شوفوا هذي قصيدة واحد متعقد من المكياج
......

يـا صانـع المكيـاج الله يجـازيـك
خليتني مخـدوع فـي شكـل خلـي

الله يحـرق مصنعـك مـع مبانيـك
والمعرض الموجـود في بيكاديلي

ادعي عسى تعمى وتنشـل رجليـك
هـذا دعائـي دوم لا جيـت اصلـي

خليتني اركـض ورا البنت هاذيـك
واشوفها اجمل غـرام ٍ حصـل لـي

قلبي عشقها يا(جيفنشي) توماتيك
وان شافها قلبـي يرحـب يهلـي

هي رحبت بـي وقالـت الله يحييـك
وقالت هلا باللي عشق زيـن شكلـي

وقالت انا اجمل بنت في اللي حواليك
شف حسني الاخاذ وروجي العسلّـي

طالعتها ثـم قلـت هالقلـب يبغيـك
ومن شاف حسنك خلى غيرك يولـي

ابغي اشوفـك دون مكيـاج يكسيـك
وابغـي اشوفـك بالجمـال المحلـي

قالت تبينـي افـرك الوجـه تفريـك
واشيل هالبـودر وروجـي وكحلـي
قلت أي نعم قومي عسى الروح تفديك
ابغـي جمالـك هالطبيعـي يهـلّـي

قالت دقايق راجعـه لـك واراويـك
ذاك الجمـال اللـي لعينـك يسـلّـي

ويوم رجعت لي شربكتني الشرابيـك
وحسيت الارض تدور وانـا بمحلـي

الخد كنه يا(جيفنشـي) سيراميـك
والوجه شارع مثـل شـارع حولـي

الوجـه كنـه بيـت كلـه شبابيـك
من هالحفر في وجهها اللـي يعلّـي

كلـه سبـب مكياجـك الله يجازيـك
خليتني مخـدوع فـي شكـل خلـي

ونصيحتي لكل شاب من غير تشكيك
لا لا اتسـرع ثـم تنغـش مثـلـي

اللـي بـلا مكيـاج خلهـا حواليـك
واللـي تحـط مكيـاج خلهـا تولـي



http://www.nassaem.com/vb/images/smilies/sm%20%282%29.gifhttp://www.nassaem.com/vb/images/smilies/sm%20%282%29.gifhttp://www.nassaem.com/vb/images/smilies/sm%20%282%29.gifhttp://www.nassaem.com/vb/images/smilies/sm%20%282%29.gifhttp://www.nassaem.com/vb/images/smilies/sm%20%282%29.gifhttp://www.nassaem.com/vb/images/smilies/sm%20%282%29.gifhttp://www.nassaem.com/vb/images/smilies/sm%20%282%29.gif

مسكين والله كسر خااطري

تسلمين ( حلم الزهور )

تشكراتي لك

ههههههههههههههههههههه
والله كلامه طالع من قلب..
المسكين..
والله انه صادق..في بنات
انت تشوفهم احلى بنات الدنيا>>
بس لا شالت المكياج.>>
الله لا يوريك..
يسلمووو خيتو.
وتقبلي مروري..
ودمتي بود...

خخخخخخخخخخخخ




قصيده مضحكه


مشكور على الموضوع


حلم الزهوور

ههههههههههههاي

مسكيين والله انه كسر خاطري
ياما بنات بدوون مكياج يلوعوون الجبد
وهالشباب على بالهم هالبنات مافي احلى منهم
طيب خلهم يشوفونهم من غير مكياج
علشان تلووع جبدهم هههههه

تسلمين حياتي على الطرح
يعطيج الف الف عافية
ولاتحرمينا من مواضيعج الحلوة

.
.
ههههههههه ..
الله يعينه الحين المكيآج موجود موجود ..
والأولي والتآلي يستخدمه رضينا والا مآرضينا ..
خخخخ ..
صح السآنه ع الابيات الطيبه ..
ويعطيج العافيه أختي حلم الزهور ..
ومآ ننـ ح ـرم ..
.
.