السلام عليكم..

مرررحبا شباب وبنات..

اليوم جايب لكم قصة سعود وحنان قصه واقعيه حصلت بالرياض سنه1427 وانصحكم اللي قلبه ما يتحمل لا يقراها
ومابي اطول عليكم هذي هي القصه:

أبكي وأصوت ياهوى البال وينك
ليتك تجاوب صرخةالميت الحي


حنان بنت عمرها16آخرالعنقود
وأكبر اخوانها سالم متزوج من وحده طيبه وحبوبه وعنده ولدين{عبدالله12سنه_محمد7سنوات}وعنده بنت{لجين5شهور}
وأخوها عبدالهادي متزوج من وحده كافيه خيرها وشرها ما تطلع من شقتها وربي مارزقهم بمولود
وأختها نوره متزوجه عندها بنت{جمانه3سنين}
وأختها مشاعل 20 سنه عاطله بالبيت وأخوها طلال19سنه مثل مشاعل بس رومنسي ويكتب قصايد المهم إن حنان بأولى ثانوي أبوها وأمها متوفين بحادث سياره مؤلم وهم راجعين من الحج وهي كانت بصف بأولى إبتدائي..
المهم أناراح اقولكم وش
قصتهامع سعود
-----------------
يوم الخميس الساعه تسع بعد العشاء كانت حنان جالسه في غرفتها تقرأ روايه ومشغوله فيها فجأه رن جوالها وناظرت للرقم رقم غريب ماتعرفه !!اعطته مشغول لانها مو فاضيه وبعدين رجع اتصل ولاردت عليه وجلس يزعجها وفي الأخير إرتفع ضغطها منه وردت عليه
وكان صوتها مبحوح من البكاء لانها كانت متأثره بالروايه
حنان: ألو
سعود: هلااااوالله
حنان: نعم خير إن شاالله
سعود: معليش السلام عليكم
حنان: وعليكم السلام
سعود: كيفك شخبارك(كان يقولهابشوق وشويةميانه وكأنه احديعرفها)
حنان وهي رافعه وحده من حاجبها مستغربه: الحمدلله انت من؟
سعود: أنا أنا ولا ماراح اقول انت فكري اكيد راح تعرفيني؟
حنان: مين والله ماني رايقه
سعود: فكري انتي تعرفيني؟
حنان: بس ماغيره انت فهد(خالها)
سعود: لا ماني فهد فكري!
حنان: اقول عاد انت بتقول من انت ولا باسكر بوجهك تراك مصختها
سعود: وإن قلت لا
حنان وهي واصله حدها: الله يآخذك رفعت ضغطي والشرهه مو عليك علي آنا اللي راده عليك وتسكر الخط بوجهه
سعود كان اصلا جالس يحوس بأرقام أخوياه واعجبه رقم خويه ناصر قام بدل آخر رقمين فيه وطاح في حنان

الفصل الثاني :
جلس سعود من الصبح لصلاة جمعه صلى ورجع يتغدا مع اصدقاه لإنه عايش بالأحساء واهله بالرياض و طول ماهو جالس عند أصدقاه طرت في باله حنان ومن هو فهد معقوله لها علاقه بواحد اسمه فهد!!
لا ما أتوقع اسلوبها اسلوب وحده مالها بهالسوالف طيب ليش انا اشغل نفسي فيها خلاص سعود انا ليش مهتم فيها وهي تلقاها ما جابت خبري المهم جلس يحاول يشيلها من افكاره بس رفضت تنشال
مر اليوم ماتصل عليها بس جت الساعه عشر إلا وسعود يتصل
حنان: ذا شنو يبي بعد أرد ولا لا
حنان: ألو
سعود: هلابالصوت وراعيته
حنان: وبعدين
سعود: ولا أبلين(قبلين)
حنان: الحمدلله شكلك شارب
سعود: لا لحيه ههاي(سعود في هالحظه وهو يقول هالكلام مستغرب من اسلوبه ويحاول يعدله في باقي المكالمه)
حنان وهي منقهره: ياسخفك
سعود حس بنفسه وتدارك الموقف وقال:آسف والله ماكان قصدي أنرفزك قسم بالله اني حبيت اسمع صوتك والله جذبني من اول مكالمه
حنان: اقول هيه انت وش قاعد تقول هذا كلام مايمشي علي وش على بالك صغيره ولامخفه بتلعب بعقلي بهالكلام يابوي إصحى وتسكر الخط
سعود عاجبه صوت حنان واما عن حنان فماجابت خبره لانها كانت تذاكر وبعد ماخلصت نامت وبكذا ماسمحت لها الفرصه انها تفكر بأي شي
صحت حنان الساعه 4 الفجر ولقت 21 مس كول من سعود وتضايقت منه وفي النفس الوقت خالطها شي غريب بس ماقدرت تترجم هالشعور ولإنها ما تحب تفكر بهالمواضيع خلت هالموضوع بعيد عن تفكيرها بعد خمس دقايق دق المنبه لإن وقت صلاة الفجر دخل نزلت من سريرها وتوضت وصلت بعدين رجعت على شان تنام الا وسعود يتصل
حنان: ياربي هذا مين اللي مسلطه علي ماراح ارد انا تعبانه وبنام وماردت عليه
جلست حنان تحاول تنام بس ابدآ مافيه النوم طار منها جلست شوي الا ويتصل سعود
ترددت ترد ولا لا بس في الاخير ردت
حنان: الو
سعود: صباح الخير
حنان: ممكن أسألك سؤال؟
سعودقلبه يرقص: تفضلي آمري أنا كلي تحت امرك
هنا تقاطعه حنان: اقول لايكثر
سعود بعد ماطلعت عيونه مستغرب من كلمتها لانه اذا قال كذا للبنات يردون بأسلوب حلو مثلا: ما يآمر عليك عدو ومن هالقبيل
بس هذي ردها غير اخيرآ نطق سعود وقال: طيب تفضلي اسألي
حنان: أنت متى تنام؟
سعود وهو مستغرب: ليش هالسؤال؟
حنان: ماأدري عنك إذا كان من امس بعد صلاة العشاء الى هالحين تتصل في كل ساعه بذمتك متى يجي لك وقت تنام فيه؟
سعود عرف انه مزعجها وعشان كذا فضل انه يسكت شوي على ماتخلص كلام
حنان سكتت بعد
هدوء مر على شفايفهم وسكرها وقتل الكلمات إللي كانت على وشك تطلع

في الأخير نطق سعود وقال: إسمعي قسم بالله انك جذبتيني وربي ما اكذب عليك ونفسي اتعرف عليك تكفين وافقي صدقيني ماراح تشوفين مني إلا كل خير انت جربي وكلميني والله لأكون صادق معك ووافي تكفين انا ما راح ازعجك راح اخليك تفكرين على راحتك يوم يومين بس لاتتأخرين علي ما راح اتصل عليك ألا اذا عطيتيني خبر لاتقولين ولا شي الحين فكري
يالله السلام عليكم سعود سكر الخط وكان نفسه يسمع شي قبل لاتسكر بس هي سكرت قبله كان متأمل انها تقول اي كلمه بس خاب ظنه
حنان نايمه على سريرها فكرت شوي هذا شنو معنى يبيني اناطيب فيه بنات غيري كثير آخخخ انا وش علي منه الحين انا ليش افكر فيه تلقاه ولد مثل باقي العيال كذابين وماعندهم قلب
ناظرت الساعه اللي على الطاوله الصغيره القريبه من سريرها وقالت:آوف مافيه وقت انام فيه وإذا نمت ماراح اصحى خلني اجلس اراجع الادب


الفصل الثالث :

حنان جالسه في السياره اللي توديها المدرسه و مسنده راسها على الدريشه وتفكر في سعود ومحتاره تعلم صديقتها وتوأم روحها "هاجر"
ولا ما تعلمها وقطع حبل افكارها السواق الهندي وهو يوقف عند باب المدرسه
أماسعود كان نااااايم وحاط جنبه جواله على أمل ان حنان تتصل الصباح لإنه ماعرف انها تدرس مع انه كان واضح من صوتها انها صغيره بس هي كانت تهاوش وتصارخ ولا يقدر يسمع صوتها بهدوء


في المدرسه كانت حنان تراجع لان بعد شوي بتوزع الاستاذه اوراق الامتحان وهي تراجع ترفع عينها عشان تشوف هاجر وتطالع كيف مستهتره وبايعتها وتعود تحط عينها على كتابها عشان تقرأ اي معلومه تفيدها المهم توزعت الأوراق وحنان وهي تطالع الاستاذه توزع الاوراق على الطالبات اللي قدام سرحت وجلست تفكر في سعود ياربي هو صادق ولا يكذب بس نبرته صادقه اجرب وش بخسر؟
هاه لالا ياربي اقول لهاجر بس وهي راح تعطيني الراي

توزعت الاوراق وحنان دافنه راسه بين يدينها وماسكه القلم وتكتب ووقفت عند السؤال الأخير وفكرت بس هي اصلا ماقرت هالسؤال لانها كانت مستبعدته بس الاستاذه جابته وقامت تضرب رجلها بحركه تجيب القلق والتوتر جاها صوت الاستاذه تقول: حنان بس
حنان وهي ملتفته ع الاستاذه:طيب آسفه ورجعت تطالع ورقتها وخلت القلم على جنب وحطت ايدها على راسها
فقدت الأمل في انهاتلقى حله إلتفت عشان تنادي الاستاذه تآخذ ورقتها إلا وعيونها بعيون هاجر "راعيةالفزعه" هاجر لاحظت ان حنان متضايقه شوي واشرت لها بحركات تقول فيها أنت وش فيك ماحليتي وتحرك يدهاعلى انها تكتب عشان حنان تفهم عليها وفجأه طقت رقبتها بيدها لأنها كانت تقول لحنان اذا بغيتي شي ترا رقبتي سداده هنا عاد حنان ماقدرت تمسك نفسها لانها ما توقعت هاجر تسوي كذا بعدين اشرت لها وفهمت هاجر ان حنان مو محتاجه شي لان حنان اذا غشت تنكشف المهم الاستاذه خذت ورقة حنان ورجعت حنان ودفنت راسها بين يدينها تفكر في الحركه اللي سوتها هاجر وتضحك طرى على بالها سعود وجلست تفكر فيه وضرب الجرس يعلن نهاية تفكيرها وبداية قرارها خلاص بقول لهاجر الحين التفتت تدور هاجر بس مالقتها لان هاجر ما تصدق تسمع صوت الجرس الا وتسابق الاستاذه على الباب
طلعت برا الفصل وشافتها مع باقي البنات وراحت ووقفت معهم وكان واضح إن في عيونهاكلام بس هاجر مالاحظت هالشي لانها كانت تكلم فاطمه اللي مغششتها وتقول لها: انتي غيري قلمك الجاف اللي يقطع ما عرفت انقش ولاكلمه وتلتفت على ماجده أما انتي خطك ذا الشين ابي اعرف شلون وصلتي لأولى ثانوي وكيف نجحوك في مادة الاملاء والخط وآخيرآ إلتقت عيون هاجر وحنان بهالحظه بس عرفت هاجر قصد حنان بنظرتها
راحوا في مكان لحالهم وقبت حنان كل علومها وهاجر فاتحه فمها مو مستوعبه الكلام بعد ماخلصت حنان كلامها قالت لها:حنان انا خايفه عليك سكتت شوي وقالت:مدري والله أنت وش ودك؟
حنان: ودي اجرب
هاجر: خلاص جربي بس لاتصدقين نفسك وتحبينه!
حنان وهاجر:هههههها
المهم مر اليوم الدراسي وحنان تعد الدقايق عشان تطلع وتكلم سعود



الفصل الرابع :

رجعت للبيت وعلى طول اتصلت بسعود
سعود شاف الرقم وقلبه انقبض عطاها مشغول واتصل عليها
حنان: الو
سعود: هلاكيفك؟
حنان: الحمدلله
سعود: انا سعودال؟؟؟؟ي
عمري23
حنان: انا حنان ال؟؟؟؟ي
عمري16
سعود: يا قلبو صغيرونه مره
حنان: لا والله يا الشايب
سعود: فديتك ياحنو
حنان: ساكته
سعود: صدقيني ياحنان والله لأحبك بكل مافيني وما تشوفين مني الا كل خير وهذا وعد مني
حنان:___ساكته
سعود: ياربي من سكوتك تراك والله تذبحيني بصمتك تكلمي
حنان: ماعندي شي اقوله وش اقول؟
سعود: قولي اي شي
حنان: اي شي
سعود: هههههههاي
سعود: انابقولك عن كل شي
عندي اخو كبير متزوج وخواتي ثنتين متزوجات بعدين انا ووراي اخوي بثالث ثانوي عايشين بالرياض وانا بالاحساء عشان شغلي
حنان قالت كل شي بس ما قالت ان ابوها وامها متوفين
مر الوقت بسرعه وحست حنان بحاجه غريبه تجذبها لسعود اكثر وهو بعد حس انها صادقه بكل شي كان يتحسس البراءه في صوتها الناعم مرت المكالمه كلها تعارف ببعضهم
حنان تقول في نفسها والله انه طيب وحبوب
سعود وهو منسدح على ظهره يا الله ياحلو برائتها وكلامها وسكوتها غمض عيونه يتخيل شكلها ألا وخويه نويصر داخل عليه يقول: ياما شاء الله يا ماشاء الله نمت يوم اذن
فتح سعود عيونه وعاد الابتسامه على وجهه
خويه ناصر: ياسلام الاخو مكيف ع الآخر وش عندك سعيدان قول
سعود: انا تو عارف بنت
ناصر: طيب مو أول مره تعرف بنت
سعود: لا هذي غير مدري احس اني مرتاح لها كثير وحبيتها من اول مكالمه
ناصر: اقول عن الهذرى وخلنا نلحق ع الصلاه
صلوا وجلس سعود واخوياه يتقهوون ويسولفون وسعود يفكر وش يسولف عنه
المهم بعد صلاة المغرب اتصلت حنان على سعود وطبعآ عطاها مشغول واتصل هو عليها
حنان: الو
سعود: هلا والله حنو كيفك
حنان: الحمدلله بخير أخبارك إنت
سعود: دامك بخير انا بخير
حنان: هاه شنو سويت اليوم
سعود: مثل امس يعني مافيه اي شي جديد سوى حاجه وحده
حنان: وش هي
سعود:اني بديت ارتاح لك ياحنان صدق اني ما كلمتك الا امس بس والله العظيم وربي شاهد على كلامي اني من جد ارتحت لك ونفسي نتم مع بعض
حنان: ان شاء الله
في هالحظه دخلت دلال مرت سالم على حنان وهي بغرفتها
دلال: حنان حبيبتي من قاعده تكلمين
حنان: هاجر
دلال: خلاص اذاخلصتي اطلعي علينا بالمجلس من زمان عنك ويمكن نوره تجي بعد
حنان: ان شاء الله
طلعت دلال وسكرت الباب
حنان: هلاسعود
سعود: اهلين من هذي
حنان: مرت اخوي سالم
سعود: توقعتها الوالده
حنان: لاامي وابوي متوفين
سعود: الله يرحمهم انا آسف والله ماكان قصدي
حنان: لا عادي صار لهم 9سنين سعود حس بغصه كان وده يصيح بس مسك نفسه وقال:هذي الدنيا عادي
حنان: ايه صح
سكتوا الاثنين كلهم بعدين قالت حنان: سعود انت وش تشجع؟
سعود مو مستوعب السؤال:
هاه وش اشجع؟
حنان: يعني اي نادي مثل الهلال والانديه الثانيه
سعود عرف ان حنان هلاليه لانها قالت اسمه بس وقال: اكيد هلالي
حنان: من جد انا هلاليه
سعود:انا احب الهلال واحب اللي يحبونه
حنان: طيب وش اللاعب اللي يعجبك لعبه؟
سعود تورط لان ماله في الكوره اصلا نعمه انه يعرف اسماء الانديه
بس اسعفته الذاكره وتذكر مقال مكتوب في وحده من الجرايد عن صفقة نواف التمياط ومقال عن مقارنه بين ماجد عبدالله وسامي الجابر
وقال: اكيدسامي الجابر وبعدين نواف التمياط
حنان:انامت قهر يوم أخذ الشباب الكأس قهر والله انت تابعت المباراه
سعود: ايه تابعتها فيها ظلم الشبابين كسروا سامي الجابر
حنان استغربت لان سامي اصلا ماشارك عشان كذا قالت: طيب وش رايك بلعب مالك معاذ؟
سعود: يوووه هذا لاعب نادر شي لعبه خصوصآ لالعب مع ياسرالقحطاني احس انهم ثنائي قوي ماشا الله على الهلال عرف يختار لاعبينه
حنان: سعود
سعود: سمي
حنان: سم الله عدوك بسم الله عليك فيك شي اصلآ مالك معاذ مو في الهلال في الاهلي وسامي الجابر ما لعب في المباراه النهائيه
سعود كأن احد معطيه كف على وجهه: هاه إيه حنان والله احرجتيني الحقيقه انامالي في الكوره
حنان: إيه قول كذا من زمان هههههههههههاي
سعود: هههه ماشاء الله عليك ما يفوتك شي ههاي
حنان: سعود
سعود: هلا آمري
حنان: انت طيب والله قلبي مرتاح لك
سعود: حتى انا والله ياحنان اني من جد احس انك البنت اللي ادورعليها
حنان: ساكته
سعود: انابموت من سكوتك تكلمي واللي يرحم والديك
حنان: تكلم إنت قول اي حاجه
سعود: اي حاجه هههههاي
حنان:هههاي
سعود: فديت الضحكه وراعيتها
سعود: حنان ابكلمك بكره ان شاء الله الشباب جو
حنان: طيب ان شاء الله
سعود: تآمريني شي حنو
حنان: سلامتك
سعود: تسلمين مع السلامه
حنان: مع السلامه

الفصل الخامس :

مرت الشهور وحنان تزداد علاقتها بسعود وكل يوم يزود حبها له وحبه لها
في يوم من الايام تقابلت هاجر وحنان عند المدرسه الخصوصيه وطبعآ هاجر على علم بكل شي من المكالمه الاولى
حنان: سعود يقول انه كان يعرف بنات قبلي بس كلهم قطعهم والحين مايكلم الا انا
هاجر: انتي مصدقته يابنت الحلال مافيه ولد الا وله اكثر من بنت
حنان: لا ما ظن بس عندي فكره
هاجر: وشي
حنان: اتصلي عليه من جوالك بشوف هو بيعطيك وجه ولا لا
هاجر: هاه لالا خايفه
حنان: تكفين
هاجر: خلاص كم رقمه
المهم اتصلوا عليه مارد
وحنان قلبها يرقص لان سعود فعلا ما كان يكذب
بس قلبها وقف يوم شافت سعود يتصل على هاجر
هاجر: اتصل اتصل
حنان: ردي
هاجر: ألو
فهد: هلا والله
هاجر: معليش شكلي غلطانه
فهد: لا ياقلبي مو غلطانه
هاجر منصدمه وحنان ماتدري ايش يقول لانهم مايقدرون يحطون ع المايك لان فيه بنات في الغرفه الثانيه
هاجر: قلنا لك غلطانه خلصنا عاد
وسكرت بوجهه
حنان لاحظت وجهه هاجر المتغير وقالت: هاجر وش قال؟
هاجر قالت كل شي لحنان
حنان تجمعت دموعهافي عيونها لان سعود كان يلعب عليها
بس من قال كذا إللي رد على هاجر فهد خوي سعود
سعود كان مخلي جواله يشحن بالصاله ونازل تحت يشتري اغراض للشقه
بعد المغرب يتصل سعود على حنان بس حنان ما ترد عليه
بعدين ارسل رساله: حنو وش فيك ردي علي
حنان وهي تقرا هالرساله قلبها يحترق وأرسلت له:
سعود ليه كذا ليه تكذب علي انا كنت صادقه معك ليش تكذب سعود تكفى ارحمني ولا تتصل
سعود قرا الرساله بغى ينجن اتصل كم مره ولا ردت وارسل لها: حنان ردي وفهميني السالفه والله مدري
اتصل بعد كذا وردت عليه
سعود: الو حنان شفيك
حنان وهي تبكي:سعود حرام عليك تعذبني وتلعب علي
سعود: وش السالفه
حنان وصوتها ما عاد يسمع من البكاء : ليه تقهرني ليه تسوي كذا سعود انا احبك واغار عليك ليه ما وعدنا بعض نكون صادقين في كل شي
سعود: حنان لاترفعين ضغطي وش السالفه
حنان: قالت كل شي لسعود
سعود: قسم بالله ياحنان اني ما ادري عن السالفه
حنان: سعود تكفى كفايه تعذب قلبي
سعود:حنان بكلمك بعد شوي
حنان على طول سكرت لانها تضايقت منه وحطت في بالها انه يتهرب
طلع سعود على ربعه في الصاله وقال: شباب من اللي كان بالشقه العصر
قالوا فهد لحاله
نادى فهد للغرفه الثانيه وسأله:فهد انت متصل على احد من جوالي قول الصدق؟
فهد قال كل شي
سعود طيب تعال معي وراحوا لغرفة سعود وناصر
اتصل سعود على حنو
وردت حنان وصوتها واضح البكاء عليه المهم سعود بين لها السالفه وخلى فهد يتكلم معها واعتذر لها بس حنان ما اقتنعت طلع فهد برا الغرفه
سعود: حنان راضيه علي
حنان ما بغت تكبر السالفه أو يمكن انها حست بصدق سعود وقالت: إيه
سعود: حنان انت تغارين علي
حنان: لو ما أغار عليك ما بكيت
سعود: حنان
حنان: عيونها
سعود: دمعك غالي علي ياحنان
حنان:___
سعود:___
مرت لحظة صمت رهيبه
سعود: أحبك ياحنان
غاص قلب حنان بين ضلوعها بدا ينبض بقوه
سعود: وربي ياحنان ان حبك وغلاك يزيد كل لحظه يا حنان
أنا أحبك وأموت فيك
حنان قلبها كل ما له يدخل بين ضلوعها
سعود: حنان انتي تحبيني
بعد فتره قالت حنان: إيه
سعود: قوليها يا حنان
حنان: احبك
سعود: حنان
حنان مستغربه من نطقة سعود لأسمها لان سعود قالها بحزن
سعود: تكفين تكفين الدنيا لاتفرقنا يا حنان
حنان تجمعت دموعها وحست بحب سعود لها وجلست تبكي
سعود: حنان
حنان:____تبكي
سعود: تكفين يا حنان لا تعذبيني
حنان: سعود انا احبك يا سعود أحبك تكفى لاتقول هالكلام
سعود: طيب ممكن
حنان: وشو
سعود: ممكن امسح دمعتك
حنان: كيف انت بالاحساء
سعود:ههها عارف يا حنو بس بمسحها وانا بالاحساء
حنان: طيب ممكن تمسحها
سعود: قربي السماعه من دمعتك
حنان: قربتها
سعود: يالله انا الحين جالس جنبك وحاط ايدي عند دمعتك وجالس امسحها بس خلاص لاعاد اشوف هالدمعه عند عينك
ياحنو يالله عاد اضحكي
حنان: سعود الله لايحرمني منك
سعود: انامن لي غيرك ياحنان
ضحك سعود لانه حس ان حنان ابتسمت واستحت
جت مشاعل وخربت الجو الرومنسي ودخلت على حنان وقالت: حنان وش تبين تعشين
حنان: لامو مشتهيه آكل
مشاعل: اصلا انا الغبيه اللي جايه اسألك انتي من متى تشتهين تآكلين وطلعت بعد ماصكت الباب بقوه
حنان: هلا معليش هذي شعوله
سعود: حنان انتي ليش ماتاكلين
حنان: يوه منك لقطت الكلام وانا اللي احسبك ماتسمع
سعود: حنان لاتغيرين الموضوع انا قلت ليه ماتاكلين
حنان:والله ما اشتهي آكل كثير يعني آكل العصر بس واحس اني شبعانه وماله داعي اتعشى
سعود: طيب لي خاطر عندك
حنان: اكيد
سعود: روحي اكلي حاجه عشان خاطري
حنان:___
سعود: مالي خاطر عندك
حنان: الا بس والله مالي نفس
بس خلاص بآكل عشان خاطرك بس ياويلك اذا سمنت زين
سعود: لا مالي دخل اذا سمنتي حنان: هذي أولها
سعود:ههههه لا انتي اكلي بس
حنان: طيب من عيوني
سعود: تآكلين لي ولك زين
حنان: حرام عليك يالله آكل لي بعدآكل لك يوه على هالطريقه ماراح يتم اسبوع الا وانا كبر الباب
سعود: هههههاي
حنان: خلاص اكلمك بعدين تآمر على شي قلبي
سعود: من جد انا قلبك
حنان وهي منحرجه: انت مو قلبي بس انت دنيتي كلها
سعود: اذاكنت انا بالنسبه لك دنيتك كلها اجل انتي بالنسبه لي شنو انتي قلبي وعيوني وروحي حياتي وانتي امي وابوي واهلي وزوجتي
أحم أحم ان شاالله
حنان: سعود انت احرجتني
سعود: فديتك والله ياام عيالي
حنان: سعود وبعدين احرجتني سعود: طيب خلاص اكلمك بعدين يا أم عزوز"اسم ابو سعود"هههه
حنان: اقول مع السلامه
سكرت حنان السماعه ونزلت من سريرها عشان تطلع بس مرت التسريحه وانهبلت يوم شافت خدودها لهالدرجه مستحيه كانت خدودها حمراء مررره
أماسعود كان حاط ايده على قلبه ويشوف كيف ينبض ويقول:يالله ليش قلبي للحين ماهدا آه ياحنان ليتك تشوفين اللي في قلبي لك ليتك تحسين فيه اذاسمعك تضحكين يطير من الفرحه وكأن الدنيا إضحكت له

الفصل السادس :

طلعت حنان من الغرفه ودخلت على مشاعل ودلال وقالت: ابي اكل
مشاعل: اما قبل شوي ما اشتهيتي تآكلين
حنان: طيب غيرت رايي وابي آكل
دلال: طيب آمري وش مشتهيه
حنان: اي شي اهم شي آكل
كلت حنان وقعدت معهم الى الساعه 10 ورجعت لغرفتها لأن بكره مدرسه وحصلت رساله من سعود مكتوب فيها:
عمري لو أهديته لك ما أظن تعرف غلاك
والله إني أحبك وأشتري بروحي رضاك
وأرسلت له:
سعود أوعدني ماتخليني
وارفقت معهاصوت أغنية
أوعدني عني ماتغيب تبقى هنا جنبي قريب..الخ الاغنيه
رد سعود عليها:
أوعدك ماتخلى عنك ابد
وببقى احبك للأبد
وإن غبت عنك لاتظن نسيت حبك
وان جا يوم وما سألت
لاتتقول خانني وخان العهد
قول مات وماحبني كثره أحد
أرسلت له:
جاوب بصراحه
1/إذا مت وش راح تسوي؟
2/وش الشي اللي بتندم عليه؟
3/وش الشي اللي بتقوله لي وماقدرت؟
4/وش الموقف الحلو اللي راح تذكره معي؟
بس سعود ماقراها لانه قفل جواله لان البطاريه فضت
وطلع يشحنه بس لقى الشاحن مع ناصر
انتظرت حنان بس مارد اتصلت لقته مقفل خافت عليه بس طمنها برساله من جوال ناصر كتب
قلبي يابعد هالناس كلهم
ترى جوالي فاضي شحنه وارسلت لك من جوال ناصر
حنان طارت من الفرحه لانها حست ان سعود حاس فيها وعارف انها تخاف عليه وبينشغل بالها عليه نامت وهي تفكر في سعود


يوم الأحد بالمدرسه تقابلت حنان وهاجر وقالت لها كل شي ومر اليوم الدراسي زي غيره

تمت سبعه شهور على علاقة سعود و حنان وهم ماشافوا بعض لانهم مو في نفس المدينه يعني بس صوت إلا إن جا يوم الاربعاء الظهر واتصل سعود على حنان
حنان: هلا
سعود: هلا والله بأهلي كلهم
انا عندي لك بشاره
حنان: قول وشي
سعود: أول شي وش تعطيني بعدين اقول لك
حنان: آمر وش تبي
سعود: ابي بوسه
حنان حمر وجها: هاه ليه وش له
سعود:ههههههاي ياعمري عليك تفاجأتي لا يا حنو بقولك من غير بوسه ادري فيك منحرجه انا اليوم إن شاالله بجي للرياض ازور اهلي
حنان: والله من جد
سعود: وأبي أقابلك
حنان: هاه لامدري خايفه
سعود: وش خايفه منه عادي روحي لاي مجمع وارسلي لي رساله تعلميني وينك فيه واجي ونتقابل في مطاعم المجمع ونشوف بعض ونتكلم مع بعض شوي وخلاص وليه تخافين
حنان: مدري ياسعود على العموم بفكر
اتصلت على هاجر وخبرتها
هاجر: لا لا صعبه
حنان:صح انها صعبه بس والله ودي اقابله شرايك بس اقابله بالمجمع ما راح اطلع معه ولا حتى اركب بسيارته
هاجر: بكيفك
سكرت منها وقررت تقابله
بعد المغرب اتصل عليها وخبرها انه بالرياض بس هي ماقالت له شي بعد ربع ساعه من المكالمه راحت حنان للمجمع واتصلت على سعود
حنان: سعود ممكن اطلب طلب
سعود: جلس يغني اغنية يوسف الشافي
(اطلب حياتي وانا بعطيك تستاهل الروح واهديها)
شبيك لبيك سعيدان بين يديك
حنان: صوتك حلو ياسعود
سعود: انتي احلى
حنان: ممكن تجي للمجمع
سعود:اذا انتي هناك جيت
حنان: ايه انا موجوده
سعود: الحين بس طيران عندك
سكر منها ومر محل هدايا وأخذ لحنان هديه سلسله فضيه تآخذ العقل وعطر كوكو شانيل وورده حمره مغلفه بشكل جنان وفضيع
أما حنان فما جابت هديه لان سواقهم نمام فما تقدر تمر تشتري هديه بعدين تنزل بها للمجمع
اتصل عليها اول ما دخل وعلمته مكانها
هو يمشي للمكان وقلبه يدق بسرعه ووده انه يركض بسرعه لين يوصل بسرعه
وحنان كانت تحس بخطوات سعود وهو يمشي لها
وصل سعود للمكان
بس كان فيه بنات كثير ما عرف حنان بأي طاوله وعلى دخلته دخلوا شباب بعد يعني لاهي عرفته ولا هو عرفها


انتظروا الفصل السابع بس لازم ابغى عشرة ردود على الأقل واكمل باقي القصه لأنها طويله وما ابغى اكتبها وما احد يقراها

تكفى بليييييييييييييييز كمل انه راح اترس لك الصفحه ردود بس كمل القصه رووووووووووعه

يعطيك ربي الف عافيه بس كممممل

تكفى كملهآآآآآآآ ...

بصرآح ـهـ القصه مررررررررهـ ح0 ـلوووهـ

والله دموعي نزلت قصه روووع ـهـ

..{ من محبي قرآة القصص :)

تسلم ويعطيك العافيهـ ..

بنتظآر التكملهـ

ابشروا الحين باكملها لكم
بس توعدوني تقرونها
للآخر

الفصل السابع

اتصل سعود على حنان
سعود: حنو وينك فيه بنات كثير انتي بأي طاوله
حنان: بعد انت اي واحد شوف انا بوقف وارجع اجلس زين
سعود: خلاص يالله وقفي عشان اعرفك
حنان ما تدري سعود اي واحد منهم المشكله ان الكل معه جواله واكثر من شخص كان يكلم
المهم سعود كان قاعد يطالع ينتظر حنان توقف
وقفت حنان ووقف قلبه معها عرفها رجعت جلست جاء سعود يمشي وعينه عليها وجلس
كانت لابسه عباية راس بس مخصره وبرقع ومطلعه عيونها
كانت منزله عيونها وما ناظرته
سعود: حنان كيفك
حنان: بخير كيفك انت وما رفعت عيونها
سعود: حنان ارفعي عيونك طالعيني
رفعت حنان عيونها
سعود فتح فمه تخبل يوم شاف عيونها ورجعت نزلتها جلس يطالعها ويطالع رموشها قال:فديت العيون انا
سعود: حنان
حنان: لبيه
سعود: لبى قلبك طالعيني تكلمي
رفعت حنان عيونها وانهبلت يوم شافته كان أسمر ووجهه نحيف مو نحيف مره وعيونه كبيره وخشمه وشفايفه عاديه وشعره شوي طويل كان مشخص وطالع شعره على ياقته سعود ابتسم حنان فتحت فمها انهبلت زياده بعد ما وضحت غمازاته كانت ابتسامته جذابه مره كان مملوح مره بس ما كان جميل
حنان: ما شاء الله تجنن
سعود: والله انتي اللي تجنين
سعود إلتفت عشان يآخذ الهديه بس ما لقاها
سعود: حنان
حنان: عيونها
سعود: ممكن طلب
حنان: آمر
سعود: عازمك على العشاء
حنان: لا لا يا سعود
سعود:شوفي نطلع من المجمع وكل واحد بسيارته ونتواعد عند اي مطعم ونتعشى وبعد كذا كل واحد يرجع بسيارته
حنان:خلاص بس مانتأخر
طلعوا من المطعم وسعود يمشي بجنب حنان وقلبه طاير من الفرحه وحنان تحس انها بحلم ومصيرمشاعل تجي تصحيها نزلوا وتفرقوا عند البوابه وتواعدوا في احد المطاعم
و صلوا المطعم ونزل سعود معه الهديه بعد ماشاف حنان دخلت ودخلوا في قسم العوائل حنان انتبهت للهديه واسكتت لانها ما جابت له شي
سعود: هلاحنان تصدقين اني في السياره قاعد احسد سواقكم ياليتني مكانه والله لأحط المرايه عليك واقعد اطالع فيك
حنان: يوه بنسوي حادث
سعود: حنان شيلي الطرحه عن الوجه الصبوح
حنان: طيب بس اطلع برى
عشان ازين شعري تلقاه الحين محيوس من الطرحه
سعود: خلاص بطلع واستنى تتصلين بس لاتأخرين
طلع سعود وجلست حنان تعدل شكلها بعدين اتصلت على سعود
سعود شاف اسمها(قلبي)على شاشة جواله الا طيران عندها دخل وجلس قدامها
إنصدم يوم شافها كان متوقعها حلوه بس مو لهالدرجه كانت حلوه مرررره
جلس يطالعها وهي منزله راسها طالع شفايفها وغمازاتها وبشرتها البيضاء الصافيه وشعرها الاسود الناعم والورده الحمراء اللي فيه
سعود تخبل عليها
قال: حنان إنتي حلوة
حنان رفعت راسها وطالعت سعود وخدودها حمراء : شكرآ
سعود: يالله وش تبين تعشين؟
حنان:اي شي
سعود: يعني اقوله عطنا إثنين اي شي
حنان:هههههه
سعود: لبى هالضحكه وراعيتها
حنان:___استحت
سعود: فديتك والله
حنان:___خدودها حمراء بقوه
سعود: خلاص ابطلب انا على ذوقي بس اذاما اعجبك لاتقولين وع مابي بتآكلين غصب
حنان:___
سعود: السكوت علامة الرضاء
اطلبوا وتعشوا واخذ سعود الهديه وقدمها لحنان
سعود:هذي هديه مني لك اقبليها عاد
حنان:ليش ماكان له داعي والله كلفت عليك
سعود: لا والله وش دعوه
حنان ماكان معها شي تقدمه لسعود خذت جوالها وفكت التعليقه حقته اللي كانت عباره عن قلب فضي يآخذ العقل وقالت:سعود انا ماجبت شي بس اتمنى انك تقبل هالهديه المتواضعه
سعود:حنان اكبر هديه اني شفتك
حنان: طيب ممكن تآخذها للذكرى
سعود: طيب
ناظرت سعود نظره غريبه عجز سعود يفسرها نظرتها كانت بريئه وحزينه بس ماعرف شنو سببها

مر يوم الخميس والجمعه ورجع سعود للاحساء وطبعا حنان ما نامت يوم الاربعاء الابعد ما قالت لهاجر كل شي

الفصل الثامن :


مر شهرين على أول لقاء بينهم
أتصل سعود بعدالعشاء على حنان
حنان: نعم
سعود: هلا
حنان: خير وش تبي
سعود خاف انها تكون مشاعل
وقال: أنتي مين
حنان: انا حنان
سعود: طيب عرفتيني
حنان:إيه عارفتك سعود
سعود:حنان وش فيك
حنان: لا ما تدري شوف سعود اللي سويته شي ما اقدر اتحمله
سعود: وشو
سكرت بوجهه
رجع يتصل بس ماردت عليه
ارسل رسايل كلها: ردي فهميني وش السالفه
نامت وهي ماردت عليه
أماسعود فكان منشغل باله انا وش سويت قال بصوت مرتفع:حنان ليش تسوين كذا ليه انا والله ماسويت شي آه يا قلبي
دخل عليه ناصر اللي لاحظ شكل سعود
ناصر:عسى ما شر شفيك شوي بتبكي
سعود قال كل شي لناصر وجلس يبكي من الالم والقهر

الصبح: صحت حنان ولقت 35 مس كول من سعودو 4 رسايل:
1/حنان ردي علي
2/حنان فهميني الموضوع
3/حنان امانه وش فيه
أما الرابعه:
حنان أناتعبان تكفين أنتي وش فيك هنت عليك ياحنان

قرت الرسايل وطبعآ مسحتها
وعورها قلبها كان ودها تتصل بس تأخرت على المدرسه
المهم مر الوقت بسرعه وحنان طول الحصص تفكر بسعود
سعود مانام طول ليله جالس
يتعذب
طلعت من المدرسه وعلى طول اتصلت على سعود
بس مارد
بعدأقل من 20 ثانيه اتصل
سعود: الو حنان شفيك ياعمري أنا وش خطاي
حنان: للحين ماعرفت
سعود: وشو
حنان: لا والله إحلف انك ماتدري
وش مسوي
سعود: قسم بالله اني مدري
حنان: طيب بقولك
سعود: قولي
حنان: مآخذ قلبي
سعود: حنان هذا مقلب
حنان: مقلب وأنت أكلته هههههههاه
سعود: حنان والله ماطرا على بالي مقلب بس انتي طولتي
حنان: سعود امانه وش سويت
سعود قال كيف كان حاله ليلة أمس
سعود: لاعاد تسوين مقالبك اللي تعذب القلب
حنان:___
سعود: حنان
حنان: هلا
سعود: لا قولي لبيه
حنان: لبيه
سعود:لبى قلبك الله لايحرمني منك ياحياتي
حنان: سعود
سعود: عيونه
حنان: لا تخليني
سعود: سكت شوي بعدين قال:حنان مادامني حي وعايش فما اخليك إلين ربي يآخذ روحي
حنان وهي شوي بتبكي:
لا يومي قبل يومك ان شاالله
سعود: جعلني ماجرب فرقاك ياحنان
حنان: يالله إنت امس مانمت يالله اخليك تنام تآمر على شي
سعود: حنان
حنان: لبيه
سعود: أحبك موت
حنان قلبها نبض بسرعه
وقالت: حتى أنا
سعود: يالله اكلمك بعدين زين

نامت حنان وصحت الساعه خمس وجلست تذاكر e‏ واتصل سعود وردت عليه بس ما طول معها لأنها قالت له ان عليها إمتحان طبعآ ماسكر الابعد توصيات منها لاتجهدين نفسك لاتشغلين بالك وانتي تذاكرين
مر الليل وسعود ما إتصل ولاحتى ارسل لانه مايبي يشغل حنان

الفصل التاسع :

صحت حنان الصبح وراحت للمدرسه وإمتحنت وحلت زين ومر اليوم الدراسي مثل امس
رجعت وبدلت واول ماحطت راسها على المخده الا وتسمع صياح بالصاله وعجزت تطلع تشوف وش السالفه لان مصير
مشاعل تجيب الخبر لها
دخلت مشاعل على حنان
وهي تبكي
حنان: مشاعل وشفيك تبكين
مشاعل:___تبكي
حنان: مشاعل وشفيك تكفين
مشاعل: سالم ياحنان سالم اخوي مات مات ياحنان
حنان: هاه لاوين يموت انتي صاحيه الحمدلله والشكر
مشاعل: سالم راح ياحنان وتبكي
حنان عرفت ان الخبر حقيقي وتجمعت دموعها وسط عيونها
بس مانزلت كأنها مصدومه
قالت: وين دلال
مشاعل: في غرفتها
راحت حنان لغرفة دلال وطقت الباب بس الظاهر ان دلال ماسمعت صوت الباب يطق
دخلت حنان في شقة دلال وشافت منظرها تقطع قلبها عليها
شافت دلال جالسه وحواليها ملابس سالم تشمها وتضمها وتبكي وتقول: آه ياسالم ليه رحت وخليتني ياسالم والله بفقدك وراح اشتاق لك ليش رحت ليش من للجين بعدك هنا دموع حنان شلال
دلال: سالم ليش رحت ليش انا من لي غيرك والله مانساك يا سالم لين ربي يآخذني آه ياسالم بنفقد صوتك وزولك
ما قدرت حنان تصبر اكثر طلعت من الشقه وقابلتها لجين وهي بوسط المشايه حقتها وبيدها لعبه صغيره تضربها في المشايه يوم شافت عمتها حنان رفعت يدينها وجلست تضحك حنان ضمت بنت اخوها وجلست تبكي وتقول: لا يا لجين بتصيرين مثل عمتك يالجين الناس بيطالعونك نظرة يتيمه ناقصه شي بحياتها لا يارب ارحم سالم يارب وسع مدخله
دخل عبدالهادي وطلال ميت من البكاء قرب عبدالهادي من حنان وضمها وجلس يهدي فيها وقال: الصلاه عليه العصر
حنان: لاتكفى ياعبدالهادي لاتدفنونه خلوه عندنا
عشان كل ما إشتقناله نشوفه والله ياعبدالهادي صعبه انا نفقده يعني ماراح نسمع صوته ابدا
عبدالهادي: حنان هذا قدر وخلاص وين مشاعل؟
حنان:بالغرفه
راح عبدالهادي لمشاعل وهداها وقال ان خاتمته زينه
سعودكان يتصل على حنان بس ماترد خاف عليها وجلس يتصل بس ماترد
صلوا على سالم ناس كثير صغار وكبار وعمال وحريم لان سالم ماكان يأذي احد الكل يحبه_الله يرحمه_
إجتمعوا الناس يعزون وحنان جالسه تبكي دخلت عليها هاجر رفعت حنان عيونها وشافت هاجر اللي كانت تركض لحنان وضمتها وجلست تهديها المهم بعد ماخفوا الناس ومابقى الا الاقارب
دخلت عليهم لجين في المشايه وكل وجها تمر لان جمانه بنت نوره مأكلتها تمر والدبه لجين ماصدقت كان شكلهابرئ مره وهي تضحك كانت تستنى أحد يضحك بوجها بس تلاشت ضحكتها وعبست وجلست تمسح التمر بملابسها قامت حنان واخذتها عشان تبدل لها ملابسها وتغسل وجها
المهم نظفت وجها ودخلت الشقه عشان تبدل ملابس لجين بدلت لها ملابسها وهي تبكي لانها تشوف براءة وجه بنت اخوها وضحكتها وتقول في نفسها: يارب انك ترحمها ولاتعاني اللي عانيته
جت تطلع التفت على غرفة سالم دخلتها وجلست تطالع فيها وذكرت على بالها أغنية:الأماكن كلها مشتاقه لك وجلست تشهق وتبكي بقوه
وتقول: ليه ياسالم ليه
(حطوا نفسكم مكانها)
نوره كانت قريبه من شقة سالم فسمعت صياح اختها ودخلت عليها وجلست تهدي فيها
طلعوا من غرفة سالم وجلست بالمجلس مر الوقت بطيئ
الساعه 9 ليلآ دخلت حنان غرفتها وانسدحت على سريرها
تبكي ماكان احد عندها كانت تبكي بصوت كانه طالع من بير كان انينها يقطع القلب ويبكي الحجر وجلست نصف ساعه وهي على هالحال
خذت جوالها وشافت 57 مس كول من سعود أول مامسحت السجل الا وسعود يتصل
كانت حنان الدنيا ضايقه فيها
ما كان ودها ترد بس شي صاح فيهامن داخل وخلاها ترد
حنان: الو (وهي تبكي)
سعود:حنان وش فيك
حنان:سالم اخوي مات ياسعود مات
سعود:سكت فجأه إنا لله وإنا اليه راجعون
عظم الله اجرك
حنان: جزاك الله وماتمت جملتها الا وجلست تصيح
سعود: خلاص ياحنان هذا قدر بسم الله عليك نامي الحين
حنان: والله ماقدرت انام بس جالسه اتذكر سوالفه معي وضحكه وأموت لاتذكرت اني خلاص ماراح اسمع صوته مره ثانيه
سعود: طيب حنان انتي عندك سماعات لجوالك
حنان: ايه ليش
سعود:خلاص حطيها بآذانك واسكتي
حنان: طيب وهي تشهق وتبكي
ركبت حنان السماعه وحطتها بآذانيها
سعود: ركبتيها
حنان: ايه
سعود:خلاص حطي الجوال تحت مخدتك وغمضي
حنان: ليش
سعود: سوي اللي قلت لك عليه
سوت حنان اللي طلبه سعود
سعود: أعوذ بالله من الشيطان الرجيم وبدا يقرأ قران على حنان
وحنان ساكته تسمع جلسوا مده طويله
سعود:حنان
حنان نايمه
سعود:نمتي يابعدي
سكر سعود وارسل لها رساله كتب فيها: قلبي انا ماسكرت الا بعد ما نمتي
المهم مرت الايام وسعود على هالحاله يتصل على حنان بس في الليل ويقرآ قران ويدعي لسالم وهي بس :آمين
زوجة سالم خذت اولادها وراحت لأهلها وحنان كل مالها تعلق بسعود مر شهر على وفاةسالم كانت حنان جالسه مع طلال ومشاعل بالصاله
كانت حنان معها كتاب النحو تذاكر فجأه بدت تبكي
طلال ومشاعل: حنان وشفيك
حنان ضمت الكتاب وجلست تبكي وتقول:آه ياسالم
خذا طلال الكتاب منها ولقا سالم كاتب: حنو حبيبتي ليش ناسيه كتابك بالصاله انالقيته على الطاوله وكتبت فيه واحمدي ربك ان لجين مو عندي ولاكان عطيتها اياه وتغرقه لك بالسعابيل
أخوك ولد أمك وابوك:سلومي وموقع
طلال ودموعه على خده: الله يرحمه تصدقون يابنات انه الوحيد اللي كان يقرآ اشعاري ويشجعني بس راح خلاص وش الفايده جلس يبكي
مشاعل:آه وينك ياسالم ليش رحت وخليتنا ليه ياسالم
طلال: والله مشتاق له موت
والله العظيم نفسي اجلس مع بس دقيقه بس دقيقه
وجلس يبكي
حنان: كلنا فاقدينه ومشتاقين له الله يرحمك ياسالم
مشاعل:الله يرحمه
خيم سكون فضيع عليهم دق جوال طلال وكان المتصل
عبدالمجيد صديقه يعزمه على عشاء طلع طلال برا البيت
حنان كانت تعبانه ودخلت تنام أما مشاعل فلبست عباتها وطارت لبنات خالتها لانها كلهم متخرجات وبعمرها
صحت حنان بعد المغرب وصلت أتصلت على مشاعل وعرفت انها عند بنات خالتها
إتصل سعود على حنان
حنان:الو
سعود:هلا وغلا أخبارك
حنان: الحمدلله بخير
سعود: حنو
حنان: لبيه
سعود: لبى قلبك أنا نقلت شغلي للرياض
حنان: والله ياسعود
سعود: والله ياحنان
سكتوا شوي قال سعود:
حنان قسم بالله اني ماسويت كذا الا عشانك
حنان: ليه
سعود: ابي اصير قريب منك ابي اقابل بيتكم ابي اشوفك وانتي داخله المدرسه ابي تكون عيني عليك دايم ياحياتي
حنان:سعود
سعود:عيونه
حنان:أحبك
سعود وقلبه يدق بقوه: عيديها بصوت اعلى
حنان: أحبك
سعود: انا ما أحبك انا والله من حبك احب حتى ثرى الارض اللي تمشين عليه حنان وربي أحبك أحبك ما اقوى فراقك لو دقيقه
حنان ساكته
سعود: حنان معي
حنان: لا تخليني ياسعود
سعود: أوعدك ان ابقى معك مستحيل أتخلى عنك
حنان ساكته
سعود: حنان تكفين ياحنان خليني اتكلم يا الله طيب عطيني فرصه اقول كلمه ما عورك حلقك من اول ما اتصلت وانت تتكلمين خلاص عاد
حنان:ههههه
سعود: فديت الضحكه حنان انتي من جد تراك تذبحيني بسكوتك تكلمي قولي اي كلمه
حنان:اي كلمه
سعود مات من الضحك:حنان انا احبك احبك احبك
وبكره ان شاء الله بجي الرياض
حنان: يالله مابي اطول عليك بكره وراك مشوار وابيك تنام زين وانا بعد علي امتحان بكره
سعود: الله يوفقك ياقلبي تآمرين شي
حنان: سلامتك
سعود: الله يسلمك مع السلامه
حنان: مع السلامه

الفصل العاشر :


صحت حنان على دق جوالها ارفعته لقت سعود يتصل ردت
حنان:الو
سعود: قوووووووومي يا حناااااااان قوووومي المدرررسسسه تأخخخرتي قووووومي
حنان تصدع راسها لأن صوت سعود كان عالي: سعيدان وعله فقعت اذاني وبعدين تو الساعه
سعود: احسن عشان تقومين
أمانه حنان ما انفع ساعة خراش
حنان ماتت من الضحك
سعود قلبه يرقص لانه سمعها تضحك من قلب قال:الله لايخليني من هالضحكه
حنان ساكته
سعود: خلاص ياحنو ما طول عليك يالله صحصحي وروحي المدرسه
حنان وهي مستحيه: ان شاء الله
سعود: عفيه ع شاطره حبيبتي المطيعه هههه
حنان:ههههه
سعود: عساها دوم هالضحكه يالله ياحياتي ما اطول عليك مع السلامه
حنان:مع السلامه
راحت حنان للمدرسه وطول الطريق تفكر بسعود
وقابلت هاجر اللي ماخلتها لافي العزا ولاغيره وقالت لها عن اللي صار بينها وبين طلال ومشاعل وقالت لها عن سعود وفضفضت على هاجر
طلعت حنان من المدرسه ودخلت البيت لقت العاطلين طلال ومشاعل يزفون لها خبر
مشاعل: حنو بكره بتروحين للمدرسه مشي
حنان: وشو اقول روحي زين
طلال: حنان مشاعل صادقه السواق اليوم بيسافر ابوه تعبان وبيجلس شهر وبيرجع
حنان وانا مين بيوديني
طلال: رجليك توديك وتجيبك
حنان: وانت ليش ماتوديني
طلال: اهأ مكلوف انا فيك روحي زين مومن بعد المدرسه وبنات جيرانا يروحون مشي امشي معهم
راحت حنان ضايق صدرها دخلت غرفتها ونامت قامت العصر
إتصل سعود عليها يخبرها انه بالرياض
حنان: ألو
سعود: هلا بأهلي كلهم
حنان:هلاهلا
سعود:حنان فيك شي صوتك متغير
حنان قالت لسعود كل شي
سعود:ههههههه بس هذا
حنان:ساكته
سعود: حنان شفيك ساكته
حنان: لابس ولاشي
سعود: والله إن تقولين وش فيك
حنان:سعود تصدق لو إن سالم موجود كان وصلني أو خلا طلال يوصلني بس خلاص الله يرحمه
سعود غصته العبره:الله يرحمه
حنان حست انها ضايقت سعود
وحبت تغير الموضوع
قالت: يا ربي جوعانه
سعود:لولولولوي وأخيرآ سمعتها منك تمينا عشره شهور مع بعض اول مره تنطقينها
حنان:ههههههاه
سعود: يالبيه والله يالله وش تبين تآكلين
حنان:هاه
سعود:شفيك حياتي عادي ابشتري لك واوصلها بيتكم أو اعطيها راعي البقاله يوصلها
حنان:سعود لا تحرجني البيت مليان أكل
سعود: حنان ماكان قصدي شي بس حبيت اخدمك
حنان: ماتقصر
سعود: حنو زعلانه
حنان حبت ترفع ضغطه: ليه يهمك رضاي
سعود وهو رافع حاجبه مستغرب: حنان اكيد يهمني رضاك حنان اللي يحب يدور رضا محبوبه
حنان: انت قلتها " اللي يحب "
سعود وعيونه بتطلع من مكانها:حنان انتي شفيك انا احبك ماله داعي هالكلام
حنان: ههههههه أمزح معك
سعود: حنان رفعتي ضغطي هههههه بس من جد انقهرت
سعود: أمانه متى أمداك تفكرين بهالمقلب
حنان: كذا والله مارتبت له
سعود: الله لايحرمني منك يالله حياتي ماطول عليك بكره ان شاء الله اكلمك
سكر سعود من حنان ودخل عليه ناصرخويه اللي كان مسافر للقصيم عند اهله وجلس عندهم شهر واسبوعين لان ابوه كان تعبان مره
سعود: هلا والله وغلا
ناصر:هلا بك
المهم جلسوا سوا وسولفوا سعود قال إيش صار في غيابه في الشغل والشقه وناصر قاله سوالف اهل القصيم
ناصر: وش اخبار حبيبة قلبك
سعود: تو مسكر منها
سعود قال لناصر عن وفاة سالم وحالة حنان

الفصل الحادي عشر :

صحت حنان الصبح وطلعت من البيت وهي في الطريق تسمع احد يقول: يا حلو
إلتفتت وتفاجأت
حنان: سعود
سعود: شفيك تفاجأتي
حنان: وش جايبك
سعود: ما فيهاشي ابي احرس حبيبتي لين توصل المدرسه
حنان: طيب خلاص بس لاتتابعني بشكل واضح
سعود: تأمرين
كانت تمشي حنان ووراهاسعود
بالسياره وجالس يغني:
شلون مدري كيف روحين في روح
ماكنت اصدق بإندماجك يا الارواح
آلخ الاغنيه...
وحنان مستحيه وما عرفت تمشي زين المهم وصلت المدرسه وطيران لهاجر وقالت لها كل شي
هاجر: تكفين ابي اشوفه
حنان: خلاص في الطلعه اطلع وياك واوريك سيارته وانتي اركبي سيارتكم وقولي لسواقكم يوقف جنبه
هاجر: خلاص
حنان: بس لاتحطينه في بالك هههه
مر الوقت بسرعه وحنان وهاجر يعدون الدقايق رن الجرس يعلن وقت الخروج
هاجر: يالله حنان
البنات قالوا: غرررييبه هاجر تطلع بدري
هاجر: هئ ماتدرون
حنان عطت هاجر نظره كأنها تقول: بجيبين اجلنا
هاجر: لابس تعبانه وابي اروح ارتاح يالله في امان الله اشوفكم بكره
البنات: فمان الله
طلعت هاجر وحنان
هاجر: وينه سعيدان
حنان: سعيدان!
الاخت طاقه ميانه اسمه سعود
هاجر: اللي هو اهم شي وش سيارته
حنان: هاذيك سيارته شفتيها مو الجيب لا بي إم دبليو البيضاء
هاجر: شفتها يالله مع السلامه
حنان: مع السلامه
مشت حنان وسعود انتظر شوي عشان مايلفت الانتباه في هالوقت هاجر لصقت بالدريشه عشان تشوف سعود
هاجر: ياملحه يجنن
تحرك سعود ومشى ورى حنان وتم يطالعها وهو مبتسم
وصلها البيت كان وده ان حنان تفتش وتضحك له بس حنان خيبت ظنه
دخلت حنان البيت وجلست تطل من ورى الباب وهو يطالعها بنص عين بعدين حرك ومشى
أول ما دخلت غرفتها ومسكت جوالها الا سعود يتصل
حنان: هلا
سعود: هلا فيك
حنان: سعود تعبتك معي
سعود: لا والله ياحنو انا حبيت احرسك
حنان: تخاف علي
سعود: اخاف عليك بس انا حتى اخاف عليك من ظلك ياقلبي وبتم على هالحال الا ان يرجع سواقكم
حنان: والله مدري شقولك اخاف اتعبك
سعود: لا تقولين شي عادي حبيب يوصل حبيبته
حنان: ساكته
سعود: خلاص قلبي اخليك ترتاحين بعدين اكلمك زين
حنان: طيب مع السلامه
سعود: على طول كذا طيب قولي لي كلمه حلوه
حنان: كلمه حلوه ههههه
سعود: هههههه
سعود: أحبك
حنان: مو أحبك بس الا اموت فيك يالله سعود ماطول عليك مع السلامه
سعود: مع السلامه
نامت حنان وصحت العصر وصلت وجلست على سريرها
وفكرت في مقلب لسعود ماراح ينساه ابدآ
بعد نص ساعه اتصل سعود
سعود: هلا حنو
الرجال: الو
سعود منصدم وساكت
الرجال: الو
سعود سكر السماعه
سعود: يا ويلي انا وش سويت
مافيه الا ناصر بتصل عليه
ناصر: هلا بالقاطع
سعود: والله هالايام مشغول بس تكفى انا متورط
ناصر: ايه ماتعرفني الا اذا تورطت قول شعندك
سعود قال كل شي
ناصر: ياحرام عليك بعد قايل اسمها ورقمك مسجل عندها بإسم قلبي البنت تطلبك البيحه المسكينه بتروح فيها
سعود:لحظه ناصر حنان معي انتظار ارد
ناصر: رد اكيد ولا بيشك
سعود: يالله مع السلامه
سكر سعود وعلى ماجمع كلام يقوله الا وحنان مسكره
رجعت واتصلت ورد عليها
سعود: السلام عليكم
حنان ماسكه ضحكتها:وعليكم السلام
سعود و هومرتبك:هلا
حنان: سعود وش فيك اناحنان
سعود: طيب وين كان جوالك
حنان: يشحن بالمجلس
سعود: احد كان بالمجلس
حنان: ايه كان عبدالهادي ليش تسأل
سعود: لا ولاشي
حنان:امانه شفيك سعود خوفتني
سعود:حنان بقولك شي بس لاتعصبين
حنان: أمانه قول سعود
سعود قالها كل شي وحنان ماسكه ضحكها
حنان وهي تسوي نفسها خايفه
ومعصبه: لامن جد سعود تكفى يا ويلي والله ان يذبحني عبدالهادي ياويلي انا شاسوي
سعود: هدي اعصابك
حنان:شلون اهديها شلون
سعود: ساكت
حنان:سعود بقولك حاجه
سعود:قولي
حنان: لا تعصب
سعود: قولي ياحنان ماراح اعصب
حنان: انت اكلت المقلب
سعود: هذامقلب!
حنان ياحياتي تبين تقولين لي عادي وتلعبين علي عشان ماشيل هم
حنان ماتت من الضحك
سعود:حنان
حنان:سعود والله مقلب
سعود: طيب من وين جبتي صوت الرجال
حنان: اتصلت على 997 وسجلت صوت اللي رد علي وانتظرت لين اتصلت وسمعتك اياه
ومثلت هالمسرحيه
سعود: حنان انا بذبحك
حنان: ليش
سعود: انتي مقالبك تذبح
حنان: تدري ليش اسوي كذا
سعود:ليش
حنان:عشان اذا فرقت بينا الايام تذكر مقالبي
سعود:حنان انامعك مايفرقنا الا الموت
حنان: سعود الله لايحرمني منك
سعود: ولامنك ياعمري
تموا يسولفون شوي بعدين سكروا
ارسلت حنان رساله لسعود:
اوعدك لو دارت الدنياومالت
وكلن راح بطريقه وضعنا
في بحور الفراق وادري بحوره عميقه ابقى لك اوفى صديقه في الحضور وفي المغيب
وماتهون يااجمل علاقه وماتهون يا اروع ياحبيب

قرآ سعود الرساله وقلبه عوره كثير أرسل لها:
ببقى معك لآخر نفس في حياتي
وببقى احبك دامني حي بالارض
مابدلك لو خيروني بحياتي
لو هم عطوني الكون بالطول والعرض
ما ابيع قلبن عاش وسط ذاتي
واصبح غلاه بداخلي ينفرض فرض

ردت عليه:
من كثر ما أحبك
صرت خايف افقدك
صرت خايف اجرحك
صرت خايف لو تبيني
ماتلاقيني معك
صرت ابحث عن حياتي
لأجل أعانق بسمتك
صرت انا والشوووووووق
نتسابق __بس متى__؟
راح نوصلك؟

_ضاق صدره لانه حس انه قرا وش براس حنان فرد عليها:
طلبتك_
كان لي خاطر_
تبعد عنك الإحزان_
فديت عيونك الحلوه_
تبسم لو على شاني_
انا أحبك ولا ودي
تعيش بدنيتك ندمان_
ترى الايام محسوبه وآخر هالعمر فاني_
قرت حنان الرساله ونبض قلبها بقوه دخلت مشاعل عليها وقالت لها ان بنات خالهاعازمينهاالمهم لبست حنان وراحت لهم

اتصل سعود عليها قدام البنات
حنان: هلا هاجر
سعود: انا هاجر
حنان: اناعند بنات خالي لارجعت البيت كلمتك زين
سعود: طيب
وسكر بعدين ارسل لها:
حظ المكان وحظ منهو حواليك
وحظ العيون اللي تناظرعيونك
جتهاالرساله وقرتها و ابتسمت
بنت خالها: ياعيني ياعيني وش تقرين
حنان: رساله
بنت خالها: عارفه
حنان: طيب ليش تسألين هاهاهاي
بنت خالها: انطمي بس ورمت عليها المخده
رجعت حنان ومشاعل الساعه 10 ولقوا قدامهم عبدالهادي
عبدالهادي: ماشاء الله بدري كان ماجيتوا
حنان:ساكته
مشاعل:ماصار شي خالي حلف علينا انا نجلس
عبدالهادي:انتي عادي لان ماعندك دراسه بس هذي"يقصد حنان"عندها دراسه بس ماهتمت شوفي اذا ماتبين تدرسين ترا افصلك عادي اناماني مستعد اتعب نفسي معاك فاهمه
حنان تجمعت دموعها بعيونها وراحت لغرفتها وجلست تبكي وتذكر سالم لما كان يقولها ان الدراسه هي اللي ترفع الانسان عن وحل الجهل وتذكر نصايحه لها وتقول: وينك ياسالم ليتك تشوف حالي الحين

الفصل الثاني عشر :

إتصل سعود على حنان بس ماردت
ارسلت له:سعود انا تعبانه
اتصل بس ماردت ارسل لها:حنان والله ان تقولين وش فيك
ارسلت له:
دخيلك تخلي ضايق الصدر بهموووومه
تراني على حد البكا لاتبكيني

سعود قرا الرساله على طول اتصل على حنان بس ماردت وبعد محاولات كثيره ردت
حنان:ألو
سعود:حنان شفيك امانه تقولي شفيك
حنان قالت كل شي لسعود وهي تبكي وتشهق
سعود جلس يهديها الين ماهدت قال لها: حنان انا شريت عود
حنان: والله طيب سمعني شي منك
سعود: انتي أول
حنان: طيب شغني لك
سعود: اي اغنيه
حنان: اناماحفظت الامقطع صغيرعادي
سعود: عادي
حنان:
ياحبيب الروح بكتب لك وصاتي
إن غديت اليوم في حبك قتيل
أنشدك بالله لاصرت بوفاتي
لاتخلي دمعة عيونك تسيل
خلصت
سعود: يجنن صوتك ياحنان
حنان: شكرآ
طيب انت غني
سعود: تآمرين وجلس يغني اغنية يوسف شافي
تبي الصراحه تراني جد حبيتك واحترت وشلون اعبر لك عن اشواقي
يابعد هالناس انا من قلبي اغليتك
حبك سرا بالعروق وعاش بأعماقي
خلصت
حنان: يجنن صوتك
سعود: اصلا انا عارف من زمان بس ما اغني خايف من العين
حنان:هههههه
سعود: جعلها دوم هالضحكه
حنان: سعود اختي مشاعل بتجي الحين
سعود: خلاص ماطول عليك تآمرين على شي
حنان: سلامتك
سعود: مع السلامه
سكروا ونامت حنان صحت وراحت للمدرسه وتبعها سعود المهم دخلت المدرسه وقابلتها هاجر
هاجر: ياملح سعود مره مملوح هو وغمازاته
حنان: شفتيه تو ماكملت كلامها الا البنات مجتمعات فسكتت
مرت الحصص الاولى وهاجر وحنان ماتكلموا عن سعود بس بعدها تكلموا عنه شوي
طلعت حنان من المدرسه وطبعآ وراها سعود
دخلت البيت وشافت
لجين قدامها ألحين صار عمرها سنه وخمسه اوسته شهور حنان صاحت وعلى طول ضمتها وجلست تبكي طلع من المجلس عبدالله ومحمد يقولون: عمتي حنان ماراح تسلمين علينا
حنان ركضت لهم وضمتهم وجلست تبكي
عبدالله: عمتي ليه تبكين
حنان: مشتاقه لكم صار لي اكثر من شهر ماشفتكم
عبدالله: اعذرينا يا عمتي والله انا كل ماشفت البيت اتذكر ابوي واماكن جلوسه واشوف طيفه واجلس ابكي وما انام ذيك الليله حب راس حنان وجلس يبكي ضمته حنان وجلست تبكي معه
عبدالله: عمه حنا بنام عندك عادي
حنان ألتفتت عليه وضمته وقالت:إذاماشالتكم الارض شالتكم عيني المهم اجلسو مشاعل وطلال وحنان مع عيال اخوهم الى العصر وراحو سوا لبيت خوال عيال اخوهم عشان يسلمون على دلال سلمو عليها كانت متغيره مره ناحفه مررره وبشرتها صار لونها مايل للاصفر وشعرها خفيف بعد ما كان كثير ويجنن حالتها تدمي القلب وتبكي الحجر
طلعوا منها متأثرين مره خصوصآ حنان لانها شافت دلال اول ماعرفت الخبر
المهم راحوا مع عيال أخوهم للمنتزه وللسوق ورجعوا للبيت ونامت لجين بحضن حنان والعيال مع عمهم طلال سهرانين الى الفجر لان عبدالله ومحمد مستأذنين يغيبون
حنان اليوم كله ما شافت جوالها لانها اصلا مادخلت غرفتها الا يوم جت تبدل ملابسها يعني ماكلمت سعود
صحت الصبح ومرت غرفة طلال وشافته نايم مع عيال اخوه على الارض وهو بينهم كان شكله مره يبكي حست بشي غريب وحمدت ربها ان عندها اخو طيب مثل طلال
طلعت من البيت بعد ماخلت لجين عند مشاعل وما شافت سيارة سعود استغربت قالت يمكن تعبان او مل وطفش بكيفه بس مشتاقه له والله
دخلت المدرسه وقابلت هاجر وقالت كل شي مر اليوم عادي في الطلعه بعد ماشافت سعود بغت تنجن سعود شفيه ياربي دخلت البيت ولقت قدامها عيال أخوها يسلمون على مشاعل وطلال ويقولون:كان ودنا نشوف عمي عبدالهادي بس شكله مشغول سكت طلال شوي بعدين قال:ايه يابعد روح عمك ماعليش عبدالهادي مشغول
نزل راسه عبدالله اللي مو مقتنع قالت مشاعل:إرفع راسك انت سعودي طيبك جاوز كل حدودي_ههها
الكل:ههههها
كانت حنان واقفه عند الباب بس ما انتبهوا لها يوم شافتهم يحبون طلال ومشاعل قالت: وانا مالي رب
التفتوا عليها وركضوا لها وجلسوا يحبونها
المهم راحوا لبيت خوالهم وطلال دخل ينام ومشاعل دخلت بعد تنام الا حنان لانها مشتاقه لسعود فأخذت جوالها ودخلت المجلس واتصلت عليه مارد جلست شوي الا ويتصل
حنان: الو هلا
سعود: هلا حنان وينك امس
حنان قالت كل شي واعتذرت له لانها ما طمنته عليها
سعود قال لحنان السبب اللي خلاه مايتبعها للمدرسه هو ان امه كانت تعبانه وكان سهران معها بالمستشفى
سعود: مشتااااق لك ياحنو
حنان: حتى انا والله مشتاقتلك
سعود: تصدقين ياحنان امس احس الارض ضاقت علي والله امس كانت ساعاته سنين
حنان: حتى انا ياسعود كنت مثلك كنت افكر واقول:
هذا وهو يوم واحد اجل لو افترقنا للابد وش راح اسوي
سعود: حنو لا تفكرين كذا اهم شي اني ببقى أحبك
حنان:حتى انا
المهم جلسوا يسولفون شوي بعدين سكروا مرت الايام بسرعه وسعود يتبع حنان للمدرسه كان يوم الاحد الطلعه سعود تبع حنان للبيت و دخلت بس وقفت وفتشت وطالعت سعود شوي وابتسمت وراحت
سعود انهبل كان شكلها يآخذ العقل المهم اتصل عليها وقال لها تقرآ على نفسها لانه كان خايف عليها من جد ومدحها وسكروا
دخلت مشاعل ومعها طلال يزفون الخبر لحنان:
مشاعل: عندي لك خبر
حنان: وشو
طلال: بعد 4 ايام ما امداه يكمل الا ومشاعل تقول:ياورررع
انابقوله حنان ماتت من الضحك على شكل طلال اللي سكت لانه مايبي يقلب الدعوه هوشه
مشاعل: بعد 4 ايام او 3 ليالي بيرجع السواق
حنان: ليش
مشاعل: حلوه ليش
ليه ماكنتي اول تبينه يرجع بسرعه
حنان في نفسها: هذا اول
المهم نامت بعدين صحت وكلمت سعود وقالت له الخبر
مر يوم الأثنين والثلاثاء مثل غيرهم بس يوم الاربعاء كان غير صار موقف محرج لحنان
في الطريق طبعا وراها سعود حنان وهي تمشي عند باب بيتهم تعثرت بعبايتها وطاحت طيحه تموت من الضحك سعود فتح الباب ونزل بس ماراح لها لانه كان خايف يشوفه احد وتروح حنان فيها قامت حنان وجلست تمشي بسرعه للبيت وهي منحرجه ودخلت
إتصل سعود عليها يطمن عليها بس ماردت ارسل لها: حنو طمنيني عليك
ارسلت له: بخير طيبه
ارسل لها: زين هذا اهم شي اكلمك المغرب
نامت وصحت المغرب وقالها انه بيروح للاحساء وبيرجع بكره طبعآ وصته مايسرع ويطمنها أول مايوصل
بعد العشاء كانت حنان تقرأ روايه إتصل سعود
حنان:الو
سعود: هلا حنان شفي صوتك
حنان: ولاشي
سعود: والله ان تقولين
حنان قالت له السالفه
سعود: الله يهديك لاتعورين قلبك
المهم جلسوا شوي الا والشباب يدخلون على سعود
سعود: خلاص بكره اكلمك
حنان: طيب احرص على نفسك
مع السلامه
سعود: مع السلامه
مر اليوم عادي بس جاء الليل وجلس سعود وناصر وتكلموا عن ذكرياتهم اول وكل شي قال سعود: انا يا ناصر ابي اسوي مقلب في حنان
ناصر: لا ماله داعي
سعود: اي ماله داعي انت ما عرفت مقالبها
ناصر: قول المقالب حقتها
قال سعود كل شي
ناصر: لا في ذي سو لها مقلب
حقيقه والله رهيبه وحركة 997 من جد مقلب
المهم فكر في المقلب وحصله
قام الصباح ومر اليوم عادي الى ان جاء الليل واتصل على حنان وخبرها انه بالرياض وسولفوا شوي وسكروا

انتظروا باقي القصه

الفصل الرابع عشر

مر يوم الجمعه كله وسعود ما إتصل
إتصلت عليه بس مارد ارسلت له رساله: سعود فيك شي
وما رد إنشغل بالها عليه

جت الساعه 11 وإتصل سعود
حنان: ألو
سعود: هلا حنان
حنان: وينك
سعود: وش دخلك
حنان مستغربه بس ظنت انه يمزح: سعود شفيك
سعود:شوفي ياحنان بجيبها من الآخر
حنان:__ساكته
سعود: حنان انا ما احبك كنت العب معك لعبه الحبيب ومو انتي البنت الوحيده اللي اكلمها كثير بنات اكلمهم وكلهم اقول لهم : أحبك
واللي يحب اثنين ما عمره هوا
واسمعيني ياحنان لاتفكرين اني اتصل عليك مره ثانيه انا كنت انتظر نتم السنه مع بعض تدرين ليش!
حنان منصدمه وساكته
سعود: عشان تجي اتعس سنه بحياتك انا ما أحب يا حنان ولا يمكن احب بهالدنيا ممكن اتسلى صح بس أحب مستحيل الا طبعآ زوجتي اللي اكيد ما راح تكون انتي
حنان واضح انها تبكي وتشهق
وسعود متقطع قلبه يبي يقول لها انه مقلب بس قال لا مستحيل بعد انا بكيت وناسه يعني بكره اذا قلتها انه مقلب بتموت من الضحك
سعود: حنان تكفين لا تبكين
حنان ماسوت له سالفه وجلست تبكي
سعود: تبكين بكيفك ابكي ابكي ليما تشبعين ماراح تهمني دموعك بس تذكري اني ما راح اتصل وهذي آخر مكالمه بينا وسكر الخط وهو يقول: بكره بقولها بس هنا حس بشعور غريب ماعرف يترجمه
حنان: رمت نفسها على السرير وجلست تبكي
أرسلت له:
عهد قطعته لو مضى الروح ما انساك
الا اذا صادفت لحظة وفاتي
جايز أحبك وافقدك واتناساك
جايز تغيب وتنسى حبي وغلاتي
بس انت تدري كيف احس وياك
تدري اذا غبت بحياتي كيف
أعاااااني

قراها وعوره قلبه جاء بيتصل عليها بس تردد قال الحين بتنام بكره بقولها ان شاء الله
حنان جالسه تبكي لانها كانت فرحانه بمرور سنه على علاقتها مع سعود بس سعود حطم قلبها
وارسلت له:
على عيني تغيب وتروح في قلبي حنين وجروح
ايام وليالي تروح وانت ولاداري
كاتمه غرامي بيك عايشه بأحلامي بيك اشوف العالم من عنيك وانت اللي ناسي
روح ابعد بعيد
عيش عالم جديد
روح ابعد بعيد
اكمل وحدي الطريق
سعود صدقني عمري ماحبيت الا انت وانصدمت فيك آسفه ياسعود آسفه

قراها وقلبه متقطع وقال لناصر:ياعمري عليها والله حاس فيها
ناصر: وش الله حاديك تسوي كذا
سعود: ولا شي بس ابيها تجرب اللي جربته
ناصر: اللهم لاشماته

أرسلت له آخر رساله:
قولوا لحبيبي يااهل الحب تكفون
يرحم حياتي قبل لايسمع وفاتي

وقفلت جوالها وتمت تصيح الى ما نامت
الصباح قامت حنان ولبست وتفاجأت ان السواق جاء امس يعني بيوصلها هنا تذكرت سعود يوم كان يتبعها غصتها العبره وعورها قلبها
سعود قام من النوم وركب سيارته وهو في الطريق قرا رسالة حنان الاخيره لانه امس ماقراها عوره قلبه وقال:خلاص ان شاء الله اليوم بروح عند باب مدرستها واتبعها إلين ادخلها بيتهم واتصل عليها واعلمها
سعود ما كان يعرف ان السواق رجع
حنان كانت مسنده راسها على الدريشه ودموعها على خدها:ليش ياسعود ليش انا وش سويت حرام عليك الله يسامحك ياسعود الله يسامحك جرحت قلبي جرح والله مايبرى وجلست تبكي
السواق كومار: ماما ايس فيه انته في تعبان روه دكتور
حنان: لا ما شي سوق وانت ساكت
سعود: الله يا حنان والله احبك احبك موت ياحنان أحبك وبتم احبك ياحنان وضغط برجله على البنزين واسرع
قطع سعود الاشاره وطلعت عليه سياره وصار عليه حادث
جت الاسعاف وشالت المصابين وودتهم للمستشفى
بس ربي ستر
سعود جته بس رضوض وجروح بيدينه وبراسه
بعد ساعه طلع سعود من الغرفه
وشاف سواق حنان كومار
سأله: كومار إيش سوي انت هنا
كومار: هذا في سوي حادث هذا مدام حنان موت
سعود: هاه
جاء الدكتور وشاف سعود وظن انه من اهل حنان ناداه
الدكتور: عظم الله اجرك ياخوي
سعود: حنان ما ماتت انا احبها انت متأكد انها حنان
الدكتور: طيب تعال معي عشان تتأكد هي حنان او لا
مشى سعود وهو مو في وعيه ودموعه متجمده بعيونه وقلبه يدق بقوه وجالس يقنع نفسه انها وحده ثانيه
دخلوا الغرفه وشاف حنان ظل واقف يطالع فيها
الدكتور: انت رجال مؤمن بالله وهذا قدر الله كاتبه
سعود: وش سبب وفاتها
الدكتور: نزيف حاد بسب حادث
سعوديبكي: انا اللي ذبحتها انا ذبحت حبي بيدي انا اللي ذبحتها انا السبب انا اللي قطعت الاشاره انا السبب بالحادث انا السبب بموتها وجلس يبكي بقوه
الدكتور:هدئ ياخوي خلاص بعدين هذا قدر
جلس يهدي فيه بعدين طلع
وسعود يبكي ويتذكر ضحكتها وسوالفها ويقول:ليت الله خذاني يوم فكرت اسوي مقلب وقرب من حنان وتم يطالع فيها ويبكي صاح بأعلى صوته وضمهاعلى صدره:حنااااااان أحبك والله أحبك تكفين قومي قومي ياحنان وقولي ان الموت ماجاني تكفين قومي انا احبك انا ندمان على المقلب والله ياحنان أحبك لاتخليني ياحنان انا من لي بعدك وجلس يبكي بقوه سمع صوت ناس وعرف انهم اهل حنان
طلع بسرعه وتلطم ووقف بعيد وتم يطالعهم حطوا نفسكم مكانه
هاجر طلعوها اهلها من المدرسه اول ماعرفوا الخبر
هاجر: شعندكم مطلعيني مو من عوايدكم
تركي أخوها: هاجر من الآخر حنان خويتك تطلبك البيحه
هاجر: لامستحيل حنان تموت حنان صديقتي من كنا صغار انا وهي متفقين نسوي حفله بمرور 10 سنوات وحنا مع بعض لا تكفى ياتركي انا ماعرف اعيش من غيرها اذا هي غابت من المدرسه بس يوم واحد يضيق صدري واشتاق لها اجل كيف اذا غابت طول العمر حنان تكفين لاتخليني انا والله احبك هنت عليك تروحين وتتركيني
هاجر: تركي ابروح اسلم على حنان
تركي: لا ياهاجر
هاجر: تكفى ياتركي انا مشتاقه لهاكنت انتظر يوم السبت على شان اشوفها بس راحت تكفى ابي اشوفها
تركي: خلاص ترى الساعه 9 بنروح للمغسله
كانت الساعه 8 ونص
سعود جالس في المسجد يبكي ويتذكرها
جت الساعة 9 وراحت هاجر تودع حنان الوداع الاخير
وقفت هاجر قدام حنان ولأول مره تشوفها كذا كانت مكفنه ما طلع منها الا وجها طاحت عليها وجلست تبكي وتقول:
طاوعك قلبك ياحنان طاوعك تروحين من غير ما اسمع صوتك حنان والله مشتاقه لك حنان احبك ياحنان انتي مامتي انتي عايشه بقلبي للابد ضمتها مشاعل وهي تقول: هاجر طيب انا شقول اللي تعودت اشوفها مدري كيف بعيش
رجعوا اهلها للبيت وجلسوا ينتظرون الصلاه
هاجر ومشاعل جالسين بغرفة حنان ومشاعل يطالعون سريرها وكتبها وملابسها ومتقطعه قلوبهم


الفصل الخامس عشر :

الصلاه على الميت الميت إمرأه
هنا صاحت هاجر ومشاعل لا وجلسوا يبكون بقوه
سعود يبكي بقوه كان متلطم ولابس نظارات عشان محد يشوفه
صلوا الرجال طلعوا بالنعش وطلع وراهم سعود وجلس يمشي وقلبه مع حنان يطالع في جثتها ويتذكر سوالفها ويبكي وصلوا المقبره وحطوا حنان بالقبر وسعود يطالعها دفنوها ودفنوا قلبه معها طلعوا من المقبره وراح هو يعزي كان يشوف الحزن بعيونهم بس مو كثر الحزن اللي فيه رجع للبيت وجلس يبكي إتصل عليه ناصر
سعود يبكي: الو
ناصر ما إنتبه لصوته: هلا سعود هاه شسويت بالمقلب تصدق امس كنت افكر واقول مستحيل سعود يقول الكلام اللي اتفقنا عليه عارفك تحبها موت
سعود كان ساكت
ناصر: الو سعيدان شفيك
سعود: حنان ماتت يا ناصر ماتت وانا ماقلت لها الحقيقه ماتت يبكي
ناصر: خلاص ياسعود هذا قدر
جلس ناصر يهدي في سعود وقاله انا بجيك اليوم ان شاء الله
سكر منه وركب سيارته ومسك خط لطريق الرياض
اما سعود فراح للمقبره جاء بيدخل لقى واحد عند قبرها
تم يطالع فيه كان متأثر ويبكي طلع الرجال يوم شافه صار اخوها طلال كان متأثر مره تقطع قلبه يوم شاف منظر طلال دخل المقبره وراح عند قبرها وجلس يصيح ويقول:حنان انا احبك اناكنت اكذب عليك يوم قلت اكرهك هذا مقلب حنان تكفين قومي
اذن العصر قام ومشى وهو مو حاس بنفسه وصل عند باب المقبره حس بحاجه غريبه صوت تصيح من داخل ويقول:
حنان رحلت إحلم تشوفها ياسعود بدنياك
إلتفت لقبرها ورجع له يركض ويطيح يركض ويطيح
الا ما وصل عنده وجلس يصيح حنان مابي اودعك مابي انا ابي اجلس جنبك الين اموت
وجلس يبكي كان جالس على ركبه ويعظ طرف شماغه وينوح بصوت يقطع قلب الكافر
ويهز نفسه قدام و ورى بشكل يعور القلب
وصل ناصر للرياض اتصل على سعود بس مارد راح لبيته وما لقاه حس انه في المقبره وراح هناك ولقاه منسدح عند قبرها ودافن راسه بين يديه ويبكي كأنه طفل صغير لاتلومونه
دمعت عيون ناصر يوم شاف حالة سعود وراح له ومسكه وسعود كان يبكي ساعده على انه يوقف ومشوا سعود كان مستسلم ويقول: راحت حنان وما قلت لها الحقيقه راحت يا ناصر ليت الله خذاني يا ناصر
رجع للبيت وأخذ جواله يقرا رسايلها فجأه قال:كأنها عارفه انها بتموت وقرا
قولوا لحبيبي يا اهل الحب تكفون..
يرحم حياتي قبل لايسمع وفاتي..

ناصر: خلاص ياسعود خلاص بس سعود ما سوا له سالفه فطلع ناصر عشان سعود ما يشوفه يبكي
وصل لرسالتها:
وش بتسوي لا مت؟
سعود: ليتك تشوفين حالي ياحنان من بعدك
وش الموقف الحلو اللي بتذكره معي؟
سعود: من عرفتك ياحنان وكل المواقف حلوه آه وجلس يصيح
و الشي اللي كنت بتقوله لي بس ماقدرت؟
سعود وهو ميت من الصياح: الحقيقه ياحنان ما قدرت اقول لك اياها رحلت قبل لاتعرفين اني أحبك ماقدرت ياحنان
وش الشي اللي بتندم عليه انك سويته فيني؟
صاح بأعلى صوته: المقلب يا حنان المقلب وطاح على سريره وريحه ربي بنومه ريحت فيها اعصابه
3 ايام العزاء و ناس داخلين وناس طالعين وعيال اخوها سالم يبكون عند مشاعل ويقولون: ليه كل من يرحمنا يموت الحقيقه حالتهم تعور القلب
انتهى العزاء و سعود بغرفته مايطلع ولايذوق طعم النوم والاكل وهاجر مو اقل من حاله سعود كانت تشوف خط حنان ودفاترها وتذكر ايامه معها مابي اقول لكم حالتها هي ومشاعل بالتفصيل لان قلوبكم ماراح تستحمل انتم حطوا مكانكم في محل هاجر وشوفوا


الفصل السادس عشر :

مرت ايام على وفاة حنان و
سعود ما هو سعود المعروف بضحكه ومزحه صار انسان اذا ابتسم نعمه دايم سرحان وحزين لان اللي صار فيه مو سهل
كان يمر في طريق مدرستها ويشوف طيفها يمشي شاف مكانها يوم طاحت قدامه شاف ذكرياتها وكان مشغل اغنية الاماكن كلهامشتاقه لك

رجع للبيت ودخل غرفته وجلس يبكي ويدق العود ويغني أغنية خالد زواهر عابر سبيل
عابرسبيل وماظن بكم رجعه..
راحل وتارك بدياركم شوق وحنين..
شاء القدر اشوفه ساعة واودعه..
واكتب في طيات الزمان مفارق ظنين..
ليت العمر ينعاد لي واشتعل شمعه..
يرتوى الخاطر اللي ظمى طول السنين..
مريت انا بدياركم والناس مجتمعه..
صوت وصريخ بدياركم واسمع انين..
مات الحبيب اللي صورته في البال روعه..
راح وتركني بدنيتي كاني طعين..
يالله انا مالي بشوفكم طمعه..
مير اللي حايل بيننا اقدار السنين..

بعدين غنى اغنية لاتبكين ياعيني لصلاح سعد:

لاتبكين ياعيني ياعيني وتبكيني..
مثل ماهم فارقوك فارقوك مفارقيني..
لو بالبكي يرجعون..
اعمي الاثنين العيون..
ياعيني عليهم شوقي نشديه..
مثل ماهم فارقوك فارقوك.. مفارقيني..

ومرت عليه ذكراها تذكر يوم تغني له
ياحبيب الروح بكتب لك وصاتي..
ان غديت اليوم في حبك قتيل..
انشدك بالله لاصرت بوفاتي..
لاتخلي دمعة عيونك تسيل..

وحن لها كثير اخذ جواله وإتصل على رقمها:
عفوا ان الهاتف المطلوب لايمكن الاتصال به الان
سكر وقال لايمكن الاتصال به الان قول لايمكن الاتصال به طول العمر وجلس يبكي ويغني:
والله مايسوى اعيش الدنيا دونك..
لا ولا تسوى حياتي بهالوجود..
دامك انت اللي رحلت وكيف باصبر..
ع البعاد وكيف بانثر هالورود..
ماوعدت انك تقاسمني المحبه..
تبقى لي حب ولدروبي دليل.. بس حسافه الموت كان اقرب وارحم
حسبي الله وحده ونعم الوكيل
جلس شوي ودموعه على خده تذكرها وتذكر ضحكتها
طلع من الدرج اللي كان جنبه تعليقة جوالهآ اللي قالت له يوم عطته اياه: خذها للذكرى
قبض على التعليقه بقوه وقال:مشتاق لك ياحنان
ودق على العود أغنية والله واحشني:
والله واحشني موت
اخاف بعدك اموت
قلبي لو من حديد
ذاب وانت بعيد
لو خسرتك حبيبي
شلون احب من جديد
وين القى وفا
او احس بدفا
ظلمه بعدك حياتي
كل شي بيها إختفى
روحي يمك حبيبي
بيدك اتمنى موت
وجلس يصيح ويبكي
جاء ناصر يزوره بس وقف عند الباب وسمعه يغني:
ياموت تكفى رجع اللي اخذته..
الصاحب اللي طيبته تبري الروح..
شف حالتي ياموت جسمي نحلته..
خله معي ياموت لو يوم ويروح..
وين الصبر يا ناس "حنو"
فقدته..
راح الوفاء راح الحب راحت الروح..
وين الصبر ياناس "قلبي"
فقدته..
وشلي بدنيا مابها ضحك ومزوح..
يبوني انسى شخص مبطي سكنته..
وهو سكني وصرنا اثنين في روح..
مرحوم شخص عزيز خسرته..
راح وتركني وحالي بالحيل مجروح..
يهل دمع العين لامن ذكرته..
طيفه معي من وين لاجيت واروح..
وصيتي ياناصر لو مت قبري دخلته..
حطوني بجنبه من دون البكاء والنوح..
لاتذرفون الدمع كاني وصلته..
خلوني بجنبه اسد جرح مفتوح..
يا موووت تكفى رجع حنان وجلس يبكي
ناصر تقطع قلبه على سعود فخلاه لحاله عشان يطلع اللي في قلبه ويرتاح بس سعود راحته مع حنان وحنان رحلت وخذت قلبه وراحته

للمعلوميه:ناصر دفع الغرامه اللي على سعود واهل حنان تنازلوا عن سعود بما إنه السبب في الحادث
الله يرحم حنان ويعين سعود


هذي الدنيا عجايب في عجايب..
تنتهي من حزن وتبدا حزن ثاني..
كم تفرق بين خلان وحبايب..
تعيشها للابد في يوم تعاني..
الحزن همال كما وابل السحايب..
والسعاده كلها لحظه وثواني..
الفرح سطرين والعنوه كتايب..
ياكتاب للحزن يحمل معاني..
شف سواياها تخلف كم نكايد..
وش بقى ماصار ياقسوة زماني..


إنتهت القصه
تحياتي لكم بس اهم شي لا احد يبكي

وربي بكيت الصراحه حزييييييينه

يعطيك ألف عافيه اخوي

على القصه اللي تعور القلب

مسسـأإأإأئك جوري ~

><" يسسلموو آخوي ع الروأإأيه اللي من جد محزنه ~

{ مأإأتح‘ـب هالنوأإأع من الروأإأيـآت ْ } ~
..

دمت ودأإأم آبدآع‘ـك يالغ‘ـلآ ~

صرآح ـهـ تبكي

هذي الدنيا عجايب في عجايب..
تنتهي من حزن وتبدا حزن ثاني..
كم تفرق بين خلان وحبايب..
تعيشها للابد في يوم تعاني..
الحزن همال كما وابل السحايب..
والسعاده كلها لحظه وثواني..
الفرح سطرين والعنوه كتايب..
ياكتاب للحزن يحمل معاني..
شف سواياها تخلف كم نكايد..
وش بقى ماصار ياقسوة زماني..


مشكور على تكملة القصه

يعطيك الف ع ـآفيهـ

يـ ع ـطيك الـف ع ـافيــــــه..
ع ـلى القصه..
وماننحرم من جديدكـ,.

لا هنت خيوو ع القصه
سلمت يمينك ويعطيك العافيه
http://nada199.jeeran.com/nada_ns2.gif

الصراحه قصه تعور القلب

يعطيك العافيه

يصلموووووووووو ع الموضوع ..

العفو اخواني

منورين كلكم

وشرفني تواجدكم