مقدر اكرهك لكن مقدر أحبك
بين متناقضات الذات وش جابك ؟

لاخفق لك خفوق ولاتحدر بك
دمع عيني ولاجرحي تغنا بك

كيف أجل صارت عيوني تخاشر بك
ليه طارت بعيوني زحمة اسرابك

كيف حبك تسلل دون ما اشعربك
كيف صرت أفقدك واحن لعتابك

كيف انا محيرك صرت اتحير بك
الشعور اتجاهك صار متشابك

ما اقدرأكتم غلاك ولاأقدر أجهربك
بيني وبين نفسي ضعت باسبابك

رحت عن شرق حبك جابني غربك
وضعت في ضحكةٍ من ثلج عنّابك

وين جيتي وانا اللي ما ابي قربك
حسبي الله على تسبيلة أهدابك

ارتوتني طيوفك قبل أصبّر بك
ليت ماصار لي في غيبتك صابك

صارلك بالحشا مدهال عامربك
كل عرقٍ وطته خطاك حيابك

قلت: أبسأل خفوقي وأتعذر بك
وإلا ّ أنا خابر عروقي تطرا بك

جاك قلبي بسلمه متقي حربك
كن وسطاك تلعب به وسبابك

أشهد انك وصلتي ودلني دربك
وأشهد أني دخلت من أوسع أبوابك



صالح السكيبي

يسلمو يالغلا ..يعطيك العافيه

كلمات جميلة
يعطيك العافية
ولكي ودي

يعطيك العافيه
ذووووق في الاختيار
لاهنتي ياغاليه

جاك قلبي بسلمه متقي حربك
كن وسطاك تلعب به وسبابك

كلمات رائعه
يعطيك العافية

مبدعه في أنتقاء الحرف وزراعة المعني

سلمت يمينك التي تعودنا منها التميز والرقى الدائم

تسلمين يااختي

تقبلي مروري