تنبيه هام لجميع الاعضاء

السلام عليكم ورحمة الله وبركاته

واسعد الله صباحكم / مسائكم بالخير والمسرات


هنالك بعض الأعضاء وللاسف يقومون بالرد على المواضيع القديمه
بقصد زيادة المشاركات
وهذا العمل لا يدع للمواضيع الجديدة أن تأخذ حقها .. تبحث عنها تجدها بالصفحة الثانية

والبعض الاخر .. يقوم بطرح موضوع ثم يضع رد ( اين الردود ) أو ( يسلمو على الموضوع )

طيب اثبت لنا انك قريت الموضوع

العضو يتقيم بمشاركاته ومواضيعه .. وليس بعدد المشاركات

اتمنى من الجميع التقيد بالتعليمات


والله يحفظكم ويرعاكم ,,,

/
/

تسلم سفير ويعطيك العافية على هالموضوع ..

وفعلاً هالحركة تحسها ثقيلة شوي ..

تشوف البعض يردون على الموضوع وحتى الرد يكون مكرر .. مجرد يسوي له كوبي بست .. ويمكن صاحب الرد نفسه ماقرا الموضوع .. بس حط الرد وطلع من الموضوع ..

والردود السطحية نفس المشكلة فيها ..

يمكن البعض يتجاهل الردود ويظن ان مجرد سجل حضور في الموضوع هذا كافي ..

لا هذا مو كافي ..

لو تعليق بسيط على الموضوع يشجع الكاتب انه يزيد ويطور من نفسه ..

وبهالحركة نفسها المواضيع الجديدة ..مثل ماقلت سفير تخسر اهميتها فتشوفها ترجع لورا وماتلاقي اهمية مثل المواضيع القديمة ..

وياليت الكل يتقيد باللي طرحته ..

/
/

لروحكْ ..


http://www.a7bk-a-up.com/img2/71833327.gif (http://www.a7bk-a-up.com/)


..

يعطيك الف عافية اخووي
سفير الظلام

بصرآآحة هالشي اشوفه في المنتدى ومايعجبني
وكنت راح اتكلم عنه
وماشاءالله عليك مايفوتك شي

وفي بعض من الاعضاء يظن ان العضوو يتميز اذا زادوو مشاركاته
بس ماتحسه متابع المواضيع الي في المنتدى
مجرد انه يدخل ويرد ع مواضيع يمكن اهوو حتى ماقراها

اجدد شكري لك على التنبيه المهم
لاعدمناك


وتقبل مروري ~

سفير الظلام
اي والله اخوي صدقت في كل كلمة قلتها وهالشئ مب بس في هالمنتدى الا في كل منتدى لازم يصير هالشئ مب شرط اذا العضو رد على موضوع وكان رده مشابه لرد عضو ثاني يعني معناته ما قرأ ولا شاف الموضوع يمكن مايعرف يعبر ولا يعرف شنو يرد او يكتب لكن بعد في ناس يسوون مثل ماقلت انت

شكرا عالتنبيه والطرح
الله يحفظك ويحميك ويخليك

"
يـعطيكـ الـع ـآفيه أخوي سفير الظلام ..
ع النقطه المهمه .. اتوقع هذا التصرف ينتج من المبتدئين في عآلم المنتديآت ..
لكن اشوي اشوي ان شاءالله يتعلمون من أخوأنهم الي عندهم خلفيه طيبه عن المنتديات ..
وان زيآدة المشآركات ليس مهم مثل ماهو مهم انكـ تقراء الموضوع ..
وتعرف شنو يحتوي عليه من معلومآت .. او انك تنآقش صاحب الموضوع ..
لو في مجآل للنقاش طبعاً .. ومن وآجبنا أن أحنا نرشدهم ونعلمهم ..
لان الطريقه الصحيحه في الردود .. يمكن انها تسآعدك ايضاً في حيآتك اليوميه ..
وتعلمك كيفية تقبل او التعآمل مع اي موضوع ..
بآرك الله فيك أخوي .. ومشكور على جهودكـ الطيبه ..
ومآ ننـ ح ـرم ..

"

سفير الظلام

تنبيه في محله

وبعض الأعضاء يسووون كذا

مشكور على التنبيه


وماننحرم

في بعض الكتاب .. يبون كلمة شكر
على طرحهم للموضوع
بس اذا جاهم شكر من عضو ردوده تبين انه ماقراء الموضوع
هنا راح يحز بخاطرهم

وزي ماذكرت أخوي برود الورد
مع الأيام راح يتعلمون شوي شوي
حنا في بداياتنا .. كنا غير ملمين في هذا الامر



يعني حتى سالفة المواضيع القديمه
هي الي حزة بخاطري .. ماجي الى اشوفها بأول الصفحات
والجديدة .. صايرة بالصفحة الثانية
حراام كذا انهم مايعطون الموضوع حقه
ويهضمون تعب صاحب الموضوع

انا يهمني اكثر شي في موضوعي .. هي عدد الزيارات
اذا شفت الزيارات كثيره .. اعرف ان الموضوع لاقا أقبال كبير
ويمكن البعض قراء الموضوع بس ماكان عنده رد


ويعطيكم الف عافيه اخوتي الافاظل
على هذا المشاركات
التي تدل وبوضوح على حرصكم لرقي المنتدى

تم رفع الموضوع

وذالك لوجود بعض الاعضاء المخالفين
الذين يقومون بالرد على المواضيع بالردود العشوائيه
وذالك بقصد زيادة عدد المشاركات .. لا اكثر

يعطيك العافيه طول الله في عمرك اخوي سفير الظلام وبالفعل كلامك صحيح وللأسف ألاحظه احيانا في منتدانا العزيز
وبالنسبه لبعض الردود القصيره بالعكس انا ايدها اذا كانت في صلب الموضوع
وخير الكلام ما قل ودل
تحياتي لك

صدقت والله يا خيي سفير الظلام

هذي من زمان وأنا أشوف ذا الردووود