بوضحى ينزايد...وش ممكن يكون الحل ياخالد لمشكلتكم....حياتكم كل يوم لها حال ,,,متى بتستقرون بس؟؟
تنهد بقوة وهو ضايق وفكر يطلع صورة وضحى...حس انه من زمان ماشافها دخل غرفتهم وطلع البومات الصور اللي عنده وجلس على الكرسي بالصالة يطالعهم ووقف عند صورة زواجهم,,,ظل يتاْمل ويتاْمل..لين انتبه لصوت الباب ينفتح لف ولقاها جاية وظلت بمكانه يوم سكرت الباب ولقته يناظرها,,,ظلوا ساكتين فترة طويلة وهم يناظرون في بعض وهو بعده ماسك صورة زواجهم,,,
قطعت الصمت ها المرة وضحى يوم قالت/اقعد ولاما الزمك؟
لف للجهة الثانية ومارد عليها..
قالت وهي واقفة مكانها/هذا يعني اني ماالزمك؟؟؟
////////////////////////////////////////////////////////////

البارت السابع عشر,,,
///////////////////////////////
باْخر الليل في غرفة ام مشعل طقت ياسمين الباب ودخلت لقت امها ماسكة صورتها هي واخوها مشعل يوم كانوا صغار وتبكي وبس شافت ياسمين مسحت دموعها..

ياسمين بخجل/يمه...اقدر اقعد معاك شوي؟
بحنان قالت ام مشعل/تعالي...تعالي يمه...
جت لعند امها طيران وحطت راسها بحضنها وهي تعتذر/يمه انا اسفة على اللي صار اليوم..
ماتكلمت امها بس حطت يدها على راس ياسمين ومسحت على شعرها وقامت تتنهد الشي اللي صار خلا ياسمين تتندم زيادة وتتحسر على موقفها السخيف وقامت تبكي/والله يايمه ماققصدت شي من اللي سويته انا احبك يمه ومقدر على زعلك صدقيني مااعيدها ثانية يالغالية...
ام مشعل/يمه انا مو زعلانة منك انا بس مت خوف عليك...كل اللي ابيه اني اتطمن عليك انتي واخوك...كثير ها الشي يايمه ياياسمين؟؟
///////////////////////////////////////////////////////////
تركي/عريس؟؟لمنو؟
ابو تركي/لمشاعل,,
هدت النار اللي كانت تغلي فيه شوي لانه كان خايف ان العريس يكون لبنت العم..
تركي/وانت تعرفه؟
ابو تركي/شلون مااعرفه هذا فواز السديري ولد اخت ابو سالم..
قاطعهم عبدالله اللي كان يصب الشاي لهم/أي ...بس عرفته؟
تركي/منو؟انا مو ذاكره؟
عبدالله/هذا اللي عنده شركة ال...
ابو تركي/ولد اخت ابو سالم ياتركي ماعرفته؟
تركي/هو ماقط زارنا البيت صح لاني مااتذكر شكله؟
ابو تركي/لا مازارنا...
تركي/ومشاعل عطيتها خبر ..
ابو تركي/قلت لها المغرب قبل تروح بيت خالتها...
عبد الله/خذ لك اللحين متى بترد ؟؟البنات مدري شلون يفكرون خايفة ومترددة ومدري شنو؟
ابو تركي/ومن قال اني انتظر ردها عاد؟؟
عبدالله/شلون يبى؟
ابو تركي/انا الولد اعرفه وموافق عليه ومافيها كلام زيادة؟
تركي/واذا مشاعل قالت لا؟
ابو تركي/ماعندنا بنات يقولون لا ...البنت اهلها يدورون لها العريس ماهو بكيفها...نحب بناتنا أي وندلعهم أي بس يختارون رجاجيلهم بكيفهم لاوستين الف لا بعد!!!
/////////////////////////////////////////////////////////
ظلوا ساكتين فترة طويلة ومحد منهم تحرك ولاتكلم وكل واحد فيهم تفكيره يقوله ان الطرف الثاني هو اللي لازم يبدي بالكلام وعلى ها الحال طالت فيهم السكتة وماْكان احد له نية يتكلم..
وضحى كانت بتبدي بالمعروف وبتتكلم طالما انها جت بنفسها الشقة بس غيرت رايها وظلت ساكتة وبعدها مشت من قدامه بدون ماتقول شي ومن قربت منه وشم ريحتها حس انه مو فاقدها بجد مايتهياْله مسك طرف عبايتها بسرعة وقال بلهفة ماقدر يخفيها/نور المكان برجوعك؟
لو لف لها ذيك اللحظة كان بيشوف اكبر ابتسامة مرتسمة على شفايفها صحيح انها كانت ممزوجة بدموعها بس كانت صادقة ومالقت نفسها الاتمشي للغرفة بسرعة عنه علشان تتنفس بارتياح.وكاْنهم يلتقون لااول مرة؟..
/////////////////////////////////////////////////////
يوم ثاني الصباح..
سعد/علامكمعصب كذا ومو طايق احد؟
مشعل بدون نفس/ولاشي..
سعد/بلى في شي..اساس لو مافيك شي مو كذا كشرتك على وجهك ومخلينا نهرب من المدرسة ونهايل بها الشوارع؟
مشعل/ابي اذبح جدي؟؟
سعد/وجدتي بعد؟؟ليش نذبح جدي بروحه عاد؟
مشعل/انا اتكلم جد؟
سعد/وانا ماامزح تراها ثقيلة دم اكثر منه؟؟
مشعل/ليشش يمنون علينا ان احنا قاعدين عندهم في بيتهم؟
سعد/قايل لك انا تعال معي وابوي عجز من كثر مايكلم امك انت مدري ليش متحمل قاعد هناك؟
مشعل/امي...لو امي ترضى تجي عندكم كان انحلت بس امي تبي تقعد عند ها الشياب الله ياخذهم ويفكنا منهم ومن شرهم؟؟؟
سعد/امين يارب العالمين...
مشعل/امس ياسمين زعلها الشيبة وطلعت من اليبت زعلانة وودي اشتري لها شي افرحها فيه اليوم ماراحت الجامعة والبنات البارحة ناموا عندها؟
//////////////////////////////////////////////////////////
اليوم غير...جلست لانها سمعت صوت خالد برى يحوس شكله ماراح الدوام تحممت ولبست قميص نومها الستاني الوردي اللي يحبه خالد وتركت وجهها بدون شي وطلعت الصالة اللي كانت معفوسة فوق تحت من خالد وجلست هناك وصوت خالد بالمطبخ...تاْملت المكان وانتبهت ان خالد كان ينام بالصالة وهي طول الليل تسال نفسها وين كان ينام والفراش على حطة يدها ماتغير من يوم طلعت من البيت؟؟؟
رفعت راسها يوم سمعته يقول بروقان/صباح الخير؟
/////////////////////////////////////////////////////////////
حصة/اهم شي انكم لقيتوها ياخالتي؟
ام مشعل/الحمد الله..........زالا انا زعلانة منك ياحصة؟
حصة/انا!!!ليه عاد ياخالتي؟
ام مشعل/يمه هاذي سواة تسوينها في ها المسكينة؟
حصة/خالتيبتوقفين معها ضدي؟
ام مشعل/يايمه هاذي مالها غيركم مو كافي اخوها اسود الوجه تاركها عندكم؟
حصة بقهر/لانه عارفها ومايبي يبتلش فيها؟
ام مشعل/لايايمه مو زين عليك كذا هاذي يتيمة؟
حصة/هاذي شايفة لها شوفة وحاطة عيونها على واحد من اخواني انا متاْكدة؟
ام تركي/ابركها من ساعة لو ياخذها ولد عمها ياْخذ فيها اجر وبعدين نوف ماعليها كلام وطول عمرنا نعدها وحدة منا وفينا..
حصة/خالتي!!
ام مشعل/خلاص قصري حسك تراها نايمة هنا البارح مع ياسمين وماابيها تنزل وتسمعك؟
/////////////////////////////////////////////////////////
الجدة/شيبي منك نواف؟
الجد/تقصدين البارحة؟
الجدة/أي انت نمت وماقلت لي!!
الجد/أي انا مانمت سويت روحي نايم؟
الجدة/وليش يعني؟
الجد/علشان لاتساْليني؟
الجدة/ياسلاااام؟
الجد/كنت ابي افكر؟
الجدة/في شنو؟
الجد/في اللي قاله نواف؟
الجدة شهقت بصوت عالي/درى انها طلعت وقال ماابيها؟
الجد/طلعت؟؟؟وين راحت؟؟
الجدة/قول سالفتك بعدين انا اقول اللي عندي؟
الجد/لا انتي اول تتكلمين؟
الجدة/لا انت تقول اول؟
/////////////////////////////////////////////////

البارت الثامن عشر,,,
////////////////////////////////////
وضحى وهي تناظر بفراشه اللي حاطه على الارض قبال التلفزيون/صباح النور؟
قرب الطاولة منها وحط صينية الفطور وقامت تناظرفيها ورفعت راسها له/شنو هذا؟
قعد قبالها على الارض وقال/فطور بالله فكرتيه وليمة؟؟
وضحى/هذا كله فطور وبعدين يوم انك شاري كل شي من برى ليش ماتركتهم بصحونهم بدل ماتطلع لي صحون من الدولاب ولا لانك مو انت اللي بتغسل مو مهم؟
خالد برواقان/اولا هذا فطور علشانك لازم تاْكلين زين,,ثانيا حطيتهم هنا علشان يفتحون نفسك للاكل يعني بصير ذرب وبسوي لك حركات,,,واذا على الغسيل يسلم راسك انا اغسلهم ماما وضحى انتي بس سمّي,,
مسكت صحن الزيتون الاسود تاْكل منه وقالت بشماتة/هذا فراشك الجديد؟
ناظره خالد ورجع يناظرها وهو يضحك وهي كملت بنفس الشماتة/زين انك عارف نفسك وقيمتك؟
خالد/يالله عن الشماتة؟
وضحى/الا صدق خالد انت ليش كنت تنام هني؟وماتنام بالغرفة؟
تنهد وقال برومنسية/مقدر انام فيها...الغرفة فيها ريحتك واذا دخلتها اصير مثل المجنون لانك مو فيها؟
///////////////////////////////////////////////////////////////
في غرفة ياسمين...
نورة/اجل جايك عريس يامشاعلوا؟
مشاعل/سكتوا واللي يعافيكم بطني يعورني من قال لي ابوي بالسالفة؟
ياسمين/ليه؟
مشاعل/لانه ابوي واذا هو مقتنع بيوافق بدون مايشاورني
نوف بشماتة/تطمني عمي وافق وخلص ماسمعتيه يقول فواز ولد اخو ابو سالم وانتي تعرفين زين علاقته بعمي ابو سالم؟؟
نورة/واسمه فواز بعد!!!
نوف/أي فواز...
لفت لها مشاعل/اللحين هو متقدم لي ولالك؟؟حتى اسمه مانسيتيه؟؟
نوف/هههه
نوف/شضوفي اخذيه انتي وليلة العرس اروح معك اقوله عمي مسوي عرض تزوج مشاعل وخذ معها نوف مجانا!!
نورة وياسمين/هههه
نورة/لامو كذا نوفوا انتي جارية عند مشاعلوا وبتوهبك للامير فواز مثل ايام الجاهلية؟
ياسمين ونوف/هههههه
مشاعل بزعل/ياربي ارحموني انا خايفة ماابي ارد بيتنا ..
ياسمين/احسن ظلي معنا ذوقي اللي انا ذايقته من جدي وجدتي؟
////////////////////////////////////////////////////////////

ابو تركي/مشاعل ماردت من بيت جدها؟
ام تركي/لا
ابو تركي/ومتى بترد؟
تركي/خل عبد الله يمر عليها ردته من الدوام المغرب لان بنتكم شكلها سمعت سالفة العرس وانحاشت؟
ام تركي/هههه
ابو تركي/واحليلها مشاعل ماني مصدق انها بتتزوج؟
عبدالله/الفال لنا ياتركي...
سكت تركي ومارد بشي...
ام تركي/ها خلاص شكلك نويت ياعبادي؟
عبدالله/أي والله ودي اتزوج واستقر..
ابو تركي/الساعة المباركة والله...
ام تركي/يالله عاد ياتركي تحرك انا مو مزوجة عبدالله قبلك؟
شرب قهوته بهدوء وقال/يصير خير..
عبدالله بترجي/لاتكفى احرق دمك شوي ماابي انتظر كثير؟
ابو تركي وام تركي/ههههه
ابو تركي/المهم لاتنسى ياعبدالله تمر اختك تجيبها من بيت جدك لاني بقوم ارتاح شوي والليلة فواز وخاله عشاهم عندنا ولاتقولون لها..ابيها تظل على طبيعتها؟
///////////////////////////////////////////////////////
مشعل/ياسمين غمضي عينك؟
ياسمين/ليه؟
مشعل/غمضيها وانتي ساكتة؟
غمضت عيونها والبنات معها...
مشاعل بمرح/انا بعد اغمض عيوني؟
مشعل/لا..
مشاعل/افا...
نورة ونوف/ههههه
ياسمين وهي مغمضة/اشم ريحة اعرفها زين ويحبها بطني؟
سعد/خبري يقولون يحبها قلبي مو بطني؟
ياسمين بمرح/انت شيفهمك بالله؟؟عزك وانت ساكت..
هههههههه
مشعل/يالله افتحيها اللحين...
ياسمين بحنان/اللله...لمنو هذا لي..
سعد/اجل لي؟؟توه يقولك غمضي عيونك ياحظي!!
ياسمين بنفس الحنان/الله لايحرمني منك يالغالي..
الجدة من وراهم/وش دعوة جايب لك طقم الماس عاد لو مسكنك بقصر!!!جايب لك من ها المطاعم الزفرة ؟؟بس خساير فلوس ؟
نورة /جدتي انتي اكبر تحطيم بصراحة خربتي اللحظات الحلوة؟
الجدة بلااهتمام/لانكم مو انتوا اللي تشقون وتجيبون القرش غيركم يجيبه وانتوا بس صرف بهبال اخرتها بتخسفونا الله يخسفكم؟
سعد بهمس/اذا مااطلع لك قرون واخليك تصيرين تكلمين الجدران من اللي بيجيك مااكون انا سعد وهاذي لحيتي!!
مشاعل بهبال/وينها لحيتك انا مو شايفتها؟ياخلاف حتى شوارب مافيك؟
////////////////////////////////////////////////////////////
وضحى/خالد احنا ليه حياتنا كذا!!
خالد/شفيها حياتنا؟
وضحى/ليه يوم احس انك تحبني مووت وايام تمر بينا سودة وكريهة؟
خالد بابتسامة/هذا علشان احنا مميزين ومانرضى نكون مثل باقي الناس لازم حياتنا تكون مثلنا!!
وضحى/والله!!
خالد/أي والله..
وضحى/......
خالد/المهم حبي..
وضحى/هلا..
خالد/انتي باْي شهر اللحين؟
وضحى/الثامن..
خالد/جد والله؟
وضحى/انت شرايك؟
خالد/مدري؟
وضحى/عاد خالد لاتصير مسطل كذا يعني بكون باْي شهر يعني؟
خالد/وانا وش يعرفني انا ماافتهم بها السوالف نهائيا؟
وضحى/اجل اكرمني بسكوتك؟
خالد/الا هو تحرك في بطنك اللحين؟
وضحى بانفعال وهي تضحك/خالللللللللللللللد لاتجلطني توني بسم الله وش ها الاسئلة؟
خالد سكت شوي وبعدها ضحك على نفسه وبعدين همس لها/وضحى....مبروك...ربي يتمم لنا بخير ان شاءالله
//////////////////////////////////////////////////////////
تركي/من صدقك؟
نواف/أي من صدقي..
تركي/لا انا مو مصدق..
نواف/بلى صدق انا البارحة تكلمت مع عمي وهو قال لي خذ ولدك وجيبه عندك خل يتربى بحضنك..
تركي/ولو ماكان جدي قايلها انت ماكنت بتفكر تاْخذه عندك؟
نواف/بيني وبينك ياتركي لا..
تركي/افا..ليه كذا عاد؟
نواف/خله يقعد عند امه اذا ظل عندها بيكون عقبة لها ومابتتزوج مرة ثانية؟
تركي/قول الصدق انت ودك تردها؟
نواف/حشى والحشى عن الف يمين؟هاذي اردها مرة ثانية!!واخليها على ذمتي ليه بالله انجنيت ؟
تركي/اجل ليه ماتبيها تتزوج؟
نواف/وها الحريم بس سالفتهم من زوج لزوج والعيال تربيهم الدنيا؟
سكت تركي لانه عارف نواف ونظرته السودة على الحريم من تزوجت امه وتركته هو وخواته...(وهاذي عقدة وضحى مع الزواج وخوفها المستمر من ان خالد يتركها وعقدة نواف اللي خلته يكره كل الحريم باالعالم)
نواف بهدوء/تركي..
تركي/هلا,,
نواف/الليلة؟
تركي/الليلة شنو؟
////////////////////////////////////////////////////
بعد صلاة المغرب في سيارة عبدالله كان ساكت طول الوقت ومافي غير مشاعل اللي كانت طول الوقت تهذر وماظل شي ماقالته وعبدالله بس يناظرها ويناظر الطريق لين قطعت جوه نوف اللي كانت تناظرهم ثنينهم..
نوف/عبدالله..
عبدالله بهدوء/هلا..
نوف/شفيك؟
عبدالله/ولاشي..
نوف/مو صحيح ..
ابتسم لها..
نوف/شفت ان فيك شي...
مشاعل/انا مااحس فيه شي هو صدق متغير شوي ها الولد بها الايام ...
دفها عبدالله من كتفها/أي ولد انتي بعد ماتشوفين طولي وعرضي!!
نوف بااعجاب ماقدرت تخفيه/خزينا العين...
عبدالله ابتسم..
مشاعل/أي من قدك في ناس يدافعون عنك؟
نوف بثقل/هذا الحق؟
عبدالله/سمعتي الناس الذويقة؟
مشاعل/يبى تجاملك انا اعرفها..
نوف باندفاع/لاحشى مااجامل اصلا انت من يوصلك ياعبدالله؟
لف لها وقال بهدوئه المعتاد/بصدقها ها المرة تدرين ليش؟
مشاعل بلقافة وكاْنها هي اللي تنساْل/ليش؟
عبدالله وهو يناظر في نوف/لانها بدون ياولد عمي ؟؟
//////////////////////////////////////////////////


البارت التاسع عشر,,,
/////////////////////////////////////
في بيت الجد وقت العشى كانوا قاعدين كلهم ياكلون ومشعل يتكلم بمرح عن سوالفه وهم يسمعون له وياسمين تكمل له اللي نساه لين دق جوال الجد وسكتوا كلهم,,,,
رفعه وقام يناظرهم..
الجدة/منو هذا اللي داق؟
مشعل/يعني بالعقل لحق يعرف منو متصل عليه وهو توه راد؟؟ولامفكرة زوجك يعرف يقراْ الاسماء ان شاءالله؟
الجد وهو يكلم/أي..اي...واخذته؟...اي..مثل ماقلت لك؟ياسمين/يمكن خالي خالد...
ام مشعل/لا مااظن خالد قبل شوي كان متصل...
ياسمين وهي تشرب شوربتها بلااهتمام/وانتوا ليه شاغلين بالكم؟
الجدة/لانه زوجي ولازم اعرف في حياته كل شي؟
مشعل/عشتوا ياالشياب؟؟؟
الجدة/شياب بعينك يالثور؟
مشعل بعصبية/انا ثور؟؟
ام مشعل/ششششش...ابوي مو عارف يتكلم منكم...
الجد وهو بعده يكلم/أي..حياك البيت بيتك ومن يقول لا...انا قايم افتح لك المجلس ...سكر جواله ووقف,,,
الجدة/منوهذا...
قال وهو يناظر ياسمين/نواف عنده ولد يياسمين؟
بالبداية صدمها الخبر ورفعت راسها علشان تفهم الموضوع ويوم شافتهم يناظرونها كلهم قالت بلااهتمام/وانا شكو؟
///////////////////////////////////////////////////////////
وبوقت العشى بمكان ثاني....وتحديدا في بيت ابو تركي لبست مشاعل عبايتها ونزلت..
مشاعل/انا ابي افهم شي واحد ليه ابوي مصر اني اودي الشاي له برى وهو مع عمي بو سالم؟

ام تركي/سئليه؟
مشاعل/قدام الرجال اسئله يمه؟
ام تركي/خلاص اجل وديه وانتي ساكتة..
مشاعل/اخواني وينهم؟
ام تركي/تركي راح يتحمم وبينزل وعبدالله كان هني بس الظاهر راح يجيب العشى...
مشاعل/وليه جايبين عشى من برى بعد!!طول عمره عمي بو سالم ياْكل معنا..
ام تركي/والله عاد انا مالي خلق اسئلتك هذا الشاي وروحي طلعيه له برى انا بقوم ادق على اختك حصة بشوف اخبارها اليوم ماكلمتني؟
///////////////////////////////////////////////////////////
على كورنيش الدمام,,,,
كانوا ماسكين ايادي بعض وهم يمشون
وضحى/تصدق عاد ياخالد..
خالد/شنو..
وضحى/لو اقولك ماتضحك..
خالد/لاماراح اضحك قولي..
وضحى/قبل لانتزوج كنت لمى اشوف اثنين ماسكين ايادي بعض اتنرفز...احسها حركة غبية شنو يعني بيضيعون اذا مامسكوا ايادي بعض؟
خالد بابتسامة/واللحين؟
وضحى بخجل ممزوج بحب/اللحين اموت اذا يدي مالامست يدك!!
شد خالد على يدها وهمس/يابعد قلبي انتي..
وضحى/.....
خالد/الا الصدق ليه ماحبيتي نقول لهم اليوم عن حملك؟
وضحى/مدري كنت ابي اعيش اليوم كله معك؟
خالد/خلاص اجل بكرة نقول لهم,,,
مرت فترة سكون وبعدها قالت...
وضحى/خالد انت كنت تقصد الكلمة اللي قلته لي!!
خالد باندفاع/لاياقلبي صدقيني,,,,عطيني فرصة اشرح لك واقول..
وضحى/لاياخالد انا ماابي نتكلم عن شي فات من حياتنا انا نسيت السالفة كلها بس ابي اعرف اذا كنت تقصدها ولالا؟
بصدق قال/طبعا لا ياحياتي...
وضحى/ريحتني ياخالد..تصدق خفت يجي ها البيبي وتظل شايل عليه واكون انا السبب؟
خالد/شها الكلام انتي عارفة زين غلاتك عندي؟
////////////////////////////////////////////////////////////
الجدة/شنو انتي شكو؟انتي ناسية انك بتصيرين زوجته؟
ام مشعل/أي بس شلون ؟متى جاه الولد وليش ماقال لنا؟
الجد/هذا هو قال؟
مشعل/وكم عمره؟
الجدة/وانت شعليك بالله؟
مشعل/هو مو يبي يتزوج اختي لازم نعرف عنه كل شي؟
الجدة/ياحظي هذا ولد عم امك ماهو غريب عنا؟
الجد/قوم بس يامشعل وافتح المجلس لنواف تراه برى,,,
رفعت عيونها تناظر بجدها لانها من تكلموا بسالفة الولد سرحت عنهم,,,
الجد/وانتي تلبسين عبايتك وتجيني طيران المجلس؟
ياسمين بعصبية/وان شاءالله جاي يعرفني بولده؟
الجد/لا جاي يملك..
طاحت الملعقة من يدها وقالت ام مشعل/شنو؟كذا يملك بدون مقدمات يبى؟
الجد/هو البارح كلمني عن ولده وانا قلت له جيب ولدك وتعال املك البنت ماعندها مانع وتوه كلمني يقول العصر اخذ ولده وكاهو جايب الشيخ وبيملك يعني عندي خبر مو ماعندي؟
ام مشعل/وليه ماقلت لنا يبى الا اللحين؟
///////////////////////////////////////////////////
ام تركي وحصة على التلفون/أي يمه,,,
حصة/وهي شقالت؟
ام تركي/مابعد تكلمنا معها بالسالفة,,
حصة/لمتى عاد؟
ام تركي/توها رادة من ساعتين...
حصة/مو تقولين ابوي موافق يعني رايها لابيودي ولابيجيب؟
ام تركي/أي بس لازم تفهم الموضوع باقتناع مو بااجبار يمه؟
حصة/امممم...والهانم شتسوي؟
تنهدت ام تركي/يايمه لمتى ها الحكي عاد؟
حصة/قولي لاابوي ولااخوي اللي طردوني من البيت علشانها لمتى؟
ام تركي/يايمه نوف برقبتنا ومايصير تحطين لها العداوة؟هاذي بنت عمك ياحصة وبحسبة اختك حرام عليك؟
حصة/يمه هي اللي بتفرقنا؟
ام تركي/يايمه نوف رابية معنا انا وابوك ربيناها وحالها حالكم ليش كذا كارهتها هذا بدل ماتتشفقين عليها لانها يتيمة؟
حصة بقهر/بنشوف وش اخر ها اليتيمة؟
ام تركي/لاحووول..انا قايمة اشوف مشاعل شسوت..مع السلامة يمه
//////////////////////////////////////////////////////////////
في غرفة نورة انطق الباب..
نورة/منو؟
ام سعد/انا..
نورة/دخلي يمه,,,
ام سعد بعد مادخلت/شتسوين؟
نورة/سلامتك قاعدة ارتب دولابي بنطلوني الاسود مدري وينه شاكة انه عند ميشو,,
ام سعد/وين تشوفين والدولاب قايمة فيه حروب؟
نورة/هههههه
ام سعد/ضحكي على خيابتك ياحظي؟
نورة/برتبه يوم الخميس...
ام سعد/كل اسبوع نسمع ها الكلام؟
نورة/فضحتينا عاد يمه..
ام سعد/وبيظل دولاب ملابسك كذا حتى بعد ماتتزوجين...بتفشلينا مع فارس؟
تنهدت نورة وسكتت...
ام سعد/انا طالعة مع خالتك ام فارس بنروح نتشرى اغراض للبيت تجين معنا؟
نورة/مالي خلق اطلع توني رادة من بيت جدي,,
ام سعد/زين تبين شي..
نورة/وين بتروحين؟
ام سعد/يمكن التميمي...
نورة/لابغيت شي بدق عليك...
ام سعد/طيب....تركتها امها وطلعت ورجعت لهمها اللي تحاول تهرب منه(فارس)راحت فتحت لاب توبها من جديد وهو شاغل افكارها ياربي شلون تقنعه انهم مايناسبون بعض شلون؟
////////////////////////////////////////////////////////////
في حديقة بيت ابو تركي..
مشاعل/السلام عليكم,,,
ابو سالم وفواز/وعليكم السلام...
كانت مشاعل متحجبة بس لانها ماتتغطى عن بو سالم اللي بحسبة عمهم وطول يومه معهم ويسافرون ويروحون معه بس يوم شافت فواز دق قلبها وماعرفت شتسوي ..وقف ابوها بسرعة وشال منها الصينية وحطها على الطاولة وتوقعت انه يسحبها من عبايتها ويدخلها بس تفاجاْت فيه يقول لها/يبى مشاعل هذا فواز..خطيبك جاي يسولف معك وتتفاهمون...قعدي يبى وشوفوا متى بتحددون الملكة وانا مع عمك بنروح الخيمة وعشاكم بيوصلكم...
هي وش اللي صدمها بالضبط من كلام ابوهاوخلاها واقفة مكانها ماتدري؟
هي كلمته خطيبك اللي صدمتها وجمدتها ولاسولفوا مع بعض وتفاهموا ولاحددوا موعد الملكة ولاشنو بالضبط؟رجعها للواقع فواز اللي وقف قبالها يناديها,,
////////////////////////////////////////////////////////////
لؤلؤة نزلت لمستواه وقالت/شسمك؟
احمد..
لؤلؤة/مشاءالله شكلك شاطر...
احمد/طبعا,,
ابتسمت لؤلؤة/في هاذي تشبه ابوك...
احمد/انتي منو؟
لؤلؤة/انا عمة لؤلؤة..
احمد/في هنا عيال قدي..
لؤلؤة/لا
احمد/اوووف انا وين مااروح مافي عيال كبري حتى خالاتي ماعندهم غير بنات
لؤلؤة/احمد....شلون الماما؟
احمد/مو طيبة,,,,
لؤلؤة/ليه؟
احمد/مو قايل لك
لؤلؤة/ليش عاد انا عمتك...
احمد/اذا انتي عمتي قولي لي متى بتجي امي تعيش هنا معي؟
لؤلؤة/ليش امك بتجي تعيش هنا؟
احمد/أي
لؤلؤة/منو قال لك..ابوك؟
احمد/لا هي قالت لي...
لؤلؤة/والله مدري ابوك محد يدري عن اللي بيسويه ولايفكر فيه اذا رد اساْله
احمد/هو وين راح؟
لؤلؤة/مدري قال عنده مشوار بيقضيه وبيرجع
احمد/انتي وين قايمة؟
لؤلؤة/بدق على عمتك وضحى تجي تشوفك؟
احمد/مافي احد غيرك بالبيت
لؤلؤة/لا
احمد بدى يبكي/انا ابي ارد لاامي...
///////////////////////////////////////////////////

********************************************
البارت العشرين,,,,
////////////////////////////////////
جاي يملك عليها الليلة!!!وبها الوقت؟؟وش ها الوقاحة اللي فيه؟؟
يمكن اني مو موافقة ليه بعد جايب معه الشيخ وجاي!!
كله منك ياجدي انت اللي قلت له اني موافقة وبعتني برخيص وصغرتني بعيونه وماعاد اهتم بشي!!
لا,,نواف جاي يرد لي موقفي وحركتي معه بالراشد قبل يومين انا اعرفه..هذا مو صاحي..زماعرف يرد لي الحركة الا بملكتنا!!!احد يجاكر احد يملك عليه؟مستحيل انا ماابيه لو شيصير ماابيه..اكرهه كره الموت,,,
ياسمين,,,ياسمين...رفعت راسها ولقت جدها يناظرها بغضب انتي مالبستي عبايتك للحين؟
بتردد قالت /جدي,,
الجد/شنو؟
ياسمين/انا ماابيه..
الجد/مو بكيفك الشيخ ينتظر..
ياسمين بهدوء مايناسب الموقف/أي بس انا مو موافقة ؟
الجد/لاترفعيت ضغطي وامشي معي بسرعة ترى نواف مستعجل وراه مشاوير,,,
فتحت عيونها على وسعها ونزلوا دموعها وقالت بغصة/وليش جاي يملك مدامه مستعجل ها الكثر؟؟؟ ////////////////////////////////////////////////////////////////
فواز وهو يناظرها/تفضلي اجلسي...
مشاعل وعيونها بالارض وهي بين الحياة والموت قالت بصوت مخنوق وماينسمع/ها..
فواز/علامك ليه خايفة مني كذا!!
مشاعل/........
فواز/انا قايل لعمي بو تركي اني بشوفك وبسولف معك ولامستكثرة علينا شوفتك؟
مشاعل/..........
فواز/يوم انه قال لي انك موافقة قلت فرصة نقعد مع بعض ونحدد موعد الملكة وش رايك؟
كلمته صدمتها بس مع ذلك مارفعت راسها ..وش يعني ابوها قال له انها موافقة؟؟؟هي يادوب البارحة انعطت خبر بالسالفة!!!!لايبى تكفى لاتسويها فيني...
فواز بمرح/مشاعل والله دريت انك تستحين خلاص طار علينا الوقت واحنا مابعد قلنا شي؟
////////////////////////////////////////////////////
شعارها في الحياة انها ماتفقد الامل ابدا مهما كانت الظروف...
اصرارها على انها توصل له رفضها ماينوصف...فارس ها الانسان اللي بحياتها ماشافته واللي دايم اذا تكلموا عنه يرفعون مقداره للسماء واللي اقحموه حياتها بدون موافقتها...
عندها خيارين...يا ان فارس مايرد من دبي ويظل هناك علطول وترتاح من كابوسه الثقيل بحياتها وها الشي هي ماتقدر عليه ولافي يدها انها توصل؟؟ ولا انه يرفضها بنفسه وها الشي اللي لازم تحققه..لازم تفهم فارس من هناك ان نورة ماهي نصيبه...؟؟
بقمة قهرها ارسلت له(ليش ماعجبك موضوع فارس ونورة..اعتبره جاي من فاعل خير قبل لايطيح الفاس بالراس)كان عندها حلم ولاامل انه يرد عليها اللحين بس شكلها بتطول كثير على ماتسمع رده واجابته؟
//////////////////////////////////////////////////////////
ماتدري على أي اساس وقعت عقد الزواج وقالت موافقة وهي رافضته من الاساس!!!هل لانها لازم تقول كذا وتجاري الكل؟ولاعلشان جدها اللي واقف فوق راسها ونظراته اللي مافهمت معناها ؟ولا لانها تبي توقف تصرفات نواف الطايشة معها لحدها ومابيصير ها الشي الا اذا كانوا قراب من بعض؟؟
كل اللي عرفته بعد ماعطت جدها الدفتر ان الشيخ قال مبروك ودخل المجلس وانها مشت موعارفة وين تروح وكاْنها مسيرة وناداها جدها...لفت له بدون ماتتكلم...
الجد/شيلي عبايتك..
ها.../قالتها بتلبم ..
الجد/اقولك شيلي عبايتك وشيلتك؟
شالتهم وهي موعارفة وش يفكر فيه جدها..
اخذهم منها وقال/ادخلي سلمي على نواف قبل لايمشي...وانا بروح انادي على امك قايل بيسلم عليها...
بصدمة قالت وهي تناظر شكلها/جدي شنو يعني ادخل اسلم عليه؟؟
الجد/شفيها..
ياسمين/فيها اني مو لابسة ولامتجهزة!!انت مو من صدقك ياجدي؟؟انا قاعدة اتعشى تقولي قومي املكي الرجال بالمجلس لاودخلي سلمي عليه بعد!!
جاها صوت نواف الواثق من وراها/وان شاءالله تبين يعطونك خبر مسبق؟؟
دق قلبها بقوة من صوته وتذكرت موقفهم قبل يومين وحست ان الدم بعروقها...
نواف/ماتردي؟
لفت له ولقته متسند على باب المجلس بهدوء,,,
/////////////////////////////////////////////////////
وضحى وهي تتاْمله/قلت لي اسمك احمد؟
احمد/اووف كم مرة ساْلتيني؟
خالد/ووجع ان شاءالله هاذي عمتك كلمها عدل؟
وضحى/ماعليه ياخالد لاتصارخ عليه؟
خالد/ماتشوفينه كيف يتاْفف وهو يكلمك؟
احمد/انت منو؟
خالد/انا ياطويل العمر ولد عم ابوك وزوج عمتك...
احمد/يعني ساكن هنا؟
خالد/لا..بس بتشوفني كثير...
وضحى/انت بالروضة صح؟
احمد/أي..
وضحى/شرايك انا وانت نصير ربع واصحاب؟
احمد*/اختاري ياانتي ياعمتي لؤلؤة مايصير كلنا ربع؟
خالد/ابوك وينه عنك؟
احمد/قال بيروح شوي وبيرد...
خالد/منت هين ياحميدان لسانك شطوله؟
وضحى بتاْنيب/خالد!!
خالد/من اللحين اقولك ولدي وليد مالك شغل فيه ولاتكلمه بعد فهمت؟
وضحى بنفس التاْنيب/خالد؟
//////////////////////////////////////////////////////
كان عارف ان مشاعل مو هني بس هاذي فرصة ماتعوض علشان يسولف مع نوف اللي فقد وجودها من الامس كل ماحس بنار بصدره وطلع من غرفته وتسمر قدام غرفتها.,..كذا حاله بمجرد تنام في بيت جده ولابيت خالته مايقدر يستقر,,,
تنهد بهدوءوطق باب غرفتها ووقف على جنب ..بعد ثواني فتحت له الباب وابتسمت,,,

نوف/هلا وغلا شلونك؟
تركي/انتي شلونك؟
نوف/دامك بخير كلنا بخير...
تركي/مشاعل ركبت ولابعدها في الاختبار؟
نوف/اختبار؟؟أي اختبار..عمي قايل لها تودي الشاي له و..
قاطعها تركي وهو يغمز بعيونه/وماغطت فترة طويلة؟
نوف بحرج/شويات...
تركي/يبى هذا فواز يبي يشوفها..
رفعت راسها بسرعة وقالت/اللي متقدم لها؟
تركي/لايابابا عند ابو تركي خلاص هذا زوجها ويمكن سمى عيالهم بعد!!
نوف/تدري ياتركي عمي يخوف من ها الناحية؟
قال بحدة/لاتطمني الا انتي يانوف؟
نوف بذهول/الا انا شنو ياتركي؟
////////////////////////////////////////////////////////////////
انتظرت يمكن مو كثير بس بالنسبة لنورة حست انها انتظرت نص عمرها لين فكر يرسل لها(خل فعل الخير لغيري ولاتجيبوا سيرة الغالية..انا لها وهي لي وماهميتوني بللي بتقولونه ياعواذل)
ماتدري ذيك اللحظات هي بكت من شنو في رده بالضبط؟؟
جاها احباط قوي من رده ..لامستحيل لاتصعبها اكثر...كتبت له بسرعة(وانت ترضى تتزوج وحدة ماتحبك)رد عليها(عواذل شبقول غير ها الكلمة؟؟)
نورة بسرعة(انا وحدة من قرايبك واعرفها زين اصلا كل البنات اللي بالجامعة يعرفون قصة حبها لخالد)ماتدري ليش حطت اسم خالد بالذات؟؟يمكن لانها فعلا تحب خالها وهو دايم في بالها بس ها المرة من جد انصدت من رده لها(هههه مو انتي اكيد وحدة من بنات عمي ولامن بنات خالي وحاطة عينك عليّ وتبيني اخذك وتبين تخربين صورتها في بالي...اقول سمعي تراها اشرف كل ها البنات اللي بالعالم وابشرك انا راضي عن حبها لخالد..اصحي يابابا هذا خالها واكيد بتحبه)
مو معقول انت يافارس والله مو معقول؟؟؟؟حتى علاقتي بخالد تعرفها؟؟وش اللي ماتعرفه عني بس!!
/////////////////////////////////////////////////////////////

البارت الواحد والعشرين,,,
//////////////////////////////////////////
حست انها انحرجت يوم انه جلس وظلت هي واقفة وهو يعاينها بعينه,,,اخذت بعضها وجلست بعيد عنه..
فواز/انا يشرفني ارتبط بوحدة من بنات الحربي,,,
مشاعل/.........
فواز/الا يامشاعل كلهم حلوين مثلك ولاانتي احلاهم؟
ماتدري وش قالت له لانه صوتها كان واطي بس يوم رجع سالها عن اللي قالته قالت له/تسلم...

بهمس قال لها فواز/شكلك ناعمة حييل وبتذوبيني معك؟
هي من الاساس كان راسها بالارض وقال لها ها الكلمة مارفعته اصلا!!
بجدية قال لها فواز/انا يامشاعل يتيم ماعندي ام ولااب وعلاقتي مع خوالي افضل من عمامي بحكم الورث والحلال,,,عندي شركة مقاولات عامة ومصنع بلاستيك توه في البداية واطق طق بالاراضي من هنا ومن هنا..
مشاعل/مشاءالله الله يزيدك من خيره...
فواز/تسلمين....وانتي؟
مشاعل/انا شنو؟
فواز/كلميني عنك...عن حياتك..دراستك..اسئليني عن أي شي ؟
مشاعل ببكي/انا؟
قال لها فواز وهو يضحك/لاتموتيني يامشاعل..
مشاعل/.....
تنهد فواز وقال لها/مشاعل..حلواسمك كثير,,
/////////////////////////////////////////////////////////
دموعها كانت بطرف عينها بس ماقدرت تبكي مو مصدقة اللي قاعد يصير لها ابدا!!شنو يعني ملكت وصارت زوجته؟وشنو يعني انه يكلمها بها الطريقة وقدام جدها بعد!!!
كانت منزلة راسها بالارض تتاْمل بشكلها ..كانت لابسة برمودا فوشي وبلوزة سودة طويلة ومخصرة ورافعة شعرها كله بشريط فوشي..كان شكلها مرة عادي وماهي متوقعة ملكة ولاهم يحزنون؟؟بس هذا مامنعها انها ترفع راسها بتحدي علشان لايفكر انها مستحية من نفسها وانها تبي تروح تتكشخ له لانه مايستاهل!!
نواف/اكلمك انا!!
بتاْفف قالت وبدون ماتلف له/خير,,,
الجد/انا بروح انادي بنت عمك يابو احمد روح استريح بالمجلس؟
مشى الجد وقال لها بصوته المعتاد/تعالي قهويني؟
ياسمين بتحدي وهي لسه واقفة بمكانها/البيت بيتك منت غريب ,,
نواف/ياسلاااام؟
ياسمين بنفس التحدي/مو على بالك ان احنا ملكنا يعني بصير لك صبابة قهوة؟
قال بهدوء مايناسبه/من قال عاد صبابة قهوة؟انتي بتخدميني بكل شي مو بس تصبين لي قهوة؟
قالت بقهر/صحيح مبروك على الولد ..الا هو من ريم ولامن غيرها؟
قالتها ومشت بسرعة بدون ماتلف للبراكين اللي فجرتها..؟
//////////////////////////////////////////////////////////////
في شقة خالد,,,
وضحى/مو قادرة انام؟
خالد/متعبك البيبي؟
وضحى/لا...بس تعال انت وش سالفتك مع وليد كل خمس ونطيت لي وليد ووليد؟
خالد/يبى معروفة انا من الصغر يسموني ابو وليد؟
وضحى/ياسلاام وانا مالي راي يعني؟
خالد/لك الراي بكل شي الا بوليد؟
وضحى/واذا جت بنت؟
خالد/انتي سميها بس انا ابي دانة؟
وضحى/حلوة ذي انتي سميها وانا ابي دانة؟
خالد/ههههه
وضحى/نواف مقفل جواله صار لي ساعة ادق له؟
خالد/نواف في بيتنا...
وضحى/ليه؟
خالد/مدري بس مشعل قال لي انه هناك ليه غريبة يروح بيت عمه؟
وضحى/لامو غريبة بس توه جايب ولده وحتى ماقعد معه شوي؟وش ها الموضوع اللي يبي عمي فيه وماقدر ياْجله لبكرة؟
//////////////////////////////////////////////////////
نوف/ماقلت لي الا انا شنو ياتركي؟
تركي بثقة قال/انتي تختارين وتقررين وكلنا تحت امرك يانوف؟
قالت بحدة/تصدق ياتركي ساعات اذا عطيتني فوق اهميتي زيادة احس ودي ابكي من ها الشفقة؟
فتح عيونه متفاجاْ من كلمتها وتقرب منها وهمس وهو وجها في وجهها/لايانوف لايالغالية لاتفكرين كذا ابدا..انا تركي يانوف؟
قالت بغصة/ولانك تركي ماودي افكر انك قاعد تتشفق عليّ؟
قال لها بعد تنهيدة/الله لايبين غلاتك يانوف..
قالت بعد ماحست ان الموضوع بداْ يتكهرب بينهم/الا شسالفة فواز ياتركي وش يبي؟
تركي/ذكرتيني بروح اخرب عليهم...
ابتسمت له وقالت/اول مرة ادري عنك مغثة؟
تركي/ياسلاام ترىاذا على ابوي ويقوله فواز بطلع معها مابيقول لا ابدا!!
نوف بسخرية/خلها تطلع معه تغير جو؟
تركي بغيرة/علشان اذبحك انتي مو هي؟
نوف وهي تضحك/وانا شكو هي تطلع وتنبسط وانا اللي انذبح والله حرام عليك ياتركي؟
///////////////////////////////////////////////////////////
ام مشعل بصدمة/بعد اسبوع!!!ليه كذا يانواف عاد؟
قال بربكة/لاني مستعجل يابنت عمي..
ام مشعل/أي بس اسبوع قصير ومايمدينا نسوي فيه أي شي..
نواف/يمدينا نحجز الفندق اللي هي تبيه والفر..
قاطعته ام مشعل/وجهازها؟
نواف/بنت عمي لاتعكرينها عاد السوق ماهو بعيد وكل يوم تطلع تشتري اللي تبيه؟
ام مشعل/لايمه اسبوع حيل قصير مايمدي حتى نعزم احد؟
نواف/يعني متى؟
ام مشعل/انت مستعجل يانواف؟
نواف/حيييل يابنت عمي فوق ماتتصورين!!
ياسمين كانت برى المجلس وتسمع كلامهم وقالت بقهر/مالت عليك!!قال مستعجل حييل..ادري فيه بيرد لي كل كلمة قلتها!!ياربي ان شاءالله امي تاْجل اربعة ولاخمسة شهور ؟
/////////////////////////////////////////////////////////////////
مشاعل/في اغلب الاحيان انا راعية مقالب..
فواز/حلو انا مااحب الجدية كثير احب المرح والفرفشة بس تراني وقت الجد جد وماالعب؟
مشاعل/امممم..
فواز/كم باقي لك تخلصين جامعتك؟
مشاعل/ثلاث سنين..
فواز/يوه..مشوار يعني؟
مشاعل/.........
فواز/امانة تبين تكملين ولابس كلام ؟
مشاعل/....
فواز/طيب شنو بعد الاشياء اللي تحبينها؟
مشاعل/...........
فواز/مشاعل تكلمي لاتظلين ساكتة؟كل اللي قلتيه مايجي اربع كلمات وسكتي؟
بروحها من قعدت حست بنيران شابة في كل ضلوعها وكل شوي تضغط على نفسها بس بالاخير انهارت وقامت تبكي....
فواز بخوف شديد/مشاعل وش فيك؟ليه تبكين؟
مشاعل وهي تمسح دموعها ومتفشلة من نفسها/ابي اقوم الله يخليك...
ابتسم لشكلها المرتبك وقال/طيب فيني اكلمك بالتلفون لو ماعندك مانع طبعا بعد اذن الوالد؟
/////////////////////////////////////////////////////
وحده فارس كان قاعد ورى مكتبه وهو شارد...شي واحد بس يبي يوصل له..منهي؟؟؟منهي ها الانسانة الحقيرة اللي تبي تفرق بيني وبين حلم الشرقية اللي انا من زمان انتظره واحلم فيه(كان يقصد نورة بحلمه)
معقول في ناس بها المستوى عايشين ؟؟شي مالهم فيه ليش يتدخلون؟؟؟ ليش يجيبون بسيرة حبيبته اللي ماشافها بحياته ولاسمع صوتها؟ليه يبون يشوهون سمعتها واسمها!!بس وين يروحون منك يافارس وين!!انت لهم بس خلها تطيح في يدي وقسم لااربيها زين ها الحقيرة؟
//////////////////////////////////////////////////
وش تعليقاتكم على الاحداث وعلى اللي جاي,,
**انتي كنتي عارفة وماقلتيلي؟
**امسك هاذي عدة جميلة؟؟ومنهي جميلة بعد؟
**مشاءالله أي رقم يدق عليك تردين عليه؟

البارت الثاني والعشرين,,,
//////////////////////////////////////
ياربي شسوي انا؟ليه فارس يرد عليّ كذا!!معقولة اللي قاعد يصير,,,انا ماتوقعت السالفة بتكون بها السوء ابدا؟
يعني كل اللي توقعته اني ارسله وهو بيقول....بيقول...شنو بيقول يانورة؟
لحظة لحظة انا اصلا ماحطيت في بالي هو شنو ممكن تكون ردة فعله!!كل اللي فكرت فيه اني بعطيه خبر وبس,,,
بس اهم شي بالسالفة غاب عن بالي...ردة فعل فارس ؟؟؟واللي موقادرة اتخيل انه يدافع عني ومتمسك براْيه فيني!!بس لحظة يانورة لو يطلع هذا مجرد كلام بس من فارس يجاريني فيه وهو بالاساس مو طايق سيرتي ولا حتى مايدري انه لي وان اهلنا خاطبينا لبعض وقاعد يتسلي؟؟انا كيف غابت هاذي عني كيف؟؟
///////////////////////////////////////////////////////
دخلت مشاعل غرفتها بسرعة وهي تتنفس بقوة ونوف تناظرها وتبتسم وقامت عطتها مويه..
نوف/امسكي شربي..
مشاعل شربت المويه دفعة وحدة وبعدها تتنفس بقوة...
نوف/هدي هدي علامك..
مشاعل بذهول/مابتصدقين يانوف؟
نوف ببتسامة/لا..مصدقة..
ناظرتها مشاعل بتساؤل/وش اللي مصدقته؟
نوف/انك كنتي مع فواز؟
اعتدلت مشاعل بقعدتها وقالت /انتي كنتي عارفة وماقلتيلي؟
نوف بدفاع/لاوالله موعارفة بس توه تركي جاي يساْل عنك وهو قال لي..
مشاعل ببكي/ياربي بطني يعورني مو قادرة...
نوف تقربت من مشاعل وقالت بضحكة وهي تحط يدها على جبين مشاعل/يوه..ولحقتي تصخني بعد وترتفع درجة حرارتك علينا!!
///////////////////////////////////////////////////
وقفت لؤلؤة وقالت بصدمة/شنو؟

نواف بلامبالاة/اللي سمعتيه؟
لؤلؤة/مستحيل؟
نواف/شنو اللي مستحيل؟
لؤلؤة بصدمة/انت متاْكد انك ملكت على ياسمين؟
بثقة قال/أي...
لؤلؤة/طيب كيف ومتى؟
نواف/قبل شوي كنت في بيت عمي وخلصنا..
لؤلؤة/نواف وش اللي صار؟
نواف/ولاشي...
لؤلؤة/طيب ليه ملكت كذا على السريع وبدون ماتقول لنا؟
نواف بلف ودوران/بس..يوم جبت احمد حسيت انه لازمه ام تربيه؟
لؤلؤة/وها الام طبعا ياسمين؟
نواف بثقة/طبعا..
لؤلؤة/ومافكرت ان البنت وراها دراسة مابعد خلصتها وماهي فاضية حق ها الولد؟
نواف/ماراح تكمل دراستها؟
لؤلؤة بعد سكوت/هي قالت كذا؟
نواف/لا..
لؤلؤة/......
نواف/انا اللي اقول وهي عليها بس التنفيذ؟؟
////////////////////////////////////////////////////////
يوم ثاني الصباح..
سعد/علامك متاْزم كذا وليه احنا متخبين هنا؟
مشعل بقهر/البارحة جدي ملكّ ياسمين على نواف..
سعد/أي وبعدين؟
مشعل بضيق/هي ماتبيه اصلا وهو مااخذ رايها؟
سعد/واحنا ليه هنا علشان نهدد جدي؟
مشعل/لا..علشان نجيب له جلطة قلبية ونرتاح منه ومن تصرفاه اللي تغث؟
سعد/شورك وهداية الله...
مشعل/العدة عندك؟
سعد/أي عدة؟
مشعل/عدة جميلة؟
سعد/منهي هاذي؟
مشعل/جدة صاحبي علامك مو مركز معي؟
سعد/اها...سميتها جميلة يعني..طب ليه ماعطيتني خبر باسمها من قبل؟
مشعل/جاك العلم اللحين...يالله البس بسرعة علشان نبلش ..
سعد/في خطة ولابنرتجل الموقف كا العادة؟
مشعل/مخي قافل كل همي انه يموت وبس!!
//////////////////////////////////////////////////////
في ستار بكس ابن خلدون...
نوف/ياسلاام...ورى ماخليتونا نداوم اليوم عسى ماشر؟
نورة/انتوا قايلين ان عندكم البارحة سالفة؟
نوف/أي بس مولدرجة ان احنا مانداوم عادي تنقال واحنا بالجامعة؟
ياسمين بهدوء/انا كنت ابيكم تطلعون لان عندي شي اقوله بس عطونا سالفتكم بالاول؟
مشاعل/وانتي ليه مكشرة كذا؟
ياسمين/قولوا انتوا بالاول؟
نوف/البارحة الاخت قعدت مع فواز؟
نورة/أي فواز؟
نوف/فواز السديري..
نورة/من صدقك انتي اللي خاطبها...
نوف/أي...
بعد بعد..قليلة الحيا؟
مشاعل/جلسة شرعية بموافقة ابوي ..
دق جوال ياسمين وناظرت بالرقم وقالت/بنات هذا رقم نواف؟
مشاعل/وش دراك؟
نورة/تكلمون بعض من ورانا؟
نوف/افا بس ماهقيتها منك ياياسمين؟
ياسمين بعصبية/مالي خلقكم انتوا بعد!!!انا حافظة رقمه مثل اسمي,,,
مشاعل/طيب وش يبي؟
///////////////////////////////////////////
خالد/صباح الورد..
وضحى بنعس/هاذي رابع مرة ياخالد من رحت الدوام وانت تتصل وتقول نفس الجملة؟
خالد/افا...
وضحى بنفس النعس/اخلص وش تبي ...يااخي طيرت النوم من عيني؟
خالد/سلامتك ماابي شي بس قلت بساءلك اشتهيتي شي اجيبه لك؟
وضحى/لا..
خالد بروقان/ولافي خاطرك شي؟
وضحى بنفاذ صبر/لا...
خالد/طيب ولاتبين تروحين مكان؟
بحدة قالت/لا...
خالد/أي بس لازم تقولين لي وماتسكتين ترى يصير في وليد شي؟
وضحى بترجي/خالد خليني انام وارتاح...
خالد/طيب لاتنسين العشى الليلة؟
وضحى/انا بدق عليهم بعزمهم تطمن...
خالد/اذا في تعب عليك انا اكلمهم؟
وضحى/لاحبيبي صدقني مافي تعب بس تكفى اتركني انام واريح شوي ورانا سهرة الليلة والبارحة ماقصرت انت!!
خالد/هذا جزاة اللي يبي يتطمن عليك ..
وضحى/تسلم حبيبي ادري فيك بس اذا طرى شي على بالي بدق لك لاتخاف يعني لمنو باروح غيرك؟
خالد بقهر/بصراحة هذا جزء من الحقيقة اني اشوفك اذا تبين شي والجزء الثاني هو انك نايمة ومرتاحة ومحد بيصحيك من نومك وانا قاعد هنا وحدي نعسان ومتكسر فقلت لازم اخرب عليك؟
وضحى/ياسلاااام يعني هاذي نيتك يابو نية سودة طيب زين,
//////////////////////////////////////////////////
ياسمين/ششش برد عليه..
نورة/تردين شتقولين؟
اشرت لهم يسكتوا وحطته سبيكر ليش ماتدري بس يمكن تبي تبين لهم ان فعلا نواف هو اللي يبدي مجاكره معها مو هي,,,
بجفاء قالت/نعم؟؟
نواف/مشاءالله واي رقم يدق عليك تردين عليه؟
ناظروا البنات في بعض..
ياسمين/مايحتاج ادري انه رقمك؟
نواف/وليه تعرفين رقمي؟
ياسمين/كيفي لك عندي شي؟
نواف/وينك؟
ياسمين/وليش تساْل؟
نواف/باْذن من منو رحتي الجامعة ان شاءالله؟
ناظروا البنات في ياسمين بذهول وهم مو عارفين شيقصد..
ياسمين/وخيران شاءالله؟
نواف/اعتقد طلعتك من البيت صار لازم تكون باْذني ولاانا غلطان؟
ياسمين/شوف عاد..من هنا لين اصير في بيتك يحلها الف حلال اللحين مالك شغل فيني ومع الف سلامة انا بالجامعة...
اول ماسكرت الجوال...
نوف/وش صاير؟
نورة/هذ شقاعد يقول وليه؟
ياسمين/بنات...
مشاعل/شفيك؟
رفعت راسها ودموعها بعينها وقالت/البارحة انا ونواف ملكنا؟
///////////////////////////////////////////////////

///////////////////////////////////////////////////////////////////////////////////////////////////////
البارت الثالث والعشرين,,,,
///////////////////////////////////////////
طلع سعد عند الباب الخارجي مثل مااتفقوا بدون مايشوفه الجد اللي كان قاعد بالحوش وبس طلع ووقف عند الباب من برى لبس العباية والبرقع بسرعة بعد ماتكحل وصار شكله تحفة ورش روحه بالعطر من فوق لتحت ودق جرس الباب ومسك الشنطة في يده وبعد ثواني انفتح الباب..
الجد وهو متبلم/هلاوغلا...
سعد مسوي مستحي/هلا بالغالي وشلونك,,
الجد/بخير ياطويلة العمر...
سعد/اقول عسى ماازعجتك بس!!!
الجد بسرعة/لالالالالا ماازعجتيني تفضلي..
سعد/مشعل هني لو بالمدرسة؟
الجد/ها...مدري والله ؟
سعد/اذا شفته قوله يمرني ضروري عاوزة منه حاجات يعملها؟
الجد/ها؟؟؟
سعد في نفسه(يوه قمت اخورها واتكلم مصري؟؟؟؟؟)خلاص انا ماشية امانة برقبتك يالحبيب تقوله يمرني ابيه ضروري قوله جميلة ساْلت عنك؟.
////////////////////////////////////////////////
راشد بحقد/اشوفك طاير من الفرحة؟
رفع فواز راسه وشاف راشد جنب الباب وقال بقوة/الناس تسلم بالاول؟
دخل راشد وهو يقول/فرحنا معك؟
فواز/سلامتك؟
راشد باصرار/والضحكة اللي شاقة الحلق من الشق للشق وانت قاعد بروحك وها الابتسامات اللي لها داعي ومالهالشنو بالله؟انا صار لي زمان واقف واناظرك يافواز؟
فواز/والواحد مايضحك؟
راشد/أي ماقلنا شي بس مو يضحك بينه وبين نفسه بدون اسباب؟
فواز/............
راشد/شكلها العروس وافقت ؟
زادت ضحكة فواز بها اللحظات وهو متذكر شكل مشاعل البارحة وارتباكها وبكيها بالنهاية بس ماعلق بشي...
راشد باصرار/يعني هي بالسالفة؟
فواز وهو يلف ويدور/ماعلينا...
راشد/من بنته؟
فواز بقوة/بنت ناس اوادم وقلت لك من قبل هي من بنته؟
//////////////////////////////////////////////////////
ام تركي/زين انكم مارحتوا دواماتكم للحين؟
عبدالله/خير يمه في شي؟
ام تركي/أي في..
تركي/شصاير يمه؟
ام تركي/سلامتكم..بس كنا انا وابوكم البارح نتكلم عن فواز ومشاعل؟
تركي/خير في شي؟
ام تركي/لايمه مافي شي بس كنا نقول البنات كبروا وصاروا يطلعون من البيت...
عبدالله/طيب يمه هذا شي طبيعي البنت مالها الا بيت زوجها بالنهاية؟
ام تركي بغمز/أي والبديل؟
عبدالله/انا عليّ جاهز؟
ام تركي/وانت ياتركي؟
تركي/..........
ام تركي/قول شي...
عبدالله/تراك واقف بطريق عزوبيتي..
تركي بعد تنهيدة/عطوني كم يوم افكر فيهم..
عبدالله بغمز/يعني تضبط امورك معها؟
ام تركي/تسنع عن ولدي ياعبيد ولدي الثقل كله ومايهزونه بنات الكون كلهم؟
//////////////////////////////////////////
احمد/انتي ماتروحين مدرسة؟
لؤلؤة/انا بالجامعة؟
احمد/وليه مارحتي؟
لؤلؤة/علشان اقعد معك؟
ومن قال لك قعدي عنده؟
لفوا اثنينهم لصوت نواف..
لؤلؤة/ومع منو بيقعد والله؟
نواف بلامبالاة/مع الشغالة...
لؤلؤة بشوية حدة/واللي يعافيك اسكت قال مع الشغالة؟
نواف/وانت ليه مانمت البارح ؟لؤلؤة/سمعت صراخه؟
نواف/ليش في احد ماسمع صراخه حضرته؟
لؤلؤة/الحق معك يانواف..اربع سنين مايشوفنا ولايعرفنا وبعصرية وليلية تعال نم معنا؟
نواف/مو قدامه ها الحكي يالؤلؤة؟
لؤلؤة بعصبية/وبعدين وين اغراضه ؟
نواف/مااخذتهم؟
لؤلؤة/ليه؟وش البسه انا ماتقولي؟
نواف/شي فيه ريحة ريم ولامن اختيارها ماابيه يطب ها البيت؟
احمد ببراْة/ريم امي؟
نواف بنرفزة/لاجدتك؟
احمد بنفس البراْة/لا جدتي مااسمها ريم جدتي اسمها شيخة امي اسمها ريم....
لؤلؤة/والحل يانواف انت جايبه مامعه ولاشي؟
نواف/هذا انا جاي اخذك السوق شوفي له الاشياء الضرورية لين تجي ياسمي...
لؤلؤة/وليش قطعت اسمها كمله...ياسمين...
نواف/........
لؤلؤة/على فكرة احنا الليلة معزومين عند وضحى وخالد واكيد بتشوفها؟
نواف/ليه؟
لؤلؤة/علشان حملها خالد الليلة بيعزم خواته ويقول لهم لانهم مايدرون يعني بالعربي سوي نفسك ماتدري...
احمد/بابا متى بتاْخذني عند امي؟
نواف بحدة/ماراح تروح عندها؟
احمد فتح اذاعته وقام يبكي/أي بس انت امس قلت لي باخذك مشوار وبعدين بردك بيت الماما ريم؟
نواف وهو ييوقف/كنت ابيك تركب معي ويوم انك جيت شيل من بالك ترد لاامك؟
//////////////////////////////////////////////
مشعل من ورى جده/انت منو تكلم ياجدي؟
لف له الجد بسرعة/مشيعل انت هنا؟
مشعل/ووين تبيني اروح يعني؟
الجد/فكرتك بالمدرسة؟
مشعل/مارحت ضايق خلقي على اختي؟قالها بقوة وبتشديد,,,
الجد/توها كانت هنا تساْل عنك....
مشعل بغباء/منهي؟
الجد/جميلة؟
مشعل بتمثيل انه معصب/تروح بللي مايردها...
الجد بعصبية/اقولك تبيك ضروري قوم نروح وش فيها؟
مشعل/اقولك مالي خلق شي ضايق خلقي على اختي!!تنطق ها الجميلة هي وولد ولدها قطع؟
الجد/أي اخت انت بعد اللي ضايق خلقك عليها قوم يامشعل خل نروح واللي يسلمك؟
مشعل بنحاسة/مورايح مكان وانا مزاجي متعكر؟
الجد بترجي/تكفى طلبتك...زين عطني رقمها ادق عليها ...اشوف شتبي منك؟
مشعل كان داق بوز وساكت والجد يترجاه وهو ماكاْنه يسمع....
الجد بنفاذ صبر/طيب وش تبي انت اللحين داق لي ها البوز وزعلان؟اخلص عليّ تراها قالت لي يالحبيب؟يعني هي تبيني قوم نكلمها ترى احسن من ها الفرصة مابنلقى علشان نتقدم لها ونطلب يدها من حفيدها؟
مشعل بحدة/مو قبل ما نواف يطلق ياسمين لانها ماتبيه ؟؟؟
/////////////////////////////////////////////////
الليل بشقة خالد...
نوف/الف الف مبروك....
وضحى/الله يبارك فيك ياقلبي ويالله عقبالكم...
نوف بمرح/امين يارب...
مشاعل بعد قالت بصوت عالي وبمرحها المعتاد/اميييييييييييييين..ان شاءالله حقي توصل قبل حق نوف؟
خالد/ها مشاعل قلتي امين بسرعة وبقوة شكله فواز مستعجل؟
ههههههههههههههه
مشعل باحراج/لاتحرجوني واللي يعافيكم ترى بطني يعورني مرة؟
خالد/اقول وخروا عن مرتي بس تراها محتاجة اكسجين مضاعف؟
نورة/وانت ليه قاعد ان شاءالله ماتدري عن نفسك تسحب كل الاكسجين اذا قعدت بمكان؟
ام مشعل/يالله عاد كل شي الا الغالي خالد مانرضى عليه؟
ام سعد/ها الله ها الله بوضحى ياخالد مانوصيك؟
وضحى بمرح/لاوصيه يابنت عمي تكفين ولاماتعرفين اخوك يعني؟
الجدة ام خالد/وضحى حرام عليك ولدي قمر شحليله مافي منه اثنين؟
ياسمين/وضحى هذا منو؟(كانت عارفة انه اكيد بيكون ولد نواف بس حبت تلفت الانتباه له)
وضحى/هذا احمد......تعال سلم على خالة ياسمين...
نواف/احم احم احم....
الجدة ام خالد/ادخل يمه نواف ادخل...تغطوا يابنات بسرعة؟
نواف/السلام عليكم...
ام سعد/هلا وغلا شلونك يانواف..
نواف/هلا ام سعد انتي شلونك...
ام سعد/بخير...
ام تركي/وينك من زمان ماشفناك ياحافظ؟
نواف/والله هنا وهنا...الا الكل يبارك لخالد وانا محد بارك لي (تعمد يقولها وهو يشوف ياسمين تناظره وتناظر ولده)
ام سعد/توها ام مشعل تقول لنا والله مادرينا يانواف؟
ام تركي/وانت ياحافظ ليه كذا الملكة سكاتي؟
نواف/ماعليه فرحوا ورقصوا بالعرس لين تشبعون..
وضحى/من اللحين مافي عرس قبل عشرة شهور لين اولد واقوم بالسلامة واسترد لياقتي؟
ياسمين بسرعة/غالي والطلب رخيص واذا تبين بعد لين يكبر ولدك شوي بعد مافي مانع اهم شي تكونين مرتاحة...
نواف وهو يناظرياسمين ويكلم وضحى/ا قول مانبي نكلف عليك نهاية الشهر الجاي اذا مو هذا الشهر بنتزوج؟
وضحى/شوف النحيس؟
هههههههههه
ام تركي/لايمه مايمدينا نفصل ونتشرى..
نواف/انتوا الاسواق حافظينها حفظ وين اللي مايمديكم بعد!!
نوف بهمس لنورة/شوف النذل شلون سافطها ويسولف مع الحريم؟
نورة/الله لايبلانا؟
جا مشاعل مسج بها اللحظات من فواز(هلا مشاعل انا فواز ..اخذت رقمك من الوالد وحاب اكلمك لو مافي احراج ردي عليّ اذا في مانع ولا وانا بتفهم اذا قلتي لا)
.............................

//////////////////////////////////////////////////////////////////////////////
البارت الرابع والعشرين,,,,
////////////////////////////////////
أي نظرات نارية كانت تشتعل بعيون ياسمين ونواف ذيك اللحظات هم بس اللي فاهمين على بعض وش تعني نظراتهم وماانتبهوا انهم قاعدين بروحهم غير لمى قام الكل للعشى وكانت ياسمين بعدها ماسكة يد احمد ولده اللي كان جالس جنبها ونواف كان قبالهم مباشرة,,,
احمد/احنا مابنروح نتعشى؟
نواف بلامبالاة/ومنو ماسكك روح تعشى؟
احمد/واذا تعشينا بتوديني لعند الماما ريم؟
نواف بحزم/لاوقلت لك الف مرة انسى امك لانك ماراح تروح عندها؟
قام احمد يبكي ووقفت ياسمين اللي كانت بس تناظرهم وقالت لااحمد/الله يعينك جايتك ايام سودة مدامك جيت عند ابوك؟؟
مشت قدام نواف علشان تطلع وتروح عند باقي الجماعة بس نواف مسك يدها بقوة/نعم؟؟خير,,,تراني ماسمعت عيدي كلامك مرة ثانيةّّّ !!!
////////////////////////////////////////////
في المطبخ...
نوف/ابوك عنده خبر انتي ليه مو على بعضك؟
مشاعل/مدري...
نوف/يالله دقي شوفي شيبي ,,,بعدين الرجال ذوق ومادق علطول بمجرد اخذ الرقم من ابوك شاورك وعطاك اهمية وهذا يعني انه مايبي يحرجك؟
مشاعل/وين البنات؟
نوف/ياسمين اكيد مع نواف لانهم الوحيدين اللي بقوا بالصالة ونورة مع لؤلؤة يحشون بالبنات اللي معهم بالكورس,,,
مشاعل/اوووف...
نوف/انتي ليه مترددة؟
مشاعل/خايفة..
نوف/من شنو؟
مشاعل/من انه يقولي بيحدد موعد الملكة؟
نوف/واذا قال؟
مشاعل بخوف/اذا قال؟؟؟اذا قال احس اني بموت من الخوف,,,
نوف/على الاقل تحددين معه موعد الملكة بنفسك مو يجي تالي الليل مثل غيره اللي قاعد برىويملك وانتي ماتدرين ؟
مشاعل/رايك اني ادق يعني؟
نوف/وليه تدقين وتتعبين حالك عطيه مسج انك موافقة وهو يدق ليش بعد تسوين لروحك عوار راس؟
//////////////////////////////////////////////////////////
ام سعد/اذا جت بنت اول مضاعد واساور بتلبسهم من عندي؟
خالد/واذا ولد؟
وضحى/توهقت ام سعد ..
ام سعد/لاماتوهقت تجهيزه بالكامل عليّ..
خالد بثقة/اجل يالله قومي السوق من اللحين...
ام تركي/ياولد الحلال تو الناس مايبين اللحين؟
ام مشعل/توها ماتخطت شهر؟
خالد/يبى يقولون الرجال يعرف هو شبيجيب ولد ولابنت ..خلاص انا داري انه ولد؟
ام مشعل/استحي بس استحي وش ها الكلام الماصخ ياخالد؟
ام تركي/انا ادري عيالنا اللحين مافي مثلهم؟
كانوا مشعل وسعد في الزاوية ياكلون بروحهم بهدوء,,
نورة/الا الشباب مالهم بالعادة يهدجون؟
الجدة بقهر/حزة اكل مايعرفون فيها الابطونهم ها الاثنين...تلاقينهم ينقلبون اوادم وبس يخلص وقت الاكل يرجعون من جديد؟
سعد/طول عمرنا اوادم ياجدتي؟
الجدة/أي صح قولوا للي مايعرفكم؟
سعدبهمس لمشعل/نفسي اعرف وش اللي يقلب جدي وجدتي ذربين من يشوفون وضحى لو لؤلؤة لو نواف؟
مشعل بنفس الهمس/خلي جميلة تتصل فيني بعد شوي قدام جدي واوريك الذرابة حقهم على اصولها؟
سعد/ليش ماقال لك شي من بعد الصباح بعد ماطمشته؟
ام تركي/اقول نور عيني متى بتنامون عندي؟
مشعل/وقت ماتبين؟
ام تركي/الخميس؟
سعد/الخميس الخميس ماورانا شي...نقلبها صباحي عند خالتي؟
//////////////////////////////////////////////////////////////
ياسمين/اترك يدي؟
نواف بثقة/اسف ماراح اتركها...
ياسمين/محنا بروحنا يااخ ولاتخليني اعلي صوتي؟
نواف/بكيفك عليّ مثل ماتبين انا مو فارق عندي شي؟
ياسمين/لاحول الله وش تبي انت خلصني؟
نواف/بعد بعد..تعالي كفخيني مايكفي صراخك؟
ياسمين/..........
نواف/لايكون على بالك اني اخوك مشيعل علشان تكلميني كذا!!
ياسمين/لاحشى انا عمري ماكلمت اخوي كذا..مثلك عارف الناس مقامات وكل واحد ومستواه؟
نواف/حلو حلو؟تعرفين تصفين حكي ياياسمين..وبعدين تعالي وش ها العباية بالله؟
ياسمين/اسمها عباية البشت اذا مو سامع فيها؟
نواف/سمعي يابنت الناس من اليوم وطالع لبسك بيتغير وعبايتك تتغير وطلعة ودخلة من غير شوري انسي وحتى روحة الجامعة مافي,,ترى عطيتك وجه بزيادة؟
ياسمين بعصبية/لاتفكر اني موافقة عليك وتصدق؟لاياباب انا انجبرت اقول موافقة وانت عارف ها الشي؟
سحبت يدها منه بالقوة ومشت قبل لاتنفجر فيه اكثر,,,
////////////////////////////////////////////////////////
رسلت له مشاعل(انا ماعندي مانع)
طبعا ارسلتها بعد تردد كبير ومحاولة اقناع اخذت من نوف وقت وصبر,,,,
وفواز ماصدق خبر وكانه ينتظرها علطول دق لها,,,
نوف/اووف اووف طلع ماعنده صبر؟
مشاعل/ياربي توهقت؟
نوف/عن المصاخة وردي؟
بهمس قالت بعد مارفعت الجوال/الو..
فواز/هلاوالله ..حيا الله الصوت وراعيته؟
مشاعل/........
فوازبمرح/هذاالوقت كله رايحة لاابوك تساْلينه اذا انا فعلا مستاْذنه ولا جايب الموافقة من جيبي؟
مشاعل/ها...
فواز/تعجبني ياثقيل,,
مشاعل بارتباك/بسك عاد ترى والله استحي؟
فواز/عارف.انك تستحين.
مشاعل/منو قا لك؟
فواز/ههه منو قال لي؟انتي قلتلي؟
مشاعل/انا قلت لك؟متى؟
دخلوا نورة ولؤلؤة وهم يسولفون وسووا حشرة بالمكان..
فواز/ها..شكلك موفاضية لي!!
مشاعل/انا معزومة في بيت خالي؟
فواز/اها يعني متسحبة من الجماعة وصادوك اللحين؟
مشاعل/...
فواز/طيب انا بتركك لاتنحرجين معهم بس اذا وصلتي البيت وحسيتي مافيك نوم واني اذا كلمتك ماراح ااْخرك عن الجامعة عطيني مس كوول لاني بكون منتظرك؟
/////////////////////////////////////////////////////
طول القعدة وهي شاردة...ذكرياتها كلها رايحة لقبل اربع سنين لليوم اللي كانت مقررة فيه ملكتها هي ونواف,,,كانت فرحانة مووت والدنيا ماهي واسعتها من الفرح,,,كان فيها شي ينبض ذاك اليوم باحساس غريب من كثر الفرح اللي هي عايشته,,
بس نواف ماجا يملك ذاك اليوم واعتذر باخر اللحظات وتاْجلت الملكة,,والفرحة اللي بقلبها انكسرت وانقلبت هم ونكد وزعل وصار بينها وبين نواف كراهية تكبر كل يوم والشرارة طبعا ابتدت من عندها هي كان نواف معها عادي وطبيعي بس بعد ها الموقف قلبت عليه مية وثمانين درجة وصارت تكلمه بجفاء وتتجاهل وجوده,,وكبريائه طبعا خلاه يعاملها بالمثل بس هو صار يزود طعناته عليها ليش ماتدري!!!
انتبهت على صوت وضحى تكلمها/متى تبون تشترون البل والشبكة؟لاتقولون لين العرس ترى مو على كيفكم لاني انا وخالد نبي نسوي لكم حفلة بسيطة؟
/////////////////////////////////////////////////////////////
ماكان بالمجلس غير سعد ومشعل والجد,,,
ومشعل قام وطلع علشان يهبلون بالجد شوي مدام صفى الجو لهم طبعا يوم طلع اخذ جوال سعد معه وترك جواله على الطاولة واتصل عليه من جوال سعد....
سعد على اساس انه مايدري منو سوى روحه مصدوم يوم يقراْالاسم بصوت عالي علشان ينتبه الجد له,,
سعد بقوة/جميلة يتصل بك؟شتبي هاذي متصلة ها الحزة؟انا لازم ارفعه وااْدبها؟
دق قلب الجد وصارخ عليه/انت وش اللقافة اللي فيك ترفع جوال غيرك ماتقولي؟
دخل مشعل بها اللحظة وقال ببرود/خير وش صاير؟
///////////////////////////////////////////////////////
توقعاتكم للبارت الجاي,,
**عبدالله ليش هو اللي مر عليهم بشقة خالد وهل كان يبي منهم شي وهل بيتكلمون هو ونوف؟
**نوف وتركي وعبدالله؟
**الجد والضغط عليه هل بيجيب خبر ولا لا؟

************************************************** *****************************
البارت الخامس والعشرين,,,
///////////////////////////////////////
[color="green"]دخل مشعل بها اللحظات/خير ليه تصارخون؟
الجد بلهفة/مشعل تعال رد بسرعة؟
مشعل/منو؟
سعد بشوية استهزاء/الانسة جميلة؟
مشعل مسوي انه متضايق/وش تبي هاذي بعد؟
الجد/رد يبى شوف شتبي؟
مشعل مسوي انه انسان جاد/سعد معليش تطلع شوي؟
سعد يكمل التمثيلية/ليه؟
مشعل وهو ماسك نفسه لايفطس من الضحك/ابي اكلم الحرمة ومايصير تسمع وش تبي مني؟
الجد بسرعة/أي اطلع انا اغار؟
قام سعد بيطلع ويوم وصل جنب مشعل همس له/تبيني اطلع ها؟شكلك ناسي اني انا جميلة!!!
كتموا ضحكتهم ثنينهم ومشعل قلب انسان جاد بعد ماحاس بجواله وقلبه صامت/الو...خير وش بغيتي يابنت الناس؟انا مو بالبيت ومو فاضي لك؟شنو تبين؟تساْلين عن منو....عن جدي!!!!!(بها اللحظات انفتحت عيون الجد على وسعها ولصق بمشعل ودق قلبه بقوة وهو ينتظر مشعل يقوله هي وش تبي منه)
/////////////////////////////////////////////////
في سيارة عبدالله....
مرام/وش السالفة عبدالله انت اللي بتردنا البيت؟
عبدالله بتبرير/لاني من زمان ماشفت خالاتي وبالمرة قلت ابارك لوضحى وخالد...
مرام/اممممم
عبدالله يكلم امه/اجل اخوك طاير من الفرحة؟
ام تركي /أي بعد عمري..الله يتمم عليهم بخير ان شاءالله
نوف/اقول عبدالله...
عبدالله/سميّ..
نوف/سم الله عدوك....بغيت اسالك الوليمة موجود بها الشارع ولاانا غلطانة؟
عبدالله/لابلى موجود...لحظة بس نلف نشوف.......هذا هو تبين منه شي؟
نوف/لا بس بكرة بخلي السايق يجبني كنت باْخذ منه لوحدة من البنات طالعة من المستشفى وبنزورها بكرة؟
ام تركي/نزلي اللحين مدام احنا جنبه يابنيتي؟
نوف/لالاخالتي مو مستعجلة(توهقت نوف لانها بس تبي تطول الطريق مع عبدالله وتشوفه وقت اطول)
ام تركي/نوف يمه سنعي لي صينية على ذوقك ابيها عندي موجب لاام محمد بكرة,,
نوف/اجل انزلي معي ياخالتي ماابي انزل بروحي..
ام تركي/يالله اجل...
مرام/وانا بعد بنزل معكم...
نوف ناظرت في عبدالله/يالله عبدالله..
عبدالله/وش تبين؟
نوف/انزل معنا...لاتخاف مانبيك تدفع ..
عبدالله وهو يبتسم لها/مدام قلتي ها الكلمة انتي اللي بتدفعين للكل وحتى انا باخذ زين؟
ابتسمت وقالت له/من عيوني..
عبدالله يكلم مشاعل/انتي يام بلاك بيري..
نوف/لاتتعب نفسك ماهي معنا بالدنيا؟
عبدالله/انا اعرف دواها زين؟
نوف/شبتسوي؟
عبدالله بصوت عالي شوي/ياام فواز السديري,,
رفعت مشاعل راسها
عبدالله يكلم نوف/شفتي؟
نوف/هههه
مشاعل/ش السالفة؟
عبدالله/رجعي نامي ابرك لك بس ترانا بننزل شوي نوف عازمتنا على شوكلاته؟
//////////////////////////////////////////////////////
اول ماحطت راسها على المخدة قالت/اخ...
لف لها بسرعة/اوووف تعبانة؟
وضحى/يعني..
خالد/اكيد تحركتي كثير؟
وضحى/وين تحركت وانت قاعد معي طول الوقت؟
خالد/طيب يوم تعبتي ليه مادخلتي تمددتي شوي..
وضحى/خالد مافيني شي...
خالد/متاْكدة؟
وضحى/يبى انا ماسويت شي الشغالة نظفت المكان وقدامك يوم انتهت من كل شي طلعت مع لؤلؤة وبعدين البنات ماقصروا اصلا..
خالد/انا مفكر استقدم لنا شغالة؟
وضحى/لاخالد تكفى انا ماابيها...اصلا انا كل يوم قبل لااتزوجك كنت اتهاوش معها هناك؟يضيق خلقي اذا شفت شغالة بالبيت...
خالد/أي بس انا ماابيك تحركين شي من مكانه؟
وضحى/وانت وين رحت؟
خالد/اوووف يعني بنقلب شغالة؟
وضحى/هههههه
////////////////////////////////////////////////////
تركي/هذا انت سويت اللي براسك عسى بس ارتحت؟
نواف/طبعا...
تركي/ابي افهم وش اللي خلاك تفكر كذا وتملك بدون ماتقول لااحد؟
نواف/بيني وبينك خفت يتكرر موقفي قبل اربع سنين واتراجع باْخر لحظة؟
تركي/أي بس....
قاطعه نواف/عموما خواتي مصريناني البسها الشبكة قبل الزواج...
تركي/وانت؟
نواف/وانا شنو؟
تركي/منت مصر بعد!!
نواف/انا ابي اسحبها من شعرها واجيبها البيت بلا عرس بلابطيخ بلا ها الوجع كله بس اخ ياتركي امها اللي عايقتني ولالو عليها كان من البارح هي عندي بالبيت؟
تركي بشماتة/مشاءالله على الحب؟
نواف بانفعال/أي حب انت بعد!!
تركي/الحب اللي بيخليك تملك عليها وتاْخذها علطول ولاعرس ولاهم يحزنون؟
نواف/تركي....
////////////////////////////////////////////////////////////
بعد ماطلعوا من الوليمة وقربوا يوصلون بيتهم....
عبدالله/اقول يمه..
ام تركي/هلا...
عبدالله/بيت جيرانا لهم ثلاثة ايام مالهم صوت وماهم باينين لااشوف سياراتهم ولااحد منهم طالع لو داخل شالسالفة؟
(هذا كان قصد عبدالله من البداية انه هو يرجعهم من شقة خالد علشان يفهم وش سالفة عبير وجوالها المقفل ويتطمن عليها وهدوء بيتهم لانه من ثلاثة ايام ماصار يشوف احد من اخوانها)
ام تركي/أي يمه مسافرين؟
بصدمة قال/كلهم؟
مشاعل/وانت ليش منصدم حضرة جنابك لك عندهم شي ولالهم شي عندك؟
عبدالله/لامو كذا القضية بس ماوراهم مدارس وجامعات؟؟؟يعني السفرة بالاجازات مو بوقت الدراسة ويفوتن على بعضهم ايام دراسية...
ام تركي/هم رايحين جدة..الظاهر عمهم راجع من سفرة طويلة ورايحين يشوفونه...
حس عبدالله بضيق مو طبيعي طيب ليه مااتصلت فيه ولاعطته خبر؟شها البنت اللي ماعندها مشاعر وتاركتني ها الثلاثة ايام مثل المجنون وانا ادق على جوالها المقفل؟؟؟
/////////////////////////////////////////////////////////////
غسلت ولبست بيجامتها ودخلت فراشها وراسها مليان افكار...
عبدالله...شكثر كانت مبسوطة معه اليوم وهم يسولفون ويضحكونبالسيارة ولمى نزلوا محل الشوكلاته اختارت على ذوقها وهو بعد اختار لها على ذوقه حست انها عايشة فوق السحاب وانه يشاركها مشاعرها وها الشي ريحها اكثر واكثر...
وضيقتها يوم سئل عن عيال الجيران رغم انه سؤال عابر وكان خايف انهم يضيعون عليهم دراستهم على الفاضي بس يوم درى انهم رايحين لهم رجع طبيعي...وبعدين عبدالله طبعه اصلا يساْل عن الكل عكس تركي.....
تركي...اي تركي يانوف...شفيك؟شكان يقصد بكلامه لي امس ؟؟وش معناتها؟نظراته كانت فيها شي ؟نبرته بعد ماكانت طبيعية؟هيبته اللي معروفة عند الكل ماحسيت فيها وهو واقف قبالي؟لايانوف لا...انتي الظاهر من زود فرحتك بعبدالله قمتي تهلوسين؟خليك فرحانة وتذكري كلام عبدالله اللي قاله اليوم كلمة كلمة ابرك لك..واذاخلصتي نامي واحلمي بعبدالله مو تركي عبدالله؟
////////////////////////////////////////////////////////////////
في الصباح..
طلع مشعل من البيت رايح المدرسة وبالطريق حس ان واحد يمشي وراه لف ولقاه جده..
مشعل/جدي؟
الجد بتعب/زين انك لفيت وشفتني صار لي ساعة امشي وراك ولاانت حاس فيني!!ماسمعتني وانا اناديك؟
مشعل/لا...
الجد باصرار/من زمان وانا اناديك؟
مشعل/جدي يعني لو مارديت عليك كنت بتدخل معي المدرسة؟
تفشل الجد وسكت..
مشعل/في شي ياجدي؟
الجد/أي في شي؟
انت من امس حاقرني وماتكلمني عدل؟
مشعل/لاعادي بس قلت لك متضايق على ياسمين؟
الجد/وياسمين شفيها بعد؟قاعدة تفطر بالبيت كاْنها البخت؟
مشعل بتهديد/جدي...
الجد بحزن/خلاص انا بروح ادق على نواف وبشوف وش يقول؟
مشعل/تسلم ياجدي...
الجد/الا جميلة شكانت تبي مني يوم ساْلتك عني امس؟
مشعل/تبي اعطيك صورتها؟
الجد بفرح/احلف؟؟؟
////////////////////////////////////////////////////
كانت قاعدة بالكافتريا قبل لاتبدي محاضراتها وهي تلعب بشعرها مرة ترفع ومرة تنزل لين جاها مسج من فواز(صباح الانوار ولو ان نور الدنيا كله جاي منك ومن طاريك)
تنهدت بخجل هذا قاعد يقلبها معاه ويحسسها باحاسيس غريبة..
هي بينها وبين نفسها حست انها حبته الا غرقانة فيه بس ماتبي تبين وتعترف بها الشي ماتدري ليش رغم انها اولا واخيرابتكون له...
مسكت جوالها بتردد ورسلت له مسج(صباح الخير وعلى فكرة انا مقدر على كلامك)
بعد اكثر من عشر دقايق اتصل لها وابتسمت يوم شافت اتصاله واسم فواز ينور الشاشة,,ردت بعد الرنة الثالثة وقالت بنعومتها المعتادة/الو..
فواز/هلا وغلا...
مشاعل/.........
فواز/شلونك؟
مشاعل/طيبة..
فواز/كيف كانت سهرتك البارحة؟
مشاعل/حلوة
فواز/شكلك مارجعتي الا متاْخرة؟
مشاعل/على الاحدعشر..
فواز/اممم..انتظرتك انا لين الوحدة وبعدها نمت؟
مشاعل/ها..استحيت ادق؟
قال وهو يقلدها/استحيت ادق!!!وليه بالله استحيتي!!!
مشاعل/مدري..
فواز/شلون ماتدرين؟
مشاعل بارتبك/خلاص مدري لاتحرجني؟
فواز/هههههه
////////////////////////////////////////////////////

البارت السادس والعشرين,,,
///////////////////////////////////
ام فارس/صباح النور والسرور يالغالي..
فارس/شلونك يمه عساك طيبة؟
ام فارس/مصبحة بصوتك الحلو ياعمري اكيد بكون طيبة ومتونسة وفرحانة؟
فارس/تسلمين يمه..
ام فارس/انت شلونك يايمه..
فارس/انا مشتاق لكم يااهل الشرقية؟
ام فارس/ها يمه فارس...هاذي اهل الشرقية تعني ان احنا مو بروحنا اللي مشتاق لنا معنا بنت الناس؟
فارس/..........
ام فارس/ها وين رحت؟
فارس/يمه شلونها؟
ام فارس/تعال يايمه وخذها وفرح قلبي فيكم...
فارس/قريب يمه قريب...
ام فارس/تعال شوفها شلون كل ماكبرت حلوت اكثر واكثر
فارس/اكيد يمه مو هي شيخة البنات؟
ام فارس/الا قول كايدتهم ومخليتهم يغاروون من ظلها لامرت؟؟
كان فارس عارف ان امه تبالغ بوصف نورة اكيد بس كان يبي يسمع منها الكلام هذا بها الوقت لانه يبي يرتاح ويتطمن من بعد ها الرسايل اللي وصلته؟
فارس بعد تفكير/اقول يمه يصير اخذها معي اللحين دبي بالاجازة وبعدين نرد سوى لاخلصت شغلي!!
//////////////////////////////////////////////////
في المدرسة المتوسطة بالدمام,,,
سعد بذهول/جنيت انت؟
مشعل/وش اللي جنيت؟
سعد/انت كذا قاعد تكبرها في راس جدي؟
مشعل/لانه قاهرني؟
سعد/وتكبر سالفة جميلة في باله لانه قاهرك؟انا اقول بصراحة لازم ننهي سالفة جميلة وندوشه بشي ثاني نقدر عليه؟
مشعل/يابن الحلال هي كلها صورة بنشقها من مجلة وبنعطيها جدي ولامن حس ولامن درى؟
سعد/وسالفة الزواج؟
مشعل/خله اول يطلق نواف وياسمين؟
سعد/واذا طلقهم؟
مشعل/..........
سعد/شبنسوي ذيك الساعة؟من وين بنجيب له جميلة؟
/////////////////////////////////////////////////////////
ياسمين/شنو؟
لؤلؤة اللي كانت تمشي معها/أي نبي حفلة ننبسط فيها؟
ياسمين/طب ليه؟
لؤلؤة/شنو ليه ياياسمين؟؟نبي نلعب باعصابكم شوي قبل العرس نبي نشوف وش بيسوي اذا توهق وماعرف يلبسك ؟نبي نشوفك كيف بتكونين واقفة جنبه وبدون عباية؟نبي..
ياسمين/حرام عليك؟
لؤلؤة/ههههه يالله قولي؟
ياسمين/شنو اقول عاد؟
لؤلؤة/متى تبين؟
ياسمين كانت بتقول ماابي اشوف رقعة وجه اخوك بس اضطرت تقول مدري..
لؤلؤة/شلون ماتدرين احنا ساْلنا نواف قال ماهي فارقة عنده أي يوم؟
ياسمين/................
لؤلؤة/طب تبين نشتري الشبكة الصباح ونسوي الحفلة الليل؟
ياسمين/لاتقولين حفلة واللي يعافيك لان ها الكلمة بحد ذاتها تخوفني قولي جمعة عائلية؟
لؤلؤة/طيب متى تبين الجمعة العائلية؟
ياسمين/الا الصدق لؤلؤة احمد ظل بروحه في البيت مع الشغالة؟
لؤلؤة/لاطبعا وضحى جت عندهم بس انتي لاتلفين وتدورين عن سالفة الجمعة العائلية وقولي متى لان نواف يقول يبيها ها الايام يعني شوي مستعجل اخوي يبي يشوفك على راحته؟
/////////////////////////////////////////////////////
الجدة/انا ها الشيبة مدري شفيه؟
ام مشعل بدفاع/ابوي ماعليه الا العافية يايمه لاتحاتينه؟
الجدة/ومنو قال لك اني احاتيه عاد؟صحته احسن مني ومنك ومن عيالك بعد!!!
ام مشعل بتاْنيب/يمه؟؟
الجدة/مسوي روحه شباب ودايم سرحان ويفكر؟
ام مشعل/يمكن في شي شاغل باله ومايبي يقول لنا عنه لايشغلنا معه؟
الجدة/لاقالت شي شاغل باله؟مافي غير ها البنات اللي شاغل باله فيهم من يطلعون بالتلفزيون؟
ام مشعل/............
الجدة/اشوفه انا اذا طلعوا قام يتمقل بعيونه فيهم؟
ام مشعل/يمه حرام عليك ابوي رجال كبير؟
الجدة/قولي له مو تقولين لي؟؟اطايح لي ها اليومين يبي يتزوج؟مدري منهي اللي تبي واحد حتى اسنان ماعنده؟
وحدة تحبني وتموت فيني؟؟
لفوا ثنتينهم على الجد اللي كان واقف عند الباب؟
ام مشعل تبي تهدي الاعصار/يبه..
الجد/واشبب منك باربعين سنة؟
الجدة/وبعد!!
الجد/ولعلمك فيني اسنان تركيب بس لانك مقصرة معي ماتدرين على بالك ماعندي!!!
الجدة بصراخ/مافي زواج يعني مافي زواج؟
///////////////////////////////////////////////////////
فواز/ماقلتيلي متى تبين نملك؟
مشاعل/مدري..
فواز/انا بصراحة يوم خطبتك قلت لاابوك اني بشوفك بالاول وبتكلم معك وبعدين بنحدد موعد الملكة...ويوم حكيت معك ها اليومين حسيت اني قربت منك كثير وانك فاهمتني؟
مشاعل/أي...والمعنى؟
فواز/تعجبيني يامشاعل يوم فهمتي عليّ وبتعجبيني اكثر اذا حددتي موعد الملكة؟
مشاعل/بصراحة مدري بس مو ها الايام اكيد؟
فواز/وليه اكيد؟
مشاعل/علشان ياسمين بنت خالتي اللي ملكت قبل يومين بنسوي لها بارتي صغيرون ها الايام والليلة بنطلع نشتري لها فستان وماندري متى نواف يحدد..وانا ماابي اكون قبلها ولامعها ابي اعيش معها يومها وتعيش معي يومي؟
فواز/طب وعد اول ماتخلصين سالفة ياسمين تحددين علشان لاانحرج مع ابوك؟
مشاعل/أي..
فواز/شطورة؟
مشاعل/.........
فواز/ها..وين رحتي؟
مشاعل بخجل/معك؟
فواز/شكلك استحيتي مرة وحدة ياعمري؟
مشاعل/...............
فواز/خلاص بطلنا مابنقول شي لاتبكين بعد مثل ذاك اليوم؟
مشاعل/............
فواز/قلنا مابنقول شي خلاص تكلمي...
مشاعل بخوف/اوووف فواز..
فواز/شنو؟
مشاعل/المحاضرة صار لها ساعة الاربع من ابتدت وانا ماحسيت بالوقت؟شسوي اللحين؟
فواز برواق/ولاشي كملي سوالف معي!!!
//////////////////////////////////////////////////////////////
العصر في بيت الجد..
ام مشعل/وماناموا الا من عمري؟
مشعل/من صدقهم ذولا ان شاءالله مفكرين روحهم صغار؟
ام مشعل/انت اسكت يالله اسكت انا ماكلمتك انا اكلم اختك ادري فيك تبي الزلة عليهم؟
ياسمين/انا مالي شغل مو جدي ماياْخذ براي احد ويسوي اللي هو يبيه؟مالي شغل بسوالفه هو ومرته؟
مشعل بحماس/اذا ماخليته يطلقك من نواف ماكون انا مشعل؟
ام مشعل بعصبية/قطع اللي يقطع لسانك!!!خل اسمعك مرة ثانية تقول ها السالفة لااعرف ااْدبك زين؟وانتي ان شاءالله لمتى بتظلين قالبة وجهك علينا..نواف الف وحدة تتمناه؟
ياسمين بقهر/وانا مو وحدة من ها الالف اللي يتمنونه؟
مرت فترة صمت قطعتها ياسمين من جديد بعد ماغيرت الموضوع نهائيا/انا كل يوم افقد شي من غرفتي...يوم شنطة ويوم جزمة ويوم نقاب ويوم بنطلون؟؟يمه في احد يدخل غرفتي؟
ام مشعل/لايمه محد يدخلها؟
ياسمين/يمه تذكرين الشنطة البيضة اللي جابتها لي وضحى من دبي قبل شهر ماني لاقيتها رغم اني مالبستها غير مرة وحدة؟
ام مشعل/متاْكدة ماهي عند وحدة من البنات؟
ياسمين/أي يمه متاءكدة؟
ام مشعل/ودورتيها زين ومالقيتيها؟
ياسمين/أي..
ام مشعل وكاْنها تذكرت شي/تعال مشعل انا كاْني شايفة شنطة اختك امس بغرفتك شكنت تسوي فيها؟
مشعل بارتباك/ها...انا...اي صح كنت بشوفها بس وبردها بعد شوي اعطيك اياها؟الا شنو عشانا الليلة؟
//////////////////////////////////////////////////////////////
المغرب في بيت ابو تركي...
كان تركي طالع لغرفته ونوف نازلة من الدرج والتقوا بالنص..
تركي/هلا..
نوف/اهلين..
تركي/شكلك طالعة؟
نوف/أي رايحين السوق؟
تركي/انتوا ماتملون من ها الاسواق؟
نوف/لا طبعا؟
تركي/وش عندكم ان شاءالله؟
نوف/بنتسوق مع العروس تبي تدور لها فستان؟
تركي/اها...
نوف/عرفت اللحين ليش طالعين السوق؟
تركي/انا مرتي مابخليها تطلع السوق ابدا كله مقابلتني!!! قالها وهو يناظر فيها بهدوء وتاْمل,,,
نوف ببتسامة/وماتبيها تلبس لك؟
تركي بصوت اشبه للهمس/هي حلوة بعيوني لو شلبست؟
نوف نزلت درجتين وصارت جنبه علطول وقالت بشوية دلع/ياي يالرومنسي!!!
حس ان قلبه وقف من كلمتها وطريقة كلامها بس قال بلهجة غيورة موت/نوف؟
يالبيه,,,,,قالتها وهي نازلة عنه درجة زيادة...
قال وهو عاطيها ظهره بدون مايلف عليها وجهه/روحي بدلي عبايتك؟
نوف/ها...
تركي بحزم/ليش معطرة العباية ها الكثر وانتي طالعة السوق؟
نوف بدفاع/انا ماعطرتها بس يمكن مسكت فيها الريحة وانا اتعطر؟
بنفس اللهجة الغيورة المنفعلة قال/وبتمرين على الرجاجيل وهي كذا!!!
نوف/لاببدلها طبعا....يمكن انا ماانتبهت شكرا للتنبيه ياتركي...
تنفس بقوة يوم مرت من جنبه مرة ثانية وغمض عيونه وهو في باله يقول...ياليتها تمر مرة ثانية وثالثة ورابعة علشان يشبع من ريحتها؟؟؟
*****************************************تعليقاتكم للبارت الجاي..
**نوف وتركي وش بيكون بينهم بعد ها الموقف وهل بتكتشف نوف اللي سواه تركي بغيابها؟
**مشاعل وفواز وشلون بيفاجائها؟
**اليوم زوجك ازعجنا من صبح الله داق يساءل عنك؟
**لاتحاتين شي ترى انا مفضي حالي لك؟
**مااذكر اني سويت شي غلط علشان تكلمني كذا!!

/////////////////////////////////////////////
البارت السابع والعشرين,,,
///////////////////////////////////////////
كانت نورة بتطلع من البيت والسايق ينتظرها وتوها فاتحة الباب الا ومحمد اخو فارس بيدق الجرس..
محمد/السلام عليكم...
نورة/هلا,,هلا محمد...
محمد/ها زوجة اخوي شلونك؟
كتمت ضيقها وقالت/انا نورة؟
قال لها وهو يضحك/هو في غيرك بها البيت ؟؟والله لو في من زمان اخذتها!!!
ضحكت معه لانها متعودة على محمد وروان اخوان فارس وجيرانهم لانهم دايم معهم ومحمد شبه فارس حييل حتى كاْنهم تؤام وكان دايم يقوم بمشاويرهم لو احتاجوا شي ودايم سوالف معه لانه كان خفيف دم وحبوب,,
نورة/ادخل حياك..
محمد/لابس هذا اعطيه خالتي ام سعد امي دازته لها..
نورة/مشكور ماتقصر...
محمد/الا على فكرة..
نورة/شنو؟
محمد بمرح/اليوم زوجك ازعجنا من صبح الله متصل يساْل عنك؟
نورة بربكة/ها...حست ان قلبها يدق بقوة...
محمد بمرح/اقول شكله غيراتن لاني دايم معك واشوفك اكثر منه,,يبيني اخلص له ترخيص المكتب بسرعة يقول مستعجل يبي ينزل ..وكمل بخبث/ماندري لمنو بالضبط مستعجل؟
تسمرت مكانها ..شنو يعني مستعجل بينزل؟ولمنو بالضبط مستعجل؟؟
انتبهت على محمد يكلمها وهو طالع/عاد مو اذا نزل تعوفيني ترى انا الاصل وبظل اخوك وجنبك دايم ,,
///////////////////////////////////////////////////////////نواف وهو ياْكل من الكيك اللي مسويته وضحى,,,/وليش مارحتي معهم؟
لؤلؤة/مدري حسيت اني ابي اتفاجاْ؟
نواف/شتتفاجئين فيه ياحسرة؟
وضحى بذهول/ها...نواف شفيك؟
نواف/يعني ماتقولين لي ياسمين وش بيغي من شكلها؟وش مالبست مابتتغير ؟
وضحى بشوية صرامة/وليش تقول كذا؟
نواف/ها...انتبه على نفسه وانه يكلم خواته مو تركي,,,
قال وهو يحاول يرقعها*/مدري بس يعني تتغير الوحدة باللبسوبسوالفكم..
وضحى/طبعا تتغير..
لؤلؤة/نواف..
نواف/هلا..
لؤلؤة/انت متاْكد تبيها؟
نواف/طبعا...
وضحى/شنو انتي لؤلؤة بعد تقولين له متاْكد؟؟نسيتي انه كان بياْخذها قبل اربع سنين بس الله ماكتب..تلاقينهم اللحين عايشين قصة حب محد يدري عنها؟
شرق نواف بالكيكة وهو يتخيل انه يعيش قصة حب مع ياسمين وتغيرت الوانه.../كح..كح..كح...
وضحى وهي تبتسم له/اسم الله..اسم الله عليك...
لؤلؤة/احد ياْكل ها الكثر شوي شوي علامك صاير دب؟اقول صير اتيكت لاتفشلنا مع ياسمين وتاْخذ عنك فكرة انك فجعان اكل وماعمرك اكلت؟؟
حس انه بينفجر من ها الطاري اللي يعيدون ويزيدون في خواته(طاري ياسمين)
بس اضطر انه يسكت قدام خواته,,
/////////////////////////////////////////////////////////
في الخبر..شارع السويكت وتحديدا محل بازار للاقمشة...
مشاعل/هذا حلو...
نوف/هذا احلى....
ياسمين/لالااحسه مبالغ فيه لاتنسون ان الحفلة لنا بس يعني فاملي...
نورة/أي بس هي ليلة وحدة ومابتنعاد؟
ياسمين بعناد/لا يعني لا...اصلا نواف بنطلون جينز وكثير عليه بعد!!
نوف/انتي سكتي محد كلمك؟
ياسمين/ها...
مشاعل/ صدقوني الفوشي بيطلع يجنن عليها؟
نورة/وانا اقول الذهبي احلى..تحسينه فخم ...
ياسمين باعتراض/من اللحين اقولكم غير اسود مو ماْخذة؟
نوف/ياسمين خلك على جنب شوي تراك ماتلزمينا..
وصل مشاعل مسج بها الحظات..
نورة وهي تناظر بعيد عنهم/افتحيه..
مشاعل بلااهتمام/لاخليه لبعدين,,,
نوف/لاافتحيه...
ياسمين/ليه تبونها تفتحه؟
نورة/هي اذا فتحته بتعرف...
فتحت مشاعل جوالها ونرة ونوف غمزوا لياسمين تناظر وراهم يشوفون عبدالله
كان المسج من فواز(اختاري لك قماش من اللحين لملكتنا ولاتحاتين شي ترى انا مفضي لك نفسي ومروق على الاخر)
مشاعل بلهفة ولجة/بنات هذا فواز....شفيكم مبلمين كلكم..لفت وجهها وشهقت/عبدالله!!مع منو جاي؟اه هذا فواز..الله ياْخذك ياعبيد شلون جايبه معك ويوم قلنا له وصلنا قال مشغول حضرته؟
نوف بعصبية/عبيد في وجهك؟؟اسمه عبدالله...
/////////////////////////////////////////////////////////////////////هناك وفي جناحهم دخل بهدوء وقفل الباب وراه تنهد بقوة وحس انه مجرم,,كيف يدخل غرفتها ومكانها بها الطريقة...شكل المكان موغريب عليه ابدا ..اول شي صادفه بعد الباب صالة البنات وكانت زاوية من الصالة فيها ثلاجة وميكروييف ودولاب صغير..وعلى اليسار هناك مكتبهم اللي مايقعدون فيه ابدا وقالبينه مخزن..وبعدها تجي غرفة نومهم وداخلها حمامهم...
تنهد بقوة وهو يدخل..ماهمه فراش مشاعل اللي عرفه من كثر دباديبها اللي عليه..
راح بسرعة للفارش اللي مرمية عليه عبايتها اللي فصختها قبل شوي...اخذها وحضنها بقوة وهو يشمها ويتنهد..
حط يده على سريرها يلمس لحافها التركوازي المطرز بذهبي...يذكره زين كانوا بمحل bhs بقطر يوم اشتروه..اي هذا بالذات ذاكره زين لانه كان معها بنفس المحل واقترح عليها تاْخذ البنفسجي بس هي اصرت على رايها واخذت التركوازي..تنهد ورجع يضم عبايتها من جديد ويتنفس عطرها..ياترى ممكن نوف تحس فيه بيوم وفي حبه؟؟
////////////////////////////////////////////////////////////
كان واقف مع فواز في المحل ويوم دق جواله استاْذن من فواز يطلع يكلم وراح سيارته وسكر الباب..مايدري هو فرح يوم شاف اسمها ولاتكدر؟يرد ولايحقر؟
الحقران ها الشي اللي مايعرفه ابدا عبدالله ولاهو موجود بقاموسه بالنسبة لعبير...
رد وقال بزعل/حمدالله على السلامة؟
عبير/الله يسلمك..تدري عاد حبيبي توني واصلة؟
عبدالله/.......
عبير/وينك؟
عبدالله/شتبين؟
عبير/شنو يعني شبي؟
عبدالله/مدري..مو انتي المتصلة؟
عبير/حبيبي شفيك؟
عبدالله/تذكرتي اني حبيبك؟
عبير/وش تطلع اجل اذا منت حبيبي؟
عبدالله/........
عبير/عبدالله شفيك؟
عبدالله/سئلي نفسك؟
عبير/مااذكر اني سويت شي غلط قبل لااروح جدة؟
عبدالله/لاماسويتي بس روحتك جدة هي السبب؟
عبير/هي السبب..مافهمت؟
تنهد وقال/مافكرتي اني صرت مثل المجنون لان جوالك ظل مقفل طول غيابك؟ولو ماساْلت امي ماعرفت انكم مو هنا؟
عبير/أي بس انا قايلة لك؟
عبدالله/ماقلتيلي؟
عبير/صدق!!يمكن نسيت وفكرت اني قلت لك؟
عبدالله بنرفزة/وش العذر هذا بعد!!
عبير/مدري بس فعلا فكرت انيقلت لك؟
عبدالله بنرفزة/ويوم فكرتي انك عطيتيني خبر ماخطر ببالك تدقين لي نهائيا وانتي هناك؟
/////////////////////////////////////////////////
وضحى/شكلك طالع؟
نواف وهو مستعجل/أي بروح لعمي بو خالد داق لي يقول يبيني..
وضحى/خير..
نواق/مدري بس قال لي تعال ابيك بموضوع ضروري وهذا انا رايح له...الا انتي ليه مارحتي؟
وضحى/خالد عنده سهرة الليلة مع ربعه قلت اقعد مع لؤلؤة واحمد لين يرد؟
نواف/امممم
وضحى/نواف..
نواف وهو يلبس ساعته/هلا..
وضحى/ولدك..
نواف بحدة/شفيه؟
وضحى/ماهو متقبل وجوده هنا؟
نواف/بالناقص؟
وضحى/لاياخوي لا...انا اقول ترده لاامه وجيبه لنا شوي شوي لين يلين ويتعود علينا...وبعدها جيبه مرة وحدة؟
نواف/مدامه طلع من بيت ريم لايمكن يرد ياوضحى وماابي نقاش بها الموضوع لو سمحتي؟
///////////////////////////////////////////////
ياسمين/شفيك انتي مخبوصة فوق تحت..
نورة/ولاشي..
ياسمين/بلى في شي منتي طبيعية..
نورة/محمد اليوم قال لي ان فارس متصل يساْل عني من الصبح؟
نوف/وين الجديد هم كل ماشافوك قالوا نفس الكلام الحكي؟
نورة/أي بس قال ان فارس مستعجل ويبي يرد بسرعة؟
نوف/اكيد بيقول لااهله انه يبي يرد بسرعة..وين المشكلة يانورة؟
نورة/مدري..
ياسمين/علشان راسلتيه ربطي بين الرسايل وسؤاله عنك؟
بضيق قالت/يمكن..
نوف بحماس/بنات لايطوفكم الفلم الهندي فواز راح جنب مشاعل وعبدالله طلع من المحل ولاكاءنه يشوفه..فديته الرومنسي.. مايحب يصير مغثة؟
نورة وياسمين/حلقي!!
نوف بلااهتمام/على الاولى ولاالثانية؟
////////////////////////////////////////////////////////
في مجلس الجد بوخالد...
نواف بقلق/عمي عسى ماشر؟
الجد بربكة/ماشر ياوليدي؟
نواف/انت فيك شي؟
الجد بربكة اكبر/لا..
نواف/خير...
الجد/الخير بوجهك؟
نواف/أي انت قلت لي تعال ضروري شسالفة؟
الجد بارتباك وتلعثم/نواف انت...
نواف/انا شنو ياعمي؟
الجد/انت تبي ياسمين؟
نواف/شها السؤال ياعمي اكيد ابيها بس انت ليش تساْل؟.
الجد/مدري حسيتكم ماتبون بعض واني اجبرتكم على ها الزواج؟
نواف بقهر/هي قالت لك ها الحكي؟
الجد بصدق/لا يبى يانواف هي ماتكلمت اصلا حتى هي ماهي هنا راحت تشتري لها ثوب...بس انا اتكلم عنك انت؟
نواف بثقة/انا من زمان ابيها وانت عارف ها الشي ياعمي؟
الجد بارتباك وخوف/أي بس..
نواف/شنو ياعمي؟
الجد/انا ابيك تطلقها؟
نواف بصدمة/شنو؟شنو يعني اطلقها؟؟
////////////////////////////////////////////////
توقعاتكم للبارت الجاي,,,
**مشعل وهل بيشيل فكرة الطلاق من باله ومنو بيشيلها له وهل بيكون الاوان فات؟؟
**خالد ووضحى؟؟
نوف وتركي وهل بتصح تفسيراتها؟
**مشاعل وفواز ؟

البارت الثامن والعشرين,,,
/////////////////////////////////////
دخلوا مشاعل ونوف غرفتهم وكل وحدة براسها افكار وسوالف عن اللي صار اليوم..
مشاعل تقدمت لفراشها ورمت اغراضها فوقه وشالت عبايتها وناظرت بنوف اللي بعدها بمكانها,,,
مشاعل/خير..في شي؟
نوف وهي مكتفة يدينها ومتسندة على الجدار/مشاعل؟
مشاعل بخوف/شنو؟
نوف/في احد دخل غرفتنا...
مشاعل/احد!!منو يعني بيدخل غرفتنا؟حتى الشغالة ماتدخا؟
نوف وعيونها على فراشها اللي انعفس واللي هي متاْكدة انه كان مرتب وقت اللي طلعت/بللا,,,فراشي كان مرتب وانتي تعرفيني من اقوم ارتبه ومااحب اخليه معفوس ابدا!!وعبايتي انا متاْكدة رميتها عليه وش اللي وداها الكرسي اللي جنب الباب في الصالة؟
مشاعل/اخاف بس يتهياْلك يانوف؟
نوف بدون اقتناع/...مدري...
مشاعل/يمكن مراموه دخلت..
نوف/يمكن ...قالتها وهي رايحة تشيل عبايتها من على الكرسي ويوم شالتها وصارت قريبة منها انتبهت ان فيها ريحة غير ريحتها قربتها منها اكثر وشمتها علشان تتاْكد وفتحت عيونها على وسعها مو مصدقة!!!
/////////////////////////////////////////////////////////
في غرفة مشعل...
مشعل/نورت الدار والله
ياسمين وهي تضحك/منورة بوجودك..ها ادخل؟
مشعل/ويبيلها كلام هاذي عاد...اكيد تدخلين...
دخلت وقعدت على فراشه وعطته كيس كان معها..
مشعل/شنو هذا؟
ياسمين/قميص عجبني ..اخذت لك واحد والثاني لخويك مدري ظلك؟
مشعل/واللي يعافيك مانحب نلبس اقمصة احنا بس مابكسفك بنلبسهم ورى بكرة اذا نمنا عند خالتي ام تركي علشان لايسوي تركي روحه كشخة علينا حتى احنا نلبس اقمصة مثله؟
ياسمين/ههه يقطع سوالفك يامشيعل...
مشعل/أي بعد تعرفين اخوك مايحب احد يشوف حاله عليه..
ياسمين/الا ذكرتني صدق وين شنطتي ابيها..
مشعل/لحظة...
نزل راسه تحت السرير يجيبها وطلعت فردة صندلها..ونزلت هي بعد راسها تشوف وش تحت ها السرير,,,ياسمين/ياسلاااام..نقابي,,,صندلي,,,شنطتي...عباية امي,,,مشعل شا السالفة؟
مشعل بارتباك/اذا قلت لك ماتعلمين احد؟
ياسمين/لا..
مشعل/وعد..
ياسمين/أي..
مشعل/حتى خالد ماابيه يدري...
ياسمين/اخلص قلت لك وعد..
/////////////////////////////////////////////////////////
وضحى وهي تدخل غرفة النوم/بس غريبة ماطولت الليلة بالعادة سهرتكم لين الثنتين اليوم ماجت الاحدعشر وربع الا مخلصين ..اكيد ناويين على شر انت واصحابك؟
خالد/حرام عليك...
وضحى/.........
خالد ببتسامة/شفيك؟
كانت واقفة تناظر بغرفتهم اللي كلها ورد وبالونات وشموع..
وضحى/خالد شا السالفة الليلة لاهي عيد ميلاد احد فينا ولاذكرى زواجنا..
خالد ببتسامة/طب يمكن اليوم الوطني؟
وضحى/خالدّّّشا السالفة تكلم بسرعة؟
قال وهو يحضنها/نسيتي ان احنا مااحتفلنا بخبر حملك؟
وضحى/يعني انت ماطلعت مع اصحابك؟
خالد/انتي وش رايك؟قال لها وهو يبتسم...
وضحى وهي تضحك/ومن العصر وانت تزين المكان؟
خالد مسوي روحه بيموت من التعب/طلعت روحي وانا انفخ بها البالونات وهم يتفقعون بروحهم...
وضحى/ههههه كان اخذت لك نفيخة من ابو ريالين وريحت حالك؟
خالد/وش عرفني انا نسيت..المهم تعالي اخذي...
وضحى/شنو هاذي...
خالد برومنسية/افتحيها...
وضحى وهي تمسح دمعة نزلت منها/قبل لاافتحها خالد انا احبك مو علشان الهدية بس علشان هذا...واشرت بيدها على قلبه..
////////////////////////////////////////////////////////////
مشاعل بروحها كانت عايشة بعالم ثاني وحاسة ان ريحة فواز خانقتها للحين من كثر ماهو كان لازق فيها اليوم وهيبته وهو جنبها ونظراته لها ,,ماتقدر تنساهم ..والاهم من هذا لمسة يدينه اللي جت فوق يدها بدون مايقصد وهم يشوفون الاقمشة,,,
تحبه أي تحبه وتموت فيه ..ماتدري وش اللي صار وخلاها تحس ان مشاعرها تتحرك ناحيته بس الاكيد مافي غير مشاعر الحب لها دور في الانفعالات اللي تحس فيها لمى يمر طاريه في بالها,,,
كانت تتذكر رقته معها بالمحل(
فواز بهمس/شلونك؟
مشاعل بخوف/بخير..
فواز/انتي اللحين قاعدة تختارين لحفلة ياسمين ولا لملكتنا؟
مشاعل/.......
فواز/طيب قولي الى الاثنين وريحيني...
مشاعل/........
فواز/طيب تبين اساعدك؟
مشاعل/.........
فواز/وبتظلين كذا ساكتة علطول؟بيسكرون المحل مابينتظرونك؟
مشاعل/فواز...
فواز/رفعي صوتك مااسمعك؟
مشاعل بلهجة باكية/لاتحرجني....
فواز وهو يبتسم بخبث/وانتي دايم مولعة وبتبكين؟؟؟على ها الحساب الكلينكس دايم متوفر عندنا بالبيت؟
مشعل قربت صدق تنفجر ويوم حس لها فواز قال بسرعة/خلاص خلاص ...هذا انا سكت....مابقول شي غير لمى تقولين انتي!!)
كانت تتنهد وهي تذكره وتذكر شكله وكلامه وكل شي فيه...وغمضت عيونها بقوة علشان تكمل باقي ذكرياتها على راحتها,,
/////////////////////////////////////////////////////////////////////ياسمين بلؤوم/علشان شنو طيب يامشعل؟علشان شنو كنت تسوي كذا!!!
مشعل بحماس/علشان يطلقك من نواف....
ياسمين بذهول/شنو؟
مشعل/.......
ياسمين/انا ماقلت لك اني ماابيه....
مشعل بحماس وانفعال/انا عمري ماراح انسى دموعك يوم يملكك عليه بالغصب؟
ياسمين بدفاع/بس يامشعل انا ماكنت زعلانة لانه ملكني وبعدين انا ماملكت بالغصب...
مشعل/لاتكذبين عليّ ياياسمين..
ياسمين بهدوء/مشعل انا عارفة ان نواف لي من قبل اربع سنين لو ماكنت ابيه قلت ماابيه ومااضطريت اخذه غصب مثل ماتقول؟
مشعل/وليه كنتي تبكين اجل؟
ياسمين تنهدت بعمق/لاني كنت ابي ابوي يكون حاضر في مثل ها اليوم يامشعل...
مرت فترة صمت قطعها مشعل..
مشعل بتشكيك/متاْكدة؟
ياسمين/أي...
مشعل/يعني انتي تبين نواف؟
ياسمين/أي...
مشعل/انا بعد قلت مو نواف اللي ينرد ليش هي ماتبيه؟
ياسمين/اللحين جدي شبتسوي معه على ها السالفة؟
مشعل/ياسمين انا قلت لجدي يخلي نواف يطلقك؟
وقف قلبها لحظتها وقالت بانفعال/شنو؟
غمضت عيونها علشان تداري دموعها لايفضحونها قدام مشعل...هي تبي نواف..اي تبيه وبقوة بعد..خل حياتهم تكون كلها عناد في عناد بس المهم تظل جنبه...صحيح جرحه لها كبير في المرة الاولى بس اللحين لازم تحافظ عليه...شنو يعني يطلقها؟؟؟مو معقول يياسمين قبل اربع سنين مايجي يملك ويعتذر باخر لحظة واللحين يطلقك بعد يوم من الملكة؟؟؟؟
/////////////////////////////////////////////////////////////////
تركي/شنو يعني؟
نواف بعصبية وانفعال وهو ثاير/اللي سمعته؟
تركي/وانت طلقتها؟؟
نواف/لاطبعا؟؟؟
تركي/جدي ساعات مدري شلون يفكر؟
نواف بنفس الدم اللي يغلي /عاد يقولي طلقها ياتركي؟
تركي/طيب والاسباب؟
نواف/يقول حسيتكم مو متقبلين الموضوع؟
تركي بسخرية/ياصباح الانوار توه يحس؟
نواف/وانا بعد قلت نفس الحكي؟
تركي/طيب بيني وبينك وبلا لف ودوران...
نواف/شنو؟
تركي/انت فعلا مو متقبل ارتباطكم ببعض...؟
تنهد وسكت...
تركي/شنو؟
نواف/مدري...
تركي/شلون ماتدري...
نواف/ساعات احس اني ابيها بقوة وساعات احس ان ودي اذبحها وانها لازم تتاْدب على حركاتها معي وساعات احس اني بظلمها بقسوتي بدون ذنب سوته معي..انا مو قادر احدد شنو ابي بالضبط ياتركي؟
//////////////////////////////////////////////////////////
في الصباح....
وضحى/صباح الورد حبيبي..
خالد/صباح النور ياعيوني...وش مقومك بدري...
وضحى/شفيك حبيبي عسى ماشر انا كل يوم اقوم ها الحزة اسويلك ريوق واجهز ثيابك وين الجديد؟
خالد/لالالالالا في جديد طبعا...
وضحى/أي سمعني ..وش الجديد؟
قام وحضنها برقة وقال بهمس/انتي اللحين حامل؟
وضحى/واذا كان؟
خالد/شنو اذا كان..يعني لازم ترتاحين وتريحين البيبي مو تتعبينه؟
وضحى/لاخالد انا مو حاسة باْي اعراض لحد اللحين حبيبي..
خالد/وتنتظرين لين تحسين وتتعبين!!
وضحى/معليش خالد انا مقدر اغير كل حياتي وانظمتي..وبعدين افرض ماتعبت ولاجاني وحم ثقيل وين المشكلة؟
خالد/المشكلة ياالحب اني ماابي شي يتعبك ..انتي ولاوليد حتى لو صفربالمية..
وضحى وهي تضحك/صفر بالمية عاد؟؟قوم تحمم وعن العيارة وراك دوام ..
خالد بكسل/اووف من ها الدوامات شزينه الواحد نايم باالعسل يقومونه؟
///////////////////////////////////////////////////
في غرفة نوف ومشاعل دخلت مرام وكانت كل وحدة قاعدة بفراشها من البارح وهي على حطتها ماتحركوا شبر واحد ؟؟
مرام/منتوا رايحين جامعتكم اليوم؟
لا..قالوها بصوت واحد والتفتوا لبعض بعد ماانتبهواكل وحدة لوجود الثانية جنبها...
مرام/عسى ماشر؟
نوف/الشر مايجيك انا ماعندي محاضرات؟
مشاعل/وانا...انا..مدري حاسة اني مو رايقة؟
مرام/يعني شقول لاامي وابوي..
مشاعل/قولي ماهم رايحين..
طلعت مرام بدون ماتقول لهم شي زيادة ولفوا لبعض وكل وحدة في عيونها حكي كبير...
نوف(شقولك يامشاعل...اني اذوب في عبداللهوان تركي من امس شككني بشي ماودي اشك فيه؟بس هو خلاني اصير مجنونة؟عبايتي انا متاْكدة منها انها كانت على الفراش وحتى اذا فرضنا انها كانت على الكرسي وانا كنت غلطانة عطر تركي كله عالق فيها؟؟معقول من وقفتي جنبه ثواني على الدرج !!لالامستحيل ماتعلق الريحة ها الكثر....)
نوف...نوف...
انتبهت على مشاعل اللي تكلمها...
نوف/هلا..
مشاعل/وش فيك؟
نوف/ولاشي..انتي اللي وش فيك؟
مشاعل/انا؟
نوف حبت تبدل الموضوع عنها/أي انتي انا محترمة سكوتك من البارحة وماقلت شي انتظرك تتكلمين؟
تنهدت مشاعل..
نوف/فواز صح؟
////////////////////////////////////////////////////////////
تعليقاتكم للبارت الجاي...

,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,,,,,,
البارت التاسع والعشرين والثلاثين,,,
****************************
*ياسمين/تريق عدل ياخويّ وراك مدرسة؟
الجدة/لاتوصين حريص مايقصر ياْكل عن عشرة!!
الجد بحقد/اذكري الله لاتنظرين الولد؟؟؟
مشعل بفخر/سمعتي جدي شيقول؟
الجدة بنفس الحقد/انا مدري وش عندك معه؟
مشعل/سلامتك ولد وابوه...
الجدة/أي بس انتوا ماتتفقون الا على الشر؟
الجد بنرفزة ومسوي انه شخصية/اصبحنا واصبح الملك لله...
الجدة/هاذي جديدة بعد!!من متى صرت تقولها يابو خالد؟
ياسمين بهمس لمشعل/شكلها بتحمى اللحين...بقوم اجهز نفسي نوير بتمرني بعد شوي..
مشعل مسوي نفسه خايف/وبتتركيني وسط الحرب!!ماتخافين اصير شهيد؟
ياسمين/اذا تبي الحقيقة انا اخاف عليهم منك؟
مشهل/افا..
ياسمين/ههههه
مشعل/امي وينها؟
ياسمين/كانت بالمطبخ..بقوم اشوفها؟
////////////////////////////////////////////////////
كانت في السيارة تشرب قهوتها بهدوء وهي تتذكر كلمته(هاذي الغالية وماهميتوني بللي تقولونه عنها انا لها وهي لي)..اه يانورة اه,,,,فارس وهو بعيد عنك وهو متعبك هذا لو يرجع شيصير لك؟بتنتهي حياتك خلاص؟بينهيها ها الفارس اللي ماتعرفينه ,,,
والله عقلي واقف ومو قادرة افكر..حيرني ها الفارس مدري ليه رد عليّ كذا!!هو شيقصد اصلا من ها الكلمة؟شماتة ولاحب؟غمضت عيونها ماتبي تفكر لان كل ردة فعل اصعب من الثانية بالنسبة لها,,,,
دخلت ياسمين بها اللحظات السيارة
ياسمين/هاي..
نورة/هلا...
ياسمين/امانة وين سرحانة؟
نورة/ولاشي...الخونة ثنتينهم ماراح يرحون الجامعة اليوم؟
ياسمين/شرايك نروح نتغذى معهم اذا طلعنا؟
نورة/ماشي...
رن جوال ياسمين وشافته وتاْففت/اوووووف هذا نواف؟شيبي بالله؟
////////////////////////////////////////////////////////
طلع من البيت متضايق وجلس بالسيارة...ماراح تروح الجامعة اليوم؟شفيها!!!خسارة اني ماصبحت بوجهها؟حس بضيق وكتمة ماعرف سرهم....انحرج انه يروح ويساْل عنها واخته بعد ماراحت!!حس انه بيصغر وبتضيع هيبته كل شوي وناط غرفتها,,,
تنهد بقوة وهويتمنى احد يحس فيه وفي مشاعره لها,,اه يانوف اه..لو تدرين شقد حبك معذبني كان مالمتيني..وراءفتي بحالي يالغلا,,,
احبك....وربي قليلة ها الكلمة بمشاعري ناحيتك..ابيك تحسين فيني وفي غرامي واشواقي..وتحسين بعذابي يااحلى عذاب قاعد اتعذبه..احبك..احبك..احبك..
////////////////////////////////////////////////////
نوف/ساْلتك فواز هو سبب شرودك؟
مشاعل/أي يانوف هو...
نوف/ليه صار بينكم شي امس؟قال لك شي ضايقك؟
مشاعل/لاابدا!!
نوف/وش له اجل صافنة من البارح واليوم ماودك تروحين الجامعة؟
مشاعل/شقولك بس يانوف انا حاسة اني متضاربة بمشاعري معه..
نوف/كيف يعني مافهمت,,,؟
مشاعل/ساعات احس اني اذوب وهو يكلمني وساعات احس اني خايفة منه ومن حياتي اللي بعيشها معه وساعات احس اني ماابيه؟
نوف/هاذي الاخيرة لازم تشيليها من بالك انتي عارفة عمي زين يامشاعل وتدرين ان ها المواضيع ماياْخذ فيها راي احد حتى تركي وعبدالله اذا كان هو مقتنع,,,
مشاعل بتعب/وانا وش اللي متعبني يانوف غير هالسالفة....الا خلينا من ها السالفة وقولي لي انتي شفيك ورى مارحتي اليوم الجامعة؟
نوف/انا...لاتشغلين بالك فيني كنت احاتيك وبس!!قالتها وراح تفكيرها من جديد لعبدالله وتركي والبارحة؟
/////////////////////////////////////////////////////////////
ياسمين بارتباك/هذا نواف يانورة؟
نورة/طيب ردي عليه؟
ياسمين/ارد عليه شقوله؟
نورة/ياسلام شنو يعني شقوله؟
ياسمين/هو ليه متصل اصلا!!
نورة/ياسمين خلاص تراه زوجك واتصاله مافيه أي عيب؟
ياسمين/بلى فيه...انا ماابي اكلمه ولايكلمني؟
نورة/ردي خلصينا تراه مابيوقف دق الا اذا رديتي عليه؟
ياسمين/مو رادة؟
نورة/اوووف ياسمين ردي تراه ازعجني؟
ياسمين/بقفل الجوال...
نورة/لاتسوووين لنفسك سالفة يابنت الاوادم....
سكت الجوال وبعد ثواني جاها مسج من نواف(وينك عن جوالك ليه ماتردين)
قرت مسجه بغضب وردت عليه بمسج(ماابي ارد عليك كيفي يااخي)وقفلت بعدها جوالها...
نورة بذهول/انتي ليه سويتي كذا!!
ياسمين وهي مغمضة عيونها تداري دموعها/لاني ماابي اسمع صوته ولا اللي بيقوله؟
نورة/وليش حاطة في بالك انه بيقول كلام مايعجبك؟
ياسمين بغصة وبدون ماتفتح عيونها/لانه.....لانه بيطلقني!!
نورة لفت وجهها عنها/ياسمين...ترى احسك اوشكتي على الجنون؟امس مدري اللي قبله ملكتوا تقولين لي بيطلقك؟؟؟مو لهدرجة عاد!!
ماقدرت تقول لنورة ساعتها عن كلام مشعل اللي قاله ولاان جدها راح يكلم نواف علشان ها السالفة اللي ماتدري وش صار فيها؟
/////////////////////////////////////////////////////////
لؤلؤة/وانا بالله شسوي لك؟
احمد/وديني حق امي؟
لؤلؤة/يااحمد انا شقلت لك..الماما مسافرة ومااخذت تلفونها معها....هي بس ترد بتجيك هنا تاْخذك؟
احمد بعناد/لا...انا ابي اروح ماابي هنا مااحب بيتكم؟
لؤلؤة بانكسار/حتى انا مااحبه!!!ادري بيتنا مافيه حياة...بس بكرة بتجي خالة ياسمين وبتجيب لك اخوان تلعب معهم وعمة وضحى بعد بتجيب لك بنات وااولاد وبيمتلي لنا البيت..
احمد/شلون يعني خالة ياسميين تجيب عيال يصيرون اخواني!!
لؤلؤة/لانها زوجة البابا ..
احمد/أي بس الماما ريم هي زوجة البابا...
لؤلؤة/اوووف ياربي انا من جد تورطت معاه...
احمد ببكي/ابي الماما...
لؤلؤة/ساعدني ياربي....وليه تقولي انا قول لاابوك..
احمد/قلت له مارد عليّ!!
لؤلؤة/طيب حبيبي لاتصارخ...
////////////////////////////////////////////////////////
ام مشعل/ماتشوف شر يبى...
ابو خالد/الشر مايجيك يابنيتي..
ام خالد/كله منك اكيد ماكل لك شي من هنا ولامن هنا...
ام مشعل/يمه خليه يرتاح وبعدين لوميه وعاتبيه براحتك...
ام خالد/انا من محبتي له اعاتبه؟
ابو خالد/خلي محبتك لك ماابيها وجيبي لي ولدي مشعل؟
ام مشعل/مشعل بالمدرسة يبى...
ابو خالد/دقي عليهم خل يرخصون له يرجع البيت...
ام مشعل/مايصير يبى...
ام خالد/ادق على خالد يجيك..
ام مشعل/لايمه مايحتاج كاهو صار بخير لانخوف خالد والسالفة ماتسوى؟
ابو خالد باعتراض/أي ماتسوى!!انا بغيت اموت وانتي تقولين ماتسوى؟
ام خالد بتاْييد/أي لان مو ولدها اللي بغى يموت علينا ؟؟انا وانت بالنسبة لها مانسوى؟
هزت ام مشعل راسها وماردت بشي,,
///////////////////////////////////////////
تركي/علامك شاب الدنيا علينا؟
نواف بعصبية/سلامتك..
تركي/مدام قايل سلامتك بها اللهجة معنتاه السالفة فيها بنت خالتي؟
نواف بعصبية اكبر/وفي غيرها بيشيبني؟؟؟
تركي/شمسوية بعد!!
نواف/ولاشي بس ماتبي ترد على اتصالاتي؟؟؟
تركي/..............
نواف/وفوق هذا تقفل الجوال...
تركي/................
نواف/لي حق اتضايق ولالا؟
تركي/انتوا متى بتتفاهمون؟
نواف بقسوة/اذا صارت عندي وتحت رحمتي ,,,طول ماهي بعيدة السالفة صعبة؟
تركي/والمعنى؟
نواف/لاتخاف ياتركي ماهي مطولة جيتها عندي؟
تركي/شبتسوي؟
نواف/للحين مافكرت بس الاكيد اني مابتركها هناك فترة طويلة؟
تركي برواق/لانك ماتقدر على فراقها؟
نواف/.....................
تركي/ليش سكت؟؟؟لان كلامي صحيح؟
///////////////////////////////////////////////////////////

بعد الساعة ثنتين بغرفة مشاعل ونوف,,,,
ياسمين/عطوني بيجاما ولاشي البسه؟
نوف/قومي اخدمي نفسك انتي معها؟
نورة/حرام عليكم جايين من الجامعة ميتتين مو مثلكم مرتاحين بالبيت؟
مشاعل/وش الفايدة البال مشغول؟
نورة/اسمع اسمع..شعلولة صارت شاعرة على اخر الزمن؟
رمت مشاعل على نورة مخدتها وضحكوا البنات...
ياسمين/وين الغذى ترانا ميتتين جوع امي بالموت خلتني اجي تقول دقي على نواف استئذني منه؟
نوف/مشاءالله...
ياسمين/هذا اللي كان قاصرني تصدقون اني امسك سماعة التلفون تسمح اروح بيت خالتي.
نورة/صدق ذكرتوني بشوف لؤلؤة وراها ماجت اليوم..يالله خمدوا كلكم؟
مشاعل/حطيه سبيكر يمكن السالفة فيها نواف خلنا نتشمت فيه شوي
ياسمين بقهر/مالت؟؟
هههههههههههههههههه
نورة/الو...هلا لولو كيفك قلبي؟
////////////////////////////////////////////////////////////
في غرفة ام تركي وابو تركي,,,,
ام تركي/ابو تركي علامك جالس كذا!!
ابو تركي/............
ام تركي/فيك شي يارجال؟
ابو تركي/قاعد افكر؟
في شنو؟قالتها وجلست قباله...
ابو تركي/في فواز؟
ام تركي/فواز؟
ابو تركي/أي...
ام تركي/شفيه؟
ابو تركي/........
ام تركي/دق عليك كلمك؟
ابو تركي/لا..
ام تركي/يعني هون وغير رايه مايبيها؟
ابو تركي/انا ماقلت كذا؟
ام تركي/اجل قول خوفتني؟
ابو تركي/قال عطني يومين ارتب اموري واشوفها قبل الملكة ومن شافها ماجاني منه خبر
ام تركي/تهقى هون وماكلف على عمره يقول لنا؟
ابو تركي/لاهو ماغير رايه خاله قال لي انها عجبته واثنى عليها واجد ويبيها حتى اخذ مني رقمها وقال بيكلمها بس مدري ليه انا قلقان ياام تركي.
ام تركي/مدامه عاجبته وخاله يقول انه مدح فيها ...الله يقدم اللي فيه الخير
ابو تركي/امين...
ام تركي/يالله قوم ترى العيال ينتظرونك على السفرة؟
ابو تركي/يالله اسبقيني بس ابدل ثيابي واجي وراك؟
/////////////////////////////////////////////////////////
وضحى/خلاص خالد والله احس نفسي شبعت؟
خالد/بعد ها اللقمة...
وضحى/بس حبيبي وربي كثرت اكل اليوم؟
خالد/لازم ياعمري علشان وليد يتغذى؟
وضحى بقهر/وانا انفجر!!!
خالد بلامبالاة/لبنان مو بعيدة؟
وضحة بنفس القهر/شوف النذل؟
خالد انفجر بالضحك/هههههه
شسوي فيك انا!!!اقولك كلي تقولين بنفجر؟
وضحى/أي ماعليه ياخويلد زعلت ماابي اكل شي خلاص؟
غمز بعيونه وقال بخبث/زعلتي بعد ماخلصتي الصحن كله؟
وضحى/ياثقيل الدم؟؟؟
خالد/هههه
وضحى بحب/عساها دوم ها الضحكة؟
خالد/يالله اجل ها اللقمة بعد!!
وضحى/بس مقدر...
خالد/ها وضحى...اشوف السلطة ماخلصتيها؟
وضحى/مالها مكان خلاص؟
خالد/لاحبيبي ماتمشي عليّ؟
وضحى/عن جد مالها مكان صدقني؟
خالد/ندور لها مو مشكلة؟
//////////////////////////////////////////////////////////
نورة/أي قلبي سلامات ورى ماجيتي اليوم؟
لؤلؤة بتعب/شقولك بس يانورة؟
نورة/عسى ماشر؟
لؤلؤة/احمد متعبني؟
ناظروا في بعض واستقرت نظراتهم على ياسمين...
نورة/احمد؟
لؤلؤة/أي...طول اليوم يبكي يبي امه وانا مو عارفة اتعامل معه....
نورة/طيب خلوه يشوف امه مايصير كذا تاْخذونه مرة وحدة منها...
لؤلؤة/تعبت من نواف كل ماكلمته قال مدام طلع من بيت ريم انسي انه يرد لها من جديد؟
جت ياسمين بتتكلم ونوف سدت حلقها لان نورة مسويته سبيكر....
نورة/ربي يكون بعونك والله ماعندي شي اقدر اساعدك فيه...
لؤلؤة/ولايهمك...
نورة/.
لؤلؤة/نورة؟
نورة/هلا...
لؤلؤة/بشاورك في شي؟
نورة/في شنو؟
لؤلؤة/قبل شوي اتصلت فيني بنت عمي ام مشعل؟
نورة/خالتي؟
لؤلؤة/أي..تبيني اودي احمد عندها كم يوم تقول علشان يتعود على ياسمين وبالمرة يتاْقلم مع مشعل وانا محتارة ولاقلت لنواف ولالوضحى وحتى هي مارديت عليها بشي؟
فتحت ياسمين عيونها على وسعها وناظروا فيها كل البنات..
نورة/وليه محتارة عاد؟
لؤلؤة/الموضوع محرج؟
نورة/خالتي طيوبة وحنونة مع الكل ولو تحس انها مابتتحمله ماقالت لك جيبيه؟
/////////////////////////////////////////////////////
توقعاتكم للبارت الجاي شنو بتكون؟
**نوف اذا التقت بتركي بعد سالفة العباية كيف بيكون الجو بينهم؟
**ياسمين واحمد وش راح يكون؟
**زيارة نواف لبيت عمه ليه بتكون؟
**نواف وياسمين اذا التقوا كيف بتكون المواجهة بينهم؟
اشوفكم يوم السبت على خير ان شاءالله؟

البارت الواحد والثلاثين,,,
//////////////////////////////////////
مشعل/سلامات جدي امي تقول انك تعبان؟
الجد ة/توك تجي تساْل صباح الليل من متى وانت راد من مدرستك؟
الجد/اللحين هو جاي يسال عني ولاعنك مالك شغل فيه؟
مشعل/اذا مشغولين امركم بعدين؟
الجد/لالالالا تعال اقعد؟
الجدة/اسمع بعد مشيعل من متى نازلة الذرابة عليك ياحظي؟
الجد بدفاع/طول عمره مشعل ذرب مو مثل اللي في بالي؟انتي شفيك عليه ياحرمة؟
الجدة/انت اللي شعندك معه..ليه متفقين مع بعض؟
مشعل/يعني اذا ولد وابوه اتفقوا تصير السالفة غريبة؟
الجد بتاْءيد/أي نعم...
الجدة/اه ياقلبي محد ر افع الضغط والسكر غيرك؟
مشعل/وانا شكو؟انتي اللي تزطين بها الاكل ولاانا؟
الجد/اذكري الله يامرة ها الفقير مشعل شياْكل عاد؟
مشعل/قول لها ياجدي ماتصلي على النبي اذا طرتني تبي تموتني من عيونها؟
////////////////////////////////////////////////////////
ابو تركي/حصة هني؟
حصة/شلونك يبى؟
ابو تركي/الحمد الله..انتي شلونك وشلون عيالك؟
حصة/نساْل عنك يبى...الله يطول لنا بعمرك..
عبدالله/يالله يبى متنا من الجوع؟
ابو تركي/ماعليه اخرناكم شوي اليوم عن الاكل....
حصة/يبى..
ابو تركي/نعم...
حصة/شصار على خطبة مشاعل؟
ابو تركي/......
تركي/انت ماكلمت فواز ولاعمي ابو سالم؟
ابو تركي/في ها اليومين بتسمعون خبر؟
حصة/يبى عطنا خبر قبل مو يوم الملكة تفاْجاءنا؟
ابو تركي/وخير ان شاءالله وش عندكم؟
عبدالله/يعني شعندهم غير ها الاسواق والثياب ..وشنو بيلبسون؟
ابو تركي/يبى السوق قريبة وفيها كل شي لاتحاتون...الا على طاري السوق وين البنات مااشوفهم؟
ام تركي/معاهم نورة وياسمين؟
ابو تركي/ماباركنا لياسمين بالملكة؟
تركي/انتظر ليلة الخميس وبارك لها..
ام تركي/ليه؟
تركي/خواته يبون يسوون له حفلة بسيطة قال ليلة الخميس بيسوي لكم عشى بالمزرعة وبتتجمعون؟
ام تركي/غريبة اختي ماقالت لي انا مكلمتها الصباح؟
تركي/لانها مابعد عرفت الليلة نواف بيمرها يقول لها؟
//////////////////////////////////////////////////////////////
نوف/احنا شلون نسينا سالفة ها البزر؟
نورة/وش بنسوي يعني؟
مشاعل/مو احنا اللي بنسوي ..هي شبتسوي معه؟
ياسمين/منو؟
نوف/انتي ياحظي؟
ياسمين/انا؟؟؟
نورة/لاانا..طبعا انتي؟
نوف/شبتسوين مع احمد ولد نواف علامك مخك رايح بعيد؟
ياسمين بخوف/تصدقون ماقد خطر في بالي ابدا احمد ولا شلون بنكون مع بعض؟
نوف/لاحبيبتي لازم يخطر في بالك لانه واقع...
نورة/وصار واقع حتمي امك تبيه يجي عندك البيت يتعود عليك؟
ياسمين/وانا شكو ان شاءالله مفكريني امه صدق؟
مشاعل/علامك تضايقتي؟
ياسمين/لاني مااعرف اتصرف مع بزارين صغار مثله؟ افهموني مو كفاية هم نواف بعد يجي فوقه ولده ياربي انا شسويت بدنيتي علشان تغضب عليّ كذا!!
نوف/اذكري الله ماله داعي ها الحكي؟؟؟
مشاعل/بنات..
نورة/هلا..
مشاعل/هذا فواز داز لي مسج؟
ياسمين/شيبي؟
مشاعل/يقول حددي موعد الملكة لاني بكلم ابوك اليوم وبتفق معاه؟
نورة وهي تضحك/جاك الموت ياتارك الصلاة..
مشاعل بخوف/ببكي ..ياربي ساعدوني ماابيه؟
///////////////////////////////////////////////////////
وضحى/السلام عليكم...
وعليكم السلام والرحمة؟
لؤلؤة/شلونك؟
وضحى/بخير انتوا شلونكم..
لؤلؤة/عايشين...
وضحى/احمد وينه؟نايم؟
لؤلؤة/مابغى ينام طول الليل يبكي؟
نواف/خله يبكي وش عليك منه انتي؟
لؤلؤة/ياسلااام؟
نواف/سمعي لؤلؤة انا ماابي ادلعه خله يصير رجال؟
وضحى/شوي شوي عليه يانواف توه ولد اربع سنين ....
نواف/اربع ولاعشر..اذا من البداية بياْخذها دلع بيكبر عليه؟
لؤلؤة/مدامكم ثنينكم هني والسالفة فيها احمد بقولكم عن شي؟
وضحى/خير..
لؤلؤة/بنت عمي ام مشعل دقت لي وقالت تبي تاْخذ احمد عندهم كم يوم؟
نواف/دقت لك انتي بعد؟
وضحى/ليه هي داقة لك انت بعد!
نواف/أي..
وضحى/وانت شرايك؟
////////////////////////////////////////////////////////////
مشاعل/اوووف راحوا البنات ورجع الملل؟
نوف/..........
مشاعل/يابابا احاكيك انا ؟
نوف/........
مشاعل/نوفوا دبريني؟
نوف/لشنو؟
مشاعل/ماابيه؟
نوف/مشاعل خلصنا من ها السالفة خلاص,,,,,عمي مو ماْخذ برايك هو عاجبه فواز؟
مشاعل/أي بس انا صدق ماابيه؟يمكن كلامه حسسني باشياء حلوة وعيشني بحلم وردي بس انا فعلا ماابيه شسوي؟
نوف/مدام الرجال شاريك ومكبر بواجبك ويبيك تحددين موعد الملكة بنفسك حدديه وردي عليه وانسي سالفة ماابيه؟
مشاعل بخوف/أي بس انا فعلا ماابيه يانوف احس ان ارتباطي فيه بيغير حياتي؟
نوف/اكيد اذا ارتبطتي بتتغير حياتك سواء معه ولامع غيره؟
مشاعل/لاانتي مو فاهمة عليّ يانوف احس ان حياتي مع فواز تحديدا بيصير فيها شي مدري شنو؟
نوف/هذا من كثر ماانتي تفكيرين ياعمري...هدي شوي وابعدي سالفة الخوف منك ترى الزواج مايخوف مرة؟
مشاعل/وانتي وش عرفك؟
نوف/هههه محد قال لي بس صدق انتي متخوفة كثير...شوفي المسكينة اللي بتاْخذ دراكولا وهي ماقاعدة تسوي ربعك يامشاعل؟انتي اقلا عارفة ان فواز يبادلك الاحترام وعنده مشاعر تميل ناحيتك مو مثل نواف اللي حياته حروب معها والله اعلم اذا صارت في بيته شبيكون بينهم؟
///////////////////////////////////////////////////////////
بعد صلاة العشاء,,,في بيت بو خالد,,,
ام مشعل/هلا وغلا بنواف؟
نواف/هلا بنت عمي شلونك؟
ام مشعل/نساْل عنك..
نواف/عايشين الحمد الله...شلونك عمي؟
ابو خالد/اسكت ياولد اخوي بغيت اروح فيها اليوم؟
نواف/لا...
ابو خالد/أي والله...
نواف/سلامات سلامات ماتشوف شر ان شاءالله...
ابو خالد/الشر مايجيك وانا عمك...
نواف/مشعل شلونك؟
ام خالد/مشيعل يالثور انت ماسلمت على ولد عمك للحين؟قوم فز سلم عليه يللي ماتستحي؟
نواف/شفيك ياام خالد هو اللي فاتح لي الباب ومدخلني انا بس كنت اساْل عن اخباره؟
الجدة مسوية شخصية/على بالي انه ماسلم عليك قلت مايصير بعد؟
مشعل/الا تبين تمسكين عليّ اقل شي؟
ابتسم نواف بدون مايعلق,,,
/////////////////////////////////////////////////////////
نورة/سعد..
سعد/نعم
نورة/قوم خل نروح السوبر ماركت..
سعد/بنات تمويون على الطلعة توك رادة من بيت خالتي قبل ساعتين؟
نورة/يبى محتاجة اغراض وبيني وبينك متمللة؟
سعد/لالالالا البنات مكانهم البيت فقط؟
نورة/سعيدان؟
انا موجدتي تهبل فيني!!
سعد/كلكم من نفس الصنف حريم...الا على فكرة جدتي حرمة ولارجال؟
نورة/قول قسم؟؟؟
سعد/انا بصراحة مااحسها حرمة يعني مافيها شي بشكلها يدل على انها حرمة؟
نورة/شكلك تبي تجيب العيد لنا قوم يبى وبعطيك عشرين ريال؟
سعد شهق/عشرين ريال بها الزمن شتسوي عاد؟
نورة/ياسلاام؟
سعد/اقل من خمسين موقايم؟
نورة/اوووف انا كل اللي معي اللحين مية وسبعين...اذا عطيتك خمسين كم ظل معي؟
سعد/وانتي بتمولين البيت ياحظي!!كل اغراضك معروفة..سنكرس ,,جالكسي,,,شبس ليز...حليب جالكسي....ومجلة زهرة الخليج,,,عطيني بس عطيني الفلوس كلهم وانا اخذ لك اللي تبينه؟
نورة/لاتحلم؟
سعد بنفخة/ان شاءالله تبين تحاسبين انتي وانا اوقف مثل جدي مو داري عن الدنيا؟لايابابا انا رجال واذا بطلع مع احد امسك انا الحسابات ولامااطلع؟
////////////////////////////////////////////////////////////
نوف/انا بروح اشوف كنتاكي وصل ولالسه؟وشوفي لك حل انتي بالهم اللي عايشة ومعيشتنا فيه؟
مشاعل/مفكرة ماارسل له شي واطنش؟
نوف/يابابا اذا مارسلتي بيرجع يتصل؟
مشاعل/اوووف طيب...
طلعت نوف من الغرفة ونزلت وماكان في احد موجود طلعت من باب الصالة للباب الخارجي...
وتوها بتفتحه الاتركي داخل...ظل يناظرها ونسى انه يسلم وهي ظلت تشوفه وكل تفكيرها بالعباية وبريحة عطره اللي فيها بس ماقالت شي....
انتبه على نفسه وانها قاعدة تناظره..
تركي/احم احم....هلا نوف...
بشرود وبرود قالت/هلاتركي..
سلامها وردها صدموه بس ماحب يبين هاالشي
تركي/طالعة؟
بنفس البرود/لا...
تركي/لا؟وش تسوين هنا اجل؟
نوف/طالبين من كنتاكي وكنت بشوفه وصل ولالسه لان الظاهر مافي احد بالبيت وانا ومشاعل فوق؟
تركي/يوم انكم مشتهين كان دقيتوا علي اجيب لكم وانا جاي؟
غريبة؟؟؟قالتها وكتفت يدينها...
تركي/وش الغريب؟
بحدة قالت له/خبري فيك ماتحب ها المطعم بالذات يعني بتتعنى له برجلك وتاْخذ لنا لو دقينا عليك قلنا نبيه!!!!انت كل ماتشوفنا ناكله هذرت فوق راسنا؟
///////////////////////////////////////////////
البس عباية ولااخليها؟البسها ولااخليها؟اووووف الله يهداك يمه انا مالي وماله ليه لازم اروح اضيفه واقهويه واسلم عليه؟؟؟؟يلعن الساعة اللي ملكنا فيها ؟؟
اخاف اترك العباية ويفشلني قدامهم واخاف اشيلها ويقول هاذي ماصدقت على الله,,,هو بروحه ماءخذ مني موقف من يوم الراشد..لالالالا بشيلها علشان يعرف انه مايهمني ومايخوفني بعد؟ولو يمديني اركب فوق واحط لي روج احمر غتمق حطيت بعد بس ماني متعبة نفسي علشانه!!!
شالت الصينية اللي فيها الشاي ودخلت المجلس كان نواف جالس بالزاوية يعني اللي جاي من برى يقدر يشوفه قبل لايدخل وبس لمحها مقبلة لف لاام مشعل وقال لها/اقول يابنت عمي؟
ام مشعل/هلا يمه...
كانت ياسمين دخلت وسلمت بها اللحظات بس هو كان لاف وجهه لعند ام مشعل يعني مسوي انه ماشافها ولاسمع سلامها..رغم ان صوت كعبها مزلزل المكان...
نواف/ ليلة الخميس ان شاءالله بنلبس الدبل يعني بعد ليلتين..ز
المسافة الفاصلة بين المكان اللي واقفة فيه ياسمين واللي جالس فيه نواف قبالها مايتعدى المتر وهو المكان اللي طاحت فيه صينية الشاي بللي عليها من يد ياسمين وهي تسمع كلامه؟
///////////////////////////////////////////////////
لؤلؤة/وضحى...
وضحى/هلا..
لؤلؤة/تهقين نواف يحب ياسمين؟
وضحى/ليه تساْلين؟
لؤلؤة/مدري بس احسه مستعجل حيل علشان يجيبها البيت؟
وضحى/نواف دايما تتوقعين منه الغير متوقع..
لؤلؤة/الا الحب ياوضحى....احس انه اكتفى من تجربته مع ريم وعمم التجربة على الكل؟
وضحى/يجوز.....بس ترى مشاعر الانسان مو بيده؟
لؤلؤة/طيب وهي؟
وضحى/انتي ادرى فيها مني؟
لؤلؤة/لاانا ماشوف منها شي غير عن اللي تشوفينه؟ويمكن بحكم علاقتها القوية بخالد انتي تعرفين شي عن ها السالفة؟
وضحى/هي عارفة ان خالد يقول لي كل شي ويعطيني كل اللي بخاطره فعلاقتها بنواف يالؤلؤة تركتها بعيد عن خالد وماجابت له سيرتها ولامرة بحياتها يالؤلؤة...
////////////////////////////////////////////////////////

عبدالله/عبير
عبير/قول ياقلبي
عبداللله/ابي منك شي..
عبير/شنو
عبدالله/ابيك تتعرفين على مشاعل ونوف؟
عبير/ليه؟؟؟
عبدالله/علشان...
عبير/علشان شنو؟
عبدالله/يعني يكون بينا طرف ثالث وناْخذ اخبار بعض منه؟
عبير/وليه هذا كله انت عندك جوالك وانا عند يجوالي ونقدر نكلم بعض ناخذ اخبار بعض؟
عبدالله/طيب وش فيها لو تعرفتي عليهم؟
عبير/لانهم هم اللي لازم يتعرفون عليّ!
عبدالله/انتي ليه تصعبينها ياعبير؟
عبير/انا فاهمتك وفاهمة وش تبي ؟
عبدالله/.........
عبير/تبي اتعرف عليهم علشان يسهلون عليك سالفة الخطبة؟
عبدالله/وشنو فيها هاذي بالله؟
عبير/فيها انهم اذا يبون هم يجون يتعرفون عليّ لاني مابتعرف عليهم؟
عبدالله/علامك يابنت الناس ليه مكبرتها وهي صغيرة؟
عبير/انا هذا تفكيري عاجبك عاجبك مو عاجبك بكيفك؟
عبدالله بعصبية/شنو يعني بكيفك؟
//////////////////////////////////////////////////////////
كان واقف مكانه ماتحرك منه...
عطت السايق الفلوس واخذت طلبهم وركبت فوق بسرعة...
كان متسند على باب الشارع وواقف ومكتف يدينه وتفكيره شارد لبعيد ...لها ولكلامها اللي حس انه اربكه في شنو مايدري بس حس نفسه مجروح منها ..ومنحرج من نبرة صوتها الحادة معه؟
ظل يراجع تفكيره بمواقفه معها ولاوراها ويشوف ان كان جرحها بدون مايقصد ماتذكر أي شي لاقاله ولاسواه؟طب ليه كلمته بها الطريقة وماكانت مرتاحة بوقفتها هنا معه اليوم؟معقولة انها حست بشي ولااحد قايل لها شي؟
هي كانت معي طبيعية وتاْخذ وتعطي ماعندي معها أي مشكلة تغيرها اليوم اليوم وبس؟
معقولة حصة؟؟؟معقولة كلمتها ولا نرفزتها؟تنهد بقوة وهو في باله الشر عليها اذا كانت فعلا هي اللي مزعلتها ومخليتها تتعامل معه كذا...
تنهد بقوة اكبر وهو حاس انه فعلا متضايق بتعاملها معاه ودخل البيت,,,
/////////////////////////////////////////////////
على اساس انه بيشيل معاها الزجاج المتناثر بينهم وهم راكعين يشيلونه جنب بعض ..
همس لها باْذنها بحدة/روحي بدلي ها البنطلون الضيق؟
رفعت راْسها بصدمة ولقته يناظرها بغيظ...وارتبكت زيادة...
اصلا هي بموقف تنحسد عليه فوق انها مصدومة انها بعد ليلتين بتلبس دبلته وانها كسرت الصينية قدامه جاي يقول لها بدلي وين عقله هذا!!!
قالت بغباء/نعم...
نواف بحدة/انا شي اسمه بنطلون ماادانيه بحياتي فاانسي انك تلبسينه لا وضيق بعد!!!
خلي عنك يانواف؟
رفعوا راسهم لاام مشعل اللي جاية تشيل الزجاج وتكنسه وهي قامت بهدوء مو علشان تبدل ولاتفكر انها تبدل اصلا بس علشان تقنع نفسها انها بعد يومين بتلبس دبلته؟؟؟
///////////////////////////////////////////////////////////

/////////////////////////////////////////////////
البارت الثاني والثلاثين,,,
////////////////////////////////////
نوف/هذا هو؟
مشاعل/أي..
نوف/طيب ردي عليه...
مشاعل/ماابي..
نوف/ليه؟
مشاعل/لاني ماابيه يانوف...
نوف/مابنعيد ونزيد بها السالفة كسبيه بصفك مدامه شاريك؟
مشاعل/لا..
نوف/خذي بس وقولي له انك تبين الملكة بعد عرس ياسمين..
مشاعل/واذا سئلني متى عرس ياسمين؟
نوف بنفاذ صبر/انتي اللحين ردي عليه تراه قطع نفسه من الاتصال؟
مشاعل بعناد/ماابي...
ضغطت نوف على زر الرد وحطت الجوال بااءذن مشاعل اللي ارتبكت وماعرفت شتقول...
فواز/الو..
مشاعل/...الو..
فواز/هلا وغلا..
مشاعل/ها...هلا..
فواز/كل هذا تغلي تغلي علينا ماتبين تردين؟
مشاعل/ها...
فوازبمرح/علامك...منو متحلف فيك تركي ولاعبدالله؟
مشاعل/محد..
فواز/وليه كذا مو قاوية تقولين كلمتين على بعض؟
مشاعل/عادي...
فواز/مااشوفك رديتي على رسالتي..يعني انا منحرج من ابوك اني للحين ماعطيته خبر...
مشاعل/ماابي..
دزتها نوف بكتفها..
فواز/شنو اللي ماتبينه؟
مشاعل/ها...ماابي اقررانا..قرر انت وشوف وش اللي يناسبك؟
فواز/متاْكدة؟
مشاعل/أي..
فوازبجدية/يعني اجي اللحين املك؟
مشاعل/لالالالا
فواز/ههههه توك تقولين قرر انت؟
مشاعل/أي بس مو بها السرعة؟
فواز/يعني نهاية هذا الاسبوع؟
مشاعل/لا..
فواز/حيرتيني معك ..ورى ماتختارين انتي علشان اعرف وش اللي يناسبك؟
مشاعل/مدري؟
فواز/تراها ملكة بس يامشاعل ماهي زواج يعني ماله داعي خوفك الزايد هذا كله؟
//////////////////////////////////////////
خالد/انت ماتقولي وش عندك؟
عبدالله بحزن/ولاشي...
خالد/الا في شي ها اللف والدوران اكيد وراه سالفة؟
تنهدعبدالله...
خالد/وشكلها عويصة بعد؟
عبدالله/خالد...
خالد/قول وش مهبب ياالاغبر؟
عبدالله/انت جربت الحب؟
خالد/وغيره؟
عبدالله/انا اتكلم من جدي ياخالد؟
خالد/وانا امزح يعني؟اختصر وش بعد سالفة التجربة؟
عبدالله/مدري شقولك؟
خالد/طبعا بكون غبي لو ساْلتك تحب ولالا وانت ساْلني ها السؤال؟
عبدالله/................
خالد/منت مرتاح؟
عبدالله/كيف عرفت؟
خالد/مافي غير ها الشي اللي بيخلي الواحد يكون كذا؟
عبدالله/انا تعبان وهاذي مشكلتي؟
خالد/وليه ان شاءالله؟
عبدالله/لاني ساعات احسها غير مبالية بمشاعري ناحيتها ومايهمها حبي وخوفي ..مدري كيف اوصف لك؟..يعني كاْني مااهمها؟
خالد/وليه باقي عليها ماخلت الديرة من البنات ليش متمسك فيها ها الكثر.
عبدالله بحزن وتعب/لانها وجعي ياخالد,,,,لاني احبها ومقدر اكذب بمشاعري؟
/////////////////////////////////////////////
توها بتقوم المطبخ تاْكل لها شي لان الجوع حرقها واكلتها من الضهر في بيت خالتها وعلى اساس انها بتنزل تتعشى معهم الا بجية نواف ومن ركبت غرفتها بعد الموقف اللي صار لها معه حبست روحها في غرفتها وماطلعت منها رغم انها عارفة ان نواف مشى من زمان واهل البيت كلهم ناموا لان الوقت متاْخر....
دق باب غرفتها خلاها تناظر بالباب...
ياسمين/تفضل...
دخلت ام مشعل/نايمة يمه..
ياسمين/لايمه تعالي حياك....
ام مشعل اللي جلست جنبها حطت بجانب ياسمين صينية عليها سندويشات وعصير..
ام مشعل/سويت لك سنتدويش قلت اكيد جوعانة..
ياسمين بكبرياء/لايمه انا شبعانة شكرا ماابيهم..
ام مشعل/ماعليه تركيهم جنبك لو جعتي بعدين اكليهم..
ياسمين/........
ام مشعل/انا انتظرت الكل ينام علشان اجي اتكلم معك؟
ياسمين/في شي...
ام مشعل/ياسمين....,,ويمكن امها قالتها بحنانها المعتاد واللي حست انها بتفقده بس تطلع من ها البيت علشان كذا دمعت عينها وقالت بسرعة/يمه ماابيه؟
ام مشعل/ليه يايمه؟
ياسمين/لاني اكرهه...
ام مشعل/ياسمين يايمه هذا زوجك عيب تقولين ها الحكي بحقه..
ياسمين/يمه انتوا جبرتوني عليه وماشاورتوني..
ام مشعل/في بنت عاقلة تنساْل بنواف عاد؟
ياسمين/.........
ام مشعل/هو يبيك ومن زمان قايل يبيك انتي بس معصبة ومسوية سالفة ورابكة نفسك على الفاضي ولد عمي واعرفه ماتطلع منه العيبة...لاتضايقين نفسك انا عارفة انه بيصونك ياياسمينتي,,,
//////////////////////////////////////////////////////////////
ظلت تناظر بجوالها على اسم تركي اللي كان داق عليها ..ناظرت بمشاعل اللي نامت بعد مابكت وتعبت من البكي يوم كلمت فواز رجعت تناظر باسمه وفي بالها العباية وليه سوا كذا؟؟؟
ردت بجفاء/نعم؟
تركي/اسف على الازعاج..
نوف بنفس الجفاف/لاعادي....
تركي/عسى مو نايمة بس؟
نوف/لالسه....
تركي/طيب ممكن تنزلين الصالة شوي؟
نوف/ليه؟
تركي/ابي اتكلم معك؟
نوف/في شنو؟
تركي/انزلي وبتعرفين؟
نوف/اللحين؟
تركي/أي..
نوف/ماتقدر تاْجل موضوعك؟
تركي باصرار/لا...الموضوع ضروري يانوف؟
نوف/طيب انا نازلة..
قامت لبست عبايتها وهي مترددة حييل وبنفس الوقت متخوفة من اللي بيقوله تركي لها,,,,
نزلت الصالة ولقته جالس بروحه ومبين انه متضايق....
سلمت وقعدت ورفع راسه يناظرها...
نوف/في شي...
تركي بحزن/نوف علامك؟
نوف بجفاف/انت اللي داق وقايل ان عندك سالفة؟
تركي/ساءلتك علامك وش اللي مغيرك عليّ كذا!!
نوف/..........
تركي بنفس الحزن/انا ضايقتك بشي؟زعلتك بشي؟جرحتك بشي يانوف؟
نوف/.......
تركي/مو معقول اسلوبك معي في الكلام نوف صارحيني وش اللي صاير علشان تتعاملين معي كذا!!
ماكانت معه ابدا ولاتدري وش قال اصلا تفكيرها كله في اسلوبه المنفعل واللي حست انه ممكن ينفجر باي لحضة....رفعت راسها تناظر ه..ملامحه غلط فيها شي متوتر ومرتبك لان هذا ماهو تركي الثقيل اللي يهز الجبال ويزلزل الارض....
نوف/خلصت كلامك؟
تركي/..........
نوف/تصدق ماعندك سالفة تعالي وضروري واخرتها تقولي ها الحكي؟
بحدة وعصبية قال لها/نوف انا اتكلم جد؟
نوف/تبيها من الاخر؟
تركي بتردد/أي...
نوف باصرار/وتتحملها؟
وقف قلبه مكانه وحس بخوف يسري فيه بس اضطر يقول لها أي..
//////////////////////////////////////////////////////////////
بعد ماقامت امها من غرفتها وسوت روحها مقتنعة بنواف...ناظرت بالغرفة اللي هي فيها وهي تبتسم بالم..ماتدري باءي وقت بتفارقها وهل بترجع لها من جديد ؟ها الغرفة اللي ضمتها بين جدرانها وتاْلمت لااامها وفرحت لفرحها..حست انها قاعدة تتذكر كل الايام اللي قضتها هنا وفجاْة قطع عليها الجوال تفكيرها ..توقعت نورة ولامشاعل ولانوف بس تفاْجات انه نواف..حست بشي يكتم عليها انفاسها بس عنادا فيه ردت..
ياسمين/نعم..
نواف/مشاءالله للحين سهرانة؟
ياسمين/مو من خصوصايتك؟
نواف//وين رحتي اليوم؟
ياسمين/بعد مو من خصوصايتك؟
نواف/طيب بعد ليلتين اعلمك؟
ياسمين/ماخوفتني؟
نواف/انا مو متصل اخوفك ولااضحكك ,,,سمعي يابابا انا البنطلون مااحبه بكل حالاته؟
ياسمين/أي...وغيره؟
نواف/لابس قلت اعطيك خبر علشان وانتي تجهزين ماتغلطين وتاْخذين لك واحد؟
ياسمين/اقول نواف لاتصدق حالك كثير؟
نواف/خير؟؟؟
ياسمين/سلامتك بنام تصبح على خير..ولااقولك على الف خير؟
نواف/شوفي يابنت الناس....وقسم بالله تسوين مثل الحركة اللي سويتيها الظهر وربي ماتلومين الا نفسك؟لاتفكيرني ممشيها لك ؟لايابابا انا باْدبك عليها بعدين اذا صرتي عندي,,,ووصلت لك على مااظن اياني واياك تعيدينها وماتردين عليّ ولاتقفلين الجوال لان ليلك بيصير نهار ساعتها؟
//////////////////////////////////////////////////////
وضحى/حبيبي..
خالد/قولي حياتي...
وضحى/تدري وش ابي؟
خالد/لا
وضحى/ابي...
خالد/شنو؟
وضحى بتفكير./ابي
خالد/اخذ لك شي تاْكلينه؟
وضحى/لا
خالد/اشتري لك شي حامض؟
وضحى/لا بس ليش يعني حامض؟
خالد/مدري طلعت معي اشوف بالمسلسلات دايم ياخذون لهم ليمونة ياكلونها قلت يمكن انتي مثلهم؟
وضحى/هههه لا ماابي
خالد/تبين تسافرين ولاتروحين مكان معين؟
وضحى/لا...خالد علامك نسيتني حتى الشي اللي بقوله لك؟
خالد بزعل/شنو يعني نسيتيه ,,قالها بخوف كبير..
وضحى/هههه وانت ليه خايف؟
خالد/ اللحين بيصير في نفسك؟
وضحى/لامابيصير اذا تذكرته بقوله لك؟تصبح على خير..
خالد باعتراض/لامافي نوم الا اذا قلتيه..
وضحى/اقولك نسيته؟
خالد/مو شغلي تذكريه اللحين؟
وضحى/شلون اتذكره؟؟غصب هي؟
خالد/مافي نوم
وضحى/بكيفك هي مافي نوم؟
خالد/أي مافي نوم الا اذا تذكرتي وش كنتي تبين؟
وضحى/وانت ليه مضيق خلقك انا اللي ابيه مو انت!!!
////////////////////////////////////////////////////////
تعليقاتكم للبارت والاحداث الجاية,,,
**تركي ونوف وليش؟
**مكالمة بتجي خالد بيوم حفلة ياسمين من منو بتكون وليه وهل بتمشي الامور طبيعي؟
**شب على روحك النار وتستاهل اللي بيجيك؟
**ماعندك اضيق من ها الثوب؟

*********************
البارت الثالث والثلاثين,,,,
////////////////////////////////////
نوف/شوف تركي خلينا صريحين مع بعض..
بهمس خايف قال/نوف..
نوف/اسمعني وبس!!!انا بغير تعاملي مع كل من في ها البيت؟
تركي بدهشة/مافهمت!!!
نوف بعد تنهيدة عميقة/ابي اخسركم كلكم..
تركي/تخسرينا!!!!!ليه يعني؟
نوف/لاني بطلع من هنا وماابي اكون نادمة لاني تركت ها البيت؟
مرت ثواني صمت ظل يناظر فيها مستغرب من كلامها وحست هي ان قلبها بيوقف شلون طلع منها ها الكلام ماتدري؟؟؟كانت ناوية تقول له عن دخلته الغرفة بس ماتدري ليش ماطلع معها ذاك الموضوع وجابت ها السالفة من راسهاوحست فعلا انها اغبى شي با العالم بس ليش ماتدري؟؟؟
تركي بجدية/نوف طلعة من ها البيت ماراح تطلعين لو شنو صار؟
قالت بتمثيل علشان لاتناقض سالفتها/مو بكيفك؟
تركي/طيب وش اللي حصل؟
نوف/ولاشي بس مكاني هنا غلط...
تركي رجع لجديته/باْي اساس قررتي ومع منو؟
نوف/بعد زواج مشاعل ب...
قاطعها بسرعة/مابنزوج مشاعل اذا هاذي مشكلتك؟
تنهدت وظلت ساكتة بس بعدها حبت تهدي الوضع لانها حسته معصب قالت رايق/تركي..
تركي/نعم,,قالها بلهفة,,,
نوف/انتوا مشكلتي..اهتمامكم ومثاليتكم معي وطيبتكم الزايدة محسستني اني فعلا ضيفة وان هذا مو بيتي؟
تنهد بقوة وبعدها قال/ماعندك سالفة يانوف ..بس هذا اللي مضيق خلقك؟وش تبين نتهاوش يعني؟؟خلاص من بكرة بتصبحين على هواش وبتتمسين على هواش اذا هذا فعلا اللي بيرضيك واذا تبين بعد من اللحين نتهاوش؟
قامت من مكانها علشان لاتطيح دموعها قدامه وقالت بتصنع/تصبح على خير ولاتشغل بالك وانسى السالفة من اساسها؟قالتها وركبت وماغابت عنها تنهيدة الارتياح اللي طلعت من تركي ساعتها وصورة عبايتها وريحة فيها راكزين في مخيلتها اكثر واكثر ودموعها شوشوا على الجو كله في راسها وماقدرت تركز باي شي....وهي تتمنى انها تكون مجرد ردة فعل واهتمام من تركي ليتمها لااكثر ولااقل؟؟
//////////////////////////////////////////////////////////
مروا يومين بهدوء والليلة هي الليلة الموعودة اللي حست فيها ياسمين ان روحها بتطلع وان الليلة هاذي ماراح تنتهي ابدا!!
رغم انهم مالكين من قبل اسبوع ومنتهية السالفة الا انها حاسة بخوف غير طبيعي يمكن لانها بتكون قريبة منه وهي تلبسه وهو يلبسها....ها الانسان اللي انحكم تعيش وتعاني منه,,,معقولة مايجي الليلة؟؟؟ويعيد سالفة اربع سنين مضت؟؟؟؟حست بالدمعة واقفة على طرف عينها بس كابرت علشان ماتنزل منها ومسكت الجوال بعصبية...
خالد/هلا وغلا.بالعروس...
ياسمين/خالي...
خالد/عيوني لك....
ياسمين/ماابيه؟؟؟
فتح عيونه على وسعها/شنو؟؟؟
ياسمين/.............
خالد/هذا مقلب من مقالبك ولاشسالفتك انتي الليلة؟
ياسمين/..............
خالد/ياسمين....علامك؟
ياسمين/خلاص انسى ولاشي..يالله باي؟
سكرت منه وقفلت الجوال بكبره يمكن احساسها انها تعجلت باتصالها بخالد اللحين ويمكن انها تاْخرت حييل وتوها تتكلم وتقول ماابيه ,,,تنهدت بقوة وخلت دموعها ينزلوا براحتهم بدون ماتمنعهم....
/////////////////////////////////////////////////////////
الجد/شها الكشخة يامشعل؟
مشعل/شقالوا لك بعد...بصور مع اختي؟
الجد/وانا مابصور معكم؟
سعد/اكيد بتصور؟
الجدة/بكيفك انت كل شي تقرره وكاْنها اختك؟
مشعل/ياربي..
سعد/اساْلك الدعاء من كل قلبي....
الجدة/انت جيب لي المكحلة علشان اتكحل....
سعد/وليش بالله؟
مشعل/تبين تفشلينا يعني؟
سعد/انتي كذا ماتنبلعين تبين تتكحلين بعد!!!
الجدة/مالكم شغل بصور مع العيال؟
سعد/علشان يحترق الفلم؟
الجدة/مالكم شغل...
مشعل/جدي قول شي ياكبيرنا؟
الجد/اصلا التصوير حرام علامك انتي؟؟
سعد ومشعل فطسوا عليها ضحك والجد ابتسم ابتسامة نصر على اساس انه شخصية وخوفها...
//////////////////////////////////////////////////////////
عبدالله/تراك جننتني انت بقومتك وقعدتك ماتسوى جاي تتغذى معي لين تتصل فيك مرتك اخر الليل؟
خالد/تصدق ياعبدالله ان الليلة بتشب بينا..
عبدالله/ليه؟؟
خالد/...........
عبدالله/انت مسوي شي؟
خالد/لا...
عبدالله/اكيد اجل لان خالتي ام نواف بتحضر
خالد/اكيد بتحضر مو ولدها اللي ملكته مدري شسالفته ؟اكيد بتكون موجودة..
عبدالله/رغم اني سمعت ان نواف ماكان يبيها تجي بس روحة وجية لين اقنعوه...
خالد/ووضحى اذا جت الشقة اليلة اكيد بتجي قالبة خلقتها ومتضايقة ومتكدرة...
عبدالله/طيب واذا...سايسها انت الليلة؟
خالد/مااعرف...
عبدالله/بالناقص...شب على روحك النار ,,,يعني عارف اللي بتتهاوشون عليه وعلشانه وماتبي تهدي وتساير السالفة تستاهل اللي بيجيك؟؟؟
كان خالد سارح بافكاره بعيد ذيك اللحظات مو علشان وضحى بس.....علشان ياسمين واتصالها ...معقولة هي فعلا ماتبي نواف؟؟؟ولابحياتها قالت لي!!!طيب ليش قالت لي وبعدها سكرت وقالت انسى السالفة؟؟معقولة بس خوف من وجوده قربها الليلة ولاالسالفة فيها شي ماقالت لي؟
/////////////////////////////////////////////////////
في مزرعة نواف وتركي كان الكل متجمع ..ام مشعل وام سعد وم تركي وبناتهم ووضحى ولؤلؤة وخالتهم وبناتها وامهم بعد....
جلسوا يسولفون ويتعشون لين يجي نواف ..وياسمين كانت بالغرفة اللي داخل مع وضحى اللي ماكانت رايقة كثير لاامها وماهي مستعدة تتحمل منها أي كلمة بعد موقف صار لها معها من وصلت والبنات طبعا كانوا يتناوبون داخلين طالعين عليهم...
وصل نواف وسلموا عليه كلهم وجلس مع الحريم شوي وبعدها لبس ياسمين وسط تعليقات البنات والحريم ووسط جمودها وبرودها اللي ماتدري من وين نزلوا عليها وبعد ماانتهى استئذن من امها انهم يجلسون بالمجلس وانه عاطي جدها خبر ..وصاروا بروحهم والباب تسكر عليهم وظلت ياسمين واقفة بمكانها ماتحركت لاتقدمت ولاتاْخرت ووقف هو يرتب شماغه وبعدها تقرب منها وابتعدت عنه بسرعة....
نواف/عسى ماشر ,,احد قايل لك ان فيني مرض معدي؟
ياسمين/.................
ظل يتاءملها بالقوة وهي لابسة ثوب بنفسجي غامق مخصر حييل على جسمها وحاشيته مطرزة ذهبي وبدون سيور..
تقرب منها وهمس لها/ماشفتي اضيق من ها الثوب علشان تلبسينه؟
رفعت راسها بعناد وقالت/فيه...بس ماحبيت البسه وتشوفه عليّ!!
نواف وهو يناظرها من فوقها لتحتها/كذا السالفة يعني....طيب..
////////////////////////////////////////////////////////
في سيارة تركي كانوا البنات معه بس...
تركي/ان شاءالله انبسطتوا؟
نوف/طبعا واحد يشك في ها الشي؟
تركي/معناته عقبالكم..
مشاعل/وانت قبلنا ان شاءالله...
تركي/يصير خير...
مشاعل/انا ابي اعرف ليه الرجال مايقولون لا...ولا يارب ودايم يقولون يصير خير؟
تركي/احد قايل لك ان احنا خفيفين؟
مشاعل/الله عليك يالثقيل؟
نوف/عبدالله اذا احد قال له يقول انشاءالله؟
تركي/ذاك مو عايش في الدنيا؟
مشاعل/وحضرتك اللي عايش؟
تركي/طبعا...
نوف/أي أي..خلاص..وعليكم السلام لانفتح على نفسنا النار اللحين...
مشاعل/هههه
تركي ببتسامة/هذا رايك يعني؟
///////////////////////////////////////////////////////////
خالد/وين صافن القمر؟
وضحى/...........
خالد بصوت عالي/الو..
وضحى/هلا...
خالد/وينك؟لوين وصلتي؟
وضحى/موجودة؟
خالد/صار لي ساعة اكلمك؟
وضحى/لابس كنت شاردة شوي؟
خالد/اكيد فيني؟
تنهدت بضيق وقالت وهي مقهورة/قلت لها اني حامل وراحت تكلم بجوالها ومافكرت ترجع تاْخذ مني أي تفصيل بعد ماسكرت واكتفت بكلمة مبروك اثناء مكالمتها..
خالد بدفاع/يمكن الاتصال اللي عندها كان ضروري...
وضحى/أي...
خالد/وشغل تفكيرها؟
وضحى/وليه ماشغل تفكيرها وهي تسولف مع خواتك؟ولاوهي تتعشى؟ولاوهي تسولف مع اختها وبنات اختها؟
خالد/انتي وش تبين توصلين له بالضبط؟
وضحى/ولاشي....موقف ضايقني وحبيت اقولك عنه؟
خالد/قومي نرتاح انتي تعبانة ولازم تنامين..
وضحى/ماابي انام ادخل انت اذا ودك تنام...
//////////////////////////////////////////////////////////////
ياترى رجعت ياسمين البيت ولالسه؟؟؟هي قايلة اول ماتوصل البيت بتدق تقول لنا شصار معقول للحين مارجعت!!!يمكن نواف جالس مع خالتي يتفق معها على الزواج وموعده وتنتظره يطلع وبعدها بتدق؟؟؟
خل اقوم اشبك شويات لين تدق حضرتها وناْخذ اخبارها فتحت جهازها وكان فارس شابك ذيك اللحظات ودق قلبها بقوة ..بس قالت فرصة مدامه موجود خل تكلمه من جديد....
نورة/مساء النور...
فارس/....
مرت ثواني بطيئة ومارد عليها ورجعت كتبت له من جديد وبدون مقدمات/انا صديقة نورة....
فارس بسرعة/خير...
نورة/اقولك انا صديقة نورة
فارس/أي
نورة/هي موصيتني ادز لك رسالة
فارس/لاتتعبين حالك عارفك منو انتي وشنو غرضك بللي بتقولينه بس ترى بتدور الدنيا وبتنطعنين في الظهر مثل ماقاعدة تجيبين في سيرة بنات خلق الله...عموما انا مابرد عليك ولابقولك أي شي....وهذا الايميل وكنسلناه علشان اقولك ان رسالتك وصلت؟
نورة بصدمة وهي تكلم نفسها/هذا شقاعد يقول؟؟؟علامه؟؟؟؟؟ليش حاط لي صورة حلوة في برواز مذهب ومايبي احد يجيب له سيرتي !!!
غمضت عيونها وافكارها كلها مشوشة؟؟؟
//////////////////////////////////////////////////
في البارت الجاي وش توقعكم راح يصير,,
**خالد ووضحى ...وكل يوم لك حال جديد؟؟
**زيارة غريبة بتكون منتظرة احد افراد بيت بو تركي؟
**يقال انهم رومنسيين ولازم نبتعد غنهم ونترك لهم الجو؟
**مايسوى عليه الواحد يمزح معك تقومين تصدقين حالك..امشي لا بها العقال فوق راسك؟

************************************************* **
البارت الرابع والثلاثين,,,
//////////////////////////////////////
دخلت غرفتها وقفلت الباب وراها وشالت عبايتها والثوب ولبست لها بيجاما خفيفة وحست انها شايلة هم كبير من على قلبها,,,,
تنهدت بقوة وهي تناظر بالثوب وغمضت عيونها وهي تذكر نواف...,,,,جريْ,,,حقير,,,كريه,,,,هذا هو المختصر عن شخصيته وماتقدر تضيف عليهم أي شي عنه لانها لحد الليلة ماتتوقع انه يطلع منه شي زين ابدا؟ليه ماتدري؟
ماتدري ليه بالاساس حظها رماها على ها الانسان بالذات من دون جميع خلق الله,,ها الانسان اللي تركها قبل اربع سنين في يوم كان المفروض انها تكون زوجته بس طبعا هي ماتلومه لانه هو بعد مااختارها وفرضه جدها عليها مثل مافرضها عليه وماكانوا باختيار بعض؟؟؟
////////////////////////////////////////////////////////
خالد بعصبية/ياسلام والله وش عندك بالله تسهرين؟
وضحى/خالد شفيك؟انا مافيني نوم بقعد شوي واذا حسيت اني تعبت بدخل ارتاح,,,,
خالد بسخرية/ياسلاام على الارق اللي ماينزل عليك الا اذا شفتي امك؟
قالت بحدة/خالد لو سمحت لمها علشان لاتكبر بينا؟
خالد بنفس اللهجة المستهترة/لا ماراح المها وخليها تكبر بعد ماعندي مانع وبتقومين تنامين لان الشي مو على كيفك وليدي اللي عندك لازم يرتاح؟
وضحى بهدوء/يعني انت خايف على البيبي؟طيب مو مشكلة ولدك ننزله علشان ترتاح وماتحاسبني على نومتي وسهري؟غيره بعد؟
خالد/علامك انتي الا تقلبينها خناقة على اخر الليل؟
وضحى بذهول/انا ولاانت؟
خالد/تعالي نرتاح.
وضحى بنرفزة/ماابي ارتاح خلني على راحتي ماهو غصب؟
خالد بلهجة امر/الا غصببكرة بيصيرون عندك عيالاذا شافوك كذا وسالوك شبتقولين لهم انا وامي مانتفق اذا التقينا وتقلب نفسيتي؟
وضحى بعصبية من استهتار خالد واصراره على ها الموضوع/خالد لو سمحت سكر السيرة؟
خالد بعناد/لامو مسكرها وضحى انتي مو صغيرة علشان..
قاطعته بعصبية/انت شتبي مني؟
خالد بعصبية اكبر/لاتصارخين بوجهي!!!
وضحى/الا بصارخ قول اللي تبي وخلصني؟
خالد/يعني اللي يبي راحتك كذا تردين عليه؟؟طيب ياوضحى ...
//////////////////////////////////////////////////////////////////
اول ماوصلت سيارة تركي عند الباب لمحوا سيارة غريبة عنهم واقفة عند باب بيتهم ونازل منه رجال ويوم نزلوا ووصلوا عند الباب لقوا الشخص اللي نزل منها تارك عند الباب بوكيه ورد ودق الجرس ولف بيمشي وصار قبالهم,,,
مشاعل من شافت فواز دق قلبها وتغطت بسرعة بس طبعا هو لمحها لانها كانت بوجهه جنب تركي علطولونوف وراهم بشوي,,,
تركي/هلا فواز..
فواز/هلا والله...ترى مو جاي اسرق شي...
تركي/حياك تفضل...
فواز/لالا ماله داعي..
تركي/افا..ليه عاد؟
فواز/اولا ماهو وقت زيارة علشان..
قاطعه تركي بذوق/البيت بيتك يافواز ماتحتاج اذن ولاوقت يناسب علشان تدخل..
فواز/تسلم ياتركي ماتقصر بس انا بصراحة كنت جاي ابارك لمشاعل بملكة بنت خالتها وبس؟
تركي/معناته لازم تبارك لي انا لاننواف يكون صاحبي..
فواز/لا..والله مادرينا الف مبروك وعقابلك ان شاءاالله..
////////////////////////////////////////////////////////////////
قطع عليها تفكيرها صوت الجوال اللي يدق وراحت له تركض ..اكيد وحدة من البناتمتصلة تاْخذ العلوم يامغثهم وثقل دمهم قايلة لهم انا اللي بدق عليكم بس اعرفهم مايصبرون,,,,
تفاجاْت يوم لقت المتصل خالد وارتبكت ,,رغم ان علاقتها فيه قوية مرة بس حست انها تسرعت باتصالها له اليوم,,,,
حاولت تكون طبيعية وردت عليه بمرح/هلا خالد...
خالد/هلا وغلا..
ياسمين/سهران,,
خالد/طبعا لازم انتظرك...
ياسمين/اوووف ليه؟
خالد/ياسمين...قالها بجدية,,
ياسمين/نعم خالي...
خالد/انا مو متصل علشان انا خالد خالك لايياسمين..انا متصل لاني خالد صديقك اللي جنبك دايما...
ياسمين/.............
خالد/ياسمين وش فيك صارحيني؟
ياسمين/ولاشي..
خالد/مو صحيح؟
ياسمين/صدقني مافي شي..
خالد/والكلمة اللي قلتيها اليوم لي يوم اتصلتي؟
ياسمين/انسى..
خالد/ليه؟
ياسمين/بس كنت مرتبكة ومو عارفة شسوي ولاشقول؟
خالد/واذا قلت لك اني مو مصدقك؟
ياسمين/مو بكيفك ماتصدقني...
خالد/قولي الحقيقة انتي لساتك متضايقة من نواف على موقفه قبل اربع سنين,,
ياسمين/خالد روح نام لاتسمعك وضحى؟
خالد/لاتخافين انا وهي متهاوشين وكل واحد بينام الليلة بمكان,,,,قولي انا اسمعك...
///////////////////////////////////////////////////////
مشعل/اقول جدي..
الجد/قول يبى...
الجدة/انت ماتروح تنام تراك اذيتنا؟
الجد/وانتي شعليك منه خل يقول اللي في خاطره لايتعقد ويسكت لنا مرة وحدة؟
الجدة/وشنو اللي في خاطره عاد ياحظي؟
مشعل/جدي ترى اذا بتنهان كرامتي وبنذل بقوم غرفتي؟
الجد باصرار/لالالالااقعد..
مشعل/صراحة جدي انت ماتغار على زوجتك الحبيبة ها المزيونة اللي عندك؟
الجد باستنكار/منهي؟
مشعل/جدتي القمر....الله يحفظ لنا شبابها من كل عيون حاسدة؟
الجدة بذهول/انا؟؟؟
مشعل/أي...وانتي طالعة اليوم بتركبين السيارة اشوف واحد يناظر في سيقانك يوم يرتفع ملفعك مدري عبايتك...جدي انت لازم تخليها تلبس شّراب علشان لاتسوي لنا فتنة بين الشباب...
سكت الجد وماتكلم ومشعل لكز جدته في كتفها بقوة وهمس لها/شفتي خليته يغار عليك وينتبه لك؟
الجدة بنفس الهمس/تسلم لي انت يالغالي,,,
//////////////////////////////////////////////////////////
شال بوكيه الورد من مكانه وتقرب من مشاعل اللي كانت واقفة كانها تمثال وماتحركت,,,,,وهمس لها وهو يحطه في حضنها/عقبالنا....
تقدمت نوف ودخلت مع تركي البيت وهي تهمس له/يقال انهم رومنسيين يعني لازم نتركهم بروحهم ونفارقهم ونترك لهم الجو يعيشونه؟
همس لها تركي/تبين نخرب عليهم الجو؟
نوف بتفكير/امممم انت وش رايك؟
تركي باندفاع وهو مو حاس على نفسه/اللي تبينه بسويه لك انتي بس تاْمرين وتتدللين؟
وقفت مكانها بعد كلمته وهو حس ان كلمته ضايقتها وتدارك نفسه بسرعة وقال من فوق قلبه/اقول لاتسرحين كثير مايسوى عليه الواحد يمزح معك تصدقين حالك,,امشي قدامي لابها العقال فوق راسك؟
***نرجع لعند فواز ومشاعل اللي كانوا واقفين برى....
مشاعل بهدوء/الله يبارك فيك...وشكرا ماكان له داعي تكلف على عمرك...
فواز وهو يناظرها/من قال ان الورد فيه كلافة...ولالانك ارق منه وانعم ماتحبين تنهدينه؟
مشاعل/...........
فواز بهمس اكثر/ليش غطيتي وجهك يوم شفتيني!!!
مشاعل/...........
فواز وهو يبتسم لشكلها اللي كان وجهها كل ماله ويطيح بالارض اكثر,,,,/خلاص رجعت لك حالة السكون مرة ثانية مابتتكلمين.....طيب انا اعرف دواك.....
مشاعل/...........
فواز/انا التقيت مع ابوك اليوم يامشاعل وتكلمنا وحددنا موعد الملكة؟
رفعت راسها وقالت بصدمة/متى؟
فواز بعناد/سولفي معي اكثر وبقولك؟
رجعت نزلت راسها من جديد بالارض...
فواز/طيب بتنامين ولا فيني احاكيك على الجوال؟
مشاعل/عطيني ساعة اغسل وابدل وبعدها بدق لك..
///////////////////////////////////////////////////////////
كان جالس بروحه في الصالة وكل الانوار طافية وهو يفكر بياسمين على رواق...
كان المفروض انها تكون له ومعه من قبل اربع سنين,,ليه توها تجيه؟؟؟
غمض عيونه بقوة علشان يرجع يستعرض صورة ياسمين على راحته ومايشاركه فيها احد,,,ظلت ذاكرته تسترجع صورتها وهي معه الليلة بثوبها المخصر,,,,عطرها,,,,كحلها,,,انوثتها,,,كل شي فيها كان بقربه الليلة...صحيح شافها قبل اكثر من مرة بس الليلة غير,,,الليلة كانت غير حييييييييل..الليلة ضمها بالقوة لصدره وكاْنه يعوضها عن غيابه اللي صار قبل اربع سنين هو نفسه ماتوقع ها الحركة تطلع منه ويسوي معها ها الشي بس مايدري ليش صار معه كذا وماقدر يمسك نفسه عنها,,,,
تنهد بقوة وهو يحاول يبعد صورتها عن باله وفي ها اللحظات جت صورة ريم طليقته في باله وفتح عيونه بسرعة,,,
/////////////////////////////////////////////
اليوم ماراح اترك لكم أي توقعات ابيكم انتوا تتركون تعلياقتكم وتوقعاتكم,,,

مساااااااااء الخير

اتمنى تكملينهااااااااااااا لاني مررررررررره تحمست لهاااااااااااااا

مساااااااااء الخير


اتمنى تكملينهااااااااااااا لاني مررررررررره تحمست لهاااااااااااااا



مساء الانوار
هلا والله بـ ح ــــلاتي
كل يوم يالغاليه ينزل باارت ماعدا الجمعه
منوره بمروركـ

البارت الرابع والخامس والثلاين,,,,
///////////////////////////////////////////
يوم ثاني الظهر...
مشاعل/خالتي شلونك؟
ام مشعل/هلا بالعروس ان شاءالله عقبالك..
مشاعل/ياربي لااحد يقول لي ها الكلمة احس بطني يعورني,,,
دخلت نوف/عاد ياخالتي احنا محد يعزمنا جينا بنفسنا نشوف ياسمينتنا,,,
ضحكت ام مشعل وهي تقول لهم/وش تبون في بنيتي وانتوا البارحة كنتوا معها وشايفينها؟
نورة وهي داخلة/شكلك فاهمة علينا ياخالتي؟
البنات وخالتهم/ههههههه
ام مشعل/ركبوا لها غرفتها صحوها لانها لسه نايمة ماقعدت وانا بروح اكمل الاكل....
نوف/عاد ها الله ها الله في الكبسة ياخالتي نبي ناكل اصابعنا وراها..
ام مشعل/على امرك ....
نورة/الا الشبيبة وينهم؟
ام مشعل/تقصدين امي وابوي؟
مشاعل/ليش عندنا هنا ناس شباب اكثر منهم؟
ام مشعل/الله ياخذ مشيعل مدري وش مسوي بعد ومن الصبح مناقر هو معهم مدري وش عنه؟
/////////////////////////////////////////////////////////////////
كانت حاسة بالتعب من قعدتها على ها الكرسي من البارحة وهي تفكر باامها وخالد,,,
ماتدري ليش يتنرفز اذا انطرت امها قدامه!!!وليه دايم تطلع هي غلطانة وتكون امها عي الصح؟؟؟
تنهدت بقوة وقامت من مكانها وفي نيتها خير على خالد اللي تركها من البارحة ولاساْل فيها,,,
طلعت من الغرفة للصالة ولقته جالس يشاهد التلفزيون ..قالت بهدوء/صباح الخير,,,بس مارد عليها...
جلست جنبه وظلت ساكتة لانه ماكلف على حاله يلف ناحيتها اصلا وقالت بعد فترة/خالد.....
مارد عليها..
وضحى/وش تبي تاْكل على الغذى اليوم,,,,
رفع كوب قهوته يشرب منه بهدوء وقامت من الصالة وهي تتنهد لين وصلت لعند باب المطبخ وقال بدون مايلف لها/ام مشعل عازمتنا على الغذى جهزي بسرعة ماابي اتاْخر؟
////////////////////////////////////////////////////////////////
ام فارس/طب ليه؟
فارس/يمه علشاني...
ام فارس/موقبل مااعرف ليه...
فارس/ولاشي بس ...
ام فارس/يمه انت عندك شي منت خالي...
فارس/يمه...
ام فارس/يايمه مايصير كذا ..يعني...
فارس/خلاص يمه...السالفة ماهي صعبة حييل...
ام فارس/.........
فارس/حبيبتي انتي لاترفضين لي ها الطلب واللي يخليك؟
ام فارس/طيب واذا عرفوا؟وش بتكون ردة فعلنا؟؟؟وشنو بنقول لهم؟
فارس/محد بيدري يايمه...
ام فارس/أي يايمه بس...
فارس/علشاني ولاماله فارس خاطر يعني؟
ام فارس/مدري شقولك يمه...
فارس/افا!! يعني صدق مالي خاطر عندك...
ام فارس/مو كذا يمه لاتفهمني غلط بس ..
فارس/خلاص قولي تم..
ام فارس/بس مو قبل ماتقولي السالفة بالضبط؟
////////////////////////////////////////////////////////////
في غرفة ياسمين....
نورة/قولي بالتفصيل وش صار؟
مشاعل/شقلتوا ؟واي حروب قامت بينكم؟
نوف/ومتى رجعتي البيت؟
نورة/وليه مادقيتي لنا؟
كان شكل ياسمين تحفة بينهم وهم مصحينها من نومها ويساْلونها وهي مو دارية وش صاير في الدنيا اللي حوالينها..
اول وحدة ضحكت على شكلها نوف ووراها ضحكوا البنات..
ياسمين وهي النوم فيها/علامكم انتوا؟؟
مشاعل/والله شكلك تحفة؟
ياسمين وهي تحك في شعرها وعيونها نص مسكرة/وبعدين وش اللقافة اللي فيكم انا ونوافي انتوا طلعوا منها؟
ناظروا البنات في بعض وانتبهت هي على عمرها انها قالت نوافي وكملت بسرعة/يامسرع ماتاْخذكم الافكار لبعيد!!عنادا فيكم قلت نوافي بشوف ردود افعالكم..
نورة/أي لانك طيحتي قلوبنا؟
نوف/انا عن نفسي شكيت انه سحرك علشان كذا قلتي نوافي!!!
ياسمين وهي قايمة من فراشها/هذا نوافوه ويخب عليه بعد ادلعه واقوله نوافي؟الحمد الله والشكر بس!!!
مشاعل/احنا بصراحة خفنا انك خونتي وحبيتيه من ورانا؟
نورة/وين قايمة قولي شصار البارحة؟
ياسمين/بقوم اغسل واصلي واصحصح واكل لي لقمة بعدين اقولكم...
نوف/ياذا الليل؟؟؟؟
//////////////////////////////////////////////////////
بعد مابدلت ثيابها ولبست عبايتها ركبت مع خالد السيارة وظل مثل ماهو ماتغير ..لاتكلم ولاقال أي شي وكانها ارتكبت جريمة قاعد يعاقبها عليها بسكوته عنها رغم انها هي صاحبة القضية ولها كل الحق في انها تزعل من امها اللي مو مفكرة تعطيها شوية اهتمام ووقت وتساْلها عن احوالها...تنهدت بعد مالفت لخالد وقالت/شفيك؟ليه زعلان مني!!!
بكل برود قال لها/انتي عارفة؟
بدفاع قالت/انا ماقلت لك شي يزعلك ياخالد...ولااي شي؟
خالد باحتقار/مو لازم تقولين تفكيرك المتواضع قال عنك!!!!
غمضت عيونها بالقوة علشان تمنع دموعها يطيحون قدامه وتهين نفسها علشان لايزود السالفة عليها ولسان حالها يقول,,,,
ماهي غريبة اذا في خاطرك تجرح,,
قلبي تعود على النسيان وجراحه,,
سودت وجه الغلا ويحق لك تفرح,,,
والراحة,,,والله ابشرك ضاعت الراحة,,,
مليت اجمع طموحي وحضرتك تطرح,,,
والقلب يساْل دخيلك وين مفتاحه,,,
ان قلت تعبان قلبي جد ماامزح,,,
الهم دمر حصون القلب واجتاحه,,,
جيتك مثل ادم وفي جنتك امرح,,,
وانت وش انت اكيد تكون تفاحة,,,
ماكنك الا البحر وماعرفت اسبح,,,
غدار طبع البحر ومافيه سباحة,,
وماكنك الا طعوني وطعنتك تذبح,,,
في ذمتك شفت واحد حب ذباحه,,,
وشلون احبك وانسى غلطتك واسمح,,,
مو كل شي لاتكسر نقدر اصلاحه...
خسران ادري لاني ماعرفت اذبح,,,
ياخلف الله على قلبي وافراحه,,,
مافيه داعي لعذرك مابي تشرح ولااشرح,,
مادام قلبك خذا من جرحي ارباحه,,,
ابعد طلبتك وانا في خير راح اصبح,,,
ان رحت عني تكون اعصابي مرتاحة,,,////////////////////////////////////////////////////////////////////
عبدالله/ماغيرتي رايك؟
عبير/في شنو؟
عبدالله/في انك تتعرفين عليهم؟
عبير/لا
عبدالله/ليه ياحياتي...
عبير/خليهم هم يتعرفون عليّ!!
عبدالله/انتي تعرفتي عليهم ولاهم تعرفوا عليك ماتفرق ياعمري..
عبير/لا تفرق!!!انت من البداية المفروض تحط لي قدر وقيمة مو انا اللي اجي واقحم نفسي وافرض وجودي عليهم!!!
عبدالله/..........
عبير/يعني اذا انا تعرفت عليهم شبيقولون ؟اني دخلت بيتهم علشان اخذ ولدهم وبس!!!لكن اذا هم تعرفوا عليّ فمعناهه انهم هم قاصديني....
عبدالله تنهد/خلاص ولايهمك لاتزعلين نفسك....بخليهم يمرونك في ها الايام.....يبى انا تعبت وارتباطنا لازم نقربه مايصير كذا!!
//////////////////////////////////////////////////////////////////////
نواف/لؤلؤة..
لؤلؤة/هلا اخوي...
نواف/وين احمد...
لؤلؤة/غريبة...اول مرة تساْل عنه؟
نواف/.........
لؤلؤة/خلاص مو قايلة شي وهاذي سكتة؟
نواف/جهزي اغراضه؟
لؤلؤة/ليه؟
نواف/بوديه عند ياسمين.....اقصد يعني عند ام مشعل..البارحة قالت لي اجيبه عندها من اليوم...
لؤلؤة/أي.....
نواف/تتوقعين يرتبط بياسمين؟
لؤلؤة/ليه لا...ياسمين حبوبة واللي يعرفها اكيد يحبها ويتعلق فيها...
نواف/..........
لؤلؤة/ولمتى بيظل هناك معهم؟
نواف/والله مدري...
لؤلؤة/شلون يعني ماتدري؟
نواف/ماتكلمنا بها السيرة هي قالت تبيه يجي عندها ويتعود عليهم وماقالت كم المدة ولاانا ساْلتها بس الاكيد انه بيرد قبل العرس مو بعده؟
لؤلؤة/ليه انتوا حددتوا موعد العرس؟
نواف بتنهيدة/لا.بس قريب ان شاءالله مو مطولين!!
///////////////////////////////////////////////////////////
ابو تركي بفرح/البارح فواز مرني وتفاهمنا...
ام تركي/الحمد الله..
ابو تركي/لو شفتيه كان يتاْسف انه مارد ولاقال شي من ذاك الاسبوع.....
ام تركي/طيب هو ليه تاْخر؟
ابو تركي/يقول كانت عنده صفقة تجارية وكان لازم يدرسها بهدوء والظاهر انه قايل لعمته بس هي مابلغت ابو سالم,,,يارجال الحمد لله مافيه الا الخير...بشر شااتفقتوا عليه؟
ابو تركي/الملكة يوم الخميس الجاي باْذن الله والعرس يقول من ثلاثة الى اربعة شهور لانه بيسافر بعدين وبيطول ويبي ياخذ مشاعل معه...
ام تركي/الله يوفقهم ان شاءالله...
ابو تركي/نخلص من مشاعل وبها الفترة تكونين دورتي لتركي على بنت حلال لاني بزوج مشاعل وبعدها هو وبلغيه ماابي اعتراضات!!مايشوف عبدالله لاجني كل يوم والثاني وابي اعرس وهو للحين ماتلحلح؟
ام تركي/الله يقدم اللي فيه الخير ان شاءالله...
ابو تركي/المهم لاتنسينا تبلغين مشاعل ..
ام تركي/لا انت بلغها انا اذا قلت لها بتقعد تتحجج وتدلع انت قول لها بتسمع منك اكثر,,,
////////////////////////////////////////////////////////////

خالد/وين ابوي؟
ام مشعل/والله ماشكلهم بيطلعون من الحرب اللي بينهم؟
خالد/هههه ليه شعندهم بعد!!
مشعل اللي توه داخل/يعني ماتعرف امك وابوك ياخالي مايمر علينا يوم بدون مانسمع انهم مسويين لنا سالفة طول بعرض؟
خالد/هههه
ام مشعل/استحي يالله استحي.....انا ادري كله من تحت راسك؟
وضحى/البنات وينهم؟
مشعل بسرعة/كلهم ولافي ناس محددة تبين تسالين عنها؟
ابتسمت له وضحى/شاطر يافاهمني؟
مشعل بنفخة/أي وضحى خلنا صريحين انتي لازم توصين على اختي عند اخوك؟
وضحى/اخوي حاطها في عيونه بس ولايهمك اقوله ها الحكي؟
ام مشعل/انت ماتعقل؟
وضحى بدفاع/وانتي ليه مضيقة خلقك معه!!خله يعبر عن شعوره براحته...اي كمل وش بعد؟
مشعل جلس وحط رجل فوق الثانية/يعني بعد انا ماساْلته وين بيسكنها؟
خالد/وين يعني ياحظي في بيته؟
مشعل/اممممم ....
ام مشعل/انا قايلة له يجيب احمد اليوم ياوضحى مادقيتي له؟
وضحى/لا لسه..
ام مشعل/طيب اذا دقيتي عطيه خبر واكدي عليه يجيبه اليوم ضروري...
وضحى/طيب...
ام مشعل/انا بقوم اشوف الحرب اللي داخل..
مشعل بعد ماطلعت امه/شاغلة نفسها فيهم ام مشعل ؟
وضحى/وبمنو تبيها تشغل نفسها ان شاءالله؟
مشعل/فيني ؟؟
خالد/ومن قال انك مو شاغل بالها....
وضحى/اقول مشعل عندكم ميرندا فراولة؟
مشعل/ليش ان شاءالله فاكرتنا بندة على غفلة؟؟لاطبعا ماعندنا؟
وضحى بمحايل/طيب تقدر تروح تشتري لي؟
مشعل مسوي جدي/انا اسمع مايصلح للحوامل يجيب عيال حمران؟؟
خالد صدق علطول وقال لها بعصبية/مافي تشربينه؟
مشعل/هههههههههه
خل اقوم انفذ بجلدي واشوف جدي وجدتي؟
//////////////////////////////////////////////////////////
البنات شهقوا كلهم بصوت واحد وياسمين نزلت راسها بالارض من الفشلة,,,
نوف/عيدي عيدي ماسمعنا؟
مشاعل/ياربي انا يتراواللي لو فواز يحضني اموووت...
نورة بتشكيك/بس حضن مافي شي ثاني؟
ياسمين بدفاع/لاطبعا مافي شي ثاني؟ قالتها بسرعة ونزلت راسها وفي بالها تقول وين يصير في شي ثاني وهو من تقرب مني وحضني ماتركني وانا ذبت فيه وماقويت ابتعد!!!
نوف/لاتسرحين مو وقته اول كملي لنا ؟
مشاعل/طيب قلتوا شي بعدها؟
ياسمين/ها...عادي سولفنا عادي...
نورة/وش حسيتي فيه وهو يحضنك؟
نوف/صدق ماصخين بنات ها الايام كل شي يبون يعرفونه؟قولي بسرعة؟
نورة/ههه بتشوفين لكن..
مشاعل/مااحس نواف تناسب انه يكون كذا ويحضن ويصير رومنسي..
ياسمين /أي والله انا قلت اكيد بعد ها الحضن بيكسر العقال فوق راسي؟
نوف بغمز/يبى خلاص الحروب الصليبية انتهت اللحين مافي غير تحضن ومايندرى شنو؟
مشاعل/مادق لك اليوم؟
ياسمين/لا....
نورة/لسه بدري لاتفرحين شويات وبتشوفينه متصل؟
/////////////////////////////////////////////////
بعد ما طلع مشعل لفت له..
وضحى/يعني بس ميرندا الفراولة اللي خلاك تكلمني؟
خالد بلامبالاة/ومن قال اني ابي اكلمك؟انا بس كنت بنبه عليك لاتشربينه؟
وضحى بلعت قهرها وسكتت من اسلوبه...
خالد/...........
وضحى/خالد...
خالد/فينا مانتكلم لاني ماابي اضيق خلقي؟؟
وضحى بصدمة/كلامك معي يضيق خلقك؟؟؟
خالد باحتقار/وبيسد نفسي عن الاكل بعد!!!وانا ماابيبها تنسد؟
وضحى ودموعها طاحوا بذيك اللحظات/طيب ليه جبتني معك يوم انك ماتبيني اكل قبالك ولااكون معك؟
خالد باستفزاز/غلطة وماقدرت اعتذر..بس ماراح اعيدها مرة ثانية؟
لهنا وبس وشالت شنطتها وهي تمسح باقي دموعها وخالد ارتبك لانه حس انه زودها معاها كثير وماكان لازم يقول اللي قاله,,,
بس ماحب يبين ضعفه وكمل بنفس الاسلوب/وين على الله؟
وضحى بالم/بترك الجو يصفى لك ,,,,ببعد عن وجهك علشان تاْخذ راحتك؟
///////////////////////////////////////////////////////////////////
تركي/أي ...
نواف/وبس...
تركي/فيك شي منت خالي؟
نواف بارتباك/ولاشي...
تركي ابتسم/صار بينكم شي امس؟
نواف بانكار/لاطبعا؟؟؟بخق عليها انا ها الفلبينية وانا مدري؟
تركي/مو مصدقك؟
نواف/انا بس اخاف من الايام اللي بتجيني ياتركي...
تركي/من شنو بالضبط؟
نواف/من ان ياسمين تكون نسخة مطابقة لريم؟
تركي/فيني اقولك اني مااسمح لك تقارن بنت خالتي بها الانسانة اللي ماتربت؟
نواف/تركي انا مو قصدي وانت عارف....
تركي/الا خالتي ام مشعل تراها مربية عيالها صح؟صدق مارباهم ابو بس هي ماقصرت...
نواف بتنهيدة/تركي افهمني انا صورة ريم ماتغيب عن بالي ومحسستني ان كل البنات اللي بالعالم بيكونون مثلها....ولامثل امي؟
تركي/غلط,,,ماهو صحيح,,,
تنهد نواف وماقال شي وثلاث صور مرت في باله وماهو قادر يقرر أي شي,,,
////////////////////////////////////////////////////////////
مشاعل/اشششششش بنات هذا فواز داق؟
نوف/صحيح ذكرونا نقولكم عن الاخ الرومنسي بعدين؟
نورة/يعني لو مادق ماكنتوا بتقولون؟
مشاعل/والله كانت ياسمين شاغلة فكرنا وماصار وقت نتكلم؟
ياسمين وهي تناظر بمشاعل/اقول بلامااشغل بالك وردي عليه؟
مشاعل بتردد/ارد شااقول؟
نوف/هاذي اللي بتجلطني!!ياعالم تراها تموت فيه وتبيه ...
مشاعل/أي....بس اذا رديت عليه بالتلفون ماادري شااقول له؟
نورة/اتركيه هو يتكلم وانتي ردي وبس...
مشاعل بعد تردد/الو..
فواز/هلا وغلا,,,,
مشاعل/هلا فيك...رفعت راسها وكانوا البنات يطالعونها ويضحكون وهي ماسكة نفسها لانها يابتضحك يابتبكي,,,
فواز/صباح الانوار..
مشاعل/لسه بدري؟
فولز/هههه كانها مو عاجبتك؟
مشاعل/شوف كم الساعة اللحين؟
فواز/من زمان صحيتي؟
مشاعل/طبعا..
فواز/مدري ليش حسيت انك بتكونين تعبانة من حفلة البارح وماراح تقومين بدري...
مشاعل/..........
فواز/تغذيتي؟
مشاعل/لالسه..
فواز/اجي اتغذى معك...
**************************************
**** ****نزل لكم بارتين مع بعض لاني بكرة ماراح اقدر انزل بارت وبنلتقي ان شاءالله يوم السبت بااْذن الله,,,******************************************* ******* **************************************

///////////////////////////////////////////////////////////////////////////////////
البارت الخامس والثلاثين,,,,
////////////////////////////////////////
فواز/ها...اجي اتغذى معك؟
مشاعل/انا مو بالبيت...في بيت جدي؟
فواز/ياذا الليل....انتي ماتاكلين وجبة في بيتكم ابداّّلايكون ام تركي بس ماتطبخ؟؟
مشاعل/ههههههه
فواز/مابغينا نسمع ها الضحكة الحلوة,,,لو درينا من زمان قلنا لك ها الكلمة...
مشاعل/.........
فواز/ها...بتسكتين من جديد؟؟؟
مشاعل/...........
فواز/عندي احساس اني بتعب معك كثير يالغلا على الخجل اللي ملازمك؟
مشاعل/أي بس انا مو خجولة؟
ناظروا البنات في بعض وهم كل عيونهم تقول طبعا ولافيك ذرة من الخجل بعد!!
فواز/أي بس اللي انا شايفه شي ثاني....
مشاعل/.....................
فواز/كلمت ابوك امس...
مشاعل/ابوي؟؟ماقال لي!!!وش كنت تبي منه؟
////////////////////////////////////////////////////////////////
على سفرة الغذى في بيت ابو تركي,,,,
ابو تركي/البارحة فواز كلمني...
تركي/وش عنده؟
ابو تركي/اعتذر عن تاْخيره في تحديد يوم للملكة ويقول كانت عنده صفقة وانشغل وبلغ عمته انه بيرد بعد كم يوم بس هي الظاهر مابلغت عمك سالم...
عبدالله/صار خير؟
تركي/ومتى ناوي يملكون..
ابو تركي/على نهاية الشهر...يعني بعد اسبوعين من اليوم..
ام تركي/الله يقدم اللي فيه الخير ان شاءالله وعقبالكم انتوا بعد ابي افرح فيكم..
تركي بضيق/وين البنات ماهم هنا؟
ام تركي/رايحين بيت جدك بيتغذون هناك؟
عبدالله/وهذولا مايعرفون يقعدون في البيت على وجبة ابدا!!!يابيت خالتي يابيت جدي؟
تركي/خلهم يتونسون وش ضارك انتّّّوفي داخله يقول هذا ثقل نوف لازم تحرمني من شوفتها كل يوم والثاني,,,
ابو تركي/بعد ماتخلص سالفة مشاعل بغيتكم بسالفة انت واخوك؟
عبدالله/خير يبى...
ابو تركي/كل شي بوقته حلو
ام تركي/صاير شي انا مااعرفه يابو تركي؟.
/////////////////////////////////////////////////////
على سفرة الغذى في بيت الجد,,,
خالد/أي وبعد شصار؟
ناظروا مشاعل وياسمين ونورة في بعض وهم مو فاهمين سؤاله؟
مشاعل/انت يااخ...وش تساْل عنه؟
خالد/اقول أي كملوا السالفة اللي تتهامسون انتي وياها؟على بالكم ماادري وش تسولفون فيه؟
نورة بتحدي/يالله اذا انت شاطر قول لنا وش نسولف فيه؟
خالد بغمز/ياسمينوا وش سويتي البارحة مع نواف؟
طالعوا البنات في بعض وبعدها ضحكوا بقوة...
خالد وهو يضحك/شفتوا اني ادري؟
ياسمين/مشاءالله عليك...اتاريك انت بعد جاي بيتنا تتغذى اليوم علشان تعرف علومي ياويلي منك يالمغثة؟
نورة ومشاعل/ههههههههه
ياسمين/الا وين الحبايب اليوم مالهم صوت؟
مشعل اللي توه داخل وفي يده شنطة صغيرة/خليت حيلهم بينهم ..جدك يعطي جدتك دروس في الدين ...
خالد/ههههه الله ياخذك انت..ذابح امي وابو يمن تصرفاتك؟
مشعل/اقول اذا متشفق عليهم خذهم عندك يسكنون مانبيهم هني معنا؟
خالد/والله الود ودي اخذتهم بس هم مارضوا يقعدون عندي ولاحتى امك رضت تجي معهم...
مشعل/أي صدقناك بعد؟
نورة/ليش انت عندك شك؟
مشعل وهو ياءشر على خالد/يبى لايغرك خالك هذا...هذا يخاف على مرته مايبي امه وابوه يضايقوها بكلمة وهم بعد نحيسين مايبون يتركون البيت لنا ويطلعون عليهم بخل مدري من وين جاي...
خالد/اقول اعقل عن امي وابو ي احسن لك؟
ياسمين/اقول يااخوي ياتاج راسي ياشقيقي العزيز..
مشعل/سّمي يالغلا...
ياسمين/وش عندك مجهز الشنطة؟على وين ان شاءالله؟
///////////////////////////////////////////////////////////
في المطبخ ,,,
كانت وضحى جالسة على طاولة الطعام وبيدها كاس ماي تشرب منه بشويش...ودخلت لها ام مشعل,,,
ام مشعل وهي تجلس قبالها/انا ماقلت لك نطريني قلت لك تفضلي سمي...
وضحى ببتسامة/تسلمي ياام مشعل...بس انا ترى جاية علشان لاتزعليني ولاانا فعلا مو مشتهية أي شي...حاسة اني مثقلة من البارحة؟
ام مشعل بحنان/ماعليه يمه اذا في مجال تضغطين على نفسك وتاكلين علشان لاتضلين كذا وتتعبين انتي مو بروحك اللحين..
وضحى/صدقيني يابنت عمي وقت مااحس نفسي مشتهية باكل لاتحاتيني,,,
كانت كلمات خالد ترن في اذنها بقوة وكانه جالس يقولها لها اللحين واكتفت بانها تتنهد وتمسك نفسها لاتبكي,,,,
ام مشعل/وضحى...فيك شي يابنيتي؟
وضحى/انتظر فرج الله احس اني تعبت حييل,,
ام مشعل/وين يايمه لسه المشوار توه بادي...الله يسهل عليك يايمه ويعطيك الذرية الصالحة ان شاءالله..
وضحى/الله يسمع منك يابنت عمي,,,
/////////////////////////////////////////////////////////////
العصر في بيت بو تركي...
ام تركي/تو مانور البيت والله...
سعد ومشعل حطوا شناطهم وجلسوا...
سعد/النور نورك يالغالية..
مشعل/اوووف انا مقدر اقول مثل ها الحكي.؟
سعد/قايل لك بعلمك يالعربجي يمكن تحتاجه بيوم من الايام بس انت ماتطيع!!!شوف هذا انت احتجته...
نوف/هههههه وربي تحفة مو طبيعين...
مشاعل/تعال انت سعيدان مو عندكم سايق ليش بعد ماخليته يجيبك وتعبتنا ورحنا مرينك؟
سعد/خفت على مشعل منكم بصراحة....
وبالاخص من نوف؟
في ها اللحظة كان تركي نازل من على الدرج وطبعا مالقط الا اسم الحبيبية قال وهو مقبل عليهم/وش فيها نوف؟
مشعل بقهر/الناس تسلم بالاول؟
نوف وهي تناظره/صادوك؟
تركي وهو شبه محتقر سعد/امي شايفها الصباح ومتغذي معهم وها الثنتين دايم يطلعون ومايقولون فمالهم سلام...باقي انت وولد خالتك.....يعني مو واجب لكم السلام؟
مشاعل/ههههههههه
ام تركي وهي تضحك/لاعاد ياتركي الا سعد ومشعل فديتهم انا اخر العنقود احبهم وماارضى عليهم؟
سعد/سمعت خالتي تحبنا وماترضى علينا لان احنا اخر العنقود حق العنب...
نوف/وانت الصادق جاكم احمد اللحين وشوي شوي بيسحب منكم البساط.....اي ودحومي بعد ولد حصة ماخذ له مكان بالقلب لاتنسونه بس خالتي تجاريكم يالشيبان,,,
دخلت حصة بولدها في ها اللحظات,,,,
وبدون أي سلام...قالت وهي تغلي وشوي وتصارخ على نوف/وانتي بتناظرين بولدي وبللي يحبونه بعد!!!مو كفاية مسوية روحك مسكينة ومجمعة عليك الانظار كلها؟
سكتت نوف ذيك اللحظة..
وتركي شبت فيه نيرانه وهو يشوف نظرة الانكسار اللي بنوف واللي ماحبت تبين ها الشي اصلا وقالت وهي تناظر بمشعل وسعد اللي سكتوا/يالله كملوا وناستكم ...هلا حصة شلونك؟
سعد/شوف بيت اللذينا ترى عندهم اكشنات في البيت؟
مشعل/لو ندري من زمان جينا؟؟؟
كانت ام تركي تناظر بحصة بنظرات قوية معناها انك ماتستحين بس حصة جلست ومااهتمت ولاحتى فكرت تناظر بتركي اللي ثاير ة براكينه منها ومشاعل اللي التزمت الصمت وماقالت شي,,,
سعد/خالتي وين الضيفة لنا؟
نوف قامت/انا بجيبها..
راحت المطبخ وكاءنها تتهرب من نظرات الكل...الزعلانة والمتشفقة عليها واللي حاقدة عليها وماتدري ليش؟
//////////////////////////////////////////////
على كورنيش الدمام,,,
عبدالله/شفيك؟
خالد/ولاشي..
عبدالله/مو صحيح...
خالد/ليه عاد؟
عبدالله/مبين عليك الضيق فلاتحاول تخفيه؟
خالد/مدري...[س احس اني بنيت حاجز بيني وبينها بللي قلته اليوم؟
عبدالله/يعني مايسرت الموضوع البارحة وتهاوشوتوا..
خالد غمض عيونه وقال/هي سوته طبيعي بس انا كان في بالي اعاند واقسي قلبي عليها...
عبدالله/طب ليه؟
خالد/مدري....
عبدالله/انت ليش كذا؟
خالد/خلاص عبدالله انا من الظهر وانا مو على بعضي حاس اني مو على بعضي ابدا!!ياليتني مشيت معها الامور طبيعي يوم جتني الصباح ولاقلت اللي قلته لها؟
عبدالله/خالد مرتك حامل وبها الفترة تكون حساسة بزيادة يعني يمكن اللي قلته لها زعلها وكدر خاطرها..
خالد بتاْنيب ضمير/اوووف لاتقول ياعبدالله...
عبدالله/امشي روح لها وراضيها؟
خالد/لا..
عبدالله/ليه بعد؟
خالد/مدري ماابي اشوفها احس اني ثقيل دم ونحيس ليه سويت سالفة من العدم وهي ماقالت شي ولاسوت شي....
عبدالله/زين انك حسيت على عمرك..
خالد/المفروض اني اوقف معها وانا ادري ان امها ماتستاهل كلمة ام مو اروح ازيدها....كلنا نحتاج ام توقف جنبنا بكل الاوقات ووضحى كانت فرحانة بحملها وكانت تبي تشوف ردة فعل امها اللي المفروض تفرح لها مو تكسر فرحتها؟
عبدالله/وانت شبتسوي اللحين بتتركها زعلانة بالبيت وانت هنا؟يبى مدامك عرفت انك الغلطان روح اعتذر منها بعد عندك وقت؟
خالد/مو قبل مااذبح امها وافتك منها مرة وحدة وادري ان انا ووضحى ماراح نتهاوش من جديد؟
//////////////////////////////////////////////////////////////////
في بيت الجد,,,,
ام مشعل/هلا وغلا بنواف وولده...شلونك؟
نواف/الحمد الله..انتوا شلونكم....احمد قوم سلم على الماما ام مشعل؟
احمد مد يده وسلم...
ام مشعل اخذته بحضنها وهي تبوس فيه وهو مو طايقها/هلا بحمود الصغير....شلونك يبى..
احمد/ابي اروح عند امي ريم علشان اصير زين؟
نواف توه بيتكلم بس سبقته ياسمين اللي كانت توها داخلة/طيب يمكن تنبسط معنا هنا وتغير رايك ماتبي تروح هناك؟
احمد باعتراض/لاماراح انبسط؟
ياسمين تقربت وجلست جنب امها واحمد وصارت قبال نواف اللي مافكرت تسلم عليه/طيب خلنا نسوي اتفاق ...انك تقعد عدنا كم يوم وبعدها اذا خلصت المدة وماارتحت هنا تروح عند امك؟
ام مشعل/ها...شقلت؟
احمد سكت وماقال شي...
ام مشعل تكلم ياسمين/وين الشاي ماجبتيه؟
ياسمين بلااهتمام/ماسويت مااعرف....
ام مشعل/طيب مسكي احمد بروح اجيبه انا!!1
عطت احمد ياسمين اللي خلته يجلس جنبها وقامت وبعد ماطلعت من الغرفة...
نواف/ماتعرفين تسلمين؟
ياسمين /تصدق مااخذت بالي اني ماسلمت عليك؟
نواف وهو يناظر في بنطلونها الضيق وقالت بعصبية/يعني لابسته عناد !!!قايل لك مااحبه ولاانتي ماتسمعين الكلام؟
ياسمين حطت رجل على الثاني وقالت بلااهتمام/زين انك قلت لي تصدق ماعاد بدولابي أي ثياب كلهم وزعتهم وتركت البناطلين علشان خاطرك؟
نواف/تقعدين بالبنطلون كذا طول اليوم؟
ياسمين وهي تناظره وكانها تدور شي من اللي صار البارحة/ليه انت متوقع اني بسوي عرض ازياء بالبيت وكل شوي بلبس شي؟
نواف وهو يناظر في بنطلونها الجينز الضيق/ومو ملاحظة ان لاصق بجسمك حييل,,,يعني بالعربي ضيق!!
ياسمين وهي بعدها تناظره/لامااحس....عادي....
نواف بشدة/قومي بدليه؟
ياسمين بعناد/مو قايمة؟
نواف/اقول ياسمين وش رايك نتزوج نهاية ها الاسبوع؟؟؟
ياسمين وقلبها يدق بقوة/لالالا حرام لسه باقي وقت مابعد لبست لك البناطلين اللي بالدولاب كلهم انتظر شوي؟
قالتها وقامت بتمشي ويد نواف مسكتها بسرعة ياسمين بهمس وهي تناظر فيه مباشرة/ولدك هنا اعقل يانواف؟
///////////////////////////////////////////////////////////
كانت واقفة بالمطبخ وماهي عارفة وش تسوي...
هل لازم تطلع لهم برى وتكمل ولاتروح غرفتها؟
اكيد ان الجو متوتر اللحين هاذي مافيها شك لان خالتي قاعدة وتركي قاعد وانا متاْكدة مليون بالمية انهم مو ساكتين عنها,,,
والله تعبت ياحصة والله.....
ليه تعامليني كذا بس!!!
هذا كله تجهزين لنا ضيفة تليق بمقامنا الكريم؟
لفت نوف ولقت سعد واقف عند الباب وابتسمت له وقالت بمرح وهي تحاول تبلع غصتها/وانت مفكر مقامك قليل وانت جايين تسووا لنا اكشن؟
سعد بلهجة امر/وراي يابت؟
شالت الصينية ومشت وراه ووصلوا للصالة ودق قلبها وهي تشوف نظرات تركي صوب المطبخ وكانها تنتظر طلعتها باي لحظة والجو هادي وحصة لافة وجهها للجهة الثانية يعني شكلها ولعت بينهم شوي بعد ماقامت,,,,
حطت الصينية على الطاول وسعد جلس جنب مشعل...
مشعل وهو حاط رجل فوق الثانية/ماابي شي ماابي ..لاتتعبين نفسك يابنت الناس...قايل لكم ماابي شي خلاص لااحد يغصبني!!
مشاعل وهي تضحك مع امها/يبى خلاص لاتجبر نفسك على شي ماتبيه؟
مشعل مد يده للصحن اللي فيه شوكلاتات/بس علشان لاتزعلين ياخالتي بشيل هذولا وفتح شنطته وحط فيه الجالكسي والبونتي اللي بالصحن...
نوف/شوف الدعلة عطني واحد بشرب معه شاي؟
سعد/مو لازم تشربين شاي...شفتي حلها بسيط؟
مشاعل/شكلنا بنعيش جو رايق؟
نوف/هاذي بداية الروقان مابيخلي لنا مشيعل شي ناكله؟
سعد بزعل/شفتي ياخالتي...مايبون يخلونه ناكل على راحتنا؟
ام تركي/لاحبيبي سوي اللي تبيه محد قايل لك شي ولاعليك من احد بعد؟
مشعل/يعني عادي اعض هذا الولد..ومسك ولد حصة وعضه...
حصة بصراخ/غبي انت !!!بتحط دوبك ودوب ولدي؟؟؟
واخذت ولدها وراحت فوق...
مشعل/زين سويت فيه فيني حرة عليها انا هاذي حصيص؟؟؟
نوف بهمس وهي تضحك/احسن زين سويت فيه لو بعد يمديك تعض امه؟؟
ام تركي ضحكت وهي اللي كانت خايفة ان نوف تكون زعلت؟
مشعل/كم تعطيني لو اسويها؟
نوف وهي تشرب شاي/اللي تبيه!!
مشاعل/ترى يسووها ذولا عادي ماعندهم أي مشكلة؟
سعد/وش رايكم نقوم نسوي اكشن وحركات ونراكض ونصارخ ونصير مثل المجانين...
مشاعل/أي تمام علشان بعد مانخلص نجوع ونطلب لنا من ا لمطعم...
مشعل/خوش والله.....يالله نبتدي...
سعد شال الملزمة اللي كانت جنبه وقال وهو يوقف/ يالله نبتدي باسم الله..
نوف شالت الشاي اللي عندها وهي مختلعة وتصارخ/لالالا سعد تكفى الا ملزمتي خلها بعيدة؟
مشعل/123 اكشن..مشى سعد ونوف وراه تترجاه...
سعد/لالالالا لازم تراكضين وراي ونكسر لنا شي بالطريق...
نوف وهي رافعة شوي من عبايتها من تحت/مااقدر اراكض بالعباية..
مشعل/شيليها لاتخلينها حجة؟
نوف وهي تناظر بتركي/تركي هنا...شلون اشيلها يالعاقل؟
مشعل /تركي اطلع برى؟؟نبي ناْخذ راحتنا؟
*****************************************

//////////////////////////////////////////////////////////////////////////////////////
البارت السادس والثلاثين,,,
////////////////////////////////////////
ياسمين بنرفزة/نواف فك يدي؟
نواف/واذا قلت لك مو فاكها وش بتسوين؟؟؟؟
ياسمين/لا بتفكها طبعا لان ولدك يناظرنا,,,,
نواف بلامبالاة/مايهمني,,,,
ياسمين/انت من يهمك من العالم!!!!
نواف بثقة/محد,,,,
ياسمين/طب فك يدي....
نواف/مو قبل ماتروحين تبدلين اللي عليك,,,قالها وهو يوزع نظراته عليها وشبه ياكلها بعيونه..
ياسمين مافاتتها طبعا نظراته قالت ببراْة وخبث/طيب فك يدي علشان اروح ابدله!!
انتبه نواف بها اللحظات انها تناظر نظراته لها وقطع عليهم الصمت احمد,,
احمد/ابي اروح الحمام؟
لفوا له اثنينهم ونواف فك يدها وقالت لااحمد/تعال...
مشى احمد ورى ياسمين اللي طلعت من المجلس وابوه كان مولع بذيك اللحظات ويتوعد فيه؟؟؟
/////////////////////////////////////////////////////////
تركي بنرفزة/سمعني بالله ماسمعت؟؟؟
سعد/يااخي نبي نراكض ونستهبل؟
تركي/ومن منعك تراكض وتستهبل وانا موجود؟
مشعل/انت مو مشكلتي بس مشكلتها هي؟
تركي حط رجل فوق الثانية وقال /والله عاد كيفي ماابيها تستهبل معك!!
ام تركي بهمس لمشاعل اللي تناظرهم وهي ميتى ضحك/مدام تركي روق شوي انا بركب لااختك التعبانة بشوفها,,,,
انسحبت ام تركي لفوق بهدوء وانتبهت لها نوف بس,,,
سعد/ول ول ول...سمعتي ياخالتي ولدك مايحبني!!
مشاعل/ههههه امي راحت بماْمورية وبترجع...يالله كملوا خلنا نتونس,,,
تركي/الا اقول انت وياه رازين اليوم اقمصة ومكشخين والشعر كله جل وحركات..عسى ماشر؟ماعندنا بنات للعرس تستعرضون لهم؟
مشعل مسوي منكسر ونوف ومشاعل يضحكون عليه/افا..وتردونا بعد!!!
تركي/انتوا اساسا من يبيكم على الجنون اللي انتوا فيه؟
سعد ناظر بنوف نظرات ترجي علشان يكسر خاطرها...
نوف/ياقلبي عليك انا...خلاص وافقت يالله نمشي بلاعرس بلامهر بلا شقة ...
سعد بنتصار/شفت المزاييين يتنازلون عن كل احلامهم اذا شافوني؟
مشعل/خلاص سعيدان نويف يومين لك ويمين لي خبرك بعد اللحين مشاعلوا راحت منا ومراموه انا وياها مانتواطن..
سعد/خلاص صار؟
تركي بعصبية/نويف بعيونك جعلك العمى,,,بنت عمي اسمها نوف,,,,وبعدين وش يومين انت ويومين انا!!!
نوف ببرود/وانت ليش متضايق بالله!!!انا وراضية بلعبتنا ماتقولي ليش انت حارق دمك على ها البزارين!!!

سكت تركي وسعد ومشعل ابتسموا ابتسامة انتصار,,
مشاعل/تدرون شلون علشان ناخذ راحتنا وتشيل نوف عبايتها خل نطلع الحوش هناك بناخذ راحتنا,,,

مشعل/والله وجبتيها ياقمر...
نوف/لحظة بس ملزمة الجامعة تطلع من السباق واللعبة بكبرها لو سمحت اخ سعد؟
سعد/لالالالا لاتحاولين تبيها ابذلي اقصى مجهود علشان ترضيني!!
تركي بروحه كان قلبه يدق بسرعة وهو مو معهم...نوف بتشيل عبايتها بعد لحظات,,,,ياه,,,صار لي زمان يانوف ماشفتك بدوون عباية؟؟ياترى تغير شكلك وشعرك وكل شي فيك !!!
تركي هاذي فرصة انك تشوف نوف بدون ماتحس لك لازم تستغلها عدل وماتفوتها؟؟
///////////////////////////////////////////////////////////////
لؤلؤة/وش فيه صوتك؟
وضحى/ولاشي بس شكلي باخذ برد؟
لؤلؤة/يوم انك بتطلعين من بيت عمي وبتردين شقتك وخالد بيطلع كان مريتيني قعدتي معي اسليك وتسليني,,
وضحى/مدري حسيت نفسي بنام وبريح قلت خلاص ارد الشقة علطول,,,,الا على فكرة نواف وولده وينهم عنك؟
لؤلؤة/نواف اخذ احمد ووداه بيت عمي من العصر ولسه ماردوا؟
وضحى/أي قالت لي ام مشعل انها تبيه..طيب كان رحتي معه بيت عمي...
لؤلؤة/مدري قلت يمكن اني احرج ياسمين بروحتي...يعني يمكن تبي تقعد مع نواف بروحها ولاماتبي تقعد معه اصلا...فوجودي بيكون عايق لها....
وضحى/اها....
لؤلؤة/شكلك مسطلة على الاخر...ي بى روحي ريحي ولاصحصحتي عطيني خبر؟
وضحى/يالله سلام...
سكرت من لؤلؤة ومسحت دمعتين طاحوا منها وهي تشوف صورة خالد المعلقة قبالها....
ياربي منك ياخالد...حياتنا مع بعض صارت حييل صعبة وكل ماقلت انها انفتحت وهدينا واستقرينا نرجع من جديد لحال ووضع اصعب من اللي فات!!لمتى بس ياخالد لمتى؟؟؟
كانت حاطة يدها على بطنها وهي مغمضة عيونها علشان تداري باقي دموعها لاتطيح ومن طرى في بالها وليد اللي دوم يسولف عنه خالد ويتخيله يعطي حياتهم معاني اكثر واكثر حست بالنار تشب فيها ورفعت سماعة التلفون تدق لخالد وتتفاهم معه علشان اللي جاي على الاقل؟
////////////////////////////////////////////////////////////////////////////////نواف/اقول خالتي وين الحمام ؟
ام مشعل/على يدك اليمين..
نواف وقف/بقوم اشوف احمد اكيد متعب ياسمين بعناده اعرفه؟
ام مشعل/خله عنك هي بتتفاهم معه...لازم تتعود انها تتفاهم معه من اللحين؟
نواف/ماعليه بس هو عنيد بزيادة ومايمشي سيدة الا بطلعة الروح(مدري لمنو طالع يااخ نواف هههه)
طلع نواف من المجلس وكانت ياسمين راكعة عند مستوى احمد ترتب له لبسه,,,وهم يسولفون وماانتبهوا لنواف اللي كان جاي لهم..
ياسمين/انت تبي اذا كبرت تصير شنو؟
احمد/ابي اصير ....مدري..محد سئلني؟
ياسمين بشوية همس/انت بس لاتصير مثل ابوك وبتكون بخير...
جاها صوت نواف القوي من وراها/وش فيه ابوه علشان مايصير مثل ابوه؟
جمدت يدها على احمد ولفت تناظره ببراْة وماتكلمت,,,
نواف باصرار/وش اللي مو عاجبك باابوه انسة ياسمين بالله؟
ياسمين لفت لااحمد وقالت بدون ماتناظر بنواف/انا ماقلت شي...
نواف/وش معنى كلامك اجل؟
ياسمين/ولاشي..
احمد/بتتهاوشون؟
ياسمين/مين قال؟
احمد/قبل شوي بعد تهاوشتوا؟؟
ياسمين/لااحنا مانتهاوش احنا نتفاهم بس!!!
احمد/وليش تتفاهمين انتي والبابا؟
ياسمين/علشان لمى اجي بيتكم اكون عارفة هو وش يبي وهو يكون عارف انا وش ابي؟
احمد/وليش بتجين بيتنا!!!ماما ريم بترجع معنا البيت مانبيك؟؟
///////////////////////////////////////////////////////////////////
عند مدخل البحرين...
عبدالله/بالله عليك هذا العقل عندك؟
خالد/اووووف عبدالله لاتسوي لي سالفة؟
عبدالله/لعن بودارك تقول مرتي زعلانة وانا غلطت عليها وبروح اراضيها تاْخذ بعضك وتجي البحرين؟؟ماتقولي كيف ذي تجي بالله!!
خالد بلامبالاة/مرتي واحبها وادري اني زعلتها...بس مو كل يوم بتنفس براحتي...يبى هي يوم اللي زعلانة فيه خلني اخذ راحتي وبعدها ترجع الامور طبيعي بيني وبينها لامن شاف ولامن درى؟؟؟
عبدالله/اسمح لي ياخالد...ترى بنت عمك صدق ماتستاهل اللي انت تسويه فيها ومعها كل الحق اذا زعلت منك؟؟
خالد وهو مغمض عيونه/لاتضيق خلقنا انت بعد خل نتونس شوي بعيدا عن كل شي؟
عبدالله ظل يناظره وهو ساكت..
خالد بدون مبالاة/وبعدين انا مو تاركها للابد يعني يوم بشوف حياتي بدونها كيف تصير؟
عبدالله/بالله؟؟؟طيب واذا عرفت وش بتقول لها؟
خالد/من وين بتعرف؟انت بتقول لها؟
عبدالله/وليه مااقول لها؟
خالد/ههههه روح قول لها اذا عندك الشجاعة الكافية انك تقول لها؟انا اليوم حاط في بالي اعيش بمزاجي وماحد له شي عندي؟
عبدالله/تصدق ياخالد ولاتزعل مني...مو وضحى اللي تعبانة نفسيا من طاري امها لان اللي تمر فيه اذا شافت امها شي طبيعي اهمال ام لبنتها بيعطي ها التاءثير عليها بس اللي فعلا مريض هو انت!!معقولة تجرحها وتزعلها وتعترف بغلطك وبنفس الوقت تكابر وتعاند وتروح تخونها مع غيرها بدل ماتعتذر لها؟؟صدق انا مو فاهمك ياخالد؟
/////////////////////////////////////////////////////
ام تركي/الا على فكرة يابو تركي ماقلت لي وش الموضوع اللي تبي العيال فيه؟
ابو تركي/وليه مستعجلة كذا تبين تعرفينه؟
ام تركي/لاني حاسة بشي..
ابو تركي/.........
ام تركي/وخايفة يصدق احساسي ويكون الموضوع هو...
ابو تركي/وش اللي تحسين فيه يابنت الناس؟
ام تركي/نوف صح؟
ابو تركي/.........
ام تركي/صح؟
ابو تركي/أي....
ام تركي/الله يشهد اني احبها واموت فيها واعدها مثل بنتي وماارضى احد يغلط عليها بس اني اخير عيالي فيها لاوالف لا يابو تركي؟
ابو تركي/شنو يعني لاوالف لا؟
ام تركي/انت بتجبر نوف توافق كذا يابو تركي حتى لو مالها خاطر في واحد من عيالك؟بتستحي منك وبتوافق؟
ابو تركي/وانا مابكون متطمن على بنت اخوي الا مع واحد من عيالي لاني ادري انهم بيحطونها في عيونهم؟
ام تركي/اترك السالفة اللحين وشوف عيالك وش يبون..ولاتجيب طاريها واذا واحد منهم يبيها بيقول لنا,,,بس انك تخيرهم لايارجال انا ماانصحك ابدا...خليها معززة ويطلبونها بلسانهم مو تنعرض عليهم....
///////////////////////////////////////////////////////////////
ام سعد/نورة...
نورة/هلا يمه...سواها سعيدان وراح بيت خالتي؟
ام سعد/أي راح..وش تبين منه؟
نورة/ولاشي بس صاير البيت ملل...
ام سعد/نورة...بكرة غذانا في بيت خالتك ام فارس؟
نورة بصوت مسموع/اووووف..
ام سعد/ووجع ان شاءالله وش لها ها التاْفف بعد؟
نورة/يمه....وش اسوي اروح هناك..مافي احد اقعد معه؟الا اذا بتقعديني مع روان البزر؟
ام سعد/بتقعدين معي انا وخالتك ام فارس...
نورة/وليه ان شاءالله معزومين هناك؟
ام سعد/وليه ماتبين تروحين هناك ان شاءالله؟
نورة/بروح خلاص ماقلت شي...
ام سعد/انتي ناسية ان فارس ماباقي شي على جيته....
نورة/...............
ام سعد/اشوف سكتي وماقلتي شي؟
نورة بعصبية/يمه فارس يبيني ولا بس علشان امه اختارت وابوه وافق بياخذني؟انتوا شلون ترضونها لي عاد؟
ام سعد/وش اللي نرضاها لك؟؟؟فارس الف وحدة تتمناه؟
نورة بعصبية اكبر/يروح ياخذ وحدة من ها الالف ويريحني منه ومن طاريه اللي يوجع القلب؟؟؟انا ابي افهم واحد ماتدرون عن حياته أي شي كيف بترموني عليه ها الرمية وانتوا ماتعرفونه؟
///////////////////////////////////////////////////////////////
كان واقف بالمجلس والمكان غارق بظلامه تقرب من النافذة اللي تطل على الحوش وهو يسمع اصواتهم تقترب من هنا...رفع طرف الستارة وفتح شوية من النافذة وهو يحس ان انفاسه بتخنقه من كثر ماهي سريعة ومتلاحقة,,,,
كانت واقفة مع سعد ومشعل ومشاعل اللي راكضين كلهم ورى بعض وكانهم مجانين وكل شوي واحد يوقف ياخذ له نفس ويرجع يكمل لعبهم ..
هاذي نوف ياقلبي....
وش اللي صار فيها وخلاها تصير كذا ومن متى؟؟؟
ياانها حلوت كثير وانا ماادري فيها...
كانت لابسة بنطلون اسود وبلوزة فوشية ربع كم ومرجعة شعرها كله لورى ..
اول مرة يشوفها بدون عباية من صارت تتحجب عنه يعني من فوق اربع خمس سنين...
ياه مدة طويلة راحت ماشفتك فيها يانوف....ضعفتي كثير عن اول وحلويتي بعيوني اكثر,,,,
انا صدق اشوفك بالعباية اجمل شي تشوفه عيني...بس اللحين صورتك انرسمت بقلبي وماهي قادرة تطلع منه ..نزل عيونه بها اللحظات في الارض وهو يستعرض شكلها في ذاكرته ويشوف الصورة ثبتت ولالسه قبل لايكسر النافذة لانه ماراح يشوفها من جديد في نفس اللحظة اللي نوف ارفعت راسها وانتبهت ان في احد ورى نافذة المجلس اللي كانت قبال المكان اللي هي واقفة فيه مباشرة؟؟؟؟
////////////////////////////////////////////////////////
نواف بشوية عصبية/ لاتطري اسم امك قدامي مرة ثانية لااذبحك انت وياها سامعني!!!
رفعت نظرها وناظرته بعيون محتارة ماتدري ليش!!!هل نظراتها له ذيك اللحظات كانت غيرة من طاري ريم اللي احمد يقول انها بترد البيت ولاشي ثاني؟
نواف/يالله انقلع داخل اشوف....
مشى احمد وهو ماسك نفسه لايبكي....ومبين عليه انه بينفجر باي لحظة....
تنفست بقوة بعد مامشى وقالت له بشوية عصبية/نواف...ريم بترجع مرة ثانية؟
نواف/اسكتي انتي الثانية تسمعين لي كلام بزارين وتصدقينه؟
ياسمين باصرار/بس هاذي مو اول مرة يقول ها الحكي..قاله قبل؟
نواف/هي طبعا حاشية براسه ها الافكار قبل لاتعطيني اياه..على بالها انه اذا ظل يزن على راسي برده...
ياسمين بحسرة واضحة في صوتها/متاْكد!!ولاهي لعبة بتلعبها معي وب...
مامداها تكمل كلمتها لان نواف كان واقف قبالها وماسك كتفها بقوة والشرر يطير من عيونه على كثر عصبيته/انا اذا قلت ها السيرة مو صحيحة تصدقيني وغصبا عنك؟؟؟
ظلت ساكتة وهي حاسة انها واقعة بموقف محرج ماهي قادرة تطلع منه...وظلوا ساكتين شوي لحد ماقطع الصمت نواف اللي قال باصرار/وش فيه ابوه ان شاءالله مو عاجبك وماتبين يصير مثله؟
ياسمين تقربت منه وهمست في اذنه/ماابي من ابوه ثنين بدنيتي لااتعب معهم!!!!
قالتها ومشت بسرعة وبدون ماتعطيه مجال يعلق بحرف واحد وظل هو يردد كلمتها بنفسه وهو حاط لها الف تفسير وتفسير؟؟؟
//////////////////////////////////////////////////////////////
جلس على اول كنبة صادفته وهو بعده بالظلام ومافكر يشغل أي اضاءة من حوله....
طلع جواله يكلم وهو صوت تنهيداته طالعة لبرى من كثر ماهي عالية؟؟؟
رد عليه نواف اللي كان على الخط الثاني...
وتوه قايل الو الا نوف دخلت المجلس وقلبها محسسها ان تركي اللي مو جود بالمجلس وماخاب ظنها يوم سمعت صوته اول ماصارت جنب الباب اللي مفتوح بس ماتدري ليش وقفت تسمع مكالمته قبل لاتدخل تغسل شراعه لانه كان واقف يشوفها بدون علمها...وفتحت عيونها على وسعها ووقف قلبها يوم سمعت تركي يكلم ويقول/خلاص يانواف انا مو قادر اتحمل اكثر,,,حب نوف معذبني حييل...مااقدر اخبي اكثر لازم اصارحها بشعوري....تكفى قولي شسوي وشقول لها علشان تدري اني غرقان فيها؟؟؟
///////////////////////////////////////////////////////////

//////////////////////////////////////////////////////////////////////////////////////
البارت السابع والثلاثين,,,
/////////////////////////////////
وقفت مكانها مصدومة من اللي سمعته منه,,,
يعني هي عارفة ان هيبة تركي وجبروته تتلاشى قدامها وان لها معاملة خاصة عنده...بس رجحت ها الشي لانه يتشفق عليها وعلى يتمها,,,بس انه يكون يحبها فهاذي مصيبة ماتدري شلون نزلت على راسها ولاشلون تتعامل معاها؟؟؟؟
ماقدرت توقف دقيقة زيادة..ركبت غرفتها بسرعة وقفلت الباب وهي تتفس وراه بقوة كبيرة...
صدمة عمرها ماتوقعتها ابدا من تركي!!
يحبها؟من متى؟وليه؟هي تحب عبدالله مو تركي؟
لازم اليوم تقول لعبدالله بسرعة عن حبها علشان توقف عند حل...
خل يموت حب تركي بقلبه بس لايموت حبي لعبدالله..
انا خسرت امي وابوي واهلي ابي عبدالله وحبه ماابي اخسره يارب,,,
////////////////////////////////////////////////////////////////
سعد/وينها هاذي راحت وماردت.. ماتت اللهم ياكافي؟
مشاعل/ههههههه
مشعل/هي قالت بتشوف شي وبترد؟
سعد/اخاف بس مسكونة بنت عمك وتجيها حالات..
مشاعل/هي بيني وبينكم تجيها حالات اذا كانت حصة موجودة بالبيت؟
مشعل/افا....وانا مشعل حصيص هاذي يبيلها نستخدم معها الاسلوب اللي نستخدمه مع جدي وجدتي...
مشاعل/تراها اختي وماارضى عليها بعد...
سعد/أي بس انا احب نوف اكثر من حصيص اللي ماتعطي وجه...الحمد متزوجة لي وزير المالية وانا ماادري؟
مشعل/على الاقل نوف اذا طلعنا معكم ماتقصر علينا بس هي بخيلة موووت ريال مايطلع منها...اذكر مرة كنا بفينيسيا مول وعطتني عشرة اشتري اسكريم الحبيبات الصغير هذا لولدها وهو بستة ريال يوم جبته لولدها علطول قالت لي وين الاربعة اللي بقوا يامشعل؟
سعد/ول ول ول على ها البخل؟
مشاعل/هههههه ياربي تدرون حاسة بعيش ايام حلوة معكم...
مشعل مسوي جدي/صارحيني وانا ولد خالتك انتي تبين فواز ولانروح نخليه يغير رايه؟
سعد/أي ترى بعدك بالبر يامشاعل لاتجبرين نفسك اذا ماتبينه؟
مشاعل/اووووف....مشاءاللله وش بتسون بعد؟
سعد بنفخة/كل اللي مايخطر على بالك... ترى احنا كل شي الا الزواج بالغصب ماعندنا بنات يتزوجون بالغصب؟
مشاعل في بالها أي والله عاد مانطقتوا الا انت وياه نورة بتاخذ فارس غصب وياسمين اخذت نواف غصب!!!
////////////////////////////////////////////////////
هاذي المرة الرابعة اللي تشيل سماعة التلفون فيها تبي تدق عليه علشان تعتذر منه وترجع المياه لمجاريها بس جواله مقفل...
كله منك ياوضحى,,,كان اعتذرتي منه قبل لاتنزلين من السيارة..
اللحين وش يفيدك بالله انك تقعدين تحاتينه وماتدرين وش صاير له؟؟
معقولة صاير له شي لاسمح الله!!!!
لاهو خالد كذا اذا تزاعلنا يقفل جواله علشان لايسمع صوتي...
لاتلعبين على نفسك ياوضحى هو ما...
اووووف ياربي والله تعبت.... ماتسوى ياخالد والله ماتسوى انا حتى ماقلت لك أي شي وانت اللي بديت السالفة وقمت تلعب باعصابي وتغثني بكلامك اللي مثل السم وانا متحملة وساكتة..واخر شي انت تزعل مني!!!
حرام ارجع اذا مو علشاني علشان اللي في بطني,,,,علشان وليد,,,
///////////////////////////////////////////////////////////////
ظلت حابسة نفسها بغرفتها طول الوقت مع علمها ان نواف من زمان مشى..
شي غريب انتابها اليوم ماتدري هو شنو بالضبط؟
اسم ريم وطاريها قلب لها كيانها؟؟؟
ريم ونواف...ياترى ليش تطلقوا؟؟؟
محد يدري عن ها السالفة؟معقولة بيقولي بيوم من الايام ليه هو طلقها؟؟وهل معقول انه يردها بيوم من الايام ولو علشان ولده؟؟
لالا ماشكله كان متضايق من طاريها بجد مو بس علشان انا واقفة ويبي ينهي السالفة؟؟
طب ليه انا قلت له انه متعبني...اللحين بيفكرني احبه واموت فيه ومو قادرة على...
ياسمين علامك انتي...هو بدا السالفة وانتي جاريتيه وش فيك.....
ياترى بيجي بكرة بعد..؟
يعني ممكن يتحجج بولده وشنو يبي ويمر؟
لا ماابي اشوفه خلاص انا صرت اخاف منه ومن شوفته....
///////////////////////////////////////////////////////////////
مشاعل/وينك انتي؟
كانت نوف بعالم ثانيوماهي مع مشاعل اصلا,,,
مشاعل بمرح/مابتكملين معنا وناسة,,,
نوف بضيق/بلى سبقوني انتوا انا بس حاسة اني متضايقة شوي..
مشاعل بهمس/حصة؟
ماتدري ليش دمعت عيونها وماقوت تقول شي....وكل اللي قدرت تقوله/ مشاعل روحي لهم واذا رقت بجيكم علطول...
مشاعل حطت يدها على كتف نوف/قومي اللحين..وش قلنا قبل لانوف ولاغيرها لازم يهمونك بللي يقولونه...هي اختي صحيح بس انتي اعز عندي منها وانتي عارفة ها الشي يانوف؟
نوف بدت تدمع عيونا صدق وقالت ببحة/حصة مالها شغل يامشاعل...انا بس صار لي موقف بعدين بقولك عنه وضايقني شوي...روحي كملي معهم بجيكم بعد شوي صدقيني,,,
مشاعل/اكيد...
نوف/أي....
مشاعل بمرح/ترى لايفوتونك قاعدين يحققون معي اذا كنت ابي فواز ولا لا يقولون ماعندهم بنات تنجبر على العرس؟
نوف بمرارة/يكونوا مايعرفون ياسمين ونورة يعني ولايقربون لهم؟
مشاعل وهي تضحك/هذا اللي كنت اقوله...المهم ياقلبي لاتفوتين على نفسك متعة ماتنعاش كل يوم بها البيت؟
نوف بشرود/امممم
/////////////////////////////////////////////////////////////////
ظلوا طول الجسر ساكتين وعبدالله بين فترة والثانية يرجع يناظر بخالد....
خالد بضيق/علامك انت ليه تناظرني كذا!!!
عبدالله بهدوء/ولاشي....
خالد باصرار وشوية عصبية/بلى في شي
عبدالله/كنت اساْل نفسي أي استقبال بتستقبلك اياه وضحى ...
خالد تنرفز وسكت....
عبدالله/معقولة ان الحياة تمشينا كذا اذاتهاوشنا مع بعض وتخلينا نمشي بالطريق الغلط حتى واحنا اللي ..
خالد/ممكن ماتكمل كلامك؟
عبدالله بتنهيدة/خالد اللي سويته غلط؟انت خالي وصاحبي وكل شي....بس بعد انا ماارضى انك تعبث بحياتك وهي مستقرة وكل امورك تمام....
خالد/.............
عبدالله/اللحين فهمت انت ليش تتجنب طلعاتنا مع تركي ونواف لانك ماتبيه يدري عن سوالفك من ورى اخته..
خالد بحدة/عبدالله.....ماصارت...قلبت لي حتى الجو اللي روقت فيه قبل شوي؟كانها صارت ماتسوى عليّ!!
عبدالله/لابس حبيت اذكرك ان الشي اللي سويته مو بس غلط الا حرام بعد؟
/////////////////////////////////////////////////////////////
اخذته رجله لعندهم..مايدري أي احساسه تملكه وجابه هنا...هل لانه متوقع يشوفها من جديد بدون عباية؟
ولانه يبي يشوف عيونها ويقولها عن اللي بخاطره....
تنهد بقوة قبل لايدخل عليهم في الغرفة اللي بالقبو...
كان الباب مفتوح ماهو مسكر....
وصوت ضحك مشاعل بس رايح لبيت الجيران..تبسم قبل لايدخل...مشاعل بتفارقنا ماندري متى..وبتغيب عنا ضحكتها الحلوة ومقالبها اللي توقف شعر راسنا في معظم الاحيان...شي توه يفكر فيه...ياترى كيف بتكون حياتنا والبيت كله بعد غيابك يامشاعل؟؟؟
سؤال ماطرى له يساله نفسه قبل الا اللحين وهو يسمع صوت ضحكها وهي ميتة على سوالف مشعل وسعد ...
تحمح ودخل...مايدري ليش بس يمكن علشان يعطيها فرصة ترتب شكلها وتعدل شيلتها على راسها بس استغرب يوم لفت له مشاعل وقالت له ادخل ماكو احد..
ويوم دخل الغرفة ومالقاها جالسة انقبض قلبه مايدري ليش؟؟
سعد/تفضل البيت بيتك؟
تركي ماعرف شيسوي هو جاي يشوفها هي مو هم ومايدري شلون نطق لسانه وسئل عنها/
تركي/وين نوف؟
مشعل/حصيص مزعلتها؟
مشاعل/انا ماقلت لكم كذا!!!
تركي بعصبية/وش قايلة لها حصة ها التعبانة بعد!!
سعد/يعني ماتدري عن اختك وعن لسانها؟؟خسارة طلعت كان شفنا الفلم اللي بيصير؟
مشعل بحسرة/ماقلتوا لي انها طلعت؟؟انا قايل حصة علشان اشوف وش بيسوي فيها ابو الترك..بس مدامها طلعت فااحنا ماندري عن نوف ولاشفيها زين كذا!!راح علينا الاكشن؟
////////////////////////////////////////////////////////////
كانت امها بالمطبخ وجدها وجدتها صوت صراخهم واصل للجيران..وهي تقول بنفسها يقولون مشعل اللي ياْذيهم والله حرام عليهم مشعل ماهو هنا اليوم بعد متى اْذاهم وليه اصواتهم عالية!!!
تنهدت وهي تشوف احمد يشاهد بالتلفزيون..
لاشعوريا جلست جنبه وشالت الريموت وغيرت المحطة..
احمد بانزعاج/انا اشاهد ماتشوفيني!!
ياسمين بلامبالاة/وانا ماابي توم وجيري ماهو غصب؟
احمد/امك خلتني اشاهد....اذا ماتبين روحي...
ياسمين بعناد/البيت بيتي ماهو بيتك علشان تتحكم فيني وتكلمني كذا..هذا اولا ثانيا انا اكبر منك كلمني عدل؟
احمد/غبية...
ماتدري ليش قامت بنرفزة وضربته على يده وفتح هو اذاعته بالبكي..
ياسمين بانفعال/صدق ولد ابوك نفس الاسلوب وال..
ام مشعل/شفيه يبكي؟
احمد راح لاام مشعل/هاذي الغبية ضربتني؟
ام مشعل بلؤم/عيب يااحمد مايقولون ها الكلمة ماهي زينة؟
احمد/بس هي صدق ضربتني؟
ام مشعل/وانتي وينك ياصباح الخير كم مرة سئل عنك نواف وماعرفت شقوله؟ياحافظ بس سلام وتمشين هو جاي لك انتي ولاجاي لي انا ماتقولين لي!!!
ياسمين/.......
ام مشعل/وبعدين تعالي ليش ضاربته ماتقولين لي هذا امانة عندنا؟
لاني مااقوى على ابوه وبطلع حرتي كلها في ولده...ها الشي اللي تمنت تقوله بس ماقالت وقالت بنرفزة/لانه كلامه تافه وشو يقولي غبية؟؟
ام مشعل/ياسمين يمه ..بالهداوة علشان يحبك ويتقبلك مو من بدايتها تضربينه ترى عمره ماراح يحبك...
ياسمين وهي تمسح دموعها وتمشي من قدام امها/ولاابيه يحبني زين...وانتي بعد لاتحبيني ظلي حبيه هو احسن لك؟
ماتدري ليش قالت ها الكلمة ولاليش دمعت عيونها كل اللي عرفته انها وصلت لااول درجة ومسكتها يد امها ولفتها عليها وكانت غرقانة ببكيهاواخذتها امها بحضنها بحنان..
ام مشعل/ياسمين يمه...انا لايمكن احب احد بالعالم كثر مااحبك انتي واخوك مشعل ...صدقيني مااراح احب احد غير عيالكم اللي اتمنى اشوفهم واشيلهم قبل لاتفارق عيني ها الدنيا...كل الناس والعالم مايوصلون لمستواكم عندي وانتي عارفة ها الشي؟
ياسمين وبكيها زاد/يمه....انا ماابي اتزوج ابي اظل معك هنا ومع مشعل حتى جدي وجدتي ونكدهم احبه وماابيه افارقه لبيت ثاني...يمه تكفين ماابي انحرم منك ومن حبك لي!!!
///////////////////////////////////////////////////////////
دخل الشقة وهو غامره احساس كبير بالذنب؟؟؟
صباح الخير ياضميري الغايب توك اللحين تحس ان اللي سويته غلط!!!
مايدري ليش اللحين حس بالضيق والتعب وانه اسوا انسان بالعالم...
هل لانه دخل مكان ماليته ريحتها؟ولالان لمساتها موجودة بكل ركن فيه ولانها كانت مجهزة له العشى على الطاولة وحتى الشموع مشغلة ولابسة له قميص النوم الوردي اللي يحبه؟ولالانه شايفها وهي ماسكة الجوال بيدها وغافية عينها والظاهر انها تعبت من كثر ماتتصل فيه وهو مقفل الجوال لايسمع صوتها ويحس بغلطه!!!
اخذ بعض ودخل الحمام وفتح الدوش وقام يبكي ضميره اللي باعه بلحظات وترك هنا قلب خايف عليه ويبي رضاه!!
ياربي سامحني ولاتخليني اعيدها مرة ثانية ....
انا مدري كيف طعت شياطيني ورحت عنها وتركتها هنا بروحها...
انا اسف ياوضحى اسف..صدقيني ماتنعاد يابنت عمي ...يااغلى مافي دنيتي واحب انسانة الى قلبي....
///////////////////////////////////////////////////////////

مابغت نوف تسمع صوت الباب يتسكر ويدخل منه عبدالله ..مشاءالله ياعبدالله هذا كله سهر والله تعبت وانا انتظرك صارت الساعة فوق الثنتين؟؟؟
مسحت باقي دموعها وحاولت تكون طبيعية ووقفت تناديه لانه كان بيركب غرفته..
نوف بصوت مبحوح من كثر مابكت بينها وبين نفسها/عبدالله..
لف لها وهو بعده متضايق من خالد/هلا...
نوف/كنت منتظرتك لو ماعندك مانع..بغيت اسولف معك شوي..
عبدالله/خير ان شاءالله ...
نوف/تفضل ليش واقف...
يوم قعدوا سئلها عبدالله/غريبة ماهي معك ونيستك؟
نوف/لانامت...
عبدالله/تصدقين انا بعد بغيتك بسالفة..
دق قلبها بقوة....
عبدالله/قولي شعندك؟
نوف/لا..انت بالاول انا سالفتي ماهي بااهمية سالفتك...
كانت في بالها تبيه يتكلم علشان يبدي هو وتكون العلاقة جدية اكثر بما ان هو اللي بيطلب منهابس تفاجاءت فيه وهو يهمس بصوت واطي
عبدالله/ابي منك خدمة؟
نوف/عيوني لك...انت امرني..
عبدالله /تسلمين يانوف بس والله ماراح انساها لك ابدا..
نوف/لاعادي احنا مابينا شي.....
عبدالله/ابيك تتعرفين على وحدة؟
نوف بصدمة/ها...
عبدالله بجدية/عبير بنت جيرانا...بنت الفالح....انا احبها ياعنوف وودي ارتبط فيها..ومن زمان واحنا متفقين وقلت ماعندي غيرك يخدمني ويتعرف عليها علشان وقت الخطبة تكون جاية من طرفك يعني انتي تعرضينها على الاهل..عرفتي؟
أي عرفت انت بعد ياعبدالله..نوف كانت تحت تاءثير صدمة شلت لسانها وماخلتها حتى ترمش بعيونها؟؟؟
مو معقول ابدا مو معقول...وش ذا اللي تقوله ياعبدالله؟؟؟
انت انهيت حياتي بكلمتك هاذي؟؟؟
///////////////////////////////////////////////////
كان جالس بروحه في غرفته اللي بتتوجها بعد كم يوم ياسمين وبتكون فيها.....معقول تكون فيها ملكة يانواف؟لو بتكون جارية تحت رحمتك؟؟؟
هي بتقرر ولاانت؟؟؟
معقولة ياسمين بتكون مثل ريم؟؟؟
تنهد بقوة وهو يطرد صورة ريم من باله ويركز على صورة ياسمين...
اليوم كان فيها شي غريب...يعني فوق عنادها على سالفة البنطلون الاان عيونها كانت تقول اشياء ثانية بعد...
كلامها لااحمد انه مايشبهني؟واني متعبها؟وش تفسيره بالله؟
وفي شنو انا متعبها اصلا!!
معقولة علشان عنادي لها ولافي شي ثاني هي تفكر فيه؟
معقولة علشان البارحة يوم تكون بحضني حست اني ممكن اميل لها وان مشاعري بيوم من الايام كانت هي متغلغلة فيها؟
تنهد بقوة ومسك جواله ودق عليها ...هو صدق مو داري وش يقول لها ولاعن شنو يسالها بس اذا سمع صوتها اكيد بيعرف شيقول؟
ردت عليه بعد الرنة الخامسة بصوت نايم..
ياسمين/نواف..في شي...
انتبه للساعة انها ثلاث وربع وتندم انه دق وهو ماشاف الوقت قبل؟
نواف بارتباك/ها..لا..بس...
ياسمين بعدها النوم في عيونها/شنو؟
نواف/يعني احمد نام؟
ياسمين/أي..من زمان.؟
نواف/ماتعبكم؟
ياسمين/لا..
نواف/يعني هو عنيد في معظم الاوقات ومزاجه صعب فخفت انه يكون متعبك للحين وقلت اتطمن....
اخذ صوته شوية ثقة لان سالفة انه يسال عن احمد جت بصالحه في نظره ابو ومتصل يسال عن ولده بس يوم سمع صوت ياسمين اللي دوخه من كثر ماهو ناعس ونايم وهي تقوله/وبعدين يانواف ادخل في موضوعك مباشرة..انت عارف ان احمد من زمان نام ولو على قولتك تبي تتصل تسال عنه كان اتصلت من خمس ساعات مو توك؟قول شعندك وخلصني؟وش اللي تبي تعرفه؟
انصدم وماعرف شيقول...اصلا ماقدر حتى يتنفس شلون عرفت انه يبي يعرف منها ولاانها تقوله شي وماهو متصل عن ولده..حس نفسهة محرج وزاد احراجه سؤالها/تبي تعرف انت ليش متعبني صح؟
حس انه غرق بعالم ثاني وغمض عيونه وصوته الدايخ في باله وهي تعيد ها الجملة مرة ثانية,,,,
////////////////////////////////////////////////////////////////
نزلت القبو ودخلت الغرفة اللي فيه وقفلتها عليها وقامت تبكي بحرقة....
احلامها كلها انهارت...اليوم هذا كان اسؤا يوم بحياتها ومر عليها..
عبدالله ويحب عبير بنت الجيران!!!اخر شي توقعته منه؟؟؟وتركي يحبها وها الشي اللي ماهي قادرة تركز فيه...حست نفسها تختنق ومو قادرة تتكلم...تبي تسولف مع أي احد خارج نطاق ها البيت ويسمعها..
دقت على نورة بااصابع مرتجفة وهي عارفة انها بتكون نايمة لان الساعة فوق الثلاث اللحين بس شي بداخلها كان بينفجر لو مادقت...
بعد الرنة الرابعة جاها صوت نورة النايم/الو...
نوف وهي تبكي/نورة لحقيني..
نورة بفزع/نوف...علامك وش صاير؟
نوف وهي تبكي/نورة انا اسفة اني صحيتك بها الوقت بس انا محتاجتك ابيك تسمعيني..
نورة بخوف/نوف قولي انا اسمعك وش اللي صاير لك؟
نوف/انا تعبانة ...قالتها وغرقت ببكي طويل وحار...
نورة باسى/شفيك...سعود قايل لك شي ؟ماتدري ليش جاها احساس ان سعود بالسالفة يمكن لان نوف دايم تتعب بعد كل لقاء فيه؟
نوف/ياليته سعود يانورة ياليته...
نورة/اجل شصاير؟
نوف/قلبي يانورة قلبي...قلبي اللي مو قادرة عليه.....اه يانورة اه..
نورة بروقان/قلبك يعني السالفة فيها حب وخرابيط؟؟اعترفي بسرعة منو؟
نوف وزاد بكيها/شااعترفلك بس يانورة اعترفلك انه راح خلاص وماعاد لي فيه امل..
نورة/ليه عاد؟؟؟منو هذا اللي تحبينه يانوف..
نوف بهمس/ عبدالله..
نورة/ولد خالتي....
نوف/أي......
نورة/وين المشكلة ؟
نوف بمرارة/انه يحب عبير بنت الجيران ويبيني اتعرف عليها علشان اسهل له موضوع الخطبة والارتباط فيه؟
نورة/...........
نوف/........
نورة/وهو يدري عن حبك؟
نوف/لا...كنت ناوية اقوله بعد اللي سمعته اليوم بس ماعاد ينفع خلاص..مو انا اللي بجي اقوله علشان اخر علاقته في وحدة تمناها وتمنته يانورة...
نورة/وانتي وش سمعتي؟
نوف بمرارة اكبر/المصيبة الاكبر....تركي يحبني؟
///////////////////////////////////////////////////////////////////
عاد ماهو قصير ابدا وانتظر تعليقكم عليه واشوفكم على خير بكرة مع البارت الخاص واللي بيكون طويل ههه

البارت الثامن والعشرين,,,
///////////////////////////////////////////////
نورة/يمكن انها خيرة يانوف؟
نوف وبكيها زاد/الا فجيعة يانورة فجيعة...صدمتين بيوم واحد ذبحوني...
نورة/امممممممم بس صدقيني يمكن خيرة انك تعرفين الموضوعين بيوم واحد...
نوف/انا مو قادرة افكر بشي يانوف حاسة نفسي مسجونة وخوفي من انه يشوفني احد ابكي ويسالني صاير اعظم علي من السالفة كلها...
نورة/طبعا انتي ماقلتي لعبدالله؟
نوف بانهيار/طبعا لا...وينسى اني اقوله بعد...
مو انا اللي اعرف بحبه لاانسانة ثانية ويبي يرتبط فيها واقوم افرق بينهم يانورة مو انا؟
نورة/بالنسبة لي لو يعرضون الاثنين بختار تركي بدون مجاملة؟
نوف/ماهي سالفة اختيار...القلب عشق عبدالله من زمان يانورة شسوي فيه بس شسوي؟شلون افهمه ان عبدالله خلاص ماعاد لي رجا فيه؟
نورة/وتركي قلتيله شي بعد ماسمعتي كلامه؟
نوف/لا..ولاناوية اقوله بعد...مدري كيف بتواجه معه بعد ها الكلام...مافكرت فيها من قبل اصلا....طول عمره معي غير بس كنت ارجحها انه متشفق على يتمي ويعتبرني مثل مشاعل بس انه يحبني....
نورة/غريبة ماكان يبين عليه...يعني ولاموقف دل على انه يحبك كل الامور اللي يسويها بصالحك ماهي كفاية؟
نوف بهدوء/الا سالفة العباية ؟
نورة باستنكار/العباية؟أي عباية بعد!!!
نوف/بقولك... بس قبل اوعديني مشاعل ماتدري عن السالفة اصلا!!!
نورة/ليه؟
نوف بتنهيدة/ماابيها تغلط وتقول لعبدالله علشان تسعدني لانها لحظتها بتدمرني لو عرضت عليه حبي؟؟وبها الوقت اللي طلب فيه الزواج بالذات!!!
//////////////////////////////////////////////////////////////////
بعد ماطلع من الحمام صلى له ركعتين وحس انه هداْ شوي عن حالة الغضب والاستنفار اللي بداخله..
طلع الصالة وجلس قبالها ...
ظل يتاْملها وهو بحالة هدوء شديد وتاءنيب ضمير ...
ياترى هل هاذي الانسانة اللي راقدة قبالك بها الهدوء تستاهل منك خيانتك ياخالد وتعاملك بها الطريقة معها؟
هاذي بنت عمك وزوجتك وحبيبتك وام ولدك اللي جاي بالطريق؟؟؟
ولدي وليد.....ياربي انا شسويت لو فرضت ان وضحى درت عن السالفة وش كانت سوت في نفسها وفي وليد؟؟؟؟
تنهد بعمق وهو بحالة ضيق مايدري كيف رجعت له بشكل اكبر واقوى؟؟؟
انا احبك ياوضحى صدقيني..انا عارف انك ماسويتي شي بس الشيطان شاطر زين لي الغلط ونحاك على جنب عن عيوني علشان مااتراجع عنه...بس صدقيني وحياتك كانت الاولى والاخيرة وماحترجع من جديد مهما كان بينا؟؟؟
بنظل احلى عيلة انا وانتي ووليد...
صدقيني ابيك بس تصدقيني...
كان وده بذيك اللحظات يقوم يعدل نومتها بدل ماهي غافية على قعدتها بس خاف انه يحركها وتصحى من نومها ..تنهد وتركها...وفي باله يقول خايف تصحى من نومها ومو خايف تعرف انك خنتها بلحظة طيش وتهور؟؟؟؟
/////////////////////////////////////////////////////////
الصباح في بيت ابو تركي...
سعد وهو ماسك صحن الكبدة وياكل منه/ماابي ياخالتي قلت لك ماابي لاتغصبين عليّ!!
تركي بدون نفس/طيب اترك الصحن؟؟؟
مشاعل/ههههه رحت فيها ياسعيدان؟
مرام/وين ابوي؟
مشعل/طلع من الصبح يقول عنده اجتماع ومابيرد قبل العصر؟
مرام/انا ماسئلتك ساْلت امي؟قالتها بنرفزة..
تركي/انتي ماتعرفين تتكلمين عدل ابدا!!!
مشعل/هذا دفاع عني شكله؟
سعد/والله ماعرفنا لك ياتريك اللحين انت تحبنا ولاتكرهنا؟
ام تركي/بذمتك يايمه هذا سؤال ؟؟يعني معقول مايحبكم؟
مشعل/لعلمك خالتي ترى في هذا البيت محد يحبنا غيرك وغير عمي ابو تركي الله يطول عمره وغير مشاعل القمر ونوف الشمس وعبيد الورد وبس؟
مرام/ومن ظل غيري وغير تركي؟
مشعل بثقة/الاهم...
مشاعل/مين..ولو اني متوقعة الاجابة بتكون اغبى من السؤال؟
مشعل مسوي انه حزين/حبيبة القلب سينيثيا شغالتكم....
ام تركي/هههه عسى بس ماصارخت عليك...قولي وانا اعلمك فيها...
سعد/اذا السالفة تعلمينا فيها ترى ياخالتي احنا مانحب نفتن بس هي ماقصرت فينا؟
ام تركي بصوت عالي/ياسينيثيا...سينيثيا.,..
مرام/يمه وانتي بتصدقينهم بعد!!
سعد قبل لاتتكلم خالتها/انتي سكتي بس سكتي؟؟؟تنصرينها هي الغريبة على عيال خالتك...
مشاعل/والله انتوا عيال قرية مو عيال خالة...
طاري حبيبة القلب غير تركي وتفكيره وقال بعد صمت وهو يكلم مشاعل/وينها نوف؟
ام تركي/أي صدق وينها؟
مشاعل/مدري قالت بتنزل ومانزلت؟
مشعل/هي شفيها من امس قالت بترجع ومارجعت لايكون متضايقة منا بس؟
سعد/لاحشى ماهي متضايقة منا بس مدري يمكن حصيص غلطت عليها؟
ام تركي/حصة قايلة لها شي يامشاعل؟
مشاعل/مدري ماقالت لي اصلا انا نمت قبلها ومادريت شفيها؟
مشعل وقف/دلني بس على غرفتها وانا انزلها لك؟
مرام/ياشين اللقافة؟
تركي بعصبية/انتي وبعدين معك؟
ماتستحين انتي!!
سعد/قولها تقوم ياتركي ترى والله ياولد خالتي مانتحمل وبعدين اللحين بنزل نوف وبنكمل وناسة واذا كل كلمتين نطت علينا مابنعرف نتكلم؟
تركي/انت روح نزل بنت عمي وبلا هذرة فاضية؟
مشعل وسعد مدوا اياديهم لتركي/وبنزلها ببلاش يعني مد يدك...
تركي ناظرهم ومايدري ليش حط يده في جيبه وطلع لهم كل واحد كم ريال ..وطلعوا فوق بسرعة البرق..
لف للطاولة لقى امه وخواته يناظرونه تدارك نفسه وقال بنرفزة/ترى انا متحملهم علشانك ياام تركي وبس!!
مايدري ليش قال ها الكلمة بس كل اللي عرفه انه مستعد يسوي أي شي علشان يشوفها جالسة بينهم من جديد,,,
///////////////////////////////////////////////////////////////
في بيت الجد بو خالد..
نزلت ياسمين من غرفتها وكانوا جدها وجدتها جالسين ومعهم احمد والسفرة مفروشة اكيد امها بالمطبخ تجهز لهم الفطور,,,
تنهدت وهي تناظر بااحمد وتتخيل ابوه..ومكالمته البارحة؟أي بارح انتي بعد الساعة ثلاث الفجر...صدق انه عيار يقول ابي اتطمن على ولدي نام ولالا؟؟
زين يانواف زين...انا لك صدقني وبطلع الشيب في شعرك من بدري وبتشوف!!!
سلمت وجلست معهم.....
الجدة/وانتي سالفتك بس رقاد واكل وطلعة ماعندك شغل يابنت العالم؟
ياسمين/اصبحنا واصبح الملك لله....
الجد/قومي ضربي جدتك بعد!!!
احمد ببراةْ/انتي تضربين حتى جدك وجدتك بعد!!!
ياسمين وهي تناظره/انا اضرب كل الناس اللي ماتسمع كلامي؟؟؟
الجدة/ان شاءالله ضاربة ولد الناس؟
ام مشعل اللي توها داخلة/صحيتي يمه؟
الجد/صحت ليش ماصحت!!!تبي تهاوشنا انا وجدتها من صبح الله؟
ام مشعل وهي تناظر ياسمين بنظرات معناتها اجلسي افطري ولاتقومين لو شصار خلاص تعودتي عليهم..
ابتسمت وهي تقول لاامها/أي معك حق تعودت...بس تصدقين ياالغالية بيوحشني ها الجو في البيت اللي بروحه؟
الجد/بسم الله الرحمان الرحيم انتي من كلمك اصلا!!
ياسمين/محد اكلم نفسي ياجدي زين؟
الجدة/انت لازم تقول لنواف لايقول عمي غشني وعطاني وحدة مجنونة؟
ام مشعل/يمه شها الكلام؟
الجد/وهي الصادقة امك لازم نقول لنواف انها مجنونة وتكلم نفسها لايتخرع اذا شافها تحكي مع نفسها؟
ياسمين وهي تضحك/اجل كلمه بسرعة ياجدي واللي يعافيك يمكن مكالمتك تسوي خبر؟؟
///////////////////////////////////////////////////////////////////
فتحت عيونها بهدوء وهي حاسة بفوضى حوالينها..وانتبهت ان خالد قاعد يعفس بالمكان وتحت الكنب وكانه يدورعن شي ...
وضحى برقة وتعب بنفس الوقت/خالد...
وقف قلبه يوم سمع صوتها وحس انه مايبي يشوفها خاف يناظر فيها وتدري انه غلطان!!
وقف مكانه وقالت وهي تعتدل بقعدتها/صباح النور حبيبي...
خالد بدون مايلف عليها/هلا..هلا..صباح الورد...
وضحى بروقان مدام انه كلمها قامت وباسته على خده وهو بعده عاطيها ضهرها..
وضحى/تبي شي حبيبي تدور شي؟ولاقاعد تتعود على المكان بعد مايجي وليد كيف بيكون؟
خالد وهو يتجنب يناظر في عيونها/جالس ادور محفظتي وجوالي مدري وينهم...
وضحى بتاْنيب خفيف/خالد...تاْخرت البارحة تعبت وانا انتظرك..عسى بس تعشيت بعد ماجيت...
خالد بشرود/ها.....اي....
وضحى/طيب اجلس حبيبي على مااجهز لك فطورك عطني خمس دقايق بصلي وبجهزه وعلى ماتفطر بدورهم لك..طيب,,
////////////////////////////////////////////////////////////
كانت قاعدة على فراشها وهمومها مالية وجهها ماهي قادرة تبكي لايجي احد ويسالها شفيك وتحتاس ماتدري شتقول له؟
حست ان الدنيا كلها تدور فيها...ليه الدنيا كذا غريبة...
تحب واللي تحبه مايبيها واللي يحبها هي ماتبيه!!
قالت لها نورة ان تركي مافيه أي عيوب والاحسن انها تتقرب منه وتكسب وده علشان تتناسى عبدالله بما ان ماصار بينهم أي كلام ولاهو درى عن حبها..وهي مقتنعة بها الشي بس القلب هو اللي يختار الناس اللي يحبهم مو بكيف الواحد لان لو كان بكيف الواحد كانت اختارت تركي بدون منازع لانه مامنه ثنين بنظر الكل مو بس بنظرها بس القلب ووجع القلب اه منهم,,,
جاها اعصار قوي عند الباب ورفعت راسها الا سعد ومشعل داخلين بدون أي تفاهم...
مشعل/انتي ليه قاعدة بروحك؟
سعد/اعترفي بسرعة منو مزعلك؟
مشعل/هذا اللي تبي تستهبل معنا ماشفنا وجهها غير خمس دقايق؟
سعد/خلاص زعلنا وبنروح بيوتنا؟
مشعل/اخاف بس زعلتي من قعدتنا هنا وتبينا من صدق نطلع؟
نوف تبسمت لهم رغم الالم اللي فيها/خمسة اسئلة على أي واحد فيهم اجاوب بالضبط؟
سعد جرها من يد ومشعل من اليد الثانية وقومها من السرير وهي قريب تتكسر من سحبتهم لها...
مشعل/يالله مافي كلام على السفرة يااختي؟
سعد/الناس اول يفطرون ويشبعون وبعدين يزعلون انتي ماشفتي جدي وجدتي؟
مشعل/اعقل ناس جدي وجدتي ياكلون الوجبة وبعدها يتهاوشون صيري مثلهم ياحظي!!!
نوف وهي تضحك/ياعالم ياناس خلوني بمشي بروحي كسرتوا يديني!!!
كانوا وصلوا لباب الغرفة اللي مفتوح اصلا من دخلتهم...
مشعل/بنات ماتجون الا بالعين الحمرة؟
سعد/واحنا مانتفاهم صراحة نحب نسوي الشي حار بحار...
طلعوا من الغرفة وكان تركي راكب يبدل علشان يروح دوامه وهي كانت ببجامتها وبدون عباية لانهم سحبوها وهو عيونه على غرفتها اصلا وشافها ودق قلبه بقوة ..
نوف/بدخل البس عبايتي ياعيال قرية؟
سعد/عبدالله طلع على مااعتقد وتركي وكاهو راكب يبدل ويروح شغله وشافك خلاص بعد لمين تلبسين العباية؟
وقف قلبها من كلمة تركي كاهو شافك خلاص ورفعت عيونها وشافته قبالها ويناظر فيها ونزلت راسها بسرعة وجت بتدخل غرفتها وتركي كلمها/اللحين انا ولد عمك واللي عايش معك من صغرك ومربيك تلبسين عني عباية وتتحجبين وها العلل تقعدين معهم عادي كيف تجي ذي بالله!!!
نوف بقهر منه لانه وقف يناظرها وتقرب من غرفتها لانها دخلت بسرعة ورى باب الغرفة/لانهم اصغر مني وانت اكبر مني!!
تركي/وش ها الاجابة اللي ماتقنع احد ابدا!!!
مشعل/مو هاذي الحقيقة...
تركي/وش تقصد؟هي قايلة لكم شي؟
وقف قلب نوف لان هذولا يجيبون العيد ومايشيلون هم أي كلمة تطلع منهم...
سعد بثقة/لانكم ممكن تتزوجون بيوم من الايام فمالاززم تكشف لك اللحين؟؟؟؟؟؟؟؟؟
وقف قلب الاثنين مع بعض ونوف حمدت ربها ان تركي مايشوفها اللحين ولايشوف شكلها كيف قلب مع ها الكلمة اما هو فحس انه دقات قلبه تتسارع بعد ماسمع ها الكلمة ومشى لغرفته بسرعة بدون أي تعليق!!!!
///////////////////////////////////////////////////////////////
ام سعد/شوفي انا بروح بيت خالتك ام فارس من اللحين وانتي تصلين الظهر وتجين ماابي اتصل فيك من جديد واقولك ليه ماجيتي سامعتني!!!
نورة بملل وهي شاردة بموضوع نوف/طيب...
ام سعد/تبين شي..
نورة/يمه وين ابوي؟
ام سعد/راح الكويت....عندهم اجتماع هناك؟
نورة/وليه ماقال لي انه بيروح علشان اروح معه؟
ام سعد/يمه هو رايح مع قروب الشركة كلهم وين ياْخذك معه بس؟لاصارالويكند الجاي ياْخذك وياخذنا كلنا ونروح؟
نورة بملل/وسعد مو هنا ..اوووف بقعد بروحي يعني؟
ام سعد/قومي روحي معي من اللحين؟
نورة باستنكار/اروح اللحين؟وين اقعد ومع منو؟
ام سعد/معي ومع خالتك ولامحنا من مستواك؟
نورة/شوي وتقولين لي قعدي مع روان البزر ولامع محمد ماعندك مانع انتي!!!
ام سعد/اقول لايكثر بس يانوير..
نورة/يمه ماقلتيلي ليه هي عازمتنا اليوم انا وانتي بس؟
ام سعد وهي قايمة/ليش هي اول مرة تعزمنا فيها خالتك ام فارس علشان تستغربين؟
نورة/لا....
ام سعد/خلاص اجل......
نورة/يمه...
ام سعد/هلا يمه....
نورة بخجل/يعني...فارس....يصير...
ام سعد ببتسامة/شفيه فارس يمه؟
نورة /ها...لاخلاص ولاشي...
ام سعد ابتسمت لها ومشت وحمدت ربها انها ماقالت لاامها انها تبي تكلم فارس بالتلفون؟؟؟
////////////////////////////////////////////////////////////
لؤلؤة/تصدق عاد تعودت على وجود احمد ها الكم يوم اللي قضاهم معنا حاسة اليوم بشي متغير في حياتي؟
نواف/ارتاحي منه شوي؟
لؤلؤة/حرام عليك...هو ماهو متعب بس لانه ماعاش معنا اكيد مابيتقبلنا بيوم وليلة؟
نواف/.......
لؤلؤة/فيك شي...
نواف/لا....
لؤلؤة/متى قررتوا العرس ؟
نواف/امس ماجلست معنا قامت؟
لؤلؤة بغمز/خبري انت قلت بتحدد وماعليك منها الا صار رايها مهم اشوف؟
نواف بارتباك/ها...لا مو رايها المهم بس كنت ابيها تسمع بنفس الوقت؟
لؤلؤة بتمتمة/امممممم مو مصدقتك؟
نواف ناظرها وهي تضحك وقال بلامبالاة/ماتهميني لو ماصدقتيني!!
ضحكت لؤلؤة على شكله وهو سوى روحه لامبالي...بعدها قال بجدية/شرايك نطلع نتغذى برى اليوم؟
لؤلؤة/والمناسبة؟
نواف/ولاشي...
لؤلؤة/.......
نواف/وناخذ معنا ياسمين واحمد؟
لؤلؤة وهي تضحك/أي قول كذا ياسمين بالسالفة؟طيب انا وولدك وين بترمينا ان شاءالله؟
نواف وهو يضحك/بااول زبالة تصادفنا!!!
لؤلؤة شهقت وهي تضحك/زين لكن بوريك؟على اول زبالة ها,,,طيب اذا شفنا ياسمين بعلمك فيها علشان تدري ان الله حق؟وتعرف ترميني على ازل زبالة تصادفك؟
///////////////////////////////////////////////////////////////
دق جوال مشاعل وكان فواز اللي متصل....وتسحبت منهم بهدوء...حست انها مشتاقة تسمع صوته من زمان مادق لها صار له اكثر من اربع ايام...
ردت بهدوء وهي تسكر وراها باب المجلس/هلا...
فواز/وغلا ...ياروح فواز؟
مشاعل/............
فواز بمرح/يو ضربنا على الوتر الحساس اسفين والله مانعيدها عمتي مشاعل خلاص لاتسكتين طلعت بالغلط هاذي...
مشاعل وهي تلعب بشعرها ومروقة/كيفك..
فواز/تصدقيني اذا قلت لك اشتقت لصوتك؟
مشاعل/أي....
فواز/صدق؟؟
مشاعل/غير الموضوع.....انا كنت اساْل عن اخبارك عامتنا مو بس عن اشتياقك لي!!!
فواز/اه يامشاعل اه...ليه احس ان الوقت صاير يمشي بطيء..
مشاعل بدلع/بالعكس انا احس ها الاسبوع بسرعة مر وبيمر...
فواز/قال لك عمي عن موعد الملكة؟
مشاعل/أي...
فواز/وعسى ماعندك اعتراض عليه؟
مشاعل/ليه اذا اعترضت بتغير اليوم؟
فواز/طبعا كل شي الا رايك....
مشاعل/شكرا...
فواز/على وشو؟
مشاعل/على اهتمامك...
فواز/مشاعل....وحشتيني....ادري بتسكتين اللحين بس صدق وحشتيني ابي اشوفك؟
مشاعل/...............
فواز/قولي لي تعال....
مشاعل بدلع/مقدر؟
فواز بانكسار/ليه عاد؟؟
مشاعل بنفس الدلع/عيال خالتي هنا وقاعدين نستهبل مع بعض مقدر افوت لحظة من هبالهم عليّ
فواز بغيرة/ياسلاااام !!وكم اعمارهم ذولا عيال خالتك؟
مشاعل/بالجامعة؟
فواز/من صدقك انتي؟
مشاعل ضحكت له برقة وقال لها افواز بسرعة احبك...وحست ان قلبها بيوقف,,,,,
//////////////////////////////////////////////

وضحى/خلاص حبيبي انت اجلس ارتاح وانا بدورهم عنك؟
خالد/لالالاارتاحي لاتتعبين نفسك عليهم مايسووون..
وضحى/طيب وين اخر مكان انت رحت له؟
خالد/امس انا مارحت غير......بيت اهلي؟
وضحى/سئلتهم اذا شافوهم؟
خالد/اكيد ماهم هناك لاني بعد ماطلعت وجبتك هنا دقيت على عبدالله وطلعت معه؟
وضحى/طيب دق لعبدالله يمكن صاروا عنده؟
خالد/دقيت له قال لي انه توه راد من مغسلة السيارت ومغسل سيارته ومافيها أي شي..لو كانوا بسيارته بينوا!!!
وضحى/.........
خالد/خلاص لاتشغلين بالك انا مااقاعد ادورهم اذا بشوفهم بشوفهم...
وضحى/خالد....
خالد/خير...
وضحى/ليه ماتبي تناظرني وتحط عينك بعيني!!!
خالد/يتهيا لك؟عادي مافي أي شي؟
وضحى/متاْكد....؟
خالد/طبعا متاْكد.....
//////////////////////////////////////////////////
فواز/وبعد..خلصنا من ذيك السالفة خلاص لاتسكتين علينا؟
مشاعل/وانت شلونك بعد!!
فواز/اساْل عنك....
مشاعل/سئلت عنك العافية؟
فواز/قال لك عمي؟
مشاعل/أي...
فواز/وعسى بس مناسبك الموعد؟
مشاعل/ليه اذا ماناسبني شبتسوي؟
فواز/نغيره علشانك..مو يقولون لااجل عين تكرم مدينة؟
مشاعل/شكرا...
فواز/على شنو؟
مشاعل/على انك مهتم فيني...
فواز/لازم اهتم فيك مو زوجتي وحبيبتي وام عيالي!!
مشاعل/........
فواز/يو شكلنا رحنا بعيد؟
مشاعل/خلاص انا بسكر...
فواز/لالالا خلاص منتي زوجتي ولاانتي حبيبتي ولاانتي ام عيالي واصلا انا مااحبك اكرهك بس ظلي سولفي معي!!
مشاعل/ياسلاااام وش يجبرني بالله اسولف معك وانت تكرهني ماتحبني!!!
فواز/يابنت الناس احترنا معك لاالحب يعجبك ولاالكره يعجبك وش تبين انتي!!!
مشاعل/ابي اروح لعيال خالتي...
فواز/مافي....وبعدين ماقلتيلي كم اعمارها ذولا اللي ماخذينك مني اليوم؟
مشاعل/بااول متوسط؟
فواز/تتحجبين عنهم؟
مشاعل/طبعا لا...
فواز/لامايصير كذا...اذا صرتي عندي حتى عبدالله وتركي بتتحجبين عنهم؟
مشاعل/هههه محد قال لي انك داعية اسلامي!!!شوي وتقول تحجبي عن ابوك وجدك وعمامك؟
فواز/يبى شسوي اغار عليك انا ماابي احد يشوفك غيري؟
مشاعل/معناته صار لازم اسكر...
فواز/لايبى خلاص التوبة مااغار عليك ولاابقول لك كلام حلو زين؟انا ابي افهم وش له ماتحبين احد يقولك كلام حلو؟
مشاعل بهمس/اذا شفتك وجها لوجه بقولك ليه...واللحين يالله باي بكلمك بوقت ثاني,,,
///////////////////////////////////////////////////////////////
ام مشعل بهمس/نواف بيجي ياخذك بعدين تطلعون تتغذون انتي وولده..
ياسمين/ماابي..
ام مشعل/وش اللي ماتبينه؟
ياسمين/يمه ماابي اروح معه أي مكان....
ام مشعل/وشلون بالله بتتكلمون وتتفاهمون وانتوا ماتقعدون مع بعض ومن تشوفينه جاي سلمتي وركبتي غرفتك؟
ياسمين/مو لازم نتفاهم مع بعض؟
ام مشعل/أي وبكرة اذا حدد موعد العرس بكيفه دقي لي بوز وقولي ماشاورني ...امس كم انتظرك ترجعين من طلعتي من المجلس ,,,يعني هو كان جاي يقعد معك لو معي!!!
ياسمين/يمه مااحب اسمع صوته ولااحبه زين؟
ام مشعل بصرامة/ياسمين!!!
سكتت ياسمين يوم شافت امها معصبة,,,,
الجدة/شقايلة لاامك ومزعلتها ياحظي!!!
ام مشعل/يمه ماقالت شي؟
الجد/هذا جزاء امك تبي تفهم بنتك وتعقلها وتربيها تقومين تصارخين عليها وتنصرين بنتك اللي لسانها وش طوله؟
ام مشعل وهي تشيل الصحون/اللحين انا صارخت يبى!!!انت سمعتني اصارخ؟؟
الجدة/أي صارختي حتى قلبي بغى يوقف بس لاني ام ومايطيعني قلبي اقول شي..ولاانتوا دايم تخبوني عني!
ام مشعل/مافيها شي يمه سئلتني عن شي وانا جاوبتها,,,
اقول احمد قوم يبى تحمم علشان الباب بيجي ياخذك انت وخالتك تطلعون تتغذون؟
احمد لف لياسمين/خالتي يعني انتي!!
ياسمين وهي قايمة/أي انا..الا اذا كان عندك مانع؟
احمد/انتي ماتحبيني صح؟
ياسمين وهي تمشي عنه/صراحة للحين مافكرت وقررت هل احبك ولامايحتج؟يبيلي وقت على مااحدد؟
/////////////////////////////////////////////////////////////
عبدالله/اقول مساءالخير ولاصباح النور؟
سعد/ياثقل دمك ياعبيد؟
مشعل/انا صاير مااطيقك؟
عبدالله وهو يجلس جنب نوف اللي تنهدت بدون ماينتبه لها احد/شدعوة ياحافظ وش مسوي انا!!!
مشعل/ولاشي بس من الله ماحبيتك؟
سعد/ساعات احسك ماتقرب لنا؟
مشعل/صحيح مو اذا شافك احد من الناس الرزة الكشخة اللي واصلين وسئلك وش تصير لي تقوله انك تعرفني ولاانك ولد خالتي؟
سعد/قوله بس انك ميت تبي تشوف مشعل على الطبيعة وماهي حاصلة لك؟
مشعل/قوم بس ياسعيد خلنا نشوف لنا شي نتسلى فيه..نويف ورانا يابنت؟
قاموا وجت بتقوم وراهم وكلمها عبدالله..
عبدالله/نوف..
نوف بهدوء/نعم..
عبدالله/نسيت اساْلك عن سالفتك اللي كنتي بتتكلمين فيها البارحة؟
نوف بغصة وانكسار/خلاص انسى السالفة انتهت وماعاد ينفع فيها الحكي؟
عبدالله/اوووف...بسرعة مشاءالله....
نوف وهي مغمضة عيونها/أي.....ماكانت مستلزمة ذاك الوقت الطويل كله؟
عبدالله/طيب وموضوعي اللي كلمتك فيه؟
حست بالانكسار بقلبها بس ماقدرت تسكت وماترد عليه وهو صوته فرحان ومروق قالت وهي مغمضة عيونها لايفضحونها دموعها/شفيه؟
عبدالله بلهفة/متى تبين تسوينه؟
نوف بنفس الغصة/متى مابغيت؟
عبدالله/انا اقول خير البر عاجله؟
نوف بمرارة/ان شاءالله....على امرك.....
قامت من مكانها وناداها بس ماقدرت تلف له لانها فعلا كانت تبكي بها اللحظات بس بصمت شديد..
عبدالله/نوف فيك شي...احد مضايقك ولامزعلك بشي؟
نوف بانكسار وهي تمشي/لا..سلامتك؟
/////////////////////////////////////////////////////
بعد صلاة الظهر كانت نورة طالعة من بيتهم ورايحة لبيت ام فارس اللي كان قبال بيتهم مباشرة,,
وكان محمد واقف جنب بيتهم وبس شافها جاية طيران لبابهم وفتحه وتسند عليه على جنبه ...
واول مادخلت سلم عليها ووقفت بعيد عنه تسولف معه...
هي كانت على الجنب الثاني للباب وهو ساده بطوله,,,
محمد/هلا وغلا بنوير شلونك؟
نورة بعصبية/نوير بعينك انا اسمي نورة؟
محمد/هههه اوووف اشوف زعلتي؟
نورة/لاسلامتك مروقة على الاخر؟
محمد/وش فيك يابنت الناس؟
نورة/محمد لاتوجعني الدنيا حر اخلص وش تبي؟
محمد/افا...اللحين محمد اللي صاير لك سايق ويوديك ويجيبك وين مابغيتي اذا تعطلتي كذا تكلمينه؟
نورة/البس عباية وشيلة واوقف بها الشمس ثواني بعدها تعال حاسبني؟
محمد/ومنو قال لك البسي بالله؟
نورة/بلا تفلسف الله يهديك...اقول وين قاعدين بالمجلس ولاالصالة؟
محمد/لابالصالة...
منورة/في احد ولااترك نقابي؟
محمد/يمكن فارس...
نورة/ماتجوز انت عن سوالفك؟
محمد/هههههه وشقايل انا!!!ترى فارس....
نورة مشت وقالت بشوية حدة/خلاص سكر سيرة فارس والل يعافيك؟
وقف قلب فارس اللي كان واقف ورى محمد ..
محمد وهو يناظر بفارس/ليه؟
تنهدت وظلت واقفة مكانهاوقالت/محمد...تصدق انت الشخص الوحيد اللي ماتكلمت معه بها السالفة وخفت تفهمني غلط؟
اللحين صدق وقف قلب فارس وحس ان في شي بالسالفة ولكز محمد بذراعه علشان يكمل سوالف معها عنه...
محمد/أي سالفة؟
نورة بتنهيدة/السالفة اللي تدبسنا فيها انا وفارس؟
محمد/مافهمت؟
نورة/الزواج اللي انفرض عليّ وعليه؟
محمد/مافهمت..
نورة وهي تمشي عنه/ولابتفهم بعد يامحمد...محد بيفهنا انا وهو ابدا!!!
قالتها ودخلت وتركت قلب فارس مولع نار وحايس بعمره مو داري وش يقول ولاهو قاوي حتى يتحرك من مكانه!!!!
///////////////////////////////////////////////////////////////////
نواف كان قاعد بالسيارة بعد ماسلم على جده وجدته وام مشعل واقنعهم يجون معهم بس ام مشعل عيت وقالت بتقعد عندهم لانهم لازم ياخذون دواهم وينامون....
طلعوا لؤلؤة وياسمين واحمد كان معه بالسيارة...
ياسمين بهمس للؤلؤة/اقول..روحي ركبي انتي قدام مع اخوك؟
لؤلؤة ببتسامة/لاوالله حلفت انتي تركبين معه؟
ياسمين/بلا نذالة وروحي جلسي جنبه انا ماابي؟
لؤلؤة/وانا شبعت من كثر ماجلست جنبه صار دورك اللحين؟
فتح نواف نافذته وكلمهم../علامكم؟وش صاير ليه ماتركببون؟
لؤلؤة/نتشاور منهي تجلس جنبك؟
قالتها وياسمين بسرعة مسكت الباب اللي ورى نواف علشان تفتحه وتجلس بس قال لها/تعالي قدام..
ظلت يدها على الباب وجمدت مكانها...
نواف/سمعتيني!!تعالي قدام...
لؤلؤة راحت تدخل من الباب الثاني...
نواف/اكلمك انا!!
ياسمين انتبهت ان لؤلؤة فتحت الباب الثاني وقالت له/على بالي انك تكلم لؤلؤة؟
قال لها/لا اكلمك انتي!!
قالت له بهمس/لاني ماشفتك قمت فتحت لي الباب؟
نواف بنفس الهمس/هذا اللي قاصر بعد!!!
فتحت الباب اللي جنبه وجلست..وظل يناظرها..
لؤلؤة/خلصنا خلاص يالله امشي...
نواف وهو يكلم ياسمين وهو يناظرها اصلا/بذمتك هذا غطاء اللي انتي حاطته على وجهك؟
ياسمين/انت شتشوف؟
نواف/اشوف ان كل شي واضح ومبين مثل ضوء الشمس وانه مو مغطي شي؟
ياسمين/ويعني؟
نواف/يعني لو تشيلينه يكون ابرك!!ماهو مسوي شي ترى؟
فتحت ياسمين وجهها بهدوء وهو بغت تطلع عيونه من العصبية وقال بنرفزة/شوف بعد!!!ماتستحين انتي تروحين تفتحين وجهك؟
ياسمين بهدوء وبراءة/انت قلت لي افتحي وجهك؟
نواف/انا قلتها علشان تحسين ان غطاك مايمشي حاله وتغيرينا...ذكريني بعد مانطلع من المطعم اخذ لك واحد ثاني هذا ماينفع؟
لؤلؤة بملل مسرحي/مو قبل ماتغذونا ترى متنا جوع انا واحمد...صح حمود؟
احمد/بابا نواف لاتكلمها وتصارخ عليها ترى هي تضرب اللي مايمع كلامها؟
نواف وهو يناظرها/ليه هي ضربتك؟
وقف قلبها ولفت للجهة الثانية ياترى اذا دريت يانواف اني ضربت ولدك ووش بتسوي؟
احمد/حتى جدها وجدتها تضربهم؟
لؤلؤة وهي تضحك/الى ثواني كنت بقول ان مشعل مخوفك يااحمد بس مدام السالفة فيها عمي ومرته غيرنا راينا خلاص هههههه
///////////////////////////////////////////////////////////////////
في سيارة سعود اللي كان جاي يشوف اخته واخذها فرصة ان عمه ماهو هنا ولاتركي وطلع معها علشان يتكلمون براحتهم...
سعود/شلونك..
نوف/بخير....غريبة جايني؟
سعود/كبرتي يانوف؟
نوف بضحكة مرة/من زمان مو توي؟
سعود/نوف خليني اكون صريح معك.....يعني انتي كنتاي صغيرة وحلالك كان على جنب من الورث...اللحين انتي كبرتي مشاءالله؟
نوف/أي والمطلوب؟
سعود/انا قلت بما انك بنت وماتفهمين بالدنيا تسوين لي توكيل وانا اسير لك امورك؟
حست بالغصة بس ماعرفت شتسوي ولاشتقول..
سعود/ها شقلتي..
نوف وهي كاتمة دموعها/سعود انا متضايقة ومهمومة ابي احد يسمعني!!!
سعود/انتي شقلتي اللحين على سالفة التوكيل؟
تنهدت بقوة اكبر وحست ان مافي أي امل منه وقالت له بنرفزة/متى تبيه؟
سعود/بكرة...
نوف/خلاص بكرة...
سعود/معناته اشوفك بالمحكمة.....واذا ماقدرتي تروحين دقي لي امرك...عموما بيكون بينا الو على الموضوع هذا....
نوف بضيق/سعود ردني بيت عمي...
سعود/أي ليش لا...هذا بيت عمي ووصلنا له يالغالية تفضلي انزلي!!!
///////////////////////////////////////////////////////////////////
في مطعم لفانا بالدمام....
لؤلؤة/انا خلاص اخترت......
احمد/الشاطى مول قريب من هنا بنروح نلعب؟
لؤلؤة/أي حبيبي بنخلص الاكل وبعدها باخذك وبنروح انا وياك لان الباب مشغول وبعد مايخلص من اشغاله بيجينا طيب..

مسكت ياسمين المنيو تقلب فيه بلامبالاة بللي قاعد يناظرها...وهي قلبها يدق معقولة نواف قايل لها تروح هي واحمد؟اذا كذا معناته بتظل معه بروحها..ياترى هل بيردها البيت ولالا؟
واحمد بها اللحظة قال يبي الحمام..
لؤلؤة/يالله قوم....
ياسمين/ماعندهم اندومي؟
لؤلؤة وهي طالعة/ههههه لامااعتقد..
قالتها وطلعت مع احمد ..
نواف/متعودين شرق اسيا على ها الاندومي ياكلونه بكب وقت مايقدرون يفارقونه؟
سكرت المنيو بحدة ورمته على الطاولة وظلت تناظره بغضب...
ورغم ان قلبه كان واقع تحت رجلينه من زعلها بس سوى روحه عادي مرة,,,,شيسوي بعد والله ان عيونها ضيقة مثلهم,,,
ياسمين بحدة/ابي اروح بيتنا؟
نواف/قعدي وعقلي!!!
مسكت شنطتها ووقف...
ومسك يدها بسرعة..
نواف/قلت لك اجلسي واعقلي..
ياسمين بعصبية/ماابي اجلس وعزيمتك ماابيها زين؟
نواف بتهديد/قعدي لاتخليني اسوي شي ماعمرك شفتيه بحياتك؟
شالت يدها عنه بالقوة وقعدت على كرسيها واحمد ولؤلؤة دخلوا...
لؤلؤة بمرح/ها..وصل طلبنا ولالسه؟
نواف وهو يناظر بياسمين اللي كانوا دموعها بينزلون/مابعد اختارت ياسمين؟
لؤلؤة/اوووف....ليه عاد؟
ياسمين بحدة/لاني مو جوعانة وماابي اكل؟

//////////////////////////////////////////////////////////////////
دخلت البيت وهي متمنية مايكون احد موجود بالصالة....
وفعلا ماكانت غير ام تركي هناك...
سلمت ومشت بسرعة..
ام تركي/ها نوف رديتي!!
نوف بغصة/أي...
قالتها وكانت بتركب بس صوت ام تركي وقفها مكانها..
ام تركي/نوف فيك شي يابنيتي!
حضن حنون..هذا اللي كانت تتمناه نوف بها اللحظات وربها استجاب لها وكاهي خالتها ام تركي قبالها..
ام تركي بخوف/علامك...
كانت نوف تمسح باقي دموعها ...ويوم قالت لها ام تركي ها الكلمة انفجرت بالبكي...
اخذتها ام تركي بحضنها وهي تسمي عليها..
ام تركي/نوف حبيبتي قولي شصاير شفيك؟
نوف وهي بحضن ام تركي وحاسة ان كل البراكين اللي فيها تفجرت,,,ظلت تبكي وتشاهق....
هي كانت محتاجة تبكي كذا بالقوة من امس من صدمتها بتركي وعبدالله بس ماقدرت لانها ماتبي تشوف احد ويسالها وماتدري وش تقوله بس جية سعود لها والموضوع اللي فتحه فجروا فيها كل شي..
نوف بصراخ وبكي وانفعال/فكرته جاي يسال عني ياخالتي؟؟اتاريه يبي مني توكيل علشان الورث وبس!!!
ليه ياخالتي ليه؟؟وش سويت انا له علشان يتعامل معي كذا بس!!!
ام تركي/اهدي ..اهدي يانوف...انتي شقلتي له ؟
نوف وهي تمسح دموعها/الوعد بكرة بالمحكمة..
تنهدت ام تركي وضمتها لصدرها من جديد...
/////////////////////////////////////////////////////////////////
في شقة خالد...
وضحى حطت قدامه صينية عليها فنجانين قهوة..
خالد/ليه سويتي؟
وضحى/لاني حاستك متضايق..وتبي تروق اعصابك؟
خالد وهو يشرب قهوته/ماكان له داعي!!
وضحى/خالد لاتضايق حالك..
خالد بلامبالاة وابتسامة زايفة/لاتخافين مافي المحفظة فلوس محرزة بس عادة فيني مو زينة امشي وارمي بالاغراض ومدري وين احطهم وبعدين اقعد ادورهم؟
وضحى/مو هذا اللي كنت بقوله؟
خالد/شنو؟
وضحى/انت زعلان مني!!
خالد بدون مايناظرها/طبعا لا...
وضحى/خالد انا اسف...
خالد قاطعها/وضحى صدقيني مو زعلان اصلا انا كنت..
قاطعهم صوت التلفون اللي جنب وضحى وقالت له وهي تناظر بالرقم/الرقم غريب...شكله دولي انت تنتظر مكالمة من احد؟
خالد/لا...
حطته سبيكر وردت وجاها صوت بنت مبين انها مو خليجية..
وضحى/نعم,,,
البنت/هلا..
وضحى/خير..
البنت/هذا بيت خالد ال......
وضحى رفعت راسها تناظر بخالد اللي مبين انه ماعرف الصوت/خير في شي؟
البنت/ممكن اكلمه؟
وضحى/تبين تقولين له شي؟
البنت/ليه ماهو هنا؟
وضحى بحدة خفيفة/لاوالله مو هنا...
قالتها وهي تناظر بخالد اللي شوي تغيرت الوانه وكانه عرف صاحبة الصوت,,,,,,
البنت بدلع مايع/خلاص ..لارجع قوليله ان تلفونه ومحفظته نساهم عندي البارحة؟قوليله بنفس المكان المعتاد اذا بيجي ياخذهم؟يالله باي....
ماتدري وضحى هي كانت تمسح دموعها ولاماكانت تدمع اصلا ولاانها كانت تردد الكلمة اللي قالتها لها(بنفس المكان المعتاد)؟؟؟؟

/////////////////////////////////////////////

واااااااااااااااااااااااااااااااااااااااو

مشاء الله تباارك الله

من جد طوووووووووويله

من جد جد يعطيك العاااافيه مااقصرتي

يلا بنسخااااا وبحطهاا بل جهااز حقي وبقراهاا وبعطيك رايي فيهاا بس شكلهاا حلووه <<اكيد بدامهاا منهاا

تسلم
منور اخوي بمرورك
البارت التاسع والعشرين,,,,,,,,,,
//////////////////////////////////////////////
جمد مكانه من الصدمة,,,,,,,,,
موقف ماعمره تمنى انه ينحط فيه!!!
تمنى انه يكون جالس يحلم وكل اللي صاير مجرد حلم ثقيل بيصحى منه باي لحظة!!
فرك عيونه مرة وثنتين وثلاث...يبي يفتحها ويلقى شي غير عن اللي هو قاعد فيه..جو مختلف تماما,,
بس مالقى غير وضحى اللي كانت تمسح دموعها بين دقيقة والثانية وهي ماتحركت من مكانها والصدمة مبينة على وجهها,,,,
حاول انه يتحرك ماقدر...حتى لسانه ماقدر يحركه شوي...
قام من مكانه بعد معاناة طويلة وركع تحت رجلها وماعرف شيقول ولاشيسوي,,
كان يناظر بدموعها وهو حاس ان في مصيبة جايته...ياليتها لو ماقالت اسمه كانت بتخف السالفة اما انها تقول اسمه وبالكامل وشنو الشي اللي هو فاقده وموجود عندها فالقضية ماتحتاج توضيح اكثر!!!
قال بحشرجة بالموت اطلعت منه/وضحى....
ماقوت ترفع راسها بذيك اللحظات.......
اصلا شتشوف فيه ولاشتسمع منه؟
كذبة جديدة بيكذبها عليها؟ولارواية قدر يئلفها بلحظات!!!
مسحت دموعها بقسوة وكانها تقوله انت ماتهمني؟
خالد/اسمعيني!!
هي بها اللحظة ماكانت ترن بااذنها غير كلمة وحدة بس,,,كلمة البنت اللي قفلت الخط قبل ثواني(قولي له بالمكان المعتاد)؟؟
يعني ماهي مرة وحدة اللي بينك وبينها ياخالد؟يعني انت من زمان تخوني وانا مصدقة حبك الزايف!!
خالد بعذاب/وضحى اسمعيني,,,
قامت من مكانها وهي مو قاوية تقوم اصلا وحست الارض تميد فيها يسار ويمين,,,,
كل اللي قدرت تقوله,,,/خالد لو سمحت اطلع برى....ماابي اشوفك بحياتي خلاص...انا توقعت انك تنسى السالفة اللي بينا من امس ويطير الزعل بس ماتوقعت بها الحقارة ؟
خالد باعتراض/لا...وضحى..لا اسمعيني بس....
تركته مكانه يتنهد وهي دخلت الحمام وقفلت الباب وراها علشان تسمح لدموعها تطيح براحة وبعيدا عن كل كبرياء العالم,,,,
////////////////////////////////////////////////////////////////////
كان الجو بالمطعم اشبه بنار على تنور,,,
ياسمين وعيونها اللي كانت بالارض ودموعها اللي قربوا يطيحون ونواف اللي كان يشتعل بناره ومقهور انه ماقدر يمسك نفسه عنها
ولؤلؤة واحمد ياكلون بهدوء وهم يسولفون مع بعض وكانهم متناسين وجود نواف وياسمين,,,
همس لها/ترى انا اخترت لك الاكل على ذوقي!!
قالت له بنفس الهمس وهي بعدها عيونها بالارض/والمطلوب طبعا من اللي جاية من شرق اسيا انها تاكل وتنفذ الاوامر,,,,؟؟
تنرفز من كلمتها وكانها تسد عليه باب الصلح اللي هو ناوي عليه,,,,
نواف اخذ له قطعة من اللحم ومد يده بياكلها بنفسه بس هي لفت وجهها عنه وقالت بهمس/اسفة انا مو متعودة على اللحم؟؟مو متعودة غير على الاندومي!!!!!
حط الشوكة بصحنه بعصبية خلت لؤلؤة واحمد يسكتون ويناظروهم.........
لؤلؤة/انا باخذ احمد وبنطلع ناكل برى....وانتوا اخذوا راحتكم؟
ياسمين بنرفزة وفكرة انها تظل معه بروحها مخوفتها ومضايقتها/قعدي بس قعدي قالت بتطلع!!يكون يعني منتي متعودة على اخوك واساليبه الراقية بالتعامل؟
نواف بعصبية/نعم!!!عيدي عيدي ماسمعت!!!
ياسمين بحدة/لاسمعت وا ذا ماسمعت بسمعك ثاني ماعندي أي مانع؟
لؤلؤة مسكت يد احمد وطلعوا من الغرفة,,,
ونواف ثارت شياطينه وقال بعصبية/بالله!!!
ياسمين بحدة/ابي اروح بيتنا!!
نواف/وانا مو قايم من هنا غير لمى تاكلين ونخلص؟
ياسمين/قلت لك عزيمتك بكبرها ماابيها؟
نواف تسند على كرسيه وقال برواق/وماراح تطلعين غير لمى تخلصين اكلك؟
ياسمين بنفس الهدوء تسندت وقالت/طيب ماعندي مشكلة نقعد لليل..لانه يكون بعلمك انا مافي مثلي اثنين في العناد؟
///////////////////////////////////////////////////////////////////
دخل تركي البيت وتوه بيفتح الباب وكان صوت شهقات نوف وبكيها ينسمع من على باب الصالة,,
تنهد شوي ووقف يسمعها....ياترى وش فيها ,,ليه تبكي بها الحرقة؟معقولة حصى مزعلتها؟ومتشفقة على سعود وعيالها ومارد عليها يوم تكلمه؟
غمض عيونه بالقوة ودخل.....
كانت امه تمسح على شعرها اللي انفكت عنه الشيلة ونوف بعدها بحضنها....
نوف من بين بكيها/ليه يسوي كذا!!!
ام تركي/ماعليك منه خل يولي!!
نوف ببكي حار/بس انا اخته مو عدوته؟حرام والله حرام....
ام تركي بتاْنيب/نوف يمه...كلنا نحبك...لاتوقفين حياتك علشان واحد مايعنيلك شي والمفروض انه فعلا مايعنيلك؟
تنهدت نوف بالقوة وكملت بكي..
تركي وهو يمشي قدام وضحت الصورة عنده...يعني سعود بالسالفة...طيب انا اوريك فيه يانوف...بتشوفين وش يسوي تركي علشانك وعلشان ياخذ بحق دموعك؟
دخل وسلم طبيعي وكانه مايدري ان نوف هي اللي بحضن امه..وبس سمعت صوته نقزت مرة وحدة ولبست شيلتها وعدلت قعدتها,,,,
تركي/السلام...قالها وقعد قبالهم....
ردوا عليه وظل يناظرهم...
تركي/خير في شي صاير؟
ام تركي/سلامتك...
تركي وهو يناظر بنوف اللي لسه باقي دموع بوجهها اللي كان احمر من كثر بكيها/نوف في شي...احد مزعلك؟
نوف بهدوء وهي تتذكر كلامه عن حبه لها/لا...
ام تركي/بس سعود.....
نوف/خالتي...
ام تركي/تركي ماهو غريب يايمه...
تركي /وش فيه ها التعبان بعد!!
ام تركي/مر على نوف قبل شوي.......ويبيها تروح معاه بكرة المحكمة علشان تسوي له توكيل باسمه.....
ظل تركي ساكت وماقال شي حس ان السالفة ناقصة يعني وش يقول....
ام تركي/قول شي ياتركي ليه ساكت؟
تركي بعد تنهيدة وهو يناظر بنوف/هذا حلالها واحنا المفروض نظل بعيدين عن السالفة؟علشان لاناْثر عليها بقرارها..
نوف/قراري اتخذته بكرة بيني وبينه بتكون محكمة....بس انا ماتوقعته جاي بس علشان كذا يعني قلت يمكن انه يبي يسال عني ؟يشوفني حية ولاميتة؟قاصرني شي؟سعيدة ولامتضايقة؟
كانت تتكلم بانفعال وهي عارفة ان تركي الوحيد من بين ها العالم اللي بيوقف معها وبينصفها...
تركي بحدة/وان شاءالله انتي مضيقة خلقك علشانه حضرة جنابه!!
نوف /لاياتركي هذا اخوي ولازم يضيق خلقي اذا صارت علاقتنا كذا!!!
قام تركي وهو كل شياطين العالم بوجهه ونوف تناديه....
/////////////////////////////////////////////////////////////////////
فارس كان واقف وفكره شارد لبعيد..
محمد وهو جنبه/فارس علامك؟من دخلت نورة وانت مومعي اصلا!!!
فارس /مدري شقولك يامحمد؟
محمد/........
فارس/حاس ان السالفة فيها شي؟يعني ليه قالت ها الكلام؟
محمد/تهقى احد قايل لها انكم مغصوبين على بعض؟
فارس/هذا اللي ابي اعرفه؟
محمد/غريب...تصدق كل مرة اجيب لها طاريك وانها بتكون زوجتك كانت تسكت وماتعلق بس اليوم تكلمت؟يعني شكلها السالفة توها ...
فارس/ابي اشوفها يامحمد ابي اسمعها؟
محمد/شلون؟
فارس/مدري...بس نورة عندها شي ولازم اسمعه؟
محمد/شي مثل شنو؟
فارس بضيق/محمد توك سامعها تقول ان انا وهي ارتبطنا بسالفة ماعاد ينفع فيها الحكي!!!وان زواجنا مو برغبتنا واحنا انغصبنا عليه؟ابي افهم ليه قالت كذا!!!
محمد/ادخل اسئلها؟
فارس/قدام امي وامها وتكبر؟؟لالالا ابيها بروحها؟
محمد/شلون؟
فارس/وانت ليش موجود مو علشان تدبرني!!
محمد/وشلون ادبرك؟
فارس/محمد كل اللي الكلام اللي انقال من نورة واللي بنقوله ماابيه يطلع لااحد ثالث غيرنا ....وانا شاكر لك خدماتك بس انت علاقتك فيها اقوى من علاقتي فيها وبتتكلم معك اكثر مني!!!
محمد/طيب زوجني اياها وانت انسحب من السالفة وشرايك؟
كشر فارس بوجهه وهو يستعرض بطيفها اللي كان موجود..
محمد/ول ول ول...مرت دقيقتين وهي بعبايتها وتصارخ ودخلت بالك علطول؟؟؟
فارس بشرود/ماهي دقيقتين اللي تتكلم عنهم يامحمد...هذا حلم وعمر انا عايشه من زمان بس توني اشوفه بالحياة....
محمد/طيب مو انا وانت نشبه بعض كثير.....ليه ماتشوفها انت على انك انا!!!!ماراح تحس؟
////////////////////////////////////////////////////////////////////
سعد/اعترفي منو كنتي تكلمين؟
مشاعل/وليش اعترف بعد!!منو قال لك اني بكذب,,كنت اكلم فواز؟
مشعل/ياسلاااام؟وش قلة ها الحيا والمصاخة؟وليه تكلمينه بالله!!!
مشاعل/يااخي هذا زوج المستقبل عادي لو كلمته وبعدين البابا عارف...
مشعل بالمصري/يياختي عليكي انتي والباب بتاعك؟؟ده عارف ومش عامل حاجة؟؟يالهوي!!!
مشاعل/هههههههه امال ايه ياعم!!
سعد/الا الصدق مشاعلوا يقولون اللي بتاخذينه كداد يعني فليساته وااااااااااااااااااااااااااجد..
مشاعل وقفت/الللهم صلي على النبي...تف تف تف في عين الحساد...
مشعل بصدمة/منو ذولا الحساد ان شاءالله!!
مشاعل/انت وخويك؟
سعد بتاْثر/تن تن تن..هاذي يعني موسيقى حزينة..اللحين الكلام,,,انا وخويي عيونا حارة؟
مشاعل تجاريهم/لاابدا...ماهي حارة الاكبريتية؟
مشعل/خلاص زعلنا بنروح بيتنا!!
سعد/مو قاعدين لاتحاولين...
مشاعل حطت رجل على رجل/عندكم ابو تركي وتركي انظروهم بكيفكم الا فوازي هذا خلوه على جنب؟
مشعل بغمز/تحبينه؟؟؟
مشاعل مسوية مستحية مرة وهي تتكلم بنعومة/أي والله اموووت عليه؟
ابو تركي من وراهم/منو هذا اللي تموتين عليه!!!
///////////////////////////////////////////////////////////////////////
نورة وهي طالعة من المجلس ,,,
محمد....محمد...
كانوا محمد وفارس بالمطبخ ووقف قلب فارس..
محمد/تخبى يالله هاذي فرصة كاهي جاية؟
فارس/ماني حرامي علشان اتخبى؟؟بعدين انا ابي اسمع كلامها...
محمد وهو يهز راسه/انا بالمطبخ نوير وش بغيتي؟
نورة تقربت من باب المطبخ وفارس نكس راسه لاشعوريا علشان يشوفها كيف كانت لبستها وتنهد بارتياح يوم شافها مغطية وجهها..
نورة/خالتي تقولك؟
محمد قاطعها/ماني مسوي شي؟
نورة/بسم الله عليّ روح انت وامك وتفاهموا انا مالي!!!
محمد مسوي زعلان/يرضيك يانوير امي مايملي عينها السايق كل شي فوق راسي؟
نورة بنحاسة/مو لان شكلك انت والسايق سوا صارت ماتفرق بينكم ابدا!!
ضحك فارس من قلب وماقدر يمنع نفسه و نورة استحت وسكتت...
فارس بصوت عالي يسمعها لانها كانت برى باب المطبخ وهو قاعد على الطاولة داخل/معك حق هو مايفرق عنهم بشي؟
نورة/.............
محمد/نورة لاتفهمين غلط ترى هذا مو خويي ولا..
نورة/المهم تعال لاامك انا بمشي؟
محمد/وين؟
نورة/وانت وش دخلك؟
محمد/كله لسانك متبري منك انتي!!الله يكون بعونك يافارس اذا رجعت وشفت ها البنية؟
نورة بشوية حدة/لو سمحت لاتجيب طاري فارس!!
هي كانت معصبة وماتبي تسمع اسمه ولاطاريه وفارس وقف قلبه على باله انها تدلفع عنه وماحس على عمره الا وهو واقف قبالها ويقول لها بهمس/تحبينه!!!تحبين فارس؟؟
رفعت راسها بتغسل شراعه وسكتت يوم شافت الشبه الكبير بين محمد وبين اللي واقف جنبه؟؟؟
///////////////////////////////////////////////////////////////////
أي دموع اللي ذرفها خالد ذيك اللحظات مايدري....
أي مشاعر جته وخلت كل رجولته تطيح مرة وحدة بعد مايدري!!!
كل اللي عرفه انه ظل فوق الساعتين واقف عند باب الحمام يكلمها ويترجاها تسمعه وتسامحه وهي مالها أي صوت غير شهقاتها ودموعها اللي ماوقفوا وكانها تعاقب نفسها على جريمة مااقترفتها!!!
ماقدر غير ياخذ نفسه ويطلع من البيت يمكن انها ترحم حالها وتطلع......
اول ماصار بسيارته ومشى من قدام الشقة دق على عبدالله...
عبدالله/هلا والله...لقيتهم!!
خالد وهو يمسح دموعه/ربك فوق ياعبدالله اراد انه يفضحني عندها؟
عبدالله بذهول/وضحى درت عن اللي سويته؟؟شلون؟
خالد كان يبكي بذيك اللحظات..
عبدالله/منو قال لها؟
خالد/ماهي راضية تسمعني!!
عبدالله بانفعال/خالد احلف!!تبيها توقف تسمعك وتقول لك كمل كذبتك؟؟؟اكيد مابتوقف تسمعك؟انت جرحتها جرح ماممكن تسامح فيه ياخالد انت خنتها فاهم وش معنى الخيانة ياولد الناس؟
خالد بتعب/انا ماكنت اقصد اسوي ها الشي واجرحها؟
عبدالله بصرامة ماتناسبه/خالد انت خنتها باارادتك لاتكذب على نفسك وعليّّ!! انا كنت معك ؟؟
خالد بتنايب/أي بس..
عبدالله/تحمل...كل شي بيجيك منها تحمله؟
خالد/............
عبدالله/انا مااقول الا الله يطلع ها الولد من سالفتكم على خير؟
وقف قلب خالد وقال بصوت خايف وكانه يتذكر/وش تقصد ياعبدالله؟؟؟وضحى ممكن تسوي شي في الولد ولافي نفسها ويتاْذون؟
عبدالله/انت ماتسمع عن السوالف اللي تصير؟اذا واحد خان زوجته وش تسوي في نفسها؟خالد انت كنت تحبها وجرحتها..
خالد بدموع/واحبها!!والله بعدني اموت على التراب اللي تمشي عليه؟عبدالله صدقني احبها....
عبدالله/مدري شقولك...
خالد/كلمها ماهي راضية تسمعني!!قول لها لاتسوي في نفسها ولا في وليد شي....انا احبهم وبظل احبهم وها الغلطة والله ماراح تتكرر؟
/////////////////////////////////////////////////////////////
كان تركي يمشي بعصبية وهو ناوي الشر على سعود وماوقف لكلام نوف وصوتها اللي كان يناديه وبس صار عند الباب الخارجي,,,
كانت يد نوف ماسكة الباب واليد الثانية على كتف تركي....
لف لها بسرعة ويوم شاف دموعها انكسر قلبه اكثر واكثر,,,,
نوف بترجي/تركي...تكفى لا ياولد عمي!!
تركي وهو لاف للجهة الثانية/نوف تركيني..
نوف بهمس/علشاني...مو اللي شان عندك؟
ناظرها وعيونه كانت تقول كلام كثير ماتحملت نوف تشوفه وغمضت عيونها وهي ماهي قادرة تتحمل اللي تشوفه بعيون تركي..
تركي بهمس/لك كل الغلا والشان يابنت عمي بس لازم كل واحد بالعالم يدري انك مو قليلة وان في ناس وراك ماتحب تشوف دموعك...
نوف بتنهيدة/خلاص...انا ماابي يصير بينك وبينه شي....
تركي/طب ليه ابي افهم ليه؟
نوف/لان في شي بسويه..وبيعقد الامور زيادة...انا عارفة....تركي خلاص انسى السالفة؟
تركي ظل يناظرها بدون مايقول شي....
نوف/انسى السالفة طيب...ماابيك تسوي شي ولاتعرض نفسك لااي كلمة علشاني!!
تركي وهو شاد على يدها اللي فوق كتفه/علشانك انتي مو رايح له!!بس صدقيني نويت له على نية شينة والله وغلاة ها الدموع على قلبي ماراح اعديها له ابدا!!انتي تنزل دموعك وانا موجود يانوف لاوالله مابعد جابته امه هذا اللي يبكيك وانا مكتف يديني واناظر؟
حصة من وراهم/والمناسبة؟؟معقولة نخوة عيال عم لبعض وبس!!!
//////////////////////////////////////////////////////////////////
نواف وياسمين ظلوا على عنادهم في المطعم وكل واحد بس يناظر في الثاني وحتى لؤلؤة واحمد تمللوا وهم ينتظرونهم برى لانهم قعدوا فوق الساعتين ونواف وياسمين كل واحد اعند من الثاني,,,...
بعد صياح احمد اللي كان واقف قبالهم وتملله نواف مسك جواله ونظارته ووقف...
وابتسمت ياسمين في داخلها بس قالت بتخليها لبعدين,,,
يوم دفع الحساب ومشوا وهم نازلين كانت جنبه وقالت بنتصار/منو فينا تنازل وانكسر راسه؟
لف لها بغضب وموعاجبها اعتزازها بنفسها/خير؟لايكون مفكرة بس انك انتصرتي؟؟
ياسمين بتحدي/ليش عندك شك؟
نواف باحتقار من ورى قلبه/لعلمك قمت لان المحلات فتحت ولازم اخذ لك شيلة ثانية غير هاذي وماابي ااْجلها ؟
ترك يدها ومشى عنها وهي تمت تناظر فيه وتحركت بسرعة علشان تلحق على عمرها وتركب ورى لانها مستحيل تقعد جنبه,,,,
بس خاب املها يوم شافتهم رايحين للشاطى مول,,,,
وتأْففت....
وقفت جنب لؤلؤة وهمست لها/انا اسفة على اللي صار بس..
قاطعتها لؤلؤة/انا اللي اسفة...ودارية بتجيك ايام اصعب بس تراه قلبه طيب..انتي بس حاولي تتجنبين عناده وبتاخذين منه كل اللي تبيه؟يعني انتي عارفة تجربته مع ريم و..
ياسمين بسرعة/ريم؟؟؟هو ليه طلقها يالؤلؤة؟
////////////////////////////////////////////////////////////////////////////////

...//////////////البارت التاسع والثلاثين والاربعين,,,
////////////////////////////////////////
ابو تركي/منو هذا اللي تحبينه وتموتين فيه يامشاعل؟
مشاعل سكتت وابتسمت لاابوها....
سعد مسوي يدافع عنها/تحبني انا!!!
ابو تركي وهو يضحك/وانا وين رحت اذا حبتك انت!!!
مشعل/شكلك مستقل فينا ياعمي بو تركي؟
ابو كي/افا....
سعد/أي صاير تحكي مثل ولدك تركي؟ترى اذا مثقلين عليكم بنروح بيوتنا!!!
ابو تركي باعتراض/لاوين تروحون وانتوا منورين البيت لنا....
مشعل/قلنا يمكن متضايق منا ياعمي!!
مشاعل/ماعليك منهم يبى يبون يسون لك فلم هندي اللحين وتقعد تترجى فيهم...اعرفهم انا!!
ابو تركي/مو لانك مثلهم...عارفة طبايعهم؟
سعد/انفضحتي يابنت الخالة..
ابو تركي/مشاعل...اذا بتجهزين لك شي ترى ماباقي على الملكة غير اسبوع بس!!!
مشاعل/ليه يبى انتوا بتسووون ملكة بشكل موسع ولاعائلية بس!!
ابو تركي/والله عاد هو يقول يبي العرس قريب يعني شهرين ثلاثة,,,بس اكيد اهله ومعارفه وياكثر معارفه يابنيتي...
سعد/انا اقول فكري عدل ترى لسه باقي عندك وقت..
ابو تركي/تفكر بشنو؟
سعد مسوي انه كبير/تفكر في فواز يعني انا توني اقولها لسه عندك وقت اذا ماتبينه لاتوافقين وتغصبين نفسك؟
ابو تركي/لايابابا احنا نشتري ازواج لبناتنا وفواز انتهينا منه خلاص وش بعد تفكر...
مشعل ومشاعل ضحكوا على سعد اللي تفشل...
ابو تركي/الا وين نوف ماهي معكم؟
مشعل/اكيد تبكي...
ابو تركي/تبكي!!!ليه وش فيها؟
مشعل/من بنتك حصة..من امس وهي مبكيتها ومزعلتها؟
//////////////////////////////////////////////////////////
كانت واقفة تناظر بالشبه اللي بين الاثنين وقلبها واقع بين رجلينها!!
مستحيل اكيد مو هذا فارس لانه بدبي واذا نزل الشرقية اكيد بيسوون له عزايم الدنيا ومابتمشي سالفته كذا!!!!
بس محد قال لي انه هنا ولابتلميح بسيط,,,معقولة رجع والعزيمة اليوم علشان نلتقي انا وهو؟
لايانورة شفيك.....اي بس الشبة بينه وبين محمد كبير صحيح انا ماشفت صورته ولامرة بحياتي بس كلهم يقولون انه شبه محمد اخوه وصعب تفرقين بينهم وكانهم تؤام,,,,
حست برجفة كبيرة يوم دخل محمد المطبخ وظل بروحه يناظرها بعد ماتقرب منها وقال بنفس الهمس/ساْلتك اذا تحبينه!!!
ماعرفت شتسوي...حست ان هيبته ووقفته قبالها كذا نشفوا دمها وانها مو قاوية تتحرك من مكانها ولا تسوي شي بها اللحظة...
فارس وهو يبتسم ويقول/وش فيك خرستي مرة وحدة؟توك تاْخذين وتعطين مع محمد؟
ماتدري وش اللي خلاها تتنهد بالقوة وتمشي بسرعة لمجلس الحريم,,,,
واحتاست بعمرها يوم دخلت وهي شايلة الغطاء من عليها ..حست انها بتموت من الفشلة لان وجهها كان احمر وانفاسها تتسارع,,,
بس حمدت ربها انهم كانوا منشغلين بسالفة ويتهامسون فيها...
بس رجع دق قلبها من جديد يوم شافته جاي عند المجلس من المرايا اللي كانت قبالها وهو متردد يدخل ولا يرجع...
وقف قلبها ..معقولة هذا فارس؟؟؟طيب امي ماقالت لي انه جاي؟حتى خالتي طول ماانا قاعدة ماجابت سيرة اصلا!!!
زين اذا ماهو فارس من بيكون ماخذ راحته كذا في بيتهم مو معقول صديق محمد؟؟؟؟
وبعدين الشبه اللي بينه وبين محمد كبير واكبر من الكبير....
انا قلبي وقف من كثر الخوف....وش اسوي؟
لاويساْلني بقواة عين اذا كنت احب فارس ولالا؟
صدق وقف قلبها بها اللحظة وهي تذكر سؤاله؟؟؟أي هو فارس ولا ليش بيساْلها ها السؤال وبها الطريقة؟؟؟؟
هذا فارس يانورة هذا.....كاهو رجع وصار مايفصل بينك وبينه الا كم خطوة,,,,,
تحمحم فارس ورفعت راسها وغطت وجهها....
ام فارس وهي تناظر بنورة/نعم...
فارس وهو يبتسم لنفسه/ابي ادخل اسلم عليكم واتقهوى معكم..
ام سعد/حياك محمد...
ماتدري ليش رفعت عيونها تناظره وتفكر بكلمة امها/حياك محمد؟؟؟بس هذا مو محمد؟؟؟ليه هم مايبونها تدري انه فارس يعني!!
وقفت بسرعة وقالت لاامها بعجلة انا راجعة البيت.... وماانتظرت تسمع لاكلمة موافقة ولاغيره مشت بسرعة طالعة وكان هو لسه واقف عند المرايا بيدخل ولقاها طالعة وهي مستعجلة,,,
كان وده يوقف يكلمها بس انها كانت تمشي بسرعة وكان احد لاحقها...تبسم بينه وبين نفسه ودخل لهم المجلس,,,
/////////////////////////////////////////////////////////////////
كانت واقفة بغرفة نومها وهي تناظرها ودموعها تسبقها...
اكرهك ياها الغرفة يللي جمعتيني بانسان كاذب بمشاعره وخاين؟؟
كل زاوية فيك كانت تضحك مني وتسخر....كنتوا عارفين بخيانته ومع ذلك ماحسستوني باْي شي..
وقفت قبال فراشها وهي تمسح دمعة وتطيح بدالها الف دمعة....
ليه جمعتني معه بس!!ليه ماقلت لي انه ما عنده وفا واخلاص لي وان الكلام اللي كان يقوله لي هنا كان يقوله لغيري!!!!
مشت لدولابها وهي تناظر بالثياب اللي فيه...امتدت يدها برجفة وهي تشيل ثياب النوم وترميهم واحد ورى الثاني على الارض..كل واحد من ها الثياب اللي موجودة كان يذكرها بلمسة من لمسات خالد ولاكلمة من كلماته,,,,,
حست انها محترقة بنارها وماقوت توقف قبال ها الثياب اللي حست انهم بيخنقونها...مشت لعند المرايا وشالت البرواز اللي ضام صورة عرسهم والضحكة اللي كانت مرسومة بوجيهم هي وخالد...
تنهدت بحرقة وشالت البرواز ورمته باهمال على الارض قدامها وطاح وتكسر...مشت بين الزجاج المتناثر بلااهتمام واخذت عبايتها وطفت النور وطلعت من الغرفة ومن الشقة بكبرها,,,,
///////////////////////////////////////////////////////////////////////
لؤلؤة وقفت مكانها وقالت/شنو؟
ياسمين/ليه طلق مرته!!!اعتقد من حقي اعرف ومو حرام اذا عرفت الاسباب..
تنهدت لؤلؤة وقالت/ياسمين اذا تبين سلامة عمرك مع نواف لاتجيبين له ها السيرة..
ياسمين باعتراض/بيه؟
لؤلؤة بتنهيدة/لانه مايحبها؟
ياسمين بعد تفكير/ريم..
لؤلؤة ابتسمت لها وقالت/لاريم ولاسيرتها مايحبهم...
ياسمين/أي بس...
لؤلؤة/صدقيني لاانا ولاوضحى ندري هو ليه طلقها؟؟؟
ياسمين بياْس/شلون يعني ماتدرون؟
لؤلؤة/طلقها بهدوء شديد ومن نفتح معه السيرة قال سكروها لانه مايبي يتكلم بموضوع طلاقه ولايبي يقول لااحد ليه هو طلقها؟ليه ماندري؟وش اللي صار بينهم بعد ماندري؟منهو الغلطان هم ماندري؟
ياسمين/...........
لؤلؤة بمواساة/انا عارفة ان نواف عصبي حيييل وعنيد فوق ماتتصورين...بس صدقني قلبه قلب طفل...اذا سايرتيه ورقتي معه تلاقينه ولااحلى,,,
ماتدري ليه ياسمين مر في بالها ها اللحظة ليلة حفلتهم وتذكرت كيف كان حاضنها ....بس شنو يعني مايبي احد يدري عن اسباب طلاقه لمرته!!!
تنهدت بمرارة ...السالفة مع نواف اصعب من انها تعيشها...اذا اخته تقول عنه كذا فيعني اكيد هي بتتعب..
رجعها صوت لؤلؤةللواقع/انتي بس اعرفي الاشياء اللي يحبها وترضيه وتجنبي اللي تضايقه ولاتسويها ولاتحكين فيها وبتعيشين معه اميرة ..صدقيني!!
///////////////////////////////////////////////////////////////
حصة/بااي صفة ها الدفاع ان شاءالله عن ست الحسن والدلال؟
تركي بعصبية ثايرة لانه من الاساس طالع ناوي على الشر/بنت عمي!!!خير لك عندي شي!!!
حصة وهي تناظر بنوف اللي استحت من نظرة حصة وانتبهت انها كانت حاطة يدها على كتف تركي وسحبتها بقوة وبسرعة/ماابيك انت تجاوبني ابيها هي اللي تجاوبني!!
نوف بارتباك/انا...
تركي بانفعال/انتي وش تبين بالله!!!متى راح تعقلين؟
حصة بعصبية/لين تفتح عيونك وتشوف هي وش تبي منك؟
نوف ببكي/انا ماابي شي ياحصة؟
حصة باستهتار/أي صح....صدقناك وكسرتي خاطرنا لانك يتيمة....ياحليليك متى بتجي الحلقة الاخيرة من فلمك البايخ هذا!!!
لف لها تركي بعصبية وهزها من كتفها بعنف وعيونه كلها شر/شوفي اذا ماعقلتي ترى وقسم بالله بنفسي بطردك من البيت وبرميك بالشارع ومو سائل فيك حتى؟
حصة/انا بترميني بالشارع علشانها؟؟ليش هي وش تسوي لك علشان تبي تاخذ بخاطرها وترضيها؟
شهقة نوف هي اللي خلت تركي يرفع يده على اخته...
حصة بشهقة/تمد يدك عليّ ياتركي علشانها؟؟لاحظ انها..
قاطعهابانفعال/حصيص ووجع اللي يوجعك؟قسم بالله كلمة وحدة تقولينها عن نوف لاتلومين الا نفسك...
حصة/لاوالله!!!
تركي بتهور/هاذي بتكون ....
ابو تركي بعصبية/وانت بتاْخذ وبتعطي معها بعد ياتركي!!!لو انك رجال رميتها بالشارع علشان تتاْدب؟؟؟
كان يناظر باابوه وبمقاطعته لهم بها اللحظة بالذات واللي كان بيقول فيها انها بتكون زوجته بس يمكن خيرة انه مانطقها علشان يكلمها هي بالاول؟
حصة/يبى...
ابو تركي بعصبية/وحطبة ان شاءالله!!!انتي متى بتعقلين بالله!!!
نوف اخذت بعضها ودخلت لان الموقف تاْزم حييل بوجود عمها اللي كان وراهم هو ومشعل وسعد ومشاعل,,,,
ابو تركي/حصة هاذي اخر مرة اقولها لك نوف لاتقربين صوبها تراها هي ومشاعل عندي واحد ولاتخليني اعيدها لاني اذا عدتها انتي بتكونين خسرانة ساعتها!!!
////////////////////////////////////////////////////////////////////////////كان قاعد قبال البحر ودموعه تسابقه...
مايدري أي ضيق قاعد يمر فيه واي خنقة هي اللي خانقته...
ليه ياربي ليه....ابي زوجتي وولدي,,ابي اعيش بقربهم ويحبوني واحبهم؟؟؟
ماابي وضحى تزعل مني وتظل محتقرتني وتفكرني كنت اتلاعب بمشاعري معها وانا فعلا احبها!!!
ابيها تظل مبسوطة ومرتاحة وماتسوي بنفسها ولابوليد أي شي,,,
كان يغمض عيونه بين الفترة والثانية وهو يتذكر مواقفهم الخاصة مع بعض,,,همسها,,,كلمة حبيبي,,,كلمة ماراح نفترق لاني اموت فيك واموت اذا بعدت عني,,,
كل ها الشي كان متعبه حيييل,,,
ماقدر يتحمل اكثر قام مرة وحدة وراح ركب سيارته ورجع الشقة,,,
صحيح ان اللي صار حط بينها وبينه حاجز بس مالازم يوقف مكتوف خل يعتذر من اللحين لين تفكر ترضى بس لازم تعرف انه نادم ومتحسف,,,,
فتح باب الشقة وهو حاس بالخجل من نفسه وبالانكسار لانه مو قاوي يحط عيونه بعيونها بس لازم يحاول ,,,,
جاه شعور كئيب يوم دخل والانوار كلها مطفية وانقبض قلبه....
فتح انوار الصالة وكانت مثل حالها من الصبح ماتغير فيها أي شي,,,,
لاشعوريا راح لغرفة النوم وفتح النور.....وقف مكانه عند الباب وهو يشوف ثياب نومها مرمية عند الدولاب....
ويوم لف لقى صورة زواجهم مكسورة,,,
غمض عيونه بقوة وهو حاس بمرارة الشي اللي جايه....طلعته كانت غلط لان وضحى طلعت من الشقة وكاهي السالفة تصعبت عليه,,,,,,
///////////////////////////////////////////////////////////
افترقت عن لؤلؤة اللي كانت تبي تتسوق شوي وهي مالها خلق شي...
كان تفكيرها بنواف وطلاقه شاغلها بجهة وبجهة ثانية ذابحها الجوع لانها حتى مافطرت زين الصبح من جدها وجدتها؟؟؟
راحت عند باسكن وطلبت لها ايسكريم وراحت عند الطاولات وجلست وقامت تاْكل فيه بهدوء,,,,
نواف من وراها/أي هذا شاطرة تاكلين منه...الاكل اللي طلبته لك بالمطعم مالمستي منه شي؟
قالها وجلس قبالها...
ياسمين/منو قال لك اجلس معي بنفس الطاولة؟
نواف قرب وجهه منها/خير ماسمعت!!!
لفت عنه وماقالت شي....

وسحب الايسكريم من جنبها وقالت باعتراض/انا جوعانة؟
نواف بلامبالاة/منو قال لك لاتاْكلين يوم طلبت لك بالمطعم؟ولاشاطرة بس تاكلين هذا!!!
ياسمين بعصبية/كيفي اكل اللي ابيه؟
سكت عنها وماقال شي وظلت هي تناظره وهو ياكل ايسكريمها وهو عيونه بعيونها,,,
كانت تشوف شي غريب فيه شنو ماتدري ولاهي قادرة تفسره..
قاطعها صوته القوي واللي كان حنون بالنسبة لكل مرة يتكلم فيها/اخذ لك شي تاكلينه؟
ياسمين بعناد/لو كنت ابي شريت لي وماانتظرتك؟؟؟
نواف/مو تقولين جوعانة؟
ياسمين/..............ابي ارجع البيت؟
نواف برواق بعد ماخلص من الايسكريم/ليه؟
ياسمين بعصبية/لاني نعست وابي انام مانمت البارحة زين؟
نواف وهو يبتسم/أي بس صوتك ماداخ مثل البارحة؟
//////////////////////////////////////////////////////////////////////////
بروحها كانت شابة فيها نيران مو طبيعية واستئذنت بسرعة وراحت بيتهم,,
ياربي وش ها الورطة اللي انتي فيها يانورة؟
فارس رجع......
ليش رجع بها السرعة وبدون مقدمات ومحد فكر يعطيني خبر؟؟؟
معقولة هذا هو فارس اللي يبون يزوجوني اياه!!!
طيب ليش محد كان ناوي يعرفني عليه؟
معقول هو طلب ها الشي؟
وليش كان جاي يسولف بالمجلس مع الحريم؟؟؟
معقول جاي يسولف معي ويشوفني؟؟؟
وليه امي قالت له محمد ماقالت له فارس؟؟
وليش سئلني اذا كنت احب فارس ولامااحبه؟؟؟
وقف قلبه وارتعشت اطرافها يوم تذكرت شكل فارس وهو واقف قبالها ويسئلها ها السؤال؟؟؟؟

/////////////////////////////////////////////////////////////////
فواز كان قاعد بمكتبه وجالس يسولف مع خالته بالتلفون,,,, ودخل عمه راشد ووراه السكرتير اللي كان منحرج من دخلة راشد بدون استئذان واشر له فواز يطلع انه عادي راشد ماهو غريب...
فواز وهو على التلفون/أي خالتي......مدري....بس انا ابي اخذ لها هدية حلوة ها مو تفشلوني مع حبيبة قلبي...
التقت نظرات راشد وفواز بها اللحظة....
وكمل فواز كلامه وماكاْنه يشوف راشد/أي أي....مدري بس انا قلت اعطيها اياها..قبل الملكة......انتي وش رايك؟لاعاد كل شي الا مشاعلي انا ماارضى عليها ياخالتي......خلاص بس توصلين لشي حلو عطيني خبر,,,,,مع السلامة...
فواز/هلا...........
راشد كان سرحان وماانتبه له....
فواز بقوة خلت راشد يرفع راسه/قلنا هلا.....
راشد/اهلين...
فواز/سرحان عسى ماشر؟
راشد بدون مقدمات/انت تحبها يافواز؟
فواز/منهي؟
راشد/مشاعل...اللي انت خاطبها؟
فواز بجدية/وانت مالك؟
راشد/لابس اشوفك متحمس مرة لها....
فواز/طبيعي واحد بيتحمس اذا قربت ملكته ولاانا غلطان؟ راشد/....................................
فواز بجدية اكبر/راشد في شي......احس ان زيارتك لي ها الايام وراها شي؟
راشد بهدوء/انا اقول خطوبتك مالازم تكمل يافواز؟؟؟
///////////////////////////////////////////////////////////////////////
نوف بضيق/والله اني ماتمنيت الامور توصل للدرجة هاذي!!!
سعد/احسن تستاهل حصيص علشان تدري ان الله حق؟؟
مشاعل بهدوء/شوفي نوف...صحيح حصة اختي الكبيرة وماارضى عليها بس بعد انها كل ماشافتك رمت عليك كلمة وكلمتين يسمون البدن لاهاذي ابدا انا ماارضاها!!
مشعل مسوي جاد/وعلى حد علمي ماهي بالمرة الاولى..
نوف بنفس الضيق/أي بس هي كذا بتكرهني اكثر...
سعد/بالناقص....
نوف/..............احس اني منحرجة؟
مشاعل/وش سالفتك انتي مع سعود امي تقول بتروحون المحكمة بكرة؟
نوف تنهدت....
مشعل/بدون زعل بدون زعل انا خمسة مااحبهم بالعايلة..جدي وجدتي وحصيص ومراموه....وسعود اخوك يانوف...يالله انه يعيشني لذاك اليوم اللي اشوفهم فيه مقهورين وميتين من الغيظ؟
مشاعل/هههههههههه انت عجيب بصراحة؟
اقول نوف بس خلي عنك النكد وضحكي لان الدقايق اللي فيها سعد ومشعل ببيتنا محسوبة علينا!!!
سعد/أي وهي الصادقة احنا مو كل يوم بنقدر نترك اشغالنا وبنجي ننام عندكم؟
ابتسمت لهم نوف...ومشعل قام يصافر...
سعد/وش رايك يانوف اوريك بعد شوي بحصيص واطلع لها قرون؟
//////////////////////////////////////////////////////////////
دخلت البيت وهي حاسة بشي غريب ,,,
دخلتها ها البيت اكثر من تسع سنين,,,يوم يشتري لهم نواف البيت اللي هم عايشينه وينتقلون هناك...وبعدها خلاص ماطبوه مرة ثانية ولاشافوا...
هذا البيت اللي كانت امهم قبل لاتتزوج تبيهم يكتبونه لها باسمها بس عمهم ابو خالد مارضى وقال لهم خلوه لكم بينفعكم مع الزمن,,,
هم صحيح مااجروه وظل مسكر بس كلمتك كانت صح ياعمي هذا انا احتجت اني اجيه واطلع من بيت ولدك اللي ماعاد لي أي قيمة فيه,,,
////////////////////////////////////////////////////////////////////////////////////
اشوفكم عى خير يوم السبت...

البارت الواحد والاربعين,,,
///////////////////////////////////////////////////
قامت بتمشي عن الطاولة اللي كانوا قاعدين فيها ومسكتها يده بالقوة وقال لها بحدة/خير ان شاءالله على وين؟
ياسمين بهدوء/على جهنم الحمرة؟
نواف/بتروحينها بس مو اللحين...
ياسمين/تبي شي؟
نواف/انا اللي اساْل ها السؤال مو انتي؟
ياسمين/طيب اسئله بسرعة لو سمحت؟
نواف/خير؟؟ماسمعت سمعيني؟
ياسمين بنرفزة/انت وش تبي مني؟
نواف/انا زوجك يابابا ولاانتي ناسية؟
ياسمين بتاْفف/لامانسيت بس ابي اقوم امشي بالمول شوي؟
قام نواف وهو بعده ماسك يدها/قمنا نتمشى يالله؟
ياسمين رجعت قعدت وهو يناظرها...
ياسمين/غيرت رايي ماابي امشي ابي اقعد؟
كانت يده بعدها ماسكة يدها ورفعها بالقوة من يدها ووقفت وهي تناظر فيه وقال بحدة/انا مو مجنون مثلك وبسوي حركاتك السخيفة ساعة قايم وساعة قاعدة؟قومي امشي قدامي بس!!
ياسمين بالم حاولت تخفيه/ماابي امشي مو غصب؟
نواف/انتي اصلا غلطان اللي ياخذ ويعطي معك بالحكي...قايل انا ماتمشين الا بالعيون الحمرة وبالغصب؟
ياسمين/اووووووووووووف زين...
نواف/قولي اللي تبينه ماتهميني؟
غير وضعية يده وحط يدها في يده ومشها معه...
ياسمين/وين ولدك ؟
نواف/مات وارتحنا منه انتي وش له تسئلين؟
ياسمين/................
نواف/في شي؟
ياسمين/لا...
نواف/لاقولي اذا في شي ...اطربينا؟
ياسمين/ابي ارد بيتنا؟
نواف/غيرت رايي لاتطربينا...ظلي ساكتة ابرك من ها الموال اللي تعيدين وتزيدين فيه؟
///////////////////////////////////////////////////////////
خالد/وين مدام وضحى؟
الشغالة/مافي موجود؟
خالد/شنو يعني مافي موجود؟
الشغالة/مايجي اليوم؟
خالد بتردد/شلون يعني مايجي؟
الشغالة/مافي احد...
خالد/طيب وين بابا نواف ومدام لؤلؤة؟
الشغالة/يطلع يتغذى برى اليوم...
شرد خالد بافكاره لبعيد....معقولة تكون قايلة لهم يمرونها ياخذونها بطريقهم؟؟؟
أي بس الساعة اللحين كم....اي غذى هذا؟؟؟؟
ياترى دقت عليهم ولا شنو بالضبط؟
وضحى حرام عليك خليني ارتاح ياعمري...بالي مشغول عليك؟
رفع جواله ودق لعبدالله اول ماطلع من بيتهم..
عبدالله/هلا خالد...
خالد بزعل/ماهي هنا في بيت اهلها؟
عبدالله/يمكن هي قايلة لهم يقولون لك انها ماهي هنا؟
خالد/لا..هم اصلا طالعين من الضهر يتغذون برى؟
عبدالله/طيب يمكن مروها واخذوها معهم,,,,
///////////////////////////////////////////////////////////////
مشعل/هاذي حصيص جاية يالله نطلع عيونها؟
نوف بترجي/لا تكفون انا ماابيها تزيد بينا....
سعد/روحي قعدي بعيد واللي يعافيك اذا مانخليهم تمشي وتقول أي زي السودانينين مانطلع احنا عيال قرية...
مشاعل/اخاف يجينا احنا يوم ونروح فيها معكم؟
مشعل/انتي ياام فواز حسابك بعدين..
مشاعل بخوف/يعني جايني الدور؟
سعد/طبعا...
جلست حصة وهي عيونها نيران شابة بنوف اللي كانت قبالها....
وعم السكون المكان....
كانت نوف بتكلمها بس مشاعل همست لها بكلمات توعيد انها ماتقول شي لان حصة الغلطانة وهي اللي لازم تبدي الكلام....
قاموا مشعل وسعد وجلسوا واحد جنب حصة عن اليمين وواحد بالشمال وبتدت عندهم المسيرة,,,,
سعد بصوت عالي/اقول يازول...
مشعل بصوت اعلى/أي...
سعد/يازول..
مشعل/أي..
سعد/يازول..
مشعل/أي..
كانت حصة تتلفت ناحيتهم بقهر وهي ودها تكفخهم ونوف ومشاعل ماسكين اعمارهم لايموتون ضحك عليهم,,,,
حصة بقهر/عقلوا انت معه؟
مشعل/أي
حصة بنرفزة/بلا جنون؟
سعد قلب مصري/انتي بتكلميني يااختي؟
حصة/الشره على اللي عاطيكم وجه ولاانتوا مو بكفو؟
مشعل/ها حصيص..بدينا.
حصة/اسمي حصة ياقليل الادب؟
سعد يقلدها/سمعت اسمها حصة ياقليل الادب وابوها كان بيطردها من البيت لانها مو قليلة ادب؟
حصة/خير...عيد اللي قلته؟
مشعل رفع راسه وشاف ام تركي بتجي لهم وقام يبكي....
سعد/أي خطة هاذي ماقلت لي عنها؟
مشعل وهو يتباكى/قول انها طقتني وطردتني من البيت؟
حصة/الحمد الله والشكر....
رفع مشعل صوته بالبكي وسعد وقف وعطى الباب ظهره كانه مايشوف خالته ووقف قبال حصة وهو ياْنبها/يابنت العالم حرام عليك وش مسوي لك مشعل علشان تحطين حرتك فيه!!
مشعل وهو يتباكى/والله ماسويت شي؟
سعد/قوم نروح بيتنا يامشعل قوم...
مشعل/انا ماقلت لها شي صدقني وانا اخوك؟
سعد/ياحصة حرام عليك مو كل شي يقهرك ويضايقك؟انا ابي افهم وش ضايقك مشعل فيه بس!!
ام تركي/مشعل وش فيك تبكي يمه؟
مشعل سوى روحه يمسح دموعه/ولاشي خالتي...
سعد/بلى...قول لها ان بنتها طقتك ليه خايف؟
مشعل/مو خايف بس ماابي مشاكل؟
ام تركي بصراخ/حصة ووجع ان شاءالله شغلتك بس تجين البيت وتقلبينه فوق تحت لنا!!بذمتك وش مسوي لك مشعل ماتقولين لي!!!هذا مسكين قبل لاتجين يقول بياخذ ولدك ويطلع معه تقومين تطقين...بس صبري بعلم ابوك؟.
مشعل مسوي يترجاها/لاخالتي تكفين لاتقولين له بعدين يطردها صدق وتكرهني وتسويلي سحر..وامرض بعدين؟
////////////////////////////////////////////////////////
ابو تركي/شفيك؟
كان تركي واقف قبال النافذة وهو سرحان ويوم كلمه ابوه لف له وماتكلم....
ابو تركي/في شي ياتركي؟
تركي بزفرة طويلة/نوف وحصة؟
ابو تركي/شاغلتني علاقتهم ببعض؟
ابو تركي بتنهيدة/وانا اكثر يابوك...بس ماني عارف شسوي؟
تركي بشرود/ليه تكره بنت عمها ها الكثر عاد؟رغم ان نوف مسالمة وماعمرها ضرت احد؟
ابو تركي/امك تقول يمكن انها غيرانة منها...
تركي/أي بس بنتك تدور المشاكل دوارة يايبى...ولازم توقفها عند حدها...
ابو تركي/وانا مو قادر اسوي شي ....حصة بنتي الكبيرة...ونوف بنتي وبذمتي ياتركي....
تركي/قالت لك امي؟
ابو تركي/عن سوادة وجه سعود؟
تركي/أي....
ابو تركي/وانت شقولتك ياتركي...
تركي/هذا حلالها يايبى واحنا مالنا شغل بللي بتسويه فيه...بتظل بينا ومعزتها مابتتغير؟
ابو تركي/كفو ياولدي ياتركي كفو.....
تركي بتردد/يبى......نوف....انا...
ابو تركي ببتسامة/شنو يبى.....في شي...
تركي/ها....لا بعدين بقولك.....
//////////////////////////////////////////////////////////////////////
كانت واقفة بغرفتها القديمة والمتواضعة جدا....
البيت يبيله شغل كثير علشان تقدر تعيش فيه...بس ماعليه شوي شوي ياوضحى وبتقدرين....
وقفت قبال المرايا وهي تتنهد بقوة,,,
فتحت شعرها وظلت تتاْمل بوجهها وجسمها...
ياترى كيف شكلها ياخالد اللي خذتك مني!!!
اطول ولااقصر؟ابيض ولااسمر؟؟
انحف ولااسمن؟اجمل مني ولاجمالها اقل مني؟؟؟
كم مرة خنتني معها ياخالد ومع غيرها؟ولاهي بس اللي موجودة بحياتك ومافيه غيرها؟
طيب انا كيف ماحسيت على شي؟ليه دايم كنت تجيني وانت محترق بنارك واصدقك؟
دمعت عيونها وجلست على الارض وهي تحس بخنقة الجو من حوالينها...
كيف قدرت تعيش معي ياخالد وانت تخوني برى الشقة كيف؟
أي ضمير كان يعيش فيك ياولد عمي!!!!
حطت يدها على بطنها وهي تكلم اللي قاعد يكبر بداخلها ومعذبها لان ابوه صار شي كريه بحياتها...
تبي تطلع للدنيا ياولدي؟ليه؟منو قال لك ان الدنيا حلوة وانك بترتاح فيها بس!!
بتعيش ايام سودة وبتقول ياليتك ياايمه ماجبتيني!!وظلمتيني بها الدنيا؟؟؟
///////////////////////////////////////////////////////
ياسمين/سؤال عارض ممكن ترد عليه؟
نواف/شنو؟
ياسمين/وبتجاوبني؟
نواف/بفكر.....
ياسمين/معناته مو سائلة؟
نواف/ليه؟
ياسمين/لاني ابي اجابة صريحة وماابي تسكت عني وماترد....
نواف/في شي مهم تبين تعرفينه؟
ياسمين/اشياء مو شي واحد؟
نواف وهو بعده ماسك يدها ويمشي معها/شنو؟
ياسمين/اول شي ليش ماسك يدي يعني تتوقع اني بضيع؟
نواف وهو يناظر فيها بنظرات مافهمتها ولاقدرت تفسرها/وثاني شي؟
ياسمين/دورت راسي وابي ارتاح...قاعدين ندور بدون هدف؟
نواف بسخرية/هاذي عاد ماتتصدق انتوا ياحبكم للاسواق والدوارة فيها !!!اللحين صايرة تدورين بدون هدف؟
ياسمين/*حبنا للاسواق اذا دخلنا المحلات مو بس ندور كذا من برى؟
نواف/وبعد وش الاشياء اللي تبين تعرفينها؟
ياسمين/يكون ذابح نفسك يعني وقاعد تجاوبني؟
نواف/يالله قولي؟
ياسمين بتردد/ليه طلقت زوجتك؟
رمى عليها نظرة سكتتها وظلوا ساكتين ثواني وبعدها قال وهو يلف بعيونه بعيد عنها/اللحين وش ها المجمع التعبان اللي مافيه محل للعبي؟
ياسمين/ها.....
نواف/اذا مفكرة اني نسيت اشتريلك شيلة جديدة فاانتي غلطانة؟
/////////////////////////////////////////////////////////////////
على التلفون...
نوف/انتي متاْكدة يانورة انه فارس؟
نورة/طبعا هو....
نوف/طيب يمكن يكون خاله ولاعمه ويشبه محمد...
نورة/وبياخذ راحته كذا بالبيت وبالسوالف مع امي؟؟؟لالالامستحيل هذا فارس...بس اللي بيجنني شي واحد ليه ماقالوا انه رد من دبي؟وليه امي بالذات قالت له تعال يامحمد وصوته مايشبه محمد بشي؟
نوف/غريب......مدري شقولك؟
نورة/احس اني قاعدة اتراجف يانوف....
نوف/ليه...وش حسيتي فيه؟
نورة/مدري...بس ارجح ها الشعور على انه خوف؟
نوف/يوم سئلك اذا كنتي تحبين فارس ولالا كانت بلهجته سخرية وشماتة؟
نورة بدفاع/لاابدا!!ماحسيت بلهجته شي غير انه......مدري بس شي خوفني بنظراته وبلهجته...مااعرف كيف اوصفه لك؟
نوف/نورة...اليوم صار بيني وبين تركي وحصة موقف سخيف....
نورة/يو ...حصيصي اكيد فهمت السالفة على كيفها....
نوف تنهدت/مااقدر اناظر بعيونه,,,احس اني قاعدة اظلمه....احس ان قدري اكبر من أي شي بالعالم عنده...
نورة بخبث/وش بعد مكتوب بعيون تريك اللي طلع مخبي وراه سالفة؟
نوف تنهدت/مدري شقولك...بس اليوم كان مستعد يروح يتذابح مع سعود علشاني...قال لي ...كل شي ولايشوف دموعي يانورة.....
احسه غرقان ...وانا....وانا مو عارفة شسوي؟
نورة/عارفة...اخوه مرحلة والمفروض انها تكون انتهت,,,وبعدين انتي احمدي ربك ان محد يدري عن حبك لعبدالله حتى هو نفسه علشان تقدرين تفتحين قلبك لتركي وتعيشون بحب مدامه يحبك ويبي سعادتك يانوف...
نوف/عارفة ها الشي...وعارفة ان تركي مستعد يذبح امه وابوه علشاني وماعندي أي شك فيها...بس القلب اللي يختار الناس اللي يحبهم يانورة مو احنا...مقدر اخلي قلبي ينسى عبدالله بليلة ويوم ويحب تركي...افهميني؟
نورة/بس انتي عارفة ان عبدالله بيرتبط بغيرك؟
نوف/ادري...بس بعد لازم اعطي نفس وقت انساه .....
////////////////////////////////////////////////////////////////////
اخر الليل كانت ياسمين جالسة على فراشها وتفكيرها كله باللي كانت معه اليوم.....
وقطع عليها تفكيرها صوت جوالها....
كان نواف اللي متصل وابتسمت يوم شافته وردت عليه بسرعة وقالت له/نام خلاص لاتشغل بالك تراه مايسهر في بيتنا ومايتدلع علينا؟
نواف بذهول/ها...منهو هذا؟
ياسمين بخبث/احمد...انت مو داق تسال عنه اذا كان نايم ولالا؟
نواف بارتباك/ها...اي....ماْذاكم؟
ياسمين وهي كاتمة ضحكتنا/لا.....
نواف/.............
ياسمين/في شي...
نواف/ها....
ياسمين بهمس/شكلك انت بعد تبي تنام...روح نام تصبح على خير؟
نواف/لاانا مافيني النوم؟
ياسمين/امممم...وش تبي؟
نواف/اقول ياسمين...وش كنتي تبين تعرفين بعد اليوم وماسئلتيني؟
ياسمين وهي تناظر بالشيلة اللي اشتراها وهي حاطتها بحضنها/أي بس انت ماتجاوبني على اسئلتي؟
نواف/قولي....
ياسمين/سئلتك اليوم وماجاوبتني؟
نواف/باي خصوص...
ياسمين/طلاقك؟
نواف بعصبية/هذا الموضوع مالك شغل فيه ولاتسئلين عنه بعد؟
ياسمين بهمس/بس انا زوجتك اللحين ويهمني اعرف يانواف...
نواف بصرامة/قلنا خلاص لاتفتحين ها السيرة..عندك سؤال غيره سئلي ماعندك بلاش تهذرين هذرة فاضية؟
ياسمين بزعل/خلاص ماعندي تصبح على خير؟
نواف/زعلت!!ماعندها شي غير الزعل؟انتي ماتعرفين غيره؟
ياسمين/ومن قال اني زعلت عاد؟؟؟
نواف بخبث/يالله اجل سولفي؟
ياسمين/وش تبي اقول يعني!
نواف/مثلا....متى بنحدد موعد الزواج؟
//////////////////////////////////////////////////////////////
يوم ثاني الصباح بالمحكمة...
كانت نوف تعتبر هاذي اخر لحظات وداعية بينها وبين سعود اللي كان يناظرها من وقعت وطلعت....
ابو تركي/نوف يبى...انتي..
قاطعته نوف/خلاص عمي...انا هذا الشي هو اللي بيريحني صدقني؟
ابو تركي/بس يانوف....
نوف/انا بخلي تركي يوصلني,,,,,,,عمي...انا احبك كثير واعتمد عليك بكل شي ومعتبرتك ابو مو عم...
ابو تركي/نوف...انتي بنتي وانتي عارفة ها الشي...
مشت عه وصارت قرب سعود وانسحب عمها بس ظل تركي واقف بعيد ينتظرها...
سعود /انتي..
رفت راسها وناظرته/مع السلامة ياسعود...ياخوي...ياسندي....لابغيت شي تعرف مكاني....ماراح اتصل فيك ولااساْل عنك....لاني مقدر اذل نفسي اكثر خلاص؟؟؟
قالت ها الكلمتين ومشت ومشى وراها تركي....
كانوا قاعدين بالسيارة بهدوء....
نوف/تركي...
تركي/هلا...
نوف/فينا نروح البحر...
تركي/البحر..البحر....حاضر؟
تنهدت وسندت راسها على الكرسي وغمضت عيونها....
وصلوا البحر ونزلوا يمشون...
كان يمشي معها وهو ساكت وهي ساكتة...
نوف/قول شي؟
تركي/شي مثل شنو؟
نوف/مدري أي شي؟
تركي/فاجاْتيني بللي سويتيه...مثل مافاجاْتي غيري؟
نوف بغصة/لاني عطيت عمي التوكيل وماعطيته سعود؟
تركي/يمكن,,,,
نوف تنهدت بقوة/اصلا كان من زمان لازم اسوي ها الشي مو انتظر يجي سعود ويطلبه؟
بس تتوقع سعود يسوي شي؟
تركي/على أي اساس يسوي....مايقدر...انتي سويتي التوكيل لاابو يبرضاك...
نوف/بيني وبينك كنت بسوي التوكيل لك انت!!!بس خفت تنفهم السالفة غلط....وقلت عمي فيه الخير والبركة....
تركي/نوف.....
نوف/عطلتك عن دوامك اليوم؟
تركي/لاانا متفرغ لك؟
نوف وعيونها تدمع/انا تعبانة ياتركي....وادري انك دايم جنبي وحبيت اقولك شكرا؟
تركي بتاْثر/سعود..مضايقك؟قال لك شي قبل لاتطلعين وضيق خلقك؟
نوف وهي تمسح دموعها/لا
تركي/اجل حصة.بعلمك فيها..
نوف/لا......لاحصة ولاسعود...انا تعبانة من شي ثاني ياتركي...انا انجرحت وبحياتي ماتحيرت وانحطيت بموقف مثل كذا!!
تركي بهمس/وش اللي صاير يانوف قولي لي!!!
نوف/ولاشي...بس صدقني وجودك معي هنا مخفف عني....تركي....انت تبي تقول شي؟
/////////////////////////////////////////////////////////////////
ام سعد/وش فيك قالبة الخلقة؟
نورة بتردد/يمه............انتي ماقلتيللي؟
ام سعد/عن شنو؟
دخل سعد /يمه بسرعة بسرعة تعالي..
ام سعد/عسى ماشر....
سعد/ماشر بس تعالي ابي اوريك شي بغرفتي؟
قامت ام سعد مع سعد ونورة تشتم فيه لانها كانت بتسئلها عن فارس....
دق التلفون بها اللحظات وشالته نورة..
نورة/الو..نعم....
فارس/مرحبا....
نورة/نعم..
فارس/قلنا مرحبا...
نورة/خير...منو معي!!
فارس برواق/شلونك نورة؟
نورة/............
فارس/قولي طيبة الحمد الله ولاصعبة عليك؟
نورة بحدة/منومعي!!
فارس/ماراح اقولك الا اذا..
نورة بحدة/خير.....
فارس/وش فيك انتي تشبين بسرعة...كبريت؟
نورة/منو معي!!
فارس/لازم تعرفينه؟
نورة بنفاذ صبر/ياتقولي منو انت يابسكر التلفون بوجهك سامعني!!
فارس/يعين واحد يدري انك نورة اكيد عارفك ولاانا غلطان؟
ماتدري ليش مرت في بالها صورة فارس اللي كانت واقفة قباله امس ودق قلبها وسكتت مرة وحدة؟
فارس/وين رحتي؟لايكون بس سويتيها وسكرتي السماعة بوجهي؟؟
////////////////////////////////////////////////////////////////
نواف/خالد عندنا..
خالد اللي كان قاعد بالصالة/ليه حرام اتغذى في بيت عمي؟
نواف/يبى ماقلنا شي علامك؟
خالد/لابس شكلك ماتبيني؟
نواف/يبى حياك الله بكل وقت والبيت بيتك زين كذا ولابعد؟
خالد/لاخلاص رضيت...شلونكم؟
نواف/عايشين ...انت واختي شلونكم؟
خالد/احنا بعد عايشين الحمد الله...
نواف/شخبار اختي عسى الحمل مو متعبها؟
دق قلب خالد بقوة ليه مايدري/طيبة الحمد الله..
نواف/ليه ماجت معك تتغذى هنا؟
خالد وقلبه بين رجلينه/ها.....هي...
نواف/أي قول كذا مرتك معزومة عند صاحبتها وانت ماعرفت وين تروح وجيتنا هنا وانا اقول وش جايبه واختي مو معه؟زين لكن ياخويلد مو لنا الزيارة بس لان مرتك راميتك؟
مايدري ليش خالد قلبه وقف لحظتها وحس ان وضحى والجنيني بخطر وانه هو المسؤل عن ها الشي؟وين بتكونيني ياوضحى اذا منتي هنا؟وش اللي صاير لك ياقلبي؟
/////////////////////////////////////////////////////////////////

البارت الثاني والاربعين,,,,
//////////////////////////////////////////////////
كانت تمشي وتركي جنبها يمشي بهدوء شديد,,,,
ومافي غير هبات هواء تروح وتجي,,,,
تركي قطع الصمت/نوف...
مالفت عليه بس قالت/نعم..
تركي/سعود...شكله تضايق؟ويمكن يفكر ان ابوي هو اللي اقنعك تكتبين له التوكيل؟
نوف بتنهيدة حارة/ماعاد يهمني؟يفكر بللي يفكر فيه؟انا ياما فكرت ناحيته بنية زينة ودايم كان يخذلني!!يااخي حتى عياله حارمني منهم ومايخليني اشوفهم؟ماعندي استعداد ارضي أي احد على حساب راحتي ياتركي خلاص....كل شي تغير فيني وماعدت انا نفسي قبل...ابي اتغير وابي يتغير كل شي فيني....
تركي/وبترتاحين اذا تغيرتي؟
نوف/...........
تركي/احس ان في شي مضايقك بقوة ها اليومين ...اذا ودك تتكلمين انا اسمعك؟
نوف/مقدر.؟
تركي باعتراض/ليه ؟؟؟ماتثقين فيني!!!
نوف/لاطبعا مو هنا المشكلة.....بس انت مالازم تعرف....
تركي بحذر/وش تقصدين؟
نوف/سالفة بنات مايفهمون فيها الرجال؟؟هذا اللي كنت بقوله اسفة اذا فهمتها انت بوضع ولاشكل ثاني؟
تنهد بارتياح/اممممم ...بنات ياكثر سوالفكم!!!
نوف كانت تناظره وهي تحس انها قاعدة تتقطع من داخل ومحد حاس فيها لاتركي ولاغيره.....
تركي/تحبين نتغذى بمطعم وتغيرين جو...
نوف/لامعليش انا مو مشتهية شي...خليها ليوم ثاني وتكون معنا مشاعل؟
تركي/علشان يخترب جونا؟
نوف وهي تناظر بعيونه/ليه!!!اي جو اللي بتخربه مشاعل؟
كانت تناظره وهي تنتظره يقولها احبك ولاابيك ولااي شي من اللي هي قاعدة تقراه بعيونه بس ماتكلم قال لها وهو يخفي كلامه/ماتعرفين مشاعل كل شي عندها ضحك ووناسة؟
نوف/أي....واحد مايبي يضحك ويتونس ياتركي؟
تركي بتنهيدة/مو دايما في اشياء جدية لازم تنعرف بجو هادي ورايق بدل الضحك,,,لانهم مايتناسبون؟
/////////////////////////////////////////////////////////////////
فارس/الو...
نورة/.........
فارس/نورة انتي لسه معي!!
نورة/انت بغيت منو اخوي؟
فارس/بيت الحربي.....ابي نورة؟
نورة/....................
فارس/نورة شفيك؟اعرفك انا واعرف اهلك...على بالك اني قاعد اتلاعب يعني!
نورة بصرامة/منو انت!!
فارس/سؤال حلو بس فيني مااجاوب عليه...
نورة/شوف اذا ماراح تقول انت منو لاتلومني اذا سكرت التلفون بوجهك؟
فارس/بقولك بس .....بعد شويات...اللحين مو وقته؟
نورة/خير؟
فارس/..............
نورة/.............
فارس/ممكن اعرف ليه امس قلتي لمحمد عن انك انتي وفارس مغصوبين على العرس وان الموضوع هذا مو بكيفكم؟
نورة دق قلبها بس قالت بطبيعة مشوشة لان الخوف غلب عليها/هذا يعني انك فارس؟
فارس/....................
نورة/حمد الله على سلامتك.....
فارس بهمس/نورة...
نورة/اسفة مضطرة اسكر....
فارس/لا...انتظري......اي فارس...انا فارس؟
طاح قلبها بين رجلينها رسمي.....هذا اعتراف ومافيها أي نقاش.....
حست ان لسانها انربط وماعرفت شتقول؟
فارس/فيني اللحين اعرف ليه قلتي كذا!!!!!
/////////////////////////////////////////////////////////////////////
مشاعل/ياربي حايسة احس ماباقي غير يومين...كنها صارت السالفة جد؟
ام تركي/ليه ان شاءالله كنتي تفكرين انها لعبة؟
مرام/مابغوا يروحون المغثة بيوتهم؟
مشاعل/حرام عليك...
ام تركي/ووجعتين انتي؟؟؟شسالفتك على عيال خالتك؟
مرام/صراحة لايطاقوا ابدا!!!
مشاعل/يمه....فواز ليلة الملكة بيجلس ولابيمشي؟
ام تركي/لا بيجلس معك اكيد......
مشاعل/محتارة وش البس؟
ام تركي/الثوب الذهبي حلو.....بس قصير شوي....وش عندك بديل...
مشاعل/اللي وريتك اياهم.....
ام تركي/امممم طيب لبسي الزيتي....
مشاعل/مدري احس.....اووووف
ام تركي/ماعليه انتي ملخبطة شوي وتحسين كل شي مضايقك...بس ركدي وحاولي تكونين طبيعية...يمه هاذي بس ملكة مو عرس!!!
مرام/خلاص عاد لازم تصيرين عاقلة وتتركين حركات سعيدان وعليان عنك شوي؟
مشاعل/ياربي مدري انا كيف بتعامل معاه...احس اول يومين بصير عاقلة وبعدها بقلب مجنونة ..
ام تركي/عقلي بس عقلي قالت ترجع مجنونة؟وش تبينه يقول عنك؟متزوج بزر ولاوحدة عقلها طاير؟
مشاعل/والله عاد هذا اللي عندي محد جبره ياخذني؟
//////////////////////////////////////////////////////////////
شمة/سعود شفيك؟
سعود/.......
شمة/انت من جيت الصبح من المحكمة وانت مو على بعضك؟
سعود/..........
شمة/سعود كلمني شصاير؟
بنرفزة رمى قدامها اوراق كثيرة وقال بعصبية/سوت توكيل لعمي؟شفتي الكلبة شلون ذلتني!!
شمة بدون تصديق/يعني الحلال راح علينا!!!
سعود/الى البارح وهي يوم اكلمها قالت لي انها بتروح الصباح مع تركي وماكان بصوتها شي يدل على ان التوكيل لعمي مو لي!!!
شمة/وانت سكت لها؟
سعود/صدمتني ماعرفت شسوي ولاشنو اقول؟
شمة/والحل؟
سعود/مدري عقلي واقف اللحين مو قادر افكر باي شي...بس يصير خير يانويف والله لااسحب منك الحلال؟
شمة/طيب قول لها انك محتاج وتبي تتسلف منها واذا صار عندك ترد لها؟
سعود/بسويها بس مو اللحين بخلي لي شوية وقت تمضي على ها السالفة؟بس انا ابي شي يضمن لي كل الحلال مو شوية بس؟
شمة/نزوجها؟
ناظرها وسكت...
شكة بثقة/نزوجها اخوي سالم.....وش قلت؟كذا نضمن ان التوكيل يروح لااخوي وناخذه منه؟
///////////////////////////////////////////////////////////
تسند على باب المستشفى وتنهد بقوة....
هذا خامس مستشفى يجيه من بعد ماطلع من بيت عمه وماشافها وراح الصباح بيت اهله وبعد ماشافها حتى خواته مر عليهم اليوم يسلم عليهم يمكن يشوف لها اثر ولايجيبون لها طاري..بس مافي أي فايدة...
حتى المستشفى مافي مريضة باسمها ولاحتى حادث صار باسم مشابه لها؟؟؟
وين رحتي ياوضحى؟؟
والله مو عارف اتصرف ولا اسوي أي شي؟
النوم مجافيني بعدك ومن غيابك؟
دق على عبدالله وهو يمسح دموعه/ها....وصلت لااي مستشفى؟....
طيب وماقالوا لك شي.....عبدالله انا خايف ماهي بالمستشفى ولاهي عند احد من خواتي ولافي بيتهم؟وين بتروح؟مستحيل تكون عند وحدة من صاحباتها انا اعرفها ماتحب تدخلهم بحياتها الشخصية ابدا!!!!...........وش اسوي اللحين......عاقلي واقف عن التفكير.....عجزت وانا ادق لها وارسل ماهي اضية ترد على اتصالاتي ولارسايلي!!.وانا شينطرني عاد لملكة مشاعل ياعبدالله والله ماعاد فيني صبر؟
/////////////////////////////////////////////////////////////////////
ياسمين/اسفرت وانورت يالغلا...
مشعل حط رجل فوق الثانية/منور البيت بوجودك وبوجود امي اذا غبت انا!!
الجدة/عشتوا...البيت بيتنا وينور بوجودكم....
مشعل/عدنا والعود احمد مع عيلة فايف ستار؟
الجدة/شنو يعني؟
مشعل/سلامتك يالغلا...اقول جدتي فصلتي لك فستان لملكة مشاعل؟
الجدة/شنو؟
مشعل/قولي لجدي ابي اخذ لي فستان من المصمم اللبناني...
ياسمين/ههههه....لاوانت الصادق من لازار...
الجدة/والله عاد انا شارية لي قطعة تبرق من بعيد وفصلتها عند خياطنا محي الدين وصايرة تلالي من بعيد...حتى مشاعل بتتحسر اذا شافت ثوبي وبتتمنى هي اللي لابسته؟
ياسمين كاتمة ضحكتها/حرام جدتي لاتحسرينها....
مشعل/يقولون العقل نعمة؟
الجدة/وش يقولون؟
مشعل/الثقل صنعة؟

دخل احمد ووقف عند الباب...
مشعل/هذا شسالفته نظرات من بعيد لبعيد؟
ياسمين وهي تناظر بااحمد/يخاف مني!!!اذا انا جالسة بمكان مايتقرب منه؟
مشعل/تعجبيني وانتي اختي.....اقول حميدان تدل البقالة؟
احمد/لا.....
مشعل/البس جزمتك بوديك البقالة ادليك اياها علشان بعدين اذا بغيت منك شي تروح تشتري لي.....
احمد ناظر بياسمين/اروح...
ياسمين/وكذا الناس تستاْذن؟
احمد تقرب منها/خالتي ياسمين اروح؟
ياسمين/روح...بس لاتعاند اخوي؟
مشعل/من صدقك انتي ياخذ اذن منك؟
احمد/أي البابا قال لي اذا بطلع أي مكان اقول اول لخالتي ياسممين..
الجدة/قول لها ماما مو خالتي؟
ياسمين/لاانا خالته ليه بعد يقولي ماما؟
الجدة/علشان يحبك؟
ياسمين/ماابيه يحبني؟
مشعل/مو قدامه تتكلمون ياحظي انتي وياها؟اقول احمد عندك فلوس؟
احمد/لا......
مشعل/وشلون نروح البقالة ان شاءالله مفكر جدتي بتعطينا؟
احمد/اقول لاام مشعل تعطيني.....
مشعل/روح قول لها نبي خمسين ريال بنروح البقالة؟
ياسمين/وش ها النصب يامشيعل؟وش بتشترون؟
مشعل/بنحسبك لاتخافين...يالله روح يالوح ليش واقف؟
مشى احمد وراح لجدتهم وقال لها/ام مشعل عطيني فلوس بروح البقالة؟
الجدة/انا ماعندي ماعندي فلوس؟من وين لي!!!
مشعل/ياحظي مو هاذي ام مشعل؟؟؟وي شكلي ها اليومين بعتكف عليك يااحمد علشان اعلمك الاساسايات وبعدها تصير صبي عندي؟
//////////////////////////////////////////////////////////////
بشقة خالد......
عبدالله/طيب والحل؟
خالد كان يناظر بالارض وملامح الزعل والضيق مو مفارقته....ز
عبدالله/المشكلة انك ماتقدر تقول انها طلعت من الشقة لانك بتجيب لنفسك وجع راس وسين وجيم؟
خالد/.............
عبدالله/على وين راحت وليه وانت شمسوي؟
خالد/عبدالله...
عبدالله/طيب انت ماتدري هي لو فكرت بضيق وين ممكن تكون غير عن ها الاماكن اللي رحتها؟
خالد/قلت لك عقلي مو قادر يفكر بشي؟
عبدالله/.................والله مشكلة بس مع هذا كل ها الحيرة والخوف اللي انت فيها تستاهلها؟
خالد/......................
عبدالله/................
خالد/................
عبدالله/اشتقت لها؟
خالد وهو يدمع/حييل ياعبدالله...اشتقت لكلامها ولدلعها ولحنانها ولزعلها...لكل شي فيها ياعبدالله...هذا بس ثلاثة ايام غايبتهم عني وانا مو قادر انام ولاارتاح؟وش ناوية تسوي فيني لو تغيب اكثر؟
عبدالله/انت بعد ماقصرت ياخالد...يعني تصور انها هي خانتك وش كنت بتسوي؟
خالد/عبدالله انا قررت اتزوج؟
عبدالله بصدمة/شنو؟
خالد تنهد بقوة/لو قلت لها اني متزوج من زمان ومن قبل مااخذها بتكون السالفة اهون عليها من اني خنتها اكيد؟
عبدالله/خالد لاتصلح الغلط بغلط اكبر منه ياخالي واللي عافيك؟انت خلك تدري بالاول هي وينها فيه؟طيبة ولاتعبانة؟بعدين قرر كيف تعتذر لها وشنو تقول؟
///////////////////////////////////////////////////////////////
نواف/اشوف ماكلمتيني تستاْذنين بكرة علشان روحة الجامعة؟
ياسمين في بالها وش ها الحجة بس!!!!
ياسمين بثقة/عشان مو رايحة بكرة....
نواف/امممممم....تمام..تعودين نفسك يعني انك ماتروحين من اللحين,,,حركة حلوة خطيتيها؟
ياسمين بنفس الثقة/لاغلطان مو كذا السالفة...بس بكرة الصباح بنروح السوق....مشاعل بتاخذ لها كم شغلة ولاانت ناسي ان ملكتها بعد بكرة؟
نواف/والله حلو...مطنشة لي الجامعة علشان السوق وفوق هذا مافي اذن مسبق؟يعني تدخلين وتطلعين بكيفك حضرة جنابك؟
ياسمين كانت بتنفعل وتصارخ وتقول انها مو ماخذة منه اذن بس غيرت رايها باخر ثانية وقالت بهدوء/انا كنت بقولك بس ماتوقعتك تستقبل مكالمات ها الوقت...مدري تعودت على مكالماتك بعد الساعة ثنتين ونص الليل؟
نواف/..............يعني كنتي بتدقين؟
ياسمين/أي طبعا...وانا اقوى اطلع بدون شورك؟
نواف/خليك كذا....مو يوم وبعدها تقلبين الموجة؟
ياسمين وهي بتموت قهر/ان شاءالله...
نواف/شلون احمد.....
ياسمين/ماشي.....طول وقته اليوم مع مشعل اللحين رايحين البقالة واللحين رايحين يلعبون كورة...
نواف/عزات الله راح فيها مدامه جلس مع مشيعل باشا؟
ياسمين بانفعال/وش تقصد؟
نواف/يبى ماقصدت شي؟المهم ذكريني بكرة اعطيك بطاقته...ترى انا عطيتها امك قبل يومين ورجعتها مارضت تاخذها وانا اعرفه طلباته كثيرة........
ياسمين/.........
نواف/وين رحتي؟
ياسمين/موجودة.......اسمعك وش تقول؟
نواف/ووين بتروحون بكرة ان شاءالله من صبح الله؟
ياسمين بنرفزة/ياولد الناس مابنطلع الا على تسع ونص؟وين صبح الله؟
نواف/شكلي بغير رايي ومابتروحين؟
ياسمين/................
نواف/وين بتروحون؟
ياسمين في بالها لو اقولك اكيد بتكون موجود/ماادري على مشاعل هي بتحدد.....
//////////////////////////////////////////////////////////////////
الليل في بيت ابو تركي...
كانوا عبدالله وتركي ومشاعل ومرام جالسين وابو تركي وام تركي ركبوا غرفتهم...
مشاعل/الليلة غير بالنسبة لي!!
تركي/وش اللي غير فيها؟
مشاعل بمرح/اني ابي اودع ايام الهبال..
عبدالله/خليك هبلة ولاخايفة من فواز اذا ظليتي هبلة على طول؟
تركي/وانت تصدق عاد ان مشاعل تقدر تتغير من الجنون اللي هي عايشة فيه؟اساسا هي ماتعيش بدون مقالبها وضحكتها...يعني بتلاقيها يومين مؤدبة وبعدين بترجع مثل ماكانت واسؤا بعد؟
نوف اللي كانت جاية ومعها صينية فيها بيبسي وشيبسات وشوكلاتات ..قعدت جنب مشاعل وقالت/وهذا لزوميات وداع هبالك؟
مشاعل/يامي...يامي...ابي بيبسي ومارس..
نوف رمت عليها المارس/زين فكيتيني منه لاني مااحبه؟
عبدالله/وهاذي اخبل منها؟ليه جايبته مدام ماتحبينه؟
نوف تنهدت وماناظرت في عبدالله بس سئلت تركي اذا يبي شي..
تركي/حاليا لا...خلينا بس نشوف مسرحية مشاعل من بعيد؟
مشاعل/يالله عاد لاتقلبوني طماشة؟
مرام/انتي قالبة ومنتهية؟انا بروح انام تصبحون على خير؟
نوف/عندك منوبولي مرام؟
مرام/مدري عنها وين؟
مشاعل/يالله بنت ولد مو مشكلة؟
عبدالله/ابي سنكرس...وميرندا فراولة؟
مشاعل/سنكرس ها...ميرندا فراولة مافي الا حق نوفوا...
نوف مدته/خذه عليك بالعافية..
تركي/وانتي وش بتشربين؟
رفعت عيونها له ولاحظت انه قاعد يلاحظ كل انفعالاتها فحاولت تكون طبيعية....
نوف/اشرب بيبسي ماعندي مشكلة..
تركي/انتوا مو بصاحين بيبسي اخر الليل؟
مشاعل/هاذي حلاوتها..........
نوف/اللي يدري وش كان حلم مشاعل بنعطيه اللي يبي؟
عبدالله/لاتقول دكتورة مايناسبها؟
مشاعل/ههههه لاوين احنا وانت وين؟
تركي/ان شاءالله عارضة ازياءعلشان اذبحها؟
نوف/بكل تواضع طقاقة..
مشاعل/ههههه لاتناظروني كذا بس والله كان حلم من احلامي اكون طقاقة...مدري احس وناسة جو رايق وطقيقة ورقص وفل واستهبال....ياي ذكرتيني باايام الونس يانويف الله يهداك بس؟
نوف/بعدنا لاحقين قومي نتونس بغرفتنا ونرقص براحتنا؟
مشاعل/أي والله وانتي الصادقة...قومي نفلها....
وقفت نوف ومسكت يد مشاعل وجوا بيمشون...
تركي باعتراض/وين على الله؟
مشاعل/بنروح نخليها ونعليها وناسة...
عبدالله/وليه مقعدينا معكم ووداع ايام الهبال ومدري شلون؟
مشاعل/غيرنا راينا...
عبدالله قام وشال جواله معه/غلطان اللي يقعد معكم..
نوف وهي تشوفه يلعب بجواله/روح كلم حبيبة القلب ابرك من مقابل وجهينا؟
كانت بتقولها بغيرة بس ماحبت تفضح روحها ومشاعرها..
بعد مامشى عبدالله....
تركي/انتي ماتستحين؟وش حبيبة قلبه بعد!!
نوف/وانت ماتاخذ امور الحياة ببساطة ومرح كل شي جدي عندك؟
مشاعل/يالله انا ابي ارقص خلاص مقدر اتحمل لاتنسوا اني ببيوم الملكة مابقدر ارقص معكم...
تركي/وانا منو يقعد معي!!روحي انتي ارقصي واتركي نوف تسولف معي!!!
مشاعل/وقالوا لك مجنونة ارقص بروحي؟
تركي/طيب ارقصوا هنا؟
نوف بحدة/جنيت انت!!
تركي/معناته مافي تقومون؟قلتوا بتسهرون معي!!!
مشاعل/خذ سماعة التلفون ودق على أي رقم سوي روحك غلطان واشبك مع أي بنت ترد عليك؟
//////////////////////////////////////////////////////////////////
اليوم الثاني الصباح....
نواف/هلا وغلا براعية ها الصوت...
وضحى/شلونك اخوي وشلون ياسمين..
نواف/عايشين...نسال عنك انتي والبيبي..كيفكم...
وضحى/بخير...
نواف/امس ضيعتي خالد...
وضحى/ها...شلون؟
نواف/يوم تطلعين تتغذين مع صاحبتك؟مادرى وين يروح جا تغذى معي!!
وضحى/أي...امس.....
نواف/عسى مو تعبانة مع الحمل؟
وضحى/لا الحمد الله ....
نواف/حاس صوتك مو طبيعي فيك شي؟
وضحى/لا بس صاير تنفسي شوي سريع ...
نواف/وين تتابعين ..باي مستشفى؟
وضحى/لحد اللحين ماقررت باي مستشفى اكمل؟
نواف/خالد امس يقول بالتداوي؟
وضحى/رحت مرتين بس ماقلت اني بكمل.....المهم ودي اسئلك عن شي؟
نواف/خير...في شي...
وضحى/تذكر سالفة الوظيفة اللي عرضتها عليّ قبل كم شهر يانواف؟
نواف/واللي رفضتيها؟شفيها؟
وضحى/لسه ساري العرض ولاخلاص راحت؟
نواف بجدية/وضحى ناقصك شي؟تبين شي؟
وضحى/لا ياخوي صدقني؟
نواف/وليه تبين الوظيفة اللحين؟
وضحى تنهدت وقالت/ابي اكسر الجو اللي عندي....صايرة ايام الحمل طويلة وثقيلة...قلت لو لسه موجودة ولي نصيب فيها بتغير شوي من روتيني!!
قالتها وهي تمسح دموعها اصلا!!!
نواف/انتي اذا تبينها انا بكلم واحد اعرفه وتقدرين تستلمينها علطول؟
وضحى/عساني ماخلا منك يالغالي....متى بتكلمه؟
نواف/وقت اللي تبين انتي تستلمينها....
وضحى/معناته كلمه اليوم؟
نواف/انتي متاْكدة ماراح تعيقك وتتعبك؟.تراها دوامين ياوضحى؟
وضحى/وهذا المطلوب...
نواف/أي بس خالد ماتجي اربع ونص الا وهو بالبيت....يعني انتي ماراح تجين الا بالليل ...على الثمان ونص...
وضحى/مرتبين امورنا يانواف لاتخاف....بس انا فعلا محتاجتها ها اليومين...حاسة اني قاعدة اختنق مع تقدم الحمل....
//////////////////////////////////////////////////////////////
بفينيسيا مول.....
مشاعل مسوية روحها تبكي بصوت عالي/ياعالم ياناس باقي على الملكة يوم واحد بس!!!بطني عورني صدق!!!
نورة/اقول ميشو حبيبتي بلاش تقلبين شي ماابي اقوله من حديقة الحيوانات خليك انثى ناعمة وناعمة حييل بعد...خل اطباعك تتناسب مع شكلك ؟؟
مشاعل شهقت/نوير...اي واحد من الحيوانات تقصدين؟
ياسمين/اوووووف بنبتدي اللحين؟
نوف وهي تضحك/لا هذا الجزء الثاني...تكملة البارحة....استهبلت البنت بشكل مو طبيعي امس فاقت النماذج البشرية اللي موجودة معكم في بيوتكم؟
نورة/هههههه هي اصلا تؤام لهم بس مدري كيف صاروا كل واحد في بيت؟
ياسمين/لو خليت لخربت؟
نوف/غريبة نواف ماعارض جيتك؟
ياسمين/وش دعوة هو رضى اجي عاد!!!عادي بعد شوي تلاقينه بوجهنا؟
نورة/وكيف جيتي وهو مارضى؟
ياسمين/طلعت روحي وانا اقنع اقنع ...يتراواللي اخر شي نمت عليه بالتلفون...ساعة يقولي احد يترك الجامعة علشان سوق؟وساعة يقولي السوق العصر ولاالليل ماهي بطايرة وساعة يقولي مامعكم احد كيف تروحون؟يعني هو بالمختصر يبي يوصل الى اني ااْجل الجية هنا لين يطلع هو من دوامه علشان يصير عسكر ويوقف معي بكل محل ويلازمني مثل ظلي؟
مشوا البنات شوي وبعدها لفوا لمشاعل اللي كانت تناظر بواجهات المحلات..
نوف/اقول مشاعل..
مشاعل/هلا وغلا,,,
نورة/انتي قايلة لفواز انك بتطلعين السوق ولابعد طلعتي بدون اذن؟
ناظروا البنات في بعض وضحكوا وهي لسه تناظر بالمحلات
مشاعل/بلى قلت له....اني جاية هنا الصباح يوم يدق لي ..على اساس بيشوفني دخلت المحاضرة ولالسه؟
ياسمين/مايدري الرجال انك امتياز ومحاضراتك ماشية بالمضبوط؟
مشاعل/ههههههه قلت له انا اخذ محاضرتي اليوم بفينيسيا مول...قال مشاءالله جامعتكم متطورة حدها؟اول مرة اشوف جامعات يعطون محاضرات بمجمعات ووناسة؟
نورة/أي وهو ماصدق خبر وترك الشركة والهيبة والحلال وجانا هنا يركض يقابلك؟
وقفت مشاعل ولفت لهم لقتهم يناظروا في بعض ويتغامزون..
مشاعل/ش السالفة؟
نوف/لاتلتفتين يمين مانبيك تشوفين يمين؟
مشاعل/يعني غصب شوفي يمين....ياربي هذا فواز؟
كان واقف معهم على نفس الخط اللي هم ماشيين فيه بس هو يمين وهم شمال ووقف قلبها...
نورة/مشينا يالله.....
ياسمين/أي والله بنروح ناخذ لنا ايسكريم .....صحيح ذكروني قبل لااطلع اخذ لمشيعل موصيني يبي ستة من هذا الاسكريم الميني...
نوف/انا اموت فيه ها الاسكريم...احب الفانيلا والشوكلاته...
ياسمين وهم يمشون/باسكن وبس!!!
وقفت نوف ووقفت معها ياسمين اللي كانت وراها/شفيك؟
لفت لها نوف وهي تناظر قدام ورفعت ياسمين راسها ولقت نواف وتركي جالسين بوحدة من الطاولات وتركي رفع عيونه وشافهم واكيد عرف نوف,,
نورة/انا باخذ لي من كرسبي كريم...احد يبي شي....
نوف/لا..
ياسمين/ياويلي...خلاص انسدت النفسية؟
مشت نورة لعند كرسبي كريم علشان تاخذ وهي تمشي انتبعت ان في شخص يمشي مثل ظلها ..ضحكت في بالها وهي تتخيل نوف وياسمين ومشاعل ونواف وتركي وفواز وهل هي مصادفة انهم كلهم متجمعين هنا!!!ولو كان فارس هنا وش راح يصير؟
وقف قلبها من الطاري وتلفتت حولها بسرعة كانها تبي توهم نفسها بالعكس بس عيونها ماكذبتها...هذا فارس اللي يمشي جنبها مثل ظلها؟ياترى هل جيته لهنا مصادفة ولا مقصودة
//////////////////////////////////////////////////////////////////////////////////////////////

لبارت الثاني والاربعين,,,,,,,,,
//////////////////////////////////////////
دق قلب نورة بذيك اللحظة بقوة وحست ان الدم نشف بعروقها؟
صدفة مو معقولة ابدا!!!!!
ياترى هو قاصد يجي ها المكان اليوم ولا........؟؟؟؟؟؟؟
سوت روحها ماتشوفه ومشت تطلب لها قهوة بدون أي اهتمام للي قاعد يمشي وراها مثل ظلها بس من بعيد لبعيد,,,,,,
طلبت لها قهوة ووقفت تنتظرها...
فارس بهمس/نورة لو سمحتي..
رفعت راسها له بحدة وقالت/خير...
فارس/ابي اتكلم معك؟
نورة/انت منو؟
فارس ابتسم لها/انا فارس...
نورة بعناد/وانا مااعرف احد بها الاسم؟وبعدين لو سمحت انا مااحب احد يوقفني بوسط السوق مين ماكان ويقولي تعالي نسولف؟
فارس/تعجبيني والله....بس ترى انا ماخذ اذن من خالتي ام سعد؟
نورة/وانا وش يضمني انك تعرف ان امس اسمها كذا!!!يمكن طلع معك صدفة ولاسمعتني اقوله خوب انت ماشي مثل ظلي!!!
فارس زادت ابتسامته وقال/بعد تعجبيني في هاذي....بس صدقيني انا قايل لها ابي اشوفك واكلمك واذا منتي متاْكدة كلميها وسئليها؟
نورة/ماابي اكلم احد...ولو سمحت اخ فارس بعد عني ماابي احد يشوفني واقفة معك هنا وولد خالتي هنا وماابيه يفهم الموضوع غلط...
فارس/دري انها مو حلوة اني اوقفك بنص السوق واكلمك...موقفي غلط وانا اعترف لك فيه..بس ممكن فعلا نتكلم مع بعض..يعني انتي قلتي شي وحاب اخذ واعطي معك فيه واوضح لك الغامض..
نورة مسكت قهوتها وقالت بلامبالاة/ماعندي شي غامض بحياتي كلها كتاب مفتوح....وبعدين انا ماقلت لك شي..توني اشوفك...
///////////////////////////////////////////////////////////////
كانت تنقي لها صندل من هنا وتشيل واحد من هنا وقلبها مع اللي برى وتارك شركته وجاي يشوفها....
حست بنشوة غريبة تسري فيها....ليش قاعدة تشوف فواز غير عن اللي يقولون لها عنه؟
وين الهيبة والمركز؟ليه ماتشوف فيه غير العاشق اللي يسرق نظرات من حبيبته كل ماسمحت له الفرصة وعرف هي وينها فيه؟
ياترى بتكون ايامنا كلها حب وجنون ولا...
فواز بهمس/أي....
رفعت راسها وتفاْجات من وجوده جنبها...
ارتبكت وبعدت عنه شوي وقالت/وش اللي ...اي...
فواز/هاذي اجابة السؤال اللي قاعد يخطر في بالك بها اللحظات؟
ماتدري ليش طلعة منها شهقة وهي تناظره بذهول وابتسم لها...
مشاعل/فواز...انا كنت بس...
فواز بابتسامة/وانا اقولك أي...كل شي بحياتنا بيكون حلو مدامك انتي معي!!
فواز شال الصندل اللي في يدها /تبينه؟
مشاعل لفت للجهة الثانية وقالت/لا...
تركه مكانه ومشى جنبها/صحيح نسيت اقولك هلا...
ابتسمت له وقالت بهمس/على فكرة ذكرني مرة ثانية مااقولك ويني فيه ولاوين بروح؟
فواز وهو يضحك/اصلا مايمديك ولاناسية ان بكرة ملكتنا!!
مشاعل/طيب مدامك ذاكر ان بكرة ملكتنا ورى جاي لهنا؟خلاص بكرة بتشوفني؟
فواز بخوف حقيقي/لازم اطمن عليك اليوم واوصلك لباب بيتكم؟
مشاعل/ليه؟وش فيني علشان تتطمن عليّ!!
فواز/فيك انك هديتي اللي نزلت عليّ من السما وماابي نسمة هوا تمر وتكدرها...
مشاعل نزلت راسها وقالت بهمس وهي تشيل وتحط بالصنادل/فواز لاتقول ها الحكي ترى والله ماقدر عليه...وبعدين احنا محنا جالسين بروحنا احنا بالسوق خلك عاقل وبلا ها الكلام؟
فواز بهمس/اقول ورى مانطلع من المحل ترى صاحبه شوي ويطردنا اثنينا منه ماغير نشيل ونحط في اغراضه؟
طلعت وطلع وراها..
مشاعل/انا كنت جاية اشوف لي صندل بس انت خربت عليّ!!
فواز/ياعيني..اصلا نص وقتك كنتي سرحانة وادري انك سرحانة فيني؟
مشاعل ابتسمت له بس ماعلقت...
فواز/ممكن اسئلك سؤال شخصي؟
مشاعل وقف قلبها من ها الكلمة وقالت بعد تردد/شنو؟
فواز/انتوا اربع صديقات صح...ورى ثنتين يتنقبون وثنتين يكشفون؟وليه انتي تحديدا من الناس اللي تكشف؟
مشاعل/.من زمان وانا اكشف موتي.....ابوي راضي؟
فواز/بس فواز ماهو براضي ومن اليوم يبيك تغطين وجهك يعني لاتعتبرينه امر بس اعتبريها غيرة...طيب....
//////////////////////////////////////////////////////////////////
ياسمين يوم شافت نواف جالس مع تركي وتركي شكله بيجي يكلم نوف اللي كانت واقفة تناظره بنظرات اول مرة تشوفها في عينها وقالت بتساْلها عنها بعدين اخذت عمرها ومشت لعند باسكن قبل لايرفع نواف راسه وينتبه لها وتتشابك معه وهي جاية تروق اعصابها,,,,
وقفت نوف تناظر بتركي اللي كان يناظر فيها وبس مشت ياسمين تقرب منها بسرعة...
تركي/هلا..
نوف/مفاجئة بصراحة؟
تركي/وان شاءالله ماضايقتك؟
نوف/وليه بتضايقني!!انا برجع اكمل تسوق مع البنات؟
تركي/....................
نوف/تبي شي؟
تركي/أي..
نوف/شنو؟
تركي/ها.....وقف مرتبك مو عارف شيقول....
نوف/شنو تبي؟
تركي/نوف...قاصرك شي...تبين فلوس زيادة؟
نوف/لامعي شكرا...اذا بغيت بدق لك تحول لي...ماتقصر...
كان واقف ومرتبك منها وهي حابة تسوي الامور طبيعية بينهم...
بس كان في تيار يسري فيهم اثنينهم وكل واحد صعبان عليه يحكي ويقول اللي بقلبه....
كانت نظراتهم لبعض هي بس اللي تحكي وتتكلم عنهم,,,
///////////////////////////////////////////////////////////////////
عند باسكن روبنز ...
ترك لها البايع طلبها على الطاولة وهي فتحت شنطتها وعطته الفلوس وجت بتاْخذ الايسكريم ماشافته,,,
لفت للشخص اللي جنبها بتقوله انه حقها وانه اكيد غلطان وشاله معها ووقف الدم فيها يوم شافت نواف ياكله وهو يناظرها,,,
مشت بسرعة وهي دقايق وتنفجر اكيد نويف قايلة له انها هنا؟؟؟
نواف/عسى ماشر ليه تركضين بالمجمع احد لاحقك؟
ياسمين بدون نفس/لا...
نواف برواق وهو ياكل/طيب وش فيك؟
ياسمين لفت له بعصبية/وانت شسالفتك..كل ماشريت لي ايسكريم جيت اخذته واكلته؟
نواف بهدوء/لاني ماابي اضرك ابي مصلحتك؟
ياسمين بقهر/انا مو ولدك احمد علشان تقولي الايسكريم مايصلح وبيمرضك؟
نواف بنفس الهدوء وهو ياكل/لالالا مو كذا...بس البنات مايصلح لهم باسكن روبنز؟
ياسمين/والله!!!وتتظيرف حضرتك بعد!!!
نواف/ترى ساكت عنك ومشي الوضع بمزاجي فااذا حابة نقلب الجو ماعندي مانع؟
ياسمين/تكون خوفتني يعني!!!
نواف كان خلص من الايسكريم بها اللحظة ورماه باول زبالة صادفته ولف لها وقال بعصبية/وين الشيلة اللي شاريها لك امس ورى مالبستها؟وبعدين منو قال لك البسي نقاب بدون ماتاخذين اذن مني!!
وقفت مكانها وسكتت...يعني صدق اذا يبي يقلب الموجة يقلبها ماعنده مانع؟؟؟؟
نواف/اشوف خمدتي مكانك وماقلتي شي؟
ياسمين بعيارة/حسيت راسي يدور....انا جاية ومو فاطرة..عادي اروح اخذ لي قهوة؟
نواف بعصبية/انتي كيف تطلعين بدون ماتفطرين هذا اولا؟؟؟ثانيا يوم انك جيتي المول كان اول فطرتي وبعدها تسوقتي منتي طايرة ولاالسوق بتطير؟يعني اذا تعبتي بترتاحين؟؟؟
ياسمين في بالها...انا الله مابيفكني منه ابدا!!كل شي ينقلب عليّ!!
نواف/تعالي اجلسي هنا بروح اخذ لك فطور وبرد ان شفتك قايمة من مكانك ذبحتك؟
ياسمين باعتراض/ماابي فطور باخذ لي قهوة بس وبروح للبنات!!قصدها يعني اذلف وجهك خلاص؟؟
نواف باعتراض/قهوة على معدة فاضية مافي سمعتي ولااعيدها والبنات لاحقة عليهم وين بيروحون؟
ياسمين/أي بس انا مو جوعانة ماابي اكل شي..حرام لاتاخذ نعمةاالله وترميها ابي قهوة وبس!!
نواف سحبها من يدها وجلسها في طاولة بعيدة وفاضية ماحولها احد ابدا!!
نواف/اجلسي وانتظريني وقهوة مافيه؟
ياسمين/ليه؟
نواف/قلت لك تضرك وانتي مابعد اكلتي شي؟
ياسمين بدون مقدمات/نواف....انت تخاف علي؟؟؟
كل اللي شافته ذيك اللحظات نظرات غريبة بعيون نواف يمكن اول مرة تشوفها ويمكن انها شافتها بليلة حفلتهم!!
بس اللي تاْكدت منه انه تنهد تنهيدة طويلة وحارة وبعدها مشى بدون مايقول أي شي؟؟؟؟
//////////////////////////////////////////////////////////////////////
فواز/في مجال اعزمك على الغذى؟
مشاعل/لا....
فواز/ليه؟
مشاعل/فواز ..مايصير...بعدين انا جاية اخلص شغلي وانت كذا تعطلني ترى من جد ماعندي وقت؟
فواز/أي شغل؟
مشاعل/بكرة ملكتنا؟
فواز/طيب وشنو فيها؟
مشاعل/فيها اني ماخلصت؟
فواز/ليه وش بتاْخذين يعني؟
مشاعل بخجل/يعني في اشياء ناقصتني؟
فواز بخبث/مثل شنو..
مشاعل بارتباك/يو.....انت كل شي تبي تعرفه؟
فواز/ههههه
مشاعل/انت مابتروح الشركة؟
فواز بصدق/لاحق عليها...من زمان ماطلعت من الشركة وحسيت ان عندي امور مهمة ولازم اتطمن عليها ..
مشاعل وهي تناظره/وانا..........انا ها الامور المهمة بالنسبة لك؟
فواز بصدق اكبر/طبعا.....مشاعل يمكن ماتصدقيني بس انا فعلا حبيتك من اول يوم شفتك فيه وحاس ان احنا بنعيش مرتاحين مع بعض....من زمان وانا ادور ها الراحة...وادور شخص يشاركني حياتي...وانتي كنتي اجمل هدية جتني ....
مشاعل نزلت راسها بالارض من خجلها...
فواز بهمس/بس طبعا عند وعدك لازم تغطين وجهك علشان لاازعل منك؟
مشاعل مسكت طرف شيلتها وتغطت فيه..
فواز بهمس/احبك....
مشاعل بارتباك/خلاص امشي...ترى ينتظروني...
فواز/طيب سؤال اخير..وش لون فستانك بكرة؟
مشاعل/خليه مفاجاْة وش رايك؟
فواز باعتراض/لا تكفين ابي احلم فيه الليلة واحلم بشكلك وانتي لابسته؟
مشاعل بعناد مرح/معناته بتركك تحلم على كيفك ومو قايلة لك وش لونه....شوفه بكرة احلى..
فواز بزعل/وش بينطرني لبكرة عاد؟تكفين قولي وش لونه؟
مشاعل جت بتمشي/مضطرة اروح لااعطلهم طيب....بشوفك بكرة........
فواز بهمس/انا بموت لين تطلع شمس بكرة...صدقيني منتظر ها الليلة على نار يامشاعل....يا.....حبيبتي....
وقفت شوي بعد ماقال ها الكلمة وبعدها راحت لهم وتنهد بقوة...مايدري ليش عنده احساس انها ممكن تنضر ولاتتاْذى وهو السبب!!!
//////////////////////////////////////////////////////////
بعد مشاورات ومداولات على طلعة البنات من المجمع بعد ماكانوا بيدقون على السايق يرجع لهم وان تركي كان بياخذهم يغذيهم الا ان نواف هو اللي ماتنازل بالنهاية لانه هو يبي يوصل مرته ومحد له شغل فيها وبما انهم جايين مع بعض ماحبوا يتقسمون وقرروا يمشون معه كلهم,,,,,,
والعصر بيرجعون السوق من جديد علشان كذا كلهم كانوا بينزلون مع ياسمين بيت الجد...
نزلوا البنات كلهم وظلت هي..
لف لها/شكلك متضايقة ؟
ياسمين بهدوء/وليه اتضايق؟
نواف/يمكن اني غيرت برنامجكم واصريت اني اوصلكم وانتوا تبون تروحون مكان ثاني؟
قالت بحدة وهي تناظر فيه لانه لهجته كانت مشككة بكلامه/نواف...وين بنروح يعني!!!اساسا البنات طالبين من امي كبسة من البارح لانهم بيجون يتغذون عندي واذا منت مصدق انزل لاامي اسئلها؟
نواف/...........
ياسمن لفت وجهها للجهة الثانية وهي حاسة بضيق ماتدري ليش حست انه شاك بشي من تصرفاتها؟معقولة يفكرها بطالية وعندها سوالف من ورى اهلها؟؟
نواف ظل ساكت وهو يشوفها قالبة الوجه عليه...
ياسمين/.............
نواف/..............
ياسمن/.............
نواف قطع الصمت/طيب بيضايقك اني انزل اسلم على امك وبالمرة اشوف احمد؟
ياسمين وهي مغمضة عيونها لايشوف الدموع اللي تجمعت بعيونها/البيت بيتك......
نواف بهمس/يالله قومي....
فتحت عيونها وفعلا شاف دمعة في عيونها ومسك يدها بين يدينه بقوة وشد عليها وهمس لها بدون مقدمات/انتي موافقة انك تتزوجيني ومحد غصبك يياسمين؟؟؟؟
رفعت راسها تناظره بذهول؟؟؟وش يعني كلامه بالله!!!!وليه اللحين جاي يساْلها ها السؤال؟؟؟؟
//////////////////////////////////////////////////////////////
العصر في بيت الجد وتحديدا بغرفة ياسمين..
نورة/شي ماتخيلته ابدا انه يجي هناك؟
نوف/ولاانا بعد ماتوقعت تركي يجي؟
نورة/حسيتها صدفة من صدف الزمان يعني معقولة انه ممكن يجي مكان انا اكون متواجدة فيه اليوم؟
نوف/وانا حسيت باحساس غريب....ابي افهم لااي مستوى هو يحبني؟
نورة/بس يوم قال لي انه ساْل امي واذا ابي ادق لها فهمت السالفة يعني ماهي مصادفة مثل ماتوقعت....بس ليه امي ماقالت لي هذا اللي مااعرفه؟
نوف تنهدت وبانت دمعة بعيونها مسحتها بسرعة/فيني تعب مو طبيعي...حاسة اني بنهار باي لحظة......احب اخوه ويحبني هو وادري ان اخوه ماهو لي ولاهو نصيبي وماهو راضي يقولها لي صرااحة؟؟احس اني بنفجر باي لحظة؟
نورة/قلبي معك يانوف والله قلبي معك......
نوف بضحة مبينة دموعها/خلي قلبك يحاتي فارس ياحلوة انتي بروحك سالفتك معه سالفة؟
نورة تنهدت وسكتت وبعدها قالت/ياترى وش كان يبي يقول؟وشنو اللي قلته خليته يصر على انه يكلمني!!!
دخلت مشاعل بها اللحظات وانسدحت على السرير اللي كانت نورة يمينه ونوف شماله وغمضت عيونها..
نوف/خير ام فواز وش عندك؟
نورة/وش قايل لك اباشا ومخليك تسكتين مرة وحدة؟ترى كلنا ملاحظين انك ماكنتي طبيعية وانك كنتي ساكتة وسرحانة؟
تنهدت بقوة وبعدها قالت بغصة/احبه...او على الاقل احس اني احبه....وبنفس الوقت خايفة حاطة يدي على قلبي...
نوف/تعوذي من الشيطان ولاتهلوسين كثير,,,,
دخلت ياسمين وهي ساكتة وبراطمها قدامها وجلست معهم بنفس السرير,,,
نورة/والاخت شفيها بعد؟
نوف/وش مسوي لك نوافوه اللي مايستحي؟ترى من نزلتي من السيارة وانا حاستك بتبكين؟
مشاعل/قولي ترى كلنا نسمعك؟
دقايق بس اللي مرت وبعدها انفجرت ياسمين تبكي بصوت عالي وقاموا ثلاثهم وتقربوا من عندها..
نورة/ياسمين علامك؟
نوف/قولي شفيك؟
مشاعل بخوف/سوا لك شي قولي ..ترى والله طيحتي قلوبنا!!
ياسمين من بين دموعها/انا تعبانة معه,,,,ساعات احسه يكرهني...وساعات.....
نوف/يحبك؟
ياسمن/اممم
نورة/طيب وين المشكلة؟
ياسمين وهي تمسح بدموعها/المشكلة ان اليوم حسيت انه شاك فيني!!!يعني لهجته كانت كلها شك وكاْنه مو مصدق اني كنت برجع معكم البيت على باله بنطلع مكان ثاني وهو خرب علينا!!!!مدري ليش بعدها قلب السالفة وسئلني اذا كنت موافقة اتزوجه ولالا؟احسه متعبني حييل؟
تنهدوا البنات وسكتوا..
ياسمين/تصرفاته تحيرني فعلا...يوم احسه قريب...وايام احسه بعيد....
ماهو راسي على حال معي......كل يوم له حال جديد؟؟؟
//////////////////////////////////////////////////////////////////
نواف/علامك؟
تركي بتنهيدة/ولاشي..
نواف/اكيد السالفة فيها بنت العم؟
تركي/نوف فيها شي مضايقها يانواف...انا حاس فيها...حاس انها تمر بشي مو طبيعي وقاعدة تخفي لمها واحزانها عن الكل؟
نواف/عادي...بعد سالفة اخوها توقع انها تنفجر لكم باي لحظة؟
تركي تنهد بقوة وقال بعصبية/والله لو يقرب منها مرة ثانية وقسم بالله بيشوف شي ماشافه بحياته لايفكرني سكت له معناته اني مو ناوي عليه,,,انا لو ماهي حلفتني اعدي السالفة ماكنت عديتها؟
نواف/ومتى بتخطبها؟
تركي/بس اخلص من سالفة مشاعل,,,,,بخطبها علطول...
نواف/يعني قريب...على ها اليومين...
تركي/أي.........
نواف/وليه تقولها بدون نفس...
تركي بتنهيدة هادة كل حيله/ابي اقولها اني احبها واموت فيها!!ماابيها تفكر زواجنا مجرد حماية لها من الناس اللي حواليها ولاشفقة مثل ماهي حاطة في بالها؟؟
نواف/وش اللي يمنعك؟
تركي/مدري كيف ابدي معها الموضوع....انا مو راعي ها السوالف انت تعرفني!!
نواف/اعطيها مسج بالجوال وريح حالك؟
تركي فتح عيونه على وسعها وقال/انت من صدقك؟احبها اقوم ارسل لها مسج بالجوال؟؟؟
نواف بلامبالاة/وان شاءالله تبي توطي نفسك لبنت وتقولها انا احبك؟
تركي/؟؟؟؟؟؟؟؟؟؟؟؟؟؟؟؟؟؟؟؟؟؟؟
نواف/علامك انت!!!انا لو يجي ها اليوم واحب فيه بنت ماراح اقولها لها طبعا وبرسل لها رسالة بالجوال وبريح حالي!!
تركي بتشكيك/ليش ماجا اليوم هذا اللي حبيت فيه بنت يانواف؟
رفع نواف عيونه وناظر تركي وشرد لبعيد,,,,,,
//////////////////////////////////////////////////////////////////////
يوم الملكة الصباح...
ام تركي/روحي فتحي الباب ياسينيثيا ؟
ابو تركي/انتي ناطرة احد يزورك اليوم؟
ام تركي وهي تناظر صوب باب الصالة/لا...
دخلوا مشعل وسعد ومسويين انهم مؤدبين ....
ام تركي ابتسمت/هلا وغلا.......
مشعل وسعد سلموا على ابو تركي وحبوا راسه وسلموا على خالتهم....
ابو تركي/حيا الله من زارنا؟
مشعل/عاد احنا قلنا البيت اليوم زحمة واكيد عمي وخالتي يبون مساعدات ومافي غينا طبعا يقدمها..
ابو تركي/أي والله وكنكم حاسيين..
ام تركي/ماتقصرون عسى ربي يخليكم؟
سعد جلس وحط رجل على الثانية/اللحين يوم انكم محتاجين لمد يد العون والمساعة ورى مادقيتوا لنا نجي وسويتوا روحكم مستحيين وخجلاننين ؟
مشعل جلس جنبه/يبى السوالف هاذي مافيها خجل؟؟؟ترى تحتاسون بعمركم كل ماقلتوا نستحي ندق ومدري شنو؟
ابو تركي/ههههههه
سعد/اقول خالتي وين العروس بنبارك لها؟
مشعل/أي صدق وينها ....
////////////////////////////////////////////////////////////////////
نورة/ناديتيني يمه؟
ام سعد/أي يمه...
نورة/خير..
ام سعد/بكرة ابيك تلبسين الجلابية الحمرة اللي اخذتيه من شالكي ومالبستيها؟
نورة/اولا انا اخذتها لانك اصريتي اخذها وانا ماالبس ها الاشياء,,,ثانيا ليه؟
ام سعد/علشان بكرة غذانا بيكون في منتجع الهوليدان خالتك ام فارس مسوية غذى حق جية فارس بالسلامة؟
نورة/..............
ام سعد/مااشوفك قلتي شي...عموما خالاته وعماته وكل اهله بيكونون هناك ابيك تكونين رزة بينهم مو تلببسين لي واحد من فساتينك ولابنطلون جينز وتي شرت ترى اذبحك؟
نورة بهدوء/ليه متى فارس وصل ولابيوصل؟
ناظرتها ام سعد وسكتت,,,,,,
نورة بنفس الهدوء/خبري فيه وصل قبل يومين مو بكرة بيجي؟
ام سعد/أي...
نورة/انتي ليه ماقلتيلي؟
ام سعد/اقولك عن شنو؟
نورة/عن انه نزل من دبي!!عن ان العزيمة كانت قبل يومين في بيتهم علشانه وكانت خاصة فيني وفيك وبس!!!عن انه كلمك امس وكان يبي يشوفني وانتي قلتيله اني بالمجمع!!!متى كنتي ناوية تقولين لي ولاكنتي بتمشينها لي انه بكرة بينزل؟
ام سعد بهدوء/هذا طلبه...ماكان يبيك تدرين انه هنا كان يبي يتكلم معك بهدوء وقبل لااي احد يدري بجيته؟
نورة/أي بس احنا لسه ماتكلمنا بهدوء على قولته؟ليه بيبين للعالم انه رجع من دبي؟ولاخلاص حسها مو حلوة وهو طالع داخل لو شافه احد من معارفهم بتصير موحلوة انهم مايدرون عنه؟
ام سعد وقفت وقالت قبل لاتمشي/اللي انتي ماتعرفينه ان فارس مليون وحدة تتمناها..وانا مو فاهمة ليه انتي رافضته وكارهة سيرته اللي كل ماانفتحت لك قلبتي الموجة؟يانورة حطي عقلك براسك والله كامل والكامل الله ومامنه اثنين وشاري ودك ويبيك...ليه تبين تضيعينه من يدك مو قادرة افهم!!!
////////////////////////////////////////////////////////////////////////
عبدالله كان جالس يكلم عبير وهو بالصالة...
عبدالله/يعني امي قالت لك عن الملكة الليلة؟
عبير/أي....
عبدالله/وبتشرفونا طبعا..
عبير/والله لسه ماقررت وش بلبس وهل بتجي معي اختي ولالا؟
عبدالله/واذا ماجت معك؟
عبير/تبيني اجلس بروحي!!انا مو جالسة مع الحريم واول مرة ادخل بيتكم,,,
عبدالله/يبى علشانك انا الليلة مو طالع بقعد مرابط هنا لين اشوفك باي طريقة كانت..
عبير/اعقل بلاجنون....
عبدالله/مايخصني..
عبير/وكيف العروس مبسوطة؟
عبدالله/والله لسه ماشفتها قلت بمر ابارك لها من شوي بس كانت معها مدري منهي.......
عبير/المهم بخليك انا اللحين وبرجع اتصل فيك بعد شوي طيب..
عبدالله/بنتظارك....
سكر منها ودخلت مرام بعد شوي وفي يدها بوكيه ورد تركت على الطاولة ومشت تحوس بااغراضها اللي في المكتبة..
عبدالله وهو يناظر بالورد/ لمنو؟
مرام/شنهو؟
عبدالله/الورد...
مرام/لمشاعل...
عبدالله/من منو؟
مرام/من وضحى مرة خالي خالد...
عبدالله اعتدل بقعدته/وضحى...هي دازته يعني؟
مرام/لا ..جت قبل شوي وباركت لمشاعل لانها تقول يمكن ماتقدر تجي الليلة حاسة بشوية تعب...
عبدالله بلهفة/ووينها اللحين؟
مرام/مشت...قالت انها تعبانة وسلمت على امي وباركت لمشاعل وراحت...بس تبي الصدق شكلها صدق تعبانة....الله يعنيها ماتولد وخالي خالد يصدق ويرتاح؟
اخذ جواله وطلع الشارع يدق على خالد....
خالد بدون نفس/هلا..
عبدالله/لو اقولك ماتصدق؟
خالد/شنو؟
عبدالله/وضحى كانت هنا قبل شوي؟
خالد بانفعال/وضحى؟؟؟ووينها اللحين؟
عبداللله/مشت...يقولون جت تبارك لاامي ومشاعل وبعدها مشت لانها مابتقدر تحضر الليلة.....
خالد/...........
عبدالله/على الاقل شي يطمن ياخالد....معناته ماهي بالمستشفى ومافيها شي كايد......
//////////////////////////////////////////////////////////////////////////
اول شي وش رايكم بالبارت وبللي صار فيه وشنو توقعاتكم للي جاي بالطريق؟
/هل بتمر ملكة مشاعل وفواز بهدوء وعلى خير وسلاااام؟
هل بيعرف خالد مكان وضحى وبيدري انها تشتغل ولالا ومنوبيوقله عنها ولمنو بيشكي حاله؟
نوف وعبير وهل بيتم اللقاء اخيرا؟؟

البارت الثالث والرابع والاربعين,,,,,,,
////////////////////////////////////////////
عبدالله/اقول نوف..
نوف/هلا
عبدالله/بغيتك بخدمة اذا ماعليك امر؟
نوف دق قلبها بقوة وحست ان السالفة فيها حبيبته وسوت روحها طبيعية/خير,,,
عبدالله/الخير بوجهك يابنت عمي بس بغيت اقولك تراها معزومة الليلة؟
نوف مسوية روحها مضيعة السالفة/منهي؟
عبدالله/نوف شفيك؟شنهو منهي؟عبير طبعا..
ناظرته وبعيونها الف معنى ومعنى وطبعا هو مافهمهم بس قالت بصوت متقطع/أي تقصد حبيبتك؟
نطقت ها الكلمة وهي حاسة ان قلبها وقع وعيونها بتخونها باي لحظة وبتبكي بس ماقدرت تسوي شي قدامه,,
عبدالله/عليك نور...هي عاد تدرين المطلوب منك شنو؟
نوف بقهر/لاماادري ممكن تقولي!!
عبدالله ضحك وعلى باله انها تمزح معك قال برواق/الله يسلمك ياحلوة ابيك تجلسين معها وتسولفين وتاخذين وتعطين...وتاخذون ارقام بعضوها السوالف يعني....
نوف بضيق/يعني اضرب صحبة معها..
عبدالله/وصلتي خير ياقمر...وبكون شاكر لك...بس وينك الليلة مافي نوم لازم تعطيني الاخبار والعلوم كلها؟
نوف بنفس الضيق/وماتبيني بالمرة امهد لك شوفة؟
سكت عبدالله وكانه بيفكر/تقدرين؟؟
قالها بتشكيك...
حست انها مو قادرة توقف اكثر اخذت بعضها ومشت عنه وقالت /لا طبعا مااقدر؟؟
قالتها وهي تمسح دموعها علشان لو فكر يمشي وراها لايشوفهم!!!
/////////////////////////////////////////////////////////////////
نورة فتحت كاميرتها تصور مشاعل اللي قاعدة قايمة بدون أي هدف....
ياسمين وهي تضحك/ايوه وبعدين...وش اخر مشاريعك اخت مشاعل؟
مشاعل/اووووف لااحد يكلمني؟
نورة/ليه عاد؟
مشاعل/ماني عارفة وش اسوي؟
ياسمين/لاتسوين شي...جلسي ارتخي لان بعد الصلاة بتسويلك الكوافيرة مكياجك وشعرك...وبتتجلسين كاْنك اميرة وبعد كم ساعة بتنتهي الليلة وبتحطين راسك وبتروحين بسابع نومة؟
مشاعل قربت تبكي/حرام عليكم حسوا فيني!!
ياسمين/يالله عقابلك ام فارس..
نورة بوزت وقالت/فكوني من سيرته يكفي امي ملزمة على روحة بكرة العالمية.....
ياسمين/بصراحة انا مقدر اواسيك يامشاعل لاني مامريت بها المرحلة ابدا!!!
نورة/ههههه ومبسوطة حيييل حضرتك؟
ياسمين/أي وش ابي اكثر من اللي سواه نواف مع جدي جابوا الشيخ وخلصوا امورهم ونادوني بس اوقع واقول موافقة بدون خبر مسبق؟
مشاعل ونورة ناظروا في بعض وهم حاسين ان ياسمين ممكن تنفجر وظلوا ساكتين...
بعد فترة صمت مرة رفعت راسها تناظرهم وقالت بمرح/شفيكم!!تراني اتكلم من جدي....زين ماسوا ماخلاني اظل على اعصابي فترة طويلة؟
مشاعل/انتي تحكين من جدك؟.
ياسمين/طبعا...
نورة/ياسمين ممكن سؤال؟
ياسمين/شنو؟
مشاعل ونورة بصوت واحد/انتي تكرهين نواف؟
ناظرتهم وماقالت شي بس قالت وهي قايمة/كاْن نوف تاْخرت"؟
/////////////////////////////////////////////////////////////////////
ام سعد/ها حصة شلونك؟
حصة /هلا خالتي...
ام سعد/ان شاءالله عقبال حمود ماتفرحين فيه؟
حصة/الله يسمع منك ياخالتي...
ام سعد/غمضي عينك وافتحيها وبتلاقين ها اليوم وصل,,
حصة/اسمع امي تقول بكرة فارس بيوصل؟
ام سعد/أي....ان شاءالله..
حصة/وبعده يبي نورة ولاغيروا رايهم مايبونها؟
ام سعد/حصة شها الكلام يمه؟
حصة/لاموقصدي شي ياخالتي؟؟بس كنت اقول يعني هو ماتزوج ولا..
ام سعد بقوة/لاتطمني يبيها وان شاءالله بعد اسبوع اسبوعين بيملكون؟
حصة/والله وتزوجوا البنات بسرعة ومابقى احد...
ام سعد/الله يفرحنا بنوف بعد قولي امين....ان شاءالله ياخذها واحد يستاهلها ويحطها بعيونه ويسكر عليها؟؟؟
////////////////////////////////////////////////////////////////////
مشاعل بخوف/هذا فواز؟
ياسمين ناظرت في نورة..
نورة/طيب واذا كان ردي عليه؟
مشاعل بخوف/وش يبي؟
ياسمين/ردي علشان تعرفين؟
مشاعل/لامو رادة....
نورة/ليه؟
مشاعل بخوف/يمكن يقولي انه هون ومايبي يملك ومايبيني من الاساس؟
ياسمين وهي تضحك/احسن بعد!!!يريحك من تفكيرك وخوفك؟
نورة بتاْييد/أي والله وتقومين تحطين راسك وتنامين بلا ملكة بلا بطيخ؟؟
مشاعل بصراخ/هييه انتي معها قلبوا وجيهكم....
اخذت ياسمين الجوال وردت وحطته سبيكر ومشاعل تسوي لها حركات تهديد ونورة ضاربتها تصوير علشان يعايرونها بعدين,,,,
فواز بهدوء/الو..
مشاعل بخوف/هلا...
فواز بارتياح/هلا وغلا,,,,
مشاعل بخوف/فيك شي؟
فواز/شي مثل شنو؟
مشاعل بتردد/مدري؟
فواز/يعني اقدر افهم ان اتصالي خوفك؟
مشاعل بتنهيدة/يعني...
فواز/ليه مالازم الواحد يتطمن على حبيبته قبل الملكة ويشوف نفسيتها؟
مشاعل بسرعة/لا..
فواز بصدق/جد؟؟؟والله محد قال لي!!وانا ماسئلت احد؟يعني كان المفروض مااتصل؟.
نورة وياسمين ياْشرون على مشاعل تقول شي وهي بلمت وسكتت..
فواز/بعدك معي مشاعل؟
مشاعل/أي...
فواز/طيب وين سرحتي؟
مشاعل بتنهيدة/لاولامكان بس كنت افكر ب....
فواز/بشنو؟
مشاعل/مدري.....
فواز/عطلتك عن شغلك؟
مشاعل/هو انا قاعدة ماعندي شي مع صديقاتي بس اتصالك خلاني اخاف بصراحة؟
فواز/انا اسف ماتوقعت اتصالي بيربكك كذا!!حقك عليّ يالغالية....بتركك اللحين بس قولي لي انتي بخير ومافيك شي؟
مشاعل/ليه تساْل؟
فواز/كذا بس ابي اتطمن..
مشاعل/مافيني شي تطمن....
/////////////////////////////////////////////////////////////
بعد صلاة المغرب,,
كانت نوف طالعة من غرفتهم مستعجلة وماعليها عبايتها ونزلت للمجلس اللي تحت واول ماوصلت لباب المجلس نادتها حصة,,,
حصة/خير ان شاءالله على وين؟
نوف بتنهيدة/تبين شي ياحصة تراني حييل مستعجلة؟
بها اللحظة وصل تركي من الباب الخارجي للمجلس وكان بيدخل من نفس الباب اللي نوف واقفة عنده بس يوم سمع صوتها هي وحصة وقف يسمع كلامهم,,,,
حصة/عشتوا....وش عندك عاد مستعجلة؟
نوف/ياربي على سوالفك ياحصة؟يعني انتي تشوفين انه وقت اخذ وعطى بالحكي والناس جايين اللحين...
حصة/قومي كفخيني بعد يللي ماتستحين؟
نوف جت بتمشي وبتحقر بس كلام حصة وقفها
حصة/وبعدين ليه ماخذة راحتك باللبس كذا ماتدرين ان البيت فيه رجال؟
نوف بحدة/حصة..البيت امان؟كل الرجال بالمجلس الخارجي وبعدين كل البنات شايللين عبيهم جت عليّ انا!!!انتي وش تبين تلمحين له بالضبط؟
حصة/اقول ترى ثوبك قصير ولو تبدلينه يكون افضل..
وقف قلب تركي من كلمة ثوبك قصير وقعد يدعي انه يشوفه..
نوف بنفس الحدة/ماراح ابدله زين...واذا ماعندك سالفة لو سمحتي اتركيني بحالي لان وراي شغل؟
حصة/انتي منو مكبر راسك بالله؟
نوف/انتي وش تبين مني!!!ليه حاطة دوبك ودوبي؟
حصة بقهر/لاني عارفتك زين وعارفة نواياك؟
نوف تخصرت/بالله!!!وشنهي نواياي بالله!!!
حصة/ادري انك حاطة عينك على واحد من اخواني ومنتي خالية...
نوف/عيب يابنت الناس ها الحكي....انا بنت عمك وهم عيال عمي كيف تفكرين كذا بس!!
حصة/لان هاذي الحقيقة...قولي انتي منو حاطة في بالك بالضبط؟
نوف بقهر/زين انك قلتيلي عن شعورك...بس تدرين انتي مابترتاحين غير لمى توقفين عند حدك...تدرين شلون انا حاطة تركي في بالي ارتحتي اللحين؟
مايدري تركي هو صدق سمع اسمه ولالا؟هو ماركز بلهجة نوف علشان يعرف اذا كانت صادقة ولاتجاري حصة بس!!
كل اللي عرفه انه شهقة طلعت من حصة ووراها قائمة سب وشتم وبعدها سمع صوت وحدة تنادي حصة وبايتنها مشت لانه بها اللحظات سمع تنهيدة قريبة منه حييل وكانت نوف دخلت المجلس اللي هو فيه...
مايدير وش اللي جاه وتقرب من جنبها وهو فاتح ذرعانه علشان يضمها وهي كانت مغمضة عيونها وتتنهد وتقول كلام مو مفهوم...
وصارت اللحظة الحاسمة وطاحت نوف بحضن تركي؟؟؟
////////////////////////////////////////////////////////////////////////
خالد كان واقف في حوش بيت ابو تركي مع عبدالله وهو رايح جاي واعصابه فلتانة ومبين عليه التعب والارهاق ومو قادر يركز بشي...
عبدالله/هدي...هدي..
خالد بتعب/طيب هي بخير بس السؤال وينها فيه؟وليه ماتبي ترد لاعلى اتصالاتي ولاعلى مسجاتي!!
عبدالله/علشان تاْدبك؟
تنرفز خالد وكان بيقول شي بس غير رايه..
عبدالله/خل ندخل المجلس مايصير الجماعة واصلني واحنا هنا بس نسولف وماخذين راحتنا...يالله لايعصب علينا ابوي,,,,
خالد/اسبقني انت....احس اني متنرفز حييل وماودي اشوف احد من العالم ولو ماهي ملكة مشاعل والله ماجيت بس غلاتها عندي هي اللي جابتني...ضايقة فيني ارض الله ياعبدالله وانت تدري بها الشي,,,
دخل عبدالله داخل وخالد ظل واقف وهو افكاره كلها ماهي معه...كل اللي رجعه لاارض الواقع صوت نواف اللي كان داخل وهو يكلم بجواله واللي ماانتبه لوجود خالد عن يمينه..
نواف/أي وضحى معك....لاالشركة نفسها ماتغير موقعها...طيب انا اذا شفت خالد بوصفها له بعد شوي.....ليه مو هو اللي بياخذك وبيردك؟طيب مو مشكلة...يعني بكرة بتجين تتغذين معنا...خلاص اذا شفتك بكرة قلت لك...يالله ياعمري مع السلامة,,,
وقف خالد بمكانه وكلام نواف في باله,,,,,,
////////////////////////////////////////////////////////////////////
كانت بحضن تركي بها اللحظات وماتفصلهم لاعباية ولاشيلة ولاهم يحزنون,,,,,
تركي بهمس لها/نوف انا...
نوف بانفعال/اسفة انا اسفة...ماكنت بقول شي من ها الكلام بس هي جبرتني اقول....
قاطعها بسرعة /نوف انتي لو ماكنتي قلتيها انا اكيد كنت بقولها..
دق قلبها بقوة وماعرفت شتسوي....
نوف وهي بعدها غرقانة بحضنه وماهي قاوية ترفع راسها تشوفه/شنو..؟
تركي/نوف انا احب....
دق جواله بها اللحظة وابتعدت عنه بسرعة وكانها انتبهت انها كانت بحضنه وقفت ثواني تسترد انفاسها ولقته واقف قبالها يناظرها ..
ماتدري وش اللي منعها تطلع بسرعة ووقفت تشوفه وهو يشوفها والجوال بعده يدق,,,,
ساعتها بس يوم شبعت من نظراته مشت,,,,
مشت وظل هو واقف مكانه يناظر الباب اللي طلعت منه ويستعرض صورتها بها الثوب كيف كانت؟؟كل اللي يعرفه انها يوم كانت بحضنه غمض عيونه وحضنها بالقوة لاتفلت منه؟؟؟؟
//////////////////////////////////////////////////////////////////
ياسمين/حاسة يامشاعل ان خالد فيه شي؟
مشاعل/أي...سلامه كان سريع ومقتضب...عمري ماتوقعته بيكون كذا يوم ملكتي!!!
ياسمين/لاتتحسسين ..السالفة مو سالفة ملكتك...هو فيه شي؟
مشاعل/تهقين زعلان على تعب وضحى؟
ياسمين/ليه لهدرجة هي متعبها الحمل؟
مشاعل/لو شفتيها اليوم ياياسمين ماتقولين هي وضحى,,,وقسم بالله لو اقول لك كبرت عشر سنين ماابالغ!!!وجهها شاحب بدرجة كبيرة ومبين عليها الارهاق والتعب...الله يكون بعونها...شكله حملها ثقيل؟
ياسمين/كنت بكلمها اليوم اساْل عنها بس ماصار عندي وقت...بكرة ان شاءالله بمرها؟
نورة وهي تتكحل/أي نبي نكسب رضى نواف مالنا الاخواته؟
رمت ياسمين عليها المخدة وقالت/انا احب وضحى لانها وضحى ولانها زوجة خالد واذا كنت بكره فيها شي فا لانها اخته؟؟؟

نورة دزت نوف بكتفها وقالت بهمس/بنت ماهو وقت سرحان ابدا!!
نوف وهي تتنفس بسرعة /مو بيدي يانورة اللي صار فوق طاقتي وتحملي!!والله ماكنت قاصدة يشوفني كذا بس...
نورة/منهو فيهم عبدالله ولاتركي؟
جت نوف تتكلم بس نورة قالت بسرعة/خلاص خليها لسهرة الليلة...
تنهدت نوف واسكتت وانتبهت على صوت خالتها ام تركي تسلم على بنتين داخلين وهي تسال منهي فيهم عبير ومنهي غدير,,,
رفعت راسها وشافتها.....يوم تقول انا عبير,,,,
الله يالدنيا...انتي عبير!!!واخيرا التقينا؟؟
الحمد الله ماهو بزين فيك يوم اختارك عبدالله بس القلوب هي اللي تقربنا من ناس وتبعدنا عنهم!!!
مشت لعندها وسط اعتراض نورة وعرفت بنفسها...
نوف/هلا وغلا ببنات الجيران اللي ماينشافون؟
غدير ابتسمت/هلا فيك.....انتي اكيد مو مرام ولاحصة...
نوف/انا نوف....
عبير اكتفت انها تناظرها من فوق وتحت وماتتكلم....
دق جوال اختها غدير واستئذنت وقامت...
نوف لفت لها/هلا عبير..
عبير بدون نفس/اهلا...
نوف/شلونك...
عبير/بخير.....
نوف/..........
عبير/...........
نوف/صار لازم نتقرب من بعض ونتعرف على بعض؟
عبير بدون نفس /أي يصير خير؟
كان ودها تقوم تصارخ بوجهها وتقول لها انتي وحدة وقحة وقليلة ذوق وماعندك أي سالفة؟؟وش عليه شايفة نفسك وانتي بوسط بيتي!!بس كله علشان الغالي ...كلامها مع ها الانسانة علشانه هو وبس!!!
نوف/فينا ناخذ ارقام بعض...
عبير بهمجية وهي تاكل الكيك/مو وقته ماني فاضية اللحين؟
نورة جت معلنة حالة الطوارى وسحبت نوف من يدها وقالت لها بهمس/قومي لاتقوم بينكم معركة اللحين والله مااردى من عبدالله الا هي!!ياشينه وياشين مااختار؟؟
//////////////////////////////////////////////////////////////////////////
وضحى بس كانت بعيدا عن كل اجواء الفرح المسيطر على العايلة وكانها ماتقرب لهم لامن قريب ولامن بعيد!!!
احساسها بالغربة في ها البيت اكبر من احساسها بجرحها وبجرح كرامتها؟؟
كانت دموعها هي الوحيدة اللي تسليها وتهون عنها,,,
كل الوساوس كانت تمر على بالها ذيك اللحظات,,,,ليه هو خانها؟؟؟وش اللي فيها ماكان عاجبه؟؟؟من بداية زواجهم ولا توه؟؟؟طيب هل هي نفسها البنت دايما يخونها معها يعني هي محددة لشي فيها ولا هم كثيريين وهاذي وحدة من ضمنهم!!!
كانت النار تشتعل فيها من كل صوب وهواجيسها تودي وتجيب...
اه منك ياخيانة خالد اه....لو تدري بس وش سويت ياولد العم فيني!!!
ياليتك كنت غريب عني ومابشره عليك بس انك تكون من لحمي ودمي ودمنا واحد ؟؟؟هذا اصعب شي تخيلته...اللحين بس صدقت بالسوالف اللي يقولونها اذا قالوا فلانة انتحرت يوم يخونها زوجها وفلانة انهارت يوم تكتشف ان زوجها على علاقة بوحدة ثانية,,,,
الله يسامحك يابو ولدي...الله يسامحك....
//////////////////////////////////////////////////////////////////////
نواف بهمس/وش فيك؟
تركي بهمس اكبر/كانت بحضني!!!
نواف/نوف؟؟
تركي/أي..
نواف بدهشة/وش الطاري عاد؟؟
تركي تنهد/قالت انها تبيني؟؟؟يعني هي حاطة عينها عليّ!!
نواف/قالت لك؟
تركي/لا...قالت لحصة؟
نواف/انت متاْكد انها قالت اسمك؟
تركي بتنهيدة/أي...وانا جيت بقول لها احبك بس باخر شي وقفت معي الكلمة يوم يدق جوالي!!!
نواف/............
تركي وهو مغمض عيونه/مو عارف شسوي...احس جسمي كله يرجف..حاس انها لسه باقية بحضني وريحة عطرها لسه فيني مو راضية تروح؟
نواف/تركي.....اهدا شفيك...انت بمجلس رجاجيل وكلهم ملاحظين شرودك....
تركي/لازم اشوفها الليلة واقول لها....خلاص ماعدت اتحمل اكثر؟؟؟
//////////////////////////////////////////////////////////////////////////
في المجلس اللي كان جالس فيه فواز ينتظر مشاعل اللي راحوا سعد ومشعل ينادونها,,,,
دخل اول سعد وبعده دخلت مشاعل وبعدها دخل مشعل ووقف فواز يوم شافها داخلة...
سعد/يالله امشي؟؟
ابتسم فواز لهم....
مشاعل تقربت من فواز وهي تمشي بهدوء ويوم صارت بالنص مشى هو لين وصل عندها...ووقف قبالها ومسك يدها وباسها/
فواز/مبروك يالغلا....
مشاعل وهي تدري ان سالفتها الليلة على العربية مدام اخوان الشر معها قالت بصوت يالله يطلع/مبروك لك انت بعد!!!
مسك يدها ومشاها معه وجلسها جنبه وسعد ومشعل قبالهم واقفين..
رفع فواز راسه وشافهم وابتسم لهم...
سعد/حتى اذا ظليت تبتسم طول الليلة ماراح نطلع؟
فواز يكلم مشاعل/هذولا عيال خالتك اللي كنتي بايعتني علشانهم الاسبوع اللي راح؟
مشاعل اكتفت انها تبتسم..
مشعل بنفخة/ترى أي حسد بالعالم مايبعدنا احنا وبنت خالتي عن بعض؟
سعد/حتى السحور ماتفيد؟
ضحك لهم فواز وقال/والمطلوب مني!!!
سعد/خلاص شفتها...يالله مع السلامة؟
فواز/طيب مافيني اقدم أي شي علشان اظل وقت اطول مع اميرتي!!!
مشعل/ادفع؟؟؟جدي علمنا اذا نسوي خدمات لازم بالمقابل ناخذذ شي؟
فواز وهو يضحك/طيب معليش بعد شوي بدفع بقعد معها دقايق بس!!
سعد/شكلك دفعت المهر وفلست!!!يالله مو مشكلة احنا بننتظر برى المجلس واذا مادفعت ترى ندل شركتك؟
طلعوا ولف لها واخذ يدها بيدينه وهو يبوسهم/مشاءالله تبارك الرحمان قمر...
مشاعل/............
فواز/اهم شي قريتي على نفسك المعوذات ترى بجد خايف تصيبك عيوني!!
مشاعل بهمس/لاتكبرني بعيون نفسي؟
فواز/حقك ياشيخة البنات؟
مشاعل/.......................
فواز بهمس/ممكن تدين بحضني شوي؟
دق قلبها خوف..مو من اللي قاعد جنبها بس من اللي كانوا واقفين ورى الباب وهم باي لحظة بيدخلون بدون اذن؟
//////////////////////////////////////////////////////////////////
اليوم الثاني كان ثقيل حييييل على بعض الناس اللي ماكانوا يبونه يجي مثل نورة وبطيء موووت وينتظرون طلعته مثل خالد,,,
خلونا نبتدي بخالد اللي كان واقف قبال بيت عمه من البارح وهو ينتظر أي سيارة تجي وتنزل منها وضحى ولا أي بنت تمشي بالشارع معناته بتكون هي,,,
كانت سيارته بعيد شوي عن بيتهم واصلا ماجا بسيارته علشان لاتعرفها وضحى وترجع,,,,
كان حاط بقرارة نفسه انه يكلمها اليوم باي شكل من الاشكال وبيضطر يقعد لااخر الليل واذا ماطلعت بيدخل لها البيت ويكلمها,,,
كان يتنهد بقوة واعصابه فلتانة حييييل,,,,حتى السيجارة دلت فمه من طلعت وضحى من البيت؟؟؟
حس بر بكة مو طبيعية يوم شافها جاية بسيارة تاكسي ونازلة عند بيت اهلها؟
تنهد بقوة حس انه يبي روح لها ويمسكها قبل تدخل ويتفاهم معها...موشرط ترضى تكلمه ومايبي يغصبها على ها الشي بس تفتح شيلتها ويشوف وجهها ويشوفها هل هي بخير ولالا؟
بس يتطمن عليها هاذي كانت امنية خالد بذيك اللحظات بس مايدري ليش حس نفسه انشل بمكانه وماقدر يتحرك ويقوم لها,,,يمكن لانه حس بيشوف بعيونها اكبر عذاب هو اللي تسبب فيه؟ويمكن لانه مابيقدر ينطق بكلمة وحدة قدامها وقدام زعلها؟
تنهد بقوة يوم شافها دخلت وسكرت الباب وراها....بس وين هو جالس من البارحة هنا وماهي فارقة معاه أي شي بيظل منتظرها لين تطلع وبيلحقها...لازم تسمعه ويسمعها ويتطمن عليها,,,
//////////////////////////////////////////////////////////////////
نورة كانت قاعدة بالمنتجع باكبر ضيق بالدنيا كل اللي موجودين اهل فارس..عماته,,خالاته,,,بنات عمه وبنات خالته وبنات خاله...
كل العيلة حتى امها ماشافتها من جت لانها كانت معهم ومندمجين بالسوالف,,,الا هي ....كانت جالسة بروحها والكل يتفحصها وكانها سلعة معروضة للبيع!!
حست انها بتنفجر باي لحظة..ماهي قادرة حتى ترفع راسها وتشوف الموجودين لان الكل كان يناظرها ويتهامس عنها...اللي يقول ليه اختاروها لفارس وش فيها من زود؟؟واللي يقول هو احلى منها بمرات حرام يظلمونه فيها؟واللي يقول اكيد لسه ماشافها واذا شافها بيغير رايه هذا شايف اللي هي احلى منها بعشر مرات وش يبي فيها؟
كانت تبي تنطق وتتكلم وتقول لهم انا بعد ماابيه!!والله مالي شغل بها العرس كله؟مو انا اخترته..ولاانا جبرته,,,,تبي احد يصدقها وتوقف ها الحكي كله حست ان جيتها من الاساس غلط بغلط,,ماكان المفروض انها تجي..بس اصرار ام فارس انها تكون موجودة اليوم هو اللي خلاها تنحرج لانها من البارحة تلفونات معها وتاْكد عليها...
حست الجو مكتم واخذت تلفونها بتطلع تكلم نورف تشكي لها حالها وضيقها من الجو اللي حوالينها....
توها بتشيل عبايتها وبتطلع الا خالتها ام فارس داخلة وبيدها كيس...
ابتسمت لها بالغصب علشان لاتشوف ضيقها وجلست جنبها....
ام فارس/هلا بالنور كله..
نورة /هلا فيك ياخالتي..
طلعت ام فارس الطقم اللي كان بالكيس وفتحت علبته..
ام فارس/وش رايك فيه يانورة؟
نورة كانت تناظره وتناظر خالتها وهي ساكتة..
ام فارس/انا قلت اول مايجي فارس وبيوم عزيمته بلبسك طقم على ذوقي بس عاد فارس مارضى قال طقمها انا شاريه لها من دبي وبذوقي انا؟
حست ان كل نظرات الموجودين كانت تلتف عليها وعلى الطقم وكانهم يقولون ماتستاهل تلبسه!!

لبستها اياه ام فارس وهي تسمي وتهلل عليها وبعدها قامت لعند الحريم اللي كانوا قاعدين بالقسم الثاني.....
حست ان كل الموجودين يتهامسون عليها واخذت لعضها وطلعت تمشي برى......
كانت واقفة عند البركة بعد مالبست عبايتها وشيلتها لانهم الظاهر ماعندهم مانع يجلسون كذا...
غمضت عيونها تداري دموعها لاينزلون ويفضحونها....
الله يسامحك يايمه..ليه حطيتيني بها الموقف بس!!!
بها اللحظات نورة اخر همس كانت تتمنى تسمعه هو صوت فارس اللي كان واقف جنبها ويسالها بهمس عن اخبارها..
ماقدرت ترد عليه..
فارس بخوف/نورة شفيك؟
حست انها تبي تبكي....ماتبيه يتعامل معها بها الحنان والخوف اللي يذوبوها...
ماانتبهت الا على دموعها وهم ينزلون منها بحرارة وهو واقف يناظرها لانها ماكانت مغطية وجهها والشيلة بس لافتها على شعرها...
فارس بخوف اكبر/نورة شفيك؟
قالت بصوت متقطع/فيك تتراجع محد جابرك على ها الزواج يافارس؟؟؟
//////////////////////////////////////////////////////////////////////////////////////////////////
طبعا هذا بارت اليوم وبكرة لاني مابقدر انزل لكم بارت بكرة لاتنسون التعليق واشوفكم يوم الخميس باذن الله

/////////////////////////////////////////////////////////////////
البارت الخامس والاربعين,,,,
///////////////////////////////////////
وقف مكانه يردد كلامها مصدوم/فيك تتراجع؟؟محد جبرك على ها الزواج!!!!
نزلت نورة راسها وهي حاسة بالهيبة منه ومن قربه لها,,
فارس بانفعال/نورة,,,علامك منو قايل لك ها الحكي؟
نورة وبدت تدمع/ومنو راضي اني اكون لك اصلا!!!
كلامهم جرحها..ها الشي اللي هي حاسة انه قاعد يخنقها,,,صحيح هي ماتبي فارس لانها رافضة فكرة ان الاهل يختارون لعيالهم من الصغر وبالنهاية هو بعيد وهي بعيدة ومايعرفون عن بعض شي ويتزوجون؟
حياة فارس البعيدة عنهم هي اللي مضايقتها...ماتدري ولاتعرف عنه أي شي...شخصيته كيف ممكن تكون؟هل عند غموض بالحياة ولالا؟عنده علاقات ولالا؟كل هذا جمعوا عندها الرفض...
بس يوم التقت في اهله اليوم وكلامهم ونغزاتهم لها كل شوي خلوها تتضايق وتحس انها مفروضة عليه....
فارس بقوة رجعتها للواق/احد قايل لك شي ومضايقك؟
نورة سكتت وكرر هو نفس سؤاله,,,
بعدها قالت وهي تناظر بعيد وتمسح دمعتها /مو مهم؟
فارس بانفعال مايل للصراخ/بس انا ملزم...
وقف قلبها من حدته بالكلام معها وماعرفت شتقول...
فارس/نورة ...تكفين قولي احد قايل شي وضايقك؟
نورة بانفعال/كلهم مايبوني...كلهم يقولون ليه ياخذها وش فيها من زود عاد؟؟؟ كلهم يقولون فارس تسواه الف بنت وهي مافيها شي مميز؟وش تبي بعد يقولون قولي!!
فاجاْتها نبرتها العصبية وحست انها توهقت..كذا كاْنها هي موافقة وهو اللي اهله رافضين..
ماتدري وش جاها....
تنهدت وسكتت وهو بعده يناظره...
فارس باصرار/مايهموني...محد يهمني بالعالم يانورة...ابيك ومن زمان وانا ابيك وافكر فيك...من قالوا لي نورة شيخة البنات لك صرتي ترافقين كل الاحلامي وماتفارقين خيالي ابدا!!
نورة علشان اكون صريح معك كنت مرتاح حييل لها السالفة اني لك وانك لي لين قبل فترة بسيطة مرت وشبكت معي وحدة ولاواحد مدري...
كل اللي كان ينكتب لي عن علاقتنا انا معك ويحاولون يشوهون صورتك في بالي!!
ساعة يقولون انتي ماتبيني؟وساعة يقولون انتي تحبين احد ثاني وساعة كلام سخيف ماودي اذكره....ها الشي بس هو اللي خلاني اجي حتى قبل ماتنتهي اشغالي اللي هناك...اقسم لك يانورة علشان اخذك بس واكون متطمن انك لي واني لك رجعت وبعدها بكمل شغلي....انتي عندي اهم شي هنا...رجعت علشانك وعلشان اثبت للي يبون يفرقون ولايحاولون..ان الحقيقة مو مثل ماهم يشوفون...انا ابيك وانتي تبيني,,,ومهما سووا العذال ماهموني ابدا يالغالية....بس صدقيني لو يطيح في يدي هذا اللي جاب بسيرتك والله لاادفنه بيدي ومايشوف خير ابدا!!!تطمني ياشيخة البنات انتي لي....ولو ماكنت مصر عليك ماكنت ابي التقي فيك قبل لاالتقي بكل اهلي....ماتكفيك هاذي اني كنت جاي قبل يومين علشان اشوفك انتي وبس وتوني اليوم جاي اشوف اهلي والتقي فيهم؟
لهنا بس وغمضت نورة عيونها علشان لايشوف انفعالاتها....لو عرف انها هي اللي كانت معه وتقول له ها الكلام وش بيسوي ياترى؟
////////////////////////////////////////////////////////////////////
بظل شروده وسرحانه يوم كان بسيارته دق جواله وقطع عليه الجو,,
استثقل يطلعه من جيبه ويرد بس يوم طلعه وشاف اسم ياسمين حس براحة ورد عليها...
ياسمين/اقول صباح الانوارولا من زمان جالسين ولاشنو؟
خالد بتعب/هلا ياسمين..
سكتت شوي بعدها قالت بجدية/خالد..شفيك حبيبي صوتك ماهو على بعضه؟
خالد زفر زفرة طويلة وبعدها قال/ولاشي..
ياسمين باصرار/بلى...ترى لاتفكرني توني ملاحظة عليك تعبك...انا حاسة فيك من يومين وامس حتى مشاعل اكدت لي ان فيك شي...مو معقول انك تكون خالد اللي نعرفه ونحبه... يااخي انت مو شايق نفسك وشايف تعبك....
قلبت بعدين لهجتها للمرح وقالت/يبى تستاهل وضحى تتعب نفسك علشان تعبها...بس يبى فترة وبتعدي وبترتاح ان شاءالله..
خالد /وضحى......وضحى...
ياسمين/أي..قالت لنا مشاعلوا انها مبين عليها التعب يوم تجيها امس...يالله خالد هونها وتهون علامك؟
مسح دمعة نزلت من عينه وقال بضيق/ياسمين ابي اشوفك اليوم...محتاج اتكلم معك..
ياسمين بخوف/خالد شفيك؟
تنهد وظل يبكي بصمت وهي حست عليه..
ياسمين/بظل منتظرة منك اتصال وتاْكد لو مااتصلت راح اجيك طيب...
خالد/طيب....
///////////////////////////////////////////////////////////////////////
مرام/صباح النور....
حصة/أي صباح انتي الثانية بعد قربت تدخل على الثنتين...
مرام/يااخي خلصت الملكة وجلسنا نسولف لين الفجر وبعد مامشى ابوي رحنا نمنا يعني مانمنا الا على السبع....
حصة/ليه ابوي وين راح؟
مرام/الرياض...شفيك كل شهر ابوي يروح اجتماع مجلس الادارة اللي هناك....
حصة/امممممم....ووين البنات؟
مرام/مشاعل قالت ان فواز بيمرها بيتغذون برى هو قايل لاابوي من امس ونوف اعتقدر نايمة لاني ماشفتها,,,,,,
حصة سكتت شوي وبعدها راحت لغرفة نوف ودخلت بدون ماتدق الباب...
كانت نوف واقفة قبال المرايا تناظر بنفسها وتتذكر عبير وتركي وسعود ورسالته اللي دزها البارح وماقدرت تقول لااحد عنها شي...
وماهي عارفة شتسوي,,,,
وتفاجاْت بصوت حصة من وراها...
حصة/عسى ماشر اول مرة تلاحظين انك مو حلوة وشينة؟
تنفست بعمق وقالت بحدة/مو عرفتي اللي تبين تعرفينه امس وش تبين مني بعد!!!
حصة باستفزاز/جاية اقولك حريمتك...مو طايلة شعرة من تركي..
نوف بشماتة/والله!!!مااصدقك؟
حصة/انتي هيهه..وش مفكرة نفسك بالله!!!شيلي اخوي من بالك؟
نوف/واذا قلت لك هو حاطني في باله ؟
حصة/نوف...ترى صدقيني ماراح يصير لك خير اذا بعدك حاطته في بالك؟
نوف بعصبية وانفعال/ماراح اشيله زين ماراح اشيله؟وباخذه غصبا عنك وعن الكل بعد!!واذا تبين اللحين؟
حصة بنفس الصراخ/طلعي من بيتنا وفكينا من بلاك..روحي بيت اخوك
نوف/.............
حصة بنفس العصبية/أي مالومه اخوك مايتحملك ومايبي يبلي نفسه فيك..بس يكون في علمك وعلمه بياخذك وغصبا عنه احنا مو قاصرينك وخل يتحمل اذاك بروحه هو اخوك وملزوم فيك احنا مانبيك....سمعيها وفهميها كل البيت مايبونك؟
/////////////////////////////////////////////////////////////////////
في مطعم مكسم بالخبر....
فواز/الف والف والف والف مبروك....
مشاعل ابتسمت وبعدها ضحكت..
فواز/خير..
مشاعل /اقول عادي...يعني اصير على طبيعتي وماتفكرني مجنونة؟
فواز مسك يدها وقال بجدية/مشاعل...ابيك تكونين بطبيعتك طبعا ياحياتي.....
مشاعل/خلاص ذيك راحت عليك بنشوف بعدها وش يطلع؟
فواز/طيب....بسالك سؤال؟
قاطعته مشاعل/انا بخير ومافيني شي...فواز علامك كل دقية والثانية سئلتني اذا كنت بخير ومرتاحة ولالا؟صاير معك شي؟ترى بجد بديت اقلق واخاف؟
فواز بجدية/تخافين؟
مشاعل/أي...يعني مدري حاسة نبرة الخوف طاغية عليك....
فواز تنهد وهو ماسك يدها وقال لها بحنان/مشاعل انتي بترضين بحياتي بكل مافيها من حلو ومر؟
مشاعل/طبعا...
فواز/لاتتعجلين بالاجابة فكري وبعدها قولي...
مشاعل/شفكر فيه عاد؟ادري اني ابيك وادري ان واحد مثلك حياتي كلها مشاريع وصفقات وفلوس ممكن تكون تعيسة مو فرحة لانك مشتت ووقتك معظمه بالعمل ومشاكله ويمكن مااشوفك كثير وافقدك بحياتي....و
فواز/صايرة تفهمين عليّ بس بعدك ماوصلتي للي ابيه؟
مشاعل/قول انا اسمعك ,,
فواز/علاقتي باهل ابوي مش كويسة..
مشاعل بتعاطف/ليه ياحرام....معقولة...احس انك حبوب ومحد مايحبك؟
ابتسم لها وشد على يدها وقال بهمس/افهم انك تحبيني!!!
مشاعل نزلت راسها وقالت بخجل/في احد يعرفك ومايحبك؟
فواز بنفس الهمس/واذا ها الاحد مصر يسمعك تقولينها بصراحة؟
مشاعل/...............
فواز بهمس/بنطول على ماتقولينها ونسمعها؟
مشاعل بخجل/كمل موضوعك لااقاطعك؟
فواز بهمس اكثر/بكمل بس حطي في بالك باخذها منك قبل لاارجعك البيت,,,,المهم شكنت اقول انا..
مشاعل/اهل ابوك...
فواز/أي..هم يبوني اتزوج وحدة من بناتهم علشان الورث ...يعني كل الورث ابوي كان كاتبه باسمي...وضايقهم ها الشي....وانا متاكد انهم بيحاولون يضايقونك علشان يبعدونك عني!!ابيك تكونين قوية وماتخليهم يهمونك باي شي....
/////////////////////////////////////////////////////////////////////////
حس قلبه يدق بقوة وهو يشوف نواف يطلع سيارته من الكراج...
تاْمل يمكن تكون جنبه جالسة بس حمد ربه انها مو معه ومامعاه احد وتنهد بارتياح.....
ظلت عيونه على باب بيتهم وهم قلبه يدق بقوة,,,,
حاس بشي غريب قاعد يصير له شنو مايدري؟
حتى بالايام اللي كانوا هو ووضحى يتهاوشون مع بعض ويجي يراضيها ويخاف انها ماترضى كانت نفسيته وقلقه اخف من كذا!!
ها المرة غير ياخالد ها المرة خيانة؟فاهم شنو يعني خيانة؟وتكون انت اللي خنتها؟معناته انت حطمت حتى ثقتها بنفسها؟معناته انت مو عاطيها أي احترام او اعتبار بحياتك؟
تنهد بقوة وهو يكلم عقله....انا احبها....اقسم بالله احبها...بس شسوي الشيطان قص عليّ بلحظة جنون ونسيت كل شي...زين لي انها ماراح تدري وانها بتكون وبتصير وبتعدي وبرجع مع وضحى عادي.........بس هذا كله ماصار...مرت وانا خفت أي خفت وحطيت يدي على قلبي بعد...والادهى والامر ان وضحى عرفت وهو ماعرف شيقول لحظتها,,,,,
استاهل كل اللي يصير فيني واللي بيصير بعد,,,,لاخفت من ربي ومن عقابه ولا فكرت بللي راح يصير بحياتي لو درت مرتي واللي القهر اني احبها وان احنا متفقين ومريحتني,,,,لو كانت وضحى انسانة ثانية ومابينا أي اتفاق كنت بقول معي حق لو خنتها,,بس وضحى..حلوة ولابسة وكاشخة علشاني...وفوق كل هذا تحبني واحبها وان كانت حياتنا ماتخلو من مشاكل عابرة تصيب أي اثنين بالعالم,,,,كيف بتوقع يكون جرحها بالله!!!
دق قلبه يوم شاف سيارة تاكي واقفة جنب بيتهم وبعد دقايق طلعت منه وضحى....اي هاذي وضحى انا متاْكد من ها الشي؟
ركبت سيارة التاكسي ومشت ومشى وراها بسيارته,,,
////////////////////////////////////////////////////////////////////
تركي بروحه كان حايس بالمستشفى ومو عارف وش يسوي..
طيحة نوف المفاجاْة اربكته...
والامر منها كان انهيارها وبكيها اول ماكانت مع حصة؟ياترى وش فيها؟وش اللي شايلته بقلبها بعد وانا ماادري عنه؟؟؟
تنهد بقوة ولف للمرضة اللي مرت وجاية تكلمه..
الممرضة/بترتاح شوي بعد ها الابرة..
تركي بخوف واضح/طيب شفيها..
الممرضة/مثل ماقال لك الدكتور ولاشي..يمكن انها تكون مجمعة عندها اوجاعها وبالنهاية ماقدرت وانفجرت مرة وحدة...
تنهد بقوة ودخل الغرفة يشوفها..
اول ماوصل عند الباب سمع صوت بكيها لانه كان عالي شوي...
مشى بخطوات ثقيلة لعندها وجلس على حافة السرير اللي هي قاعدة فيه...
شال يدينها اللي كانت مغطية فيها وجهها وقال برقة وخوف/نوف شفيك؟
نوف من بين دموعها/تزوجني ياتركي اذا لي قدر عندك تزوجني!!
تركي بصدمة/لايانوف لا..
//////////////////////////////////////////////////////////////////
الله الله بالتوقعات ليوم السبت ان شاءالله

/////////////////////////////////////////////////////////////////////////////
البارت السادس والاربعين,,,,,,,
////////////////////////////////////////
مشعل كان قاعد بالصالة ودخل احمد اللي كان طالع مع ابوه وتوه راد....
مشعل/اقول حمدي...
احمد/نعم...
مشعل/ابوك متى بيتزوج؟
احمد/ابوي متزوج...امي,,
مشعل/ياحظي ابوك بيتزوج اختي امك راحت خلاص بخبر كان؟
جت ياسمين بها اللحظات ووقفت عند الباب قبل لاتدخل...
احمد باصرار/أي بس انا توني راد من عنده وقال بيرجعها البيت علشاني..
دق قلبها وهي واقفة تسمع وتمنت انها ماوقفت اصلا!!!
معقولة نواف بيرجع ريم علشان احمد؟؟؟؟؟
مشعل/يكذب عليك علشان لاتساله مرة ثانية؟
احمد/لامايكذب عليّ اصلا الكبار مايكذيون؟
مشعل/لامو كلهم عندك جدي وجدتي اهل الكذب ماكانهم رجل بالدنيا ورجل بالقبر؟؟؟
احمد/يعني ها العجوزين اللي هنا يكذبون؟
مشعل/أي ولاتسمع كلامهم ولاتصدقهم بعد!!هذولا ماوراهم الا خراب البيوت؟
دخلت ياسمين وافكارها كانت متلخبطة حييل...
شي بنواف اللي صاير يشك بشكل ينرفزها وشي بالكلام اللي سمعته اللحين معقولة ريم بترجع؟طيب واذا رجعت انا وين بيكون موقفي من السالفة كلها؟وباقي افكارها رايحة لخالد وتعبه وصوته الحزين وقال انه بيكلمها..ياترى وش اللي صايرله؟
احمد/ابوي بيمرنا الليلة نتعشى..
ياسمين بهدوء/أي عطاني خبر...
مشعل/شفيك شكلك متضايقة..عسى بس مو عجوز النار متعبينك ومضايقينك بكلمة من هنا ولامن هنا؟
ياسمين/لا
//////////////////////////////////////////////////////////////
مشاعل/هذا تركي ذاق لي..
فواز/أي مالومه مفارقته ساعتين وحشتيه...
مشاعل ببتسامة/ارد...
فواز/تبين الصدق لا..لاتردين عليه..
مشاعل/اجل خلني اتنيذل وارد..
فواز/ليه عاد؟
مشاعل/عنادا لك؟وش رايك؟
فواز/ها بدينا....
مشاعل/هههه لاالصدق هذا تركي وانا اخاف منه وبعدين هو مايدق الا على شي يسوى ومايدق كيف الحال ومع السلامة اخوي واعرفه...
فواز/طيب ردي ذبحتيه وهو يدق لك؟
مشاعل/الو هلا تركي.....الحمد الله...كنا نتغذى وخلصنا اكلنا....ليه...شفيها؟...لالالاجاية اكيد بس وين انت؟.......لامافي مشكلة لو ماقدر يجيبني بدق لك ولالعبدالله...سلام...
فواز باهتمام بعد ماسكرت/خير الاهل فيهم شي؟
مشاعل بارتباك واحراج/معليش ابي امشي...
فواز/في شي يامشاعل...
مشاعل/بنت عمي تعبانة شوي وتركي معها بالمستشفى ويبيني اروح لها..
فواز/يالله اجل قمنا...
مشاعل/عادي مافيها احراج...
فواز/ولو يامشاعل اهلك اهلي وبعدين مو بنت عمك هاذي اللي معك بالبيت اللي قلتي انها اكثر من اختك؟
مشاعل/أي نوف...
فواز/طيب يالله قومي اكيد انتي متعبتها معك من قبل الملكة والبنت راحت فيها...يالله قومي قبل لايذبحونك اهلك لانك السبب بتعبها؟
///////////////////////////////////////////////////////////////////////
شمة/حيا الله من جانا؟
حصة/انا مو جاية اتقهوى ولااساْل عن احد سعود وينه؟
شما/خر في شي؟
حصة/ولد عمي وابيه؟
شما/طيب اجلسي بناديلك اياه..
حصة/يالله بسرعة...
دقايق مرت وسعود داخل مع شما...
سعود بخوف/خير في شي يابنت عمي؟
حصة/واختك خلت فيها عيال عم؟
سعود/نوف؟شفيها شسوت؟
حصة/قول وش اللي ماسوته سودة الوجه؟
سعود/طيب فهميني وش صاير؟
حصة/شوف سعود اختك هاذي لازم تطلع من بيتنا سامعني!!
سعود/تطلع من بيتكم!!!طيب فهميني هي وش مسوية؟
حصة/انت على بالك التوكيل اللي هي مسويته لعمها اللي هو ابوي وش غرضه بالله؟
سعودناظر بزوجته وسكتوا,,,,
حصة/سئلتك وش غرضها من ها التوكيل بالله؟اكيد ماهي مسويته الا وغرض في بالها قاعدة تخطط له؟
سعود بحذر/انتي شتقصدين؟
حصة بحقد/اختك ماتسوي شي لربها...هي وين ماتكون مصالحها بتسوي الشي....شوف سعود اختك اليوم لازم تطلع من بيتنا وتجي عندك...محد بيردها وبياْدبها غيرك..واعتقد انك ملزوم فيها ولابس تبي تلهف خيرها وخير اهلها وتتبراْ بعدين منها؟
سعود بعصبية/انتي شقاعدة تقولين؟
حصة/سمعتني...ترى والله اذا سوت اللي في بالها لاتلوم الا نفسك؟
شما/هي وش تبي تسوي؟
حصة/تبي تاخذ تركي اخوي؟
ظلوا يناظرون في بعض.......
حصة/اشوف ماقلتوا شي؟
سعود/متى قالت بتاخذه؟
حصة/امس العصر قبل ملكة مشاعل....
سعود/لاتطمني تغير رايها بالليل اكيد....
حصة/لاماتغير اليوم عادت عليّ نفس الموال وقالت لو تبيه يتزوجها اللحين بتخليه ماعندها أي مانع.....
سعود/أي بس.....انا قايل لها ان سالم يبيها؟
////////////////////////////////////////////////////////////////
ظلت نوف تناظر بتركي واكبر صدمة انرسمت على وجهها؟
معقول رفضه الصريح لها؟معقولة هي اللي نزلت نفسها لها المستوى؟طيب ليه؟وش اللي جاك وعماك مرة وحدة يانوف وخلاك توطين نفسك لها المرحلة وتنزلين نفسك له وتطلبين ها الشي منه؟طيب وين حبه اللي كان يتكلم عنه ذاك اليوم؟وين حضنه الامسي اللي منت فيه امس وماكان ناوي يبعدني عنه؟؟؟؟
كل افكارها كانت تدور وتوشش عليها وماهي سامعة أي شي ثاني لاتركي ولا حتى الدكتور اللي دخل اول ماقال لها تركي لا ..
كل اللي انتبهت عليه ان يد انحطت على كتفها وفتحت عينها ولقت مشاعل جنبها...
تنهدت بارتياح....على الاقل بتخفف عنها صدمتها والاهم بتقدر ماتحط لسانها بلسان تركي مرة ثانية بحضور مشاعل.....
حست ان كل الدنيا تدور فيها بس ماقدرت تقول أي شي...
مشاعل بهمس/سلامات...وش فيك؟
نوف بنفس الهمس وافكارها بعيد/منو قال لك اني هنا...
مشاعل/تركي دق لي من اول ماجابك وعلى ماطلعنا وجينا لك؟
نوف/الله يسامحه خرب عليك على الفاضي...انا مافيني أي شي...
مشاعل/انتي مافيك شي؟ماتشوفين شكلك كيف صاير؟معقولة كنتي كذا امس وانا ماانتبهت لك من ربكتي؟
نوف تنهدت...
مشاعل بحنان/نوف صارحيني فيك شي..ترى ملاحظة شرودك ها اليومين وحتى البارح يوم جيت اكلمك عن فواز ماكنتي متفاعلة معي ابدا!!!
دمعت عيونها وقامت تبكي بصمت..
مشاعل بانفعال/نوف شفيك؟
نوف وهي تمسح دموعها/ولايهمك مو شي مهم...فواز وينه؟
مشاعل/واقف مع تركي برى انتي قولي شالسالفة؟
/////////////////////////////////////////////////////////////////////
جته صدمة توقعها وماتوقعها ابدا يوم يشوف وضحى نازلة بيت عمه القديم,,,
معقولة هنا....ليه ياوضحى ليه؟شنو اللي ليه ياخالد..ان شاءالله وين تبيها تروح؟عند نواف ولاعند اهلك ولاتبقى عندك...
كان متردد ينزل يكلمها قبل لاتدخل ولالا...حس بثقل بنفسه وهو مو عارف شيقول بس بالاخير قرر انه يلحق عليها قبل لاتدخل لانها يمكن لانها ماتفتح له بعدين لانه عارف طبايعها...
تنهد بقوة وهو نازل من سيارته ومايدري كيف دموعه طاحت من عينه....
مشى وراها بضعف...لين وصل لها وهي مطلعة المفتاح بتحطه بالباب....
خالد بصوت متقطع من البكي/وضحى...
طاح المفتاح من يدها للارض وماقوت ترفع راسها..
تقرب منها اكثر وهو بعده يبكي وقال لها بترجي/وضحى تكفين اسمعيني؟
رفعت راسها بهدوء وظلت تناظره وبعيونها اكبر خيبة امل بالعالم,,,,وقالت له بهدوء/مااعتقد باقي شي نتكلم فيه؟
خالد بترجي/تكفين وضحى ربي يسلمك بس اسمعيني؟
وضحى بانفعال وهي تداري دموعها اللي خانوها ونزلوا قدامه/تدري وش المشكلة ياخالد؟مو انك خنتي؟مو انك يمكن من زمان كنت تخوني وانا غافلة وتو صحيت؟لا...المشكلة اكبر من كذا بكثير...المشكلة اني احبك ياخالد احبك...تفهم وش تعني هاذي وشلون تاْثر؟طعنتك لي دمرتني....مو طايقة حتى اسمع باسمك ينطرى قدامي..روح ياخالد روح ماعاد لنا شي نتكلم فيه؟كل اللي بينا راح؟؟؟
دخلت عنه وظل واقف على الباب يبكي لانها ماسمعته....ولانها قالت لها احبك وهاذي مشكلتي الاساسية؟
انا بعد احبك صدقيني والله متندم قد شعر راسي ياوضحى.....بس اسمعيني وبعدها قرري وش ماتبين بس لاتتركيني كذا معلق ياوضحى واللي يسلمك تكفين...احبك ..احبك,,,
///////////////////////////////////////////////////////////////
كانت ام سعد طالعة ونورة وراها,,
وعند بوابة المنتجع كان فارس واقف ومخلي العالم كله ورى ظهره وكانه متقصد يغيظهم علشان يرضيها,,
فارس/خالتي توها الناس ليه رايحة من بدري كذا!!
ام سعد/والله يايمه قعدتكم ماتنمل بس الليلة عمك ابو سعد جاي من الرياض ولازم نجلس ننتظره بالبيت...
فارس/طيب انتي انتظرينه خلي النور عندنا..
رفعت نورة راسها ولقته يناظرها وهو يكلم امها....
ام سعد وهي تضحك/يالله عطينا المهر وخذها...تراها تنتظرك من زمان؟
لايايمه لا..ليه تقولين له كذا!!
فارس ونظراته تتوزع عليها اكثر وهو يتكلم بعمق/يشهد الله انها مافارقت خيالي لحظة واني انتظرها اكثر من ماهي تنتظرني؟
حست بالنارتسري فيها وماهي قاوية تتحرك لاوالمصيبة كملتها امها يوم تقل/انا بالسيارة يانورة سلمي على فارس ولحقيني لاتبطين؟
يوم رفعت راسها تبي تستوعب الكلام لقت امها ركبت سيارتهم اللي كانت شوي قدام....
فارس بهمس/اشوفك دخلتي اليوم وتركتيني وماعلقتي ولاقلتي أي شي؟
نورة لفت له وقالت/وش تبيني اقول؟
فارس بعمق اكبر/أي شي يريحك ويريحني؟
نورة بقوة ماتدري من وين نزلت عليها/وبترتاح اذا قلت لك انا انا اللي دزيت لك الايميلات؟
ماتدري ليش ابتسم بوجهها بس كل اللي سمعته صوت فارس اللي كان يكلمها بهمس/ادري...وكنت منتظر منك مصارحة وماخيبتيني قلتيها بسرعة بدون لف ودوران..تعجبيني يانورة....بس على فكرة في شي انتي ماتعرفينه؟
نورة رفعت راسها تبي تستعلم عن ها الشي بس قال لها بحدة ماتعودتها عليه من شافته/امك بالسيارة لاتخلينها تنتظر اكثر؟
ماتدري ليش تبدلت فجاْة لهجته؟طيب وش الشي اللي قال عنه هي ماتعرفه؟وهو كيف عرف انها هي اللي دزت له الايميلات؟
اسئلة كانت تمر في بالها وماهي لاقية لها أي اجابة؟
///////////////////////////////////////////////////////////////////
تركي/نوف فيني اتكلم معك قبل تجي مشاعل؟
كانت تمشي بالهون بالمستشفى وماهي قادرة حتى تلتفت للي حوالينها...كل تفكيرها كان بسالم اللي البارحة قال لها عنه سعود وانها تبي تروح ترد على اخوها وتقوله موافقة,,
ظلت ساكتة ومافكرت ترد عليه..
تركي بدم محروق/نوف اكلمك انا اسمعيني تكفين؟
نوف ببرود/معك حق ياولد عمي لازم تقول لا...اساسا مافي واحد يرضى..
قاطعها بسرعة/نوف اسمعيني في شي انتي ماتعرفينه؟
نوف غمضت عيونها وقالت له/ولاابي اعرفه؟
تركي وهو متقطع/نوف لاتفهميني غلط واللي يسلمك...لازم نحكي انتي ماسمعتي وش عندي والدكتور قاطعنا بوقت حرج وبعدها جت مشاعل علطول..نوف انا احبك..
وصلت مشاعل بها اللحظات وقالت له بسرعة/اكيد تحبها مو بنت عمك؟
لفوا لها اثنينهم وقال لها تركي بعصبية/ليه مارحتي مع فواز؟
مشاعل/انتي على بالك ان تركي مايحبك؟نوف شفيك كلنا نحبك؟
منتي فاهمة شي يامشاعل منتي فاهمة؟كان تركي واقف ومو عارف شيقول..قال لها لا..انا اللي بطلب يدك قبل تقولينها انتي بس ابي اصارحك قبل عن مشاعري بس اليوم حظه عانده وماقوى يسوي شي..خلاص نوف فهمت السالفة غير وها الكلمة ماصار لها مذاقها ونكهتها لانها جت بعد مانوف فتحت الموضوع..
كان بداخله بركان ثاير ومو عارف شيسوي....وجود مشاعل ربكه اكثر واكثر وتمنى انه مااتصل فيها من الاساس ولاجت ولاانها ترجع مع فواز مو تجي معهم,,,,
مشاعل/يالله مشينا شفيكم واقفين؟
نوف/فيني اروح بيت سعود؟
مشاعل وتركي بصوت واحد/لا..
نوف وهي تناظر بمشاعل وتتجنب نظرات تركي/ليه؟
مشاعل/ليه تبين تروحين؟انتي تعبانة وروحتك هناك بتتعبك اكثر واكثر..
نوف بتعب/في شي ودي اتكلم معه فيه....يعني هو قايل لي عن سالفة البارحة وابي ارد عليه؟
مشاعل/لا وبعدين مو البارحة ملكتي وهو ماكلف على حاله لايجي ولايبارك؟لا والف لا بعد!!قول شي ياتركي؟
نوف بسرعة/خلاص بروح عند نورة؟
كان عارف انها تبي تتهرب منه باي طريقة...حرام والله حرام فهمته غلط وماهي عاطيته فرصة يشرح لها؟؟
////////////////////////////////////////////////////////////////
بعد صلاة العشى كان نواف مر ياسمين واحمد علشان بيطلعون يتعشون ويتمشون شوي....
ظلوا يمشون بمجمع الظهران والجو بينهم هادى نسبيا هي افكارها اليوم مشتتة وخالد اتصل فيها وقال بيمرها بعدين وكلام احمد عن ريما وتصرفات نواف اللي اليوم صاير هادى على غير العادة ماهي قادرة تجمع شي,,,
لف لها وهو يناظرها..حس انه يبي يفتح معها صفحة جديدة...يوم بكت امس بالسيارة حس انه تصرف تصرف سخيف وماكان له داعي ونوى اليوم يكون غير معها علشان تخف حدتهم مع بعض شوي,,,,
نواف/الو..وينك انتي؟
لفت له ياسمين /موجودة...بس كنت افكر
نواف/انا معك وش تفكرين فيه بعد!!
ياسمين ابتسمت بس قالت لا هذا مايلين واكيد وراه شي لاتسكتين عنه قالت بشماتة/ياشين الثقة بس!!لعلمك انا مااتعب نفسي وافكر في ناس ماتستاهل اني افكر فيها؟
نواف بصرامة/ماسمعت!!
ياسمين بلامبالاة/بلى سمعت..
نواف بتحدي/تدري اني بكسر راسك وقريب بعد!!
ياسمين بنفس قوته/وانا انتظرك؟
لفوا اثنينهم بها اللحظة الى احمد اللي كان يتكلم بصوت عالي/ماما ريم؟
وقف قلب ياسمن بمكانه يوم انتبهت ان وحدة كانت واقفة قدامهم..ويوم دققت النظر بعيونها من تحت لثامها عرفتها هاذي ريم طليقة نواف صدق!!!
لفت له بسرعة ولقته يناظر ريم وماتكلم ولاقال شي..
احمد/انا قلت لمشعل ان البابا بيرجعك البيت علشاني وهو ماصدقني!!
ريم بكل مافيها من ميوعة/واخيرا يانواف مابغى يجي ها اليوم؟
بس لهنا وماقدرت توقف ياسمين اكثر..يعني هاذي تكسيرة الراس اللي كان يقصدها بكلامه وانها قريب!!
حست بشي بداخلها قاعد يثور ويثور ....
ماقدرت غير تقول لهم /بالاذن....
ومشت لااول حمام صادفها ودخلته.....
معقولة كان بيردها وماقال لياسمين؟؟طيب واذا ردها اصلا وماهمه شي شبيصير؟؟
محد بيلومه طبعا وكلهم بيقولون علشان ولده...طيب وهي وش بيصير فيها !!!

///////////////////////////////////////////////////////////////////////////////////////////////////////////

البارت السابع والثامن والاربعين,,,
/////////////////////////////////////////////
محمد/فارس علامك من طلعت نورة وانت مقابل ها البحر وماكاْن في ناس داخل تنتظرك؟
لف له فارس بدون مايقول أي شي...
محمد/فارس في شي....
فارس/سلامتك..
محمد/لابلى في شي....
فارس/............
محمد بتاْنيب/فارس الرجال داخل وكلهم يسالون عنك وانت قاعد بروحك؟خير في شي ياخوك؟
فارس/قلت لك هي.....سئلتها وماكذبت قالت لي بصراحة انها هي؟
محمد/طيب انت عارف وحاسس تسعين بالمية انها هي بعد ليه مضيق خلقك؟
فارس/لاني من زمان افكر فيها يامحمد وهي حاسة اني مفروض عليها علشان كذا سوت ها الشي والكلام اللي سمعته اليوم زاد على جرحها ورسخ الشي في بالها...انا ماابيها تاخذني وهي تحس انها مجبورة وانها ماراح تكون سعيدة لان اهلي مايبونها...
محمد/فارس لارجعت البيت فكر براحتك هنا عمامي وخوالي هنا مايصير..
فارس/انا متضايق حييل مو عارف شسوي....حاس انها حتى اذا وافقت بتكون مجبورة وماهي مقتنعة فيني!!!
محمد/أي وبعدين وش الحل برايك؟انك تكلمها وتسولف معها وتشرح لها..طيب محد منعك تسوي ها الشي كلمها وقول لها عن الشي اللي مضايقك وشاغل تفكيرك بس اللحين قوم ادخل على الرجاجيل لايحسون على شي؟
/////////////////////////////////////////////////////////////////////
مشاعل/انا بروح البيت مابروح عند نورة طيب...
نوف بهدوء/ليه؟
مشاعل/الليلة فواز بيتعشى عندي وبروح اتجهز...
نوف بنفس الهدوء/وشغلتكم ياعشى ياغذء...
مشاعل بحلطمة/كان المفروض اقعد معه لنهاية اليوم بس انتي خربتي عليّ!!
نوف/ماقلت لك تعالي لومي وعاتبي اللي دق لك؟
مشاعل بحنان/مشكلتي مقدر على تعبك ياقلبي....
نوف/معناته قولي لتركي يوصلني لنورة قبلك لان طريقنا اللحين على بيتهم؟
مشاعل بعربجة/ووين راح لسانك بالله!!اكلته القطة ولانسيتيه بالمستشفى؟
نوف/قلبت البنت اللهم ياكافي؟
مشاعل/هههههههه
بروحه تركي كان يغلي بناره على ها الحظ اللي وقف ضده ومانصفه..كان وده يتكلم ويقول لها أي شي...صحيح هي قاعدة تداري ومسوية الوضع طبيعي وتسولف مع مشاعل بس هو عارف انها قاعدة تتقطع من داخلها,,,,,
مشاعل/اقول حبيبي تركي..
تركي لف لها/خير...
مشاعل/تعبان؟
تركي وهو يناظر بنوف من المرايا ورفعت راسها والتقوا نظراتهم ولفت نوف عنه وقال بهدوء/بغيتي شي؟
مشاعل بمسكنة/أي والله وقف عند سعد الدين ابي اخذ كيك وحلى تعرف اختك عجزانة تطبخ بتحط راسها وتنام وبعدها بتقعد تلبس وتكشخ ..
نوف/والعشى طبعا بتكون ام تركي مسويته مسبقا!!
مشاعل/ياشين الغيرة يابنت...مو تطولين اذا رحتي لنورة ترى اذبحكم ؟
وقف تركي عند سعد الدين ..
نوف/اخذي لنا واحد تريمسوا وواحد شيز توت لي ولنورة,,,
مشاعل/نق يابو تريك ترى ماعندي...
عطاها تركي فلوس ونزلت ولف بسرعة لنوف وقال بترجي/ممكن تاجلين زيارتك لنورة وتخلينا نتكلم؟
كانت تناظر بالنافذة بدون ماترد عليه ,,,,
تركي بترجي/نوف....في شي مهم لازم تسمعينه؟
نوف ببرود وهدوء/مااعتقد....بالاحرى مو لازم نعرف شي خلاص؟
تركي/لا يانوف لا.....
غمضت عيونها تداري دموعها وقالت بهدوء/في شي انا ابي افهمه..
تركي كان يناظرها....
نوف بهدوء/ليه دخلت غرفتي ذاك اليوم وشلت عبايتي وليه كنت واقف عند نافذة المجلس يوم نطلع برى الحوش انا وسعد ومشعل؟ممكن تفهمني ليه؟؟؟؟؟؟؟
/////////////////////////////////////////////////////////////////
كان حايس وماهو عارف شيسوي....
ظل واقف عند باب الحمام اللي دخلت منه ياسمين ينتظرها ولسه ماطلعت!!
تبكي...اكيد تبكي يانواف.....ولاليه بتقعد ها المدة ذي كلها داخل,,,
كان يتنهد بقوة وماهو عارف شيسوي...
احمد اللي جنبه زاد بكيه لانه ماخلاه يروح مع امه ولاخلاها تجي معهم,,,
شدت يده على يد ولده بقوة وكانه يهدده بيذبحه لو ارتفع صوته بالبكي اكثر وعيونه كلها شرر,,,
وش ها المصادفة الغريبة...جية ريما بهوشتهم وهو يقول لها بيكسر راسها؟؟اللحين ياسمين بتفهمها كذا اكيد اني متفق مع ريما تجي علشان اقهرها واضايقها,,,بس يشهد الله اني ماكنت اقصد ها الشي...اصلا شوفة ها الانسانة اخر شي اتمناه وابيه!!
وش ها الحظ ياربي,,,,,
ادق لها ولاماادق؟ادق ولاماادق؟؟؟والله مو عارف شسوي,,,
خلني واقف منتظرها لين تطلع,,,,
//////////////////////////////////////////////////////////////
نورة/زيت اللي جيتيني...بروحي ضايقة فيني ارض الله؟
نوف بتعب رمت نفسها على سرير نورة/مو كثري صدقيني!!
نورة/بلى....اليوم كان طويل وماحسيته بينتهي وبنرجع البيت؟
نوف/شفتيه؟
نورة بتنهيدة/أي...وسولفنا وماكنت عاجبة اهله وهذا من امه بس من ذوقه..(ورفعت الطقم اللي كان بعلبته وموجود جنبها وتناظر فيه)
وبالنهاية قلت له اني انا اللي دزيت له الايميلات؟
نوف باهتمام/ليه؟
نورة بتنهيدة/مدري..شي داخلي كان يبيني اعترف واقوله...لاني لو ببدي معه علاقة لازم تكون صريحة...ماابيبه يساْل واقعد الف وادور....بس مو هذا اللي شاغل بالي!!
نوف باهتمام اكبر/انه قال لا..وفض العلاقة؟
نورة/هو ماقالها صراحة ولالمح لها...بس قال لي ان في شي مهم انا مااعرفه...وهذا اللي مخليني افكر...
نوف/شي مثل شنو؟
نورة بتعب/مدري...............بس فارس يقول انه يحبني...انه كان يتمناني من زمان؟
قال كلام كثير مو عارفة شلون قدرت استوعبه لحظتها...حسيت اني بموت وانا جنبه لاني فكرت ها التفكير الغبي؟
نوف/توك تكتشفي؟
نورة بقهر/لايانوف يوم كنت جالسة مع اهله حسيت اني متندمة اني ماقلت كلام اكثر ..انتي ماشفتي نظراتهم وهمسهم وغمزهم عني!!تقولين هم طالعين من الجنة وانا من النار؟حسيت اني حثالة تحتهم؟
نوف/خليك واثقة من نفسك؟
نورة بلهجة قريبة للبكي/يضلون هم الاكثر وانا وحدة بس؟كنت جالسة طول الوقت بروحي وكاني سلعة يتفرجون عليها وكل وحدة تقول كلمة..حسيت بالغصة..تمنيت عنده اخت كبيرة تقعد معي وتسولف معي....
امي كانت مع خالتي ام فارس بالمجلس الثاني وانا نيراني شبت فيني منهم,,,تمنيت اني مارحت ولاسمعت كلام امي ولالالا...بس شسوي الله كتب ورحت وسمعت كلامهم!!
نوف/اذا هو يبيك هم مالهم شغل..على قولتك بنات خالته وبنات خاله وبنات عمه يعني ماهم خواته ماراح تشوفينهم بوجهك؟
نورة بتعب/انتي شفيك حاستك مش ولابد؟
نوف وهي تشيل االزق اللي بيدها /توني جاية من المستشفى؟
نورة باهتمام/شفيك؟
نوف بتنهيدة قوية/تعبت.............كل شي حولي ماهو مريحني...حصة..سعود..عبدالله وكملتها اليوم مع تركي؟
نورة/صار شي غير حضن البارحة؟
نوف نزلوا منها دمعتين وحطت يدها على فمها تمنع شهقتها تطلع وقالت/طلبت منه يتزوجني وهو رفض؟
نورة بشهقة/شنو؟مجنونة انتي!!ليه تعرضين نفسك عليه عاد؟
///////////////////////////////////////////////////////////////////////
يوم يدق جوالها كان خالد المتصل وهي اللي تمنته يكون نواف اللي مادق لها؟معقولة يكون راح مع ريم وهي هنا ذابحة نفسها؟؟؟
ردت على خالد بسرعة وهي في بالها تقول لازم تطلع اول ماتنهي مكالمتها لانه بما انه طنشه هي بتسوي فيه حركة اكبر وبتاخذ تاكسي وبتروح البيت ويصير اللي يصير!!!
ياسمين وهي تحاول تخلي صوتها طبيعي/هلا خالد..
خالد/هلا فيك...وينك؟
ياسمين/طالعة مع نواف...بس شويات وبرجع؟
خالد/يعني مافينا نحكي الليلة...
ياسمين//اقولك شوي وبرجع وبعدها بدق لك؟
خالد/لا خلاص...انا تمنيت اشوفك وجها لوجه لان الحكي اللي بغيت اقوله ماينفع بالتلفون؟
ياسمين/خلاص مرني بعدين..
خالد/لاخلاص الوقت تاْخر وماابي اشوف امي وابوي ويسالوني ليه جاي وشفيك؟خليها لبكرة؟
ياسمين/براحتك.......تصبح على خير,,,
سكرت من خالد وشالت نقابها دخلته بالشنطة وغطت وجهها وطلعت,,,,,,,,و
يوم شافته قدامها يناظر بالحريم اللي يطلعون وعينه تدورها حست انها تبي تفتح مناحة بكي جديدة........
احساس فظيع اللي جاها.....
لو ماتقدم منها نواف كانت رجعت دربها وراحت تبكي بعيد عن عيونه بس صار واقف قبالها وسئلها بخوف/فيك شي ياسمسن .....
ردت وهي تغالب دموعها/لا..
نواف مشى وقال لها/طيب نمشي..
مشت وراه وهي خانقتها العبرة وهو حاس لها وكل شوي يلتفت لها...
ياسمين بصوت متقطع/فينا نرد البيت...
نواف بهدوء/والعشى...يعني ماصار لنا شي من جينا..
ياسمين/انا مو حاسة اني بخير وابي ارد البي روح انت مع ولدك وتعشوا.....
مشى معها وكانت تناظر بااحمد اللي كانت دموعه واقفة شكله كان يكسر الخاطر,,,,
بس هي بعد تكسر الخاطر نواف مو مقصر فيها وها الشي ماتوقعته....
طيب وينها ريم؟وين راحت؟
كانت تفكر فيها طول الوقت لين ركبوا السيارة ومشوا احمد رمى نفسه ورى ونام بعد ماكان يبكي,,,,
وهي بعد كانت تبكي بينها وبين نفسها ونواف كان ساكت طول الطريق,,
بس فيه شي..حسته متضايق ومقهور بس من شنو ماتدري؟؟
معقولة ريم قالت له شي ولامااتفقوا على شي وهذا اللي ضايقه؟
ماكان كذا يوم يمرها وحتى بعد ماتهاوشوا كان مبسوط ورايق لان هواشهم شي عادي اصلا وشبه يومي بس في شي صار له وضيق خلقه شنو ياترى؟
انتبهت على يده اللي مسكت يدينها وحست بارتباك..
نواف بهدوء وهو يناظر بالطريق/فيك شي..
لفت للنافذة وقالت/لا..
نواف/بس انا حاسك متضايقة...يعني تركتينا ومشيتي فجاْة؟
قاطعته بحدة ومبينة فيها غصتها/يعني عيلة مع بعض انا وش يقعدني بالنص والله!!!
نواف/عيلة؟وش تقصدين بها الكلمة؟
ياسمين وهي تبكي/عادي نواف احمد قايل لي ان امه بترد لاتكبرها...
حست ان يده شدت على يدينها بقوة وغير الطريق بكبره وقال لها/شتقصدين؟
ياسمين/ولاشي..هو قال ان انت بتجيبها علشانه واليوم شفناها...وبس!!!
تنهد بقوة وهو حاس انه مخنوق..كان يبي يتكلم بس ماعرف شيقول,,,
كل اللي سواه انه وقف عند اول طريق فاضي صادفه ووقف السيارة بمكان مهجور خوفها ولف لها وهو بعده يده شابكة على يدينه بقوة...
لف لولده ولقاه نايم ورجع لف لها وقال بهمس/ياسمين هي جت بالصدفة..انا ماكنت عارف بوجودها؟
ياسمين بخوف منه ومن لهجته اللي قلبت طيبة وحنونة وخايفة عليها/ابي ارد البيت,,
نواف/مو قبل ماتفهمين ان انا ماكنت ابي اشوف رقعة وجهها؟
ظلت تناظره من ورى غطاها وهي حاسة ان الدم وقف بعروقها وان دموعها وقفوا.....
تقرب منها اكثر واخذها بحضنه وسط رجفتها وحست انها فعلا بتموت اذا ظلت بحضنه اكثر من كذا...
حاولت تبعد نفسها عنه بس هو كان حاضنها بقوة كبيرة خلت انفاسها تتلاحق,,,
نواف بهمس/ياسميني...
رفعت راسها تبي تتاْكد هس يمعت صح اسمها مدلع ولامن حرارة حضنها تهياْ لها بس ماقوت تناظر فيه,,,,
نواف بنفس الهمس/انا ماابيها لو شيصير شيلي ها الفكرة من راسك ولاتتعبين نفسك بالتفكير فيها,,,,
/////////////////////////////////////////////////////////////////
الليل عند مشاعل وفواز اللي كان جاي يسهر معها...
فواز/وش ذا الزين كله ياربي مقدر انا؟؟
مشاعل/خلاص فواز اعقل لاتزودها ترى صدق بشوف حالي!!
فواز/طيب شوفي حالك يبى يحق لك....
مشاعل/خلاص فواز انا ابي اكون معك طبيعية وبعيدا عن الارتباك وابيك تكون بالمقابل معي نفس الشي؟
فواز وقف وتقرب منها وشال الصحن اللي بيدها واخذها بحضنه وسط ارتباكها ومعارضتها وهمس لها/يعني اذا قلت الصدق مااكون على طبيعتي ياقلبي,,,
مشاعل بارتبك/فكني,,,,
زاد فواز بحضنه لها وقال/ماراح افكك...انا من شفتك وانا انتظر انك تكونين بحضني ويوم جتني السالفة باردة وحضنتك تبيني افكك مو مجنون اضيع ها الفرصة من يديني ياعمري,,,,
مشاعل/...............كل اللي كان ينسمع منها تنهيداتها...
فواز وهو يمسح على شعرها بيده الثانية/انا حبيتك يامشاعل من كل قلبي صدقيني....وابيك تثقين ان مهما صار بها العالم ماراح اتخلى عنك ولاراح يتغير حبي لك,,,
مشاعل رفعت راسها وقالت له ببراْة/كيف حبيتني وانت ماعرفتني الا قبل كم يوم بس!!!متى مداك تحبني؟
فواز بهمس وهو يبعدها عن حضنه شوي شوي/مايحتاج تعرف الناس فترة طويلة علشان تحدد مشاعرك ناحيتهم...وانتي مشاءالله عليك كتاب مفتوح منتي صعبة ابدا!!
مشاعل وهي قباله وهو محوط خصرها بيدينه/غلطان بعدك ماعرفتني زين,,,ترى انت مالك الا الظاهر انا بالبيت مجنونة وراعية سوالف مو مثل ماتفكر,,,بس قربك مني يخليني اعقل واثقل,,
فواز وهو يمسح على خدودها/طيب عيشي بجنونك ومقالبك ورى تخجلين مني,,,,
مشاعل/يعني عادي اقولك ابي اروح الكورنيش اسوي العاب نارية ماتقول لا؟
فواز ناظرها وهو يضحك/من جدك تبين تلعبين بالالعاب النارية؟علشان ماتنتبهين وتحرقين نفسك واقوم انا احرقك بها العقال اللي على راسي لانك ماانتبهي على نفسك؟
بدون مقدمات سئلته بجدية/تخاف عليّ!!
تنهد بحزن وقال/أي...اكثر من ماتتصورين...حاس ان اهلي بيضرونك وكل يوم يكبر ها الاحساس عندي لدرجة اني مفكر اتخلى عنك قبل لايلمسون منك شعرة وتتاءذين بس مشكلتي صرت مقدر اتنفس بيوم وانتي بعيدة ومااسمع صوتك؟
ظلت تناظره بخوف....شكلها السالفة اكبر من كلام كان يقوله لها عن اهله....
مشاعل بزعل/يعني...بنفترق؟
فواز حط يده على شفايفها/لاتجيبين ها الطاري ترى مااحبه يامشاعل؟
بعدت نفسها عنه وبانت دموعها/بس كلامك يقول كذا,,,,بيجينا يوم ونفترق؟
فواز/مشاعل....
جلست على الكنبة القريبة وهي تمسح دموعها/طيب قولي اذا كنا بنفترق علشان لااتعلق فيك واحبك اكثر واتعب بعدين من فراقك!!
جلس جنبها وقربها منه وصار يمسح دموعها اللي كل مامسح وحدة بيدينه نزلت الف وحدة بدالها وهو يهمس لها/مشاعل لاتعورين قلبي انا ماقلت لك اني خايف عليك علشان تبكين وتتعبين قلبي!!!
كانت بتقوم بس هو مسكها وجلسها بحضنه وقام يهديها,,,,
/////////////////////////////////////////////////////////////////////