مين يتعرف على أختي ..؟؟

يمكن الكل أستغرب من هذا العنوان .. ويقول بل وش فيه هذا سفير مريض .. بس للأسف
صرنا نشوف شغلات دخيله علينا .. شغلات ماكنا متوقعين نشوفها أو نسمع عنها ..
حتى بالأفلام يمكن مايعرضونها
وهذا الامور تحدث في عالم الانترنت و خارجه


قبل أكثر من 5 سنوات .. كنت ادخل الدردشات
وكنت أشوف ( بعض ) الأسماء المخلة بالآداب العامة
لاكن اللحين أوووووووه تشوف العجب .. راسك يعورك من الي تشوفه .. صرنا نشوف شي ثاني بنات يعرضون روحهم للي يسوا والي مايسوى وشباب كذلك ..

الي يدخل بأسم
توني ** من أخت زوجتي .. توه ** خطيبي .. توني كنت مع بنت في ** .. عرض مقابل بطاقة شحن .. مين ** أختي


والمصيبة الأكبر هي سالفة المحارم .. الي ماكل لحم الخنزير مايسوي نفسهم

وأسمائهم الي يدخلون فيها ..
أنا مع أختي .. أنا مع بنت أختي .. أنا مع خالتي .. أنا مع ولد أخوي


أنعدمت الغيره عند شبابنا .. والبنيه باعت روحها بأرخص الأثمان

وهذا الامور السبب الرئيسي في كثرت الأمراض و الجرائم

والله أنها تجيني قضايا عن الايدز وقضايا أخلاقيه

الايدز هذا المرض إلي ماله علاج .إلى من رحمه ربي

الايدز هذا كنا نسمع عنه بس ماكنا نعرف احد صاده هذا المرض

اللحين انتشر وبشكل كبير

أحدى القضايا .. كانت في زوجه قدمت شكوى على زوجها بأنه كان يضربها
ويشرب الخمر و يتعاطى المخدرات .. ويجبرها أن تتعاطى وكان يحط لها هالشغلات بالأكل وكانت ترفض
وكان مصاب بمرض الايدز .. ونقل هذا المرض إليها

وش ذنبها هالبنيه .. شلون يرضى على زوجته هذا الأمور .. أمحق من رجال

هذا رجال أخر زمن


وبعض الأزواج .. يجبر زوجته على التبرج إذا بيروحون مجمع أو أي مكان عام
كل هذا بس علشان يخلي العالم يشوفونها .. ويلفت الانظار له
والبعض منهم علشان يتصيد للبنات عن طريقها
لان في باله إن البنيه إذا شافت واحد معاه وحده حلوه تغار وتجيه


وتشوف بعض الحركات على الازواج في الاماكن العامه
ماسك ايدها الي يشوفهم يقول بتشرد عنها وخايف عليها .. وتشوف الزوج كاشخ والشعر طويل
والحرمه ماقصرت لابسه ملابس راصه او العطر تشمه من أخر الدنيا
لا والقهر تشوف البعض منهم يتكلم بصوت عالي
يفكر حاله جالس بالبيت

ومره من المرات كنت جالس في كوفي شوب .. دخل واحد معاه بنات ويبين انهم مش اهله
بعد خمس دقائق رجع وجلس يكلم واحد من ربعه كان جالس بالطاوله الي بجنبنا
سلم عليه وشخبارك وشلونك وش عندك هنا .. وبعدين قاله .. أســــــتر على ماواجهـــــت

هو ماجا حق صاحبه علشان يقوله استر على ماواجهت .. هو جاله علشان يقوله ..
(( شوفني .. انا جاي مع بنات ))
لان لو صج مايبي احد يشوفه .. ماكان جا في مكان عام
او مابين ان هالبنات كانو معاه جايين

وقبل اسبوعين كنت بالحلاق .. الى دخل واحد ويتكلم بالتلفون .. ويقول
( ياله انا في الحلاق .. باحلق وباروح البيت .. هاا وش رايك احلق الشنب لو اخليها سكسوكه )
انا جا على بالي ان هالبنيه الي يكلمها خطيبته لانه توه صغير
شوي الى قال لها ( شوفي اليوم لا تروحين مارينا .. لان زحمه وهناك ربعي سعود و خلود ) << ياعمري على الغيره
أنا كنت حزتها للحين ماستوعبت الموقف
شوي الى قال لها وين اختك .. هاا يالبطه شلونك ....الخ

شوي الى ردت عليه الاولى .. وقال لها
( لا تخلين احد يتصل عليك .. اي احد يبي اختك يتصلون على تلفونك مايصير .. خلاص سعود قال بيشتري لها تلفون وومعاها البطاقه .. تدرين انا راح اشتريلك بطاقه ثانيه وفيها رصيد 70 ريال شتبين بعد ) << نشمي مايقصر والله
شوي الى قال لها ( عطيني بوسه ) وشوي الى قال ( شدعوه مندون نفس هالبوسه ) ياله ابي وحده قويه بنفس << مو ناقصه الى تشفطه

والله العظيم كنت شوي واقوم وأهزءه على الشغلات الي جالس يسويها
لا جالس يفوشر وبصوت عالي وعطيني بوسه
والله هذا يبيله كف علشان تسد عينه ويعرف ان الله حق


حتى مثل هذا الامور .. صرنا نشوفها بالمنتديات << بالتحديد عيون البحرين

كل واحد يحب وحده .. ويصور المتواجدون , طبعاً يكون هو معاها ويخليه توقيع
يعني شوفوني أنا أحب فلانه
طيب أنت تحبها حنا شكو .. تجلس تفوشر علينا .. تخلف هذا يسمى
تجلس تجاهر بالمعصيه .. ماتخاف ربك

وبعض الأشخاص يسوي هذا الشغله متعمد .. علشان يحر بنيه أو يحر شاب
هذا مرض وربي فيهم
ماتستحون على وجهكم .. طيب مافكرتو فيها
لو احد من أهلكم دخل المنتدى بأسمك او يعرف هو اسمك
وشاف هذا التوقيع .. شنو ساعتها بيكون موقفك انت وياهاااااا ..؟؟




وفي النهاية ماقول غير .. عسى الله يهديهم ويهدي جميع المسلمين إلى السراط المستقيم

والسموحه أذا كان الموضوع طويل عليكم شوي


بقلم أخوكم/ سفير الظلام

*
**

وعسى الله يهدينا ويهدي جميع المسلمين
ويرشدنا الى الصراط المستقيم

آمين يا رب
سلمت يمينك ع هالطرح المميز
ويعطيك العاافيه وربي لا يهينك
تقبل أحتراامي
**
*

.
..
لا والله يا احمد ما طولت ولا شي..
كلامكـ ينحط ع الجرح يبرى..
لانو من جد هادا اللي صاير اليومين دي..
بصرآآحهـ ..
والله شي يقهر ..
والحمد لله ماما تنبهني اني ما افتح الشــآت ..
والقصص المنتشرهـ عن الشــآت ما تقصر فإني اكرهوو..
الحمد لله ما افتحو..
مشكووور..

الله يعيطك العافيه

الله يهديهم ويصلح بالهم

الحياة صارت فيها امور غريبه وعجيبه وعلينا الحذر منها
وصار الطالح يخالط الصالح
اذا الحياة الحين كذيه كيف راح تصير بعد كم سنة ؟؟؟؟؟؟

كل الشكر لك اخوي سفير الظلام

ود و ورد ،،،

اخوي سفير

سلمت يدااكـ

طرح اكثر من راائع


وعسى الله ان يهدينا ويهدي جميع المسلمين


ولكـ مني أرق تحيـــة

اول شي بسم الله الرحمن الرحيم شاكر لك اخوي احمد على الطرح الرائع
اتوقع انها صارت موضه هالأيام وقد يدخل شخص يناقشنا بالموضوع
او بأي منتدى ثاني وهو يفعل اللي يقوول انه عيب الله يجيرنا
ومهما تكلمنا بالموضوع ما اتوقع فيه فايده لأن المتزوجين والمتزوجات صاروا يفعلون هالتصرفات كيف المراهقين والله عندي كلام كثير بس ما اطول عليكم واسف ع الإطاله
تقبل مروري

مشكورين

ويعطيكم الف عافيه اخوتي الافاظل

على هذا المشاركة القيمة .. وإبداء الرأي الصريح

وعسى الله لا يحرمنا منكم

والله يحفظكم ويرعاكم ,,,

يعطيك الف عافية على الموضوع

*
**

وعسى الله يهدينا ويهدي جميع المسلمين
ويرشدنا الى الصراط المستقيم


والف شكر لك اخوي سفير

اشكرك على ماخط به قلمك

مشكووووووووووووووور
الف شكر

*
**

مشكورين .. ويعطيكم الف عافية اخوتي الافاظل

على هذا المشاركة الاكثر من رائعه

والله يحفظكم ويرعاكم ,,,


**
*

اي والله صدقت اخوي سفير الحين بعض المنتديات تدخل عشان تونس روحك

تطلع لك بلاوي والله انه دخل منتدى بس مو قايله اسمه وحده الله يستر عليها وعلينا

حاطه صوره اعوذ بالله ومشكور اخوووي ع الطرح الحلو

والله يعطيك العافيه