حبيبين
هالحبيبين يمكن حبو بعض اكثر من ما تبحب الارض المطر
واكثر من ما يحب الطفل امه
واكثر من كل شي في الدنيا

بس يا خساره حبهم انتهى...وانتهى بطريقه الله لا يوريها لاحد في الدنيا
بدت قصتهم يمكن مثل مو قاعده تبدا قصص كثير من الشباب والبنات هالايام..تعارف على النت ورسائل
يمكن كان قصدهم في اول الطريق مجرد تسليه واستهبال بس بعدين كلمات الاعجاب بدت تظهر من الطرفين...
كان قبل ما يطلع الدوام يتركلها رساله<<<انا الحي البس وطالع واكيد بشتاقلك لحد ما اشوفك
كان اذا لقاها كانه لاقي احلى شي في الدنيا...
وهي كانت لما تشوف رسالته كانها شايفته هو...ساعه تقرا في الرساله وما تبي تسكرها
ترد باحلى كلام و باحلى رد
كانو اذا شافو بعض كانهم اول مره يشوفون بعض وكان كل واحد منهم عمره ما شاف الثاني...
كانو احلى ثنين موجودين...ولا رح يكون في احلى منهم
جا اليوم الي جمع كل شجاعته فيه وقالها.. قال الكلمه الي هي من زمان كانت تستناها وتستناها على نار<<<احبك
قالها وهو متاكد منها...قالها وهو عارف الرد عليها
ما في ثواني الا الرد وصل<<<انا امووت فيك
وبدا مشوار حبهم وبدت معه كل المصاعب وكل الي ما كانو في يوم حاسبين حسابه
اسبوع مو اكثر وبعده انتهى كل شي حلو...وانتهى كل الي كانو يتمنونه في حياتهم
قبل ما ينتهي الاسبوع قالها انو حبنا طاهر وحبنا لازم يطلع للنور
هي خافت بس وافقت
وجا اليوم الي قالها فيه انا بتزوجك وانا مستعد اسوي اي شي عشان نستمر مع بعض
هي بصراحه حست انو الوضع غلط فكرت في كل شي بثواني<<<
ايش بقول لاهلي؟؟ في واحد يبيني... اتعرفت عليه على النت وانا اصلا ممنوعه ادخل محادثات
بقولهم انه من جنسيه ثانيه وعمري ما شفته الا على الكام
بقولهم ولا بقولهم ولا بقولهم؟؟؟

سكتت
قالها اذا خايفه انا مستعد اكلم اهلك
انا مستعد اخذ الجنسيه على شانك
انا مستعد اسوي واسوي على شانك انتي

اقتنعت وياليتها ما اقتنعت
كلمت اهلها وهي عارفه انو ممكن يصيرلها شي من ورا هالكلام بس حبها عطاها شجاعه كافيه
الاب ولا الاخ
ولا نظرات الخوات
ولا الام المسكينه
كانت متوقعه هالجواب بس كان عنده امل
وهو كان امله اكبر
اخوها قالها خليني اكلمه
قالت يمكن بدت تنحل امورنا الاخ يمكن يقنع الاب واذا اقتنع الاب الباقي سهل
وهي مسكينه ما تدري ويش يستناها
كلمته<<<انحلت انحلت
اخوي في صفنا ويمكن يساعدنا
كلمه واتقو انو يجي ويتقابلون
بعد وصوله بكم ساعه الاخ يقول<<<ويش رايك نطلع مشوار
طبعا رايحين يجيبونه
بعدها بكم ساعه يطلع الخبر وينتشر في كل مكان
تم العثور على جثة شاب صغير العمر............................................. .................................................. ....

هي شافت اخوها يقتل
والادهى والامر انها شافت حبها يموت قدامها
وما حد قدر ينقذه



طبعا انا كتبت هالشي يمكن من تجربه خاصه بس حبيت اكتبه على شان يكون عظه وعبره
واتمنى يعجب الجميع
ويكون فيه فائده

تسليييين خيتووو..
كان طرح راقي..
اعجبني بجد..
دام عطائك..

تسلم عيونك يا الغاليه
ويدوم عزك ونبض قلبك

واااااااااااو مره نااايس بس
بالاخير يحززززززن
يعطيك العافيه

يسلمووو على المرور الحلو
وانشالله ما تشوفين احزان طول عمرك يااارب

ماشاء الله عليك

بصراحه .. انا اندمجت مع الموضوع

وكنت اتمنى في النهاية ماتكون مزحه

والله زين اذا تحصل حب طاهر زي ماكانو هالحبيبين
وهي ماشاء الله عليها شغلة مخها وعارفه ان مالهم حل
بس هو اقنعها وقتنعت بكلامه

ذكرتيني بسالفة واحد من الشباب يقولي انا حبيت وياليتني ماحبيت
الي حبيتها طلعت اكبر مني
ويوم جيت باتقدم لها .. ابوها رفض بحكم فارق السن

قلتله طيب المفروض قبل لا تبني علاقة
المفروض تاخذ احتياطاتك وتشوف هل هذا هو الشخص المناسب او لا
يقول ماتوقعت ان راح توصل العلاقه الى هالحد
قلتله ياله هذا تجربه وان شاء الله تستفيد منها


تسلم يمناك اختي الفاظله

.. بنوته حلوه ..

على قلمك وطرحك الرائع

والله يحفظك ويرعاك ,,

تسلم خيوووو /سفير الظلام
على المرور الي منور والله
ويعطيك العافيه

قلم رائع واسلوب اروع ..

تسلم يمناج خيتوو
بصرااحة اتأثرت في القصة
وحسافة النهاية طلعت حزينة
يعطيج ربي الف عافية
و نتريا منج المزيد ~

روعه وشكرا لك علي ابداعك الجميل في الطرح للموضوع
http://www.alsaqr.com/tawqee3/n7lah.gif