أن بــديره .. وهــوا بــديره .. وقلــبي بحـــيره
وقـــــوه قــــــوه <<< طربان الولد من الصباح

وها أنا أعود اليكم من جديد .. لكي اطرح عليكم هذا الموضوع
مع أني واعد بعض الاخوات ان موضوعي الجاي راح يكون عن الشباب .. بس شاسوي
افكار هالموضوع راودتني وجمعتها .. وحبيت اطرحها لكم
البنات كل يقولونلي انت وش فيك علينا .. تراك عورت راسنا جبت لنا الصداع
كل حاط على البنات والبنات نسيتو روحكم يالشباب ..
لا والله مانسينا روحنا بس شاقول غير ..
تأتي الرياح بما لا تشتهي السفن .. كل مره أبي اكتب موضوع يخص الشباب .. شوي ماشوف روحي الى كاتب عن البنات
ولا تخلوني احلف بالطلاق واقول ان موضوعي الجاي يكون عن الشباب <<< عيار .. عزابي وين يطلق هههههه

المهم لا تاخذنا السوالف .. وننسى الموضوع الي راح اتكلم عنه

موضوعي بخصوص .. الارتباط بأشخاص لا تجمع بينك وبينهم غير الاسلام او الاسلام والعروبه

أنا راح اتكلم عن هذا الموضوع من احداث انا شايفها .. والى يومكم والله مستغرب منها عن جد

وبحكم اني من رواد الدردشات الكتابيه راح استعرض لكم بعض ماشاهدته ولتمسته

والله اني كنت اشوف أشخاص من الدول العربيه المجاوره .. يدخل الشات ومن هنا كلمه ومن هنا كلمه .. الين مايشبكله بنيه خليجيه
مسكينه هالبنيه .. حبته .. طاحت في دباديبه يااااااربي على هالحب مانقدر .. ماتشوف غيره بهالكون واااي واااي
شنو اصل هالولد .. شلون حالته الاجتماعيه والماديه وشلون وشلون مو بعيده يطلع شحات .. اسئله كثيره المفروض تعرفها

>>>> الزوار .. سفير .. شلون هذا شحات ويدخل الانترنت ...؟
الشغله عاديه .. يامكثر المقااهي .. تارسين الديره
حنا يوم ندش عالم النت .. ماكنا نعرف شي مع ان كنا متعلمين .. بس مع الايام تعلمنااااا


بس البنيه مايهمها كل هذا .. بس تعلقت فيه خلاص .. تلاقيها تقوله انا راضيه فيك تعال تزوجني تقط روحها قط عليه .. تقول ماعندها أهل .. حتى لو تعيشني بوسط عشه مصنوعه من سحاحير انا راضيه

لعنبو .. وش هالحب .. قيس وليلى ورميو وجليت وعنتر وعبله ماسوو كل هذا .. مع ان قصصهم من اعظم قصص الحب الي قصصهم

لا والقهر .. أنهم يتواعدون على الزواج .. على أي أساس انتي تبين تتزوجينه او هو يبي يتزوجك .. ماعندكم ولي .. لعبه الزواج يعني
هل في رابط مشترك بيناتكم .. هل العادات والتقاليد متشابها .. هل فكرتي بعد كم سنه لو لو لو تزوجتو وش راح يكون مصيركم وشلون راح تكون حياتكم مستقبلكم و مستقبل أطفالكم وشلون راح يكون .. هل البنيه سئلت روحها كل هالاسئله قبل ماسلمت قلبها حق احد هالشباب ..؟؟
اكيد لا والف لا .. وأصر على كلامي الي باقوله .. أنها مغفله وتبعت قلبها مندون ماتفكر بعقلها .. الله معطيج العقل علشان تفكرين فيه مو علشان شي ثاني

طيب .. هل أهلك راح يوافقون عليه ..؟؟ أهل العريس هل راح يوافقون عليج ..؟؟

لا والقهر .. انك تلاقيهم بنات كبار بالسن .. بنات ناضجين ( شدعوه تفاح ) مو بنات امهات 14 سنه .. نقول مراهقه وماتفتكر
بنات كبار .. بس المخ قوطي .. الله يهديهم ويهدينا الى السراط المستقيم

ليش البنيه تسوي بروحها كذا ..؟؟

هل علشان شكلها قبيح .. بترضى بأي وااحد .. بتقول هااا .. انا مراح احد يعرس علي لان شكلي قبيح .. خلني بس اعرس على اي واحد .. هذا كلمني بالانترنت وسمعت صوته بالتلفون وحبني .. خلاص نتزوج .. يعني اذا شافني عادي لانه حبني مراح يهمه شكلي <<< مسكينه تقص على روحها بروحها

او هل هي طمعانه بفلوسه الي عنده ... او بجماله ؟؟

او تلاقيه حاط لها صوره واحد وسيم قال لها هذا انا هههههه .. وهي ميته تقول لا ماصدق اكيد مو صورتك . يقول لها والله صورتي .. او تحصله شاف سياره كشخه عند بيت كشخه بعد .. وصور السياره قال لها هذا صورة سيارتي والبيت الي وراه هذا بيتنا .. ها وش رايج حبيبتي .. تسكنين معاي بهالبيت او ناخذ لنا شقه ..؟؟

تتوقعون شنو السبب الرئيسي الي يدفع البنيه للقيام بهذا العمل ...؟؟

خلونا نظرب مثال .. تحصل بنيه من دوله خليجيه .. ترتبط بشخص من الدول العربيه .. ونقول من ليبيا مثلا .. تحصله يتكلم عربي مكسر .. بذمتكم .. هذا شلون راح تعيش معاه .. بتتكلم انجليزي يعني ..؟؟

يبا حنا خليجيين نفتخر بعاداتنا وتقاليدنا .. ليش نتبع قلبنا .. ونخليه هو الي يقودنا الى طريق مسدود .. ليش مانفكر بعقل ونفكر في مستقبلنا بصوره اكبر

ياما شفنا بنات خليجيات .. وشباب خليجيين .. اذا تزوجو من اشخاص لا يربطهم لا دين ولا تقاليد .. بعد فتره يشوتونهم بالجزمه .. يرجع او ترجع ديرتها .. وذيك الساعه تعال دورو عليهم


وكنت اشوف من قبل فتره طويله .. بنات خليجيات .. يرتبطون بأجانب
تحب لها واحد لاهو من ثوبها ولا حاجه غير الاسلام وبعضهم لا يربطهم لا اسلام ولا هم يحزنون

زي قبل فتره وحده كانت تتكلملي عن بنت عمتها .. تقولي بنت عمي حبت لها بلوشي .. وصادوها اهلها وقالو لها ابتعدي عنه و و و
وش سوت .. عارضت كلام اهلها .. ونحاشت من بيت اهلها وراحت حق هذا وتزوجو

موضوع غريب .. الى هالدرجه وصلو في بناتناا ...!!

وين عقولهم .. خلاص توقفت .. وصارو مايفكرون الى بجوارحهم


هذا الموضوع .. تعبير عن رائيي الخاااص في هذا الموضوع
واكيد الكثير راح يختلف معاي بهالموضوع
بيقول حنا أهل ديره وحده حنا العرب .. بس لو تقوله هاا .. أختك تعرفت على واحد من شمال افريقيا .. وتبي تعرس عليه .. وش راح يكون موقفك ساعتها .. بيقولك لا غير موافق



والله يحفظكم ويرعااااكم ,,,,


»×« سَفـِــ الظـّـلامْ ـــَير »×«

*
**
طرح مميز وكلام وااقعي
ربي لا يهينك عليه
وتسلم ونترياا المزيد من صوبك
فلا تحرمنا يديدك
تقبل ودي
**
*

.
..
بصــرآآحه من اليومـ ورآيح ماراح اتابع الا كتاباتك..
انــآآ اقولكـ ليش انتا تكتب بس عن البنــآت ..
لان البنــآت راح يصدقو على طــول ودا اللي يقهر..
بنــآت كتيير كدا ..
خلاص يهوو يحبني قالي انو راح يتقدم لي والخ ..الخ..الخ..
طيب خليه يتقدم لك بعدين ثقي فيه ..
خلي اهلك واهله يوافقوا بعدين ثقي فيلو...
يعني شي يقهر..
أمــأأ الشـبآب وآآآحـــد من 1000 يوقع في شــبآك البنـــآت..
وتكون البنت مهي صادقهـ ..
يعني حالآت الشبـآب نادرا ما تصير..
ودا السبب اللي يخليك تكتب بس عن البنــآت..
احمد مشكوور..
وآسفه على الاطــآله..
عارفه هرجت <<سولفت كتيير..
:):):):):):):):):)
your sister brok

الله يعطيك العافية اخوي سفير

انا ما احب الشات بس احيانا ادش اتفرج ع السوالف

واتوقع الا بعد متأكده اغلب الداشين اعمارهم صغيرة جدا يعني ف مرحلى المراهقة

وطبيعي ان الشاب راح يضحك ع البنت لان سنها صغير وما تعرف الصادق من الكاذب

بس المفروض الرقابه تجي من الاهل انهم يمنعوا اولادهم وبناتهم من دخول الشات

كل الشكر والتقدير لطرحك ،،،

ود و ورد ،،،

أخي سفير ..

كلاااامكـ درر يحتاج اكثر من وقفــة

سلمتـ أناملكـ

وصح لسانكـ

لاهنت عزيزي

والله يعطيكـ العافية

ودمت بخيــر

موضوع روعة ياسفيير
الله يعطيك الف عافية
broken haert
حبيبت قلبي بس حبيت اقول الج
ترى مو كل البنات زي بعضه
مو شرط انه الصبي اهوو الي يكذب على البنت ويوهمه ان هو يحبه
ترى صارت كثيير ان البنت هي الي تخدع الولد
بحبه اليه
وياهوو كثيير نسمع


ومع موضوع انه بنت تحب ولد وولد يحبه

ماايد سالفة الحب
ولااا ني ضده
الحب شي حلوو لكن صعب تلاقيه
وخصوصا في زمنا هذا

بس في راي حب الزواج
يكوون اظمن
ويكفيه العمر كله
ليش تحب وتغربل روحه





وتحيآتي

ههههههههههههههههههه ههههههههههههههههه هههههههههههههههه
اقول لك الصراحة ضحكتني اخوي سفير
كلامك كله صح وحقيقي وهذا هو الحاصل
اي والله سفير ناس وايد تسوي مثل ما قلت من دون تفكير وعقل كأنهم عميان ومجانين من دون عقل شنو هذا اي حب اي خرابيط
اني اقول ان العلاقة الا من هالنوع من بدايتها فاااشلة حتى لو لساتهم من البداية يتعرفون فاشلة علاقتهم اشلون لو فكروا في الزواج اني اقول ان كل الا يصير في مثل هالحالات هراء وفراغ ونقص عقل شنو هذا


ذكرتني في ناس اعرفهم ههههه والله هالقصص وااااايد انزين اخوي مو شرط يعني ان يكون القصد حب وزواج ليش مايكون صداقة اخوة اعجاب ارتياح يعني كل وحدة تكلم واحد يعني هي غبية لالالالالالالالالالا مو شرط يمكن تحبه تعزه ترتاح له معجبة فيه لكن مو بقصد الزواج بقصد الصداقة والمودة الصادقة مو الا وراها تجريح او لعب بس

مشكورين

ويعطيكم الف عافيه اخوتي الافاظل

على هذا المشاركة القيمة .. وإبداء الرأي الصريح

وعسى الله لا يحرمنا منكم

والله يحفظكم ويرعاكم ,,,

روعه وشكرا لك علي ابداعك الجميل في الطرح للموضوع
http://www.alsaqr.com/tawqee3/n7lah.gif