أعزائي أعضاء منتديات نسائم الخليج
أعضاء هذا الصرخ الشااامخ

أقدم لكم اليوم قصة في غاية الجمال ورمانسية
في الحقيقة حروفي تعجز عن وصفي لتلك القصة

وهي للكاتبة : بيـان حـبك

القصة راح تبدأ احدائها وحماسها من البارت الخامس
وراح انزل لكم جميع الاجزاء

وعاد نبي نشوف تفاعلكم مع القصة بالردود الحلوه

والله يحفظكم ويرعااكم ,,,

شخصيــات القصــه مجرد اسماء ..
وراح تقدرون تعرفون شخصية كل شخص من خلال الأحداث ..

\

عائلة بو متعب /

ابو متعب : (( محمد )) كبير العائلة
ام متعب : (( جواهر ))
متعب : 34 سنــه - متزوج بنت عمه روابي وعندهم (( نايف )) اربع سنوات و (( نوف )) سنه
فهد : 30 سنــه
فيصل : 27 سنه
مــرام : 24 سنــه
ساره : 19 سنـه
فارس : 13 سنـه
ريم : 10 سنوات

\
عائلة بو وليـد /

ابو وليد : (( ضاري )) اخو بو متعب
ام وليـد : (( رغد ))
وليــد : 29 سنــه
خالد : 27 سنه
روابي : 24 سنه – متزوجه متعب
اسيل : 19 سنــه
طارق : 15 سنه

\
عائلة بو حمد /

بو حمد (( احمد )) : اخو بو متعب وبو وليـد
ام حمد (( وفاء )) : اخت ام متعب
حمد : 29 سنـه
سطام : 27 سنـه
مشاري : 25 سنـه
حلا : 25 سنـه – متزوجه ولد خالها ثامر وعندهم (( سعود )) خمس سنوات
ضي : 20 سنـه
بيان : 18 سنــه

\
عائلة بو ثامر /

بو ثامر (( صالح )) : اخو ام حمد وام متعب
ام ثامر (( ندى ))
ثامر : 32 سنـه متزوج حلا
زياد : 28 سنـه
تهاني : 20 سنـه
غلا : 18 سنــه
ريان : 15 سنـه
ريهام : 11 سنه

وفيــه شخصيات طبعاً بالقصه راح تظهر مع الأحادث ومااخفي ان لهم دور وبطوله بالقصه مره (( كبيــر ))

>> الجـــــــزء الأول <<

يوم الثلاثاء في بيت (( بو متعب )) /

كان صوت اغنية تنحط ع الجرح يبرى لراشد الماجد مرتفع لأعلى شيء في الأستريو ..

طلعت ام متعب من المطبخ وهي مفتحه عيونها لاخر شيء / وش فيييكم بسم الله ..؟
ليه مطولين على الاغنيه كذا ..؟ الله يتوب علينا يارب
جاها ولدها يركض ووراه تركض اخته
فارس/ يمه يمه شوووفي ساره ذبحتني كفوف من اليوم
ساره / يمه اتركيه عنك يكذب .. كل دقيقه احط السماعات في اذاني ويجي يشيلهم ويخلي الصوووت يهز البيت هز
ام متعب / وطيب انتي ليه تطولين عليه كذا تبين تفجرين اذانك ..؟
ساره بدلع / يممممممممه وش افجر اذاني عادي اقرا واسمع الأغنيه بس هذا فويرس جنني طلع الشيب براسي
فارس / روووحي بس مين الي متسبب وبادي مو قبل شوي خربتي علي البلاي ستيشن جايه تركضين وقطعتي السلك وراح كل تعبي للتوصيل في اللعبه ..؟
الام / وبعدين ..؟ ليه ماتتذابحوا قدامي ..؟ مو احسن
ساره خافت على امها / يمه قلبي لاتعصبين خلاص ولايهمك ماراح اتهاوش معه .. فويرس خلاص لاتعصب بأمـي يلا انقلع مناك
فارس / شفتي وش تقول انقلع هذا اسلوب ..؟
ام متعب / الله يهديكم يارب وخروا طيب
لفت ام متعب وراحت المطبخ وبس دخلت ..
مسكت ساره فارس من ثوبه / انت يالبزر تعلم كيف تحاكي الي اكبر منك مره ثانيه .. طيــب ..؟
فارس يحاول يهرب / اتركيني وجع سوير روحي قصري على الاغنيه بس روووووووووحي
ساره ترتكته وهي معصبه / ايه وربي علشان امي ولاكان كفختك يلا مناك
راحت ساره تسكر الاستريو وفارس راح يركض على الدرج ويصاارخ / سوير الدوووووووبه تحب المقلووووووووبه
ساره وهي تصاارخ من تحت / فااااااااااااارس وربي اذا ماسكت بجيلك فوق وبسطرك
فارس التفت وهو يركض بالدرج / ياهوووووو حاااولــــــــ ..
وماكمل جملته الا وهو صادم بشيء طويل وتوه بيطيح على ورا الا مسكه شخص
فارس وهو ماسك راسه / ااااااااي راسي فيصل الله يهديك ماتشوف
فيصل رافع حاجب / من الي مايشوف يلا مناك روح فوق
فارس / وش فيكم كلكم علي مناك مناك ..
فيصل وهو ينزل مو مهتم فيه / لانك دوب ترفع الضغط
وقف فارس يطالع بأخوه وهو ينزل لما اختفى ..
فارس يكلم نفسه / وش فيهم علي كل ذا علشاني احلى منهم جسم ..؟
نزل راسه يناظر جسمه الي زاد خمس كيلو بهالأسبوع بس .. حط يده على بطنه (( وجع جوعوني هالخبلان ))

مشى قدام يبي يروح غرفته علشان ياكل شوكليت ووقف قدام غرفه .. تردد يطق الباب ولا ..؟ تراجع بآخر لحظه لف بيروح ..
بس الغرفه انفتحت ..

(( فروسي ..؟ ))

فارس لف متفاجىء ووجهه احمر ..
(( فارس تعال تعال حبيبي ))

\

تحت كان فيصل يسولف مع ساره

ساره / يعني قررتوا وين تروحون بكره ..؟
فيصل / ان شاء الله راح نرووح دبي ..
ساره / طيب ودوني معكم تعرفون اني اموووووووووووووووووووت بالامارات
فيصل / ادري انك تموتين فيها وان شاء الله تتزوجين وتروحين هناك وتفكينا من خشتك بس وش اسوي سطام بيروح معنا مايصلح ناخذك معنا
ساره / قال ايه يفتك من خشتي اساسا لو اغيب عنكم دقايق ساره ساره .. اجل وش تسون لو اروح الامارات
فيصل بنعومه / نموت
ساره تمسك المخده وترميها عليه / يعرف يــرقعها المهم انا ماعلي من سطام وبعدين هو ولد عمي عادي مافيها شيء
فيصل / لا والله ..؟
ساره / أي والله .. يعني بس انت وفهد تروحون وانا انطق هنا ..؟
فيصل / لاتنطقي اجلسي مع امي وابوي وجدتي واخواني وكلها الأربعاء والخميس والجمعه وراجعين لك ..

ساره / امي وابوي وجدتي موفاضين لي وريم وفارس بزارين وش اسوي فيهم و .. و .. ا (( سكتت تناظره )) انت خابر الي بقت وش فيها ..
ناظرها فيصل بأبتسامه حزينه ولمس كتفها بحنان / ساره انسي كلها كم يوم وربي يهديها وترجع مثل قبل وأحسن بعد ..
ساره تجمعت الدموع بعيونها / كم يوم وترجع ..؟ لها الحين شهرين وهي كذا وانتوا كل مره تقولون كم يوم وترجع ..
فيصل / ساره ..!! خلاص ادعـي ان ربي يهديها وبعدين كل شيء وله حدود ..
ساره ماقدرت تستحمل اكثر وحست ان دموعها تجمعت ..

انفتح باب الصاله ودخل منه بو متعب ..
بو متعب / السلام عليكم ..
ساره + فيصل / وعليكم السلام ياهلا والله ..
راحوا يحبوا راسـ الوالد وهو يناظرهم بحنان ..
بو متعب / وش اخباركم حبايبي اليوم ..؟
ساره / تماااااااااام بشوووووووووفتك يبــه
فيصل / الحمدلله يبه انت وش مسوي من طلعت الصبح ماجيـت
بو متعب وهو يجلس على الكنب ويتنهد / آآه والله ياولدي الشغل مايخلص وانا ابوك .. لازم احد يقابله وتعرف متعب تعبان من شغله هاليومين وماخذ اجازه عندنا ..
فيصل وهو يجلس جنب ابوه / افااا يبــه وين رحنا انا وفهد ..؟
بو متعبت يلتفت على فيصل ويبتسم / انتوا فيكم الخير والبركه .. بس تعرف فهد وشغله الي مايلخص .. وانت ياولدي مو مقصر بس ماراح تعرف بأمور شغلنا المعقده ..
فيصل يعني انه زعلان .. عقد يدينه على صدره وكشر / اجل انا مااعرف يبه .. فهيد وميتو اذكى مني

ساره وهي تستمع لهم بصمت جاتها الضحكه من حركة فيصل / ههههههههههههههه
بو متعب / هههههههههه لا مو اذكى منك ياولدي بس انت ماتعلمت عليـه لو تعلمت مثلهم كان عرفت قبلهم
فيصل يعدل جلسته ويبتسم / اييييه زين الحين ارتحت
ابتسم بو متعب لولده ولف يناظر ساره الي وجهها حمر على طول بطبيعتها الحيويه ..
بو متعب / اقول فيصل مو كن ساره محلوه اليوم
فيصل بدفاشه / لامحلوه ولاان يحزنون
ساره عصبت وهي مستحيه / لاوالله احلللللللللللف اجل انت الي محلو كل يوم تشين
فيصل يعدل شماغه بغرور / ايه حاصله لك حلاوتي ..
ساره حطت يدينها على خصرها / لاوالله خل حلاوتك لك
قام بو متعب وهو يضحك على عياله الي كل واحد اهبل من الثاني مع ان عمرهم كبيــر / الله يهديكم يارب .. على ماتتهاوشوا اروح اريح ..
فيصل / هههههههههههه استغل الوضع بو متعب
ساره بدلع / فديت البابا والله .. دوووم مرتاح يارب ..
فيصل يناظرها بتكشيره / ترى مايناسب الدلع وبابا وماادري وش
ساره / ماراح ارد انننننننن
بو متعب / هههههههه والله لو اجلس انتظركم تخلصون ماخلصتوا .. يالله مع السلامه ..
ساره وفيصل / الله معك
فيصل وهو يقوم من الكنب / يالله انا استأذن بعد وراي مشوار ..
ساره / يوووووووه تو الساعه تسعه اجلس مابعد نكمل هوشتنا ..
فيصل يناظرها على جنب / خليها بعدين نكملها (( وقف لحظات .. بعدين كمل )) ولاااقولك عندي اقترااح (( وبتطنز )) خلي فهد يتهاوش معك ولا ولد عمي وليد ..

ساره فتحت عيونها لحظات بعدين استوعبت الي قاله / ههههههههههههههههههههههههههههههههههههههههههههههههه والللللللللللله فلــــــــــــه علشان يعطوني كفوف توديني في ستين داهيه .. ذولا ثقال دم مايعرفوا المزح
فيصل فيه الضحكه / ايه عرفي قدري يالله سلاام
ساره / الله معك خيوووووووووووو
ناظرته ساره وهو يطلع وتنهدت .. (( آآآآه فدييييت وليد والله وثقالة دمه )) ..
قامت وراحت فوق غرفتها ..

\

بنفس الوقت في بيت (( بو ثامر )) /
وقفت ام ثامر عند الدرج ونادت / يمــــه تهااااااني يمـــه تعالي ضي تبيك على التلفون ..
نزلت غلااا بسررعه وهي تخطر درجتين درجتين ..
غلا / مازالت على الخط ..؟
ام ثامر تناظر لبسها / ايه بس هي تبي تهاني ماتبيك ..
ضحكت غلا على نظرات امها / ههههههه ادري بس تهاني تاخذ دُش الحين وانا بكلمها ..
ام ثامر / طيب وش ذا اللبس الي لابسه ..؟
غلا ببرائه تناظر لبسها / وش فيه ..؟
ام ثامر / وش فيه ..؟ وش يعني وش فيه لو مالبستي شيء احسن قصير ومشقق ..
غلا ماتت ضحك على امها / ههههههههههههه الله يهديك ياأمي هذا يسمى برمودا ومشقق لأن هذا الموضه ..
ام ثامر عصبت / لا ؟ اجل هذه الموضه ؟ والله شكلهم بالنهايه بيسوون اوراق شجر ويقولون لكم البسوهم هذه الموضه وانتوا بتصدقون ..
غلا / هههههههههههههههههههههههههههههه فديتك يمه .. (( حبت راسها تراضيها وكملت )) بروح اكلم ضي لا تعصب علينا هههههه

ام ثامر / يوووه نسينا البنت روحي ..
راحت غلا وخذت السماعه / هالووو جيرل ..
ضي بصووت يبين انها معصبه / وعليكم السلام ورحمة الله وبركاته ..
غلا مسكت ضحكتها / هاو آر يو ..؟
ضي / والله يوم شفتك نوت فاين ثانكيو ..
غلا / ههههههههههه عربي مخلوط بأنجليزي .. انا الحمدلله تمام اسأل عنك ..
ضي / ماسألتك عن حالك وين تهاني ؟
غلا مسويه انها زعلت / افااا طيب طيب مشكووره هذا جزاي جايه اركض من فوق يوم شفت تهاني تتروش يالله بااي بقولها انك اتصلتي فيها
ضي / لحظه لحظه يمه كلتني هههههههه ياعمري انتي كنت معصبه لأنكم خليتوني ساعه احسبكم تسولفون ..
غلا ببرائه / لا ماسولفنا ابدن ابدن
ضي / ابدن ابدن اجل خخخخخخ وينكم يومين ماشفتكم لاتقولون دراسه وربي ماراح اصدقكم لو تجيبون نسبه كامله ..
غلا / هههههههههه لاننا ماارح نجيب اساسا .. بس وربي هذا انا اذاكر 24 ساعه تهاني هي الي ولافتحت شيء دايم على النت ..
ضي عصبت / ايه اعرفها الدوووبه القليلة الأدب ماتصلت علي يومين وبالنهايه صاكتني بلوك ..

غلا / ههههههههههه من صدقك ..؟ استحاله تسويها يمكن ماتدخل ماسنجر ..
ضي / لا اعرفها تدخل بس العله عله ..
غلا / خخخخخخ تأثرتي ببيان يالأخت ..
ضي / ايه والله ياحبي لها اختي اسبوع ماشفتها مسكينه مع هالثانويه العامه ..
غلا / لا والله يعني انا مو ياحبي لك وماكني معها بالصف جنبا الى جنب ..
ضي / ههههههههههه الا بس انتي كسلانه هي ماشاء الله من فتحت المدرسه وهي تذاكر .. نادر نشوفها
غلا / تكفييييييييييين تذاكر وربي انها دايم على ام بي سي تو .. تعلميني فيها
ضي / عاد هذا اكيد استحاله تعيش بدون هالتوو معروفه بيان .. بس عندها تلفزيون بغرفتها يعني مانشوفها حتى وهي بوقت الراحه
سمعت ضي صوت وراها فـ لفت تناظر ..
شافت سعود داخل يركض وهو يضحك ومشاري وراه يركض يبي يمسكه ..


سعود / خالتووووووووووووووووو خالتوووووووووو ساعديني
حطت ضي السماعه عشوائيا ونزلت بنفسها شوي وفتحت يديها وضمته بسرعه وهي تضحك ..

وقفت / هههههههههه سعووودي اشتقت لك كثيييييييييير دلبووو ..

سعود حاط صبعه بفمه وهو يضحك / هههههههه انا بعد بس خالوو مشاري يبي يعضني .. (( ويأشر على مشاري الي يبتسم ويعدل شماغه وهو يقترب منهم ))

مشاري / مساء الخير للحلوين جنني ولد اختك لما حسيت ان الشيب طلع فيني
ضي / مساء الورد هههههههه وربي انه يجنن بس مايطلع الشيب
سعوده يصفق / الشيب بجدووو
مشاري / ههههههههههه اي جد تقصد ابو امك ولاابو ابوك هههههههه
سعود / لا جدوو بابا ماما
ضي / ليه ينتابني احساس انه هندي خخخخخ
مشاري مات ضحك على اخته / هههههههههههه حلو ينتابني شكلها متعوب عليها
ضي شهقت وحطت سعود بالأرض ولفت تاخذ السماعه
ضي / ا .. الو
غلا / لا تو الناس كملي سوالف وخلي الشعور ينتابك عدل
ضي حطت يدها على فمها / هههههههه يالبى قلبك وربي هالسعود ياخذ قلبي
مشاري من وراها / مين قريدة الحظ الي نسيتيها ههههههه
ضي تأشر بيدها يسكت / هههه هذا اخوي مشاري ههههه
غلا تقلدها / ههههه .. هههه .. هههههه .. تذكريني بليلى اذا جات تضحك
ضي عصبت / وجعووووووه ماشبهتيني الا بالنسره الي معاكم بالفصل
غلا / ههههههههههه علمتك عنها بيان
ضي / اي وشفتها بعد يوم رحت مدرستكم بحفل التخرج ..
غلا / وربي ترفع الضغط مع غرورها
مشاري ياخذ السماعه / اقول بلا حش بالبنت استحوا على وجهكم
غلا استحت / ضي ؟
مشاري يستهبل / ياروح ضي ..
ضي تسحب التلفون وهي معصبه / مشاري استح على وجهك شوي .. هذه مو من بناتك .. بنت عمك
مشاري يبتسم بأستهزاء / لا من بناتي متى تزوجت انا الله يخلف
ضي / هـ هـ هـ بايخ .. غلاا سوري حبيبتي .. الجرئه زادت بأخوي شوي ..
غلا ومازالت مستحيه / لا عادي اعرفه انا يالله اجل ضي بقول لتهاني تتصل عليك وراي مذاكره ياقلبي ..
ضي / اوكي مااعطلك ذاكري زين .. وقولي لتهاني اني بوريها شغلها لو شفتها ..
غلا / هههههههه ان شاء الله مع السلامه ..
ضي / مع السلامه ..
حطت ضي السماعه وناظرت اخوها الي ماسك سعود ويقلب بالريموت ..
ضي / ياسلااااااااام متونس بعد .. فشلتني مع البنت ..
مشاري مو مهتم / تكفيييين تراها بنت عمك يعني انتوا دايم تتهاوشن ماصار الا اليوم فشلتك ..
ضي / حتى لو بنت عمي انت تعرف ان الكل يعرف انك مغزلنجي واخاف تفهم المزح غلط
مشاري يلتفت وهو يحط الريموت وسعود / هـ هـ هـ احلفي ياشيخه قال ايه مغزل نجي اقول خليني اروح فوق احسن ..
راح للمصعد وضغط عليه وقبل مايدخله التفت لضي / اتصلي على حلا وقولي لها ان سعود في بيتنا لأني خذته اوديه الملاهي وجبته هنا على الطريق ..
ضي ومازالت معصبه / ان شااء الله ..
التفت لسعود وجلست تلعب معه شوي .. بعدين خذت الجوال تتصل بحلا ..
حلا / هلا بقلبي هلا بحبي هلا بروحي هلا بكلي هلا بأهلي هلا بأختي
ضي / خلصتي ..؟ ممكن اتكلم
حلا / مالت عليك وعلى الي يدلعك بس طيري احسن لي ادلع زوجي وبس
ضي / وأحد قالك لاتدلعي زوجك دلعيه بس بعديني عن طريقك
حلا عارفه اختها ليه معصبه لأنها ماجاتهم من مده وضي ماعندها احد تسولف معه بيان كله تذاكر
/ يابعد روحي انتي وش ابعدك عن طريقي وانتي اختي الي مالي غنى عنها
ضي / ايه ايه وربي مصلحه علشان اسامحك ولا لااختك ولاان يحزنون
حلا / مالت عليك تبريتي مني يالعله
ضي ماتت ضحك / ههههههههههههههه ياحليلك يابيان مو بس أنا مأثرة فيني حتى انتي خخخخ
حلا / ايه ياعمري بيان .... الا على طاريها وش اخبارها مع المذاكره
ضي / هههههه تمام والله مسكره على نفسها .. بس لو تسمعك غلا تقولين ياعمري بتعصب بتقول انتوا بس تدلعونها وهي مسكينه دايم هوشه مع تهاني
حلا / ههههههه ياحليلها تهاني والله شفتها قبل امس بالراشد محمله السوق كله ..
ضي شهقت / ياقليلة الأدب انتي وياها ليه تروحون الراشد ولاتقولون لي ..؟ ولا مشكلتها غايبه لها يومين هالتهانوه
حلا / ههههههههه رايحين انا وثامر نتمشى ذبحنا سعود من الصيااح .. بس تهاني تشتري ملابس حق الجامعه وبنفس الوقت حق عزيمة عموو ضاري ولانسيتي ان وليد بيجي من السفر وبيسون له عزيمه ..
ضي / ووووووول تو الناس العزيمه اول العطله وباقي شهر تقريبا على العطله ..
حلا / ههههههههه تعرفين انتي تهاني عاد تتجهز قبل اي شيء مع ان ماباقي الا اسبوع على اختبارات الجامعه بس ولاهمها ..
ضي / لاتذكريني على الأختبارات مو فاهمه شيء بهالعنقليزي ..
حلا / خخخخخ عنقليزي ياحلوك بس .. مااحد قالك تخصصي انجليزي ... (( التفت وشافت ثامر داخل البيت )) .. ضي حبي سلمي على الكل وحبي لي بيوني ثامر رجع ..

ضي / وجع بس رجع بتسكر ..
حلا عصبت / قولي ماشاء الله لاتصكينا بعين ..
ضي / ههههههههه ماشاء الله يمه منك .. الا صح تذكرت ليه اتصلت فيك ..
حلا / تو الناس يوم جيت اسكر .. ليه ياحظي ..؟
ضي / سعوود ترى جابه مشاري بيتنا .. مروووه اذا تبونه ولا ارتاحوا اليوم منه خلوه ينام معي ..
حلا / يوووه الدبي مشاري قايله له يرجعه بس اعرفه كسوول .. خلااص خليه ينام عندك فكه منه اليوم
ضي بأبتسامه خبيثه / ايه فضى الجو لك ..
حلا وثامر يجلس جنبها ويبوسها على خدها / ياقليلة الأدب مع السلامه ثرثرتك ماتخلص
ضي حست ان ثامر جنبها / آآآه ياقلبي بس .. مع السلامه ياروح ثامر انتي
سكرت حلا بالقوه الجوال وحطته على الطاوله والتفت على ثامر تدفعه شوي بعيد عنها
/ هالبنت وربي افكارها غير طبيعيه ..
ثامر مبتسم / ليه ياروح ثامر انتي ..
حلا مستحيه / جالس تتجسس ..
ثامر / لا ياروحي بس صوت اختك يسمعه الجيران هههههه .. ايه صح مسااء الحب والأحساس والطيبه (( وطلع من جيبه ورده طايحه نص اوراقها وقام يناظرها مكشر )) يوووه وقته تطيح اورقك .. نسيت لااطلعها من جيبي وجلست عليها بالسياره (( وعطها حلا )) ورده للورد كله

خذت الورد وهي مبتسمه / مساء الحب حبي .. مشكوور على الورده (( وشمتها وهي مغمضه عيونها ))

ثامر يخزها / يعني وقت اغرائات ..
حلا فتحت عيونها لآخر شيء ورمت الورده وهي معصبه / افكارك غلط ..
بس قبل ماتروح مسك يدها بأبتسامه حلوه / افكاري غلط وسعود مش موجود وش ابي اكثر ..؟

^_^
\

يوم الأربعاء الساعه 8 الصباح (( في مدرسه اهليه بالخبر )) /

في فصل ثالث ثانوي علمي (( أ )) استاذة الرياضيات المصريه كانت جالسه تتناقش مع الطالبات عن الأختبارات ..

الأستاذه / بائي يابنات على الاختبارات اسبوعين وانتوا حتغيبوا من يوم السبت .. بس عارفين اش معناه دا ؟

لينا الي كانت جالسه قدام / معناته ان مافيه وقت نذاكر الا بالرياضيات المواد الثانيه كيفها .. ولازم نبدأ من اليوم

الأستاذه / شطوره يالينا يابت .. وكمان معناتو ان الي زاكر كويس من اول مافتحت المدرسه هو الي حينام مرتاح .. لأن الرياضيات عايز اسبوعين كاملين وبالموت حتخلصوه ..
غلا الي حاطه يدينها على خدودها بوضعيه تدل انها بتنام ولابمهمته بشيء / والله استاذه الي ذاكر والي ماذاكر نفس الشيء كلنا ماراح ننام مرتاحين مدام السالفه فيها اسئلة وزاره ..

الأستاذه وهي تطالع الطالبه الي كانت وسط غلا ولينا وكانت تحل مسأله بالكتاب / لا يا غلا ياحبيبتي الي زاكر مش حيلائي حاجه صعبه وحينام مرتاح كمان .. لان الوزاره مابتخرجش اسئلتها عن الكتاب .. ولا ايه يابيان .. انتي بتحلي ايه ..؟
رفعت بيان وجهها الدائري بهدوء وكانت خدودها من الخجل صايره ورديه وسط بياض بشرتها بلون بلوزة مريولها الورديه والي فوقها قميص كحلي ..
بيان بحياء / سوري استاذه ماسمعتك .. جالسه احل مسأله بالكتاب ..
الأستاذه بنظرات حنونه وهي تشوف وجه بيان الطفولي الي مايدل انها بثالث ثانوي وكأن عمرها 12 سنه تقريبا ..

/ بس ليه ماتخليش المسأله ياحبيبتي في البيت وهنا ركزي معانا كويس ..
بيان / بس استاذه ابي اشوف كاني اعرف احل ولاسألتك ..
غلا تناظر بيان على جنب ومازالت على وضعيتها / يعني لو ماعرفتي ماعندك اخوانك ولاخواتك يحلون لك ..

خزتها بيان وضربتها لينا بكوعها ..
الأستاذه / يابت ياغلا انتي شكلك بأيام الاختبارات كل يوم حتروحي البيت تبكي ..
غلا تعدلت وكنها معصبه / لا استاذه لاتفاولي (( وبثقه )) انا ذكيه مرررره لاتخافي
الأستاذه حطت يدينها على خصرها بحركه مضحكه / لا ياشيييييييييييييخه ..

الكل مات ضحك من كلمة الأستاذه الي تأثرت بكلام السعوديين لان لها 22 سنه تدرس بالسعوديه ..

\
في ساحة المدرسه بالفسحه /

بيان وهي تجلس على الكرسي وتحط اكلها على الطاوله / ياااااربي جاني صدااع اول حصه فيزياء وثاني وثالث حصه رياضيات .. والرابعه كيمياء حراام عليهم وش ذا اليوم يرحمونا ..

مريم الي جلست وجلسوا معها كل البنات / والله والي مايدري وين ربي حاطه طول الوقت انا نايمه وشيخه يقالها مركزه وهي ماتدري وين ربي حاطها ..

شيخه تخز مريم / تكلمي عن نفسك لاتدخليني بكلامك ..
غلا تناظر شيخه / لا والله صدق شيخه حتى انتي ماسمعنا صوتك طول الحصص ..
شيخه / وش اسوي على الأقل اسكت ولااتفلسف وانا ماادري وين ربي حاطني ..
لينا بنظره لغلا / ايه على الأقل انتي عرفتي ان مافيه فايده لو تكلمتي مو مثل بعض الناس خخخخ ..
غلا تخزها / وش قصدك هاه وش قصدك ..؟
البندري الي نطت من وراها وقالت / بوووووووووووه
البنات / بسم الله الرحمن الرحيم ..
البندري وهي تجلس / خير شايفين وحش ..؟
غلا / لا جني هع هع هع
البندري / بااااااايخه اي ماكملتي وش قصدها لينا ..
لينا / وجع لازم تذكرها .. برووح اشتري لي شيء آكله بس علشان اقدر اركز بالكيمياء
البندري / ووووووووع كيمياء ياعمري انتوا مساكين ..
بيان / تكفييين من زين التاريخ والجغرافيا ..
البندري / ذكرتيني بيان ابلة التاريخ اليوم معصبببببببببببببه تعرفين معنى معصبه لدرجه قالت بالطقاق الي يطقكم عساكم ماتنجحون ..
غلا / خيييييييييييييير ان شاء الله عسى رديتوا عليها ..
البندري / والله ولاهمتنا .. بس بيني وبينك حنا غلطانين هي تشرح وحنا وحده نايمه ووحده تسولف ووحده ترسم ووحده سرحانه ..
شيخه / ايه بس مالها حق تقولكم كذا ..
مريم / لو منكم عرفت كيف ارد عليها ..
بيان / لا وش ترد عليها لازم تحترمها ..
غلا تكش على بيان / مالت انطمي بس .. وحده تدعي عليهم يسكتون لها ..
البندري / عاد تكفون على غفله داعية زمانها على طول بيستجاب دُعائها ..
بيان / من يدري ؟؟
البنات / ههههههههههههههههههه
جات لينا وجلست تاكل وتناظر بـ دفتر الكيمياء قدامها / وش فيكم تضحكون ..
شيخه / ولاشيء كذا مزاج ..
غلا / الا بنات بتجون يوم السبت المدرسه ..
البنات مع بعض / لاااااااااا
غلا تروعت / بسم الله كلتوني اسأل بس ..
بيان / واضح الجواب وقت مذاكره ونجي المدرسه بعد .. (( وبتطنز )) الا اذا بتجين انتي ..؟

غلا / هـ هـ نضحك يعني نضحك ..
البنات / ايـــــــــــــه ضحكي ..
غلا / بســـــــم الله .......

\

بنفس الوقت (( وبجامعة الملك فيصل بالدمام )) وقت البريك /
اسيل وهي تحط كتبها على الطاوله بحركه عصبيه / اووووووووووووووف اووووووووووف اووووووووف زييييين ..

ساره / بسم الله عليك وش فيك ترى اليوم الأربعاء يعني عندك اجازه يومين ارتاحي فيهم ..
ضي وهي تجلس جنب ساره / وش ترتاح فيهم الله يخلف نسيتي الأختبارات ..؟
ساره / يووووه سكتي احاول اهديها وانتي تزيدينها ..
اسيل مازالت معصبه / انا خلااص مليت وين ايام المدرسه ياحلوها بس ..
تهاني تضحك بسخريه / هههههه الحين المدرسه ياحلوها والسنه الي فاتت ذابحينا انتي وساره ياحظكم بالجامعه ياحظكم ..
اسيل / وش درانا انها كذا قلنا سهله لا مذاكره ولاشرح نفس المدرسه ..
ساره اونها بتصيح / وبالنهايه طلعت الكلاسات تجيب الضغط والمراره .. تهىء تهىء
البنات / ههههههههههههههههه حلوه المراره ..
عبير جاتهم هي وشيماء من وراهم / هااااااي صبايا ..
البنات / هايات هلا والله ..
شيماء وهي تجلس / كيفكم شو مسوين ..
ساره / وش مسوين الله يخلف والأختبارات على ابوابها ..
عبير / ايه والله وربي احس اني ودي اصاارخ لما اشبع .. بس يلاا كل ماتذكرت عرس اخوي بالعطله اهون على نفسي ..
ضي ماده بوزها شبر / على الأقل اخوك بيعرس حنا على كبر عايلتنا ولا واحد بيتزوج لا بنت ولا ولد ..
شيماء / ايوا صح انتوا من زوجتوا روابي ومرام وحلا وقفتوا .. ناوين تعنسون خخخخخخخ
ساره الي من جابوا طاري مرام اختفت بسمتها وعيونها بان فيها الألم ..
الكل سكت والتفت على ساره ..
شيماء الي تذكرت قالت بسرعه بأرتباك / سووري قلبي ساره ماكنت اقصد اذكرك ..
ساره ابتسمت بحزن / لا عادي حبيبتي ماكنتي تقصدين ..
اسيل الي حبت تغير الجو / هههههههههه والله شكلنا مثل ماقالت بنعنس ..
تهاني / لا تونا صغاار اكبرنا انا ويا ضي تو عمرنا 20
ضي / خخخخخخ تكلمت تهاني يوم جبنا طاري العرس ولا طول الوقت ساكته ..
تهاني تضربها بـ شنطتها وضي نزلت راسها علشان ماتجيها الضربه / وجع ارد على اسيلوه ياغبيه ..
ضي بصوت خافت تناظر تهاني / علشان مره ثانيه ماتروحي الراشد ولاتوديني ..
عبير / ههههههههههههههه شكلها تذكرت الي خبري خبرك ضي ..
تهاني خزت عبير / وجعوووه ..
شيماء / حراام خجلتوا البنت ..
ساره / واخت الي خبري خبرك ساكته خخخخخخخ
اسيل / والله مو نفسي اسبب احراج (( وطلعت لسانها لهم )) ..
تهاني بخجل / يابعد قلبي انتي ..
ضي / مين تقصدين يابعد قلبي هي ولا .....
وقبل ماتكمل جاها من تهاني ضربه محترمه بالشنطه ..
ضي مغمضه عيونها / آآآآآآي وجع مافيه فايده الضربه جايتني جايتني ..
البنات / هههههههههههههههه
عبير / لا والله صدق بنات .. صحيح انكم توكم .. بس الأولاد كباار يعني خبري خوانكم بالثلاثينات وأواخر العشرينات ..
ضي / ايه والله وانتي صادقه عبير كباار مره .. بس عيالنا كل الي همهم الشغل مايفكرون بشيء ثاني ..
شيماء / عبير ناويه تاخذين منهم هههههههههههههاااي
عبير خزتها / كلن يرى الناس بعين طبعه ..
البنات / ههههههههههههههه
تهاني / بس تدرون السبب الرئيسي ليه شباب عايلتنا ماتزوجوا لحد الحين ..؟
عبير وشيماء / نعرف ..
ساره / ول كل شيء تعرفونه انتم ههههههه
اسيل / بيان تخلي شيء ماتقول لهم خخخخخخ
عبير / ايه اساسا معروف السبب كل عوايل البدوو معروفه ان البنات مالهم غير عيال عمهم وعمتهم ولا عيال خالهم و خالتهم
شيماء / تعطين كل الاحتمالات يالاخت خخخخخ
عبير / انطمي ..
اسيل / عليك نوووور .. وهي ينتظرونا لما نكبر .. بس مو لازم كلهم منا يعني لما نخلص يدورون من برى العايله خخخخ
ساره / وش ينتظرونا كبرنا حنا قولي الشباب كل همهم مثل ماقالت ضي الشغل وبس .. مايفكرون بالزواج ..
تهاني / لا تونا نكبر يعني اهلنا مايزوجوننا الا 18 و 19 و20 تقريبا ..
ضي / ومااافوق .. لا تحددين بس ذولا .. يعني اذا ماتزوجت هالسنه بتقولون عني معنسه ..؟
البنات / هههههههههههه
تهاني / لاتنسيني خخخخخ
ساره / لا انتي مضمونه ..
البنات / خخخخخخخ
تهاني وصل حدها / اوووووووه وجع خلااص استحي ترى ..
اسيل / مقطعك الحيا خخخخخ ..
تهاني / وجعووه حتى انتي ..
البنات / هههههههههههههههههههههههههههههههههههههههههههه
عبير/ بس يعني انتوا ضامنين ماراح تاخذون الا من العايله ..
ساره / لا كل شيء قسمه ونصيب اذا جانا نصيب ناخذهم ليش لا ..
اسيل / مااظن اهلنا يرضون ..
ضي / وليش لا ..؟
اسيل / ماادري كذا احس ..
ساره / يعني ضامنه انك بتاخذين من عيال عمك ..؟ اجل تجهزي واختاري خخخخخ
اسيل / مالت عليك مثل ماقلتي قسمه ونصيب ..
شيماء / الا وش اخبار بيوني مع الأختبارات ياقلبي كل مااتصل جوالها مغلق ..
ضي / والله مو مخوفها الا الرياضيات .. وتشوفينها تاركه كل شيء حتى الجوال ..
عبير/ حتى انا اتصل فيها ومغلق مع اني مشتاااقه لها ..
ساره تغمز / اكيييد بعد هي صديقتكم انتي وشيماء قبل ماتعرفونا هاه ..
عبير / لا حراام عليك مانقصد ..
شيماء / هالبنت تفهم غلط دايم ..
تهاني / لاتعطونها وجه ..
ساره ضربت تهاني على كتفها بالقوووه ..
تهاني / آآآآآآآآآي ..
ضي انبسطت / احسسسسسسن يوم لك ويوم عليك ..
عبير / يالله بناااات الكلاس بدا ..
البنات / اوووووووووووف ..
اسيل / ماراح نشبع ابد خخخخخ وبنفس الوقت ماكلنا شيء من السوالف ..
شيماء / ايوا والله نسينا نفسنا ..
ضي / خلاص مو وقت اكل .. وقولوا بس الله يوفقنا ويوفق خواتنا الي بثالث ثانوي ..
البنات / آآآآآآآآآآآآآآآآآآآآآمين ..


\


في بيت (( متعب )) الساعه 3 العصر /

روابي / ميتوووووووووووووووووو .. ميتو ميتو ميتو ميتو ميتو ..
متعب وهو يفتح عيونه بالغصب / هاااا نعم خير خليني نايم ..
روابي كشرت بوجهها ويدها مازالت على كتفه / لا والله نعم وخير بعد .. هذا جزااي اقومك للغداء ..
متعب رجع سكر عيونه / آآه سوري قلبي .. بس ماابي غدااء تعبان ..
روابي تهزه / وش تعباان لك ساعتين نايم من الساعه 1 بعد ماجيت من الدوام ..
متعب بصوت متقطع / ماااااا يــ ــ كـ فــي ..
روابي / وش الي مايكفي قوم تغداا وودني بيت اهلي مثل ماوعدتني ..
متعب جلس بالموت / آآآآه يارب طيب طيب دقايق البس وجاي ..
روابي / يالله بسرعه برد الغداء من الساعه 2 مطفيه عليه ..
متعب / طيييييييييييب روبي ..
روابي معصبه / لا تقوووولي روبي ..
متعب / طيب روووبه ..
روابي عصبت زياده / ولا رووووووووووبه ..
متعب وهو يوقف / طيب رقيه بس رووحي حطي الغداء على مااجي ..
خزته روابي / طيب ياسيد فتحي ..
راحت تركض تطلع من الغرفه لانها تدري متعب مايحب هالأسم لانه اسم الحارس المصري حق شقتهم ولساانه مره طويل ..
متعب التفت بسرعه وشافها تركض / طييييييييييب ياروووبي حسابك عندي ..

\


في بيت (( بو وليد )) الساعه 4 العصر /
طاارق وهو ينزل من الدرج / يمممممممممممه يمممممممممممممممممممممممممممممممممه
اسيل تناظره من الصاله / ومصمه ان شاء الله لاتصرخ امي بالمطبخ ..
طارق قرب منها وهو يخزها بقوه / مالك دخل بصرخ متى ماابي .. (( والتفت للجه الثانيه شاف خالد جالس يناظرهم مبتسم ))

طارق / هلا خلوودي اخوي هلا والله .. لي خمس ايام ماشفتك ..
راح سلم عليه وجلس جنبه ..
خالد / هلا بطروووقي بعد قلبي وش اسوي تعرف شغل الدكتور بعد .. انت اخباار الدراسه معك .. مستعد بتكبر وبتروح الثانويه من قدك ..
طارق بتملل / اوف لاتجيب لي طاري الدراسه الله ياخذها ..
خالد رافع حواجبه / لييييييه وين الشاطر صار كسلان ..؟
طارق / وثالث متوسط خلت فيها شطاره ..؟
اسيل / اعترف انك كسلان بدون لف ودوران ..
طارق / انتي ولاكلمه ..
اسيل شهقت / ياقليل الأدب استح على وجهك اكبر منك انا ..
خالد يناظره نظرات لوم / وش ذا الكلام طارق وش فيك كل هذا تأثير الدروس ..
طارق معصب ولاهامه / وش اسوي تنرفز الواحد كل ماشفتني لاازم تتسبب علي ..
خالد يناظر اسيل ويبتسم / وش تسوي المسكينه امي ماجابت لها الا اخت وحده وتزوجت ماعندها غيرك تحط حرتها فيك ..
اسيل / من زينه قليل الأدب ..
طارق يأشرعليها وهو يناظر اخوه / شفت شفت بنفسك ترفع الضغط غصب عن الواحد ..
خالد / هههههههههههههه ياحليلكم ..
اسيل / انطم وروح لأمي مو قبل شوي تبيها ..
طارق يمد لسانه / لا هونت عندك مانع ولاجالس على قلبي ..
اسيل / دخل لسانك اقول ايه عندي مانع وجالس على قلوبنا كلنا بعد ..
خالد / لا لاتدخلينا بالسالفه مو جالس على قلوبنا هذا آخر العنقود ..
اسيل تكشه / ماااااااالت عليه ..
طارق رجع طلع لسانه / وعليييييييييييييييييييييييييك
خالد / هههههههههه الحين من الي علمك تطلع لسانك اول مره اشوفك تسويها ..
التفت طارق له / هذه بنات عموو بيونه وسوير دايم يسوونها قلت اسويها مثلهم ..
اسيل / مع الخيل ياشقراء خخخخخخخ
طارق خزها ..
خالد / ههههههههههههه بزارين هالبنات ماكنهم بالجامعه ..
اسيل / خخخخخخ اي جامعه بيان توها بثالث ثانوي ..
خالد رفع حواجبه / من جدك مو هي اصغر من ضي بسنه ..؟
اسيل / نو نو بسنتين ..
خالد / اهاااا ..
انفتح باب الصاله ودخل ناايف يركض لعند خالد .. ووراه دخلت روابي وهي شايله نوف ..
روابي / السلاااااام عليكم ياقوووم ..
الكل / وعليكم السلام ..
خالد وهو يشيل نايف / ههههههههههه فديتك والله حبيبي مشتاااااااااق لك ..
نايف استحى ودفن وجهه بكتف خاله ..
روابي وهي تسلم على اسيل وطارق / هههههههههه شفت ولدي كيف حيوي ..
اسيل نقزت بوجهها / طالع علي ..
طارق يطالعها على جنب / كثري منها
اسيل / انت انطم ..
روابي / هههههههههه مازالوا يتهاوشون ..
خالد / ههههههههه على عادتهم .. الا وين متعب ..؟
روابي / مواعد صديقه ويخااف يتأخرعليه قالي اسلم عليكم ..
الكل / الله يسلمه ..
طلعت ام وليد من المطبخ / هلا والله ببنتي ..
راحت لها راوبي تركض وضمتها / هلا بالغاليه مشتااااااااااقه لك كثيييييييييير ..
ام وليد / وانا اكثر ياقلبي شخبارك وشلونك وشلون متعب والعيال ..
روابي / والله كلهم بخير ويسلم عليك متعب ..
ام وليد / الله يسلمه ياارب (( التفت ورى روابي وشافت خالد ينزل نايف ويجي نايف يركض لها )) هلا بولدي بعد قلبي ..
طارق اونه زعلان / صار الحين بعد قلبك الله لنا ..
الكل / ههههههههههه
نوف / تاتا .... تا ...... تاا
الكل التفت لها ..
خالد / اخييييييييييييييرا تكلمت حسبالي البنت طرمه ..
خزته روابي / اسم الله على بنتي .. بس لسا توها داخله السنه ..
راحت تاخذها من عند اسيل وضمتها / هذه تاتا شوفيها (( تأشر على امها ))
نزلت ام وليد نايف وخذت نوف / يابعد عمري انتي .. تجنن ماشاء الله تذكرني فيك وانتي صغيره ..
ابتست روابي بخجل .. ونايف يطالعهم معصب والكل يضحك عليه ..
طارق / لا تطلع عيونك اقول ..
الكل / ههههههههههه
اسيل / يابعد عمري انت تعال تعال برووح فوق العبك ..
نايف على طول جابت طاري العبك راح لها ..
اسيل / هذا الي فالح فيه اللعب ..
سمعوا صوت باب الصاله يفتح .. ودخل ابو وليد ..
بو وليد / السلام عليكم ..
الكل / وعليكم السلام ورحمة الله وبركاته
طارق / ذكرتوني بالمدرسه خخخخ
طقته اسيل من ورا راسه وراحت تسلم على ابوها ..
طارق وهو يلحقها يسلم على ابوه / مردوده اسيلوووه ..
بو وليد / شخباركم ياعيالي ..؟
روابي / بخير يبه بشووفتك ..
خالد / الحمدلله ابوي ماشيه امورنا ..
طارق واسيل يناظرون بعض بخز والتفتوا مع بعض / بخير يبه
ابوهم يضحك وهو يضم نايف الي تعلق فيه كالعاده / ههههههههه وش ذا النظرات ..
ام وليد / عارفهم بعد مازالوا صغاار هالثنين ..
طارق بفخر / لا انا رجاال ..
اسيل تكش عليه / تكفى يالرجاال ..
خالد يقاطعهم وهو يوقف / خلااص لاتطولونها .. يلا انا استأذن بروح اريح شوي .. (( وحب راس ابوه وامه ))

الكل / الله معك
راح خالد فوق واول مادخل غرفته على طووول رمى نفسه على السرير من التعب ..
آآآآآآه ياقلبي وش تسوين الحين ..؟ متى بتجي العطله وتخلصي دراستك واروح اخطبك رسمي ..
سكت شوي ..
ووقف بسرعه مرتبك ويمرر اصابعه على شعره القصير البني ..
بس ... بس .... بيخلينا ولا بينفذ الي قاله لي قبل سنه ..؟
لا لا استحاله يوقف بوجه اختــه .. مستحيل .. ياااربي اعوذ بالله من الشيطان ..
وينك ياوليـــد ؟ انت الي تفهمني ..
رجع انسدح واول ماحط راسه على المخده وغمض عيونه نـــام وهو يتحلم احلى احلام مع حبيبتـــه الي تمناها من هو الصغير ..
بس الزمن وش مخبي ..؟ هذا الي مايدري عنه خالد .......
\

>> الجـــــــزء الثــــــــاني <<

يوم الخميـــس بعد صلاة العشاء (( في بيت بو حمد )) /

تجمعوا كل العايله ينتظروا العشاء كالعاده ..


بو حمد / اجل مشى سطام مع فهد وفيصل دبي ..؟
حمد / ايه يبــه مشوا من امس الصباح ..
بو حمد / طيب وشغل فيصل وفهد ..؟ على الأقل سطام مدرس وهذه اجازته غاب يوم واحد بس مو مثلهم فيصل بالهاتف .. وفهد مدير شرطه ..!!
مشاري / اكيد يبه خذوا اجازه ..
ام حمد / ايه انا سمعت من ام متعب انهم ماخذين اجازه ..لمدة ثلاث ايام ..
ضي / على الأقل خذوا جو شوي مو مثلنا نفكر بالأختبارات ..
ام حمد / صلي على النبي ..
ضي / عليه الصلاة والسلام .. عيني مو حاره يمه ..
الكل / هههههههههههه
بيان نزلت من الدرج وطلت عليهم وهي مبتسمه من ديكور الصاله الي على شكل قوس / دوووم الضحكه يااارب بس كان انتظرتوني علشان تضحكوني معكم ..
بو حمد يرفع راسه يناظر بنته تناظر فيه / هههههههه هلا بـ حبيبة ابوها تعالي يمه لو ادري انك بتتكرمين اليوم وتتعشين معنى انتظرنا ماتكلمنا ..
ضي كشرت / اللـــــــــــــــــه لنا جات الأميره ..
بيان جات تركض ومثل الطفل طاحت بحضن ابوها ..
مشاري / بل بل بل بشوي شوي يابنت لاتذبحين ابوي ..
ام حمد / من ثقلها معصقله الاختبارات خلت فيها شيء ..
حمد / هههههههههههههههههههههههههههههههههههههههه معصقله هههههههههههههه وربي تجنن هالكلمه ..

التفتو عليه مستغربين من ضحكه وهو يمسح دموعه ..

بيان بدلع تناظر ابوها وهي مازالت جالسه بحضنه / يبــه ليكون حمد اخوي انهبل ..
بو حمد يبتسم / شكله ياروحي ..
ام حمد / خلاص نزلي من عند ابوك بيان .. ولاتدلعها زياده ياروحي وياحبي ماهي ناقصه دلع البيت كله مدلعها ..
مشاري / الوالده غيرانه ههههههههههههههههه
ضي / لا وربي صادقه الكل يدلعها (( وخزت بيان ))

بيان نزلت من حضن ابوها وجلست جنبه وحطت طرف صبعها بفمها كالعاده كنها بريئه /
الحين ليه تخزيني وش ذنبي اني آخر العنقود ..؟
بو حمد / صدق وش ذنبها انها آخر العنقود .. ووش ذنبها انها طلعت تشبه امي ..؟
الكل / اوووووووووووووووووووووووووووووو
حمد / والله وجاء يوم تعترف انك تفضلها لسببين وليس لسبب واحد ههههههههه
ضي / الله على العربيه هههههههه
ام حمد / اساسا من اول ماجبتها وشافها تشبه الوالده الله يخليها على طول صار مدلعها ماتصيح الا هو بوجهها ..
مشاري / ايوا والله مااذكر طلبت شيء مالقته عندها اليوم الثاني .. اذا بغيت شيء انا اقول لها خخخخخ
بو حمد / لا ليه ..؟ حتى انت واخوانك قصرت معكم ..؟
مشاري قام وحب راس ابوه / لا والله الشاهد عمرك ماقصرت معنا بـ شيء لو طلبنا عيونك
الكل / اووووووووووووووووووو
بو حمد / متعلمين هالكلمه اشوفكم هههههههه ..
بيان / هههههههههه الا اقول يبـــه ..
بو حمد طالعها بحنية الدنيا كلها / سمي يمه ..
تغامزوا الي جالسين ولااهتمت منهم بيان ابتسمت / لاتنسى ابوي الخميس الجاي تجيب جدتي من بيت عمي محمد جلست عندهم شهر بالضبط والحين دورنا ..
بو حمد / هههههههههههه حاسبتهم بيان ..؟
ام حمد / لو تشوف الجدول الي عندها بالغرفه كل يوم يمر تأشر عليه علشان تعرف متى يجي دورنا بالضبط ههههههه
حمد / والله والضحيه جدتي كل شهر في بيت واحد ..
مشاري / ليه عادي ..؟ في بيتنا وبيت عمي محمد وعمي ضاري عندها غرفه خاصه وملابس مختلفين .. يعني كل الي عليها تلبس عباتها وتجي وملابسها موجوده في كل بيت ..
ضي / صادق مشاري .. وبعدين كل العايله متعلقين فيها وش الحل يعني ..؟ تجلس بيت عمي محمد لأنه كبير .. وانت تعرف ان ابوي وعمي ضاااري يموتون فيها ..
بو حمد / ايوا والله من يوم توفى ابوي قبل خمس سنوات .. وهي كل شهر ببيت احد علشان ترضي الجميع ..
ام حمد / بس انت تعرف انها تحبك انت اكثر لانك آخر العنقود ..
مشاري وهو يصفر / اكشششششششخ ابوي من قدك ..
بو حمد / هههههههههه تصدق مشاري الدنيا دواره .. امي حبتني لأني اشبه ابوها جدي الله يرحمه .. وحبتني لأني آخر العنقود بعد ماجابت عمك محمد وضاري وعمتك شجون الله يرحمها ماتت وعمرها 5 سنوات ..
الجميع / الله يرحمها ..
بو حمد يكمل وكنه يرجع للماضي ويعيشه بهـاللحظات / مع انها حبت الكل الا اني مميز بالنسبه لها وبالنسبه لجدي الله يرحمه .. ويوم كبرنا حبيناها كلنا بس انا كنت احن عليها وهي مايله لي اكثر .. وصارت آخر العنقود لي بيان تشبه امي كثير .. ومع اني احبكم كلكم وانتوا تعرفون (( وابتسم لهم )) ..
ابتسموا له يشجعونه انه يكمل وكأنهم يقولون عارفين يا الوالد ..
بو حمد / بس بيان كعادة اي اهل .. ملت لها انا وامي اكثر شوي لأنها آخر العنقود وفي نفس الوقت لانها تشبه الوالده .. وكأن الدنيا دارت وقالت أكرر القصه مرتين ههههههههه
الكل / هههههههههههه
بيان بثـــقه تناظر اخوانها / واكيد مثل ماابوي يحب جدتي اكثر انا بحب ابوي اكثر (( وطلعت لسانها لأخوانها )) ..
الكل مسك مخده ورموها عليها بنفس الوقت وهي اختبت ورا ابوها .. وبو حمد ميت من الضحك ..
بو حمد / لاتغارون احبكم كلكم مثل بعض .. بس تعرفون لوموا امكم لأنها ماجابتكم آخر شيء ههههههههه
ام حمد / بعد وش ذنبي انا ههههههههه
الكل / اووووووووووو
بيان / رجعنا على كلمتنا هههههههههه
حمد / المفروض يبه قلت لنا هالكلام وبيان مش موجوده .. الحين وش يفكنا من دلعها ..
ضي بحماس / والللللللللللللللللله انك صاااااااااااادق مليوووووووون مره الحين كل دقيقه بتقول لنا هالقصه ..
بيان مدت بوزها شبر / وش قصدكم انا مغروره ..؟
مشاري / حشــــــــــــــى ماقلنا كذا ..
الكل / ههههههههههه
ام حمد / يالله بقوم اخليهم يحطون العشاء سوالفكم ماتخلص الله يخليكم ..
مشاري يناظر فيها بخبث ويرفع حاجب / اقول يمه وش ذا الكشخه اليوم ..؟ محلوووووووووووووووه
ام حمد تعرف حركات ولدها / وش محلوه ..؟ هذا انا مثل كل يوم ..
حمد / لا وربي محلوه اليوم صدق وش صاير ..
فتحت ام حمد عيونها مو عادة حمد يقول كذا / ليكون عاداك اخوك ..
الكل / هههههههههههه
ضي / اليوووم ضحكنا ضحك الله يستر ..
بيان / لاتفااولين ..
بو حمد وعيونه مازالت على ام حمد / اقول ..
الكل / قول ..
بو حمد / صدق محلوه اليوم ام حمد ..
حمرت ام حمد ..
حمد / هههههههههه شوفوا اقول من طالعه عليه بيان خدودها كله محمره .. ناظروا خدود الوالده ..
ضربت ام حمد .. حمد على كتفه بشوي شوي وهو يضحك ..
بيان / اساسا امي توها صغيره يوم تجيبك كان عمرها 13 سنه صح امي ..؟
ام حمد تبتسم وكانت فعلا الي يشوفها يقول بكرها ضي توها صغيره / لا يوم اتزوج عمري 13 وجبت حمد عمري 14سنـه ..
بو حمد / ايوا اذكر كنت اذا ابي اراضيها اجيب لها حلاوه ومصاصه ..
هنا الكل ماستحمل وجلسوا يضحكون وعيونهم تدمع ..
ام حمد قامت وكنها معصبه وهي فيها الضحكة بس ماسكتها / اقول اروح اساعدهم وهم يحطون العشاء احسن ..
هالمره بو حمد قال مع عياله / اووووووووووووووووووووووو

\

في فنـــدق في دبي الساعه 9 المساء /
سطام وهو ينسدح على السرير بقوته / آآآآآآآآآآآه جســــــمي احسه تكسر من هالمشي .. ياليتني ماطعتكم وجيت معكم بيتنا ابرك لي ..
فيصل / صدق يوم قاال فهد شــــــــــــــــايب بكل معنى الكلمه ..
فهد / علشان تعرف اني مااتكلم الا بعد ما أتأكد من الكلام الي اقوله ..
سطام وهو منسدح يناظر السقف / تكـــــــــــــــفى ما أقدر انا ..
فيصل انسدح بالسرير الي جنب سطام / آآه تصدق حتى انا تعباان ..؟
سطام / شيء طبيعي اساسا من الصبح وحنا بهالأسواق والمتنزهات ..
فيصل / ياحلـــــــو البحر بس ..
فهد / اقول يالشياب انا بطلع اتمشى تحت عند الفندق تبون شيء ..؟
فيصل وسطام رفعوا راسهم مع بعضهم وفتحوا عيونهم ..
فيصل / من صدقك ..؟
سطام / لاااااااا مانــت صاحي ..!!
فهد / وش في الشياب مستغربين ..؟ عطوني جوالاتكم بس ..
فيصل / وش تبي فيهم ..؟
فهد / برقص معهم .. تعرفني احب ارقص ..... بشووف الرسايل اتسلى فيهم بدال ماأناظر الرايح والجاي ..
سطام / تعرف وش امنيتي فهد ..؟
فهد من غير اهتمام / وش هي ..؟
سطام بأبتسامه / انـــــــك تبتسم من قلبـــــــك ..
وقبل مايرد فهد كمل سطام / بس مو بأستهزاء كالعاده ..
فيصل / هههههههههه هالأمنيه صعب تحقيقها ..
فهد / فيــــــــــصل ..!!
فيصل / طيب سكتنا يا أخوي الكبير (( وسوا حركه بفمه انه سكره ))
فهد / وش هالأمنيه الغريبه سطام ..؟
سطام / ماادري احسك يااخي حتى لو مزحت مو من قلبك ..
فهد / والله وش اسوي اسلوبي .... ويالله عطوني جوالاتكم ياشطار ..
فيصل التفت لسطام / شوف الأخ فهد يحسبنا بزارين يلعب علينا مايدري اننا اصغر منه بثلاث سنوات بس ..
سطام / ههههههههههههههه
فهد راح يمشي / بتذلوني مع وجهكم يالله مع السلامه ..
سطام / لحظه لحظه خذ جوالي (( طلعه من جيبه )) بس ها .. الأرقام امانه لاتقربهم ..
خزه فهد / يعني برضى على بنات عمي ..

فيصل بصوت واطي / ماينضمنون المغازليه ..
سطام / ههههههههه (( التفت على فهد )) مو قصدي بس يعني اعرفك فضوولي ..
خذ فهد من سطام الجوال / لا لاتخاف بس بشوف الرساايل والصور مثل ماقلت فضولي بهالأشياء مع انها حقت مراهقين بس وش نسوي نونس نفسنا على مايرتاحون الشياب ..
سطام + فيصل / هههههههههههههههههههههههه

\

نزل فهد تحت وخذ له كابتشينو وجلس يتمشى .. طلع جوال فيصل وراح الاستديو شاف الصور .. بعدين انتقل للرسايل ..
اول ثلاث رسايل كانت من مشاري .. والخمس الي بعدها من ربعه الشباب .. وبعدها من وحده اسمها (( ربي يخليها )) ..
فكر فهد معقوله من امه ..؟ لا يمكن من اخته بس اي اخت .. نزل تحت وبعد كم رساله شاف تقريبا عشر رسايل ورى بعض من (( قلـب اخوها )) هذه تأكد انها من اخته .. بس عارف ان عنده ثلاث خوات .. يتمنى يعرف اي وحده فيهم بيان ..!!
وليه ..؟ وش ابي في بيان انا اقرا رسايلها ..؟ فتح الرساايل وقام يقرا وحده وحده ..
انتقل للرسائل المرسله .. ولاشعوريا راح لـ رساله مرسوله لـ حبيبة أخوها .. فتحها ..
(( ضي قولي لأمي تجهز الاغراض الي بوديهم بيت خالي ))
ابتسم فهد وكأنه حال لغز .. نزل تحت وشاف رسايل كثيره مرسوله لـ قلـــب اخوها .. يمكن بيان ..؟ فتحها وشاف من ضمنها ..
(( بيـــان ليه ماتردي ..؟ اذا مو نايمه تعالي تحت بسرعه وبتشوفي مفاجئــه ))
هالمره يوم قرا اسم بيان ابتســـم ابتســامه من قلبه .. مثل ماتمنى سطام .. ياااربي وش فيني وش سالفة هالبنت ..؟
من قبل ثلاث سنوات وانا فيني شيء .. ماراح انسى ذاك اليوم .. يوم كانت بيان في ثالث متوسط .. وكنت عندهم بالبيت انتظر حمد ..
بيان وهي تنزل بسرعه / ميشووووووو ميشووووو
ناظرت فهد الي جالس يناظر فيها بأستغراب لأنه له ثمان سنوات ماشافها ..
بيان حمرت خدودها بسرعه ورجعت على ورى بس كان وراها مشاري / نعم حبيبتي وش فيك ..
ناظرته وجات بتروح مسكها مشاري / وش فيك ..؟

بيان تناظر فهد / مممم كنت ابي اقولك ...... اني ابي اروح ..... ممممم
مشاري يناظر في فهد الي عيونه على بيان / وش قايل لها خايفه كنها شايفه جني ..
فهد ابتسم ابتسامه خفيفه جدا / لا بس شكلها مستحيه لأنها ماعرفتني مو عادتي اجي بيتكم ..
مشاري / الله تبي تقولي على كثر ماجات بيتكم ماشافتك ..؟
بيان مسكت ثوب مشاري وبصوت خافت قالت / مشاري .. وقت اسئله بروح فوق وبقولك الي ابي بعدين ..
راحت بيان بسرعه تركض فوق ..
مشاري / والله اعتفس وجه البنت الي يشوفها عروس بليلة عرسها ههههههه

حمد طلع من المجلس / هذا طبع بيان ..
مشاري / بسم الله من وين طلعت جالس تتجسس ..؟
حمد وهي يدف اخوه علشان يسلم على فهد / طلعت من الباب وسمعتكم بالصدفه عندك مانع ..
سلم على فهد ..
مشاري / تدري اني مستغرب ان بيان ماتعرف فهد .. وفهد مايعرف بيان ..؟
فهد يخزه / وش دعوه مااعرفها اذكرها وهي بأول ابتدائي .. كانت خالتي تدرسها الحروف ..
حمد / هههههههههههههههههههههههههه الله قديم وربي انت مغبر الحين بثالث متوسط .. وينك عن بيتكم ماتجيه ..؟ بيان عند ساره اختك دايم ..
فهد / صدق دايم عندها بس ماتطلع من الغرفه واذا طلعت اشوفها بعباه وغطوه وبرقع من هي صغيره ماادري شـالسالفه ..؟
حمد + مشاري / ههههههههههههههههههههههههههه
مشاري / هذا طبعها متغطيه من يوم عمرها 13 سنه يقالها بس تبي زوجها يشوفها ..
حمد / اختي رومانسيه من هي صغيره هههههههه ..
\
رجع فهد للواقع بعد ماسمع بوووري سيااره مزعج ..
سكر جوال سطام .. الله على ذاك اليوم حسيت اني شفت احلى عيون بالكون .. عيووون دائريه لامعه .. لونها عسلي على بني ..
ماادري وش فيني صرت بس افكر فيها .. رجع للفندق علشان يرجع جوال سطام وبنفس الوقت يرتااح لانه توه حاس بالتعب ..
والله وطلـــــــعت انا الشايــــــــــــــب ..!!
\
في بيت (( بو ثامر )) الساعه 3 الفجر /
كانت تهاني جالسه على الماسنجر تكلم ضي .. لما سمعت ضرب خفيف على باب غرفتها ..
تهاني / ادخــــل ..
دخلت غلا مكشره وماده بوزها .. سكرت الباب وراها وجلست على السرير بدون اي كلمه ..
تهاني لفت على الكرسي الدوار وناظرت غلا ..
تهاني / سلامات حبيبي مو على بعضك سلامات ..؟
غلا / ملل ..
تهاني / ودروسك ..؟ متى بتبدي تذاكري ..
تنرفزت غلا / اقووووووولها ملل تقولي دروسك ..
وقفت وراحت قدام المرايه تناظر جسمها / زاد وزني ..؟
تهاني ابتسمت / وربي ماأحد مجنون مثلك .. عليها اختبارات وزاره وهمها وزنها ..!! روحي ياماما ذاكري وربي ابرك لك .. وبعدين تعالي رجع زياد البيت ولا لسااا طالع ..؟
غلا ومو مهتمه بكلام اختها / لا رجع من الساعه 12ونص وينك فيه انتي .. بس بهالغرفه الي يشوفك يقول تذاكري ..
لفت تهاني وتكلمت مع من معها بالماسنجر بعدين قفلته .. وقامت اول ماجات تطلع لفت لأختها ..
/ اذا خلصتي طلعي وسكري الباب ..
راحت وغلا عصبت / ياسلااااااام جايه اشكي لها ولاتعطيني بال حتى ..
جلست على كرسي التسريحه وقامت تتحوس بأغراض اختها .. لفت انتباها دفتر مذكرات بالدرج الاخير ..
خذته وراحت تجلس على السرير .. ترددت تفتحه ..؟ ياااربي مايصلح اخاف تهاني تعصب .. بس ليه تعصب ..؟ مابيينا اسرار ..
فتحته وكان داخله ورد مجفف .. فتحت صفحه تلقائياً كان فيها خاطره بعنوان (( هل تحبـــني ..؟ ))
لا تسألني لماذا احببتك ..!!
ولا تسالني متى احببتك ..!!
ولا تسالني عن اسباب اشتياقي ..!!
لاني عندما رأيتك ..!!
تبعثرت جميع اوراقي ..!!
احس بك وانت بعيد ..!!
واراك امامي وفي منامي ..!!
اصبحت اراك في وجه البشر..!!
هل اشكر القدر ..!!
لانه عرفني عليك ..؟
وجعلني أذوب في عينيك ..!!
تلك العيون الجميله ..!!
التي رمتني في بحر لا اعرف قراره ..!!
لقد ارتسمت ملامحك في أحداقي ..!!
واختطت حروف اسمك في قلبي ..!!
فهل بعد كل هذا تسألني ..!!
هل تحبـــيني ..!!؟؟؟
فتحت على صفحه ثانيه بعنوان (( عفواً أنا عاشقــه )) ..

عفواً حبيبي أنا عاشقة
لكل معاني الحب في قلبك عاشقة
لكل كلمة لكل نظرة لكل همسة منك أنا لها عاشقة
حتى قطرات الندى في جمال قلبك عاشقة
فكيف لا أكون أنا لمن أعشق حتى الموت عاشقة
وتسأل في النهاية لما أنا لك عاشقة ..؟
أنا لك بكل المعاني مصارحة وبكل العبارات صادقة
نعم ..
نعم حبيبي ..
انا لك عاشــــــــــقه ..
قلبت عدة صفحاات لما شافت اسم بالأنجليزي مكتوب بخط كبيــر وباللون الأحمر ..
كشرت وهي تقراه .. بعدها نزلت تحت تقرا المكتوب تحته باللون الأزرق ..
شهقت غلا بصوت عالي ..
وسكرت الدفتر بسرعه لما سمعت صووت عند الباب ورجعته مكانه بسرعه وأرتباك ..
جات بتطلع .. الا فــتح احد الباب ..
نزلت راسها شافت ريهام واقفه مستغربه وتناظرها ..
غلا / خيير ..؟ تبين شيء ..؟
ريهام / لا بس زياد يقول نادي غلا ودورتك بغرفتك مالقيتك قلت يمكن بغرفة تهاني ..
غلا / طيب هذا انا نازله يلا روحي ..
راحت ريهام غرفتها وهي تناظر غلا بنظرات استغراب ..
وغلا ماعرفت سبب هالنظرات راحت تحت .. وشافت زياد يسولف مع تهاني ..
غلا / سلاام ..
زياد / وعليكم السلام .. وينك اذا نزلت تهاني تروحي فوق واذا راحت فوق تنزلي ..
تهاني تناظرها / ماتحبني ..
غلا ماهتمت لكلمة تهاني وكانت بحالة تفكير / زياد ابي توديني بكره عند بيان ..
زياد / ليه ..؟ البنت تذاكر وماتبي احد يزعجها ..
غلا / لا ضروري ابيها .. في اشياء ماأعرفها ابيها تحلهم لي ..
زياد / طيب وريني الي ماتعرفي واحلهم لك انا ولا تهاني ..
غلا / لا لا انا مااعرف مسائل رياضيات .. وانت وتهاني ادبي كيف بتحلونهم لي ..؟
زياد وقف / يعني مصممه تروحي ..؟
غلا رفعت راسها تناظره / ايه ..
زياد / خلاص اجل تجهزي بكره بعد المغرب .. والحين يلا تصبحون على خير تعبان وابي انام ..
غلا + تهاني / وانت من اهل الخيــر ..
بعد ماراح زياد .. ناظرت تهاني غلا / وش فيك غلا مو على بعضك ..؟
قامت غلا / مافيني شيء يالله برووح انام مع السلامه ..
تهاني ماتدري وش في هالبنت اليوم .. وين عادتها مزووحه وهبله .. فيها شيء البنت .. وكأن مكتشفه شيء خطيير ..
ممممم مو وقت هالتفكير افضل ارووح اريح واتحلم احلام حلوه .. (( ابتسمت ورددت بصوت مسموع وهي توقف )) احلام حلوه ..
\
يوم الجمعه الساعه 2 الظهر (( في بيت بو متعب )) /
كانت ساره جالسه بغرفتها تذاكر .. لما دق جوالها .. ناظرت الأسم على الشاشه (( روحي تحبك )) ابتسمت وردت ..
ساره / ياهلا ومرحبا بـ حبي الأول والأخيــر ..
اسيل / ايه انصبي علي واذا كلمتي بيان وغلا قلتي نفس الكلام ..
ساره / ههههههههه لا وربي بس بيان كاتمة اسراري .. وغلا مخططه لمقالبي .. وانتي حبي ..
اسيل / لا افضل اصير حبك ومخططه لمقالبك وكاتمة اسرارك ..
ساره ابتسمت / ابشري من عيوني .. بس قولي لي اخباارك وش مسويه مع الكتب الجميله ..؟
اسيل / وربي مافتحتها مالي خلقها ولا خلق جمالها وبعدين لاتجيبي طاريها انا متصله علشان اعزمك اليوم في بيتنا انتي والبنات ..
ساره مستغربه / من صدقك ..؟ وقت أختبارات ..!!
اسيل / ايه من صدقي مدام غلا وبيان بيغيبوا لمدة اسبوعين وحنا اختباراتنا يوم الأثنين تبدا .. خلونا نغير جو علشان نقدر نركز بعدها ..
ساره / مممم ماأدري يالهبله قلتي للبنات ..؟
اسيل / ايوا قلت لهم كلهم ووافقوا بس باقي انتي .. وبيان ضي بتقـنعها ..!!
ساره / يعني ماوافقت ..؟
اسيل / لا مو على ماوافقت بس نحسها متردده .. وبعدين فكونا يانوابغ وبلا عباطه ..
ساره / هههههههههههه حلوه عباطه .. خلااص ولايهمك بعد العشااء تشوفيني عندك ..
اسيل / اوكيك يالله مااعطلك برووح اتكشخ ..
ساره بأستغراب / من الحين ..؟
اسيل / ايه من الحين يلا طسي ..
ساره / ههههههههههه ماتعقلين مهما مر الزمن ..
اسيل / تكفييين يالعاقل .. يالله باي باي لو اتهاوش معك ماسكرت الا بعد ماتخلص الاختبارات ..
ساره / هههههههه الله معك ..
\
في بيت (( بو حمد )) الساعه 5 المغرب /
بيان كانت تصاارخ بالصاله / ضـــــــــــــي ضــــــــــــي ووجع يوجع العدو ان شاء الله .. ضـــــــــي ..
طلت ضي من الدرج معصبه / وش فيك بسم الله تصارخي ..؟ فيه حرامي ..؟
بيان حطت يديها على خصرها / لا والله اسم الله علي .. اصاارخ لأن ماأحد بالبيت وين راحوا ..؟
ضي / يعني ماتعرفي تجي فوق وتضربي باب غرفتي .. وتسأليني وينهم ..؟ لازم صرااخ ..
بيان / مالي خلق وبعدين تفاجئت وين يروحون واليوم الجمعه من يطلع اليوم ..
ضي / احلفي بعد الطلعه فيها يوم .. راحوا اساسا لجارتنا ام سعد .. صاير لـ زوجها حادث والحمدلله ماجاه الا شوية رضوض بالساق وحمد وابوي ومشاري راحوا يتحمدون له بالسلامه .. وراحت امي لزوجته بعد تتحمد لها بسلامة زوجها ..
بيان / اها ياعمري ... طيب مالبستي انتي يبي لك ساعات على ماتخلصي ..؟
ضي رفعت حواجبها / من الي يبي له ساعات انا ولا انتي ..؟ المهم تعالي ابي اوريك شيء بالابتوب ..
راحت بيان لــ ضي فوق في غرفتها ..
جلست ضي على الكرسي وانحنت بيان عليها علشان تشوف ..
ضي وهي تأشر على صورة تسريحه / ناظري وش رايك اقص شعري كذا ..
بيان / ممممم بس شعرك مو طويل مره يعني لحد كتفك وتقصينه زياده ..؟
ضي / ايه عادي ياقلبي تعرفيني ماأحب الشعر الطويل ..
بيان خزتها / يعني شعري مو حلو ..
ضي / هههههههههه لا انتي شعرك اسود وناعم وكثير ماشاء الله يعني حلو الطويل عليه انا خفيف وبني ..
بيان / بس ناعم ..
ضي / ايه حتى لو .. خفيف مايصلح له الطويل .. ايه صح ماقلتي لي غلا مو اتصلت امس الفجر وقالت بتجيك ..؟
بيان / ايوه بس اليوم لما عزمتنا اسيل خلااص كلمتني قالت اشوفك عندها ..

ضي / بس هي تبي تسألك عن الرياضيات اتوقع ..
بيان / ايه عادي تسألني بالتلفون بعدين ولاتجيني بكره ..
ضي / اها ..
لفت تناظر الصور والقصات ..
بيان / ممممم ضي ..!!
ضي وهي تناظر الصور / هلا قلبي ..
بيان / مممم تصدقي ضي .. امس وانا افكر عرفت اني ابي اتزوج واحد على قد حاله .. ماعنده فلوس كثير واهله ناس عاديين جداً
ضي لفت بقوه وهي مفتحه عيونها بأستغراب / من جدك ..؟ انتي عكس البنات هههههههه الناس يبون تاجر يدلعهم وانتي تبين فقير ..؟ وبعدين وش جاب هالشيء على بالك امس ..
بيان نزلت راسها / مو يعني فقيــــــر ماعنده فلوس .. لا يعني مدرس واهله عاديين .. مثلاً ابوه مدرس بعد ومعيشهم على الراتب هذا .. والي جابه على بالي صراحه يوم فكرت بـ لينا ..
ضي نزلت عيونها تناظر يدين بيان الي شابكتهم بقوه / لينا الحمدلله تلبس احلى اللبس وتاكل احلى الأكل .. مو معنى ان ابوها فراش صارت فقيره .. هذا شغله محترمه مافيها اي عيب .. وبعدين وش دخل لينا انك تتزوجي واحد على قد حاله ..
بيان جلست على سرير ضي وتكلمت بحماس / انا ماقلت انها فقيره بس يعني احسها لو اشترت شيء جديد او جاو بيسافروا او يسوو اهلها اي شيء انها تفرح من كل قلبها مو مثلنا متعودين على كل شيء جديد ومتعودين على السفر والأشياء الغاليه .. وودي اني اجرب الحياه العاديه مو اطلب اي شيء ويجيني .. ودي افكر كيف اصرف فلوسي واسوي ميزانيه (( ابتسمت )) زي الهنود هههههه .. مو معناته اني ماأحب اعــيش بخير .. بس الحمدلله اهلي ماقصروا ابي اعيش باقي عمري اعرف معنى الفلوس وافرح لو صرت مدرسه او اي شيء واستلمت راتبي ..
ضي بأبتسامه / يعني انتي عشتي بخير ماتبين عيالك يعيشون بخير ..؟
بيان فتحت عيونها وحركت يدينها بمعنا لا / لا لا من قال كذا انا ماقلت فقرااء .. قلت لك مدرس وانا مدرسه بعد يعني ماراح يحتاجوا شيء ..
ضي / طيب نفس الشيء اغنياء ..
بيان ابتسمت / لا في فرق بين الي عايشين على قد حالهم .. وبين الأغنياء .. الأغنياء اي شيء يخطر على بالهم يجيبوه بنفس الوقت ..
وقفت ضي / وربي انك غريبه يابيان غرييييييييبه من قلب ..
بيان وقفت مع اختها ومسكت ذراعها / مو قصدي اني اصير غريبه بس لأن كل عمامي تجاار ماأحس بأحد عارف قيمة الفلوس .. شركات ووظائف مرموقه ومحلات ..
ضي / عمامي اوكي انتي صادقه بس خالي صالح عادي لاعنده لا شركات ولا محلات ولاوظيفه مره مرموقه عادي مدرس .. خذي اجل زياد (( ناظرت اختها وحركت حواجبها ))

بيان ضربتها على خفيف / ههههههههه تفكيرك غلط .. تبيني اخذ واحد مزاجي وعصبي ماني ناقصه .. وبعدين لسا صغيره ..
ضي / عليييييييييييييييينا
بيان / مالت برووح البس احسن لي ..
مشت وفتحت الباب واول ماطلعت ..
ضي / البسي ولاتفكري كثير بالأفلام الهنديه والفقراء والتجار هههههههههه
مدت بيان لسانها لأختها وهي تضحك وسكرت الباب بالقوه ..

ضي / ههههههههههه وربي اختي تحفه عليها سوالف انمااااااااا ايه ههههههه
ودخلت تتروش ..
\
في بيت (( بو وليد )) الساعه 9 بالليل //
كان كل البنات جاوا .. ومتجمعين بمجلس الحريــم ..

بيان / اسيلوووه وين الشوكليت المفضل عندي ..؟
اسيل / اي شوكليت هذا كل انواع الشوكلاته ..
شيماء / ههههههههه لا ياقلبي النوع المفضل عند بيونه الشوكلا السويسريه الي لونـه من برى اصفر .. وطعمه عسل حتى يسمونه ابو جبل ..
عبير / ههههههههههههههههههههههه عليها وصف وربي تـــحفه ..
شيماء / عبيروه دوري غيري علقي على كلامه ..
بيان / ههههههههه حلوه ابو جبل (( قامت تهز راسها مثل الهنود )) ابو جبل .. ابو جبل ..
شيماء عصبت / بيانوه عبيروه انطموا لااصككم بالصينيه ..!!
بيان وعبير يناظرون بعض ببرائه ومع بعض قالوا / حنــــــــــــــــا ..
ساره / لا جدكم .. كفك شيماء ..
ضربت كفها ..
شيماء / وربي ذولا لو يرتكبون جريمة قتل ويمسكونهم الشرطه ويسوون هالحركه يتركونهم الشرطه من نظرات البرائه الي بعيونهم ..
الكل / ههههههههههههه
غلا / لا ومشكله لو حطوا اصابعهم في فمهم .. تقولين بزارين مايعرفون شيء بهالدنيا ياعمري ..
ضي / حتى ساره تسويها ترى هههههههههههه
ساره / لا مااسويها مثلهم .. حاولت بس مااحد يقولي بريئه .. كلهم يقوولا ماينااسب ..
بيان / صادقين ههههههه

كانت تهاني سرحانه بعالم ثاني وفجأه وقفت / اسيــل حبيبتي في احد بالصاله ابي دورة المياه ..؟
اسيل تهز كتوفها / ماأدري .. بس حتى لو مايبين الا اذا وقفتي عند المدخل الصغير الي مقابل الغرفه هذه ..
تهاني / اها اوكي حبيبتي ..
مشت تهاني بتطلع وكملوا البنات السوالف .. لكن غلا كانت مركزه على تهاني لحد ماطلعت وبعدها مسكت شنطتها وطلعت جوالها ماتبي تستمع لسوالف البنات تبي تسوي نفسها مركزه على الجوال .. مو قادره تنسى الي قرت امس .. مو قادره .. لازم اكلم بيان بأقرب وقت لازم ..
تهاني اول ماطلعت وقفت عند المرايه الي مقابل دورة المياه وجلست تعدل شكلها .. وبعدها دخلت دورة المياه ..
\
دخل خالد من باب الصاله ولا شاف احد فيها سكر الباب وراه .. وراح على طول للمطبخ يشرب مويه ..
آآه ياقلبي على هالشغل ماادري من ضربني على يدي وقالي ادخل طب ..!!
شرب مويه .. وبعدها مسك جواله يدق على حمد ..
حمد / ياهلااااا ماأسرع اشتقت لي ..
خالد ابتسم / لا وربي ماأشتقت لك ياحبيبتي لأنك دوم محفوره في فكري ..
حمد / هههههههههه ياشيخ توني ادري ..
خالد / المهم حمد ماطلعت من المستشفى ..؟
حمد / لا لساا باقي عندي مريــض بالعياده .. اخلصه وطالع ..
خالد / طيب اسمع اذا خلصته مر على عيادتي وخذ منها ملف أحمر انا حاطه على المكتب وجيبه لي بالبيت لو ماعليك تعب .. لأني ما أطلعت عليه وبكره لازم اسوي الأجرائات الي فيه ..
حمد / ابشــر ياطويل العمر ..
خالد مبتسم / اوكي سلاام ياولد عمي ..
حمد / مع السلامه ..
طلع من المطبخ بعد مادخل جواله بجيبه ..
ياربي وين اهلي ..؟؟ توه بيروح فوق الا سمع اصوات بمجلس الحريم .. ابتسم ابتسامته الحلوه الي ماتفاارق وجه ..
ياحليل اهلي اليوم مغيرين ورايحين مجلس الحريم ..؟ مو عوايدهم ..
مشى وكان باب الموزع الي يفتح على مجلس الحريم وغرفة طعام الحريم مفتوح ..
توه بيدخل الا شاف بنت طالعه من دورة المياه وتناظر نفسها بالمرايه على جنب ..
وقـــف مو مستوعــب ..
معقـــوله ..!! معقـــوله ..!!
معقوله من كثر ماأفكـــر فيها صرت أشوفها بكل مكان ..!!
ههههههه ياحليلك ياخالد شكل جاتك هلوسه .. او أثر حبها على عقلك ..

التفتت تهاني تبي تلف على المجلس الي فيه البنات ووقفت مصدومه يوم شافت قدامها خالد ..
نطقت لاشعوريا بصوت شبه مسموع / خالـــــــــد ..؟؟
خالد مو حاس بنفسه قالت اسمه ..!! يعني مو وهم ..
توه بيتكلم بس هي بلمح البصر وصلت عند باب المجلس وتوها بتفتحه ..
خالد بهمس / لحــــــــظه ..
تهاني كانت يدها تنتفض وهي حاطتها على مقبض الباب ..
خالد / تــهاني .. تهاني طالعيني ..
تهاني مالفت .. ياربي وش يبي هالمجنون شكله ناسي اني مو حلال عليه ..!!
خالد / تهاني .. تهاني علشاني طالعيني مشتااق لك ..
تهاني من غير ماترد عليه فتحت الباب وهو رجع علشان ماأحد يشوفه ..
دخلت على البنات وهي مرتبكه ويدينها تنتفض .. الكل ناظرها وشاف وجهها المحمر ..
غلا اول وحده تكلمت بشك / وش فيك تهاني مختبصه ..؟
تهاني تحاول تبتسم بس ماقدرت / ههههه مافيني شيء بس طحت وحسيت نفسي أضحك لو ان جنبي احد فشــله ..
شيماء / سلاااااماااااات ياقلبي ..
بيان وقفت وراحت لها وحطت يدها على ذراعها / تعورتي ..؟
ضي وقفت جنب اختها / وخري يدك لاتدلعيها شوفيها مافيها الا العافيه
ناظرتها ضي بنظرات .. فهمتها تهاني ..
ساره / تعالوا اجلسي تهاني نعلمك بساالفة عبير وياالبلوتوث خخخخخ كاتبه اخت المعرس ..
ضربتها عبير بالقوه / وجع سارووه ورى ماتنشريها بالنت ..
اسيل / ههههههههههه تسويها ..
قامت اسيل وناظرت تهاني وهي تجلس جنب البنات / وربي شكلك تقولين بيتهم نحس كل مره اجي اطيح ..
كل البنات ماعدا غلا وتهاني / ههههههههههههههههه
اسيل تناظر البنات وهي تضحك / من جد ذاك المره طاحت جنب سياارة خالد لأنها منزله راسها يقالها مستحيه من خالد ولانتبهت للشجره المايله وشبك راسها فيها هههههههه وطاحت ياقلبي عليها ..
البنات / هههههههههههههههههه جد ..؟
تهاني ووجها نااار تقلدهم / جـــــــد ..؟ انطموا كلكم لاأصيح ..
بيان / هههههههههههه لا ياقلبي تعالي تعالي جلسي نكمل سوالف ..
الكل كان يضحك ماعدا تهاني الي كل ماتذكرت خالد حمر وجهها .. وضي الي بين الفتره والثانيه تلتفت لها .. اما غلا كانت بحاله غريبه .. حالة شــك ..!! نظراات ترميها على تهاني الي مو منتبه للي يصير بغلا ..
بعد العشااء الكل اتصل على اخوه يجي ياخذه ..
وشيماء وغلا وتهاني كانوا كل ماأتصلوا بأهلهم ماأحد يرد ..
غلا وهي ترمي الجوال على الكنب بعصبيه / اوووووووف يعني وقت يسكر ثامر جواله مايكفي زياد مايرد ..؟
بيان / طيب والسواق ..؟
غلا فتحت عيونها / مجنونه بيان ..؟ من متى عايلتنا الحلوه ترضى نركب مع السواويق هالوقت ..؟
ضي / ماعليه اختي تأثرت من الدراسه ههههههه ..
بيان كشرت / مو قصدي .. بس لأنهم ماردوا عليهم .. طيب تعالوا نوصلكم ..
ساره / لا انا بوصلهم فيــصل جاء دق الحين ..
شيماء / ياااااااااااااااربي رد علي .. رد يامحمد الله يخليك ..
بيان / ههههههههههه ياعمري شيماء اجل انتي الي بنوصلك ..
ضي / خلااص علي الطلاق ان نوصلك ياشيماء ولاتزعجي اخوك مسكين نايم شكله ..
شيماء عصبت / يعني قايله له لاتنام بس مافيه فايده ..
عبير فااضيه / يووه حساافه ماعندي احد اوصله ..
البنات / فااااااااااااضيه ههههههههههههه
ساره تناظر جوالها وهي تلبس شيلتها / يلا يلا تهاني وغلا فيصل شكله عصب من زمان برى ..
لبسوا البنات عباياتهم وطلعوا مع ساره ..
قبل ماتركب ساره السياره ناظرت البيت من برى (( وين وليد نور البيت ..؟ اللـــــه لو انه موجود كان فرحتي اكبــر ))
ركبت ساره قدام وسلمت ..
وبعدها ركبوا غلا وتهاني ورا ..
غلا + تهاني بصوت خافت / السلام عليكم
فيصل / وعليكم السلاااااام ياهلا ببنات خالي ..
نزلوا غلا وتهاني راسهم ياجرأة ولد عمتهم ..
ساره تضربه على كتفه بخفيف وهي تبتسم / ترى يستحون لاتنسى ..
حرك السياره وهو مبتسم / لا ماارح انسى بس مشتااق لسوالفهم وبالذات رجة غلا ماأنسى مقالبها لي وهي صغيره ..
ساره وتهاني / هههههههههه
غلا كان وجهها محمر ..
اما تهاني نزلت راسها يوم حست بنظرات فيصل لها من المرايه ..
ياااربي وش ذا الموقف الي حطيتي نفسك فيه ياتهاني ..!!
ساره / الا وش سويتوا بدبي استانستوا ..؟ ومتى رجعت يوم اروح بعد العشااء لبيت عمي لساا مارجعت ..
فيصل / بالنسبه للوناسه تونسنا بس ذبحنا فهد الله يهديه وذبح سطام معه .. كل ماجينا بنريح قومنا مابقى مكان ماودانا فيه .... حتى مارجعنا الا الساعه 10 بعد مارحتي ..
ساره / اهااا ماشاء الله ..
فيصل / اقول تهاني اخباارك مع الأنجليزي ..
ساره / مسكينه هي وضي حالتهم حاله معاه ..
فيصل خزها يعني انا ابي اكلمها لاتتكلمي .. وساره فهمته بس طنشته لأنها عارفه مشاعر تهاني تجاهه .. مشاعر اخويه لاغير ..
وماودها اخوها يتعلق فيها كثير ..
فيصل / الله يعينهم ياارب ..
غلا في نفسها (( انا ثالث ثانوي ماسألني والأخت تهاني سألها )) ناظرت غلا تهاني على جنب .. (( يااربي متى اكلم بيان وافضفض لها في الي داخلي متى ..؟ ))
وصلوا بيت بو ثامر والكل ساكت ..
نزلت غلا اول وتو تهاني بتنزل الا التفت فيصل وقال / سلمي لي على خالي ياتهاني وعلى مرت خالي وعلى زياد وحبي لي رهوومه
ضربته ساره بكوعها يعني اخلص ..
ساره / هههههههه قول العايله الكريمه كلها ..
فيصل طنشها / واهتمي بنفسك والله الله بالأختبارات ..
تهاني بخجل / ان شاء الله .. مع السلامه ساره ..
نزلت من غير ماتقوله مع السلامه .. يااااربي .. وش اسوي فيه .. اخاف يحسبني احبه .. لا لا يعرف اني احبــ ....
اوووووف ليه افكر اول ادخل لاأطيح بعد وتتحقق الكذبه ..
دخلت تهاني وعلى طول لغرفتها ماحست بغلا الي كانت جالسه بالصاله ومبين انها معصبه ..
ناظرت غلا تهاني وهي تروح فوق ..
آآآه ياربي شسالفتك ياغلا .. تغيري من اختك ..؟ بس ليه ليه ..؟ وش معنى فيصل ..؟ وش معنى ..؟
اعوذ بالله من الشيطان اقوم انام واكلم بيان بكره افضل .. لا وش بكره اليوم .. لا اخاف تعبانه .. اوووف اهدي ياغلا اهدي ..
راحت غرفتها بسرعه وهي في بالها الف سؤال وسؤال ..
\
في سياارة حمد ..
كانت شيماء من ركبت السياره وهي ساااااكته .. ومنزله راسها من الحياء ..
بيان الي كانت جبنها / حمد وش فيك نزلت اول ماجيت لنا ..؟
حمد يبتسم / ياحبك للفضول يابيون .. كنت اعطي خالد ملف يبيه .. ارتحتي هههههههه
بيان حطت رجل على رجل بدلع / ايه ارتحت .. بس قدم السيت حق ضي ضيــق ..
ضي التفت وناظرتها حاطه رجل على رجل وخزتها من البرقع حقها / اقول اها بس صيري عاقل مثل شيماء ونزلي رجولك ..
بيان تسبل برموشها / صدقيني شيماء لو انها مو مستحيه من حماده كان شفتي الهباال بس الحيااا (( التفت لشيماء وبصوت عالي )) مقـــــــــطعها ..
شيماء حمر وجهها من الفشيله .. وودها تقتل بيان ..
ضي / هههههههههههه الله يفشلك فشلتي البنت ..
حمد / وحماده بعد تقول حسابك بالبيت ..
بيان رجعت تسبل بعيونها / ليه وش سويت ..؟
حمد / اول شيء فشلتيني مع هالدلع .. ثاني شيء فشلتي شيــمـ .. (( وقبل ماينطق كل اسمها حس بنفسه )) .. فشلتي صديقتك ..
بيان / هههههههههههه لا عادي شيماء مايهمها ..
شيماء وقتها قررت تسوي جريمة قتل .. طيب يابيان .. طيب ..!! موتك على يديني ..
وصلوا شيماء بيتها وقبل ماتنزل قالت بصوت واطي / مشكورين ..
بيان وضي / قمنا بالواجب ..
حمد بصوت واطي / ههههههه متدربين على الكلمه يالخوات ..
خزت شيماء بيان بغيض وسكرت الباب ودخلت البيت ..
ابتسمت بيان بعد مامشت السياره .. مممم ليش هالأحساس ..
احساس غريب .. يقولي ان هالعطله غــير عن كل العطلات .. ليه احس شيماء بتصير قريبه مني اكثر .. وليه احس اني بفقد شيء بحياتي .. ليه احس ان حياتنا كلنا بتتغير .. ليه وليه وليه غمضت عيونها .. يااربِ وش ذا التفكير ..؟ يارب وفقني بالأختباارت وعدها على خير .. الظاهر تأثير اختبارات ثالث ثانوي .. رجعت فتحت عيونها وقرت بصووت غير مسموع (( اللهم اشرح لي صدري ويسر لي امري )) .. لاألـه إلا الله .. حست براحه نفسيه .. ماودها تفكر كثير والأختبارات على الأبواب ..
\
العطله ماباقي عليها الا أربع اسابيــع .. وأحاسيس بيــان الغريبه يمكن تطلع صدق .. هل معقوله ان الـعطله هالمــره راح تغير من حياة العايله ..؟؟
تهانــي وخالد وفيصل .. وش قصتهم بالضبط ..؟ مين يحب مين ..؟
فــهد وبيان ..؟ هل معقوله انهم مكتوبين لبعض وان حب فهد لها حقيقي ..؟
ساره وحبها لوليد .. هل وليد يحبها بعد .. وهل ممكن يكون له دور بقصتنا ..؟
غلا والي قرأت بمذكرات اختها وخلاها تعيش بحالة شك .. بتلقى لأسألتها اجوبه ..؟
البنت الي كلمت فارس وش سرها ..؟ وساره ليــه تحس بالحزن اذا تذكرت مرام ..؟

اسئــله كثيـــره ببدايــة قصتــنا .. تعتبـــر البدايه لمشوار أبطالنــا ..


دمتم بكــل خيـــر وموده ..

>> الجزء الثالـــ3ـــث <<

\


طلعت من قاعة الأختبار وهي مو مصدقه كانت تمشي بس مو حاسه بنفسها ..

ناظرت شلة المرح جالسين يضحكون بصوت عالي ويوم شافوها وقفوا وراحوا ناحيتها وهم يركضون كأنهم خبلان ..

غلا وهي تضم بيان الي مازالت جماد مو حاسه بنفسها / خلـــــــــــصنا بيان خلصــــــنا الثانويه ..!!
البندري / بشوي شوي عليها بتموت خليها تاخذ نفس ..
غلا بعدت شووي تناظر في بيان الي دموعها بعيونها لكن مانزلت .. ومازالت سرحانه بعيونها عنهم ..
شيخه / بيان سلامات وش فيك ..؟
لينا / من الفرحه يمكن ..
مريم بدفااشه بعدتهم عنها ومسكتها تهزها / وش فيييك اضحـــــكي مو وقت تبكين على المدرسه فيه جامعه لاتخافي بتذاكرين ..
ضحكت بيان وسط دموعها وضربت مريم على كتفها / ههههههههه مو مصدقه بنات وربي مو مصدقه حاسه اني بحلم وبصحى منه
غلا / لا ماراح يصير حلم بعد شوي راح تتأكدي .. يالله وحده تطلع البيبسي بنات
مسكت لينا شنطه مليانه بيبسي لأن الشله معروفين بعشقهم للبيبسي الي يشاركهم كل افراحهم ^_^ وعطت كل بنت علبه ..

تجمعوا على شكل دائره ومدوا اياديهم الي فيها العلب واليد الثانيه استعدوا يفتحوا البيبسي ..

بيان بحماس / مستعدين ..؟؟ واحد ..... ثنين .... ثلاثه .....
طــــــشششششششششش
فتحوهم مع بعض وعلى طول كل بنت قامت تشرب وهم يضحكون الا بيان الي بس وصلت العلبه لفمها رجعتها على طول وهي تناظرهم بخبث وبدوووون اي تردد .. سبحتهم كلهــــــــــم بالعلبه ومابقى منها شيء

البنات / آآآآآآآآآآآآآآآآآآآآآآه وجــــــــع بيانووووووووووووووه
ماحست بنفسها الا انها تركض تنقذ نفسها منهم وهي ميته ضحك .. وهم وراها .. وبنات المدرسه يناظرونهم مستغربين ..
معقوله هذه حركات بنات بيروحوا الجامعه ..!!

\

الأربعاء الساعه 6 ونص المغرب /
فتحت عيونها بكــسل بعد ماحست ان بغرفتها أحد ..
لفت لجهة باب الغرفه وشافت ظل واقف عنده ..
بيان بصوت خافت ملياان نوم / ميـــن ؟؟ غلا ؟؟
/ لااا .. حلاااا
ابتسمت بيان يوم عرفت صووت ضي ..

بيان قامت وهي تزين شعرها الي انعفس من النوم / وش فيك واقفه تناظري فيني شغلي اللمبه ظلاام يااختي ..

ضي بهدووء / ممممم ماتكفي الأبجوره ؟؟ قومي حبي .. في احد يبيك تحت ..
بيان ناظرتها مستغربه / يبيني ؟؟ مين اكيد غلا تبي تنتقم من البيبسي الي سبحتهم فيه اليوم هههههههههه
ضي لساا على هدوئها / نو شخص ثاني يبيك ..
بيان/ شخص ثاني ..؟ وش ذا الغموووض ؟؟ مين هو ؟؟
ضي لفت بتطلع / البسي وانزلي وتعرفينه ..
طلعت ضي من الغرفه وبيان علامات الأستفهام على راسها ..

\

نزلت بيان بعد مابدلت ملابسها وصلحت شعرها .. شافت الصاله ظلام ..
يؤ ؟ وش السالفه ؟ وينهم ؟ توها بتنادي الا فجأه شغلــــوا اللمبات ..
وبصووت واحد / سبرااااااااااااااايز
فتحت عيونها من الدهشه .. امها وابوها جالسين وهم مبتسمين ويناظرونها بــحب ..
وحمد ومشاري وسطام واقفين عــند كيكه طبقاات مره شكلها نايس ..
وضي وحلا ماسكين رشاش الحفلات الي يطلع ثلج وخيوط ملونه ^_^
ضي تقدمت منها وحضنتها / ألف الف مبروووووووك التخرج وعقباال النسبه العاليه قلبوو
دمعت عيون بيان وهي تضم ضي / الله يبارك فيك حبيبتي
تقدموا كل خوانها وباركوا لها وراحت هي لأمها وباستها على راسها وضمتها
بعدها باست يد ابوها وراسه وضمته بقووووووووه وهي تبكي من الونااسه ..
يااارب يااارب لاتحرمني منهم وتخليهم لي ياارب
حلا / وينك ياحلوه .. تجين من المدرسه وعلى طوووول نوم
بيان وهي تمسح دموعها / جيت تعبانه بعد الركض والرقص في هالمدرسه صايره مرقص مو مدرسه هههههه
مشاري / ههههههههه مااحد يلومكم خلصتوا الثانوي لازم ترقصون
بيان/ المشكله كل بنت خلت المدرسه كلها تكتب لها على مريولها وانا مريولي اختفى صار كله كتابات
حمد / يوووه تصرف بزارين
ضي / لا عادي هذا بنات هالأيام
ام حمد / ايه بنات هالأيام اختربوا
بو حمد / ههههههههه تكلمت ام حمد
بيان بدلع / يممممه وش اختربنا ؟ عادي لاازم مذكرات ومافيه احلى من المريول
سطام / جيت اليوم من الدوام وقلت وين بيونه نبارك لها قالوا نااايمه ولا كان بوديك بااسكن اشتري لك اكبر برميل
ضي / برميل خخخخخخخخخخ
سطام / اوووص
بيان / هههههههههههه وربي بس جيت رحت على طووووول غرفتي .. بس لحظه مايمنع الحين توديني (( ناظرته بخبث ))
سطام / ههههههههههه لا الحين بنااام
مشاري / ول ماشبعتي من هالكيكه الكبيره .. ترى على ذووق ابوي (( وقام ينزل ويرفع بحواجبه ))
بيان / هههههههههه ادري ماصارت حلوه الا لانها على ذووق بابي
خزوها اخوانها وهي كملت وهي ميته ضحك عليهم / بس ابي افهم ليه هالحفله ماأجلتوها لما تطلع النسبه وسويتوها حفل كبير خخخخخ
بو حمد / لا هذه الحفله نبيها بنفس وقت فرحتك يوم خلصتي اختباارات .. واذا طلعت النسبه ابشري بالحفله الكبيره الي تخلي الكل يتكلم عنها
ام حمد / يؤ يؤ يؤ لاتخرب البنت علينا .. بكره تتزوج وتبي زوجها يسوي مثلك
ضمت بيان ابوها وهي مستااانسه / يسلمووو بابي ربي يخليك لي .. ولاتخافي امي زوجي لازم يصير مثل ابوي اعرف اسويه مثله بطريقتي
الكل / ههههههههههههههه
حلا / والله وصار طبخـــه تسويها ..!!
بيان وكنها تذكرت شيء وشهقــت وهي توقف / ويــــــــــــــن جدتــي ............؟؟؟
مشاري يتطنز / خلصت فترة جلوسها عندك خخخخخ
بيان عصبت وحطت يديها على خصرها / لا والله مالها الا اسبوعين شايفني غبيه
سطام / بسم الله عصبت
ام حمد / ورا ما تضربي اخوك ؟؟
حلا وهي ماسكه بطنها على شكل بيان وهي معصبه / هههههههههههههههههههههههههههههههه
ابو حمد مبتسم / ليه تحبوا تجننوها هوايه هي ..؟ ياعمري انتي جدتك راحت بيت عمك بو وليد لان اليوم ولد عمك وليد بيجي من السفر وتبي تشوفه له ست سنوات ماجا السعوديه مع هالدراسه الي حتى بأيام العطل يدرس ..!!

\

الساعه 7 المساء /
كانت منسدحه على سريرها و تناظر الصور في الابتوب .. دق باب غرفتها
/ ميــــن ؟؟
/ ايوا انا ريم ممكن ادخل ساره ؟
ساره / ادخلي حبيبتي
ابتسمت ساره لــ اختها الهاديه الي نادر ينسمع صوتها عكس الأطفال بعمرها العشر سنوات ..
ريــم / ساره انا طفشانه ابي اروح لبنت خالي ريهام ..!!
ساره / حبيبتي اتصلي عليها وشوفي اذا موجوده قولي لفيصل اوفهد يودونك ..
ريم تأشر براسها بمعنى لا / اتصلت عليها موجوده .. لكن فيصل وفهد مو موجودين ..
ساره ابتسمت / خلاص قلبي مدامها موجوده انتظري الساعه 8 اوديك لها مع السواق وفارس .. يعني بعد ساعه اوكي ؟
ريم ببرائه / اوووووكي


باست ساره على خدها وطلعت
يااااحبي لـ هالبنت ..!!


سكرت الابتوب وقامت وطلعت ووقفت عند غرفه جنب غرفتها دقت الباب بشوي شوي

ساره بصوت هادي / مرام ..؟؟ مرام ؟؟ افتحي الباب ابيك شوي
ظلت واقفه ماتدري دقيقه ؟؟ دقيقتين او حتى عشر دقايق .. المهم انها مافقدت الأمل وان شاء الله بتفتح لها هالمره ..
رجعت تدق الباب وبصوت اعلى شوي من الي قبل / مرام حبيبتي لي اسبووع معطله وطفشاانه من قلب افتحي بسوولف معك
سمعت خطوات تقترب من الباب ..
كنت حاسه اني لو قلت هالكلام بتفتح ..!! حنوووونه يامرام حنووونه حتى في لحظات الألم والعذاب الي تعيشيها..
انفتح الباب .. وكان النور خافت داخل الغرفه .. طلت ساره براسها وقالت بصوت مرح / ممكن ادخل ياأختي الحلوه ..؟
جاها صوت حسته بعيــــــــد بعيــــد كثيـــر عنها .. بس نعومته وجاذبيته ماراح منها شيء
/ تفضلـ ـ ـي
دخلت ساره وناظرت على طول بالعيون الي تناظرها بأنكسار وألم .. ناظرت اختها وهي تحس انها من زمااان ماشافتها لدرجه نست ملامح وجهها ..
رجعت تدقق فيها بصمت ..عيونها الخضرااء الواسعه .. وشعرها الأشقر الغامق فيه خصلات بنيه .. بيااض بشرتها ولون شفايفها .. كلها تدل على الجماال المغري فيها .. وهي في هـ الحاله من الدموع والحزن والعزله .. كيف لو انك بسعاده يامرام ؟؟ كيف لو انك متكشخه وش بتصيري ؟؟ دمعت عيون ساره وماقدرت تمسك روحها .. رمت نفسها بحضن اختها الي ضمتها بدورها وباستها على راسها ..
ساره وهي تشهق وبصوت متقطع / ليــ ـ ــه لـ ـيـه يا مـ ـر اام لـ ـيه تسـ ـو ين بـ ـنفـ سك كذ ااا لييييييييييييييه ؟؟

مرام / .............
ساره / ليييييه جاوبيني ؟؟
مرام بصوت هادي كله ألم / ساره حبيبتي ........... الله يخليك اطلعي روحي غرفتك هذا انتي شفتيني
ساره رفعت راسها وبصووت عالي وصرااخ / شفتــــــــك ؟؟ شفتك في هالظلام شفتك بهالشكل شفتك في دقايق شفتك وانتي عازله نفسك عن العالم ؟؟ حرام عليك حسي في الي يحبونك وعذاابهم .. الي صار لك كله من ربي كله من الله تعترضي على ربي ؟؟
مرام وسط دموعها بهدووء غريب / بس انا السبب وانتي عارفه هالشيء ياساره .. (( غمضت عيونها شوي وفتحتهم .. وبصوت أعلى )) انا بيديني قتلت حلم من سبع سنوات كنت احلم فيه .. قتلته ياساره قتــلته بيديني .. تذكرين أمي وقتها وش قالت لي ..؟ أني ماأستاهل هالحلم لأني قتلته ..
ساره انهاارت ماقدرت / لااااااا ماقلتيته الله كاتب له هالشيء الله كاتب كل شيء
مرام مسكت مقبض الباب / مافيه فايده ياساره الله يخليك اطلعي ابي انام
ساره تمسح دموعها / تنامي ؟؟ تنامي وانتي 24 ساعه دموع ونوم حتى الأكل بس تتغدي وبالموت بعد ..؟ تبي تنتحري ترى النااار جزائك ؟؟
صدت مرام ونزلت راسها .. ونزل شعرها على وجهها .. ولاردت
انتظرت ساره شوي بعدها طلعت من الغرفه وسمعت صوت قفل الباب وهو يتقفل ..
دخلت غرفتها معصبه على اختها الي مو فاهمه ان كل هذا مقدر ومكتوب ..
جلست على سريرها .. ياااربي ياااربي اغفر لها ..
نزلت راسها تفكر.. ماأحد يلومها حياتها من هي صغيره عذااب ..!! ويوم كبرت عذااب .. ويوم أخيرا فرحت انقلبت الفرحه عذااب ..
أنتبهت من تفكيرها على صوت الجوال ناظرت الشاشه (( بنوته كول ))
مسحت دموعها وتنحنحت علشان تعدل صوتها ^_^
ساره / هلا بـ بنوته كول
بيان / هلا بـ عجوزه ناايس
ساره / مالت عليك وعلى الي كاتب لك نك ماتستاهلينه
بيان / هـ هـ هـ تكفييين من زينه .. اسيلووه تكتبين لها روحي تحبك
ساره ابتسمت / يازيين الي يغارون .. تصدقي بياان دايم تجين بوقتك ماادري ساحره ولا هذه موهبه
بيان / هههههههه لا ساحره احلى .. ليه وش صاير
ساره نزلت راسها وقامت تصرقع أصابع يدها الفاضيه / قبل شوي رحت لمرام وكالعاده تلقيت طرده محترمه
بيان بألم / ياعمري هي مازالت ؟؟ الى متى طيب
ساره / قلت لها يابيان قلت لها .. بس وش اسوي ياعالم ؟؟؟
بيان / ربك كريــم
ساره / ونعم بالله
بيان حبت تطلعها من جو الكئابه / انتظري لاتنسيني الي خلاني اتصل فيك علشان اقوله لك
ساره بتطنز / يعني مو لله متصله يابيان هانم
بيان بحماس / الا لله .. ولو عرفتي الي بقوله بتطيرين من الفرحه ..!!
ساره كشرت / بطير من الفرحه ؟؟ ما أتوقع ضاايق خلقي لدرجه مو طايقه نفسي
بيان بدلــع / حتى لو كان في السالفه حبيـــب القلب ..
ساره من سمعت طاري حبيب القلب نطت من على السرير وراحت تركض للشرفه بغرفتها سكرت باب الشرفه وراها
ساره بحمااس يطلع من الف سماعه / بيوووووووووونتي حبي هاه بشري عسى رجع السعوديه ..؟
بيان بدلع اكثر / شو تعطيني ياروح بيان انتي ؟؟
ساره جلست تنطط بمكانها وهي ماسكه الجوال / الي تبين الي تبين بلييييييييييييز قولي بسرررررررررعه
دفت وهي تنطط الكرسي الي بالشرفه وطااح وطلع صووت قوي لانه من الخشب ..
بيان تروعت مسكت قلبها / ساره صار فيك شيء
ماهتمت ساره لها / لا هذه الكرسي .. يالله قولي لي جاااااااااااااااااء ولاااااااااااااا
بيان/ ههههههههههههه وش ذا الحب صدق فيه بالحقيقه حب مو بس بالقصص ؟؟
ساره تسندت على الباب / آآه يابيان لو جربتي الحب بتعرفي انه حقيقه قلبك طااااير من الفرحه والألم بنفس الوقت .. قلبك داايم عايش حالة شوووووووووق .. تحسين انك تطيرين ماتمشين على الأرض آآه وش اوصف وش اخلي
بيان طبعا مافهمت شيء وحطت بعفويه طرف صبعها بفمها .. وش تقول هالهبله ..؟؟؟
ساره تكمل / بيان ماكنت اعرف معنى الحب الا لمــ ..
قاطعتها بيان قبل ماتكمل / بس بس قلتيها لي طول الست سنوات الي كان مسافر فيها ..(( حطت يديها على خدها وكملت بشاعريه وصوت رومانسي )) ماعرفتي الحب الا لما شفتيه بالصدفه وماصدقتي ان كل هالزين ببشر آآه وحبيتيه بس هو مايدري عنك زين اذا عرف اسمك ووو ..
قاطعته هالمره ساره بعصبيه / مالت عليك انا ماقلت زين اذا عرف اسمي نسيتي انه ولد عمي ..؟
بيان / لا مانسيت .. لكن لاتنسي انه ولد عمي واعرفه من دخل ثانووي وهو مايتعدى الكتااب والأبتسامه اختفت وصار ثقيل دم بشكل مايطااق .. وجدي بكل الأوقات .. بدون مرح بدونــ ..
ساره صرخت / بسسسسسسسسسس ياحلوه بكل عيووبه .. والحين بتقولين لي جاء السعوديه ولا بسكر ..
بيان عصبت / مالت عليك سكري يالله بااي
ساره برجاء / لا لا امزح حبي وربي احبك بس انتي ارحميني ..
بيان رفعت حاجبها وهي تنقل الجوال ليدها الثانيه / ايه تعدلي .. ومدامك عارفه ان الجواب هو انه راح يكون خلال هالدقايق بالسعوديه ليه تسألي ..؟
ساره / واااااااااااااااااي اخييييييييييييييييييييييرا ياقلبي يابيووني حسبته بيأجل رجعته .. مو هو مخلص من الأسبوع الي فات لكن يقول ولا مره شاف نيويورك طول هالست سنوات زين بسبب دراسته ويبي يشوفها ويمتع نفسه مع اغلى اصحاابه ..
بيان حطت يدها على راسها / ول ول ول .. من وين جمعتي كل هالمعلومات
ساره نزلت راسها حياا / من روووحي اسوووله
بيان / هـ هـ هـ والله مو روحك من خير .. لانك تاخذي منها معلومات وهي الغبيه ماتحس
ساره عصبت / بيانوه وبعدين خليني اروح الحين افكر وش بسوي .. من زمان ماشفته ولازم اشوفه اليوم .. بعد ما أوصل ريوومه بيت خالوو
بيان تهز راسها تتحمد / الحمدلله يااربِ الحمدلله .... المهم تدرين اذكره وانا عمري 10 سنوات كان عمره تقريبا 21 سنه وكان دايم يقايضني وانا اعصب وهو يستهزء فيني مالت عليه ماعنده رحمه مع انهم يقولو حنووووووون
ساره بصوت يشبه الصراخ / وربي حنووون بشكل ماتتصوري اسيل دايم تعلمني عن مواقفه معهم اذا اشتاقت له وتبي تتذكره .. وبعدين لاتقولين لي ماشفتيه من عمرك 10 سنوات..؟
ابتسمت بيان بسخريه / احلفي ياشيخه ؟؟ يقالك انتي شفتيه اكبر يعني هههههه تراه سافر يوم كان عمري 12 سنه يعني شيء طبيعي مااشوفه سنتين وهو مشغول بالدراسه ولاينشااف ..!!
ساره حمرت خدودها / مممم معك حق بس على الأقل انا شفته وعمري 13 بدخل 14 يعني كبيره وعرفت معنى الحب
بيان / تبين الصدق انتي ماطحتي بحبه الا من هالصور الي توريك اياهم اسوله .. هي قصدها تعرض لك صور العايله وانتي تركزين على حبيب القلـــب ..!!
\
في نفس الوقت وفي مطار الخبــر ..
كانت الطياره على أرض السعوديــه .. وكانوا الركااب ينزلون منها ..
الكل يدور اهله ويسرع يسلم عليهم ويضمهم .. ماباقي بالطياره الا أشخاص قليل بدوا ينزلون ..
نزل من على المدرج بخطوات واثقه .. خطوات مغروره .. كان رافع راسه وهو يمشي وكأنه سيــد الكل ..
لابس بنطلون جينز وبلوزه نص كم سماويه .. ونظارات تعود انه يلبسهم طول الست سنوات الماضيه سواء بالنهار او بالليل ..
مغطي شعره الأسود الناعم بقبعـــه سماويه .. وماسك بأحد يدينه شنطه دبلوماسيه تدل على انه رجل اعمال اكثر من اي شيء ثاني ..
اول مانزل من على المدرج تقدم ثلاث خطوات ووقف .. جذب الهواء له بقوووه .. وتنهد ..
من زمااان عنــك وعن هواك يا بلادي ولا أي مكان بالعالم يعوضني عنك
ابتسم أبتسامه نادر ماكان يبتسمها ايام الدراسه ..
مشى يستلم أغراضه .. ولفت انتباهه طفله تلعب بـ لعبتها .. تذكر طارق الي يوم سافر كان عمره 9 سنوات
ممم يمكن نساني ويمكن لاا ..
رجع يبتسم وأرسل بوسه بالهوا للطفله الي عمرها مايتجاوز خمس سنوات تقريباً ..
مشى في طريقــه يوم شاف ابوه بين النــاس .. أما الطفله ظلت تناظر فيــه بخدود حمراا وبأستغراب ..
ابو الطفله / شهد تعالي حبيبتي هنا لاتضيعي بهالزحمه ..


ام شهد / اقول ناصر مو كأن الرجال هذا شاعر ..؟ مممم فزااع ..؟ او محمد السهلي او شيء من هالقبيل ؟؟
ناظرها ابو شهد بأستغراب وتحولت نظرته لغضب / اقول انتوا يالحريم من تشوفوا واحد زين شبهتوه بـ هالثنين (( وقلد صوتها )) شيء من هذا القبيل (( رجع لصوته وبقووه قال )) هذا شكله لبناني ياذكيه يالله جيبي بنتك خلينا نمشي ..

\

الساعه 8 المساء /

دق جــرس باب بيت بو ثامر بأصرار وتواصل ..
غلا / بيان شوي وراجعه لاتسكري بعد دقيقه كعادتك ..
بيان متملله من سالفة غلا / اوووووف بسرعه غلا مو فاضيه توني معطله ابي احلل هاليوم ..
غلا معصبه / اوووص اقول
حطت التلفون وراحت تركض ترد على الباب
غلا وهي تلهث / مين .؟؟
جاها صوت رجولي / افتحي الباب..
غلا (( وش يبي ذا افتحي الباب مين هو ؟؟ )) رجعت تسأل / مين طيب ؟؟ افتح الباب وبس .. حلا هو؟
ساره / هههههههههه هذه اكيد غلا دفشه ماتدري من هو الرجال وتصاارخ عليه (( دفت فيصل )) شوي فيصل .. غلا افتحي هذا انا ساره بنت عمتك ياهبله .. اعلمك بعــد بعمري ولا خلاص
غلا دق قلبها يوم قالت اسم فيصل / ها ؟؟ سوير ؟؟ آم سوري ..
دقت الزر الي يفتح الباب .. ولفت ويدينها تنتفض .. وششش سويت ؟؟ وش فيني دفشه كذا وش بيقول فيصل عني الحين؟
دخلت ساره من باب الصاله وريم وراها
ساره ترفع يدها لراسها مثل الشرطه / سلااااام بنت خالوو الهبله .. لو ماعليك أمر نادي اخوك زياد لفيصل يقول من زمان ماشافه ..
غلا / هاه ؟؟ زياد ..؟
ساره تلمس جبين غلا / اسم الله عليك غلوو وش فيك اخوك زياد تعرفين زياد غيره .؟؟
دفتها غلا بدفاشه / رووحي زين شايفتني هبله مااعرف اخوي .. لحظه بشووف يمكن طالع بعد
راحت فووق .. وساره مستغربه وشفيها ..؟
نزلت ريهام تركض من الدرج ..
ريهام / هالوووووووووووووووووووو بنااااات
ابتسمت ساره لريهااام الي خذت كل شطانة اختها غلاا
باستها على خدها ولفت ريهام لريم تسلم عليها ..
ريهام / اخباارك ياشطووره مستعده لخااامس ..؟
ساره في نفسها (( يقالها كبيره هي خخخخ ))
ريم بهدوئها المعتاد / ايه الحمدلله .. انتي ياشطوره اخبارك مستعده لسادس ..؟
ماتت ضحك ساره على اختها الي طلعت ذكيه وعرفت ترد على ام لساان ريهام ..

\

الكل متجمع بالصاله والدمووع قاااايمه بالذاات أم وليد و أم محمد (( الجده )) ..
بو وليد / خلاااص يمه .. خلاص رغد لكم نص ساعه ماخلصتوا دموع ..؟
ام وليد وهي تصيح وماسكه راس ولدها / والله ماراح اشبع من الصيااح لو جلست لبكره .. ست سنين ياوليد ماتشتاق لنا وش دعوه سمعت عن ناااس درسوا عشرين سنه بس كل اجازه يزورون اهلهم
وليد وابتسامته الي مختلطه مع دموعه / يمه لو كنت كل اجازه بزوركم كان يبي لي 12 سنه على الأقل ادرس .. كل ماشديت على نفسي كل ماخلصت
ام محمد / بس ياولدي قلب امك يتقطع كل يوم .. وقلوبنا مثلها وانت تدري انك بكر ابوك اكيد بيفقدونك .. الضنا يبقى ضنا حتى لو كبر
وليد يبوس راس جدته ولا عشرين مره من وصل / ياجده وش اسوي ابي اخذ الشهاده وارجع افرحها .. والحمدلله الحين بجلس معها طول العمر لا مسافر ولا شيء ..
ام وليد رجعت تصيح زياده وكنها تذكرت شيء / وش بتجلس وانت سفراتك للشغل بتبدأ اكيد .. غير الزواااج الي ان شاء الله ماتخلص هالأجازه الا انت مكون لك بيت .. خلاص كبرت بتدخل 30 وانت اعزب ..!!
بو وليد / هههههههههه الحين وليد يتمنى انه مارجع بتبدأ تمثيليات الأمهات ههههههه
اسيل تمسح دموعها الي ماوقفت / ههههههههه توه راجع امي
وليد ضام طارق / هههههههه ولايهمك يمه بكره بخطب آمري بس ههههههه
خالد / ترى تصدق امي بكره تروح تخطب لك افضل تتراجع بقرارك هههههههه
الكل / هههههههههههههههههههههههههههه
ام وليد تمسح دموعها / ايه صدقت بكره بخطب له ..
روابي تحرك يدينها تمثل / ياسعد حظك ياخوي رجعت بشهادتك من غربتك وتلقى عروستك تنتظر اليوم الثاني
الكل / هههههههههه
خالد / بس تصدقون الغربه خففت دمه ماكانت ضحكته تبين يوم كبر
وليد خزه / بدينا نقايض من اول يوم ؟؟ ماأسرع عبرت عن شوقك
اسيل / ههههههههههه شوقه خلص من كثر ماااا ....... (( وحطت يدينها على فمها ))
وخالد مسك مخده الكنب وضربها فيها
وليد / هااا ليكون تزوجت ولاحبيت من ورانا
خالد خزه يعني اسكت وانت عارف من أحب
طارق رافع راسه وهو يناااظر في وليد ..
بو وليد / تصدقون طارق من جااء وليد ماتكلم بس يتفرس بملامح اخوه ياعمري شكله نسااه
ناظره وليد بحنانه الي افتقده طارق .. حس ان طااارق بيبكي .. فضمه بقوه وهو حاس انه هو الي بيبكي
الكل تأثر على هالمشهد .. وقفت روابي تبي تغير الجو وهي تمسح دمووعها / ولوودي حبيبي .. كنك ماسألت عن عيالي الي ماشفتهم ولا مره هاه (( وحطت يديها على خصرها وسوت انها معصبه ))
وليد ترك طارق ورفع راسه وناظر روابي والكل يضحك / ياعمري توني بسأل بس لساا ماشبعت منكم
روابي تغمز / عليييييناااااا
وليد وقف مبتسم / فكينا من حركاتك وصرقعتك الي ماتغيرت حتى يوم كبرتي وروحي جيبي نايف ونوف (( لف يناظر اسيل )) اسيل لاتصيري مثل اختك وتجيبي ثنين في ست سنوات زواج .. زين ؟
اسيل حمرت والكل قام يضحك وروابي عصبت رمته بمخدة الكنب ..
وليد تفاداها برشاقه ..
روابي / عادي ست سنوات ينااسب اجيب ثنين .. يعني لو انك متزوج يوم سافرت كان رجعت لنا بثلاثه مو ثنين (( حركت حواجبها على فوق وتحت ))
وليد / ههههههههههههه كنت بقول لأمي تدور لي على زوجه بس ذاك الوقت الكل منشغل بزواجك .. وانا معهم .. ماأبي اسافر الا انا متطمن على مستقبلك هههههه
روابي / ايه ايه ياعمري متطمن على مستقبلي وهو راح وخلاني
خالد / ههههههههههههه صادقه
ام وليد / يالله روحي جيبي عيالك روابي بس سوالف
روابي كشرت / حرام عليك يمه مشتااقه لأخوي
قرب منها وليد وباسها على راسها ناظرها بعيون سودا كبيره لامعه / وانا مشتااق لك بعد ومشتااق لكم كلكم ماأدري كيف قدرت على بعدكم
ام محمد / المهم ياولدي انك رجعت بفرحــة نجاحك وحصولك على الدكتره ..
خالد واسيل وروابي ماقدروا يمسكون نفسهم واضحكوا على جدتهم من قلب
الباقي خزوهم وقال ابو وليد / الدكتوراه يمـــــه
ام محمد خزت الي ضحكوا / المهم كلمه تدل عليها
روابي راحت تركض للدرج وهي تضحك / صادقه جدتي بروح اجيب نايف ونوف

\

بيان / ولاهمس ولاكلمه ياقليلة الأدب دقاايق وراجعه وبالنهايه ساعه الا ربع هاه
غلا / وربي نسيييييييييييييييييييت ناديت اخوي زيااد لفيصل وجلست اسولف مع ساره لانها بتروح عند اسيل تقول مشتااقه لها .. بس حبت تسلم علي وتشوف اخباري .. وقالت لي اذا خلصت ريم ادق عليها تجي تاخذها
بيان يوم سمعت طاري روحت ساره لـ أسيل راح غضبها ..
بيان / بتروح عند اسيل ؟؟ (( وبصوت واطي كلمت نفسها )) شكلها ناويه على شيء
غلا سمعت الي قالت بيان/ وش ناويه عليه
انتبهت بيان / ها؟؟ ولاشيء ولاشيء .. وانتي الحين خلصتي ولاعندك اسئله عن تهاني بعد
غلا عصبت على برود بيان / وبعدين معك من قبل الأختبارات وانا اترجااك تحاولين تاخذين من اختك ضي شيء عن سالفة تهاني وانتي مافيك فايده ؟؟
بيان/ انتي هبله اساسا .. ولا ليه تشكين في تهاني مثل هالشك .. يمكن كتبت ذاك الكلام بالمذكرات كذا بس زينه ..
غلا تطنز عليها وهي تقلد صوتها / زينه ...... اقول انطمي بس .. لو انك تسمعين كلامي وتستخرجين كلام وأخبار كان حليتي مشكلتي بس انا الغلطانه مضيعه وقتي يالله باااي..
بيان / والله اختي ضي واعرفها ماراح تعلمني بشيء فيه اسرار لصديقاتها .. ويالله بااي مابغيتي ههههههه
سكرت غلا من صدقها متضاايقه ..
ناظرت بيان السماعه .. وش فيها ؟؟ يعني معقوله تهاني تسوي الي كتبته بمذكراتها ؟؟
مممممممممم ياااربِ انا لي اشغل بالي واعرف ان غلا خبله وتظن بأي شيء يخطر ببالها
مسكت جوالها ودقت على (( تتحدوني في حبها ..؟ ))
جاها صوت نايم ..
/ ا .. الو..وو
بيان / صباح الليل على اكبر دبة نوم بالعالم العربي كله
بصوت كله نوم / نعم وش تبين
بيان / ينعم بحالي يارب ابيك تجيني بكره ياقلبي انتي وعبير فقـــط ابي انفرد فيكم من زمان عنكم ..
ببلاهتها المعهوده وهي نايمه / هاه ؟؟
بيان بصرااخ يقوم الي نومه ثقيييل / شيمااااااااااااااااااااااااااااااااااااااااااااااا ااااااااااااااااااااااااااااااااء
شيماء نطت من سريرها بخوف / بسم الله من ماات ..
عصبت بيان .. ياناااااااااااااس شسوي في هالهبله ..
بيان / مامات احد قلبوووو .. بس شكلي بموت احد في بالــي ..

\

وقفت السياره عند بيت بو وليــد ..
ناظرت في البيت وقلبها يدق بقوه .. لفت تناظر اخوها الي نام من اول ماركب السيااره .. ياااربي وش اسوي في هالدب ..
اقومه من النوم في البيت .. ينام بالسيااره .. ناظرت السواق / اقبال .. عطني علبة المويه الي حاطها انت قدام للسياره
نزل اقبال يده يدور عليها .. وقالها / في يبي صغير ولا كبير ؟
يوووووه ياليت من يقتله / يعني وش رايك بقدر اشيل الكبيره ؟؟ عطني الصغيره
عطاها اياه .. وخذتها وفكت الغطاااء وصبت بيدها شويه مويه ورشته على اخوها ..
فتح عيونه متفاجىء بخوووف / وجع سوووووووير ماتعرفي تتكلمي
ساره ببرود / لأني عارفه انه مافي فايده لو اصارخ من اليوم لبكره .. (( لفت تناظر البيت )) يالله وصلنا
فارس / اوووووووووف .. قلت لك ماأبي اجي فيني النوم وفي نفس الوقت ماأحب طارق كثير يسوي نفسه اكبر مني ..
ساره عصبت عليه / يعني اجي مع السواق لحالي ..؟
فارس يمسح المويه عن وجه / لا كان ماخليتي فيصل ينزلك البيت قلتي له لو سمحت ودني بيت عمي ماارح يعاارض ..
ياويل حالي على هالأخو .. مايدري ان هو عذري الي خلاني اجي هنا
ساره تدفه ينزل / يالله لانتأخر .. ماكنت قررت اجي الا يوم مشى فيصل .. يالله انزل
نزل فارس معصب .. ودقوا الجرس وفتحت لهم الخداامه ..
ساره / وين اسيل ميري..؟
ميري / كلووو في يجلس في صاله
ناظرت ساره باب الصاله وانتفضت .. يالفششششششله متجمعين وانا اخرب جمعتهم ممممممم وش اسوي مممممم
ناظرتها ميري بنظرات أستغراب / مافي يدخل ماما ؟؟
ساره انتبهت لنفسها / هاه ؟؟ الا بس نادي اسيل قولي لها ساره برى ..
ميري / تيب
بعد دقيقتين طلت اسيل من باب الصاله تصرخ لساره / سوووووووووووووووير تعالي عادي مافيه غريـــــب
يووووووووه هالمرجوجه بتفضحني .. ماحست الا بفاارس يدفها من ورى
فارس / يالله تحركي وش فيك خايفه ولا جايبتني اناظر بالحديقه كأن ماعندنا حديقه بالبيت
ساره خزته / انطم
راحت لأسيل وسلمت عليها .. اسيل / ادخلي حيااك سلمي على ابوي وجدتي .. ووليد توه جااي سلمي عليه وربي تغير اخوي صاار يجنن خخخخخ اسوي دعايات له
لو تدرين ان مالي حاجه للدعايات .. بدون شيء أحبـــــــــه ..!!
جرتها أسيل من ذراعها ودخلتها داخل ..
دخلــــــــــت وكل شـــيء بالنسبه لها توقــف .. كل نبــض فيها توقف .. الأوكسجين توقف ماصار يوصل لها ..
بس طاحت عيــنها بعـــيون .. قليل عليها أســـــم " عـــذاب "
\
الساعه 4 العصــر اليوم الــي بعــده /
كانت مستــعده لأستقبـــال أغلى صديقتين عندها ..
مسويه حوووسه بالمطبخ .. وطلبااتها كثيــره على أخوانها ..
رمى الأغراض على طاولة المطبخ وهو معصــب / خلصت طلباتك يا آنسه بيان ؟؟
بيان وهي تفتش بالأغراض / مانسيت شيء من الي قلت لك ؟؟
هز راسه مثل الهندي / لا ماما .... الحين ورى ماتقولي للسواق يعني جايبينه زينه للحياه الدنيا ؟؟
بيان تناظر أخوها بدلع / افاا ميشوو تخيل أنــــا اطلب من السواق واخوي بعد قلبي موجود
ماكملت جملتها الا حمد داخل مبتسم / وهــذا باسكن روبنز وصـــل
مشاري يناظر حمد مستهزء / احســك موصل لباسكن روبنز .. ماتجيب غيره
حمد يصلح كلام مشاري / قصدك عااشق لباسكن روبنز ..
بيان / يابعد عمري اخوي .. تعلم مشاري .. شوف جاب الأغرااض وهو مبتسم
عصب مشاري وتوه بيمسكها تخبت ورى حمد ..
حمد / هههههههههههه كل شيء ولا بي بي
مشاري / مالت عليها العصله قبل شوي تدلع علي والحين تعايرني .. والمشكله اني جبت لها كل الطلبات ..وانت باسكن بس (( وكش عليها ))
دقــ الجرس قبل ماترد بيــان وراحت تركض تفتح الباب وهي تضحك
حمد يناظر مشاري وهو مبتسم / يا أخي دلع أختك بكره تتزوجك تشتاق لها
تسند مشاري على الطاوله ورسم بسمة أستهزاء على فمه / شكلي ماراح أتزوج وشباب العايله كلهم أكبر مني وعـــزاب..!!

\


ضمــــــت شيماء بقوه لدرجه فقدت تنفسها ..
عبير دفت شيماء وبيان / بس بس وجع دوووري ولا والله ثم والله ثم والله لأرجع
بيان لفت لها وضمتها بقوه أكبر / اوف اوف اوف كل هالحلوف علشاني ضميتها .. طيب اذا ماخنقتك ..
عبير بالموت تتكلم / آآآه خلااص خلاااا ص بيااااا ن ..
شيما / هههههههههههه أحســــــــــــــــــن

\


تكتب وتكتب وتكتب .. أبد ماملت من كتـــابه الخواطــر ..
آآآه ياقلبي .. ودي أصرخ حبيبــــــي رجـــــــع ..
بس حســـافه هو بالخبــر وانا بالريـــاض .. رمت القلم وقامت تغــير الشريط بالأستريو ..
حطت شريط عبدالمجيـــد عبدالله الفنان المفضــل عندها ..
وكانت اغنيته (( الزيــن يفرض نفســه )) ..

رقصــت على أنغامها وكأنها ماسكه حبيبـــها ..


(( والغالــي اصله غالــي .. والزين يفرض نفسه ..
الغالي أصلــه غالــي .. والزين يفرض نفسه ..
أصلاً انا مجنونك .. ريح نظيـــــر عيونك ..
أطمن ياحبيبي .. مافيهم يشبــهونك .. مافيهم يشبــهونك
أنت حبيبي الجلســه .. بدر الغرام وشمســه ..
والغــالي اصله غالي .. الزيــن يفرض نفســه
أنت الجمال وتــاجه .. وأنـــت القمــر وسراجه
وانت الذي محتاجــه .. ياحاجتـــي لــعيونك
حبــك .. حبــك هـواي العذري .. حظــي .. سعـادة عمري
ادري حبيــبي ادري .. أني حبيب عيـــونك .... ))

سكــتت الأغنيــه فجأه لفت شافــت بنت أختــها شـالت الســلك ..

عصبــت عليها / رنــدا ؟؟؟ ليه تشيليه ..؟
رندا خافت / آثـفه خالتي .. بث تيته تبيــث ..
ياااربي وقــتك يا أمي ..؟
ناظرت بنت أختها وأشرت بيدها يعني أطلعي / خلااص قولي لها جايه بعد شوي ..
لفت رندا وطلــعت ..
ياااااااربــي متى أتزوج حبيبــي وأرجـع الخبـــر ..!!
اوووووووف بس شكله مو حــاس فيني .. لا .. مره قالي انتي بتصيري زوجتي .. وهو ماقالها مزح ..
ماقـــالها مزح ..
أبتسمت على كلماتها وسكرت مذكراتها .. وتوجهت لسريرها .. طلعت من تحت سريرها صندوق فتـحته وطلعت صوره ..
حطتها عند عيونها .. كنــت صغــيره وهو يدري انه بتصــرفاته علقني فيــه .. هو يتحمل مسؤليــه تصرفاته ..
بــاست الصوره ورجعتها .. قامت وسكرت اللمبات بعدها سكـــرت الباب .. و " أحــلامها " تكبــر ..

\

بيــان / خلاااص اسيــلوه من دخلتي علينا وانتي تسبيني .. قلت لك انتي فرحاانه بأخوك يعني كيف اناديك ..
عبير / هههههههههههههههه قصدك تسبينا مو بس انتي سبتك ..
شيماء / المشكله ان حنا بنروح الحين البيــت وهي توها تفضى تهاوشنا ..
اسيــل واقفه عند تسريحة بيان وتحوس بالأغراض / لا بسبكم لو كنتوا بالشارع .. يعني الله ياخذ بليسك بيانوه بنات عمك ماتقولين لنا .. تعرفين اننا طفشانين مثلك .. على الأقل انا بس ..
ابتسمت بيان بتطنز / يعني انتي غيـــر لو عزمتك بعزم الكل وانا ابي انفرد بعبير وشيماء .. لأني داريه اني بشوفكم 24 ساعه بالعطله
أسيل لفت لها بقوتها / مالت عليك توك تدرين اني غــير ..؟ انا كنتــي ماتحبين احد غيري بس معليــش يجي منك أكثــر ..
عبير / خخخخخخخخ هدو هدو يابنات ..
بيان / اسيلووه اعترفي انتي جايه تاخذين من ضي شيء مو جايه لي صح ولا ..؟
اسيل خزتها على جنب / ايه جايه اخذ من ضي دي في دي وأنصدمت يوم قالت شويم وبع بع سهرانين عندك
شيماء / اسمـــــي شيمــاء
عبير / وأسمي عبير .. لو سمحتي لا تشوهي اسمي
أسيل / أنطمــوا
بيان تناظرالساعه / تو الساعه عشر اجلسي يالله معنى
حطت أسيل يديها على خصرها/ نعم نعم نعم .. لا يأختي انا بنت ابوي ماأجي بدون عزيمه وبعدين اخوي خالد مسكين ينتظرني .. والخوات بيروحون الحين
بيان / اول شيء بيت عمك هذا مايحتاج عزيمه .. ثاني شيء اخوك خالد جالس مع أخوي حمد مثل ماقلتي اول ماجيتي .. ثالث شيء مو على كيفهم يروحوا الحين
شيماء / لا ياقلبي اخوي محمد بالطريق جااي
عبير / وانا اخوي عبدالله بالطريق بعد ..
اسيل انتبهت / الا صح عبير متى زواج اخوك
عبير تكلمت بحمااس / بعد شهر تقريبا ترى كلكم معزومين
شيماء / احس العرس عرسها هي بس تكذب علينا خخخخخخخخخخ
بيان / صادقه خخخخخخخ كفك شيمااء (( ضربت كفها وكملت )) بس صدقت انه عرس اخوها يوم شفت البلوتوث الي لما الحين حاطته ..
شيماء / لما يجيب أخوها عياال وهي بتظل حاطته ههههههههه
عبير ماعطتهم وجه / ماعليك منهم ترى العرس عرسكم من الحين يعني استعدوا له ..
أسيل / هههههههههه طيب .. انا بحظر عرس اخوك وانتي وشيووم تعالوا عزيمة اخوي وليد ابوي سواله عزيمه بمناسبة رجوعه .. بمزرعتنا
بيان يوم سمعت اسم وليد تذكرت ساره .. اكيد امس راحت لهم .. كان ودها تسأل أسيــل عنها بس خافت لاتشك اسيــل ففضلت تسكت وتسأل ساره بكره وش سوت ..
بيان / الا صح اسيل متى العزيمه ..؟
أسيل تفكر / مممممم تقريبا بعد 4 يام ..
وقفت بيان من الصدمه / يوووووووه تو الناس لسا ماتجهزنا وانتوا بتعزموا كل الي تعرفوا
ناظرتها اسيل من غير اهتمام / ايه عادي يكفي اربع ايام .. وشيء طبيعي ابوي يعزم ناس كثيييييره كثييره بعد .. لأنه فرحان بأخوي وبنفس الوقت يبي الكل يدري برجوعه (( وبأبتسامه خبيثه )) ولا تبين تتكشخين علشان تنخطبين ..
ضربت بيان أسيل على راسها ..


شيماء وعبير / ههههههههههههههههه
فتحت ضي باب غرفة بيان وطلت براسها ..
ضي / ياجماعه ترى اخو شيماء على الباب .. وخالد يقولك انزلي بسرعه اسيــل .. لأنه طلع برى عند السياره ..
قامت أسيل وشيماء ووقفت بيان / يوووووووووووه مابعد أشبع أجلسوا شوي
أسيل / لاتدخليني بالكلام .. قصدك ماشبعتي من شيمااء
بيان تكشها / مالت عليك حتى انتي ماشبعت منك ..
أسيل / ايه صدقت ..
وقفوا يسلمون على بعض .. وعطت ضي أسيل الشريط الي تبيه ..
ضي / سلمي اسيل على عموو ومرت عمي اوكي .. وانتي شيماء سلمي على لجين وماماتك ..
شيماء / اوكي قلبي ..
أسيل / يوووصل ..
ضي / اوصلكم للباب ..؟
أسيل / لا وش دعوه .. أنا اوصل شيووم اجلسي انتي مع عبير بتروح الحين ..
طلعوا وسكروا الباب ..
تو أسيل وشيماء بينزلون .. الا فجأه طاحت أغراض شيماء من شطنتها ..
شيماء / يوووووووه نسيت لاأسكر شنطتي ..
جات اسيل بتساعدها .. شيماء / لااا اسيل مايحتااج روحي لأخوك لايعصب بجمعهم وبنزل ..
أسيل / اوكي اجل اشووفك على خير .. بتصل عليك اعزمك خصيصا انتي والوالده ولجين على عزيمة اخوي ..
أبتسمت شيماء وهي تسلم على أسيل / ان شاء الله قلبي ..
راحت أسيل ووقفت شيماء وهي تسكر شنطتها ..
نزلت من الدرج تخطر درجتين بعادتها المرحه ..
وتوها بتطلع من باب الدرج الي يطلع على الصاله الا صدمــــــت بشيء ..
آآآي ياربي وش سالفتي اليووووووووووووم ..
كانت بتطيح الا مسكها احد بقوووه من كتوفها وطاحت شيلتها من قوة المســـكه من راسها للأرض ..
جاها صوت متوتر من الخوف عليها / تأذيتي أختـــي ؟؟
رفعت شيماء عيونها بخووف / آآ ...
ماتت الكلمات بلسانها يوم أستوعبت الصوت .. صوت حمد أخو بيان الي وصلها ..
فكت نفسها من يدينه بسررعة البرق .. وخذت شيلتها من على الأرض وغطت راسها وهي تركض لباب الصاله ..
أختـــفت من عيــونه ..
لكنــه ظل مركز بعيونه على الباب الي طلعت منه بدون مايــحس ..
رفع يدينه وضمهم مع بعض عند فمه .. وهمس بصوت شبه مسموع (( هذه ميـــــــــن ..؟ ))
\
\


نهايــة الجزء الثــالث ..

تفصلــهم أربع أيام عن العزيــمه الي بتجمــع كل العايله .. معقوله بتمــر مثل أي يوم أو فيه أحادث بتصير فيها ..؟

\

راح تتعرفوا على الشخصيات شوي شوي ..
والجــزء الرابــع ان شاء الله أحلـــى

>> الجــزء الرابــع <<

تقلبت في سريرها الواسع بمـلل .. مو عارفه ليه مش راضي يروح وجهه عن تفكيرها ..

ردة فعله قبل امس توضح شعوره تجاهها .. يعتبرها بنت عمه وبــس .. وهي طول أمس تفكر فيه وتحلل حركاته وتصرفاته ..

وش جاها ..؟؟ ليه تحبه اساسا وهو ماكان قريب منها كثير وهي صغيره ..؟ ماقال شيء يخليها تحبه أصلاً ..

الحــب كذا .. يجي فجأه من غير سبب ولا وش السالفه ..؟

مسكت راسها بيديها بقووووووه .. تبي الأفكار تهدأ براسها .. ماتبي تفكر أكثــر من الي فكرت فيه أمس ..

طول عمرها تعصب بسرعه .. بس مو مثل الحيــن .. الحيــن ودها تاخذ قلبها وتفصله عن جسمها .. بس المهم مايدق بقوه اذا شاف وليــد..!

رجعت بذاكرتها لقبــل أمس اول ماطاحت عيونها بعيونه ..!!

\

أسيـل / ادخلي وش فيك واقفه ..؟

بو وليـد / هلا والله ببنتي ساره تفضــلي حيااك ..

ساره ارتبكت / هـ هلا عمي الله يحييك .. آسفه أزعجتكم بس .. (( مسكت فارس من كتــفه )) فارس طفـش وقال يبي يشووف طارق

فتح فارس عيونه على آآآآخر شيء وهو يناظرها .. وصاار يشبه فهد وهو مفتح عيونه كذا .. ضربته ساره بكوعها .. يعني ألعب الدور

أم وليـد / وش دعوه ساره ..؟ تزعجينا والبيت بيت عمك .. حيااك ادخلي مع أسيـل وهذا طارق طفشان بعد يونسه فارس ..

طارق خز أمه .. وقال في نفسه (( من قال طفشاان وأخوي ماشبعت منــه ..؟ فاضي لهالبزر ))

ساره أبتسمت ودخلــت داخل الصاله عندهم علشان تسلم على جدتها وعمها وزوجة عمها .. بعدها سلمت على روابي وباست نايف ..

لفت تدور نوف .. شافتها عند خالها وليــد .. طاحت عينها بعينـه شافته مبتسـم لها .. واااااااي وليــد يبتسم ..؟ أخيــراً

يااربِ كيــف أستحلى وش ذا القمـــر ..؟

سمعت صوته المميــز الي ابد ماراح تنســاه / أخبارك ساره ؟ وأخبار عمي ومرت عمي ؟ وفهد وفيصل من زمان ماكلمتهم وش مسوين ؟

روابي برجتها كالعاده / بشوي شوي على البنت كلتها اسأله خخخخ

حاولت ساره تبتسم .. وليــد يكلمها .. بس ماقدرت من النفضــه الي في كل جسمها ..

ساره بصوت متقطع خافت / الحمـ ـدلله كلهـم يـ يـسلمون عليـ ـك

وليد رد وهو يلعب نوف / الله يسلمهم .. يبــه انا بمر على عمامي وبســلم عليهم واحد واحد

أم محمد / عمامك وعيالهم كانوا يبون يجون المطار مع ابوك .. بعدين قالوا جو عائلي مانبي نخربه

ابو وليد / ايوا والله متقطع قلبهم عليــك

وليـد واصل ابتسـامته الي الظاهر صارت جزء منه من اول مارجع لأهله ولوطنه / وانا قلبي متقطع عليهم بقوم أريح علشان بكره اروح وأسلم عليهم بنفسي .. هذا واجبــي ..!!

\

أنتبهت من أفكارها على صوت الجوال .. شافت الشاشه وردت وهي تحاول تبتسم ..

ساره / هلا والله .. أنا قايله انتي ساحره .. تتصلين بوقتــك ..!!

جاها صوت بيان المرح / هههههههههه أدري من كنتي تفكرين فيه بهالوقت ..؟

رفعت ساره ساعتها تناظرها / يووووووه توني قايمه والساعه 2 الظهر .. ؟ نايمه من الساعه 12 بالليل ..؟

بيان / هههههههههه النوم غدااار

ساره بأستهزاء / أحلفي ياشيخـه ؟ البحر غدار مو النوم

بيان / مايهم .. المهم من كنتي تفكري فيه ..؟

ساره / آآه يابياان قطعتي علي وأنا أفكر كيف قام وسلم على الكل وحتى نظره ماعطاني .. جلست أسيل تسولف وأنا ماسمعت ولاشيء تقوله .. بالنهايه قالت لي فيك شيء .. قلت لا بس لاني مانمت .. ياااربي ماادري أحس أسيــل ماصدقت ..!!

بيان مافهمت شيء / هيه هيه .. قولي لي من أول مو تجيـبـي لي آخر السالفه .. أخلصي كلــي أذان صاغيـــه ..!!!!


\

كـان صوت الزفــه عالي بغرفتها .. وماسكه ورده بيدها .. وحاطه شرشف أبيــض على راسها على أنه الشرعـه ..

ترقص بهدووء مع خيــال حبيبها كـ العاده .. فتحت أمها الباب معصبه ..

أمها / وبعدين يعني أزعجتي الكل بهالزفــه ..؟ من صدقتس تتخيلي هذه زفتــتس ..؟ شكلتس بتعنسي بتسبدي ..!!

لفت وهي ترمي الورده معصبه على أمها / يمــــــه ..!! وش فيكم تقطعوا علــي أحلامي ..؟ اول شيء رندووه بنت بنتك والحين أنتي ..؟

أمها / أقول ...... أعقلي وشيــلي من راستس فكرة الزواج من رجال بالخبــر بتتزوجي من الرياض فاهمه ..؟

ردت على أمها بعنااد / زواج من غير الي في بالي ماراح أتزوج .. وأنتي تعرفين ان اصلي من الخبر .. ليه أخذ من الرياض ؟ بس علشان امي من الرياض يعني ..

أبتسمت أمها بأستهزاء وبقسوه معروفه بطبعها / أقول لاتنسي الي صار لزوجة أخوتس لأنها خذت واحد بعيد عن عايلتها .. شوفي الحيــن عايشــه بعذاب بيت اهلها .. لو أن اهلها كانوا قراب منها كان على الأقل ساعدوها قبل مايفوت الفوت ..

ردت بملل / اوووف يمه .. هي من أول عايشه بعذااب عند أهلها .. وهم ماعطونا اياها الا لأنهم مايحبونها ولاكان مازوجوها من أخوي وهم عارفيـن عن أخوي .. وو (( سكتت تناظر أمها )) وعنك ..

امها عصبت/ اقول بلا عني ولا عنتس .. وبستس خرابيط .. والي في بالتس زيــن الزيون يعني انتي ناظري المرايه وخذي على قدتس ..

سكرت الباب بقوه .. وبنتها تتألم من كلماتها الســم الي رمتها .. ليـه تحسسها دايم انها شيــنه ..؟ طيب انا طالعه على أهل أمي يعني هي الملامه مو انا ..!!

راح قدام المرايه وتفحصت شكلها ..كانت ضعيــفه أكثر من اللازم .. سمــراء وشعرها خفيف قصير تحت أذنها .. متموج مصبوغ أحمــر .. عيونها صغار .. وفمها ملياان .. لااااا هي مو شيــنه بالعكس حلوووووه ومملوحه .. ايه يمكن شعري انا خربته بهاللون بس أقدر ارجعه ..

أبتسـمت وبانت ملامح القساوه ..

الشيء الي ماتعرفه انها قاسيــه مثل أمها ... ويمكـن أكثـــــــر ..!!!!!

\

ســاعه وهي تشتكي لها .. بس هي وش بيدهــا ..؟ تتمنى تساعدها .. بس ماتقدر لأنه ولد عمها مو أخوها تمون عليه وتعلمه عن حبها له ..

بيان / خلااص ساره وش اسوي ياعمري .. تراك قطعتي قلبي وانتي ماتدرين ..

ساره / بيااان خليني أشكي خليني .. أنا حاسه اني بفقده .. حاسه انه يحب غيري .. انه بيتزوج غيري ..

بيان / ساره هو مايدري انك تحبينه كيف تبينه يخطبك ويتزوجك ؟؟ لازم نقول لأسيل علشان تلمح له

ساره كانت جالسه على السرير ووقفت مفزوعه / بيااااااااااانووووووووو لاتتهوري ويخطر ببالك تقولي لها ؟؟؟

بيان أستغربت / أجل كيف تبينه يحـس انك تحبيه ..؟

ساره رجعت تجلس على السرير وبصوت هادي / من قلبـــــــــه ..!!

\

نزلــت من الدرج وهي تدندن على أغنية يارا صدفـه .. ناظـرت بالصاله مالقت أحد من أهلها .. ولاسمعت صوت أحد منهم ..

ناظرت الساعه لقتها ثلاث ونص .. قريبه الساعه 2 كان الكل موجود ع الغداء ؟؟

راحت للمطبخ تشرب مويه الا سمعت صوت احد يركض جاي للمطبخ .. لفت تناااظر لقتها ريهام جايه تفحط ..

ريهام تقلد أصوات التفحيط / دننننننننننننن هووووووووووووووووع ..

غلا / الحمدلله ياربِ ما أنتي بنت .. ولــــد ..!

ريهام مسكت كاس وصبت لنفسها مويه / ايه الكل يقول طالعه عليـك .. (( ناظرتها على جنب بعدها شربت المويه ))

غلا خزتها .. ياليييييييييل صدق ام الساان .. أبتسمت .. ههههههه طالعه علي ..

راحت غلا لعند الباب بتطلع مالها خلق هوووشه او شيء ثاني .. بس وقفت ولفت لريهام الي تصب لنفسها كاس مويه ثاني ..

غلا / ريهام وين أهلي راحوا ؟؟

ريهام نزلت الكاس من يدها ولفت لأختها / راحوا يتمشوون .. ريان وتهاني يقولون طفش وامي قالت لأبوي يطلعهم ..

غلا رفعت حاجب / وأنتــي ..

ريهام تمر من جنبها / انا جالسه اتابع شريط عطتني اياه ريم لازم اشوفه اليوم وأرجعه لها علشان تعطيني ثاني ..

غلا / مو لله اجل ترجعيه

ريهام رجعت لخبالها وراحت للدرج تفحط / نوووووووووووو .. بس علشاان أخذ ثاااااني ..

يالله لك الحمد أختي ولد طبيعي مافيها طبع الأنوثه والحيااء خخخخخ مثلي وأنا صغيره ..

راحت فوق وتوجهت لغرفتها بعدها وقفت تفكر .. ممممم يمكن زياد بغرفته الحين ؟؟ اليووم أجازه عنده ماراح الدواام ..

راحت ودقت الباب .. جاها صوت عصبــي كالعاده ..

/ مييييييين ؟؟؟

غلا / أنا زيااد ممكن أدخل ..؟

زياد / تفضلي ..

دخلت غلاا ناظرت زياد على الكمبيوتر الشخصي يطقطق على الكيبورد .. لف يناظرها بوجه خالي من الأبتسامه ..

أنتفضت غلاا .. طول عمرها تخاف من زياد ولاتقرب غرفته .. وش الي خلاها تدخل غرفته الحين ؟؟

زياد بصوته الجدي / تبين شيء ؟؟

يااربِ حتى مايجاامل ويقول كيف حالك ياأختي ؟؟

غلا تلعثمت / هـ ؟ لا ماأبي شيء بس الكل طالع مافيه الا ريهام على الفديو .. قلت بما ان اليوم أجازه لك اسوولف معك شوي من زمان عنك ..!

زياد رفع حاجب / ليه شايفتني بنت تسولفي معها ؟؟ اطلعي وسكري الباب .. وروحي أتصلي على أحد من بنات عمتك ولاصديقاتك ..

تجمعت دموع غلا بعيونها .. هذا هو أخوي الكبيــر ..؟ من تزوج ثامر فقدنا جـو الأخو الكبير ومزاحـه ..!

لفت كأنها مو مهتمه .. طول عمرها كانـت تخبي خفة دمها ومقالبها وهبالها عن زياد .. لان دوومه يعصب .. ومزاجه يتغير بدقيقه ..

بس يضحك فجأه يرجع يــعبس ..

طلعت من غرفته بدون ماتناظره .. مرت قدام غرفة تهاني .. أبتسمت لنفسها بأستهزاء ..

(( بـــــس أكيد .. ماأكرهه مثل ماتكرهــه تهــاني ...!! ))


\

واقف عند التسريحه يمشط شعره الأسود الكثيــف .. بعدها لبس غترته ..

وجلس يتكشخ .. لازم يسرع لأنه بيسلم على كل عمامه .. أمس خذاه يوم راحه بس اليوم لازم يسوي واجبــه ..

ناظر نفسه وأبتسامته الي حالفه ماتفارقه من أول ماوصل وطنــه مرسومه على وجهه ..

الثــوب يبــين من تحته عضلاته .. الي طلـعت نتيجة التمارين اليوميه بـ نيويورك ..

تعطــر وبعدها راح لسريره وجلس على الطــرف طلـع من الدرج السفلي هديــه مغلفــه ..

جـاب للكل هدايا .. وبيوزعهم يوم العزيمــه .. لكن هالهديــه يبي يسلمها ليــد صاحبتها بنفسه .,! مايبي أحد غيره يسلمها لها ..

رفـع راسه .. مو متأكد من مشاعره لحد الحيــن وهذه مشكلــته الوحيده ..!

يمـكن لأن عمره وصــل 30 تقريبــاً .. وراحت أيام المراهقه ..! بس الحب مايتغير ..

غمض عيونه وهو ينزل راسه .. بس الصراحه زينه ..! ماكنت أحبها .. بس مايــل لها .. يعني اذا تزوجتها يمكن اقدر احبها ..

أبتسم ........ هذا اذا كان فيــه شيء أسمه حب بهالحياه .. ولا بس بالقصص الخرافيه ..!!

\

تمشي بشوي شوي .. كأنها تـــوم وهو يراقب جيري .. ناظرت غرفة النوم .. شافته يلبــس ثوبــه ..

الظاهر بيرووح بيت عمي علشان يسلم على وليد معهم .. أبتسمت بمكــر ..

طيب ياميتوو ..!! أن ماطلعت الشيــب براسك ماأكون انا روابي ..

شافته دخل دورة الميااه وبسررررررررررعه رهيبــه دخلت بدولاابه وهي تمسك قارورة مويه باااارده بيدها اليمين ..

سكرت باب الدولاب .. ووقفت عنـد غترته الي متأكده انه بيلبسها .. تسمع خطواتــه بالغرفــه .. يااااحبي له .. بس ماأقدر اقاوم حمااس المقالب ..!

دق جواله .. وسمعته يرد ..

متعب / يالله انك تحييه وتبقيــه ..

فهـد / الله يحييك يارب .. وش اخبارك شمسوي ..؟

متعب / بخير جعلك بخير .. انت أخبارك وأخبار الأهل والوالده ..

فهد / كلهم بخيــر جالسين ينتظرونك الحيــن وليـد بيوصل عجــل شوي ..

متعب / جاي .. مسافة الطريق وأنا عندكم ..

فهد / يالله اجل ننتظرك .. فمان الله ..

متعب / الله معك ..

حط جواله على السرير ومشـى بيفتح دولابــه ياخذ غترته .. بس وقــف شوي .. حط أذنــه بباب الدولاب ..

وسمــع صوت أحد يتنــفس بسرعه .. أبتسم وهو يرجع ياخذ جواله .. روابي هذه ماراح تعقل من رجتها حتى لو صارت جده ..!!

طيب يامرجوجه .. تحسبني ماأعرف حركاتها .. خمس سنوات من خذتها وهي كل يومين مقلب ..

رفع جواله عند أذنه وأبتسم وهو يقول / هلااااااا بحبي هلا بدنيــــتي كلها يازين ذا الصوت والله ..

أفتحت روابي فمها وعيونها .. مو مصــدقه هذا زوجها ..؟ الي مايــعرف لشيء أسمه رومانسيــه ..؟ جااالـ .. جالـس .. يـ يـ ..

ماكملت تفكيرها الا تسمعه يرد على الي معه ..

متعب / زوجتي ؟؟ لاااااا أتركيها عنك .. تلقينها جالسه بالمطبخ تقشر بصل ههههههههههههههههههه

>> جاب العيــد ^_^

ومن غير ماتنــتظر فـكـت الدولااااب بقوووووووووووووه كانت بتكسره ..

بس توها بتنزل منه الا حســت بيدين متعب ينتظرونها شالها بسرعه على كتفـه.. كأنها عصفــور مالها وزن ..!!

ورماها على كنــب غرفــتهم .. رفعت وجهها المحمر من المفاجأه .. وشافته يناظرها بخبث وأبتســامه مرسومه على فمه بسخريه ..

متعب / أحلى مافيـــك أنك تقشرين بصــل بدولاب الغرفــه ..!!

روابي حاولت توقف وهي معصبه .. لأنه فاجأها بحركته .. طول عمرها ماأحد يكتشف مقالبها وش صار الحين ..؟

رجعها للكنب بحركه من يده وجلس جنبها ومسك ذقـنها بيده .. وخلاها تناظر بعيونه ..

روابي / يـ يـ يعني البنت الي تكلمها كــذب ..؟

متعب / لا حقيقه ..! بس نسيــتها ع الخط لحظه اجيــب الجوال تسمعين صوتها ..

روابي بعصبيه جات بتقوم / أقشــر بصل أجل ,..؟

متعب رجع جلسها / فديييييييييييت البــصل أنا ..

روابي فتحت عيونها لآخر شيء وش جاه رومانسي اليوم ..؟ / الحين انت من متى تعرف للرومانسيه ..؟

قام مارد عليها وجــاب جواله وجلس جنبها / يالله بحطه ع السبيـكر أسمعي صوتها ..

ناظرت روابي بالجوال مو مصــدقه ..

سمعت أغنية أحمد حسين (( حركاتك ))

(( نظراتك .. حركاتك .. همساتك .. لمساتك .. خلوني ارفع إيديه واقول اني انهزمت ..

وبقولها بشوق عينيه .. وبقووووووولها ........... فـ حبك أنا اتغلبت ......

بعيون حلوه وبريئه .. ترسم أحلام جريئه .. بشوفها معك حقيقه .. وأيدك تحضن أيديه ..

الحب معك عرفتوو .. وحنان الدنيا عشتوو .. وحنان الدنيا عشتوو ..

والشووق بعينك شفتوو .. ذا الشوووق سهر عينيه ..

انا وانت روحنا وحده .. والدنيا علينا شاهده .. ))

ضغط بأصبعه على إيقاف .. وناظرها نظرااات حـــب ..

روابي بهمس / مممم لا اليوم متأكده انك شاارب من كأس الحب .. ولا تبي تراضيني على تقشيــر البصــل ..

قالتها من غير ماتكشــر او تعصبــ .. تحبــــــــــــــه .. تحبــه أكثـــر من روحها ..

حتى لو مايـــعرف للرومانسيه .. يكفي يحااااول ..

أبتسم متعب وخذ المويه الي متمسكه فيها بقوه من يدها ..

متعب / تدرين ودي أسحب على أخــوك ..!!

روابي قامت بسرررعه وبأنفعال حركت يدينها بمعنى لا / لااااا لا تفشلني مع أهلك وش بيقولون .. قايل لأخوك مساافة الطريق وأنا عندك ..

قرب منها وهو يفتح غطاا قارورة المويه وبحنيــه قالها / وأنتــــــي ..؟؟

روابي تناظر بيده الي تفتح الغطاا / انا وش فيني ..؟

متعب / لاتسوين نفسك بريئه ..

أبتسمت وهي تناظره / انا لاحق علي حبـي ..

مسكت القاروره تبي تاخذها لأنها حست انه بيسوي شيء .. الرومانسيه ماراح تنزل عليه كذاا ..

بس هو سحبها من يدها بسرعه .. طلــعت منها شهقه .. وبــدون ماتحــس لقت نفسها متسبحه بالمويه الباارده

متعب وهو ياخذ غترته وجواله وبســرعه باسها على خدها وقال وهو يطلع من الباب ويضحك / من حفــر حفره لحبيـبه وقـ.. كمليها ياحلوووه ..

يااااااااااااااااربِ خدعني بهالرومانسيه .. !!! كانت معصبــه وباقي شوي تركض وراه وتقتله .. بس تراجعت وهي تناظر نفسها في المراايه حالتها حاله ..

بس لفت أنتباهها عيونها الامعه وخدودها المحمره .. آآآه ياقلبي .. هذا مايمســى (( حالــة حــبــ ..!! ))

\

هــو هنــا في بيــتهم ..!! وهي بغرفتها .. وش ذا الحــظ .. لازم اطلــع أشوفــه .. عاادي ولد عمــي ..!!

كانت تحااول تشجع نفسها أنها تطلــع بس الظاهر مافيــه فـايده كل جسمها يرتجــف ..

ياااربِ انا ليــه رميت نفسي بهالحاله ..؟ ليــــه أحب اساسا .. أظن نفسي بأوروبا أقدر أحب واتزوج .. حنا هنا مافيــه شيء اسمه حب ..

بس زواااااااج .. أفهمي ياساااره ..

دمعت عيونهااا .. ياربِ .. ياربِ ..خلني انساه .. خلني أستوعب انه بس ولد عمي لاأكثــر ولاأقل ..!!

انسدحت على سريرها وقررت تناظر فلم في ام بي سي توو علشاان تنسى شوي .. بس على طووول سكرت التلفزيون وهي تتأفف ,..

ياليييييييل وش تحب بياان بهالأجااانب ..؟

\

بعد ســاعه ..

كانت بيان مندمجــه على فلــم .. مو حاســه بنفسها ..

مسحت دموعها يوم أنتهى الفلم .. حراااام البطلــه ماتت .. ليـــــه ؟؟؟

فلم بااااااااايخ .. قامت بعصبيه وطلعت شريط الدي في دي .. ورمته بقووه مع الأشرطه بأهماال .. ماتحب هالنهايات الحزيــنه ..

تحب ان البطل يتزوج البطله وخلااص تنتهي السالفه .. مو تموت او هو يموت ..

مع أنها ماتــصدق بشيء موجود أسمه (( حــب )) تعتبره بالأفلام والقصص فقط ..

لكن بالحقيقه ..!!!

أبتسمت بأستهزاء وهي تتخيل شكلها تغني مع حبيبها مثل الأفلام الهنديه ..

هههههههههههههههههههه ضحكت بقوووه مع نفسها كأنها خبله ..

وماحست الا بأحد يدق الباب .. حطت يديها على فمها وخدودها كعادتها حمرووو بسرررعه .. فشيييله شكل أحد سمع ضحكتي ..

أفتحت الباب وشافت ضي تناظرها بأستغرااب ..

بيان / وش فيــك تناظريني كـذا ..؟

ضي / مع ميــن تضحكي ..؟

حمرت خدودها أكثر وتلعثمت وهي ترد على أختها / لا مو مع أحد بس كذاا .. تخيلت ان عندنا بالسعوديه حب مثل الهنووود .. نرقص مع حبيبنا بالملاهي هههههه

ضي فتحت عيونها أكثر .. وقربت تلمس حرارة بيان / الظاهر هذه هلوست الحراره فيك حراره صدق ..

دفت بيان يد ضي بقوه وهي معصبــه / رووحي زين قال ايه هلوسه .. ياأختي حتى التفكير حراام ..؟

سكرت غرفتها من وراها .. ومرت بسرعه من غيــر ماتحس ضي .. رايحه للدرج تنزل درجتين درجتين .. وهي تغني أغنيه من أغاني مسااري .. لأنها تموت على صوته ..

ضي أستوعبت ان بياان نزلت وقالت بخووف / بيان وييييييييييين ؟؟

بيان ماهتمت لها ونزلت من درج الجهه الثانيه / برووح أشرب مويه ..

أختفت من عيوون ضي الي لساا ماتحركت مو قادره تسوي شيء .. ماتدري وش الي مسكها ..

ضي بصوت خاايف / بس ... بس .. وليــد تحت ..!!

قالتها وهي عارفه ان ماأحد يسمعها .. مشكلتها ماتحركت وصرخت علشان تسمع بيان .. شيء خلاها تسكت ..

\

توجهت على طول للمطبخ وهي مازالت تغني أغنية مسااري ((real love ))

شافت الخداامه تسوي قهوه وشاهي وأستغربت ..

بيان / لمين هذا ريكا ..؟

ريكا / مافي معلوم بابا حمد في كلاام سوي ..

كشرت .. شكل احد عندنا .. ليكووون عمووو بو وليد .. أبتسمت بونااسه غير طبيعيه .. تموووت بعمها هذااا ..

راحت تركض تدور على اهلها بالفله الكبيــره .. راحت للصاله الثانيه جهة الحديــقه ..

كانت مسويه قرنين .. ولاابسه بنطلون برمودا مع بلوزه علااقي ورديه .. طالعه كأنها بنت بالرووضه مع وجهها الطفولي ..

طلت بالصاله ماشافت أحد .. يوووه وينهم ..؟ يمكن بالمجلس الكبيــر ..؟ او المجلس الثاني من الجهه الثانيه .. تكيسلت انها تدورهم ,, يمكن مو عمي الي عندهم ..!!

فتحت باب الحديــقه بترووح شوي تاخذ هوى بالحديقه أحسن من تجلس دايم بغرفتها ..


بهاللحظه نزلت ضي من الدرج بشوي شوي بعد ماحست بعمرها .. وأنها لاازم تتحرك .. طلت بالصاله .. يؤ ؟؟ غريبه كانوا موجودين بالصاله ؟؟

وين راحوا ..؟


بيان بس طلعت للحديقه على طول توجهت لحوض الورود .. هي الي تسقيه كل يوم .. واااو رووعه الورود عند الغرووووب ..

ضحكت يوم شافت عصفوور نازل يشرب من الصنبور الي ينقط مويه ..

كلمته بصوت عالي (( وش تسوي ياقموووور هالوقت ؟؟ يالله رووح نووووم بسررعه بيظلم الوقــت ))

ناظرها العصفور بعد ماشرب مويه .. وهي تناظره مبتسمه .. بعدها راحت تركض تبي تطيره .,. خلااص المفرووض يرووح يناااام ..

شكلها كان مرره كيووت وطفوولي .. بس طاار العصفور رفعت راسها ومدت يديها تدور على نفسها وهي تضحك ..

حست بأحد يناظرها لفت تشوف مين .. وشافت شخــص طويــل يناظرها بأستغراب وهو رافع حااجب ..

مــاعرفت شتسوي غيــر أنها تركض بسرررررررعه وتدخل الصاله وتسكر الباب وراها بقووووووووه عجيبه ..كل البيت سمع صووت الباب ..!!

حست الدمووع تجمعت بعيونها وقامت تسيل على خدودها .. ياااربِ مين هذا ؟؟ حطيت يديها على خدودها الي صاروا ساخنين من الفشيله ..

وش ذا الفشيله ؟؟ بهاللبس وهالشكل في شخص غريــب شافني ؟؟

شافت أختها ضي جايه تركض لها .. ضي / بيووووووونه وش فيك ؟؟ وش في وجهك كذا محمر ؟؟ من شفتي ؟؟

كانت ضي تطرح اسئله وكأنها تعرف أجابتها .. ماردت عليها بياان وراحت تركض للمصعد ودخلته وضغطت على الدور الثاني بقوووه ..

ضي مستغربه ؟؟ وش صاار يعني ؟؟ يمكن شافها بس مو لدرجه يصير وجهها كذا ؟؟

راحت لمجلس الحريــم .. شكل أمها جالسه هنــاك .. شافتها تتقهوى .. وجلست معها تســولف ..

\

بالحديقه نادى حمد على وليــد ..

حمد / وليـــد تعال بسررعه لقيــت مكان الصندوووق ..

تحرك وليــد بخطووات واثــقه وهو مازال يفكــر بالطفـله الي شافها قبل شوي .. معقووله عمي عنده بنت صغيــره ..؟ أذكر ان أصغر وحده بياان وهي الحين يمكن بالـ 20 ان ماخاب ظني !!

وقــف وليــد عند حمد ومشاري وسطام وعــمه .,. يناظر للمكان الي يأشر عليه حمد ..

وليد يبتسم / متأكد ياحمد انه المكاان نفسه .. ماشاء الله الحديقه أكبــر بكثير من يوم أروح للخارج ..

بو حمد / ههههههه ايه دخلنا عليها أرضنا الي كانت فااضيه علشان نقدر نزرع كل شيء .. خابر مرت عمك تحب الزرااعه في البيــت ..

سطام / ايه والله مره اقترحت على أبوي نسكن بمزرعتنا ونخـلي البيت نزوره ايام العطل

وليــد / أجل انقلبت الأدوار

الكل / هههههههههههههههه

مشاري / يالله أجل وليــد خذ لك شيء من أغرااض الزراعه وأحفر هالمكاان وتشووف الصندووق الي دفنته انت وحمد من 15 سنه

بو حمد / مشاء الله تدفنون من ورانا وتوكم تقولون لنا .؟

وليـد / ههههههههه ياعمي كان عمرنا وقتها 14 سنــه وحبينا نسوي مغامره ..

حمد يهز حواجبـه / بس كانت فكرتك ياعبقرينوو صح ..

وليد / ههههههههههه للحين تذكر لقبي ..

حمد / وأحـــد ينســـــاه ..؟؟؟!

\

اليــوم الي بعده الساعه 5 المســاء /

مـاتبي تفكــر بالي صاار أمــس .. يوم قالت لضــي قامت تضحـك عليها ولاأهتمت .. قالت لها انه ولد عمها " وليـــد " وهالمواقف تصير لكل النــاس ,.؟

بس هي أول مره تصيــر لها .. يااااربِ فشيــله وش بيقول عنها ؟؟ اكيد بيقول انها متعمده ..

رجعت دموعها تتجمع بعيونها .. ياليتني اقدر اقول لسااره بس أعرفها بدال ماتهديني بتعصب علي لأني شفت حبيب القلب ..!!

تسندت على مخدتها .. وهي تفكــر بملامح وجهه .. كل الي لمحته انه طويـل وأبيـض وعيونه كباار .. وحواجبه مرفوعيــن بغرور وتهكم ..

باقي ملامحه ماقدرت تشوفهم لأنها على طووول دخلت الصاله .. لكن هو أكيــد شبع منها .. شكله من زماان جالس يناظر فيها ..

اوووووووف وانا وش ذنبــي ؟؟ هذا بيتنا وشيء طبيعي اروح لأي مكان فيه .. بدون ما أستأذن من أحد او اشوف اذا كان فيه أحد ؟؟

خلااص ماأبي افكر زيااده طول أمس جالسه أفكر .. لاازم اليوم أروح السووق أشتري ملاابس للعزومه وللعطله بنفس الوقت .. لازم أجدد

قامت من على السرير وطلعت من غرفتها وتوجهت غرفة جدتها .. من زمااااااان ماسولفت معها ..!!

دقت الباب وسمعت جدتها تقول لها تدخل ..

دخلت وسكرت الباب وراها .. وبسررعه جنونيه رمت نفسها بحضن جدتها الي جالسه على السرير تقرا قراان ..

ضمتها جدتها بيدها وحبت القراان الي كان بيدها اليمين وحطته ورجعت تضم بياان وهي تبتسم لها / أخباار دلوعتي اليوم

بيان بدلع / مشتااااااااااقه لك مووووووووووت مامي ..

ام محمد / يابعد عمري انتي .. ياجعلي اشووفك عرووس قولي آآمين

كشرت بياان .. وش جااب طاري العرس ؟؟

بيان رجعت لدلعها / ماااااااامي وش عرووسه ؟؟ توني صغيرونه بالعاايله بناات أكبر مني يصلحون للزواج ..

قرصت ام محمد خدها بشوي شوي / لا ابيــك انتي تتزوجي قبل ابي افـرح فيــك مو ضاامنه الحيااه يابنتي ..

بياان بخوف / اسم الله عليك يمه .. ان شاء الله يومي قبل يومك

ام محمد ضمتها أكثـر / هههههههههه بسم الله .. توك شباب انا كبرت وانا أمك .. ماللعمر مامضى .. وكل شيء من قضااء الله وقدره

بياان ابتعدت عن جدتها وجلست قبالها / ليه تقولين هالكلام يمه ..؟ توك ماكبرتي ومثل ماقلتي قضااء الله وقدره يعني مايهم العمر ..؟

ام محمد تهز راسها وتبسم / أكيد وانا امــك مايهم العمر .. بس مايمنع اني افرح فيك عروس صح ؟؟

بيان رجعت لمرحها / خلااص ولايهمك اكلم ابوي يخطب لي اليوم ههههههه

ام محمد / ههههههههههههههههه يالشيطونه تتطنـزي ..؟

\

مندمجه في برناامج بأم بي سي .. أسمه الملائكه الصغاار .. ماحســت بالي جالسه تناظرها من وراها ..

سمعت باب الصاله يفتح ويدخل فيــصل .. بس تعجبت يوم شافته تسمر بمكانه وينااظر وراها بأستغرااب ..!!

لفت تناظر وراها وشهقــت من الصدمه .. وقفــت بسرعه وهي تشووف مرام ماسكه شعرها على شكل ذيل حصاان .. ولابسه تنوره سوداا وبلوزه نص كم خضرااء .. كانت أبتسامتها أكثــر شيء جذبها .. مو مصــدقه هي بحلم ولا بعلــم ..!!

فيصــل هو الي تحرك وسكر باب الصاله ومشى بخطوات سريعه لمرام .. ومن غير أي كلمه ضمها بقوه لصدره ..

ماتحملت ساره هالمشهد .. وعلى طول بكت .. الدمووع هالأيام قريبه من عيونها بشكل غريــب .. وكأنها تبي تتعود على ذرف الدموع داايم ..

راحت جنب فيصل ومراام ..

وشافت دمعتين بعيون فيصل سالو على خده ..

بعـد فيصل مرام عنه شوي وبصووت كله حنان / ماتتصوري كيــف فرحتي بهاللحظه يوم شفــتك حسيــت كل الدنيا أبتسمت لي ..

مرام بصوت ناعم وسط دموعها / ياعمـري ياخوي والله مشتااقه لكم بشكل ماتتصوروه سامحوني .. الله يخليكم سامحوني عذبتكم معاااي ..

ماحتملت ساره كلامها وخذتها وضمتها بقوووه ..

ساره / انتــي سامحينا يامرام كل الي صاار لك بسببنا حنا ماقدرنا نسوي شيء ..

مرام تضم ساره بقوه أكثــر / لاتقولي كذا ساره .. الله يخليك لاتقول كذا .. خلااص قررت انسى .. كلماتك نبهتني ان الي جالسه اسويه أكبــر غلط بحياااتي .. لازم ما أجزع من رحمة الله .. لازم اعيـش حياتي وأحترم الي يحبوني ..

فيصل ماقدر يحتمل هالموقف / خلاااص ترى الحين انا الي بطيح وبصيح عليكم

ساره ومرام يمسحوا دموعهم وهم يبعدوا عن بعض / هههههههههههههه

ساره / أجل خلااص فيــصل الحيــن برووح عزوومة عمي وأنا كل سعادة الدنيا بقلبي .. لأن أختي بتروح معي

أبتسمت مرام / تقصدين رجعة ولد عمي وليـد ؟؟

فيصل رجع لطبع المزح فيـه / اوووووووف اثـرك جالسه تتسمعين علينا طول هالأيام ؟؟

مرام أبتسمت / هههههه لا بس صووتكم وااضح لدرجه أعرف كل الي صاار بهالثلاث شهور ..

نزلت ساره راسها يوم تذكرت ان مرام مسكره على نفسها ثلاث شهور .. أنتبهت لها مرام ..

مرام / ساره انا قلت بنسى .. بس بشــرط تنسون ..!!!!!

فيصل قرص سااره بقووه وهو يمزح / بـــس خلااص ماصدقنا على الله صاحبة السمو ترهف على حالنا .. ترجعين تذكرينها ..

ساره تمسح على مكان قرصته / آآآي ماذكرتها ياأخي أعبر عن شعوري

فيصل / تكفيييييييين ..

بهاللحظه دخلت أم متعب .. لفوا كلهم يناظرونها مبسوطيـن ..

ساره تكلمت بحمااس / يمـــــه وش رايك بالمفاجأه ؟؟

أبتسم فيصل وهو يناظر مرام تتقدم من أمها وبعيونها دمووع ..

مرام / يمــه أشتقت لك .. سامحيني يايمه ..

ناظرتها أم متعب بنظراات غريبــه / أسامحك ؟؟ ليــه وانتي وش سويتي ؟؟ بس فشلتينا بالنااس الي قاموا يودون ويجيبون بالكلام .. وفشلتينا بأهله ..!! وخليتي حيااة أخوانك عذااب وهم يفكروون فيــك .. جحدتي كل شيء سويناه لك .. وماهمك الا نفسـك ..!!

مرام ماقدرت تستحمل أنهارت وكانت بتطيح لو أن فيصل ما جاها يركض ومسكها وناظر أمه بعصبيه / يمه الله يهديك هذا وقتـه ؟؟ البنت تو ربي هاديها وعرفت انها غلطانه وان كل شيء صاار قضااء وقـدر وبدال ماتضمينها تعاتبينها ؟؟

ساره مسكت مرام / مرام قومي غرفتي ..

ام متعب / أضمها ؟؟ حنا ماعندنا دلع لبناات كباار .. الي قدها روابي وحلاا متزوجين ومستقرين وهي ...

ماقدرت تكمل لأن بو متعب دخل بهالوقت وهو ينااظر بمرام بأستغرااب ..

مرام عايشــه بعذااب بداخلها .. حتى يوم حاولــت تنبسط شوي وتنسى ماقدرت الدنيا حالفه ماتضحك لها من هي صغيــره ..

بو متعب / مرام ؟؟

ماردت عليه مرام .. كل الي سوته فكت نفسها من فيصل وساره وراحت تركض .. ترجع لغرفتها .. لسجنــها .. للي يقدرها ويعرف مقداار حزنها ..!!

\

رجعت غرفتها وهي تناظر السااعه .. يوووه الحيــن الفلم ابتدأ .. فلــم رعب تنتظره من ذااك الأسبــوع ..

قفلت الباب وراها وراحت تركض تشغل التلفزيون وحطته على mbc2 الحمدلله تو الفلم الي قبله ينتهي ..

أبتسمت يكفيها تجهز جوو الرعب .. توجهت لثلاجتها الي بغرفتها .. ممممم مافيه مويــه نسيــت لأجيب امس .. خذت بيبسي .. وجالكسي ومارس وتويكس وكل انواع الشوكليت الي تعشقه الموجود بالثلاجه ..

بعدها راحت لدولاب أفتحته وطلعت بطاطسات ليز وبرينجز وحلويات ..وحطتهم كلهم على السرير ..

خذت جوالها وحطته على الصامت .. بعدها تأكدت ان الغرفه مقفلــه .. وسكــرت اللمبات .. وااااااااو جو ولاأحلى ..

انسدحت على بطنها تناظر الفلم الي بدأ من اول مانسدحت وكأنه ينتظرها .. وفتحت البيبسي وحطته على عمود السرير .. وبدأت تفتح البطاطسات ..


\

طلع من المصــعد يصفــر .. ويناظر جواله .. اليــوم شبك بنتيــن مع بعــض ..

أحلــى شيء الثقــه بالنفس لاصرت واثقـ الكل يبيك .. أبتسم لنفسه بأنتصاار ..

وتوه بيدخل المفتااح بباب غرفته الا سمع أصواات عاليه جايه من غرفة بياان ..

توجه لها .. وهو يناظر ساعته .. الحيـن اكيد بدأ فلم الرعب الي غاثـتنا عليه من أيام الأختبارات ..

حط أذنه بالباب وهو يبتسم على خباال أخته .. وعشقها لأفلام الرعب .. يحس ان البيـت بدونها ولاشيء .. يمكن لأنها الصغيره ..

أو لأن طبعها حلوو .. هباال على حيااء على حنان على شقااوه .. أبتسم وهو يفكر .. وعلى طفوووله ..

دق الباب بالقوه علشان تسمع .. جاه صوتها الطفولي يدل على التمرد / ميــــن ماأبي ازعااج بلييز ..

رد عليها بصووت عالي علشان تسمع / هذا أنا .. مو متصله علي وقايله لي تبين تروحين السوق اليوم مع بنات عمك .. وتبيني أوديك علشان تكشخين فيني ..

بيان بملل / مشاري مررره أنت واثــق .. مو علشاان أكشخ فيك بس لاازم معنا رجاال نخااف لحالنا الكل يقول مشغوول .. الساعه 9 لما ينتهي الفلم بتشوفني واقفه عند باب سيارتك ..

أبتسم بأستهزاء / ان شاء الله عمـتي الساعه 9 بتشوفيني بالسياره .. يالله سلاام ..

راح لغرفته وفتحها ودخل وقفل الباب وراه ..رمى غترته بفوضويه على السرير .. مو مرتـب مثل حمد وسطاام هو عكسهم بكل شيء ..

هم كل همهم الشغل ويميزهم هدوئهم .. هو كل همه البنات .. ويميزه رجته .. آآه يمكن لأني آخر ولد .. رجع يبتسم لنفسـه ..

طلع من ثوبــه ورقـه .. ناظر فيها بمكـر .. طـيب .. طيــب اصبري علي ان ماشبكتك ماأكون أنا مشااري ولد أبوي ..

ماعندي شيء أسمــه تحدي انا ..!!

رمى الورقـه على السرير وراح يغير ثوبــه يلبس بدلــه وحاط في باله ان يسوي شيء .. وماراح يتراجع عنـه ..

\

\

نهــاية الجزء الرابــع ..

\

فيــصل الي قـال ان الدنيــا كلها أبتسمت له يوم شـاف مرام ..!! مايدري ان الدنيــا بتبدأ لعبتها على العايـله ..

أحــداث بدأت بالظهووور .. وان شاء الله بتبدأ بالوضوح بالأجزاء الجايــه ..

\

>> الجـــزء الخامــس <<

\

نزل من سيـارته بخطوات واســعه متوجه للبحــر ..

ماسكـر حتى باب سيارته من حالة التفكير الي هو فيها ..

وقف قريـب من البحر ورفع رجله اليمين يسندها على حجر .. حط أحد يدينه على ركبته الي رافعها الحجر .. ويده الثانيه مررها بشعره .. كان شكله " هيبــه " طويل وعريض ولابس بنطلون جنز يبين رشاقته وبلوزه سوداء نص كم بينت جسمه الريااضي ..

مروا عليه بناات متلثمات وكل وحده تناظره من فوقه لتحته .. خزهم على جنب .. ماهو ناقص بالسوق يفتك منهم ويجونه هنا ..

ماهتم فيهم وكمل تفكيـره .. بيدخل الـ 30 سنه ولسا ماتزوج .. ولاازم يتحرك ويخطبها قبل ماأحد يخطبها .. البنت حلوه وهي صغيره كيف الحيــن ..؟!

صديق عمره ولد عمه وليـد ورجع .. وش ينتظر بعد ؟ لازم يطلع نفسه من الي هو فيـه .. الكل يظنـه غامض وجدي بكل الأوقات .. وهو السبب الي خلاهم يقولو عنه كذا .. يمكن لو تزوج ترجع البسمه لوجهه .. وبيان تغــير حياته .. رفع راسه يناظر السمااء .. وسمع وحده من البنات تكلم الي معها ..
بدلع ومياااعه / يااااربي وش ذا الطول وش ذا الزين .. بنات عمركم شفتوا شاب ثقيل مثل كذا .. تراني خقييييييييييييييييييييييت

البنات / ههههههههههه على هووووونك ..

التفت عليهم ومشى بجرأه تجاهم .. البنات قاموا يناظرونه مستغربين وش فيه جاي لهم ؟؟؟

وقف قباال البنت الي تكلمت .. مباشره وعيونه بعيوونها .. كان رافع حاجب ونظرته حااده مثل الصقر ..

مايفصله عنها الا خطوه وحده بس ..!!

فهد بغرور / يحق لي اصير ثقيل .. وأنا أشوف البنات هم الي دايم ورااي .. (( ناظرها من فووق لتحت )) بس ماأنتي من النووع الي يعجبني .. نصيحتي لك روحي السووق وتنقي الي يناسبك ..

أبتسم بأستهزاء زادت من جااذبيته .. ولف راايح لسياارته البي ام دبليو ..

شــب وجه البنت نااار وماكان لها وجه حتى تلتفت وتناظر صاحباتها الي سكتووووو وشكلهم ماصاروا يتنفسوا بعد ..

رفعت راسها وتكلمت بصوت عالي والدموع بعيونها / مابعد انولد الي ماتعجبه هيفااء بنت خالد الـ ,,, .. مابعد أنولــد ..!!

سمعها فهد وهو يركب السيااره .. وقبل مايسكر الباب قال بصوت أعلى وبكل ثقه / الي ماتطوليه بيدينك وصليه برجولك يابنت خالد ..

سكر الباب ومشى وهو مو مهتم .. ماعطاها حتى نظره .. لأن هالتهديدات ماتمشي معه .. ماهددوه الرجال تهدده بنت ..!!

هيفاء بسرعه / رناا خذي رقم سياارته .. بسرررررررررعه ..

رنا / طيب ..

حفظت رنا رقم سياارته وهو ماشي بعدها طلعت جوالها وأكتبته علشان ماتنسااه ..

رنا وهي تكتب / 444 ف ه د .. هذا شكله كاتب أسمه الأخ ..!!

وحده من البناات / شكله بطرااان ياهيفاء .. لايهمك كلامه ..

هيفااء تناظر مكان سيارته / بطران مو بطران مايهمني .. المهم أنتقم منه .. مغرور حقيـر .. أنا بنت الوزير آخر عمري يحاكيني واحد كذا ؟؟

/

(( جــــــــــــاهـــــــــــزهــ )) ..

هالكلمه هزت البيت هز من قوووة الصرخه ..

سمعت فوووق باب ينفتح و أحد طلع منه يركض لعند الدرج .. وبنفس الوقت أنفتح باب ثااني وطلع أحد منه متوجه للدرج ..

مشااري بصووت عالي وهو واقف عند الدرج / وجــع يوجع العدو ان شاء الله .. بيــان ماتعرفي تدقي باب غرفتي وتقوليها بهدووء ..؟

ضي من وراه وبصووت يدل انها خافت / وش صاااير ..؟ وش فيها ..؟

بياان تكتفت .. وردت عليهم بدلع / وش اسوي الساعه 9 و 15 دقيقه وانا لي ربع ساعه واقفه عند السيااره .. وش يرجعني فووق ..

مشااري عصب / لو أن جدتي ولا امي وابوي بالبيت ماكان خافوا الحين ؟؟

بيان طقت برجلها الأرض بدلع / ياااربي وقت محااضرات مشااري .. أدري ان اهلي مو موجودين بس انت وضي .. يلااااااااا تأخرناااا أنزلوا ..

ضي رجعت غرفتها وهي تتحلطم / ياليييل هذا نتيجة الدلع .. في النهايه بتقتلنا ذي ..

مشاري / يالله ضي البسي عبااتك بلبس ثووبي واخذ مفتااح السياره وجايكم تحت ..

ضي / أن شاء الله ..

\

جلــس على الكرسي بالعيااده تعبااان .. اليووم مصدع من كثــر الشغل ..

ناظر ساعته لقاها الساعه 9 وربع .. يالله الحين بيرووح الشركه وبيحصل شغل أكثــر .. مايرتااح أبد كل عمره بهالشغل ..

مرر يدينه بشــعره .. و رفع رااسه وهو يسنده على ظهر الكرسي .. جلس يتذكر ويرسم عيونها وملامحها بخياله .. يحس أنها ساحره ..!! مره شافها وعشقها كذا ..؟

لاازم أسأل بيان عنها .. أكيد بتعرفها .. بس فشيله كيف أوصفها لها ..؟ بتظن اني متعمد أناظر فيها ..!!

نبهه من تفكيره صوت دق على الباب ..

رد / تفضــل ..

دخلت ممرضه مبتسمه / مساء الخير دكتور حمد .. آسفه على الأزعاج ..

وقف حمد / مسااء النور .. لا عادي مافيه أزعاج .. تبــين شيء ؟

الممرضه بتردد (( ياااربي وش أقول الحين ..؟ أقوله اني أشتقت له لأني ماشفته اليووم .. لاحوول والله الورطه )) / ..

حمد / نرس حيااه ؟؟ وين سرحتي ؟

حياه / أ .. دكتور ماأدري وش أقولك بس .. بس (( جاء على بالها شيء وعلى طول قالته )) ودي انك تنقلني من القسـم الي أنا فيــه لهالقسم ..

حمد أستغرب / ليه نرس ..؟ فيه أحد مضايقك .. ؟

حياه (( لا بس ابي قربك )) .. / لا مو علشان كذا .. الدكتور خالد مايقصر .. لكن ودي أجي هالقسم علشانه أقل ممرضات وودي أشتغل أكثر ماأحب اجلس كذاا ملل ..

أبتسم حمد .. وقلب حيااه قام يدق طبووول (( واااااااي يجننن يهبل .. شخصيته حلووه .. كل شيء فيه حلوو ))

حمد / وليه ماتقولي لدكتور خالد .. ولاتستحي ..

نزلت حيااه راسها / هههه مثل ماقلت أستحي منه أخاف يظن اني متضاايقه من قسمه ..

حمد / خلااص أعتبري نفسك منقوله من بكره ..

حيااه وقفت وأبتسامتها ماليه وجهها / تسلم دكتور .. الله يخليك لنا .. يالله أخليك الحين (( ودي أجلس معك طول العمر بس وش نسوي نخااف تتضايق )) ..

حمد / الله معك .. وأي شيء تبينه لاتترددي تقوليه ..

هزت حيااه راسها وطلعت .. أما الدكتــور وقف علشان يروووح شركة ابوووه وراه عمل هناك ..

كان يمشي ويلم أغراضه لكن بــاله وفكره مع البنت الي صدم فيها ...!!

\

بمجمع الـظهران مول .. (( بالجلسات )) ..

سااره معصبه كعادتها / يااااااااااربي وين اسيلووه تأخرت .. يعني نجلس ننتظرها الآنسه لما تشرف .. خلونا نتسوق ..!

ضي / أنتظري اتصلت عليها .. هذا هي جايه بالطريق ..

تهاني / طيب خلونا ندخل على الأقل محل الشــنط باخذ لي شنطه ..

بيان /يعني تاخذي شنطه وانتي ماتعرفي لوون البدله الي الي بتلبسي ..

تهاني / لا مو شنطه للعزومه .. شنطه ابيها للسوق ..

مشااري وهو يجلس جنب ضي / قصروا صوتكن .. صدق البناات ماينعطن وجه ..

غلا برجتها وهي تنااظر البناات الي بناظرون في مشااري / من قدك ياولد عمي صااير كأنك عارض الأزياء البنات يناظرون فيك ..

مشاري بغرور رافع خشمه / أسكتي وحده مسكتني تقولي انت عادل محمد ..؟ قلت لها ليه شايفتني شيـن لهالدرجه .. طاح وجهها مسكينه ..

بيان عصبت .. لأن عادل محمود مطربها المفضل بعد راشد الماجد / لااااااااا كل شيء ولاعادل محمود ..

ضي / والله صادقه يامشااري .. الكل يقول انك تشبهه حتى أبوي ..

مشاري يعدل شماغه / عاد هذا مشكلتكم .. بالنسبه لي انا احلى بكثيير .. (( قالها وهو يناظر من طرف عينه البنات الي جالسين جنب طاولتهم ))

وحده من البنات بنعومه وجرأه / أحلى بكثير ياعمري ..

بيان شهقت ولفت وراها تناظر بالبنت معصبه ..

ساره وهي معصبه بعد / صدق بنات مايستحوون .. ماتربوا عدل ..

مشاري وقف بطووله / وش عليكم منهن أنتن ؟ بروح اجيب لي كوفي أحد يبي ..

بيان / أنااا .. جيــب لــ ..

قاطعها مشاري / آيس موكا أعرف ..

البنات / ههههههههههههه

بيان رمشت بدلع / يابعد حيي خيوو دارسني درس ..

مشاري / هههههههههه اووص بس .. وأنتن بنات وش تبـن ؟؟

ضي / الحين أسيل بتجي وبنبدأ نتسوق لاتجيب لنا شي ..

مشاري / اوكيك ..

راح مشااري وجلسوا البناات يسوولفوا ينتظروا العله على قولتهم أسيل تشرف ..

بيان كانت جالسه وظهرها للمحلات .. وقبالها ضي وتهاني .. وجنبها على اليمين ساره .. وعلى اليساار غلاا ..

ضي / وأخيييييييييرا وصلت العروووس ..

لفوا البناات يناظروا أسيل وهي جايه تمشي عندهم مثل ماوصفوا لها ..

غلا وهي تضرب تهاني بكووعها / بنااااات تهاني .. واااااااااي شوووفوا الرجال الي وراها عذااااااااااااب ..

كانت تتكلم بشكل هستيري .. أول مره غلا تمدح برجااال ..

ناظروا تهاني وضي وساره ورا أسيل يبون يشوفون الي تقول عنه ..

وبياان لفت تنااظر معهم ..

ضي وتهااني / واااااااااو ..

تهاني / عذااب صدق ..

ضي / هذا من وين طااالع ؟؟ هذا سعودي ..

غلاا / وش رايكم ياهبلاات ..

بيان التفت لهم / اووووووص اووووص فضحتونا من متى تهتموا انتوا لجمال الرجال غير الي بالتلفزيون ..

غلا / غبيييه انتي هذا عذاااب ماتفهمي معنى عذااب ..

التفت على ساره تبي تتحمد على ضي وتهاني وغلا .. بس أسكتك يوم شافت عيون ساره من البرقع .. كانت عيونها تلمع وشكلها معصبه على البناات من قلب ..

شافت بيان .. بعيون ساره نووع من الغيره .. ولاشعورياً التفت على أسيل مره ثانيه ..

وحطت يديها على فمها تمنع شهقه تطلع منها .. مثل ماتوقعت .. أسيل مسكت يد الرجاال وهي تأشر عليهم .. يعني انها لقتهم ..

عرفت الحين وين شافت هالعيوون فيــه ..!!!

ضي وهي تشهق / يااااااحسره طلع يعرف أسيل ..

غلا بغباء مو مصدقه / هاااه من هذاا ؟؟

تهاني / بلا غبااء انتي وياها .. أكيد هذا وليــد ..

التفت بيان بسرعه على ساره ..

ودق قلبـــين بقوووه بهاللحظه .. دقوا بشكل سريع ..

لكن كل قلب دقاته لها معنى غير ..

قلب ساره .. شووق .. حب .. عشق .. هياام ..

قلب بيان .. خووف .. وفشله .. تذكرت ذااك اليوم .. بسرعه نزلت الغطااء على عيونها .. ماتدري ليه سوت كذا .. لكن ماتبي وليد يعرفها فشييييييله .. فيها أمل انه ظنها وحده ثاانيه .. ملامحها تغيرت ويمكن ماعرفها ..

قربت أسيــل منهم ورفعت يدها تسلم / السلااام عليــكم .. سوووري أدري تأخرت .. قبل ماتقولون .. لكن بالموت حصلت أحد يوديني .. الله يخلي لي خيوو وليد بدأت منفعته ..

وليد مبتسم على كلام أخته .. تكلم بصوته الرجولي / السلام عليكم .. أخباركم بنات عمي ؟

البنااات أرتبكوا من صوووته .. غصب عنهم يرتبكوا ..

وكأن عبدالمجيد عبدالله مسوي أغنية (( هيبــة ملك )) خصيصاً لــه ..

(( لأن لطلتك هيبــه كما هيبة ملك .. أنا في حضرتك ماأملك الا أرتبك )) ..

البنات ردوا بهمس / وعليكم السلام ..

لكن غلا كيف تقدر تمسك دفاشتها وجرأتها / مو كلنا بناات عمك أنا وأختي بنات خال بنات عمك ..

البنات طاح وجههم من هالعله الي معهم ..

وليد مسك ضحكته / لااا أجل بنت خالهم .. تشرفت بمعرفتك ..

تهاني ضربت غلا بكوعها بقوووه ..

غلا / آآآآآآي وجع تهانوه أنا وش قلت ..

نزلت تهاني راسها من الفشله .. هالبنت خبله فوق اللازم ..

وليد / أجل وين مشاري .. هو ماجابكم ..؟

ضي / الا بس راح يجيب له كوفي ..

وليد / ايه طيب .. ياخوفي راح يدور له على حب جديد أعرف ولد عمي ماتغير لما الحين ..

أكتموا البنات ضحكتهم .. أما أسيل وغلاا ماتوا ضحك ..

مشاري من ورا وليد / لا ادور على حب جديد اجل ..

وليد / ههههههه وأنا صادق .. اجل تخلي البناان لحالهم كذا ؟؟

مشاري وهو يسلم على وليد بالخد لأن يدينه ماسكه الكوفي والموكا/ ياخووي المجمع زحمه ماأحدن بماكلهم ..

لف مشاري على بيان / بياان هذا الموكا ..

ياااربي مشااري لازم تقول أسمي يعني .. خذته منه بيد مرتجفه ..

غلا / الحين بيان وساره وش سالفتكم أختفى لساانكم .؟

خزت ساره غلا يعني أنطمي ..

أسيل / يالله بنااات قوموا نتسوق تأخرنا كثير ..

قاموا البناات وبيان ناظرت وليد من تحت الغطاا الي على عيونها شافته يناظر فيها .. يوووووووه ياااربي ليكون عرفني ..

قلبها خلااص وصل حده شكله بيووقف ..

مشاري مستغرب / وش ذا الغطاء بيان (( بأستهزاء )) يالبى قلب أختي تطوعت ..

ماردت عليه بياان تخااف وليد سمعها ذااك اليوم ويعرف صوتها لو تكلمت .. مشت مع البناات .. والبنات مثل مشاري مستغربين .. وش سالفتها ..؟

/

جالسه تغســل الصحوون وهي مبرطمــه .. وطبلون العصبيه واااصل لآآخر شيء ..

دخلت أختها لجين عليها / شيمااااااااء فيه بنت على التلفون تبيــك ..

شيماء وواصل حدها بتذبح اي احد يكلمها / أووووووووووص ولا كلمه ولك عين بعد تحاكيني ياقليلة الحياا ياعلـــه ياحمااااااره ..

لجين تروعت / يوووه بسم الله وش فيك انتي .. ماقلت شيء .. هذا جزااي اقولك ان فيه احد يبيك على التلفون ؟

شيماء / لا ماابي منك شيء .. مو كفاايه خليتي كل اللوم علي .. وخليتي أمي تعصب ..

لجين / طيب انتي صدق المخطئه .. يعني انا صدق خوفتك بس مو لدرجة تصرخين كذا .. قومتي خالي من النوم وهو بالموت ناايم جاي من السفر ..

رمت شيماء الفنجاان معصبه / لا والله يعني تلبسين قنااع وتخوفيني بالليل وتبيني اضحك لك ؟؟

لجين ببرود / طيب خلااص ماصار الا الخيـر ..

شيماء عصبت زيااده ودفتها وهي ترووح الصاله علشان تكلم / ماصار الا الخير ياحمااره وأمي عاقبتني أشين عقااب بالدنياا .. أغسل الصحوووووون .. أنااااااا شيمااء آآخر عمري أغسل الصحوون .. والخدم وش مهنتهم ؟؟؟

تحمدت لجين على خباال أختها وقلدتها بصوت عالي / اناا شيمااء اخر عمري أغسل صحوون ..

جاها صوت شيمااء تصاارخ من الصاله / لجيييييييييييييييييييييييييييييييين

لجين / ههههههههه سمعتني يمه ..

\

بالصاله ..

مسكت شيماء السماعه / الووو ..

/ السلام عليكم ..

شيماء بحمااس عرفت الصوت / هلاااااااا والله وعليكم السلااام .. هلااا بشعووولتي .. وينك يالقاطعه ..

مشاعل / هههههه موجوده والله .. الريااض حرمتنا من شووفتكم ..

شيمااء / ياقلبي انتي مشتااقين لك مووت .. قبل كم يووم بيان وعبير يسألوني عنك ..

مشاعل / بيان وعبيررر .. مشتااااااااااااااااااااااقه لهم بشكل ماتتصوري مشتااقه لهبالهم ..

شيماء برطمت / وانااا ..

مشاعل / هههههههههه عاد انتي غييير .. انتي الكل بالكل ..

\

ماباقي محل مادخلوه داروا على المجمع بكبره ..

مشااري / اوووووووووووف عطيناكم وجه ترى .. شوفوا مكياجي آخر محل تدخلوه بعدها على البيت مو حلااوه السوق ترى ..

وليد كان يمشي مو مهتم يتفرج على الأغراض / هد ياخوي .. تعرف البنات انت مع السووق مايخلصوا الا بعد مايطلعوا روحنا ..

مشاري / طيب هذا أنا وانت شرينا لنا ساعه وعطر .. ماخذنا خمس دقايق حتى ..!!

ضي وهي تدخل مكيااجي / البناات غير ..

مشاري يستهبل / يالبى قلب البناات ..

وليد / هههههههه حتى وانت معصب ..

/

حلا / لا لا لا لا لا ثم لااااااااا .. غشاااااااااش أكبر غشاااش على وجه الأرض ..!!

ثامر بخبث / انتوا يالبناات اذا أحد غلبكم باللعب صاار غشااش ..

رمت حلاا اوراق الأونو / ايه غشاااش .. اول شيء تقول مافيه دبل .. والحين فيه دبل لااااااا وألف لااااااااا .. ماراح العب معك مره ثانيه ..

جات بتقوووم من الأرض بس ثامر مسكها وجرها بحضنه / يااابعد كلي انتي .. خلااص انتي الفاايزه بس حبيب قلبي مايزعل ..

حلا بدلع / لا تحااول تغش وتبيني اسكت لك .. وخر عني بشووف سعود يمكن قاام من النوم جاايع ..

ثامر وهو يضمها من ظهرها / لساا ماقام مانام الا من ساعتين خليه .. أبي الجووو لي .. أبيك لي وبس .. حلا ثامر وبس .. لا سعود ولا غيره .. اووووووووكي ؟؟

حلا حمر وجهها .. ثامــر دايم رومانسي حتى عند اهله يفشلها برومانسيته / ثااامر خلااص ..

ثاامر بهمس / حلااا

حلا بهمس مثله / هلا ..

ثامر / أحبـــك ..

حلا تلتفت عليه تناظره على جنب / وانا كماان ..

ثامر / ههههههههه بتسوين لي أغنيه يعني ..

حلا قامت من حضنه ورااحت جلست على السرير / وانا احبك ..

ثاامر يحرك حواجبه / يعني ماتقولينها وانتي عندي ..

حلا بدلع / لااااااا ..

ثامر / متأكده ..؟

حلا / يسوووووو ..

ثامر وهو يوقف / جواب نهااائي ..

حلا عارفه انها مو قده بس تحب التحدي / قلنا يسووووو ..

جاء عندها وشالها على يديه بلمحة بصر .. صرخت حلاا / لاااااا ثامر وش تسوي .. ثقيله عليك ..

دار فيها ثامر وهو يضحك وهي تصاارخ من الخوف ..

ثامر وهو يدوور وتنفسه سريع .. صرخ / أحبــــــــــك ثم أحبــــــــك ثم أحبــــــك ..

طاحوا ثنينهم على السرير وحلا تضحك وهو يبتسم ويتنفس بسررعه ..

قرب من عندها ومسك يدها / حلاا .. تدرين ..

حلا / هممم ..

ثامر / أحس الدنيا بدوونك ولاشيء .. مالها معنى ..

حلا جلست على السرير ونزلت راسها .. صار وجهها مقاابل وجهه .. وشعرها الأسود الي يوصل لخصرها طااح على وجهه ..

شم ريحة عطرها وقلبه يدق بحبها بعشقها ..

حلا بصووت كله حب .. صوت هاادي .. مايمكله الا العااشق / وانا أحس نفسي بدوونك جسد بلا رووح ..

أبستم لكلامها .. كل دقيقه يحبها أكثــر .. من كثــر مايحبها .. يتملكه خووف انه يفقدها .. كل يووم يمر عليه يخااف انه يفقدها .. ليه ..؟ كل هذا من الحب .. من حبــه لزوجتــه وبــس ..!!

/

ضي / خلصنا كل شيء .. بس بااقي لي انا وبيااان وساره كم شغله بكره نرووح نشتريها من الرااشد ..

مشااري / لا والله ؟؟؟ كل هذا اربع ساعات ونص وماخلصتوا حضرتكم ؟؟

ساره وعيونها على وليد / الله يهدااك وش نسوي .. العزيمه بعد بكره .. لاازم بكره نخلص أغراضنا .. الحين المحلاات بدأت تسكر ..

غلا / يووه صدق ..

مشاري / لا توهم يحسوون بالوقت الخواات ..

وليد بهوودء وجد / طيب حصل خيــر .. بكره خل حمد ولا سطاام يجيبهم ..

مشااري / فاضين لهم .. دايم مشغولين هم ..

سااره / خلااص انا امر عليهم مع واحد من أخواني ..

مشااري / يالله قداامي اشووف ..

مشوا البناات لايعصب عليهم .. عارفينه اذا عصب مايعرف لا أخو ولا عدو ..

أبتسم وليد على سلطة مشااري ومشى بهدووء معه ..

وليـد / تصدق من زمااان عن لمة العاايله .. لو أني مو مشتااق للتسوق مع خواتي .. كان انا عصبت قبلك .. من أول دقيقه ..

مشاري / ههههههههه بتطـفش ياولد عمي .. لحد ماتتمنى ترجع نيويورك ..

وليد / يارجاااال ماصدقت رجعت السعوديه .. ارجع لها ..

مشااري / ههههههههههه

وقــف وليــد فجأه / لحظه ياجمااعه ..

التفتوا البنات مع مشااري ..

أشر وليد لطاوله جالس عليها رجالين ..

وليد يكلم مشاري / مو كأن هذا فهــد ولد عمي ..؟

مشااري يناظر لمكان ما أشر / ايوا والله هذا فهد .. (( التفت للبنات )) وقفوا هنا .. بنرووح نسلم عليه ..


راحوا وليد ومشاري .. كان فهد جالس على الطاوله يكلم بالجوال .. وصديقه يشرب كابتشينو ..

فهد / طيب خلااص ناصر اذا لقيته أتصل فيني ........ الله معك ..

سكر منه وهو ينااظر جواله .. وسمع صووت مشااري / السلااام .. صدفه خير من ألف ميعااد ياولد عمي ..

وقف فهد مع صديقه وهو ينااظر في وليــد الي معه / عليكم السلام .. هلا بعيال عمي ..

سلم عليهم وسألهم عن أخبارهم .. وسلم صديقه عليهم وأستأذن من فهد بيرووح ..

فهد / وش تسوون مع بعض هنا ..

مشاري / مع البناات جايين يشتروا يقالهن العزيمه الي بيسويها عمي لوليد كبيره لازم يتكشخن زين ..

وليد / البنااات ورطه ..

فهد بجديه / الله يعينكم .. المفرووض ماعطيتوهم وجه ..

مشااري / حراام عليك .. نعطف عليهن مو مثلك ..

فهد بدون أهتمام / صدقتي البناات ماينعطون وجه ..

وليد وهو يعدل شماغه / بتتزوج .. وبـيـبـتليك ربي بوحده تموت بالسوق عقااب لك هههههه ..

تذكر فهد شيء على طااري الزوااج والتفت يدور البناات / أجل وينهم .. ليه مخلينهم لحالهم ..

مشاري / شوفهن بالزااويه نناظرهم حنا .. ماراح يجيهن شيء ..

فهد / وأختي ساره معكم أول وحده أكيــد ..

مشااري / هههههههههه صادق اول وحده مرينا عليها .. وطلعت بسررعه ..

فهد / يالله أجل أنا بوصلها برجع البيت الحين ..

مشاري / يالله تعال ..

راحوا لمكان البنات ..

تهاني تهمس لضي / ضوويه لاتطلع عيوونك .. دارين انه حبيب القلب بس مو كذاا ..

ضي ضربت تهاني على كتفها / وجـــع لا أحد يسمعك أسكتي ..

بياان / وش تقولون هااه ..

غلا نطت / اييييييييه الحين طلع لساانك طول الوقت تهمسين وش سالفتك كله حيااء من ولد عمك ..

بيان طااح وجهها عند البناات / ماالك دخل ام هلال .. أتكلم اهمس شيء راجع لي ..

قامت الهووشه طبعاً عندهم ونسوا مشاري وفهد ووليد الي جايين لهم ..

تهاني وضي / بسسسسسسسسس فشلتونا ..

ساره / الحمدلله يااربي ..

وصلوا الشباب عندهم وسمعوا غلاا ..

غلا بعربجيه / هالبياانوه الهبله طوول الوقت عااقل والحين طلع لساانها مع هالغطوه ..

رفعت بيان غطوتها بدلع عن عيونها وتكلمت بصووت ناعم تقهر غلا / ياااربِ ادري انك مشتااقه لعيوني الحلوه (( ورمشت بعيونها بدلع وهي ماتدري عن العيون الي تناظرها )) بس تحملي .. بغطيهم داايم اذا جيت اطلع علشاان ما أحد يصكني بعين ..

غلا / تكفييييييييييين ..

ساره أنتبهت لأخوها وعيال عمها / خلااص جاوا الشباب ..

التفتوا البنات يناظرونهم بفشيله .. وغلا سكتت وهي تخز بياان .. اما بيان التفت وطااحت عينها بعين وليــد .. الي كان يناظرها بنظراات غريبه بعيونه الواسعه .. على طول ولاشعورياً غطت عيونها .. وشافت وليد يرفع حاجب يدل على الأستغراب ..

مشاري / هيييييه انتن مجانين تتهاوشن عند الكل يالله قداامي ..

بيان ماقدرت تمسك ضحكتها وهي تشووف البنات متفشلات / ههههههههه ..

غلا ونفسها تتحرش / فيه شيء يضحك آنسه بياان ؟

ماهتمت بيان لها .. ونست حياها من وليد وفهد .. ومشت بدلع وغرور ..

عيوون فهد ماطاحت على غيرها .. مايدري كم عدد البنات كل الي شاف عيونها .. خيااااال ..صارت أحلى من قبل .. كل الي سمع صوووتها الناعم .. دلعها .. دلع طفولي .. من حقها تدلع اذا صارت عندها هالعيوون العذااب .. حس انها ملكه .. ملكه هو وبس .. لاازم يتصرف بعد العزيمه على طووول بيخطبها .. يبي الدلع يصير له هو .. يبيها تدلع عليه .. وش صاار له .. وين الهيبه والشخصيه .. رااحت قداام الحب ؟؟

مشى معهم .. وعيونه عليها وهي تضرب البنت الي تتهاوش معها على كتفها بدلع ..

وليــد كان بمشي وهو مبتسم .. العبي على غيري يابيان .. كل هذاا حيااء ..؟ مستحيه ماتبيني أعرفك من صووتك وعيونك .. الي عرفتهم بالحديقه ..؟

لا .. انا عرفتك من أول ماشفت طولك .. من أول ماشفت بيااض يدينك .. وااضح يابنت عمي .. لكن غريبه شكلك طفله عمرها 10 سنوات بغض النظر عن طولك .. ؟ كمل أبتسامته وهو يناظرها تنزل من الدرج بدلع .. وش سالفة دلعها هالبنت ؟

/

اليوم الي بــعده ..

ضي / يبـــــه هالسنه لااازم نســافر مو مثل ذيك السنـه ..

بو حمد / أبشرري بنساافر بعد ماتطلع نسبة بياان ..

ضي / يوووووه ذبحتونا مع هالبياان ..

بيان بدلع / ممممممم موتي قهــر خيتوو .. (( قامت باست ابوها على خده وضمته )) اساساً بابي ماراح يسفركم بدون موافقتي ..

ام حمد / وحده واااااااااثقه الأخت ..

بيان / مامي من متى انا خيتك ..

بو حمد / هههههههههه اركدي بياان .. اسمعوا هالمره رااح نساافر كلنا ..

ضي وبيان مافهموا / كلنـا ؟؟؟

بو حمد وهو يهز راسه / اقصـد عمامكم وخالكم صالح .. اتفقت أنا معاهم .. هالمره لاازم نساافر كلنا .. علشان وليــد يشوف عايلته من زماان عنهم ..

ضي / يا أنتوا دلعتوا هالولييييييييييد ..

ام حمد خزتها / ضي ..!!

ضي بملل / سوووري ..

بيان / طيب بابي وين بنروح .؟؟

بو حمد / لحد الحين ماقررنا بس يمكن نروح مصر ..

ضي وبيان / وناااااااااااااسه ..

/

غلا وهي تناظر التلفزيون / تهاني ..

تهاني وهي تقرأ / همممم ..

غلا / عندي كلاام كثيــر ودي أقوله لك ..

تهاني ناظرتها / كلام كثــير ..؟

غلا هزت راسها وهي توقف / ايـه .. لكن مو اليووم بعد بكره .. بعد العزومه ..

راحت عنها .. وتهاني علامات الأستفهام فوق راسها .. وش سالفة البنت متغيره علي ..؟

/

جالسه على السرير تكلم واحد من الي تعرفهم ..

بصوت كله غنج / اقوول تراني مليت من صوتك تبي شيء الحين .؟

رد عليها صوت خشن / اوووف ابووووووووووك يا الصراحه ..

ردت عليه / يالله عطيتك وجه ترى اخلص علي .. باي ولا عاد تتصل مليت منك بغيرك ..

سكرت بعصبيه .. اووووووووف ماينعطوون وجه صدق ..

ماحست الا بباب غرفتها ينفتح بدوون أستئذاان ..

عصبت / خييييييييير ..

ناظرت في أختها القصييييره .. وبجسمها الملياان .. وشعرها بووي أسود فيه خصل زرقااء ..

دخلت وسكرت الباب وراها ومشت بغرور ماينااسب طولها / اقول هاجر فكينا من تماسيحك وقومي العشااء ..

هاجر / نعم نعم نعم .. أقولك انتي المفرووض ببيت زوجك ياآنسه منى .. مو كل يووم جايـتنا ومخليه بنتك تكسر أغراضنا ..

منى / والله رنداا عااقل وماكسرت شيء وبلا كلام فااضي قومي الحين أمي أتصلت بسامي وهذا هو جااي بالطريق ..

هاجر بأستهزاء / أجل جااي بالطريق .. لي أسبوع ماشفت هالأخو .. مسكينه زوجته تعذبت معه .. الحمدلله انها هربت وراحت حبست نفسها بغرفتها أبرك لها من مقاابل هالسكير ..

منى عصبت / اقووول أحترمي نفسك هذا أخو الكبير وقوومي قبل ماتعصب أمي ..

هاجر وقفت معصبه / انا الي عصبت مو أمك .. فكينا منك ومنها وأطلعي ..

منى وقفت جنبها / صدق قليلة حياا ماربتك امي زين .. الله يعين الي بيااخذك (( مشت بتطلع من غرفتها والتفت لها قبل ماتسكر الباب )) (( بأستهزاء كملت )) هذا اذا فيه احد بياخذك ههههههاااااااي

سكرت الباب .. وخلت هااااجر شااااااابه ضووووووووو من العصبيه .. راحت تركض أفتحت الباب وأنزلت لهم ..

شافت منى وأمها ورندا جالسين على التلفزيون .. قرت منهم وأشرت على منى بتهديد / أسمعي تراني أحلى منك الف مره .. مو كل مره تجينا تغثيني بهالكلام .. ومو معنى انك تزوجتي انك حلوه .. لاا ياأختي نااظري نفسك بالمراايه بعدين تكلمي ..

منى بعصبيه / يمممممممه سكتي بنتك لاأكفخها لك ..

هاجر تكتفت / يالله وريني شطارتك وأرفعي يدك ..

أم سامي بقسوه / أقول هويجر ورى ماتروحين تشغلين لك زفه وتتخيلين انك تزوجتي مو أبرك من أنك تطولي لساانك على أختك الكبيره .,.

ماكملت .. لأن فيه أحد دخل البيــت ..

/

يتبــع .....

/

تــابــــع ..

/

كانت حالته حاله .. شمااغه على كتفه .. والعقال على شعره .. ويمشي وهو يتماايل ..

هاجر / اوووووووف .. ياليتني أتزوج وأفتك من هالعايله الي مافيها أحد عاقل غيري .. والله لو تزوجت لا أعرفكم ولاتعرفوني ..

سامي بصووت متقطع / ياللـ ــه صبــ ــاح خـ ـ ـ يـ ـ ـر .. عـ ـلى طــ ــ ــو ل تتهــ ــاو شـ ـوا انـ ـتـ ـوا ؟؟؟؟

أم سامي / أي صبااح خيييييييييير ؟؟ قول مسااء الخييير ..

هاجر رفعة حاجب / ياليييل صدق وش ذا الريحه وووووووع منك ..

سامي ناظرها من فووق لتحت .. وأشر على نفسه / و... ع .. وع منـ ـي أ ..أ .. انــ (( ماكمل لأنه طااح بالأرض ))

ام سامي وقفت / لاحوووووووول قم قم الله ياخذك ويفكنا منك ياليتني ماجبتك ..

هاجر بغرور / يمه انتي مو بس سامي تقولين له هالحكي .. حتى حنا .. يعني المفرووض تقولين ياليتني ماجيت انا بكبري أحسن لك ..

أم سامي وصل حدها / أقول يابنت أبوتس والله لو ماسكتي ان يجيتس كف يعدلتس ويربيتس من جديد ..

هاجر لفت بترجع غرفتها وهي تناظر في سامي يحاول يقوم بقرف / والله يمه لو أبي اتكلم بتكلم ماهمني تهديدات .. وثبتي على شيء مره تتكلمي نجدي مره مثلنا .. خلي عندك حب للأصل ههههههههههاي ..

منى تهدي أمها وهي تخز هاجر / أتركيها يمه محتره تبي تتزوج مو عارفه وش تقول ..

هاجر وقفت في نص الدرجه والتفت على أختها تأشر عليها بصبعها / أسمعي زواجي هالسنه ان شاء الله وهذا انا اقولها لك .. ولد عمتي ورجع من السفر .. وش أنتظر ..؟

منى جلست على الكنب وهي ميته ضحك / هههههههههههههههه ليكوون ناويه تتزوجي وليد ؟؟ ههههههههههههههههههههههههه حلمك ياماما .. أحلمي على قدك .. ترى مو زين تناظري فوق كثيير .. تنكسر رقبتك ..

أم سامي بأستهزاء / شفتي أحلامها ..؟ تبي تاخذ واحد زينه ماينوصف .. وهي يالله لك الحمد حتى خطبه مانخطبت مره على الأقل ..

هاجر ضربت الأرض برجلها / انا غبييييييييه يوم اني اكلمكم .. وأعتبروه تحدي بيني وبينكم .. زواج من وليد وبتزوج .. وبكسر خشوومكم كلكم ..

التفت على سامي الي وقف يناظرها بنظرات نعسانه وأشرت عليه / وأنت أفضل انك ماتشرب دايم .. قبل ماكنت تشرب وبالموت متحملينك والحين تشرب المفروض نرميك بالبـر تاكلك الذياابه ..

راح غرفتها تركض ..

وأم سامي مفتحه عيونها لآخر شيء / شفتي أختك يامنى ..؟ تبي تكسرخشومنا .. ياجعل خشمها ينكسر ان شاء الله ..

مى / ههههههههااي يمه أتركيها الكلام ببلاش ..

سامي يهمس / مـ مـراااام ..

التفتوا مستغربين منه ..

منى كشرت / ليكون لما الحين يذكر ام عيون خضرااء ..؟

ام سامي بحقد / ياجلعها الموت أن شاء الله .. سحرته .. من يوم تركته وهو يشررب ..


(( هذا بأختصار حيااة عايله تنوصف بدوون مبالغه بعايلة "الشــر" بس من يدري ..؟ حتى الشر بعض الأوقات له أسبابه ...!! ))

/

نزلت سااره من الدرج بسرعه وهي ماسكه عبايتها بيدها ..

ناظرت بالصاله شافت فهد جالس على التلفزيون .. يؤؤ ؟؟ غريبه فهد ينااظر تلفزيون .. ناظرت المحطه شافتها العربيه .. (( ابتسمت بأستهزاء )) ايه مدامها العربيه مو غريبه اجل ..

قربت منه / السلااام عليكم ..

فهد مالتف لها / وعليكم السلام ..

ساره متردده تطلب منه ولا لا ؟؟ هذا ماينعرف رده غامض / فهد ..!

فهد وماحرك راسه وبصووت حاد / نعم ..؟

أنتفضت ساره .. يووه أقوله ولا أنطم ؟؟ اووف يالله اقوله والي فيها فيها / فهد أبي توديني السوق لو ماعليك أمــر .. لأن باقي لي بعض الأشياء ماشريتها ..

فهد التفت لها بملامح جديه جامده / يعني طول امس ماخلصتي ..

ساره زااد خوفها .. يووه شكله عصب / ل.. لا مو على الوقت بس .. بس (( تذكرت بيان وضي وكملت )) بيان وضي مثلي ماخلصوا .. ووعدتهم اني أمرهم وفيصل رايح الديوانيه ونخااف نركب مع السوااق لحالنا ..

كانت تشرح له تبيه يواافق .. تبي تلين قلبه شوي ..

بس ماتوقعت رده أبد .. بالمررررررره ..

فهد وقف / يالله أجل البسي عابتك .. برووح اجيب مفتااح السياره ..

فتحت عيونها على كبرهم .. من صدقه .. وافق ..؟ هههههههه وانا وش ابي غير موافقته وربي اني هبله ..

وقفت تلبس عباتها ولساا مو مصدقه ..!!



/

ضي / خلااص مليت .. لك ساعه توريني صور هالهنود .. وخري الابتوب خليني البس عباتي ساره تقول هذا هم بالطريق ..

بيان مدت بوزها / مالت على الي يوريك يالدووبه .. قوومي جاء فهد تميلحي عنده ..

ضي وقفت مكانها وفتحت عيونها مو مستوعبه .. والتفت على بيان وببلاهه / هاااااااه ؟؟ انتي تعرفي ؟؟

بيان كشرت / أعرف بشوو ؟؟

ضي أرتبكت .. (( غبيه انا وربي .. هي قالتها مزحه وانا خفت )) / هههههههه ولا شيء خيتوو يالله قوومي البسي عبااتك ..

بس على مين ياضي ^_^ ..؟

نطت بياان عليها ومسكتها من كتفها / اقووووووول اهااااااااااا بس ليكووون تحبييييييييييه .. لاااااااا تقوووووولي ..

ضي أرتبكت ازيد .. ودفت بيان / رووحي زين .. وش ذا الأفكاار ..

بيان تكتفت وبرطمت / طيب ضوويه انا اختك .. تؤم روحك المفرووض تفضفضي لي بكل أسراارك .. بس يالله وش نسوي كذا الدنياا ..

ضي أبتسمت .. عرفت بياان كيف تجيبها (( تؤم رووحي )) تكلمت بخجل / بياان ..

بيان مسويه انها زعلاانه لفت وجهها عنها / هاه ..

ضي بأبتسامه / هويتي بالجنه ياارب .. مممممممم تراني أحب ..

ماصدقت بيان تسمع كلمة أحب نقزت تضم ضي بدفااشه / وااااااااااي ونااااااااسه اختي تحب وبتتزوج فكككككككه .. وبنفس الوقت بيجينا عرس هالعطله ..

ضي ماتت ضحك على هبال أختها .. على طوول زوجتها .. ودفت بيان بنعوومه / هبله يانااس .. بس أحبك .. يا أختي قلت لك أحب مو نحب .. يعني الرجاال مو حاس فيني .. بس انا لي سنتين وانا أقزز فيه من فوقه لتحته لحد ماطحت تحت تأثير شخصيته وهيبته ..

بيان حركت حواجبها / أخس .. اختي رومانسيه من قدي بتعلم أختها البريئه الحب ..

مسكت ضي المخده ورمتها على بيان / غبيييييييييييه ..

بيان انتبهت وشهقت / هاااااااااه سنتييييييييييين ؟؟ سنتين يالظالمه ولاتقولي لي ..؟

ضي نزلت راسها تسوي نفسها تستحي / ياعمري كنتي صغيره بأول ثانوي وش اقولك عيييييييييييييييب ..

بيان تكشها / مالت عليك .. (( سكتت وفكرت تجنن أختها )) بس تدرين اني حتى انا حبيت فهد يوم شفت هيبته بالسووق .. شكله ينااسب لي ..

ضي تروعت / نعـــم ؟؟ اسمعي ياقلبي مايهمني هو يحبني ولا لا .. مايهمني باخذه ولا باخذ غيره .. لان حبي شكله حب مراهقه .. لكن ماأتصور اسوي فلم هندي مع أختي .. واسوي تضحيه لها واروح اتزوج من واحد شاايب ..

سكتت .. وبياان تناظرها ..

قالت بيان بهدووء / ضي ..

ضي بتفكير / هممممم

بيان / تفكرين في الي انا افكر فيه ..

ضي تكلمت تلقائياً وعيونها على بيان / الفلم الهندي الي شفناه ذاك الأسبوع .. تحبه ويحبها .. وصاارت اختها تحبه .. وراحت تزوجت شاايب علشاان أختتها تتزوجه ..

بيان فتحت عيونها بطريقه مضحكه / صــــح عليك ..

ماحسوا بنفسهم .. الا منسدحين على السرير بشكل عرضي وغارقين بالضحك .. ضي وهي تضم بيان / ياحبي لك يا أختي تحققت أحلاامك وصرنا فلم هندي ..

بيان تغمز / وش راايك نمثله ..

ضي تدف بياان / يالله اجل برووح ادور لي على شاايب ..

جلسوا يضحكون وقاموا يلبسوا عبايتهم ..

كانوا أحلى أختيـــن .. أخوات بالحب والتفاهم .. بالأبتسامه والضحك .. بالفرح والحزن ..

مثــال لكلمة " أخوات " ..

/

حط الفنجان بالصينيه وهو يأشر بيده يعني خلااص ..

قاام بيطلع من جو الديوانيه المزحووم .. وسمع صديقه أحمد يناديه ..

أحمد / زيااد وين ..؟

زياد / بطلع أشم هواا شوي .. تجي معي ؟

احمد / طيب يالله ..

فتح باب الديوانيه وطلعوا بتمشوا عند الزراعه ..

بعد صمت خمس دقايق ..

أحمد / فيك شيء زياد الاحظك متغير هاليومين..؟

زياد متضاايق / لا مافيني الا العافيه .. بس شوية مشااكل ..

أحمد / بالشغل ولا مع الأهل ..؟

زيااد زاد ضيقه لأن مايحب أحد يتدخل بحياته / لا بالشغل (( غير الموضوع )) .. الا اقول أحمد ..

احمد / هلا ..

زياد بأستهزاء / ماشفت الدكتور خالد هاليومين (( ركز بأستهزائه على كلمة الدكتور ))

ناظره أحمد بأستغرااب / تقصد ولد عم عيال عمتك ..؟

زياد كشر وكأنه مو عاجبه هالكلام / ايه نعم ..

أحمد بشك / مازلت تكرهه يازياد ؟؟ ماتعودتك تكره أحد ..؟

زيااد عصب / أحمد سألتك سؤال وجاوب .. لاتسألني سؤال ..

أحمد بهدووء / لا ماشفته ..

هز زيااد راسه ومشى عنه وهو يفكــر .. لو بيده يقتل هالخالد ..

نســـى .. نســى زياد أن خالد كان من أعز ربعه ..!!!

/

ضي وهي تمسك بلووزه بيج وتهمس لبيان الي جنبها / مو كافي مانزل عينه عنك بالسيااره جاي يكمل هنا ..

بيان مرتبكه وخايفه / عادي يمكن مجرد نظراات ..

ضي بضيييييييييقه / شكلنا بنسوي صدق الفلم الهندي ..!!

بيان نزلت عيونها وقلبها يدق .. من جد نظراته غريبه لها / أص خلااص لارجعنا البيت نتكلم .. يمكن نتوهم بس ..

شافت ساره جايه من وراهم / بيان تعالي شفت المحل الي تدورينه ..

بيان فرحت / واللللله ؟؟ أخيرررررا .. لي سنتين ماجيت الرااشد ونسيت مكانه ..

ضي نزلت البلوزه من يدها / الله يستر بيان تجلس ساعه فيه ..

ساره / ههههههه خلااص حنا خلصنا نجلس انا وضي بالجلسات وانتي اذا خلصتي تعالي لنا ..

بيان بحمااس / اوكيك يالله خذيني له ..

/

بعد ساعه ونص تقريبا .. عند المحااسب ..

بيان / لو سمحت بسررعه تـأخرت ..!!

المحاسب (( ماكأنها هي الي شالت كل الأغرااض )) / ان شاء الله أختي ..

طلعت بياان بعد ماحاسبت ..

وراحت مكان الجلسه الي كانوا فيها ضي وسااره ..

مالقتهــم ..!! وينــهم ..؟ معقوله يتسوقوا ..؟

جاها صوت من وراها مستحيل تنسى صاحبه / تدوري على أحد ..؟

التفت بسرعه وطاحت عينها بعين فهد .. أنتفضت .. أرتبكت .. خافت .. توترت .. كل شيء جاها من نظراته الغريبه .. / أ .. وين .. وين ا .. البنات ..؟

أنتبه فهد لخوفها وأبتسم لها ..

بيان فتحت عيونها .. يؤؤؤؤؤؤ هذا الي يقولون مايبتسم .. أبتساامته تذبح .. أأق والله اني فاااضيه أتأمله ..

ناداها وهو ياخذ الأكياس منها وهي تتراجع لاشعورياً / تعالي أوديك للبنات ..

مشت وراه وهي خايفه .. تناظره كيف يمشي بثـــقه تحس انها بتدمره .. ياطوووله .. يوصل لطول وليد تقريباً ..

أنتبهت لنفسها ,, يوووه جالسه أتأمل بحبيب ضي وساره وش عندي ..؟

ماحست ان فهد وداها للبوابه .. مشت ورااه وهي تركض .. بالموت تلحقه .. خطواته طويله ..

العلل .. راحوا يجلسوا بالسيااره ماينتظروني ..

تلفتت حولها مافيه الا سيارات قليل .. ومافيه ناس حتى .. غريبه اليوم مافيه زحمه بالرااشد .. العاده مزحووووم ..

وصلت للسياره وناظرت داخلها مالقت فيها أحد وقفت بصدمه ..

وهمست لاشعورياَ / وينهم ..؟

فهد ناظرها وهو يفتح باب السواق / كانوا مستعجلين يبون يقايسون الي شروا قلت أوديهم مدامك بتطولي وأرجع لك ..

ماقدرت تمسك نفسها وشهـــقت .. شهـــقت بقوووووووه .. حست ان رووحها طلعت معها ..

/

نهاية الجزء الخامـــس

/

دمتم بحب ..

>> الجــزء الســ6ــادس <<

/

كانت تمشي وفي يدها "حلمها " .. في يدها الي ضحت علشانه وكانت مستعده تعيش وتضحي علشانه .. يلفهم الظلام من كل مكان ..

التفت وراها حست احد يتبعها .. سرعت خطواتها وهي تضمه لصدرها أكثــر .. التفت مره ثانيه وعرفت من يتبعها ..!! تعرفت على ملامحه ..!!

بكت وهي تركض وتصرخ " لا .. لا .. لاتاخذه مني .. لا ..!! خذ اي شيء .. اي شيء .. الا هذا خلووه خلوووه قربي "

طاحت على ركبتها تبكي !! وهي تضمه خايفه عليه .. موخايفه على نفسها .. صرخت للمره الثانيه " لاااااا حراام عليكم "

ماحست الا بيد من فوووووق .. أمتدت وخذته من حضنها .. صرخت .. قاومت .. بس ماقدرت ..

غطت وجهها بيديها وبكت " لاااا انا السبب المفروض ماخليتهم ياخذووه مني .. أنا السبب "

التفت على الي باقي لها من الدنيا .. الي كانت تهرب منه .. شافت ملامحه بالظلاام قاسيه .. ماحن لها حتى .. وقفت تمد له يدها علشان يمسكها وهي تهمس " سامي "

قرب منها .. بس ما أمداه يمسك يدها الا نفس اليد أمتدت من الظلام ..وخذته !! خذته مع حلمها .. مع قلبها ..!

تلفتت تبي تشوف أحد معها .. ماشافت الا أمها تناظرها نظرات قاسيه وصرخت " أبكي .. أبكي دم .. هذه حياتك .. وبتظل كذا طول ما أنتي عايشه "

طاحت بحفره عميييييقه وهي تصرخ " لااااااااا "

قااااامت من النوووم مرعوبه .. تتنفس بقوووه والعرق على جبينها وبرقبتها .. مسحت بيدها على رقبتها وهي تتعوذ من الشيطان ..

شغلت الأبجوره الي جنبها .. ورمت لحافها على جنب ووقفت .. رجعت شعرها الأشقر الغامق على ورى وتنهدت وهي تمشي لعند التسريحه ..

جلست على كرسي التسريحه والدموع بعيونها .. " لمتى ؟؟ لمتى يــامــرام بتظلين حبيسة هالغرفه ..؟ لمتى بتعترضي على أمــر ربك ..؟؟ "

مسحت دمعه عرفت مسارها على خدها طول عمرها .. ورفعت راسها تناجي ربها " يااارب .. يااارب انا عبدك .. أرحمني وأغفر لي .... يارب انا بشــر ماأقدر أتحمل أكثــر .. خذ عمري ياربِ .. رحمتك ولارحمة خلقك ..! "

نزلت راسها تناظر نفسها بالمرايه .. " أم عيون خضراء " أبتسمت بأستهزاء .. هاللقب دايم يذكرني بذنبك يايبه .. حسبي الله ونعم الوكيل على كل ظالم ..

قامت تتوضى تصلي العشاء وهي تستغفر .. وهي تقرر تنسى كل شيء .. " كم بااقي لي وأرحل عن الدنياا .. أرحل عن الظلم ..؟ يوم .. يومين .. شهر .. شهرين ..؟ " هي متأكده انها ماتقدر تتحمل أكثـر .. هي بشر حالها حال غيرها .. ولازم تستقل الأيام الي بقت لها .. وتعيش حياتها بحزنها .. لازم تخلي ذكرى بقلب كل غالي عليها .. بقلب الي وقفوا معها ..!! .. تبي ترووح عند ربها وهي مرتااحه من نفسها .. حتى لو كان عمرها كله حزن ..


/

رمشت بعيونها أخيـراً .. تبي تطرد الخوف منها علشان تقدر تستوعب الي جالس يصير ..!! هذا من جده يبيها تركب معه لحالهم ؟؟

هذا ولد عمها ولا .؟ لو كان وليــد كان أعذرته جاي من بلاد الغرب ومتعود على عاداتهم .. لكن فهد ..!!

التفتت يمين وشمال يمكن تلاقي أختها تنقذها من هالموقف السخيف الي هي فيه .. صحيح ولد عمها .. لكن أستحاله تركب معه لوحدها ..!! وين الأصول والتقاليد ..؟ كلهم " بح "

رجعت تناظر فيه وشافت على وجهه نفس أبتسامة الأستهزاء الي رسمها على فمه يوم شهقـت ..!!

دخل يده بالسياره وخذ منها جواله .. طلب الرقم وأنتظــر الرد ..

سمعته بيان يكلــم " هلا ساره ... وينكم فيه ؟؟ .... يعني تقولون دقايق بنشتري شيء وتجلسون نص ساعه ؟؟ .... لا دورتكم وماحصلتكم وجوالي كان بالسياره .... يالله أطلعوا حنا عند السياره .... بسرعه عجلي "

سكر من أخته .. ورجعت أبتسامته المستهزئه تنرسم بشوي شوي على فمه وعيونه .. دقاات قلب بيان كل دقيقه تتسارع أكثـر .. وش قصده من هالحركه السخيفه ..؟ يعني بيخوفني ولا بيشوف ردة فعلي ..؟ حست انها وصلت حدها من العصبيه .. ومرت بوجهه تبي تركب السياره وهي رافعه خشمها ..

فهد بأستهزاء " شوي شوي يابنت عمي .. لاتنكسر رقبتك "

التفتت عليه معصبه وواصل حدها وتكلمت بجرأه " هذا أنت قلتها .. بنت عمك مو أختك علشان تمزح معي هالمزح الثقيل والسخيف .. وأنكسرت رقبتي مانكسرت هذا شيء راجع لي ياولد عمي " ركزت على ولد عمي متعمده ..

رفع فهد حواجبه بغرور وتهكم .. مو متعود أبد ان أحد يرد عليه وخصوصاً من "بنت" ..

لفت بيان وأفتحت باب السياره وهي تغلي .. وتوها بتركب .. بس فجأه ..ضحـــــك .. ضحــك بصووت عالي .. ضحك من قلبه ..

التفت مستغربه .. نظـرات غريبه مشيناها .. أبتسامات غريبــه مشيناها ..لكن ضحكــه ..!! وهو الي بالموت يبتسم على حسب أقوال أخوانها .. ماتوقعتها أبــد .. هذا الرجال أكيد فيه شيء .. أكيييييييييييييد ..

ناظرته وهو مازال يضحك ومفتح عيونه بطريقه خيااااال .. عيونه كباار خلقه يفتحهم زيااده ليه .. التفت بقووه .. وش ذا الأفكار يابيان ..؟

فهد وضحكه يخف شوي شوي " تفضلي آنسه دلوعه .. صرااحه من زمااان ماضحكت .. والله يعافيك ويسعدك مدامك ضحكتيني .."

عصبت زيااااااااده وركبت وهي تتحلطم " ماأتوقع اني قلت نكته يا سيد غريب "

رجع يضحك وهو يسكر الباب وراها كأنها أميــره " سيد غريب .. وآنسه دلوعه .. القااب مميزه يابنت عمي "

فتحت عيونها .. وش سالفته ماخذ راحته ويحكي معها كأنها أختها .. او كأنه متعود عليها .. صدقوا الناس يوم قالوا انه مغازلي مثل أخوها مشاري .. بس ماتتوقع مشاري يسوي هالحركه السخيفه على وحده من بنات عمه .. لا والمشكله مو ولد عمها بس .. ولد خالتها بعد ..!!

ناظرته بيان وهو واقف قداام عند السياره ويأشر لـ ساره وضي وهم واقفين عند البوابه .. كان شكله يجننننن خيااال .. والضحكه مابعد يرووح أثرها عن وجهه .. شبكت يديها مع بعض بقوه ..ياااااربي .. وش في أفكاري أختربت .. الله يعين ضي عليه بس .. أووووف مااحبه كرهته ..

وصلت ساره و وراها ضي عند السياره .... وقفت ساره فجأه وخلت ضي تصدم بظهرها ..

ضي وهي تمسح بيدها على جبهتها " آآآي وجع سارووه تحركي وشفيك خلص بانزينك ؟ "

ساره بققت عيونها تناظر في أخوها الي متكي على السياره من قداام والمرح على وجهه ..

ضي الي نتبهت بعد لملامح فهد همست لساره " وش صاار ..؟ "

ساره بهمس وهي تمشي بشوي شوي " علمي علمك "

فهد حس فيهم وبصدمتهم ورجع يضحك وهو يفتح باب سيارته ..

ساره تمسك يد ضي وتدفها قدامها " لاااا أنهبل أخوي جد "

ركبوا السياره .. وحط فهد المفتاح يشغل السياره وهو يناظر في ساره " وش فيك سارونه وكأنك شايفه شبح "

ساره (( لا ويدلع بعد .. لو انه شبح أهون ياأخوي )) .. " ههههههه لا بس جالسه أفكر .. وش ممكن سوت بيان من معجزات خلتك تصير مـرح.." حط يدها على فمها يوم حست في الي قالته ..

فهد وهو يناظر ورى علشان يطلع السياره من الموقف " ههههههههههههه ماسوت معجزه .. بس كذاا شوفتكم زرعت المرح فيني .. شفتي كيف " ناظر بيان من مراية سيارته وكأنه يقول (( شوفتك انتي بس ))

ساره ماردت .. مو مستوعبه .. بدوووون مبالغه .. بس من زمااااااان ماضحك .. دايم يقولو عليه ثقيل دم وجدي كل الأوقات لأنه عسكري .. تكتفت وجلست تناظر البحر من النافذه ..

مد فهد يده وخذ شريط جابه من البيت خصيصاً علشان يحطه لـ آنسه دلوعه ..

بدأت موسيقى أغنية " دلوعتي " لراشد الماجد .. وفهد يدندن معها وهو يناظر بين الفتره والثانيه في بيان من المرايه ..

(( دلوعـتي .. دلوعـتي .. دلوعـتي
دلوعتي .. كل الحلا فيها .. أحترت انا ما ادري شسميها ..؟
في حسنها كن البدر ضاوي .. أخت القمر ما أحدن يساويها
دلوعتي .. دلوعتي .. دلوعتي .. دلوعتي
محبوبتي في كامل أصفاها .. يازين بسمتها وممشاها
ماواحدن في الكون يسواها .. حتى الخطى منها يحليها
دلوعتي .. كل الحلا فيها .. أحترت انا ما أدري شسميها ..؟
في حسنها كن البدر ضاوي .. أخت القمر ما أحدن يساويها
دلوعتي .. شوفوها .. دلوعتي .. دلوعتي
على ديار الزين أنا ساري .. مدام دار الزين هي داري
(( علا فهد صوته وهو يدندن بهالمقطع )) الكون في تدليعها يماري .. بالزين كل الناس تطريها
دلوعتي .. كل الحلا فيها .. أحترت انا ما ادري شسميها ..؟
في حسنها كن البدر ضاوي .. أخت القمر ما أحدن يساويها
دلوعتي .. دلوعتي .. دلوعتي .. شوفوها .. دلوعتي
ولهان وأغلى الناس ولهانه .. والشوق فيني تنبض أشجانه
دلوعتي بين البشر دانه .. ياليت ربي لي يخليها
دلوعتي .. كل الحلا فيها .. أحترت انا ما ادري شسميها ..؟
في حسنها كن البدر ضاوي .. أخت القمر ما أحدن يساويها ))


أنتهت الأغنيه .. وبيان عارفه ومتأكده انها لها .. لا الحين عرفت سر هالنظرات .. فهد حاط عينه عليها ..

بس .. بس شكله ناسي اني بنت عمه .. عييييييب يفكر يتغزل فيني عييييب

فهد الي وقف عند الأشاره وناظرها من المرايه الخارجيه وهي منزله راسها (( طيب يابياان .. أحبك صح .. لكن ماراح أمشي طوالة لسانك علي اليوم يا "آنسه دلوعه" .. وبردها لك ))

/

دخل خالد البيت .. وهو حااس انه تعبااااااااان .. دااايخ لآخر شيء .. شاف العايله كلها مجتمعه بالصاله ..

خالد " السلام عليكم "

الكل " وعليكم السلااام "

حب راس ابوه وأمه وجلس جنب وليد ..

بو وليد " أخبارك يادكتور "

خالد مبتسم " بخير دامك بخير يبه "

أم ولد " جايع ياولدي ؟؟ تبي اقولهم يحطولك عشى ..؟؟ "

خالد وهو يأشر بيده " لا يمه تعشيت مع حمد .. بس دااايخ وودي أقوم أناااام حاس نفسي بطييح .. الله يعين حمد يطلع من العيااده ويروح الشركه "

وليد " أكيد هو الكبير ولازم يمسك حلال عمي "

خالد " ايه ماقلنا شيء .. بس سطام ومشاري يكفوون "

بو وليد " لا وانا ابوك الكبير ماأحد يسد مكانه "

ناظر الكل بوليد .. الي أبتسم لهم وناظر في خالد " الا أقول خالد .. أحس انك ودك تتزوج وأنا واقف بطريقك "

خالد (( والله انك تفهمني ياوليد )) " ههههههه خلااص مدامك تحس كذاا .. تزوج وفكنا ياأخي " وغمــز له ..

فهم وليد غمزته " هههههههه الله يقطع شرك ياشييخ .. خلااص ولايهمك من الحين أقولكم أنا قررت أتزوج " ناظر بأشكال أهله يشووف ردات فعلهم

طارق وأسيل بققو عيونهم لآخر شيء .. وام وليد ماصدقت على الله نطق وليد قامت تزغرد .. وابو وليد يضحك عليها ..

خالد " هههههههههههه كل هذا لأن عبقرينو قرر يتزوج ..؟ "

وليد وهو يضربه على كتفه " اقووووووول لاتخليني أكنسل كل شيء وانت الي تطيح فيها ..؟ " ناظره نظرات تهديد مع انها مزح الا انها تخوف ..

خالد "ههههههه (( وهو يغني )) جبتهاااااااااا على الجرح وكأنك مادرييييييييت "

أسيل تصفر .. وتحرك حواجبها بخبث " أكشخ وش ذا الصوت الرومانسي الي طلع يوم جبنا طاري الزواج..؟ "

وليد + طارق " هههههههههههههههههههه "

خزها خالد " اسكتي أسيلوه" .. وقف كأنه يهرب .. " يالله يبه يالله يمه تصبحون على خير " .. التفت على أخوه وحب راسه " قلي انا بدونك أسوى شيء ..؟ " .. وغمز له ..

وليد " ههههههه تقصد كيف تتزوج صح ..؟ "

خالد وهو يلف يروح المصعد " يجيلك يوم ياوليد تصير محلي ههههههه "

وليد " هههههههه "

بو وليد " الا ماقلت لي .. متـأكد انك تبي تتزوج..؟ "

ام وليد بنظرات لوم لزوجها " وشو متأكد ..؟ عمره 30 وتقوله متأكد "

وليد " يمه ابوي يبي يتأكد اذا ماكنت امزح (( التفت لأبوه )) انا من جدي يبه عزمت أتزوج وأكون بيت .. خلااص دراسه ودرست .. وأيام مراهقه وعدت .. مابقى لي شيء غير اني أتزوج "

بو وليد يضرب على صدره " أبشــر أجل وانا أبوك .. زوجتك عندي "

وليد يناظر أمه " يصيــر خير يبه نتكلم بعد العزوومه ..... الا على طاريها مافيه شيء ناقص تبوني أجيبه ..؟ "

بو وليد " لا يابوك كل شيء متوافر .. وخلصنا كل الترتيبات "

هز راسه رضى .. بعدها قام حب راس أمه وأبوه وراح فوق ورى خالد علشان يناام ويقوم بدري ..

دق على باب غرفة خالد .. وسمع صوت خالد " أدخل "

دخل وليد مبتسم لأخوه " دقاايق بعطلك عن نوومك "

خالد وقف " حيااااااك بأي وقت ياخوي "

جلس على الكرسي وجلس خالد قباله على السرير .. وليد كعادته بدون مقدمات دخل بالموضوع " خالد .. أنت مازلت تبي بنت الخال صالح ..؟ "

خالد ضاااقت عيونه .. وتغيرت ملامح وجهه وكساها الهم " وليد انت عارف اني أبيها من زمان .. بسـ .. بس أخوها ياوليد "

وليد بملامح جديه وبسلطه كعادته " أخوه ماله راي بعد راي البنت وأبوها .. والبنت مثل ماأنا اعرف تبيك .. وابوها رجال طيب يشتري قربنا .. وش هو له الخوف ..؟ "

خالد تطمن شوي ولانت ملامحه (( الله عليك ياوليد من يوومك شخصيتك قويه وتخفف علينا )) " بس خايف على البنت .. خايف يسوي لها شيء "

وليد وقف وعقد حواجبه " ياخالد .. انت عارف اخوها اكثر مني ومن اي شخص .. صديقك الروح بالروح .. وماظن قلبه قاسي مثل مايبين كلامك .. لكن انا متأكد انك تعرف ليه تصرفاته صارت كذا .. وليه راافضك .. (( سكت شوي .. وبصراحه كمل )) وليــه كارهك ..؟ "

نزل خالد راسه بتأثــر .. هو وش ذنبه ..؟ ماكان يقصد يومها يأذيها ..!!

وليد بصووت قوي " ماتعودنا وحنا عيال ضاري ياخالد .. ننزل روسنا للأرض مهما كان السبب ..!! "

رفع خالد راسه بسرعه .. ولمعت عيونه لمعة قووه وتحدي .. وقال بصوت رجولي وبقوه" أكيد وانا اخوك "

هز وليد راسه بتفهم " تصبح على خيــر "

طلع وليـد .. طلع أخــوه الي كان دايم يفهمه من هو صغــير .. مع انه اصغر من وليد بسنتين بس .. الا انه يعتمد على وليد أعتماد كلي .. كان يثق فيه وفي نصايحه وتوجيهاته .. وليد دايم له سلطه على كل العايله من هو صغير ..فقدوه يوم سافر بقوه .. تمنى يكون مثله .. مع انه كبير ودكتور وله سلطته هو بعد عند الكل .. الا ان " الحــب " عــذبه .. غيــره ..

" ياليتني مثلك ياوليد .. ياليتني مثلك ماطحت بالحــب "

/

رمت نفسها على السرير بقوووه .. وهي ترمي الأكياس على الأرض جنبها ..

ضي وهي تناظر بالسقف " بياان خلااص بدوون مزح خلينا نمثل الفلم الهندي "

بيان ونفسها بخشمها وضاااايقه " ضي والي يخليك مالي خلق هالحكي .. واضح انه يتسلى بس .. مالقى بنات يناسبونه بالسوق قال بنات عمي اولى "

ضي وهي ترفع راسها شوي وتفتح عيونها لآخر شيء " بيان ..!! من صدقك تتكلمي ..؟ حنا بنات عمه وأستحاله واحد مثل رجولة فهد وهيبته يفكر يتغزل ببنت عمه "

بيان وهي تجلس على الكرسي وتحط راسها بين يديها من الصدااع الي جاها " اجل وش تفسرين تصرفاته بالله عليك ..؟ (( بأستهزاء )) حب ..؟ لا ياستي مستحيل .. لانه مامره شافني ولاراح يشوفني .. ومو معقوله (( بأستهزاء أكثر )) نبض قلبه من أول نظره "

ضي عصبت على أختها الباااارده " انتي وش فيك ..؟ أحد حاصله ولد عم يحبه ويحط له أغنية قدام الكل ومو مهتم بأحد .. ويجلس يستهزء ويهاوش ..؟ "

بيان وقفت وهي معصبه زياده " ضي فكييييييييييني من هالسيره .. قال ايه ولد عم يحب .. أقص ايدي اذا ماكان قصده تسليه "

أنبهلت ضي من تفكير أختها " انتي غبيه ..؟ ماتفهمين ..؟ عيييييب عندنا الرجال يتغزل ببنت عمه .. اذا كان يحبها اوكي يطلع شعوره .. لكن يتغزل فيها ..!! بالعقل بيان فكري "

بيان ولاهز كلام ضي لها شعره " اقوول .. أخلصي علي .. تبين تقولين اني سرقت حبيبك "

تكتفت يقالها معصبه .. بطريقه طفوليه مضحكه ..

ضي تحاول تمسك ضحكتها " بيان انا قلت لك حب مراهقه يعني لا راح ولا جاء "

ضربت بيان الأرض برجلها بتمرد " لاااا كذااابه .. تنصبين علي .. تحبينه واااضح عليك .. بس القصص مأثره عليكم أنتوا لدرجه تسوون تضحيات وتصدقون انه فيه حب وخرابيط ولا المفروض تفكون نفسكم ولاتستعملوا كلمة حب "

ضي ضااق صدرها على أختها .. دااايم تظن ان الحب والدموع والألم والتضحيات بالقصص بس .. مافيه بالواقع .. صحيح تقرأ قصص مثلهم وتتأثر .. لكن لما الحين ماتصدق بشيء اسمه "حب" مجرد كلمه تنطقها على أنها نكته .. وخافت ضي ان هالتفكير ممكن يدمر حياة بيان بالمستقبل مع زوجها ..!! مو مهم تصدق بوجود الحب .. لكن على الأقل ماتخلي مشاعرها بارده .. واي موقف او كلمه يقولونها البنات .. تعلق عليهم انهم متأثرين بالقصص ..!!

أنتبهت من تفكيرها على شهقه مكبوته طلعت من بيان ..

تروعت ضي وهي تشوف الدموع تسيل على خدود أختها بصمت ..

ماعمرها شافت دموع بعيون أختها الا نادر بالأوقات الي يمرض فيها أحد عزيز على قلبها .. او تتأثر ببكي أحد تحبه .. مثل ماصار لمرام بنت عمهم

كانت من هي صغيره اي شيء تطلبه نفذوه .. واذا مرضت العايله كلها تجتمع عليها وتسهر على راحتها بالذات ابوها واخوها مشاري وجدتها ..!!

واي وقت يحسون انها بتبكي يغمرونها بحنانهم ورعايتهم ..

راحت لها وضمتها وهي تمسح دموعها .. ضي بحنان " وش فيك بيونه ..؟ تبكين على ايش .. ماأحد جابرك على شيء "

بيان ضامه أختها بقوه وكأنها بتضيع منها .. وبهمس ردت " ضي .. انا خايــفه .. قلبي ماسكني من قبل تبدأ العطله .. وخوفني فهد زياده .. (( رفعت راسها لأختها وبنظرات طفوليه )) ضي وش يبي فيني ..؟ "

حنت ضي لأختها الي عمرها وصل 18 سنه .. لكن تفكيرها وتصرفاته ماتجاوزت الـ 10 سنين .. وكله بسبب أهتمام أهلها فيها ..

خافت انه يأثر على مستقبلها .. يأثر على حياتها .. من يدري يمكن تتزوج بعد سنه أو سنتين .. كيف بيتحمل زوجها طفله في جسد أمراءه ..؟

كيف بيضمنون لها زوج يعاملها مثل مايعاملونها ..؟

ردت ضي بتعقل " بيونه حبيبتي مافيه شيء يخليك تخافين مدام عايلتك حولك ..!! وفهد صدقيني .. (( سكتت تفكر بأي كلمه تناسب .. بدال كلمة حب .. وكملت )) صدقيني يمكن مجرد أعجاب مؤقت بس وبينسى .. لاتفكرين بالموضوع وتشغلين بالك (( مسحت دموعها .. وأبتسمت )) وبعدين من متى الحلوين يبكون ..؟ الحين لو يشوفك مشاري أنهبل وكلني أسئله وش سويتي بأختي وش قلتي لها .. بيشتغل لي تحقيق وربي .. ماكأن حلا تؤمه .. كأنك انتي توئمه "

بيان وهي تمسح دموعها " هههههههه ماأدري وش جاني ابي اطلع الي بقلبي ماسكته من قبل العطله "

ضي بأهتمام " طيب ليه تحسين ان قلبك ماسكك ..؟ ماتقرين المعوذات قبل ماتنامي "

بيان هزت راسها " الا اقرأ .. بس ماادري وش فيني حاسه بيصير شيء "

ضي تدفها وهي تمزح " فالك ماقبلناه يالله أنطقي غرفتك لا بالعجرا دلعتك زياده عن اللزوم "

بيان رفعت راسها بغرور " وش اسوي انتي الي دلعتيني .. ماأحد طقك على يدك وقالك دلعيني "

وطلعت من الغرفه وأكياسها بيدها .. وهي تناظر ضي على جنب ..

ضي " ههههههههه سكري الباب وراك "

جلست ضي على السرير مرتبكه .. دايم بيان من يمسكها قلبها لازم تصير مصيبه .. الله يستر ..

ناظرت بالأكياس الي على الأرض .. وغطى وجهها ملامح الحزن لما تذكرت فهد ..!!

حبيته من قلبي .. لكن مدام ربي مو كاتب لي معه نصيب ارضى في الي كاتب لي ربي ..

قامت ترتب أغراضها برضى وتقبل للواقع المر .. وقلبها مكسور .. بس تكابر .. طيبة قلبها غلبت حبها

لكن هي عارفه .. ان لاهي ولاغيرها ممكن يغير الي كاتبه " ربنــا " لنا ..

/

" قووووومي ووجع الساعه 12 الظهر .. قومي بسك نووم "

التفتت عبير الجهه الثانيه تكمل حلمها ..

عصبت أختها فاطمه " وجعووه عبير قوومي لا بووكس يجيك طاير على خشتك "

فتحت عبير عيونها معصبه " هاه خير يالله صبااح خير .. وش تبين ياعله .. وش تبين يادعله ..؟ "

فاطمه تتحلطم " هي خلقه بدون شيء اخلاقها شينه .. كيف اول ماتقوم من النوم ؟ "

عبير سمعتها وفزت معصبه " اقووووول انزلعي عن وجهي لا بالخيزرانه انزلعي "

فاطمه طيرت عيونها قدام " الشرهه على الي يقومك يبيك تتجهزي للعزومه "

عبير وتأثير النوم ماراح .. بلمت " هاه عرس اخوي اليوم ..؟ "

نقعت فاطمه من الضحك على أختها " هههههههههههه اقول اها بس من كثر ماتفكرين تتميلحين بهالعرس صرتي تهوجسين فيه .. قووومي عزوومة اخو أسيل اليوم قووومي "

/

تزل من الدرج بهدوء كعادته .. دخل المطبخ يشرب مويه .. وشااف بياان تشرب مثل كل يوم آيس موكا .. مع فطاائر جبن محمصه ..

أبتسم " صباح او مساء الخير .. "

ردت بيان الأبتسامه على اخوها الهادي " هههههه لا خلها مسااء أحسن .. مسااء النور "

سطام وهو يصب له مويه " ماتملي من الموكا انتي .. احس لو بشربه أسبوع بس .. بمل منه كيف أنتي سنين وانتي عليه ..؟ "

بيان " ههههههههه وليه ماتمل انت من المويه ..؟ "

كشر سطام " بالله عليك هذا سؤال "

بيان هزت كتوفها " نفس سؤالك "

سطام " هههههههه ماينقدر عليك انتي "

أبتسمت له وهي تاكل الرغوه الي فوق الموكا بالملعقه ..

جلس سطام مقابلها وهو يحط له مربى بالسندوتش ..

ناظر بيان على جنب بشكلها الطفولي .. اول ماتقوم من النوم تكون مسالمه وهاااديه ..

دخل مشاري عليهم وشعره منفوووش ومسكر عين ومفتح عين ولابس بنطلون جنز بس .. وصدره ماعليه شيء ..

وكان يتحلطم " والله حاله سهرانين ونقوم مبكر "

بيان اول ماشافته شهقت وغطت وجهها بيديها " مشاريوووه عيييب استح شوي .. انا بنت أستحي "

مشاري اول مايقوم من النوم نفسه في خشمه " اوووص اقول .. قال ايه تستحي .. وين الكاسات ..؟ "

سطام بهدوء " اظن انك فاتح خزانة الصحون "

كشر مشاري " هاه ..؟ ايه صح " .. سكر الخزانه وصرخ .. " دنياااا "

بيان وهي تاكل " دنيا مو هنا .. راحت بيت عموو ضاري تساعد الطباخات "

حك مشاري راسه بطريقه مضحكه " ياليييل صدق .. من الي بيفطرني بنكيك ..؟ "

ناظر في بيان .. الي وقفت اللقمه بحلقها وهي تناظره ببرائه .. التفت لسطام شافته مبتسم لها ..

أشرت بصبعها على نفسها .. وتكلمت بصيغه سؤال " أنا ..؟ "

مشاري بهباله " لا الي وراك "

بيان تسوي نفسها أرتاحت " ايه اشوا بعد "

مشاري برجااء " بيان حبيبتي جااايع وربي ابوي مقومني أصلي الظهر فاتتني الصلاه من هالنوم .. وماأقدر أصلي وانا جايع ماأحس في الي اقوله الله يتوب علينا "

بيان ببرائه هزت كتوفها " وانا وش دخلني "

مشاري يعفس شعره زيااده .. بتهبل فيه هالبنت " دخلك انك بنت .. وضي بغرفتها أستحي ادق عليها .. وأمي ماادري وينها .. يالله أخلصي علي "

بيان " والخدامات ..؟ "

مشاري " اي خدامات ..؟ حنا ناكل من يد الخدامات ..؟ بس من دنيا لان لها 24 سنه طباخه عندنا .. يالله بسرعه مت جووع ابي اصلي "

قامت بيان بستسلام .. هي مو عن كسل ماتبي تسوي له .. لكن لأنها ماتعرف ..؟ بس ماحبت تقوله ..

بيان " طيب دقايق بجيب شيء من غرفتي وبجي "

مشاري بملل " يارب ماصار فطور ذبيحه .. يالله تراني جااايع .. برووح أتروش وجاي علشان أفطر واصلي .. عجلي "

راحت تركض فووق ومسكت جوالها ودقت على " حلاوتها في رجتها "

جاها صوت ملياان نوم " هاه خير وش تبين داقه "

بيان " لاحووول الأخلاق قافله .. غلووو حبي طلبتك لاترديني "

غلا والنوم ماكلها " اخلصي لايكثر هرجك "

بيان بحمااس " ابي طريقة البنكيك وش يحطون فيه بالضبط "

غلا (( هذه من صدقها تاكل وماتعرف وش متكون منه ..؟ )) " من صدقك بيان ولاتستهبلي "

بيان بملل " يوووووه فاضيه أستهبل أخلصي علي "

غلا ذبحها النوم .. وطبعاً كانت تحسب ان البنكيك لبيان تاكله .. فقررت تنتقم منها لأنها نكدت عليها نومتها .. بصوت كله نوم ردت " طيب يالله سجلي

/

وقف مشاري يكح بقووووه .. وصرخ " موووووووووويه جيبوا لي موووووووووويه "

ركضت بيان زي المهبوله وصبت له مويه .. وسطام وامهم جاو يركضو على صرااخ مشااري ..

شرب مشاري المويه .. وبيان ماسكه ضحكتها حاسه لو ضحكت ماراح تسكت .. اساساً من شاف شكل " بنكيك المريخ " على قولة مشاري يوم شاف شكله ... ماشاف خير ..

ام حمد " يمه بسم الله عليك وش جاك غصيت بالأكل "

مشاري حط الكاس بقوه على الطاوله معصب " يممممه اي أكل والي يرحم والديك ..؟ الله يعز النعمه بس (( ناظر بيان بقوه )) قولي لي وش حاطه فيه ..؟ "

ناظرت بيان في امها وسطام المستغربين .. وحطت طرف صبعها بفمها ببرائه " مممممم .. كاسين طحين وبيالة ملح .. وكاس حليب وملعقة عسل وبيضه وملعقة فلفل "

سطام بدون شعور منه " هههههههههههههههههههههههههههههه هههههههههههههههههههه هههههههههههههههههه "

ام حمد حطت يدها على راسها " ياوييييييييل حالي على بنتي ضااع عمرها ضاع شبابها ماتعرف تسوي بنكيك بسبب دلعكم الزاايد "

مشااري مبقق عيونه .. الحين هذه مقادير بنكيك ..؟

عصب وسألها " اتوقع تستهبلين صح "

بيان تروعت من ردة فعل أهلها " هاه ..؟ لا مممم (( ممافيه الا أقولهم عن غليوه ياجعل النوم يجافيها اليوم )) .. صراحه مـو ... "

قاطعها مشاري وهو يأشر بيده " خلاص خلاص لاتبررين (( التفت على امه )) هذه يبي لها كووورس في الطبخ "

سطام وهو يمسح دموعه " الله يوسع صدرك يابيان مثل ماوسعتي صدري "

مشاري أنهبل من أخوه " وش يوسع صدرها ..؟ توسعون الصدر على حسااب بطني ..؟ "

ام حمد ماقدرت تمسك نفسها أكثر كان شكل مشاري يضحك " هههههههههههه ولايهمك اسوي لك الحين الفطور الي يحبه قلبك "

/

كانوا يركضون بشكل مضحك .. شيماء في المقدمه ولجين وراها ومحمد ورى لجين .. على شكل قطاار ..

شيماء وهي تصاارخ " بداال ماتركضون وراي يامخفاات روحوا حدووه من ذيك الجهه "

لجين خايفه " لا يممممممه أخاف أنا .. انتي أمسكيه انتي الكبيره "

شيماء تنادي أمها " ماماااااااااااا تعالي ساعدينا .. ماأبي اموت اليوم .. بروح العزومه قبل "

لجين تضربها على كتفها من ورى " وجع تراه مايموت انتي ووجهك "

محمد ماسك ثوبه بأسنانه وجزمته (( وانتم بكرامه )) ماسكها بيده " شيماء وش رايك نهجم عليه بالجزم ..؟ "

عصبت شيماء على هباال اخوها " اقول أنطم شايفه صرصار نهجم عليه بالجزم ..؟ "

جات امهم متروعه " هاه وش فيكم "

لجين تأشر عليه " ماما ناظري سرق جبنـتنا "

شيماء تدفها بقوه " وجع الدوبه ماهمها الا جبنتها .. ماما وش نسوي "

تحرك بسرعه تجاهم .. وكلهم تراكضوا وهم يصارخون .. وأمهم معهم ..

شيماء وهي تركض ورافعه قميصها بيدها " يامااااااااامي رووح للجيـن .. اناا ابي اعيش تفكى .. تفكى "

لجين نطت على الكنب الي بالمدخل " لا لاتكفى ولاتفكى .. خليه عندك انا توني صغيره "

صرخ محمد يوم شااف أبوه يدخل خايف من صراخهم " باباااااااااا (( أشر وراه عند شيماء )) شوف وراااك "

التفت أبوهم وهم جاو يحتمون فيه ..مستانسين انه جاء .. صرخ أبوهم يوم شاف الي خايفين منه " فاااااااااار "

راح يركض المطبخ وتركهم .. وهم جلسوا يتراكضوا بكل مكان مثل المجانين .. والفار معهم

ام محمد " بعدووه بعدووه عني "

شيماء بهبل تركب فووق الكنب وتدف لجين " ماما المفروض تقولين بعدوه عنكم وجيبوه لي "

ام محمد " اسكتي يابنت "

جاء بو محمد معه فليت وصياده ..

شيماء " بابا ماينفع الفليت "

بو محمد " معليش لما يدخل الصياده على الأقل .. من وين جاء هالفار "

وأستمرت محاولتهم بطرد الضيف الصغير من فلتهم ^_^ ..

/

نزل وليــد للصاله وشاف ابوه لحاله فيها .. هذه فرصه علشان يكلمه ..

وليد " السلام عليكم "

بو وليد " وعليكم السلام .. هلا بولدي "

حب راس ابوه وجلس جنبه يسولف ويسأله عن أخباره ..

وليد " الا اقول يبه "

بو وليد " سم وانا أبوك "

وليد " سم الله عدوك .. يبه بخصوص زواجي .. ترى في بالي وحده ودي أخطبها "

بو وليد أستغرب " في بالك وحده ..؟ "

وليد " اي نعم .. طبعاً بعد موافقتك يبه "

بو وليد بكل جديه " اول شيء علمني من هي بعدين يصيرخير "

وليد بنظرات شك لأبوه " لكن انت قلت أمس ان العروس عندك "

هز بو وليد راسه بأسف " ايه والله .. عندي لك عروس ماتتفوت .. ونفسي فيها من زمان تصير زوجة واحد من عيالي .. وطبعاً انت أكثر واحد تستاهلها "

وليد " اجل يبه انت قول من هي عروسك .. رايك هو المهم "

بو وليد بصرامه " لا لما اعرف من الي في بالك "

وليد بطااعه " الي في بالي يبــه ....

/

ساره وهي تضم مرام وماسكه دموعها " أخيــــراً تحررتي ياقلبي "

مرام مبتسمه " ايه تحررت (( غمزت )) وبروح معكم اليوم للعزومه بعد "

ساره طاارت من الونااسه " واللللللللله ونااااااااااااااااااسه (( التفتت تصارخ )) فيصل فارس ريم تعااااالوا .."

طلع فيصل بهدوء من غرفته وفارس وريم جاو من تحت يركضون يشوفون وش السالفه ..

فيصل ناظر مرام .. ولمعت عيونه بالحنااان ..

فيصل " هلا بالمزيونه الي تتدلل علينا .. شافتنا نخاف عليها قالت وش علي ادلل عليهم أحسن "

أبتسمت مرام لأخوها وهي تشيل ريم وتبوسها ..

فارس كان يمووووووت بمراام لأن فيها حنااااااان كبيــر بقلبها .. كانت طالعه على أخوها فيصل ..

سلمت مرام على فارس وقرصت خدوده الملياانه " تسلم لي هالخديدات أشتقت لها "

حمرت خدود فارس وقاموا يضحكون عليه ..

فيصل بنظرات لمرام أفهمتها " اذا تبين تنزلين براحتك واذا تبين تجلسين بغرفة ساره تسولفي معها بعد براحتك "

مرام هزت راسها وبعزيمه قويه ردت " لا بنزل تحت وبسلم على أمي "

فيصل خاف يصير مثل ذاك اليوم .. ناظر في ساره بنظرات قلق ..

قربت منه مرام وباست راسه وأبتسمت بوجهه .. يخااف عليها وماأحد محسسها بالحنان كثره " ربي لايخليني منك فيصل .. وياارب يوفقك ويرزقك في الي تصوونك وتجيب لك الذريه الصالحه "

كانت أحلى دعوه بالنسبه لفيصل .. لانها من قلب .. ولانها طالعه من أنسانه ذاقت انواع العذاب بدنياها ومع كذا ماأستسلمت لما الحين أبتسامتها الحنونه مرسومه على فمها .. طالعه من أنسانه طاهره ماعمرها كذبت ولاحقدت ولاكرهت .. أنسانه دينها قوي وهذا الي مصبرها ..

ضمها لقلبه وهو يدعي ربه يحفظها ويسعدها بحياتها الباقيه .. والي راح يتعوض ان شاء الله بأحسن منه ..

نزلوا تحت وشافوا أبوهم وامهم جالسين يتكلمون بالعزيمه الي بتصير اليوم ..

أم متعب " تدري ان أم وليد عازمه صديقتها زوجة الوزير وبناتها ..؟ "

بو متعب هز راسه " انتي ماتعرفي الرجال الكباريه الي بيجون اليوم لهالعزيمه .. لازم نتجهز من الحين .. بيبدون الضيوف يجون من بعد صلاة المغرب "

فيصل " السلااام عليكم "

ردوا السلام وهم يناظرون في ساره وفارس وريم الي وراه .... ومرام معهم ..!!

حبت مرام راس امها وابوها بأبتسامه حقيقيه .. مع انهم تقبلوها ببرود ..

جلست جنب ساره وفيصل ..

أم متعب تناظر مرام على جنب " وش الطاري مرام تترك أعتكافها وتقابلنا ..؟ "

الكل سكت منقهر .. هم بالموت يبونها تطلع وامهم ماتتركها بحالها .. بس وش يسوون هذه أمهم ..!!

حز بخاطر مرام .. بس أبتسمت .. وذكرت نفسها (( لاتنسين يامرام هالمرأه ربتك وكانت بمقام أمك )) " والله أشتقت لكم يمه وعرفت اني لو حبست نفسي بالغرفه أكثر مراح ينفعني شيء "

بو متعب بقسوه مو من طبعه " تو الناس يابـنتي "

(( يابنتــي .... ياشينها منك يايبه لأنها مو من قلبك ))

مسكت دموعها ورجعت تبتسم " وش أسوي يبه توني حاسه ان الي أسويه غلط "

دخل بهالوقت فهد وهو يكلم " نااصر خلااص هو أعترف بجريمته يعني لاتجلس توسوس أن حنا ظلمناه .... لا شيل هالفكره من راسك .. هذا مجرم (( أنتبه لمرام )) .. أقول ناصر بعدين أتفاهم معك .. الحين أنا بالبيت .. يالله سلااام "

تقدم وسلم عليهم .. وقامت مرام حبت راسه وهو يناظرها بأهتمام ..

فهد وهو يجلس " كيفك مرام .. عاش من شافك "

مرام بأبتسامتها الحلوه " عاشت أيامك .. انا بخير مدامكم بخـير "

فهد وهو يناظرها على جنب " الله يهديك مرام مو كل من مات ولده سوى كذا "

فتحوا ساره وفيصل عيونهم .. كمل ..!! هم يفتكوا من امهم وابوهم يجي هذا يذكرها بكل بروود ..

مرام الي عارفه ان فهد مايقصد .. لكن ماقدرت تتحمل هالمره .. هي تبي تنسى .. تنســى ..

ردت عليه بصوت ناعم هامس وهي تتدارك دموعها " فهد انت عارف ليه انا سويت بنفسي كذا .. مو لأنه توفى .. بس .. بس .. (( تهجد صوتها )) طريقة موته هي الي تعذبني (( سكتت وحست ان فيصل بيرد على فهد .. وبسرعه ردت بهمس لكن بحزم )) وانا ودي أنسى هالموضوع بليز ..!! "

سكتت .. وسكت فهد معها وهو يناظرها بهدوء ..

رجعت أم متعب وزوجها يسولفون عن العزومه .. وقلب ساره يتقطع كل ماجابوا طاري حبيبها وليـد ..!

/

سكرت غلا التلفون من بيان وهي ميته من الضحك على " بنكيك المريخ ".. ناظرت برياان الي يفصفص بالحَب ولابمهتم بالحوسه الي صايره ببيتهم على العزيمه الي ماباقي شيء وتبدأ .. (( أهبل ريان مثلي ومثل ريهام .. العايله الكريمه نصهم مهابيل هههههههههه ))

راحت فوق تقول لتهاني عن الي صار لبيان .. بعدين تراجعت .. تروح غرفتها تتروش وتجهز الملابس وأكسسواراتها أحسن لها ..

/

كانت تهاني جالسه تكتب بمذكراتها لها ساعه ونـص ..

وقفـت وحطت شريط بالأستريو ..

أنساب لحن أغنية " أحبه بجنون " يلاعب مشاعرها ..

بدت تغني معه وكأنها هي الي تغني ناسيه الشريط .. وتمشي بغرفتها وتناظر نفسها بالمرايه تتخيله معها .. على انه زوجها .. بنظراته الحنونه والعاشقه ..

(( أحـبه والله من قلـبي .. أحبه والله بجـنون
أحب قلبً نطق بأسمي .. وعلا صوته في هالكون
ترى عينـه تخجلـني .. وفي حسنـه يحيـرني
رقـيق ولاضحك والله .. أحس انـه يجملنّـي
أحـبه والله من قلـبي .. أحـبه والله بجـنون
أحب قلبً نطق بأسمي .. وعلا صوته في هالكون
رغم هذا اليــن ازعل .. يراضيني وانا أدلــل
يطمني بدفــا قلبه .. وروحه فيـني تتحمـل
أحبـه والله من قلـبي .. أحبـه والله بجـنون
أحب قلبً نطق بأسمي .. وعلا صوته في هالكون
عسانـي ما أنحـرم منه .. ولا أخيب ابـد ظنـه
انا مــالي غنى عنه .. وفي بعده أجـن جنـون
أحبه والله مـن قلـبي .. أحبـه والله بجـنون
أحب قلبً نطق بأسمي .. وعلا صوته في هالكون ))

خلــص اللحن وهي مازالت تعيد ..

أحبه والله من قلـبي .. أحبه والله بجـنون
أحب قلب نطق بأسمي .. وعلا صوته في هالكون

أنتبهت لنفسها .. وراحت سكرت الأستريو وشالته من الكهرب ..

جلست على تسريحتها تفكر كيف بتسوي شعرها اليوم ..

شافت دمعه نزلت من غير ماتحس مسحتها بسرعه جنونيه ..

" تهاني بنت صالح ماتبكي على اول عقبه تواجه حياتها "

رددت هالجمله بعزم .. ووقفت وهي تهمس " الله يسامحك يازياد "

/

في فندق الأنتر بالخبـر ..

هاجر وهي تصاارخ على أمها " ييييمه شكلك مو حلو .. شكلك غلط .. شيلي هالتنوره القصيره وألبسي جلابيه .. أنتي عجوز يايمه مو بنت تلبسي تنوره قصيره "

أمها حطت يديها على خصرها معصبه " لا ياقليلة الحيا .. ياجعلتس الماحي الي يمحيتس .. هالتنوره بلبسها رضيتي والا انطقي بالفندق هنا "

دخلت منى معصبه على زوجها .. وسمعت صراخهم " اووووف اخلص من زوجي يجوني أهلي .. هويجر أتركي أمي بحالها .. ترى مابقى شيء على أذان المغرب بعدها بيودينا تركي سواء جهزتوا ولا لا .. بيركب السياره وبيروح العزومه وانتوا دبروا لكم تاكسي "

بققت ام سامي عيونها " وجع يوجعتس انتي الثانيه .. تحطين حرة زوجتس فينا .. خليه ينتظر وهو مايشوف طريقه .. هذا الي ناقص بعد تاكسي "

هاجر وهي تدور على نفسها تشوف فستانها الأورنج الي فوق الركبه " أتركيها يمه .. لو بغت تخليه ينتظر .. عطته نظره وخاف .. بس كذا جايه تسوي قويه علينا .. المفروض سامي جايبنا وفاكنا منها "

منى معصبه على أختها " عاد سامي الحين تلقينه بالريااض يطق ويرقص مع ربعه ولابمهتم فيك .. أخلصي روحي تروشي بعدين البسي هالفستان الأقشر "

عطتها هاجر نظره .. لو ان النظرات تقتل كان أقتلتها .. وراحت وهي تتوعد " ان شاء الله هالعزيمه فاتحة خير .. وأتزوج وأفتك منكم "

أم سامي تكلم منى " الله ياخذها من بنت .. نعنبو دارها تو عمرها 22 سنه وتقولين 33 سنه على شغفها على الزواج ..؟ "

منى " ماعليك منها .. أتحدى تتزوج وليـد .. أساسا عمتي وأخته النسره روابي ماراح يوافقون .. يكفي انهم يكرهون تصرفاتها "

أم سامي بحسره " وش يبون فيها .. لا جمال ولا أخلاق .. ولاحتى علم .. شهادة متوسط هي الشيء الي مفتخره فيه "

ظلت تذم في بنتها .. ولاهي بحاطه في بالها ان الي تذم فيها بنتها أقرب الناس لها ..

/

وليــد بعد صمت نص ساعه " يبه لك نص ساعه ماقلت لي رايك فيها ..؟ "

بو وليد ومازال في حالة ذهول " ياولدي مو مستوعب الي جالس تقولي .. يعني من قلة بنات السعوديه تاخذها هي ..؟ "

عقد وليد حواجبه " ليه يبه وش فيها هي ..؟ "

بو وليد يعدل جلسته .. وبصرامه " أظن عارف في الي سواه أخوها ببنت عمك مرام .. وعارف أخلاق أمها وطبايعها .. وبعد ماننسى أختها كيف مجننه زوجها الحين "

وليد يهز راسه انه يعرف " عارف يايبه .. بس البنت يتيمه ومالها ذنب ان صارت أخلاق عايلتها كذا .. وبعدين انا وعدتها من زمان بالزواج .. وهاجر بنت خالي .. يعني هي أولى من غيرها .."

بو وليد مو متقبل هالفكره " لا ياولدي .. لاتاخذ لك زوجه أشفاق عليها لأنها يتيمه .. هذه عشرة عمر وانا أبوك .. ولـ طاح الفاس بالراس مايمدينا نسوي شيء ساعتها .. ومن ناحية وعدك لها .. كنتوا صغار انت 23 سنه مراهق .. وهي بعد تقريبا 16 سنه يعني مراهقه أكثر .. والي قالته نسته الحين أكيد "

وليـد يعدل شماغه وهو يفكر " طيب يايبه من الي في بالك ..؟"

بو وليد أنشرح صدره وبانت أبتسامته " الي في بالي بنت جمال وأخلاق وعلم .. لكنها أصغر من هاجر بأربع سنوات " ناظر في ولده يشوف ردة فعله ..

ومثل ماتوقع كشر وليد " يعني عمرها 18 سنه ..؟ لا يبه تعرفني ماأحد مياعة الأطفال ودلعهم "

ضحك بو وليد " هههههههههههههههه تدري توني بكلمك من هالناحيه .. الدلع "

وليد بأهتمام " ليه لاتقولي مدلعه بعد "

بو وليد يهز راسه والأبتسامه مافارقته " ههههههه مدلعه دلع غريب .. (( مد يده يعد بأصابعه )) من أبوها وأمها وأخوانها وجدتها (( وسكت وهي يناظر وليد بنظره لها معنى )) وعمامها "

وليد يفهمها وهي طايره علشان كذا يسمونه عبقرينو .. ناظر في أبوه وعيونه فيهم أستهزاء " عمامها ..؟ (( سوا نفسه ماعرف ان أبوه من ضمن عمامها )) والسبب ورى هالدلع ..؟ "

ابوه (( والله أنك فاهم ياوليد بس بمشيها لك )) " السبب انها تشبه جدتها .. (( سكت وهو يعدل جلسته )) وآخر العنقود لأصغر عمامك "

رفع وليد راسه (( لاااا .. يارب أرحمني .. كل شيء ولا تصير الي في بالي ))

وليد وهو مازال رافع راسه " يبه أصغر عمامي عمي أحمد .. وآخر العنقود (( بأستهزاء لاحظه ابوه )) بيان "

بو وليد ماعجبه أستهزاء ولده " ايه نعم بيان وش فيها عيب قلي ..؟ جمال ماشاء الله .. وأدب وأحترام وأخلاق .. وأفكارها أفكار طفوليه مو مثل أفكار بنات هالأيام .. بس عيبها ان الدلع خربها ماصارت تعتمد على نفسها .. يعني انت تقدر تغيرها "

قدم وليد جسمه قدام وشبك يدينه وهو يناظرهم وأبتسامه أسهزاء مرسومه على فمه (( جمال مانقدر ننكر .. لكن دلع الله لايبلانا بس )) رفع راسه لأبوه " يبـه انت عارف رايي بتدليع البنت من أنا صغير .. وعارف اني الحين أكبر من اني اتزوج طفله وأربيها .."

بو وليد مو عارف ليه وليد مو متقبل بيان ابد " ياولدي عارف انك حنووون .. وبتقدر تتعامل معها مو تربيها ..!! "

وقف وليد وكأنه مل من هالمحادثه .. حب راس أبوه مبتسم له " يبه الحنان غيــر والصبـر غير .. صدق اني حنون مع خواتي بس ماعمري دلعتهم .. ابيهم يكبرون معتمدين على نفسهم .. أبي أزواجهم يذكروننا بالخير .. ويقولون عرفوا يربون .. مثل ماصار لروابي الحين ومتعب "

عقد بو وليد حواجبه " يعني عمك ماعرف يربي ..؟ "

وليد رفع يدينه " لا يبه حشا ماقلت كذا .. والحشا عن الف يمين.. بس بتدليعه لها هدم مستقبلها ماعدله ..!! وبعدين نتكلم يايبه لأن الحين بروح اتروش والبس علشان نروح المزرعه لازم حنا الي نستقبل الناس "

بو وليد وهو يوقف " في هذا معك حق .. بس لاتظن اني الحكي معك انتهى "

هز وليد راسه وهو يشوف ابوه يدخل المصعد ..

حط يديه بجيوب ثوبه .. ومال بجسمه وهو يفكر (( آخر عمرك ياوليد تاخذ بزر تربيه .. لاا .. آخذ هاجر ولا هالمدلعه ))

مشى وهو مايدري ليه كاره دلع هالبنت بالذات .. مع انها ماسوت له شيء ولاصار بينهم موقف يثبت دلعها غير حركاتها بالمجمع..!!!

راح فوق بالدرج يخطر درجتين درجتين ..

طلعت أسيل من المطبخ وهي تناظر بالدرج تتأكد انه راح ..

التفتت والهموم بعيونها (( آآه يا أسيــل اخوك يبي يتزوج النسره هاجر .. وبنت عمك بيان مو عاجبته ))

من عصبيتها .. ضربت الجدار ببكس بيدها .. بقوووووه ألمتها ..

(( أساسا بيان الف واحد يتمناها مو محتاجه لك يا أخوي ))

/

ضي وجوالها بأذنها ماسكته بكتفها .. وتلبس الشيله " يالله تهاني عجلي انتي وغلا الحين بنمرك بعد مانمر ساره ومرام وأسيل ..... لا لا بيوصلنا زوج حلا .... بسرعه يوووووه نسيت بنمر روابي بعد ..... ايه نبي نروح كلنا مره وحده عند الكوافيـر علشان نخلص مع بعض ..... يوووه تهاني ماعندها زحمه حنا حاجزينها أخلصي بسرررعه .... يالله باااي "

حطت جوالها بشنطتها وعدلت شيلتها زين .. وصرخت " بيااااااااان يالله فشلتينا مع ثااامر "

نزلت بيان تركض من الدرج وهي تلبس عباتها " طيب طيب .. أتصلتي بالبنات كلهم "

ضي وهي تشيل شنطتها بتطلع " ايه كلهم جاهزين يالله "

/

طلــع زياد من شركة مقاولات زوج عمته بو حمد .. الي يشتغل فيها

وتوجهه لسيارته بخطوات ثقيـله .. يتمنى انه مايروح هالعزيمه .. لأن وليد أخو .... سكت مايبي حتى يتذكر أسمه ..

بس وش يسوي عيب يرد عزيمة بو وليــد ..

ضغط الزر الي بيده علشان تفتح سيارته .. وتوه بيركب الا سمع صوت فرامل قووووويه ..

التفت بسرعه وخوف للشارع العام .. شاف سياره مسررررعه تحاول تمسك بريك علشان ماتصدم الرجال الي يخطف الشارع ..

غمض عيونه بقوه ومسك راسه من الصدااع الي جااه ..

همس " لاا "

مو وقت ذكريات تجيك يازيااد لا مو اليوم .. ياربِ مو اليوم ..ماأبي اذكر هالشيء اليوم في " عزيمة أخوه "

تسند بكتفه على سيارته يحاول يخفف الصداع الي جاه نتيجة الذكرياات ..

لمتى بيستمر حاله كذا كل ماشاف حادث او سياره تمسك بريك بقوه ..!!

حاول يتلفت يشووف وش صار على الرجال والسياره .. بس ماقدر .. كل الي سواه دخل السياره بسرعه وشغلها .. ورجع على ورى بسرعه جنونيه ..

وهو يتوعد " بتندم ياخالد صدقني بتندم .. وندمك على يديني "

/

متعب وهو يركض ورى روابي " روووبي أعقلي وعطيني مفتااح سيارتي "

روابي الي تركض بسرعه وتدور على كنب الصاله .. تكلمت بأنفاس متقطعه " لا ... هــه ... مافيه "

متعب بدأ يعصب " رووووبه فكيني من رجتك .. الحين بيمرونك يودونك الكوافير معهم وش تبين أكثــر ..؟؟ "

روابي بعنااد ضربت الأرض برجلها وهي تحرك راسها يمين ويسار ..وشعرها البني الي يوصل لكتفها يتحرك معها " لاااا ليــه تسهر أمس برى البيت كأنك عزووبي ومقفل جوالك بعد وانا أتـحـقرص خاايفه عليك .. وبالنهايه يجي وينووووووم "

متعب يحرك حواجبه بخبث " لأنك سويتي نفسك نايمه ولا كان مانمت "

حممرررررر وجه روابي " تفكيرك سيء وغلط (( مدت لسانها )) مثل ماتأخرت أمس بخليك تتأخر اليوم على العزوومه "

متعب وهو يفرك جبهته " ياليييل على هالبلوه "

طلعت عيون روابي من مكانها " هاه بلوه "

متعب يرقع .. وهو يبتسم " حبيبتي انا أمس ماقفلت جوالي هو طافي مافيه شاحن وانا ما ادري انه مقفل ولاكان شحنته .. قلت شكلك نمتي وما أبي ازعجك .. وبعدين ياقلبي الحين بيأذن المغرب وبتسكر المغسله عطيني المفاتيح علشان أجيب ثوبي وما أتأخر على عزيمة أخوك فشيله ترى "

روابي بعناد .. هزت راسها بمعنى لا ..

طلع من المطبخ نايف .. ونوف تمشي وتطيح رواه .. وفمهم كله شوكولاه .. وملابسهم رايحه فيها ..

روابي طلعت عيونها قدام وطاح المفتاح من يدها " هاه ..؟ وش ذا الفوضى من معطيهم شوكلاته ..؟ "

ماحست الا بمتعب جنبها ويمسكها من يدها .. ويعضها بخدها عضــه قوووووووويه ..

صرخت روابي من الألم " آآآآآآآآآآي "

نايف " ههههههههههههه بابا عد ماما "

نوف ماتدري وش السالفه " ماما ههههههه "

دنق متعب ياخذ المفتاح ويطالع بروابي الي تمسح خدها بيدها من الألم وتناظره نظرات ناريه ..

روابي " لييييييييييييه النذاله كيف الحين يروح أثرها ووراي عزومه اليوم ..؟ "

متعب ياخذ شماغه ويطالعها بنص عين مو مهتم " عادي قولي زوجي عليه مزاجات غريبه .. اليوم نفسه يعضني .. وماقدرت أرده "

طاااح وجه روابي وحمرت خدودها .. مسكت مخده صغيره للكنب ورمتها عليه بس ماجاته لانه طلع وهو يعطيها بوسه بالهواء " هههههه غيري ملابس عيالك .. وسووري على الشوكولاته الي أنقذتني ههههههه "

روابي ماسكه ضحكتها " طيب ياميتووو حسابك عندي بعد العزووووومه "

/

نهاية الفصــل السادس



/

×.. أعطر ورودي ..×

تـــــــــــــــسلم والله اخــــــــوي ادمـــين

قــــصه رووووعه

نبي احلا واحــلا

والله لايحرمنا منك ولامن جديدكـ..

تــــقبل مروووري
ولكـ تحــيه اغـــــلى من الــــذهب الـــخالص..

وآو البـآرتـآات ج ـنـآن .. }

مشكور سفيـر الظلام ..

بنتضـآر البـآرت الج ـآي ..

لآ تطول ع ـلينـآ ..

..

{ نسـآئم ..

>> الجــزء الســابع <<

!!.. القسـ (( 1 )) ـم الأول ..!!

×
×
×

كان الجو في سيارة ثامــر الهمــر حماااس .. البنات مسوين فرفشه وزحمه فيها .. والكل يسولف مع مرام وموتوها من الضم والبوسات

ضي وتهاني ومرام وروابي قدام بالسيت الثاني .. وباقي البنات ساره وبيان وغلا وأسيل ورى

ساره وهي تدف غلا الي متعلقه من ورى براس مرام " خلااص غلوو ذبحتي أختي هذه خامس بوسه من ركبتي ..!! "

غلا برطمت وتكتفت " الحين انتي وش دخلك ..؟ وش حارق أعصابك انا وبنت عمتي نصلح وش لقفك ..؟ "

مرام تموت في هبال غلا " ههههههههههه "

ضي " هههههههههه يمه كلتي البنت "

أسيل بهمس " أستحوا على وجيهكم ثامر معنا "

غلا بدفاشه وعربجيه " الحين انتي ناسيه يا آنسه أسيل انه أخوي " وقامت تنطط في السياره وترج فيها

ثامر وهو يناظر قدامه " غلايه وقسم بالله لو صار بسيارتي شيء لاتلومي الا نفسك "

غلا عصبت على الأسم الي يسميها فيه ثامر .. وقامت تنطط زياده " انننننننننن ورني وش بتسوي ..؟ "

ماأمداها قالت جملتها الا لف ثامر بقوه .. والبنات الي قدام بما انه ضيق محلهم ماتحركوا الا شوي .. اما كلللللللللل البنات الي ورى طاحوا على غلا

غلا تبعد بيان الي كانت جنبها " آآآآآآآي بختنق قوموا يادبب ياسخيفات ياحمارات "

حلا ماتت ضحك " ههههههههههه الأخلاق قفلت "

ثامر وهو يغمز لحلا " ههههههه علشان تتعلم ماتتحداني مره ثانيه "

حمرت خدود حلا يوم عرفت قصده .. ولفت تناظر برى ماهي ناقصه الحين تشتغل عنده الرومانسيه وتتفشل قدام البنات

بيان بعدت عن غلا ونفسها بخشمها لأن قلبها حاس بمصيبه اليوم " بعدي انتي .. بسبب لسانك تجينا مشاكل "

غلا كشت على بيان " مالت عليك ياثقيلة الدم "

بيان عصبت وطلعت عيونها قدام .. أشرت على نفسها " الحين أنا ثقيلة دم "

هزت غلا راسها .. وكان شكلها يضحك بالبرقع " ايه نعم "

ساره تهمس بأذن بيان " والي يخليك بيان مانبي إصابات بـهاليوم بالذات "

مسكت بيان أعصابها علشان ساره وخزت غلا الي ماسكه ضحكتها ..

(( عرفت ارفع ضغطك يابيان خخخخخ ))

ثامــر الي كان يسووق وتفكيره مع عطر زوجته

تكلم بصوت عالي " وش هالعطر الزين حلاوتي .. اول مره أشمه فيك "

غلا بدفاشه صفرت " أكششششخ انا غلايه وهي حلاوته "

بيان بدلع " أتركي أختي ويا زوجها "

غلا ردت عليها بدلع تقلدها " أتركي اخوي ويا زوجته "

ثامر ولا بمهتم فيهم يناظر بحلا الي تناظره .. يعني أسكت ..

ثامر وهو يناظر قدام شوي ويلتفت شوي على حلا " أقول قلبوو وش رايك نسوي هذه الليله رومانسيه ..!! وأوديك مطعم رايق .. بعدها نجي البحر ونكمل السهره .. صدقيني أحسن من العزومه الفين مره "

غلا نطت عليهم " وحنااااااا "

ثامر يكمل بهمس واضح متعمد " لاتخافي حلاوتي البنات برميهم بأقرب بر .. نفتك منهم خربوا جونا الله يقطع شرهم ..خلينا ننتقم "

حلا بدلع تبيه يسكت " ثمووري "

طااح وجه البنات الا غلا الي ماعندها وجه اساساً

مدت جسمها قدام على البنات ورجولها خلتهم ورى .. ووصلت لثامر وعطته بوكس على كتفه ورجعت بسرعه طاحت على أسيل ..

أسيل " آآآآي وجع "

البنات " هههههههههههههههه "

ثامر يمسح على البوكس " وجع غلايه مردوده صدقيني .. بس بالعزيمه مو بالسياره "

غلا وهي تنطط " أأأأءءءأأأأءء "

بيان تتحمد " قرد طبيعي "

غلا " أوووووووووص "

مسك ثامر يد حلا وباسها متعمد يبي يحرج البنات

سحبت حلا يدها بقوه وخلاااص وجهها حاااااار وصل حدها من الحيااء ..

تهاني هالمره صفرت " الله يهني سعيد بسعيده هههههههه "

روابي " هههههههههه كأنك عجوز "

البنات " هههههههههه "

غلا تمثل بحالميه " آآه على أخوي واقع بحبها من فوقها لتحتها "

بيان عطتها نظره " وجع ان شاء الله قولي ماشاء الله لاتصكين أختي بعين "

التفتت ضي بعد وخزتها " غليوه يالله سمي على أختي لايجيها شيء من عينك "

غلا تسوي نفسها خايفه " يمه فزعوا خواتها "

حلا تصاارخ " غلاااا والله أن كرهني ثامر لاتشوفين شيء عمرك ماشفتيه "

ثامر يغمز لها مو مهتم " أكره عمري قبل ما أكرهك "

×××

في المزرعه بـ قسم الرجال ..

كانوا الرجاال بدوا يجوون ويسلمون على وليد وأبوه .. ويباركوا له على شهادة الدكتوراه

بو عصام " الف مبرووك ياولدي والله رفعت رااس ابوك "

وليـد بهيبته واقف جنب ابووه وصاير أطول منه " يبارك فيك بو عصام ماتقصـر "

عصام جاء ورى ابوه وسلم على وليد " الحمدلله على سلامتك بو ضاري .. والف مبرووك "

هز وليد راسه " الله يسلمك ياخوي .."

بو وليـد " أقلطوا .. ســم يابو عصام "

×××

وبالكوافيــر كان الضحك يوووصل لآخر الشارع ..

مع ان البنات حجزوا الكوافير لهم اليوم .. الا ان فيه بعض البنات جاين يستشورون ويقصوون ..

كانوا يناظرون بشلة البنات الي يضحكون .. ويضحكوا على سوالفهم ونفسهم ينضمون لهم ويشاركونهم مرحهم

غلا وهي تمسح دموعها " آآآه ياقلبي شكل مكياج عيوني أخترب " وقفت تناظر شافت بعض الكحل سال

ضي تتكلم وهي تضحك " والله وطلعتي كشخه يا أختي وسويتي بنكيك بدون ماتقولين لي ... اووبس سوري قصدي شيء يشبه البنكيك هههههههههه "

بيان عاقده حواجبها وماده بوزها " الحين انتي ماعلقتي الا علي .. علقي على شوشو مع صديقهم الفاار "

شيماء كانت الكوافير تحط لها شدوو " اقوول أبعدي عني ما قلت لكم عن الفار علشان تعلقي علي "

أسيل " هههههههههه ولا عبير يوم تحسب ان اليوم زواج اخوها "

عبير حاطه رجل على رجل لأنها خلصت جايه قبلهم " والله وش يدريني انا .. تقولي عزومه وانا جالسه اتحلم بالزواج "

تهاني " هههههههه لا هذه ولا هذه (( أشرت على خد روابي )) علقوا على هذه أحسن ههههههههههه "

البنات معهم البنات الموجودات بالكوافير " هههههههههههههههههه "

التفتت روابي طايح وجهها على البنات الي يضحكون عليها وهي ماتعرفهم .. ونزلوا راسهم على طول سوو نفسهم ماضحكوا ..

حلا تهمس لروابي وهي تمسك ضحكتها " ماعليك منهم .. بكره يتزوجوون ونمسكهم تعليق "

مرام " هههههههه لا جد بس بهاليووم صار لكم كل هذا ..؟ "

غلا وهي ماسكه قلم كحل تزين كحلها ولا بمهتمه بالفلبينيه الي تهاوش " ايه وماننسى يد حلا هع هع "

حلا ترميها بشليتها " أووص انتي ماادري ليه متسببه علي ..؟ "

بيان بهدووء " قايله انا اليوم هذا منحووس "

ناظروها البنات مستغربين وقالوا مع بعض " منحوووووس ..؟ " ناظروا بعض بشكل مضحك

بيان تأشر بيدها والكوافيره تزينها " انا حاسه كذا .. قلبي المجنون هو الي يقول "

ضي عقدت حواجبها " بس مو معناتها انك تخرفي وتقولي منحوس مامنحوس من متى انتي تقولي هالسخافات "

بيان ضااااايق صدرها وودها تبكي ماتدري ليه .. ماردت على ضي .. والتفتت على ساره الي طول الوقت سااكته ومنزله عيونها للأرض..

همست لها والبنات رجعوا يضحكون مع بعض " ساره قلبي .. لاتفكرين كثيــر وتتعبي نفسك .. صدق عزيمته بس فليها "

ناظرتها ساره على جنب " ترى مو بس انا الي مو فالتها حتى انتي ..!! "

فتحت بيان عيونها وهي تناظر ساره .. وقالت بأستغراب " تدرين ..؟ انا ماادري وش فيني ودي أفلها .. بس كالعاده قلبي يمسكني لاجاء بيصير شيء "

عقدت ساره حواجبها " يعني بيصير شيء ..؟ "

تلعثمت بيان " هاه ..؟ انا قلت يمكن .. وبعدين انتي خايفه من أيش ..؟ "

تنهدت ساره بصووت خافت علشان مايسمعونها البنات " خاايفه انه بعد هالعزيمه يخطب .. وتصير فاتحة شر بدال ماتصير فاتحة خير "

أبتسمت بيان " لاتقولي كذا وتصيري خبله مثلي .. يكفينا خبله وحده مو خبلتين "

ساره وهي تمسح دمعه خانتها " ههههههههههه الله يقطع شرك "

كلمت بيان بجديه " بعدين اكيد مرت عمي هي الي بتخطب له يعني بتدور بهالعزيمه بنت تناسبه .. ليه ماتكونين انتي ..؟ "

ساره بحزن " وليه من بد كل هالبنات أنا ..؟ "

بيان بواقعيه " لأنك انتي الي تناسبيه "

مافهمت ساره " اناسبه ..؟ "

كملت بيان " ايه .. لأنها اكيد بتعطيه من بنات العايله أكيــد .. ومافيه وحده على وجه الزواج تصلح لوليد غيرك انتي وضي وتهاني .. تهااني عارفه من تحب (( سكتت تناظرها )) وضي ماتبي وليــد لأن الي في قلبها مايعلمه الا ربك " نزلت راسها بحزن يوم تذكرت فهد .. ياليته ياخذ أختها .. ويطفي ناار الذنب والمراره الي بقلبها .. ماتدري وش سر هالأعجاب ..؟ لا يمكن مو أعجاب بس نظرات لكن هم أفهموا غلط ..!!

ساره بأهتمام قطعت تفكيـر بيان " ضي تحب أحد ..؟ "

أبتسمت بيان " ماندري عن الي بقلبها ياساره .. بس لايهمك أحد الحين المهم أنك انتي الي تناسبي فزااع وبس "

ساره الهم أنزااح عن قلبها " ههههههههههههههه فزااع .. حتى انتي "

عدلت بيان جلستها وهي تناظر في الفلبينيه الي تناظرها نظرات أعجاب " ايه صدق هو يشبهه كثيــر "

ساره تسوي نفسها معصبه " هيييييييه ترى أغاااااااار "

بيان حطت يديها على فمها " اووبس سووري نسيت ههههههه "

الفلبينيه " لا مدام مافي حطي يد على وجه انتي .. في خرااب ميك أب "

ماهتمت لها بيان وغمزت لساره .. الي ابتسمت لها وهي ترجع راسها وتفكر (( الله يابياان بعض الأوقات تصير لك مواقف تثبت انك نعم الأخت ونعم بنت العم والصديقه .. تثبت انك مو بس البنت الي دلوعها اهلها وصارت ماتعرف شيء بالحياه ..!! ))

×××

كانــت مزرعة بو وليــد .. كبيـــره بمعنى الكلمه ..

قســم الرجاال مبنى كامل على اليمين .. وقسم الحريم بعد مبنى كامل على اليسار

ومطبــخ بالنص بيــن المبنييـن

و بالوسط في بركــه كبيــــره مشتركه ..

في كل قسم فيه برك خاصــه مغطااه ومكيــفه ..

وفيه قســم خاص لأهل المزرعه .. فلــه كامله بعيده عن قسم الحريم والرجال شوي.. أغرااض البنات أرسلوها فيها مع السواق قبل بيووم ..

نزلوا البنات من سيارة ثامر الي وقفت عند الفله علشان يلبسون البنات ويعدلون نفسهم ..

آخر وحده نزلت حلا وسكرت الباب وهي مبتسمه وتناظر في ثامر وهو يرجع بالسياره على ورى

راحت ورى البنات داخل الفله ..

غلا " تو الناس كان جلستي أكثــر خخخخخ "

ماعطتها وجه حلا وجلست تناظر بالفله الي تغيرت ..

ضي مبهوره من فخامة الفله " وااااااو أسيــل تغيرت المزرعه بالكامل .. من متى ماجينا هنا ..؟ "

بيان تفكر " ممممممم يمكن أربع سنين "

أسيل " ايه تقريباً "

مرام " ماشاء الله شكل عمي معتني فيها "

روابي وهي تنقز فوق الكنب " اييييييه ابوي اهم شيء مزرعته زي عمي ضاري " غمزت لضي .. وجلست ترقص مصري بخصرها

ساره " هههههههههههه مهبوله وش عندك ترقصين مابعد بدأ الرقص "

روابي مستمره بالرقص وهي تغني " طب ليه بيداري كده ولاهو داري كده ولاندالي كده ولاندا .. ليه حيرني وليه بيهجرني انا ولا بجيش على بالو كده .. كدااا "

غلا نطت وتدفها من خصرها " انزلي من زين هالصوت عاد .. اسمعوا صوتي بس ... أحـــم (( بدت تهز الخصر )) وماخذتش بالي .. في يوم انا .. ان انت ياغالي .. حبيتني انا .. ذاااايب في هوااي .. يآآآ حالك من حالي .. وأنا عشت ليالي بهواك انا .. ولاكان في خيالي تبقى لي انا ..... ""

قاطعتها شيماء وهي تدخل " اقوول الله يخلف عليكم جالسين ترقصون هنا والمعازيم بدوو يجوون "

صرخوا البنات مع بعض " والله "

عبير طلعت من ورى شيماء " ايه والله .. تحركوا ياحظي "

راحوا البنات ركض فووق للغرف .. الا بيان تناظرهم مبتسمه .. التفتت على أغلى صديقات لها ..

ناظرت بعيونهم .. وكأنهم راح يفهمونها من النظرات ..


قربت منها شيماء وهي تحط يدها على كتفها " بيان وش فيك متغيره ..؟ مو أنتي الفرفوشه والمرحه الي أعرفها .. وش جاك ..؟ حبـيـتـي ..؟ "

عبير تدف شيماء بمزح .. عقدت حواجبها " مجنونه هي تحب .. مالها ومال عوار الراس "

خزتها شيماء .. كملت عبير " ايه وانا صادقه عوار الراس "

قاطعتهم بيان وهي تجلس على الكنب وترجع راسها على ورى " لا حبيت ولا ان يحزنون وش شايفيني خبله ..؟ "

ناظروا شيماء وعبير في بعض .... الحيــــن الي يحــب خبــل ..!!

عبير تحاول تعرف وش فيها " طيب وش فيك مو فرحانه .. من يحصل له عزيمه .. ترى مو كل يوم تصير ..؟ "

بيان هزت أكتافها " ماادري حاسه ان قلبي ماسكني وماني مرتاحه أبد "

شيماء تجلس جنبها وتقرصها بخدها " بدينا حركات الحاسه السادسه "

تنهدت بيان " وربي اني صادقه ..!! فيني الحاسه السادسه ..!! أحس اذا جاء بيصير شيء "

وقفت عبير تبي تنهي المحادثه " يااااربِ بيان .. تعوذي من الشيطان وفرفشي وانسي هالقلب الفاضي .. الي ماتسبب الا اليوم .. وخلي ننبسط متى نجتمع حنا قولي لي ..؟ "

شيماء تكمل لعبير " فـ السنه مره "

ناظرتهم بيان (( هم صادقيــن .. يعني ماجاء وقت الخوف والأحساس الا اليوم ..؟ لازم أنبسط واوسع صدري لآآخر شيء ))

وقفت جنبهم وغمزت لهم بمرح " ربي لايحرمني منكم يا أحلى صديقات بالدنيا كلها "

شيماء تسوي نفسها مستحيه نزلت راسها " ماأقدر انا ماأقدر .. (( دفت عبير )) وخري تقصدني انا "

كشت عبير عليها " ماالت تقصدني انا يادعله "

بيان وهي تركض للدرج " هههههههههه تهاوشوا على ما ألبس واذا أحتجتوا لمواد حاده تتضاربوا فيها شوفوا المطبخ قريب .. خذوا الي تبون "

عبير + شيماء " ههههههههههههه علللللله "

×××

وقــف حمد يبي يرووح لمطبخ الرجال .. ومــر على وليد بطريقه ..

حمد يبتسم لوليد " اشووف المعرس جالس ومستريح ..؟ قم خلنا نجيب دلال قهوه زياده من المطبخ "

وليد يعدل شماغه بغرور " الله يسمع منك وأصير معرس .. وبعدين أجلس لاتتعب نفسك ماتشوف خالد وطارق ومشاري وسطام قايمين بالواجب ههههههههه "

حمد يلتفت يناظرهم " هههههههه والله صاادق وهذا فيصل وقف يسااعدهم "

جاهم فهد كاااشخ لآخر درجه .. والي يشوفه يقول هذا تؤم وليـد على التشابه الي بينهم ..

حمد يمزح مع فهد " هلاا بوليد الثاني وش عندك كاشخ كذا "

فهد بحواجب مرفوعه " أخلص من الرجال تجيني انت .. كل دقيقه مسكني شايب .. انت وش تصير لـ راعي العزيمه (( التفت لوليد )) والله وصرنا نسوي عزايم "

وليد " ههههههههههه اجل وش على بالك "

حمد يمشي عنهم " بروح أجيب دلال قهوه زياده .. لايطق بأخوي مشاري عرق رايح جاي للمطبخ "

×××

عبير وشيماء كانوا جالســين بصالة الفله ..

ناظرت شيماء بساعتها " ماصار لبس .. هذا وهم متجهزين بس يلبسون .. اجل كيف لو يحطوا ميك اب ويسوون شعرهم ..!! "

عبير " هههههههههههه شفتي كيف .. والله بنات هالعايله مهبولات "

" أفااا صرنا مهبولات ياعبير .. ماتوقعتها منك ..!! "

التفتت عبير وشيماء للدرج .. وهم يناظروا في ساره الي تنزل بشوي شوي من على الدرج وكأنها عروس .. وعلى وجهها أبتسامه مرتبكه ..

شيماء " ماشاء الله .. لا اله الا الله .. غطيتي علينا ..؟ "

عبير بمرح " تكلمي عن نفسك لو سمحتي .. ماغطت علي "

نزلت ساره آخر درجه وهي تسحب ذيل فستانها الأحمر .. كان مرره رايق وحلوو .. يوصل لنص الساق من قدام ومن ورى طويل .. ويصلح للعزايم الكبيره الي مثل كذا ..

شعرها البني الي يوصل لتحت كتفها رافعته بتسريحه حلوه ومنزله خصل ملوره ..

وعيونها بنيه .. كانت تشبه فيصل كثيــر حتى بعيونها .. لكن مافيها من فهد شيء ..

ساره بهدوء " صدق حلوه ولا مجامله ..؟ "

عبير تحرك يدينها بحماس " شووفي انتي حلوه كثييييير .. ويمكن أحلى من كل البنات .. بس مو أحلى من عبير أكيد "

شيماء تهمس لساره وهي تخبي فمها بيدها عن عبير " قولي لها ايه وبس .. ماخذه فكره غلط عن نفسها هههههه "

ماكملت ضحكتها الا بضربه قوووووويه على ظهرها

شيماء بصراخ " آآآآآآآآآي "

التفتت لعبير وعطتها نظره " انا أروح اجلس عند ماما والحريم أحسن من مقاابل وجهك "

عبير تقلدها " ماما ... ماما .. ماما زمنها قيــه .. قيـه بعد شووويه "

ساره " ههههههههه مهبولات "

مشت شيماء رافعه راسها بغرور .. وخذت شنطتها

ساره تأشر على شيماء " عبير ههههههه بالذمه من يمشي مثل كذا "

عبير بدون تفكير " بيااااااااااااااان ههههههههههههههه "

ماعطتهم وجه شيماء وفتحت الباب بتطلع " اذا خلصوا البنات ... الحقوا عمتكم زيــن "

ساره + عبير " تكفيييييييييييين "

عبير " قال ايه عمتنا "

مشت شيماء طالعه من الفله ولفت رايحه على قسم الحريــم ..

كانت تسرع بخطواتها علشان توصل لأن قسم الحريم بعيد شوي عن الفله ..

وقفت فجأه وهي تناظر بسـه < قطوه > صغييييييره مره وبيضااء .. (( وااااااااي تدننننننننن ))

توجهت لها بشوي شوي وكانت البسه واقفه عند المطبخ الي بين قسم الرجال والحريم ..

خافت شيماء انها تهرب عند الرجال ولاتقدر تمسكها تبي تلمسها بس .. تكلمت بهمس وهي تناظر البسه شكلها بتهرب .. وكأنها بتفهم عليها " لا لا أهربي من يمينك علشان اقدر امسكك لاتروحي عند الرجال "

×××

حمد كان يمشــي رايح للمطبخ يجيب دلال قهوه زياده .. وقف وهو يسمع صووت جاي من الجهه الثانيه ..!!

وش ذا ..؟ ليكون طفــل جالس يلعب هنا .. والمزرعه ملياااااااانه كلاب بوليسيه

لف متوجه له وهو عاقد حواجبه .. وقف مصدووووووووم وهو يشوفها قدااامه

(( بسم الله الرحمن الرحيم أكيد مو من الأنس ..!! مو معقوله الي يفكر فيها يشوفها معقوله صدفه ..؟؟ )) فتح عيونه أكثر يدقق بملامحها وهي مدنقه للبسه ومبتسمه ..

شيماء بصووت ناعم طفوولي " قلبووو تدننييييييييييييين ياحلوه .. (( تأملتها وكملت )) صح ماتعرفنا ..؟ (( مدت يدها والبسه ماتحركت .. مسكت يدها وحركتها كأنها تسلم عليها )) ياحليلك مسالمه ماتهربي ..؟ طيب انا شوشو وأنتي ..؟ "

ماقدر يمسك نفسه .. تكلــم بســه ..!!

" هههههههههههههههههههههههههههههه "

لف بوجهه وهو يحط يده على فمه علشان مايحرجها ولا يخوفها بنفس الوقت

رفعت شيماء راسها وهي مفتحه عيونها لآخر شيء وخاايفه من هذا الي يضحك ..؟

ناظرت شافت رجاااال طويل .... بلمت ... هاه ... هو نفسه نفسسسسسسسه

وقفت وبسررررررررعه وراحت تركض لقسم الحريم ..

التفت حمد يوم سمع خطواتها وهي تركض .. ناظرها .. مع انه يعرف ان تصرفه غلط والمفرووض يصد .. لكن مو قادر هذه الي سحرت قلبــه

شعرها مميــش بخصلات شقرااء يوصل لعند كتفها ويتحرك وراها وهي تركض .. ولابسه بلوزه وتنوره بيــج ناعميــن ..

أبتسم لنفسه معقوله في هالدقايق دققت بكل هذا ...؟

آآه ياربِ صايره حلووووه اليوم وهي متكشخه .. (( هز راسه كأنه يصحي نفسه )) حمد أستح يارجال البنت محرمه عليك لاتجلس تتأمل كثير

كان بيرجع يروح للمطبخ بس لفت أنتباهه شيء عند " بســة حبيبته "

(( والله وصاارت حبيبتي بعد .. وش صار لي ..؟ يمكن البنت متزوجه هههههه )) ضحك بعدها تجهم وجهه .. متزوجه ..؟ ليه مافكرت فيها ..؟ اساساً انا ما أعرف من هي حتى ..؟

دنق للأرض وخذ شنطــتها .. التفت للفله وراه .. كيــف الحين يقدر يوصل شنطتها بدون مايتعرض للأسئله ..!!!!

/

" ضي وش رايك طالعه حلوه ولا ..؟ "

التفتت ضي الي كانت بتطلع من الغرفه .. علشان تنزل وترووح عند الحريم " وانتي خليتيني أشوفك بعد مالبستي وزينتي شعرك ...؟ "

طلعت بيان من غرفة التبديل ترمش بعيونها .. وكأنها خايفه من رأي ضي ..

بلمت ضي تناظر في فستان أختها الأخضر (( بلون علم السعوديه ^_^ )) الي كان من وراء نفس ساره طويييل .. ومن قداام يوصل فوق الركبه ..

ومن فوق ربط .. لكن الظهر مايطلع الا شوي لان الربطه طويله غطته ..

شعرها الأسود كان لنــص ظهرها .. رافعه القذله وشوي منه .. ومنزله خصلات ..

عيونها العسليــه المايله للبني طالعه أوسع بالكحل والظـل ..

بيان بملل " ضيييييييييييي حلوه ولا مو حلوه .. مايحتااج كل هالتفكير "

ضي قربت لها مبتسمه " ماشاء الله لا اله الا الله .. قريتي على نفسك اول "

بيان حركت كتوفها " ايه .. بس ليه حلوه ..؟ "

أبتسمت ضي على برائه أختها " كل هالحلا ..؟ وتسأليني انا حلوه "

بيان وهي ترمش " بس اول مره أحط مكياااج "

ضي وهي تسحبها علشان ينزلون " عادي تعودي الحين انتي صرتي بنت جااامعه لاازم تحطين "

خذت بيان شنطتها وراحت ورى أختها تحت ..

كانوا البنات كلهم خلصوا وواقفين تحت ياخذون راي بعض في كشختهم ..

بلموا يوم شافوا بياان جايه ورى ضي ..

حلا بخووف " بياااان قريتي على نفســك ..؟ "

بيان ببرائه مو فاهمه شيء " هاه ..؟ ايه بس ليه تسأليني أنا ..؟ "

غلا وهي تهز خصرها " يعني على البرييييييييئه .. يعني ماتشوفين هالجماال الصاارخ الي فيك .. سلفيني من الخطاطيب الي بيجونكم بكره "

دفتها حلا " اقوووووول انتي .. مايكفي تصكيني انا بعين .. الحين اختي "

غلا بطريقه مضحكه تخصرت وقامت تهز " لاااااااااااا ياستي ..؟ أحللللللفي ابيك تحلفين .. مالت عليك عيني مو حاااره مثلك "

روابي تقاطعهم " خلااااااص لاتتهاوشوا خلونا نروح بتخلص العزيمنا وحنا هنا "

مرام خذت شنطتها " ايه يالله صدق تأخرنا "

وقفت ساره بهدووء وهي تناظر فيهم كل واحد تاخذ شنطتها ..

صــدق بنات العايله كل وحده أحسن من الثانيه .. لكن أحلاهم مرام وبيان وتهاني ..

جمالهم كان مختلف .. جماال ملفت للأنظار ..

مشت وهي تناظر تهاني .. بشعرها الكستنائي الي عند كتوفها .. وعيونها العسليه الناعسه ..

معقوله أم وليــد بتفكر تـاخذها وتهاني موجوده ..؟ لكن الكل يعرف ان تهاني لخالد ..!!

يااربِ كله بسبب أخوها المزاااجي زيااد .. المفرووض تهاني متزوجه الحين ..!!

لاتفكــري ياساره كثيــر لاتفكري .. الي كاتبه ربك بيصير .. ناظرت في ضي ياليتها أختها علشان تنصحها .. نصاايحها مره تريح الواحد .. كانت ضي حلوه بعد بعيونها الرصاااصيه مثل لون عيون غلا ..

أسيــل تناظر شنطة عبيـر " اووووووف كل هذه شنطه .. شنطة سفر وربي هههههههه "

خزتها عبير " يعني قصدك ما أوديها "

تهاني " ايه لاتودينها .. صادقه أسيــل كبيره كثيــر مهبوله تشتري هالكبر "

هزت عبير كتوفها بعدم أهتمام " وش يدريني يقولون هذه الموضه "

غلا بعربجيه " والله ياهالبنااات ماذابحكم الا هالموضه .. What you have is when my grandmother (( ماعندك ماعند جدتي )) "

بيان رجعت لها روح المرح " تكللللللللللمت المسترجله "

غلا تحط صبعها على خشمها " انتي أووووووووووص "

بيان " انتي اووص "

غلا تكتفت " لا انتي "

مرام وهي تطلع " ههههههههه ياحليلهم "

حلا تدفها " أمحق يا حليلهم .. بزااارين "

راحوا يركضون ورى البنات وكل وحده تخز الثانيه

×××

في قســم الحريــم ..

كانت الدنيــا زحمــه والأصوااات عاليه .. حتى العرس مايصيروا المعازيم بهالعدد الكبيــره ..

والصاله الي جالسين فيها ثلاث قاعات تقريباً من كبرها ..

دخلــوا البنات وكل وحده تدف الثانيه .. مرتبكين من هالعدد الكبيــر .. بيسلمون عليهم كلهم ..!!

ضي تسأل البنات بهمس " هيه هيه بنات وش نسوي نسلم عليهم كلهم ..؟ "

غلا نطت تناظر الحريم " مجنونه انتي تسلمي عليهم كلهم .. قوولي السلام ودخلي وسلمي على الي تعرفين "

روابي بسخريه " اذا قلنا السلام ضنك بيسمعونا ..؟ "

أسيل " اتركوا غلا عنكم وأدخلوا أخلصوا علـي ..!! "

دخلوا البنات يسلمون الا غلا وبيان ومرام ..

مرام بأرتباك " يارب مو قادره أســتحي .. "

بيان تدفها معها وهي مرتبكه أكثــر " لاتربكيني أكثــر الي فيني كافيني أمشــي "

مشت معها ورا البنات يسلمون

اما غلا سلمت بعربجيه وهي تمد يدها فوق بمعنى السلام .. ويوم شافت ماأحد أنتبه لها

صرخت بقووووووتها " قلناااااااااااااا السلاااااااااااااااااااام "

سكتوا معـضم الحريـم بفضوول يبون يعرفون من الي صرخ ..

والبنات تروعوا ووقفوا عن يسلمون .. التفتوا على غلا يشوفون وش فيها ..

أبتسمت غلا برضى يوم شافت انها لفتت انتباه الكل

ومشت رايحه تسلم على عماتها والي تعرفهم ..

أسيل بهمس لساره " أستخبلت بنت خالكم ..!! "

ساره وهي تلتفت بتكمل السلام " من زمان هي خبله ..!! "

مرر أكثــر من نص ساعه والبنات يسلمون .. أتعبوا وصاروا يحسدون غلا الي جالسه تسوولف مع امها وعماتها مرتااااحه ..

وصلوا آخر قاعه وسلمــوا عليها .. وقفت وحده من الحريم هي وبنت جنبها .. الظاهر انها بنتها ..

وجات أم وليـد من وراهم مبتسمه " بناات .. أبي اعرفكم على أم عصاام "

وقفت جنبها وهي تكلم البنات الي يناظرون فيها مبتسمين " هذه صديقتي الروح بالروح زوجة الوزيــر الكل يعرفها (( مسكت كتف البنت الي جنبها )) وهذه بنتها هيفااء "

البنات " ياهلاا "

بدت أم وليد تعرف ام عصاام على البنات ..

أم عصاام وعينها على مرام " ماشاء الله تبارك الله .. (( بفضول لفت على ام وليد )) كلهم متزوجين ..؟ "

ام وليد " ههههههههه لا الله يهدااك توهم صغاار (( أشرت على روابي )) هذه بنتي متزوجه .. وحلا .. ومرام .. اما الباقي توهم ان شاء الله هالسنه ياارب كلهم يتزوجوا "

ناظروها البنات مصدومين ..

أسيل مفتحه عيونها " أسم الله علينا امي لاتفاولين "

ام ووليد " شدعووه وش شايفه الزواج مرض ..؟ "

البنات " أيـــه "

أم عصام وجاها أكتئاب يوم درت ان مرام متزوجه " الله يوفقهم ياارب "

راحوا البنات يجلسون بنفس القاعه وجاتهم غلا معاها لينا والبندري ..

بيان وقفت مستااااااانسه وهي تضمهم بالقوه " اشتقت لكم يادوووووووووبياااااااااات "

لينا " هههههههه بشوي شوي .. حنا أكثــر "

البندري برجتها المعتاده " يووووووه اليوم كلكم عروسات .. ابي احدد من العروس مش قادره "

البنات " ههههههههههههه الله يقطع شرك "

جلسوا سوالف وضــحك مايدرون في الي تخزهم خز

هيفاء بدلع لأمها " اففف يمه شوفيهم مغرورات كل وحده فوق راسها ريشه وبالذات ام الفستاان الأخضر "

ام عصام تناظر فيهم " بالعكس مو مغرورات .. وام الفستاان الأخضر يحق لها مدامها جمال وبنت أحمد الـسـ ,,, أكبر تاااجر بالخبر "

هيفاء بملل وحقد " افففففففف يمه وش تاجر وش جماله .. مو احلى مني " رمشت بعيونها بدلع لأمها

ام عصام " هههههههه اكيد انتي الحلا كله (( التفتت تناظر مرام )) الا هيووف شفتي ام فستاان بني ..؟ الي اسمها مرام .. عليها جماال ماهوب صاحي "

هيفاء تناظر فيها " ممممم عاديه (( التفتت لأمها )) ليه هـ الأعجاب ..؟ "

ام عصام بضيقه " كان ودي آخذها لعصام .. جمال وأصل وفصل وش ابي اكثـر من كذا لولدي ..؟ "

هيفاء مو مهتمه " انتي عارفه من طلق زوجتـه المنحوسه مايبي يتزوج "

ام عصام " وش علي منه انا ..؟ الا تعالي تعرفين ان هالمرام نص سعوديه ونص سوريه ..؟ "

التفتت هيفاء مستغربه " هاه ..؟ "

ام عصام تهز راسها " ايه امها سوريه .. ماتشوفي جمالها غريب ..؟ شوفي العيون الخضراء والشعر الأشقر "

هيفاء بلمت " ايه انا شكيت بالأمر "

ام عصام مكمله ثرثرتها على بنتها " مسكينه توها قاتله ولدها وعمره شهرين تقريباً "

تروعت هيفااء ووقفت من الخوف .. وبصوت قريب للهمس " مجرمه ؟؟ "

التفتت ام عصام يمين وشمال تخاف احد سمع ولا شاف بنتها المهبوله .. مسكت يدها وجلستها " مهبووله انتي ..؟ وش مجرمه ..؟ احد يقتل ولده ..؟"

هيفاء بغباء " انتي الي قلتي "

ام عصام " ايه ماخليتيني اكمل الله يهداك .. قتلته ماتدري كانت جالسه ترضعه وهي منسدحه على السرير ونامت من غير ماتحس .. وماقامت من النوم الا وهي منسدحه عليه ووجه ازرق .. أختنق ومات "

هيفاء بتأثر " ياعمرررررري ببكي "

أم عصام تناظرها على جنب " مو وقته تسوين لي فلم هندي "

×××

مشت هاجر بميااعه تسلم على عمتها أم وليــد

هاجر " هااي عمتوو "

ام وليد (( والله ونعم السلام )) " اهلين حبيبتي "

هاجر جلست جنبها للمصالح وحطت رجل على رجل " كيفك عمتوو ..؟ "

هزت أم وليد راسها " الحمدلله يابنتي (( أشرت على البنات )) شوفي البنات هناك روحي سولفي معهم "

انقهرت هاجر من برود عمتها .. توقعت تبتسم لها وتسألها عن أخبارها .. وقفت " اوكيك "

راحت بأتجاه البناات ومدت يدها بدلع مااصخ " هاي GirlS "

البنات ناظروها من فوق لتحت " هااي "

جلست جنبهم تناظرهم بنص عين " كيفكون بنات .. (( ناظرت أسيل وروابي )) كيفكون بنات عمتو "

أسيل مو طايقتها بعد الي سمعت من وليد " والله قبل شوي تمام "

خزتها روابي .. وتكلمت " ههههه الحمدلله والله .. انتي أخبارك هاجر وش اخبار الرياض ..؟"

ناظرت هاجر بأسيل بحقدت (( قليلة حياا .. أوريك لو خذت وليد .. اذا ماخليته يكرهك ماأكون انا هاجر )) " الريااض ملل صراحه مافيه جمعت بناات مثل هنا " ناظرت البنات بدلع .. وطاحت عينها بعيون بيان

قالت وهي ترجع شعرها الأحمر بيدها " الا اخباار الدلوعه بياان "

عصبت بيان .. من هي علشان تحاكيها كذا ..؟ " والله انا بخييير مدامي بعيده عنك "

وقفت هاجر بعصبيه .. وكأنها تبيها من الله " والله انا ماجيت لعزيمتك .. جيت لعزيمة ولد عمتي فاهمه ..!! "

وقفت حلا معها تهديها " معليه هاجر حبيبتي .. بيان ماتقصد تمزح معك "

هاجر خزتها " ايه واااضح انها تمزح صراحه ..!! علشانها أختك تدافعي عنها "

غلا الي ساكته طول الوقت تحاول تمسك أعصابها " اقوول هويجر كانك ناويه تتسببين ياليت بعيد عنا .. مالنا خلق مشاكلك يالكريهه "

تهاني صرخت على غلا " غلا احترمي نفسك واسكتي "

بيان تقاطعها وهي توقف " خليها اول هي تحترم نفسها بعدين نحترمها (( خزت هاجر )) مالي قعده هنا (( اشرت على هاجر من فوق لتحت )) مدام هالأشكال معكم "

راحت تمشي مو مهتمه ولحقتها أسيل وساره .. جاو شيماء وعبير والبندري ولينا بيقومون .. أشرت لهم ضي بمعنى لا ..

مرام تهدي هاجر " معليه هاجر حنا خوات "

ناظرتها هاجر بحقد " اوووه مرام موجوده توني انتبه "

حست تهاني ان هاجر بتغلط على مرام " لو سمحتي .. مرام خليها بعيده عنك "

شيماء بهمس لعبير " وش ذا النسره الي كدرت علينا "

البندري بهمس " اص اص لاتسمعكم "

وقفت هاجر " لااا كل وحده قامت تغلط اترككم احسن لي "

راحت وماعطت احد وجه .. وقابلت عمتها ام وليد .. وعصرت دمعتين بعيونها ..

انتبهت لها ام وليد وهي تمسح دموعها الكاذبه

قربت منها بخوف " وش فيك يابنتي ..؟ تعبانه ..؟ "

هاجر وهي تشهق شهقات كاذبه " عمتي ماتوقعت كل البنات يهجمون علي بالكلام .. اوكي لو وحده منهم لكن مو كلهم .. حتى معهم بنات ماأعرفهم غلطوا علي .. ماادرري ليه مايحبووني (( ببرائه ناظرت عمتها )) انا وش سويت ياعمه ..؟ "

عصبت ام وليـد على البنات " ماعليك منهم .. انا اوريك فيهم .. مع ان مش عادتهم يسوون كذا .. بس حسابهم عندي "

×××

جلست بيان في المجلس البعيد عن الصاله ومعها أسيــل وسااره ..

أسـيل " ماعليك منها بيان أحقريها هالحماره .. ماادري وش جيبها.. كرهتني بالعزومه كلها "

ساره تناظر أسيل " يعني بالله عليك كل هالعالم يجون ماتبين بنت خالك تجي ..؟ "

بيان مو مهتمه " قايله هاليوم منحوس "

أسيل + ساره " يوووووووه رجعنا على هالمنحوس "

دخلوا بهالوقت كل البنات .. وكل وحده فيهم مبين انها معصبه ..

جلست روابي جنب ساره بقووه هزت ساره معها " صدق ماتستحي ماكفاها الي سوت تروح تنم عند أمي كذب ..؟ "

غلا معصبه " حقيييييييييييييييييره "

البندري معصبه أكثر " والمشكله قالت لخالتي ام وليد اننا تكلمنا عليها بعد "

بيان توها تستوعب الحكي " هاه راحت قالت لمرت عمي .؟ "

البنات " ايييييييييه "

أسيل تضم يديها من القهر " صدق حقييييييره "

مرام بطيبه وهدوء " خلااص بنات أنسوها جايين ننبسط حنا "

ناظروها مستغربين ..!!

تكلمت ضي بمرح " ايه والله ليه نقهر نفسنا وهذا الشيء الي تبيه .. خلونا نضحك ونسمعها ضحكنا "

بنات " حلوووووووووو "

جلسوا البنات سواالف وضحك ولاهمهم شيء .. وسمعوا سياارات المطعم وصلت .. قاموا نقزوا كلهم يناظرون من النافذه ..

البندري تقزز بالرجالين الي جاو لسيارات المطعم " الحيين من هذولا ..؟ هذا أخوك وليد أسيل ..؟ "

ناظرت ساره في بيان كأنها تقول سكتي صديقتك تراني أغار ..!!

أسيل " لاا هذا مشاري أخو بيان .. والثاني (( سكتت تناظره )) مممم كأني شايفته "

ناظروا البنات في بعض مبتسمين .. عارفين من بتقوول أسيل ..

صرخت في نفس الوقت أسيل " الممثل السعودي ماجد مطرب فواز ...!!! "

البنات " هههههههههههههههه "

البندري ببلاهه " ايه والله انتي صاادقه .. الي مثل بدمعة عمر صح "

أسيل وهي تلتفت للبنات " ايه صح .. بنات من هذا ..؟ "

غلا عاقده حواجبها " هذا أخوي زياد "

أسيل كشرت .. وبدون تفكير " وووووووع المزاجي .. الي كله معصب "

ناظروا البناات فيها مستغربين .. وروابي خزتها كالعاده ..

تلعثمت أسيل " آآ أقصد ممم .. لا مااقصد شيء ترى " ناظرت في غلا وتهاني تشوف ردت فعلهم

تهاني " ههههههههه عارفه انك ماتحبيينه مجننك مطلع الشيب براسك "

البنات مافهموا " لييييييه ..؟ "

غلا " هههههههههه دايم تتصل تبينا نجيها ويرد عليها هو يقول خواتي مايطلعون بيت أي احد "

شهقوا البنات ..

ضي مفتحه عيونها " ليه يقول كذا ..؟؟؟ "

ناظرتها بيان يعني تذكري ..

سكتت ضي وهي تناظر غلا وتهاني الي ماردوا ..

(( وش ذا السؤال الي علي ..؟ زياد مايحب خالد شيء طبيعي مايحب خواته ..!! ))

×××

وقفت هيفاء " يمه برووح اشم هواء برا وبكلم رنا "

امها بأنفعال " فاااضيه انتي اجلسي "

مشت هيفاء مو مهتمه " يمممه مليت من سوالف العجااايز "

طلعت برى وهي تناظر في المزرعه بالكامل .. ابوها وزير ماعنده مثل هالمزرعه ..!!

مشت وشافت رجاال بمبنى مو بعيد كثير عنهم (( الظاهر قسم الرجال ..!! ))

لفت بتروح .. لكن التفتت بسرعه جنونيه .. وهي تشووف واحد طويل جالس يكلم جنب سيااره موقفه قريب من قسم الرجال .. كان وجهه واضح لأنه تحت النوور مباشره ..... هو ..؟؟ هو ماغير..؟ أتسعت عيونها بأنتصاار .. سبحاان الي جمعهم ..!! كان ودها تروح تعطيه كف .. لكن شافته يدخل جواله بجيبه ويتوجه لقسم الحريم .. أختبئت ورى جدااار المجلس وهي تشوفه يمشي بثــقه وغرور ويوقف جنب باب المجلس .. لو يلتفت لليمين ويتقدم خطوتين شافها ..!!

سمعت بنت تكلمه " فهد مرت عمي تحاتي .. وصل العشاء ..؟ "

رد عليها ببرود " ايه قولي لها توه وااصل هذا هم خلصوا من الرجاال بيبدوون في قسم الحريم "

ردت عليه " اوكي "

رجع بخطوات واسعه وثابته .. وبسرررعه راحت هيفااء للباب وفتحته قبل ماتسكره البنت ..

ناظرت ساره بهيفااء بأستغرااب .. من وين طلعت هذه ..؟

أرتبكت هيفااء .. لازم تعرف وش تصير له هالبنت ..؟ " سووري ياا ... (( ناظرتها مبتسمه )) نسيت أسمك "

أبتسمت لها ساره (( سبحان الله قبل شوي رافعه خشمها وش صار الحين جايتنا وتبتسم لي بعد )) " ساره "

هزت هيفاء راسها " آآه ساره صح .. ساره سوري كنت أدور على دورة المياه الله يكرمك وشفت زوجك وتروعت ماعرفت وش اسوي " قالت زوجك .. متعمده علشان تعلمها ساره من هو

ساره بأبتسامه " لا هذا اخوي .. (( طلت براسها تناظر برى وأشرت على باب )) هذه دورة المياه "

هيفاء " مشكووووووووره حبيبتي "

ساره " واجبنا "

مشت هيفاء لدورة المياه يقالها بتدخل ..

×××

وقــف مشاري وهو يمدد يدينه ..

سطام بهمس " الله يفشلك لاتتمدد يم الرجال "

مشاري مو مهتم " وش اسوي فيهم جاني كســل ماهو طبيعي ودي أروح اناام "

حمد كان يفكر كيــف يعطي الســاحره شطنتها .. آآه ياارب سميتها ساحره .. صدق ساحره ..!!

مشاري وهو يناظر حمد " اقوول سطام شكلي بجلس على اخوك اليوم جلسسه أستخرج منه معلومات عن هالسرحان "

أنبته حمد وأبتسم لمشاري وهو يهز راسه ..

مشاري يكمل " شكلها ممرضه صح ..؟ "

سطام " انت كل تفكيرك عن البنات هههههههه "

حمد (( وانا صرت مثله ياخوي )) " صادق ههههههههه "

جاهم ثامر مبتسم " يااكثر الرجاال .. صار عرس "

حمد " ايه ماشاء الله عمي ضاري معارفه كثيــره "

ثامر يتنهد " حمد أشتقت لأختك "

مشاري " ههههههههههه البنت ساحرته جد "

نقز حمد يوم سمع كلمة ساحرته (( الظاهر كل البنات ساحرات ))

سطام " صدق شكل أختي ساحرته مااصدق كل هذا حب "

ثامر يسوي نفسه معصب " صلوا على النبي محنا ناقصين عين "

الكل " عليه الصلاة والسلام "

مشى مشاري " يالله برووح اشم هوى برى ويمكن التقي بفتاة احلامي "

الشباب " ههههههههههههه "

×××

غلا " شيوووووووم ياهووووووووووووو ياهووووووووو وين رحتي ..؟ "

شيماء أنبتهت لغلا " ها .؟ موجوده "

حركت غلا حواجبها " الله .. الي ماخذ عقلك يتهنى به "

شيماء (( الي ماخذ عقلي تهنى بشنطتي )) " ههههههههه مجنونه "

رجعت تفكــر .,. هي بالموت قدرت تنساه المره الأولى يطلع لها اليوم ..؟

يااربِ كيف آخذ شنطتي الحين ..؟

ناظرت في بياان الي جالس تتكلم مع سااره بعيد عنهم ..

ساره بضيق " بيااان انتي من صدقك تبيني اطلع له كذا واسوي نفسي ماادري ..؟ "

بيان تهز كتوفها " وفي حل آخر بنظرك ..؟ "

ساره وهي تناظر عيون بيان " وش عرفك بهالحركات والخطط ..؟ "

تلعثمت بيان (( وش اقولها ..؟ انه شافني بقرنين كأني بزر ..؟ )) " ههههههه كذا جات في بالي من الأفلام "

ساره وقفت " ما أحد مخربك غير الأفلام أنتي .. خليني ارووح اجيب شنطتي من عند الحريم .."

بيان " ليه ..؟ "

ساره بملل " فيها جوالي (( ناظرت بيان برجاء )) وبطلع يمكن يشوفني وليد على قولتك "

بيان " ههههههههههههههههه عجبتك الخطه اجل "

أشرت ساره بيدها " قلت يمكن .. يعني انا مو متعمده "

بيان وهي تقولها روحي بيدها " طيب المهم يقع بغرامك " وغمزت لها

ساره " هههههههه الله يسمع منك "




/

\
\

مشى مشااري لعند قســم الحريم .. وهو يقززز في باب الصاله يمكن تطلع له سندريلا وتنسى صندلها وهو يعشقها .. وياخذ صندلها ويدخل على الحريم يقايس عليهم .. ههههههههه وربي اني مجنون من قلب ..!!
ما أمداه يكمل تفكيره .. الا ينفتح باب المجلس ..

طلعت ساره وهي تكلم بيان الي ماتحركت من الكنب القريب من الباب " ادعي لي يا أختي "

بيان " هههههههههه قلبي ودعواتي معك خخخخخ "

كانت ساره ملتفته على بيان وتضحك على كلامها مانتبهت لدرج الباب ..!!

وطاااااااخ على وجهها ..!!

وقفت بيان متروعه وهي تشوف سااره طايحه .. والبنات مانتبهوا من الضحك الي عندهم ..

ومشااري بلم وهو يشوف ام فستاان أحمر .,. لهالدرجه أمنياته تتحقق ..؟ (( والله صدق سندريلا .. بس ليه طاحت ..؟ ))

جلس يذكر قصة سندريلا .. متأكد ان سندريلا تضيع صندلها بس ماتطيح ..؟

رفعت ساره راسها متفشله وشافت ثوووب قدامها ..!! رفعت راسها أكثــر ... (( لا لا .. لا تتحقق أمنيتي ويطلع وليد ويشوفني بهالشكـ .. ))

ماكملت لانها عرفت مشااااري ..!!

جات بيان بتطلع تشيلها وتسمي عليها بس حست انها تناظر احد .. (( يمكن وليد ماني ناقصه اتعرض لموقف معه )) تراجعت ونظراتها قلقه على ساره

ساره وقفت بسرعه وهي تتكلم بصوت قريب من الهمس " بيان هذا اخوك "

سمعتها بيان وطلعت مفتحه عيونها تناظر في مشاري الي على فمه أبتسامه ويقزز في ساره ..

صرخت عليه " مشاااااااري غض النظر "

التفت على أخته وهي تساعد ساره تدخلها المجلس .. بعدها التفتت عليه معصبه ..

بيان وهي حاطه يديها على خصرها " افففففف قايله هالعزيمه منحوسه بس ما أحد صدقني ..!! "

مشاري بأستهبال " هههههههههه رجعنا يا ام الحاسه السادسه .. (( قرب منها وهو يناظر باب المجلس )) أسمعي من هالسندريلا الحلوه ..؟ "

عصبت بيان زياده " مشيرووه تراها بنت عمك ..!! هذه ساره .. ووش تخربط وش سندريلا ..؟ وش قااري قبل ماتنام ..؟ "

مشاري كشر " يوووه ساااره أعتبرها مثل أختي (( ناظر أخته الي طلعت عيونها قدام .. بعدها ناظر مكان طيحتها )) حتى صندلها ماطااح "

مشى تارك بياان على راسها علامات أستفهام وتعجب ..!!!!؟؟؟؟؟

ما أمداه يلف وهو يتحلطم بصوت خافت " والله حاله يوم قلت لقيت فتاة أحلامي طلعت بنت عمي الي أعتبرها مثل اختي (( كش على نفسه )) وش ذا الحظ "

وقف هالمره مبلللللم صدق وفتح فمــه ..! أتراجع عن أستهبالي على بيان .. اليوم هذا غييير عن الأيام ,.,!!

ناظر في البنت الي تطلع من دورة الميااه وتزين شعرها المميش بيدها ..

رفعت هيفااء عيونها وطاحت بعيون مشاري الي فاتح فمه ومبلم .. (( بسم الله من هالخبل ..؟ ))

دققت في ملامحه تحسبه مو من الأنس ..!! وصرخت من المفاجأه " الفناااااااان عادل محمود ..!!! "

حس بنفسه من صرختها (( اليوم يومك يامشااري أستقله )) عدل شماغه بغرور .. وناظرها بأبتسامه " لا انا اخوه .. أحلى صح ..؟ "

عرفت انه يستهزء منها وعصبت .. ناظرته من فووق لتحت (( كل شباب هالعيله مغرورين وحلوين .. مالت عليهم ياليتني فاضيه حطمت هذا بعد ))

مشت بغرور وهي تتحلطم " افففف من شباب عايلتكم .. كأنهم ماعمرهم شافوا بنات .. يخزون البنت من فووق لتحت .. عيونهم زااايغه (( نااظرت في مشااري )) لاشفتوا بنت نزلوا عيونكم فاهمين ..؟ "

مشاري التفت يشوف معه أحد .,.!! الحين هذه تحاكيني ولا تحاكي مجموعه ..؟ من تقصد ..؟

مشت لعند باب الصاله ودخلت وهي تعطيه نظره ناريه

ماقدر مشاري يمسك نفسه من الضحك .. من هاليووم الغريب

(( ههههههههههههههههه والله لو اني مو راايق .. ولو انها مش من معازيم العيله .. كان عرفت كيف أأدبها وماترفع صوتها على رجال مره ثانيه ))

رجع يمشي قداام وحاط في باله يلقى ساندريلا ثالثه

(( والله حاله قلت ابي ساندريلا مو آآنسه منشن )) التفت على الباب الي دخلت منه على قولته آنسه منشن ..

والتفت يناظر طريقه وهالمره شهق بصوت عالي " لااااااااااااا كل شيء ولا هالسندريلا أحترم نفسي "

أم حمد الي طلعت تشوف سالفة العشااء .. تروعت من شهقه ولدها " بسم الله عليك وش سندرلا ..؟ وش تخربط "

مشاري بنظره منكسره (( ياااربِ بدااال ما ألبس سندريلا الصندل .. بزغرد في زواجها )) ناظر امه نظره تكسر الخاطر .. وهي مو فاهمه شيء

لف يرجع للبنات أحسن .. وينسى سالفة سندريلا .. مايدري من الي بتطلع له في النهايه ..!! يمكن فلبينيه تصب القهوه والشاهي ..!!

آآه لو تطلع له هيفااء وهبـــــي ولا نانسي ..!! تنهد مستانس على أفكاره وسمع امه تناديه ..

أم حمد " يمه وش فيك تهووجس ..؟ تعباان حاس بشيء "

أبتسم لأمه وهو يكمل مشيـه " لا يمه لاتحاتين .. والله الله بالأمير لاجاء يلبسك الصندل .."

تركها وهي مفتحه عيونها .. ياحسرتي على وليدي تخبــل ..!!

×××

وقفــت عبيـر وهي تضرب راسها بيدها " يووووووه نسيــت الجوال في شنطتي .. شكل اخوي يدق الحين "

أسيل " وش يبي يدق ..؟ "

عبير وهي تمشي للباب " هو قايل اذا وصلتوا بدق أطمن .. لأن المزرعه مشوااار "

بيان بأهتمام " انتبهي لاتطيحين .. ترى اليوم منحوووس "

عطتها حلا نظره " بيان وبعدييين "

هزت بيان كتوفها " كيفكن .. انا حذرت .. "

طلعت عبير وهي تضحك على هباال بيان .. شكلها من صدقها ..

راحت للفله تركض علشان توصل .. دخلت خذت شنطتها وطلعت ..

فتحت فمها وهي تشووف أنوار المباني من الفله .. يووه وش كثــر المباني بالمزرعه ..

مشت قداام بدون ماتلف تبي تناظر المبنى الي من الناحيه الثانيه وش هو له ..؟

شافت قدامها المطبخ .. لفت عنه .. ماهي ناقصه تضيع بعد .. فجأه وقفت وهي تسمع صوت احد وراها ..

صوت بس مو أي صووت ...!!! صوت احد تكرهه ..!!

التفتت وناظرته .. جالس يناظرها بشراسه ..!!

صرخت وهي ترووح داخل غرفه فااضيه " يممممممممممممممه "

تبعها الكلب البوليسي وهو ينبــح بأعلى ماعنده .. متأكده ان الكل سمعه .. دموعها بعينها .. هي تخاف من الأرنب .. وشلون الكلب ..!! وبوليسي بعد ..

كانت الغرفه مخزن وفيها صندوق .. نطت عليه عبير يقالها بتهرب من هالشرس ..

ودموعها تسيل بخدودها .. كان لابسه تنووره طويله ورديه .. رفعتها وهي تصرخ " يااااربِ .. أحد يسمعني ..؟ (( شهقت وتكلمت بطفوله )) بياااااااكلني .."

×××

كان بيدخل المطبخ وهو يتسمع على صووت نبح كلب .. بس مايدري وين .. لكنه سمع صووت أخته ..!! لاااا ليكون أخته لاحقها كلب بوليسي

طلع من المطبخ والخوووف بعيونه .. يعرف بياان تخاااف خوووف ماهو طبيعي من الكلب ..!!

توجه للمخزن وهو يتبع الصووت ..

دخل يناظر في الكلب الشرس .. الي واقف يناظر في عبير بشراسه ..

همس سطام " بووبي .. هد هد .. هذه أختي مو اي احد .. ترى والله بالبندقيه "

رفعت عبير وجهه تناظر بالزين الي قدامه

مسحت دموعها وهي ذاايبه بالحلو الي قدامها .. يحسبها أخته ..!!

رفع سطام راسه يناظر أخته يبي يهديها .. بس تفاجأ وهو يشووف نور اللمبه مسلط على وجه .. مو وجه أخته ..!!

ناظرها بجرأه مو من طبعه >>>>>> صادقه بنت الوزير شباب هالعايله عيونهم زايغه خخخخ

وهي أنتفضت من الخووف (( يممممممه ابي امي .. وش فيه يناظرني كذا ))

نبح الكلب وقااطع نظراتهم وتفكيرهم ..

نزل سطام راسه له .. وبهدووء همس " بوووبي قدااامي يالله "

فتحت عبير فمها وهي تناظر الكلب يمشي بطااعه برى الغرفه ..!!

هذا مين ..؟ ليكووووووون صاحب العزوومه .. يااحسرتك ياعبير .. طحتي فيها

مد سطام لها يبي ينزلها من على الصندوق .. ونظراته على الأرض ..

توهقت عبيــر ..! ناظرت تحت بالأرض شافته رفيــع ..! مسكت يده .. بيد منتفضــه ..

ونزلت وهي تحس انها معجزه ان رجولها تشيلها .. تركت يده وراحت بخطوات ثقيييييله عليها برى .. ولفت وعيونها بالأرض على قسـم الرجال

وقفها صوته الرجوولي " أختــي هذه قســم الرجال (( كمل وهو يمسك ضحكته )) رفعي راسك وانتي تمشين "

طاااااااااح وجه عبير ولفت بسرعه من غير ماتنتبه انه وراها .. ضرب راسها بصدره .. من طوله .. وهي كااان طولها متوسط ..

مسك ذارعها مايبيها تطيح وعيونه فيها خوف عليها " أنتبهي "

راحت ركض وشنطتها بيدها وتعثرت بشطنه في الطريق ناظرت فيها والخوف مازال بعيونها " هذه شنطة شيماء ..؟ "

ماكان عندها وقت تتسائل خذتها ورجعت للبنات .. شافت رجال واقف عند المجلس معطيها ظهرها .. وراحت للصاله .. ماتبي موقف محرج ثاني يصير لها ..

مشت وهي تفكر وتتذكر .. الرجال الي قبل شووي أنقذها شافته في البووم صور بيان .. اتوقع أخوها بس ما أدري اي واحد

هزت راسها تطرده من تفكيرها .. ودخلت الصاله عند الحريم

×××

مشاري كان يدق باب المجلس على البنات ..

ضي " بيان قومي فتحي انتي جنب الباب "

تكتفت بيان " نو نو ياماما انا مو سكرتيه عندكم .. افتح الباب .. قومي غلايه "

غلا تفصفص بالحب " انطمي .. قومي انتي وهزي عرضك "

بيان بدلع " ماابي "

قامت حلا .. " لا انتي ولاهي انطقوا هنا "

فتحت الباب تظن انها بنت .. وتراجعت يوم شاافت ثوب .. بعدها عرفت مشااري ..

" هلا بأخووي الحلوو .. وش عندك تدق على البنات ..؟ "

مشاري بأبتسامه " وحنا نستغني عن البنات "

حلا تطرده بيدها " بلييييييز هذولا بنات عمك وصديقاتهم .. رووح السوق دور بناات "

مشااري وهو يحاول يدخل " بس نظررررررره .. نظره وحده "

البنات يسمعونه " هههههههههههههههه "

ضي " مسكييين اخوي مايقدر يعيش بدوون بنااات "

غلا تتريق " ياحياااااتي ببكي "

مشاري عرف صوتها " اقووووول غلآيه علمتي بيان اليوم من علمها طريقة بنكيك المريخ "

فتحت غلا عيونها والبنات ماتوا من الضحك عليها

قامت وهي تسوي نفسها تطوي أكمامها .. مع ان ماعليها أكمام " صدق ماتستحين .. بنكيك المريخ بكيفه .. لكن غلايه وين أعديها ذي ..؟ "

مشااري أبتسامته ملت وجهه مستانس يبي يقوم بين البنات هووشه " ايه وتقوولي بعد ان ثاامر مسميك فيه ..!! "

غلا عصبت ومسكت بيان من كتوفها

بيان بدلع تبعدها " ميشوووووو شوفها تضرب اختك حبيبتك "

مشاري بغاها من الله .. دف حلا يبي يدخل وجاته ضي تمنعه من تهوره " وخرووو عني .. كل شيء الا اختي بيوونه "

ضي وهي تدفه " مو لله تبي تنااظر "

مشاري بنظرة أنكساار " تكفييين طلبتك ضي بجلس عندكم وعيووني بالأرض "

حلا " خخخخخخخ هذه معجزه "

صفق مشاري يأيدها " هذه معك حق "

سمع صوت امه وراه ..

مشاري " يووووه الوالده .. برووح لاتسوي مشكله "

راح مشاري والبنات يضحكون على هباله ..

تهاني بحب أخوي " ياحلوه مشااري مزووحي .. ياحظ الي بتاخذه "

غلا تحرك حواجبها " صدناااااااك تبينهم يخطبونه لك "

كشت عليها تهاني " انقلللللللللعي هذه تفاكيرك "

ضي كانت عند النافذه تناظر في .... تناظر في فـــهد ..

كان جالس يكلم صاحب سيارة العشااء .. الظاهر انهم خلصوا وحطوا العشااء ..

(( آآه ياقلبي .. تعود ياقلبي .. بتفقده .. ماعليه .. بتتعوض ياقلبي بتتعوض ))

دخلت أم حمد " ها بنات ماتبون ترقصون قبل العشاء هذا حنا نشغل الدي جي "

صفروا البنات " فللللللللللللللللللللللللللله "

مشوا كلهم طالعين .. مسكت غلا بياان بنظره تكسر الخاطر " بيووني تراني جاايعه ابي حبة ورق عنب بس قبل الرقص .. تعالي معي "

بيان رفعت حاجب " قبل شوي بتذبحيني والحين تبيني ارووح معك ..؟ "

غلا دفتها " مالت عليك بتذليني .. ماذبحتك ياحمااره .. يالله انقلعي "

راحت غلاا قاعة العشااء .. كان البوفيه مرتب .. ترتيب خياااااااال .. الأكل الصيني بقسم والأكل المصري بقسم ..

الأكل الشعبي .. واللبناني .. وكل قسم مزين بأشياء تخصه .. مثل المصري كله تحف ابو الهوول ..

تونست غلا وهي تناظر بالقاعه الكبييييييييييييييييره ..

راحت للأكل اللبناني وفتحت الأطبااق تدور على ورق العنب ..

لقته أخيراً .. وياله موتها بالورق العنب .. دخلت الأولى دفعه وحده والثانيه بعدها وهي تتلفت كأنها حراميه .. خايفه عمتها تشوفها ولا أم وليد

دخلت الرابعه توها بتدخل الحبه الخامسه وفمها مليااااااان .. الا سمعت صوت مستهزء وراها

" على هونك بتغصــي "

التفتت وحبة ورق العنب بيدها اليمين .. ويدها اليساار حاطتها على فمها الملياان ورق عنب .. شهقت شهقة خانقها الأكل الي بفمها

(( لاااااااااا آآخر واحد ابيه يشوفني كذااااااا ))

أبتسم فيصل وهو مانزل عينه عنها " كان قلتي للخدامات جايعه وحطوا لك بصحن ولاصرتي مثل الحراميه كذا "

بلعت غلا اللقمه الي بفمها وتراجعت خطوتين وحطت الورق العنب الي بيدها بالطاوله الي وراها بفوضويه ..

قلبهااا يدق بسرعه ..... الي تحبه شافته ... لكن هو ماشاف الي يحب ..!!

خنقتها العبره .. من الألم والغيره ..

نزل فيصل نظراته يوم حس انه مصخها .. كان يناظرها ويتخليها أختها تهاني .. يذكرها كانوا يلعبون مع بعض اول وهم أصغر من كذا اونو وكيرم ..

غلا ماكانت مثل حلااة تهاني .. لكنها حلووه .. يكفي عيونها الرصاصيه الكحيله ..

وشعرها الأسود الي تحت كتوفها .. كانت لابسه أسود وابيض وطالعه خياااال

بس هو ماعطاها نظرة أعجااب حتى .. (( أصحي ياغلا مايحبك .. يحب أختك .. يعشق أختك من هو صغيــر ))

التفتت ماتبيه ينتبه لدموعها وشهقاتها وراحت متوجهه للباب بخطوات سريعه .. طلعت وهي تشهق بقوه ..

(( ما أحد يعرف الي بقلبي .. الكل منتبه لتهاني وبــس .. وانا ما أحد سألني كان عندي مشاعر ولا لا .. حتى أقرب الناس لي .. بيااان ماسألتني داايم تمزح مع تهااني عن خالد .. وبعض الأوقات عن فيــصل الي الكل يعرف انه يحبها وهي تعتبره كأخو ))

مسحت دموعها وهي تمشي رايحه للصاله .. طلع لها الورق عنب غصه .. شبعها من الألم ماشبعت أكل ..

رفعت راسها تفكر (( لاتلومين نفسك ياغلا .. تهاني هي الوحيده من العايله الي كانت جريئه وماتغطت الا يوم صار عمرها 18 سنه وبعد غصب عنها .. زيااد أمرها .. )) مسكت راسها بيدينها .. (( ليه يابيان مافهمتيني يوم قلت لك ان تهاني ممكن تسوي الي كاتبه بمذكراتها .. تهاااني ايزي .. ماتغيرت لما اليوم ))

نبهت نفسها انها جالسه تفكر بأختها مو بعدوتها .. دخلت الصاله وكانت الدي جي يشتغل .. على أغنية (( انسان أكثر لعبدالمجيد عبدالله ))

كانت الموسيقى توها باديه .. ناظرت غلا في بيان وحلا وأسيل وروابي الي قاموا بيرقصون ..

جلســت أول الصاله ماتبي تروووح لهم ويناظروا في وجهها المكتئب ..

(( إنت ماانت انسان أكثر
وقلبي مو من قلبك أصغر
ومثل ماتشعر تأكد إني أشعر
فيني منك فيك منى
غصب عنك غصب عنى
إلتقينا واللقا قسمه مقدر
هان طعن السيف ولا طعن الكلام
من حبيبي اللي وسط حفني ينام
إنت ماانت انسان أكثر
وقلبي مو من قلبك أصغر
ومثل ماتشعر تأكد إني أشعر
مالي غيرك ومالك إلا آنا حبايب
يكرهك نصفي ونصفي فيك ذايب
الهوى غلاب وامر الله غالب
ألزمك طول العمر لااجي ولا اروح
كني مقيد وقيدي مو سلاسل
قيدي اخلاص وفا والا انت قايل
لويقوم الكون وتخفس بي زلازل
مااحرك ساكن بك مير مسموح ))

كانت أسيــل ترااقص روابي ..

اما حلا وبيان كل وحده ترقص لحالها ..

الكل كان ينااظر في بيان .. الي تهزز الخصــر .. وترقص .. يمين .. يسار .. وكانت تدق

طالع شكل البنااات روووووعه كل وحده أحلى من الثانيه ..

هاجر تهمس لمنى أختها " قطييييييييييييييعه هالبيان والأسيل ياليت من يقتلهم ويقطهم في بر "

منى تتشمت " ههههههههههه وانتي الصادقه رافعين خشومهم "

هاجر تخز أختها " تشوفين لما أخذ وليد .. اذا ماخليته ينسى أهله وينسى خواته وامه وابوه .. ماكون انا هاجر "

سكتت اختها ماتبي ترد عليها وتقووم هوشه عليهم ..

دق جوال منى وردت " هلا سااام .. أخباارك ....... لاتقول انك جيت من الرياااض ؟؟؟؟؟؟ .... طيب طيب لاتدف الحين بطلع اعطيك اياه "

هاجر تستفسر " قطييعه جاء ..؟ "

منى توقف ايييييه خليني ادور جواله الثاني .. شفته طاايح يوم جاء سكران ذاك اليوم وخذته حسبالي ماراح يحس "

هاجر بضحكه تنرفز " ههههههههااااااي هذا ذكي ياماما مايفوته شيء "


×××

وقفت مرام .. مو قادره تجلس بجو الأغاني حاسه انها مخنوووووقه

طلعت من الصاله من غير مايحسوون البنات

وراحت تمشي بين مباني الصاله والمجلس .. طلت براسها في قسم الأكل .. وفتحة عيونها من جمال الترتيب

رجعت تتمشى عند الصاله ..... ووقفت ......

ماتتنــفس .. ماتحس بأنفااسها .... قلبها وقف عن الــدق ..

حســت انها بعالم غيـــر .. عالم الألم .. عالم الحزن .. عالم العذاااب

لاااا .. هالعزاايم ماتنااسب لوحده مثلها .... ماتناااااااااااااسب ..

تراجعت على ورى وهي تناظر في عيونه الذاابله .. كان متكشخ .. لكن ضعييييييييييف .. مو مثل يوم كانت معه .. تأكله بيديها ومعتنيه فيه

تمنت انها ماطلعت من غرفتها .. تمنت انها ترجع لها مثل ماطلعت منها .. (( لا لا .. ياربِ ارحمني .. مااقدر انا بشر مااقدر استحمل ))

تقدم خطوات منها وهو يناظرها بشغف .. بوله .. بشووق " مرام .. اخبــ "

ماقدر يكمل لأنه سكتته بيدها وهي تعقد حواجبها والدموع تنزل بعيونها بغزااره ..

كانت آآآيه بالجماال والدمووع زادتها جمال

لحظــات ندم يمر فيها سامي ..
ندم ......
ألم ........
خيبــه ......

تكلمت مرام بهمس بين دموعها " لاتنطق بأسمي كرهت أسمي على لساانك (( شهقت وكملت بعيون كسيره )) ليه سويت فيني كذا ياسامي ليه ..؟ تحملت شخصيتك الضعيفه وتحكم أمك وخواتك فيك ..... لكن آخر شيء سويته ما أقدر اتحمله .... (( صرخت بصووت عالي )) ما أحد يقدر يتحمله .. قصرت معك بشيء .." سكتت تاخذ انفاسها

وتقدم سامي خطوه يبي يراضيها يبي يبكي معها " مــرا..."

صرخت عليه وهي تحط أصبعها على خشمها بمعنى اووص " اسكت ولا كلمه ولاهمس .. لاتنطق بأسمي .. لاتنننننطق بأسمي فاهم "

عطته نظرات ناريه مو متعوده عليها .. حتى هو خااف منها

تكلمت بحقد مو من قلبها " كل النااس مهما سوو ماراح اكرههم (( اشرت عليه بصبعها )) الا الي سويته خلاني أكرهك .. (( طقت الأرض برجلها من العصبيه )) أكررررررهك ياسامي أكرهك .. (( مدت يدينها تستفسر )) قلي وش قصرت معك فيه .. لو قلت شيــنه ورايح تدور الجمال كان عذرتك .. لو قلت اخلاقي كانت مو زينه معك ورايح تدور الأخلاق كان عذرتك (( شهقت وهي تحط يدها على فمها )) لو قلت ماعندي أصل وراايح تدور أصل مشيتها لك ..(( رجعت تصرخ وهي تمسك شعرها بيديها وتغمض عيونها )) لو قلت مقصره بحقك مشيناها (( اشرت بيدها بمعنى لا )) لكن لاا ياسامي .. مافيني ولا واحد من الي قلته .... علشان .... علشان ... " ماقدرت تنطقها وجلست تبكي .. قهر .. ألم .. حقد على زوجها الي قدامها ..

سامي سند راسه للجدار الي جنبه مو قادر يتكلم .. الدموووع .. الي المفرووض تصير غاليه عند الرجال .. بدت تنسااب على خده .. كأنها نهر راافض يتوقف بتمرد ..

سامي بهمس " خلااص انا ناادم .... نادم يامرام سامحيني "

أبتسمت بأستهزاااء .. أستهزاااء كره .. حقد " اسامحك ..؟ أسامحك وانا بعيني شايفتك مع خدامة امك (( قبضت يدينها على شكل بوكس وحركتهم بالهواء بحركه عصبيه وشعرها يطير معها .. وصرخت )) شفتتتتتتك بغرفتي ياسامي بغررررررررفتي .."

طاحت على ركبها بالأرض .. مو قادره تستوعب الي قالته .. وغطت وجهها بيدينها وهي تشهق " لييييه ياسامي ليه ..؟ انا ناقصه تعذيييييييييب ناقصه ..؟ (( رفعت راسها وعيونها أختفت من الدموع وخشمها احمرررر وخدودها حمر )) حتى ولدي الي كان شيء بيربطنا .. مااات (( حركت يدينها بمعنى رااح )) بــح راااااااااح .. ماقدر يستحمل خيااانتك (( رجعت تبكي بقووه )) رووووح ياسامي بسرعه قبل ما أنهاار أكثر ماني ناقصه ياسامي ماني ناقصه ..... رووح قبل ما أمووووووووت "

سامي خاف وجاء بيمسكها .. بس أبتعدت بسرعه كأنه شيء مقرف .. وحركت يديها " لا ....لا تفكر تلمسني .... كنت انت آخر واحد ابي اشووفك اليووم ... لكن الحين عرفت ان من فضل ربي اني شفتك .... لاني ابي اقولك .... (( وقفت تناظره .. وبهمس )) ابي الطلااق "

رفع سامي راسه مصدووم بين دموعه " طلاق "

أبتسمت بأستهزاء " ليييه ناوي تخليني بعد كل الي قلته لك وكيف عذبتني ..؟ ... لا يابابا مو انا الي انذل .. (( رجعت تبتسم مستهزئه )) مع ان طوول عمري مذلوله .. لكن من ابوي ومرت ابوي الي مثل امي .. مو منك ياقذر " ناظرته بقرف وكراهيه .. ومرت جات بتروح لدورة الميااه تغسل وجهها ..

بس وقفت وهي تشوفه ماتحرك يناظر في الفرااغ .. تكلمت وهي معطته ظهرها وهو معطيها ظهره " على فكره مع اني ما أحفظ أغاني .. بس حفظت هالأغنيه اول مانزلت .. ماادري وش السبب (( ضحكت بأستهزاء )) ههههههه مادريت اني راح أغنيها يوم من الأيام "

لفت تناظره ومسحت من نظراتها الحقد والكره .. وحل بدالها الألم والحسره ....

ناظرته وهو معطيها ظهره .. وهمست بصوووت نااااعم .. بصووت ملياان بكي .. ملياان حسره

(( قله الي وصلني منه يكفيني عمر
كيف يبرا طعن سكين الغدر
قله كان لي عنده قدر
لي تلاقينا امام الناس يسلم
لايبين حد من منا تألم
(( علت صوتها وهي تبكي )) لا يخلينا حكايه
كفايه ماجرا منه كفايه
قـــــله
حلله ربي وباحه الي ماعرفت الا جراحه
هان قلبي واستباحه دانني والجرم حبه
قــــله
وفقه ربي بغيري واني رحت في شري وخيري
له مصيره ولي مصيري لايعلقني بدربه
قله الي وصلني منه يكفيني عمر
كيف يبر ا طعن سكين الغدر
قله كان لي عنده قدر
لي تلاقينا امام الناس يسلم
لايبين حد من منا تالم
لا يخلينا حكايه
كفايه ماجرا منه كفايه ))

مسحت دموعها وراحت في طريقها ..

وهو مشى من غير مايدري رااجع لسياارته .. نسى أخته .. يبي يهرب ..

الأغنيه هذه هزت وحطمت كياانه .. عذبها كذاا .. معقووله .. وش سويت ياساامي .. وش سوووووويت ..

ندم .. ندم .. ندم

كان هذه الكلمات الي تدور برااس سامي ..

لكن فيه مثل عندنا بالخلييج × لافات الفوت ماينفع الصوت ×

×××

راحت منى تعلم هاجر عن الي شافت ..

هاجر " قطيييييييييييييييعه جعلها الموووت ياربِ .. تبي تزيد الآم أخوي "

منى بأستهزاء " يقالك تحبينه "

خزتها هاجر ولا هتمت (( مالت عليها ام عيون خضرااء .. ياجعلها المووووووووت اليوم ))

×××

تعشــوا الرجال والحريــم .. والكل بدأ يرووح وهو يباارك مره ثانيــه لأم وليــد وأبو وليــد .. ووليــد طبعاً ^_^

جلست روابي وهي تناظر في هاجر تطلع مع منى وأمها " فكككه بترووح ماجلست مثل ماقالت لها امي "

بيان بحمااس " ونااااااسه بنصير لحالنا بالمزرعه "

أسيل تنطط على الكنب " اييه السهره بنخليها صبااااحي "

التفتوا لغلا الي ماتكلمت .. ضي " اشووف ام لساان غلايه ماتكلمت ولا نططت "

رفعت غلا راسها بملل وأشرت بيدها " تعبت فيني النوم "

تهاني بحمااس " انطمي ماقمتي الا متأخر خليني نسهر ونفرفش "

ناظرت غلا أختها نظرها مافهمها الا بيان .. الي عارفه بشك غلا ..

سكتت بيان .. بالموت هي قدرت تفرفش وتخلي ساره تفرفش معها .. والحين جات غلا .. (( آآه )) تنهدت من قلب .. ماتدري ليه شايله هم كل العايله ..

حلا بحمااس " بناات قوموا نتسبح "

شيماء وهي توقف " يالله تسبحوا وانا برووح امي تخزني يعني قومي هههههه "

عبير وقفت مع لينا والبندري " ايه وانا بعد امي تخزني ههههههه "

لينا تكلم البنات " يالله عقباال حصولكم كلكم على الدكتوراه "

البنات " حييييييييييل كثري منها هههههههههه "

مشت شيماء مع عبير والبندري ولينا وهي مرتبكه .. كيف بتاخذ شنطتها .. جوالها موجود فيها ..!!

أنتبهت بخووف وهي تشووف عبير تمد شنطتها لها .. كأنها تقرى أفكارها

عبير كانت بعالم ثااني ومو فااضيه تسأل " لقيتها طايحه عند المطبخ "

لبست عباتها وشيلتها وطلعت بعد ماسلمت على البنات .. أرتاحت شيماء .. الحمدلله ماسألت ..

×××

روابي مبرطمه " يمممه نبي نسبح حنا قبل "

ام وليد " وش اسوي اخوانك وعيال عمك طابين الحين وش اسوي انا ..؟ "

رجعت بيان شعرها بيدها " خلااص ننتظر وش ورانا "

ضي " طيب فيه في هالقسم برك خاصه لازم المشتركه ..؟ "

روابي بحمااس " المشتركه أحلى واكبر "

ساره " طيب الحين وش بنسوي مليناا من القرقره "

أسيل " والله انك صاااادقه "

غلا بمرح مفاجىء " قوموا نرقص "

التفتوا عليها مستغربين .. ضي " صادقه غلا مارقصناا الا شوي "

قاموا متونسين وشغلوا الدي جي على أغنية صدفــه ..

وربشــه ورقص وحمااس .. هالمره هم بس الي يرقصوون وامهاتهم يصفقون لهم ..

طبعاً مرام جالسه بهدووء وأعتذرت لهم بحجة انها تعباانه مو قاادره ترقص ..

×××

قرب وليــد من زوجة خاله يسلم عليها ..

وليد " هلا خاله ام سامي .. كيف حالك ..؟ "

أم سامي تقزه مو مصدقه كل هذا جمااال ..؟ " والله الحمدلله الف مبرووك ياولدي " قالتها مو من قلبها لو على كيفها ولدها سامي هو الي ياخذ الدكتوراه .. مالت عليه حتى بكالوريوس ماعنده ..

أبتسم وليد " يباارك فيك خاله " التفت على البنتين الواقفات جنبها .. طبعاً هاجر بققت عيونها تناظره عدل ومنى تضربها بكوعها يعني نزلي عيونك شوي .. وهي الثانيه تقزه بعد ..

هاجر بهمس لمنى " ناظري زوجي مو زوجك الأقشر "

منى بهمس مثلها " مالت عليك مابعد صاار زوجك "

وليـد وهو يتوجه لسيارته " انتظري ياخاله بجيب شيء "

جلسوا ينتظروا وهاجر تتحقرص تبي تعرف وش هالشيء ..

هاجر " يالبيييييه شوفيه وهو يمشي طول وعرض وجماال .. يالبيه والله "

أم سامي تكش على وجها " مالت عليك من صدقك هالجمال بياخذك مالت بس "

سكتت هاجر منقهره وهمست وهي تشوفه يقترب " نشوووووووف "

أبتسم وليد وهو يعطي أم سامي كيس فخم " هذه هديه متواضعه لك ولمنى وسامي "

التفت على هاجر وعطاها كيس نفس حجم الكيس الي عطاه أمها .. قال بحالميه " وهذا لك هاجر "

هاجر تشققت من الفرح باقي شوي وتشق ضحكتها فمها ..

وأم سامي ومنى يناظرون فيها مستغربين .. ليكون بنتهم سوت له سحر وهم مايدرون ..!!

×××

بعد نص ساعه ..

كانوا البنات هدوا من الرقص .. وجلست كل مجموعه مع بعض ..

وقفت أسيل وهي تمسك ضي وتهمس بأذنها " تعاالي أبيك "

أستغربت ضي ووقفت معها .. ورواحوا للمجلس ..

طبعاً بيااان بحكم لقاافتها ناظرت غلا .. الي مانتبهت لهم .. ولا كان هي اول وحده راحت وراهم ..

وقفت بياان ولحقتهم بدون مايحسوون .. ماتبي تتجسس .. بس هي عارفه ان مابينها وبين أختها أسرار .. وبالذات أسيل بعد ,,

جلست ضي وأسيل مقابلتها بالمجلس .. وبيان عند الباب حاطه أذنها بشكل مضحك

ضي مازالت مستغربه من هالأسرار الي بينها وبين أسيل .. غريبه مو من عادتها أسيل ..؟ " خيير أسيل ودك تقولي شيء ..؟ "

أسيل بتردد " ماادري ضي ودي أقول شيء بس مستحيه "

ضي تحثها تتكلم .. أبتسمت لها " عادي مابين عيال العم حياا "

تشجعت أسيل وتكلمت " صراحه احس اخوي وليد في ورطه "

تروعت ضي " ورطه ..؟ ليه "

تكلمت أسيل بصوت عالي تظن مااحد راح يسمعها " اليوم سمعت ابووي يبي يخطب له بنت منا .. وهو ماوافق يقول مدلعه وبزره .. ويبي النسرررررره ام هلال هاجر ..!! "

فتحت ضي عيونها " هاجر ..؟ "

أسيل تهز راسها " ايه "

ضي بأهتمام ماركزت بكلام أسيل الأولي زين " طيب من هي البنت الي منا ويبيها عمي لأخوك ..؟ " سكت تناظر في أسيل الي تناظرها بحياا ..

شهقت وهي تتكلم " مدلعه وبزر "

هزت أسيل راسها .. أكيد فهمتها ضي ..

ضي همست تبي تتأكد " أختي بيان ..؟ "

هزت أسيل راسها " ايه "

سمعوا الباب يفتح بقوه ولفوا خايفين .. وشافوا بيان تناظرهم ببرود مو من طبعها ..

أشرت على أسيل " قولي لأخوك حتى انا ما أبي واحد شاايب مغرور متكبر وحقير "

خافت أسيل ان بيان كرهتها ..

وقفت ضي معصبه " بيان وش ذا الكلمات "

بيان بتهور " أجل انا بزر ومدلعه .. من قال اني ابيه اصلاً .. المفرووض ياخذ سااره .. " سكتت وهي تفتح عيونها أكثر .. وش قالت ..؟ وش نطقت..؟ مجنوووووووونه يابياان خنتي وعد سااره .. رفعت راسها تشوف أسيل المتفاجأه مثل ضي ..

همست أسيل " ساره ..؟ "

بيان تلعثمت .. وقالت ترقع " اقصد يعني هي الي تناسبه (( وبعصبيه )) مو النسره هويجر "

حست بيان أن اسيل صدقتها يوم نزلت راسها بحزن وهمست " صادقه هذا انا احس اني لازم انقذ اخوي .. شكله متعلق فيها "

بيان حزنت على ساره .. ونست الكلام الي قال عنها وليد " ياحسره من زينها "

رفعت اسيل كتوفها " وش نسوي يابيان "

التفتت بيان بتطلع مضايقه .. قالت اسيل بسرعه وخوف " بياااان زعلتي علي "

التفتت بيان بطيبة الدنيا كلها وأبتسمت " ازعل على رووحي ما أزعل عليك "

أبتسمت أسيل بارتيااح وهي تناظر ضي الي رافعه حاجب من الخوف وتناظر بأختها بيان ..

لفت بيان طالعه وهي عاقده حواجبها

وهمست ضي بسرعه " بيان تكره "

أسيل لفت متسائله " نعم ..؟ "

ضي مواصله همسها " بيان اول مره تتعرض لمثل هالموقف .. احد مايبيها ويقول عنها مدلعه وبزر (( التفت تناظر اسيل )) داايم كان يجيها خطاطيب من عمرها 15 سنه .. لكن حسيت ياأسيل (( رجعت تناظر الباب )) ان بيان كرهت أخوك من قلبها "

×××

مشت لسيارته المعروووفه بلوونها وشكلها كانت لوحتها (( 111 و ض س ))

(( و .. يعني وليد .. ض .. يعني ضاري .. س .. يعني العايله الســ ,, ))

كانت من نوع بي أم دبليو m6

http://images.panet.co.il/articles/1...6-185626-1.jpg

(( للي مايعرفها ^_* ))

نزلت ومسكت حجر من الأرض .. كانت معصبه لدرجة الجنون .. انا بزر ومدلعه ..؟

مافتكينا من سيد غريب .. وآنسه دلوعه .. يجينا هالمغرور ويقول عني بزر ..؟ ليه وش سويت له انا ..؟ ماعمري قابلته من كبرت ولا صار بيننا موقف ..؟

بس لاني كنت لابسه بالحديقه ذيك الملابس ومسويه قرنين صرت بزر ..؟ مايعرف للموضه هو ..؟

ضربت الأرض برجلها من القهر .. صدق يوم قالوا فهد ووليد .. وجهين لعمله واحد ..!!

هالعطله كرهت فيها ثنين من عيال عمها ... مغرووووورين حقييييييييرين

رفعت يدها بتهور بتضرب زجاج السياره بالحجر .. بس تجمدت يدها وهي تسمع صووت رجولي يخلي الواحد يرتبك

" عفوا .. لكن شكلك مضيعه هذه مواقف رجال مو مواقف حريــم "

ماقدرت تتحرك .. ماقدرت ترمش بعيونها .. نزلت يدها الي فيها الحجر بسرعه وفشله .. نست عصبيتها من الفشيله .. هذا ثاني موقف يصير لها معه

وليد وهو يناظر شعرها الي وصل لتحت ظهرها " بيان صح ..؟ ليه كل هالحقد على سيارتي وش سويت انا ..؟ "

بيان بهمس بالموت قدرت تطلعه " كيف عرفتني ..؟ "

وليد بأستهزاء " وااضح نسيتي اني شفتك بالحديقه .. شعرك وو .. (( سكت )) وطولك و (( اسكت ياوليد وش جالس تقول هذه بنت عمك )) المهم اني عرفتك .. ماجاوبتيني ليه كل هالحقد .؟ "

بيان بهدوووء غريب " اتوقع من قلة الذوق انك تناظر في بنت مو متغطيه ولابسه عباتها "

هز وليد كتوفه بلا مبالاه " انتي الي جيتي لسيارتي مو انا "

التفتت معصبه .. " وش قلة الذوق هــ .. "

سكتت وهي تناظر شكله .. كان لابس بنطلون جنز .. وبلوزه كت سوداء .. وشعره يقطر مويه .. شكله توه طالع من البركه ..

أنتفضت لاشعورياَ وش ذا الأحساس القريب الي يجيها لاناظرت عيونه ..؟ من قبل ناظرت بعيون فهد ماجاها هالأحساس .. معقووله تولد فيها الكره من اول ماشافته ..؟

أنفتحت يدها بهدوء وطااح الحجر مرت جنبه تمشي بهدووء منزله راسها

وهو كان يحاول يمسك أعصابه ودقااته قلبه الي كانت تسرع من جمال الي واقفه قدامه ..

" اتوقع اني سألت ليه كل هالحقد على سيارتي "

بيان وبهدووء ماتبي تفقد أعصابها .. منزله راسها للأرض وتمشي " أسأل نفسك اول ليه كل هالحقد لي ..؟ "

أختفت من عيونه بين المباني .. وكلامها يرن بأذنه " أسأل نفسك اول ليه كل هالحقد لي ..؟ "

انا وش سويت لها ..؟ معقوله احد سمع وقالها عن المحادثه الي صارت بيني وبين ابوي ..؟

لا أستحاله لأن ماكان أحد موجود .. أجل وش تخربط هذه ..؟

ههه صدق بزر .. مشى بيفتح سيارته .. ووقف وهو يشوف صدره يطلع وينزل بسرعه " بزر وهي صايره بالمكيااج حرمه كبيره ..!! لو نحط جنبها ملكة جمال العالم ماجات شيء يمها " ابتسم لأفكاره .. لاتنسى ياوليد هي بزر مدلعه .. مهما كان جمالها .. ولاتنسى انك حاط في بالك هاجر ومستحيل تتراجع عنها

قوى قلبه وفتح السياره والأفكار توديه وتجيبه ..

×××

بدلت بيان ملابسها وهي تنتفض علشان تروح تسبح مع البنات الي طبوا بالبركه بعد مانظفوها .. ياربِ وش ذا المواقف الي تصير لي هالسنه ..

كل من دخل جامعه صارت له هالمواقف ..؟ (( سألت نفسها بأستغراب ))

رمت فستانها بفوضويه وقهر .. لساا مادخلت الجامعه حتى اففف .. لازم أحذر ساره من هالوليد .. وأخليها تكرهه وتنساه بدون ما أعلمها انه يبي هاجر ..

بان الحزن في ملامحها .. ماهمني الي قال عني .. هذا رايه .. رايه يابيان وأفرضي انك ماسمعتيه .. صدق كرامتك غاليه بس ساره اهم من نفسك .. ساره بنت عمك وبنت خالتك وصديقتك وحبيبتك راح تدمر لو تعلقت في وليد زياده وهو راح يتزوج النسره هويجر ..

لازم تحاولين تبعدينها عنه .. علشان قلبها مايتحطم ..

راحت بيان للبنات في البركه وطبت معهم ..

×××

جلس خالد عند اخوه وعيال عمه .. وهو يناظر في زياد الي ماعطاه نظره حتى ..

حمد " تصدقون بانزين سيارتي مخلص وتوني أدري "

وليد " ههههههه وتدري ان الزيت يبي له تغيير وتوني ادري "

الشباب " ههههههههههه "

زياد يجديه " حتى انا والله البانزين مخلص "

ثامر " يؤؤؤؤؤؤؤ كلكم ..؟ من باقي ..؟ "

مشاري يرفع يديه " لا الحمدلله سياارتي مافيها شيء "

سطام ماسك ضحكته " وتدرون ان سيارتي يبي لها تغيير كفر "

الشباب " لاااااا "

سطام وقف " وربي .. برووح اغير لها "

خالد " عندك سبير ولا تبي "

سطام " لا يعطيك العافيه عندي "

متعب " زين وانتوا وش بتسوون نعطيكم من بانزينا .. لكن الزيت ..؟ "

فيصــل " لا انا اقووم اجيب من محطه قريبه "

فهد وقف " لا انا بجيب أجلس انت "

ثـامر وقف مبتسم " لا انت ولا هو انا .. لان بعد بانزين سيارتي قليل مره وحده أعبيها .."

الشباب " الي تشوفه "

قام ثاامر بيروح للمحطه

طارق وريان يسولوفون ومو معطين فارس الدب وجه ..

فارس يكلم فيصل " ترى انا بذبحهم الي مسوين نفسهم رجاجيل "

متعب رفع حاجب " وش عندك يالأخ ..؟ "

فارس يحاكي ريان " الحين من الأقرب لك .؟؟ ولد عمتك ولا ولد عم ولد عمتك ..؟ "

الشباب " ههههههههههههههه غااار "

فهد بجديه " يالله كلكم ربع لاتجلسوا تتهاوشوا وتسو بينكم حزازيات "

طارق جالس نفس الرجال رافع ركبته وحاط ذراعه عليها .. وتكلم مثل الرجال بصوت قوي " ماسوينا ياولد عمي .. هذا اخوك مكبر الموضوع .. "

وليد ماسك ضحكته " اخوي رجااال "

طارق بفخر " طالع عليك "

وقف خالد " اقوول كلكم سبحتوا الا انا برووح اطب "

مشااري " ما أحد قالك تنام بالسيااره كأنك شايب "

سطام " تعباان يا أخي وش عرفك انت "

وليد " رح رح طب قبل مانمشي "

×××

وقفت تهاني معصبه وهي تنااظر غرف التبديل الثمانيه .. وكل وحده من البنات دخلت لها وحده وتركوا تهاني لحالها ..

تهااني بصرااخ " يالله فكووووووووووووووووووووني لكم ساعه تبدلوون "

غلا مستانسه يوم عصبت تهاني " خخخخخخخ يبي لنا نص ساعه ونطلع "

البنات " هههههههههه "

أنقهرت تهاني .. وعرفت انهم يستهبلون عليها وماراح يطلعون بسرعه علشان يجننوها ..

فكرت .. ليه ما أقهرهم واروح اطب بالبركه أكمل الوناسه .. أبتسمت بأنتصاار وهي رايحه ترررركض بتطب علشان تطلع صوت بالمويه وينقهرون البنات

×××

في نفس الوقت خالد بدل ملابس ببنطلون قصير وبلوزه كت .. ناظر بالبركه .. بعد البناات ..!!

عاادي ياخالد ياحلو اي شيء بعد البنات هههههههه عاداني مشاري ..

تراجع على ورى وتقدم يركض بيطب ..

من الجهه الثانيه كانت في وحده جايه تركض مثله بتطب

طشششششششششششششششش

طبـــــــــوا مع بعـــض وكل واحد حـــس بالثاني ..

طلعوا على السطح مستغربين وش السالفه من الي جاي يطب (( معه – معها )) ..؟

رفعت راسها تهاني ومسحت بيديها على شعرها تزيحه عن وجهها .. طاحت عينها بعينها وشهقت وهي تنزل بالبركه ماتبيه يشوفها ..

خالد دق قلبه بقووه .. وش ذا الصـــــــدف .,....؟؟؟؟؟

راح يسبح بمهاره بيطلع من المسبح وبس طلع ..

رفعت تهاني راسها تبي تاخذ نفسس بقوووه .. وهي تناظره طاالع من غرفة المسبح ..

يااربِ صدق يوم قالت بيان اليوم هذا غريبـــ ..!!!

طلعت وراحت تركض لغرف التبديل وهي تنتفض .. شافت ساره طالعه من الغرفه وتبتسم لها " مليتي من الأنتظار "

اوووووووه الحمدلله ما أحد أنتبه لها دخلت وهي تبتسم لساره بأرتبااك وخووف .. صدرها يطلع وينزل من المفاجأه والصدفه الي قبل شوي ..!!

×××

بكــت حلاا بقوووووه وهي تصاارخ " له ساعه كامله والمحطه قريبــه كل هذا رايح يجيب بانزين وزيــت ..؟
لا لا لا ثم لا ما أصدقكم .. اتصلوا دقوا عليه ثانيه وثالثه ورابعه "

كانت تنتفض بعباتها .. وكل البنات عليهم عبايتهم جالسين عند عياال عمهم والهم كاسي عيونهم ..

أم ثامر بخووف تكلم حمد " والي يسلمك دق مره ثانيه يمكن فتح صار فيه ابرااج "

حمد كان ماسك أعصابه ووليد وزياد وكل الموجودين ..

خالد رايح جاي يناظر الطريق .. ومشااري يحاول يهدي توئمه حلاا .. كان يحس بالألم معها ..!!

بيان ماقدرت تمسك نفسها ودخلت ولحقوها البنات ..ماعدا مرام وروابي جلسوا عند حلا

قالت وهي تشهق " كنت حاسه بيصير شيء بس ماصدقتوني "

تهاني بعصبيه صرخت " بيااان لاتفاولين على اخوي .. ماراح يصير له شيء ان شاء الله "

غلا تنتفض بين يدين أسيل الي ضامتها " هـه انا خايفه .. خايفه ان ثامـ " تهجد صوتها

وقامت ساره معصبه " بنااااااااااات وش ذا الحكي ..؟ ان شاء الله مايصير له شيء يمكن البانزين خلص .. ماقال وليد انه قايل ان البانزين قليل بسيارته .."

ضي وهي تبكي " الله يسمع منك "

وقفت بيان مو قادره تستحمل فسخت عباتها .. ورجعت شعرها المبلول بيدها ورحت تركض لما وصلت عند المطبخ ..

جلست على الدرج حق المطبخ تبكــي بحرقــه .. ليه سمعت كلام البنات ونست الي يحس فيه قلبها ليــه ..!!

بكت وبكت وبكت .. وهي تدعي ربها .. ياربِ أحفظ ثامر لحلا وامه ولكل الي يحبه .. يارب ياكريم ياارب

حست بأحد واقف عنده .. رفعت عيونها والدموع مليانه فيها ..

شافته ... ماد لها جلال صلاه .. ومنزل راسه مايبي يشوفها بالظلاام .. خذت جلال الصلاه بيد تنتفض .. على الأقل صار عنده ذووق احسن من وليــد الي مانزل عيونه ..!!

فهد يقوي نفسه لايرووح يمسح دموعها " خلااص بيان ان شاء الله ثامــر يرجع بالسلامه .. قوومي هدي أختك لاتبكين .. "

بيان تشهق زياده " لا يافهد ..... انا حاسه انه بيصير شيء بس ما أحد صدقني ... كلهم يقولون طفله مدلعه تخربط من عقلها "

غطت وجهها بيديها ومال الجلال من على وجهها .. وهي تشهق بالقوه ..

ضاااق صدر فهد عليها .... معقوله يجرحونها لو قالوا عنها دلوعه ..؟ معقوله جرحتها يافهد يوم سميتها آنسه دلوعه..؟

يوم نطقت بأسمه حس انه يملك الكون كله .. بريئـــه .. والبرائه مو شيء عيب .. يعايبون عليه ..

نزل لمستواها وهي جالسه .. وهمس " من قال عنك كذا ..؟ علميني فيه وانا أأدبه .. وبالنسبه لي ترى أمزح وأحب دلعك .. (( حس بنفسه )) آ .. أقصد ان الدلع مو عيب "

وقفت بيان مو قادره أكثــر (( هذا حب ولا وشو ..؟ ليه كل هالحنان ..؟ وليه تحس انه مثل حمد أخوها بالضبط ..؟ ))

همست وهي تمشي " مشكور فهد "

أبتسم لها وقلبه يدق بحبـــها ..

×××

راحت لحلا وهي تشوف الكل تجمع عندها حتى البنات ..

كانت تشااهق مذعووره وتمسك ذرااع امها " يمممه تكفييييين يمه تكفييين خليهم يتحركون يدورون عليه "

أم حمد والدموع بعيونها " خلااص يمه فيصل ووليد ومشاري راحوا يدورونه "

زياد كان ماسك امه الي تبكي من قلب " خلااص يمه الله يهداك انتي حرمه عااقل .. ان شاء الله مايصير له شيء "

دق جواله والكل قام يناظره .. رفعه بسرعه وشاافه رقم فيصل

كلم بسرعه وبشغف " هاه فيصل بشر لقيتوه "

دقيقه .. دقيقتين .. والكل كان ينتظر والدموع تجمدت ..

حلا على حافة الموت من الصيااح .. تحس بيغمى عليها بس متماسكه .. تبي تسمع الخبر ..!!

زياد حاول يهمس علشان مايخوف حلا وامه وخواته .. بس لسانه مخادع .. لساانه خدعه .. نطق بصووت عالي .. كيف يقدر يهمس وهذا أخوه ..؟

" فيــــصل شقاعــد تقول .............؟؟ "

/

نهاية القســم الأول .. للفصل السابع ^_^

وللأحداث بقيـــه

ملاحظه (( لعيـــون الغاليــه ماهو بكيفـك .. تم تغيــيــر أسم هاجـر إلى ليلى .. وصدقوني مهما حطيت لها أسم حلو ولاشين .. شخصيتها مراح تتغير
ويالله أتمنى تحبونها بأسمها الجديد >> حيييل هههههه ))

>> الجـــزء الســابع <<

!!.. القـسـ (( 2 )) ـم الثـاني ..!!

×
×
×

صرخ زياد هالمره مو قادر يستوعب " أتصلوا بالمطافي .. أتصلوا بالأسعاف تحرررررررركوا ..... لحظه وينكم فيـــه ..؟ ..... جااااااايكم"

سكر والتفت على الحريم وعيوووونه حمراء من الصدمه " يمــ .. "

ماقدر يكمل لأن الكل كان ساكت مو قادر يتحرك ... الا حلا الي تنتفض بخووف ورعب وطااح الغطااء من وجهها .. وجلست تناظر فيه تبيــه يطمنها .. يقولها انه يمزح معها ....!! وان حبيبها ثامر مايحتااج أسعاف ولا مطافي ..!!

تكلم زياد غصب عنه " مو متأكدين ........ (( بلع ريقه يوم شاف نظراتهم وكمل )) شافوا سياره تحترق بعد المحطه "

همست أمه بأنفعال " وليدي "

طاحت عليهم .. رجولها مو قادره تشيلها وهي تبكي .. والكل خاف والبنات يبكووووووون وتهاني راحت تركض تجيب لأمها مويه

ريهام جلست تبكي وهي تصرخ " ماماااااا ماماااااا "

حلا زادت النفضه فيها وصررررخت وهي متمسكه في أمها " ثاااااااااامر لااااااا " طاحت مو حاسه بنفسها وأغمى عليها .. والأرتباك زاد على العايله ..

ام حمد تمسح وجه بنتها بالمويه " يمه بنتي قوومي يمه قوومي .. مافيه الا الخير رجلك "

بيان حطت يديها على فمها تمنع شهقاتها العاليه " اتصلوا في ابوي ولا عمي ولا خالي .. ايييييييي واحد المهم يشوفون ثامر "

طبعاً الشياب راحوا البيت بعد الضيوف مبااشره .. وأعتمدوا على عيالهم في ترتيب المزرعه وتوصيل الحريم ..

حمد والخوف في قلبه " لا مانبي نخوفهم .. خلونا ناخذ حلا المستشفى اخاف جاها شيء من الخوف "

زياد يكلم حمد بأرتباك " انا سيارتي مافيها بانزين سيارتك فيها "

حمد مرتبك أكثر على اخته وولد خاله " لا مافيها بس سطاام وفهد وخالد موجودين "

التفت على سطام الي جاي يركض " خلااص بدلت كفر سيارتي أركبوا معي وجيبوا حلا "

زياد " لا انا برووح عند فيصل ووليد ومشاري بساعدهم "

فهد وهو يدق على فيصل " يالله تعالي معي اجل انا بروح لهم "

خالد " وانــ .. "

قاطعه حمد " لا ياخالد انت اجلس مع الحريم ... مابقى عندهم أحد "

هز خالد راسه بتفهم وعيونه كلها قلق

ريان وهو يبكي " برووووح معكم "

زياد بعطف " لا رياان أجلس مع امي هون عليها "

دق متعب على روابي بنفس الوقت .. لانه راح البيت بعد مامشى ثامر .. تعباان ويبي يرتااح

ناظرت الشاشه وعيونها غرقانه دموع (( أمير قلبي )) يتصل بك

ردت وهي تحاول تخلي صوتها طبيعي ماتبي تخوفه " أ .. الو "

عقد متعب حواجبه وهو منسدح على السرير " رووبي وش فيك ..؟ وش فيكم تأخرتوا .. لي ساعه من من وصلت البيت ..؟ "

حاولت تتماسك وهي تشووف ام ثامر تبكي .. وحلا شايلها حمد للسياره وامها معها " لا .. مافيني شيء "

متعب مسكه قلبه يوم سمع جوابها " رواابي ..؟ تكلمي وش صااير ..؟ "

بكت روابي مو قادره تستحمل .. وعلمته في الي صاار وهي تبكي .. ماكان ودها تخوفه .. بس كانت تبي احد تفضفض له ..

متعب وهو يطلع من شقتهم ويدخل المفتاح بالباب بحركه عصبيه " مساافه الطريق وجايكم "

روابي تروعت " لا لا لا متعب والي يخليك لاتخاطر بنفسك "

متعب عصب " روووووابي ..؟ وش ذا الحكي يالله باي "

سكر بوجهها وجلست تبكي تناظر في تهاني وغلا المنهارين مع امهم ..

ساره كانت تبكي وهي ضامه بيان " خلااص بيان مالها شر ان شاء الله .. بس من الخوف أغمى عليها "

ام وليد تهدي أم ثامر " عين ماصلت على النبي .. وان شاء الله مايصير له شيء مدامه مصلي وقااري على نفسه .. "

×××

بو متعب كان نايم بغرفـته دق جواله .. وتحرك ب**ل والنوم فيه ..

ناظر الشاشه .. شاف رقم امه

بو متعب " السلام عليكم .. هلا يمه "

أم محمد الي ماسكها قلبها " عليكم السلام .. هلا ياوليدي وش اخبارك ..؟ "

بو متعب جلس على السرير وهو مستغرب ان امه تدق وقــت الفجر الساعه 3 ..!!

" الحمدلله يمه .. شخبارك انتي واخبار الرياض ..؟ "

أم محمد الي كانت لها يومين في بيت أخوها بالريااض لأنه تعباان ماقدرت تحضر العزومه " الحمدلله يبه .. فيكم شيء لاسمح الله ..؟ "

بو متعب مستغرب " لا يمه وش فيك سلامات ..؟ "

ام محمد بضيقه " مادري يبه حلمت بحلم مو زين وقلبي ماسكني "

بو متعب أرتبك " لا يمه مافينا الا العافيه .. والحريم والعيال كلهم في مزرعة اخوي ضاري مستانسين "

ام محمد بضيقه أكبر " واللي يسلمك ياوليدي دق عليهم وطمني "

أستغرب بو متعب " ماطلبتي يمه الحين بدق عليهم "

ام محمد أرتاحت نسبياً " جزاك الله خير "

×××

مســــك قلبه بقوووه وغترته مرميه بجنب سيارته ..

ناظر في المطاافي والأسعاف .. والرجال والسيارات ..

التفت شاف وليد وفيصل وفهد وزياد خايفين ويتكلمون مع رجال المطافي بعصبيه

زاد الألم بقلبه .. مسك صدره بيدينه الثنتين وهو عارف سبب هالألم ..

همس مشاري بألم " حلاا "

تسند على سيارته من قدااام .. مو قادر يقاااوم الألم .. يعيش لحظاات الحزن والألم مع توئمه .. الي تحس فيه يحس فيه ..

ضااق تنفسه زيااده وصرخ وهو يطيح على الأرض " فيصل "

التفت فيصل ورجاجيل معه .. وجاوا يركضون له

اما فهد كان يهااوش رجال المطاافي من العصبيه ..

وزيااد يبي يقرب من السياره يتعرف عليها والشرطه يبعدووونه خايفين عليه وهو يسبهم معصب

وليــد كان يتكلم مع رجاال الشرطه يعلمهم عن ثامر

شرب فيصل مشاري مويه وهدأ شوي .. جلسه بسياارته وهو خايف عليه

" مشااري تبيني اوديك المستشفى ..؟ "

مشاري مغمض عيونه " لا مايحتااج فيصل .. بس اذا تألمت حلا .. لازم أتألم .. بيرووح بعد دقايق "

صرررخ زياد صرخه هزت الموجودين كلهم .. فتح مشاري عيونه وفيصل التفت بخوف

زياد بصرااخ يدف الشرطه " وخروووا عني هذه سيارة اخوووووي .. سياارته .. وينه ..؟ تحوول رمااد ولا وش السالفه ..؟ "

كان يتكلم وهو مايحس .. والصدااع جاااه من أول ماشاف الحريق .... ليه الي يحبهم يموتون بالحوادث ليه ..؟

طاح على ركبه وحط يديه على راسه يحاول يخفف الصداع .. ورجال الأسعاف جاووه يسعفونه ..

كانت العايله حالتهم حـــاله .. ثامر من جهه .. وأمه من جهه .. حلا من جهه .. ومشاري وزياد من جهه

صدق يوم قالت أم وليــد شكلها عين ..

والرسول صلى الله عليه وسلم كان يقول " أكثــر من يموت من أمتي بعد قضاء الله وقدره بالعين "

(( عليه الصلاة والسلام ))

×××

اليــوم الثاني .. الساعه 11 الظهر ..

بمستــشفى المــانع بالخبــر ...,.

العايله كلهم جالسين قداام ثلاث غرف .. بعضهم يبكون والبعض يهدوونهم

غرفة حلا الي جاها أنهيار عصبي .. وغرفة زياد الي طااح عليهم من الصدااع الحاد الي جاه ..

وغرفـــة ثامــر الي لقووه بعد بحث ثلاث ساعات طايح بعيـــــد عن السياره

مالقوا شيء بالسيااره يوم طفووها ..!! أستغربوا لازم يصير في أثــر للجثــه .....
الي ماخطر على بالهم انه يكون طاايح بعيد بعيد عن السياره ..!! وجسمه كله حرووق وبالذاات وجهه ..

السؤال الي يدور في راس الجميــع ..! كيـــف وصل بعيد عن السياره كذا ..؟؟!

وقف بو حمد وهو يشووف أمه جايه تعرج من ركبها بسرعه وولد أخوها وراها يركض وبعيونه الخوف ..

ام محمد والدمووع بعيونه " بشــر ياولدي شخباار بنتي حلا ورجلها واخوه ..؟ "

بو حمد يحاول يتماسك " للحين يمه ماقالوا لنا شيء .. ان شاء الله الحين يطلع الدكتور ويطمنا "

بو ناصر (( ولد اخوها )) " ان شاء الله مايشوفون شر ياولد العمه .. والله يطمنكم عليهم ياارب "

هز بو حمد راسه " آآمين "

بو متعب " أستريحي يمه عند الحريم .. أستريح بو ناصر "

جلس بو ناصر عند بو ثامر الي **ى وجهه الهم وعياله الثنين طايحين بهالغرف

الشباب كانوا واقفين وكل واحد الألم على وجهه ينتظرون واحد من الأطباء يطلع

طلع الدكتور من غرفة زيــاد

وقفوا الكل وام ثامر مرسوم بعيونها الخووف

الدكتور " وين أبو المريض "

فهد ونفسه بخشمه " يادكتوور خلصنا قولنا وش فيه كلنا أهله "

ما أستغرب الدكتور من أسلوب فهد لأنه حاس فيهم

أبتسم لهم يطمنهم " تطمنوا مر بحالة صدااع قويه .. والحمدلله عطيناه مهدئاات والحين يقدر يقوم .. لأن الظاهر هالحاله فيه من كم سنه "

أم ثامر تنهدئت براحه جزئيه ..

بو ثامر مو قادر يستانس وولده الثانيه مايدري بحاله " الله يبشرك بالخير .. ماكان يقولنا الله يهداه .... "

ماكمل كلامه لان الدكتور الي عند حلا طلع ..

كل العيون توجهت له .. أبتسم الدكتور الثاني وهو يناظر زميله الدكتور " تقدرون تشوفونها يبي لها راحه يومين بالمستشفى الي اصابها ماهو بسيط .. أنهياار عصبي .."

بكت أم حمد وهي تركض لغرفة بنتها ووراها ضي وبيان والبنات

مر الوقت وهم عند حلاا .. وزيااد طلع معهم ينتظر أخبار عن أخوه .. والدكتور لساا ماطلع ..

حلا تبكي " يمه والي يسلمك ابي اشووووفه "

ام حمد تبكي معها " يمه شلون تشوفينه والدكاتره عنده "

حلا تضرب السرير بيديها مثل الأطفال " لاااااا يمه انا غييييير .. مالي دخل بالدكاتره (( ناظرت امها برجااء )) يمه انا احبك واحب كل أهلي .. بس ثااامر دقات قلبي يمه (( ضربت قلبها )) دقااااااااااته .. واذا صار له شيء راح اموووووووت (( بصرااخ )) بمووووووووووت "

وقفت بيان وهي تحط يديها على فمها من الخوف وهي تشوف أختها منهااره

وخالاتها وضي والبنات يهدوون فيها ..

دخلت الممرضه خايفه " لا بلييييز المدام تعبانه خاااالص وعاوزه راحه .. بليز أتفضلوا أرتاحوا برى وسيبوها لوحدها "

حلا تصاارخ على الممرضه وهي منهااره " لااااااا ماابي ارتاااااااح ابي ثااااااااااامر ماتفهمووون ابي زوووووووجي "

جاو الممرضات ومسكوها وهي تضربهم بقوووووه بيديها وعطوها أبره مخدره .. وقفت عن الضرب وطاح راسها على المخده بشكل ي**ر الخاطر

الكل بكى .. ماقدروا يتحملون هالمشهد

غلا تهز أمها " يممممممه قومي نرووح لثاامر قووومي "

مسكتها تهاني من كتفها تحاول تهديها " غلاا أهدي وش تسوين .. هدي هدي حبيبتي "

ام ثامر ماكانت تحس بشيء .. هذا ولدها بكرها ..!!

×××

بو ثامر وبو متعب كانوا داخل بغرفة الدكتور الي عاااند ولا قال شيء جنب العايله كلها ..

بو متعب بعصبيه " وش عندك تراااك خوفتنا "

الدكتور ببرود " النظام كذا طال عمرك "

عصب بو ثامر وهو يوقف " طيب بتقولنا وش فيه ولدي ولا وشو "

وقف الدكتور يهديه " ياخووي ان شاء الله ولدك مافيه الا العافيه بس انت عطني فرصه اتكلم الله يهديك .."

جلس بو ثامر يهديه بو متعب ..

جلس الدكتور بعده .. ناظرهم شوي بعدها تكلم " الحمدلله عدت مرحلة الخطر .. علشان اكون صريح معاكم ماكنٌـا نتوقع انه بيعيش .. الأصابات كثيره من الحريق ومن تدحرجه على أرض صلبه ..!! "

سكت يناظر ردت فعلهم .. بان على وجههم الراحه .. بس القلق مازال بعيونهم ..

كمل الدكتور " ان شاء الله الأستاذ ثامر راح ينتبه بكره او الي بعده .. لكنِ ماودي اخبي عليكم (( ناظر بعيونهم )) مو مثل قبل "

عقدوا حواجبهم مو فاهمين لهم

بو ثامر بأنفعال " مافهمت دكتور "

هز الدكتور راسه ببرود .. لأنه متعود على هالحالات .. ومتعود يبلغ اهل المريض بأخبار أردى من هذه " صراحه ... ماراح يقدر يمشى .. لأن جاه تلف أعصاب بالرجلين .. من الروعه والخوف "

فتحوا عيونهم بقوووووووه .. ووقف بو ثامر من المفاجأه الي صدمته

التفت على بو متعب الي نزل راسه من الحزن " لاحول ولاقوة الا بالله .. وش قاعد يقول هذا ..؟ "

رفع راسه بو متعب ووقف معه .. وحط يده على كتفه " هذا الي كاتبه ربك ياخوي .. والحمدلله مدامه سالم .."

" بس مابعد أكمل كلامي ..!! "

التفتوا ثنينهم على الدكتور مستغربين برودته ..

وقف الدكتور ولأول مره أرتبك " فيه خبر ثاني .. (( خذ نفس وناظر بعيون بو متعب مباشره .. ماقدر يحط عيونه بعيون بو ثامر )) .. الأستااذ ..... فقـــد بصـــره ..!! "

فقــد بصــــره ..,.,

صدمــه .. وراء صــدمه .. وراء صـــدمه ..

يالله كيف يقــدر الأنسان يفقــد نعمتين انعمهم الله عليــه مع بعض .. ما أحد يحس بنعم الله الا الي يفقدها ..!!

الحمدلله .. الحمدلله ياربِ على كل شيء ..

×××

بعــد ثلاث أيــام

نزلت من على الدرج بســرعه .. وجلست على الكنب وهي تمسك الريموت ..

حطت على mbc4 وهي خايفه ان البرنامج أبتدى ..

أرتاحت يوم شافته توه باادي

دخــل سامي كالعاده شااااارب ومعبي رااسه .. كثــر شربه عن أول من يووم قابل مرام .. من يوم قابـــل حياتــه ..!!

تأففت وهي تشوفه يترنح بمشيته ..

ناظرها بشمئزاز " ان .. انتي ... داايـ .. دايــ ــم على .. ال ت ل .. فزيون ؟؟ "

ردت وهي ترجع شعرها بغرور " كيفي انت وش حارك يالسكير ..؟ "

سمعت صوت امها تنزل معصبه " ليلووووووووه ياجعلتس الساحق والماحق والمرض المتلاحق .. وين طسيتي ..؟ "

ليلى (( هاجـر سابقاً )) ردت بملل " اوووووف يمه وش تبين .. وراي وراي "

ام سامي " قووومي رتبي غرفتتس الي كأنها غرفة عزووبي "

مدت رجولها على الطاوله " ياااااااااربيييي غرفتي وبكيفي .. اسويها غرفة عزووبي غرفة هندي انتي وش دخلك ..؟ "

ام سامي عصبت " كذا تحاكين امتس صدق اني ماربيتتس ..! "

دخلت بهالوقت منى وهي تجر رندا الي ميته صيااح " ادخلي ياجعلك الموت الي يفكني منك ادخلي "

جلس سامي على الكنب وغمض عيوونه .. ونااااااام

ليلى بضحكه مااصخه " ههههههههاااااااي اشوفك خذتي طبايع امي وصرتي تدعين على بنتك بالموت "

جلست ام سامي وحطت رجل على رجل وهي تدف راس سامي للجهه الثانيه " لها الشرف تاخذ طبايعي "

أبتسمت ليلى بأستهزاء .. ومنى جلست وهي تدف بنتها على الكنب الي جنبها " الله يحووسها عذبتني .. 24 ساعه تبي ألعاب "

رندا كانت تفرك عيونه بطريقه ت**ر الخاطر " انا ماتلبت الآآب تتيره " (( انا ماطلبت العاب كثيره ))

منى بنرفزه " اووووص اقول .. صدق العياال ماوراهم الا عوار الراس .. (( التفتت على امها )) الا صدق يمه أخبار زوج الحيه حليوووه "

ام سامي بضحكة شماته " هههههههههه أسكتي شكل العزيمه منحوسه .. من ذاك اليوم كل يوم طايح عليهم واحد "

ليلى ترفع حواجبها " ليه من طااح بعد ..؟ "

ام سامي تلتفت على بناتها بوناسه " هههههه يقولون طاح عليهم زيااد اخو ثويمر .. وطاحت الحيه على قولتك .. وبعد ماعرفت ان زوجها معااق ومايشووف جاها انهياار عصبي مره ثانيه "

ليلى بشماته " احسسسسسسسن علشان ماترفع خشتها علي مره ثانيه (( تقلد صوت حلا )) سووري ليلى أختي ماتقصد (( ترجع لصوتها بنظرات حقد )) مالت عليك وعلى اختك .. ذووقي المر الحين "

منى " هههههههههه شكل جاها انهيار عصبي مو خوف عليه .. لا .. خايفه على مستقبلها كيف بتعيش مع واحد معااق وعمي ..!! "

وأستمرت العائله بالحــش والشماتــه ...,..

×××

كانت منسدحه على بطنها وضامه مخدتها جنبها .. وجالسه تحووس بالاب توب حقها ..

دق جوالها وناظرت الأسم (( رنــا يتصل بك ))

ردت بصووت كله غنج " هلا برن رن "

رنا " ههههههه هلا هيووفتي .. أخباارك "

هيفاء وهي تنقلب على ظهرها " تماامووووو انتي اخباارك وبشري لقيتي رقمه ..؟ "

رنا " ههههههههههه على طول مافيه مجاال .. (( بصوت دلال )) ليه شاكه بقدراتي انتي "

هيفاء تعجبها رنا .. تصلح للمصالح " هههههه يابعد تسبدي انتي والله .. عارفه بقدراتك وواسطاتك قبل هههههه "

رنا تحب احد يمدحها " ايه عفيه امدحي فيني أشفي غروري "

هيفاء " هههههههههههه ابشررري "

رنا تقرأ ورقه قدامها " فـهد محمد حمد الســ ,,, .. صح ..؟ "

هيفاء بحمااس " صصصصصصح "

أبتسمت رنا " خذي يابعد قلبي رقمه "

مسكت هيفاء بحمااس قلم جنبها ودورت على ورقه .. ناسيه الابتوب الي قدامها من حماسها

رنا " سجليه بالجوال "

هيفاء تعدل جلستها " لا هبله أنتي .. ماتعرفين أخواني شكاكين "

رنا " اووكي .. الرقم ********** .. ماشاء الله كله أربعات مثل لوحة سيارته .. الظاهر بيتزوج أربع حريم أنتبهي هيوف ههههههه "

سكرت هيفاء القلم وأبتسمت (( آآه .. طيب يافهوود طيب .. اذا ماخليتك تحبني وتعشقني .. وتراااضيني .. ماأكون انا هيفااء ))

×××

لمت شعرها على شكل ذيل حصاان .. وألبست عبايتها وشليتها ..

نزلت من على الدرج بخطوات ثقيله .. طلعت في نفس الوقت بيان من غرفتها .. ووقفت تناظر فيها

بيان " حلا ..؟ وين رايحه ..؟ "

لفت حلا تكمل نزولها " برووح المستشفى بالغصب او بالطيب .. "

فتحت بيان عيونها والحقت أختها " حلا انتي تعرفين ان ممنوعه الزياره عنده .. خليه يرتااح اليوم وان شاء الله مثل ماقال ابوي بكره راح يسمحون بالزياره له "

ماردت عليها حلا وكملت بعنااد ..

نزلت بيان راسها .. كاسره خاطرها حلاا كله تهوجس بثاامر وتتحلم فيه .. بس العين بصيره واليد قصيره ..!!

دخلت حلا الصاله وشافت حمد متمدد على الكنب وشكله متضاايق ..

تكلمت بجموود " حمد بتوديني ولا أروح مع السواق ..؟ "

التفت حمد عاقد حواجبه .. ووقف " حلا حبيبتي .. والله ودي .. وقسم بالله ودي بس ما أقدر الزيااره ممنوعه ..!! "

دمعت عيونها بشكل مؤثر " حراام عليك حمد .. انت دكتور وتقدر تدخلني عليه .. وهو صاحي مو مخدر "

هز حمد راسه .. **رت خاطره " ادري ياقلبي .. بس لمصلحته لازم نخليه يرتااح مثل مايقولون "

حلا بعنااد تمسح دموعها .. تكلمت بشغف طفولي "والله ماراح اتأخر بس دقااااااايق .. دقايق حمد نظره وحده بس .. ابي اطمن ابي أشوفه (( تهجد صوتها )) أشتقت له حمد أشتقت له .. الله يخليك لاتحرمني من نظره وحده بس .. ابي اروي ظماااي .. ابي اكحل عيني بشووفته ..!! "

حمد بطبعه حنووون ماقدر يرفض .. أبتسم لها وقرب يضمها لصدره .. مسك الدمووع بعيونه .. مايبي يضعف بهالوقت ..!!

×××

" خاله ضي "

التفتت ضي لسـعود بأبتسامه " عيوون خاله انت "

سعود ببرائه " ويــن بابا ..؟ "

مسكت ضي نفسها علشان ماتبكي وتصنعت الأبتسامه " با .. بابا سافر "

سعود مستغرب " ليه سافر ..؟ "

ضي بثبات " سافر كم يوم علشان الشغل حبيبي .. وبيرجع "

سعود نزل راسه ببرائه يناظر بيدينه " طيب ليه ماخذني انا وماما ..؟"

ضي (( لا سعوود الله يخليك لاتبكيني )) " هههههه حبيبي قلت لك شغل مايقدر ياخذكم .. وبعدين كلها يومين وراجع (( سكتت .. ياربِ وش فيني جالسه أتكلم مع طفل مو مع واحد كبير .. كملت وهي تبتسم )) ماراح يطول حبيبي "

وقف سعود بحمااس " بيشتري لي لعبه صح ..؟ "

هالمره ماقدرت ضي وسحبت سعود لحضنها وجلست تبكي ..

سعود خاف على خالته .. تكلم ببرائة الطفوله وهو يمسح على شعرها " خلاص خاله لا تبكين .. بعطيك لعبتي لو ما جاب لك بابا معه "

×××

جلــس فهد على الكرسي في مركز الشرطه وهو متضاايق ..

جلس جنبه صديقه ناصر " هاه بو محمد وش فيك متضاايق ..؟ ان شاء الله ولد خالك مافيه الا العافيه .. والحمدلله ان ربي نجااه .. احمد ربك وربي أعجوبه على الي قلته لي ..!! "

فهد ماله خلق يحكي حتى " الحمدلله على كل حال "

رجع راسه على الكرسي وهو يفكـر ان كل شيء كااتبه ربي .. من كان يدري ان بعد العزومه والوناسه بيصير لهم كل هذا ..؟!

تذكـر انه كان بيخطب بياان بعد العزومه مبااشره .... بس الظاهر ربي ماكتب لنا نرتبط بهالسرعه ..!!

دق عليه رقم قطــع أفكاره .. عقد حواجبه متضاايق .. يوم جلس يفكر فيها .. دقوا يزعجونه ..!!

كان الرقم مميــز .. رد ببرود " الو "

جاه صوت ناعم مخملي " هاااي "

ما أنتظر ثواني تتكلم .. على طول سكر بوجهها وحطه صامت .. كان يظنها وحده من الي يعرفهم .. ماله خلقهم أبــد ..!!

ناظـر في الرجال الي يدخل القســم وبيديه أوراق .. الظاهر عنده شكوى ..!! وقف يسلم عليــه بأدب

فهد يأشر على الكرسي " تفضــل أخوي "

×××

سكرت منــه وهي مقهوووووووره على تصرفه ..

رمت الجوال على سريرها يوم أتصلت ثانيه ومارد عليها ..

بااااارد .. مغروووووووووور .. متكببببببببرررر ..

بس انا الي بعدلك يافهد .. على يديني بعدلك .. وأ**ر غرورك الزايد عن حده ..

وقفت هيفاء وهي ترص على أسنانها بقووووووه معصبه .. هذا ثاني حركه يسويها فيها ..

طيييييب الأيام بيننــا ..!!

×××

رشت روابي عليها .. عطرها المفضل " سينــما من ايف سان لوران " وهي واقفه قدام تسريحتها ..

كانت لابسه تنوره جنز للبيــت .. توصل لفووق الركبه .. وتي شيرت سماوي

ورافعه نص شعرها البني من فووق بماسك .. والباقي خلـته على كتوفها

طلعت من غرفتها .. وراحت غرفة نايف ونوف .. لقتهم نااايمين بسلاام ..

طلعت بتـنـزل الصاله .... من بعد العزوومه والحزن مغطي عليهم ..

أن شاء الله ثامر يطلع بالسلامه .. والله يصبــر حلا ياارب .. هي حاسه فيها .. شعور مميت .. لما شخص يفقد حبيبه الي يشااركه بكل شيء .. لما يشوفه فاقد نعمتيـن من أغلى نعم ربي على الأنسان ..

مسحت دمعه نزلت منها .. لازم تصير قويه وتخفف على متعب .. لازم تطلعه من هالأكتئاب ..

الحمدلله ثامر بيطلع .. ليه هالحزن كله ..؟! وكأن الرجال بعيد الشر صار له شيء ومـ .. (( ماقدرت تكملها وحلا تطري على بالها ))

دخلت الصاله وناظرت في متعب الي مندمج مع فلم أجنبي حزين ..

يؤؤ ..؟ من متى يحب الأفلام الحزيـنه ..!!

ممممم .. (( فكرت وهي تحط يدها على شعرها تلعب فيه )) .. حتى مو منتبه لها ..!

طق عرق الهبال في روابي .. حتى وخاطرها متكدر .. الهباال مايرووح عنها ..!!

فكرت .. باقي بوب كورن ومكنســه .. وتسوي أغنية أليسا .. (( اجمل أحساس بالكون ))

راحت تركض المطبخ عجبتها الفكره .. وسووت بوب كورن وشالت المكنسه والحب الشمسي معه ..

حطت المكنسه والحب الشمسي في أول الصاله .. وتقدمت من متعب وهي تتنـحنح ..

" أحـــم .. مسااء الخيــر قلبي "

مارد عليها متعب وهو مندمج بالفلم ..

برطمت روابي (( طيب ياميتوو ماراح أخليك اليوم .. الا والضحكه مرسومه على فمك ))

مدت له البوب كورن .. وهو يناظره مستغرب ..!!

خذه منها .. وهمس " مشكوره "

روابي بخاطرها (( افا حتى حبيبتي ماقالها ))

راحت تركض ومسكت صحن الحب البلاستيك .. وتوجهت لمتعب ترررررررركض .. وكبته قداامه عند التلفزيون ..

فتح متعب عيونه " وش صاار ..؟ "

روابي تسوي نفسها متفاجأه " يااربِ سووري ماكنت أقصد تعثرت وطاح مني الصحن .. عيوني "

متعب صدقها .. قال يهديها " عادي المهم ماطحتي "

افففف المهم ماطحتي .. قوول المهم انتي ياقلبي .. راحت تجيب المكنسه وهي تبتسم بخبث .. شكلي بعطيه دررووس بالرومانسيه الدايمـه ..

مو الي يوم ويووووم .. ولا المشكله الرومانسيه عنده العض ههههههه ..

مسكت المكنسه وجات قدامه .. غطت عليه التلفزيون .. وكنست بكل **ـل وهي تغني ,..,

(( شو هالحلاااا باليــني زمااان .. حلا على هضااااامه كمان
ئلي شوفيك ياروووووحي شوفيك .. البي بغرامك طاااااااير طيرااااان
عينيك شغلي .. ماعندي غيرن شغله وووووووين عقلي ..؟
لاتستغرب لو مني طار عئلي .. وين عئلي .. عئلي وين .. عئلي وييييييييين ؟
شوفيك حتى .. كل مامرئت ئبالي بذوووب حتى ..
مايبئى شيء في بالي غيرك انت .. انت مين .. مين انت .. انت مييييييين ..؟ ))

متعب اذا صار ضايق .. صار مثل طبااع اخوه فهد نفسه بخشمه " روووابي مالي خلق هباال وخري خليني أكمل الفلم ..!! "

روابي بعناااد تدور على نفسها وهي تكنس وتترنح بحركات مضحكه ..

مسك نفسه متعب على خبال زوجته .. مايبي يعصب ..

روابي كانت عارفه انه معصب .. (( بس طيييييييب ياميتو طيب .. ))

فجأه .. صررررررخت .. وقف متعب من الخوف وهو يناظر فيها تطيح على رجلها اليمين وتتألم ..

روابي تعصر دموعها " آآآآآي في قزاز هنا ..؟ منسكر عليك شيء ..؟ (( غمضت عيونها تكمل تمثيليه )) آآآي رجللللللي "

نزل متعب عندها بالأرض وعيونه ملياااااااانه خوفه عليها

متعب بشغف وخوف " وش فيك ..؟ وش حاسه فيه ..؟ تألمك ..؟ كثير ولا قليل ..؟ اوديك المستشفى "

مسكت روابي ضحكتها (( لا لا تضحكين الحين .. كملي التمثيليه .. يالبـيييه الي خايف علي )) همست بنعومه " آآه مايحتاج مستشفى يارووحي .. انت دواي وانت طبيبي " حركت رموشها بدلع

متعب ماسك نفسه لايخوورها .. نزل عيونه يقاله معصب .. " خليني أشوفها " .. مسك رجلها اليمين يدوور على أثر ..!!

سحبتها روابي بقووه وهي تصرخ " آآي وش ذا الدفااشه ميتوو يألم ماتحس انت ..؟ "

متعب ضااق صدره عليها " لا ياحيااتي أحس بس ابي اشووف يمكن مادخلت بس غزتك "

روابي طارت ونااسه (( أخيراً طلعنا منه كلمة حيااتي .. لا في تقدم يابنت ضااري ... ))

ماكملت تفكيرها الا هو شايلها على يدينه وحاطها على الكنب .. وجلس عند رجلها يفحصها ..

وهي تكح .. علشان مايعرف انها تضحك .. يوم شافته يدقق كثيــر وكشــر يوم ماشاف أثر

سحبت رجلها وهي تجلس وتغمض عيونها من الألم الكاذب " اوبس هنا هنا ميتو " أشرت على مكان برجلها وهي تلعب بشعرها وأصابعها .. وتنتظره يشووف المكان

لكن هو رفع حواجبه بسخريه " لا اجل هنا ..؟ "

روابي ماعرفت وش فيه ..؟ ليكون كشفها ..؟ .. قالت بدلع " مممم ايـه يألم "

متعب وهو يقرب وجهه لها وحواجبه مازالت مرفوعه " يألم ..؟ "

تروعت روابي .. وش فيه بسم الله .. تراجعت لاشعورياً ..

تكلم متعب وشبه أبتسامه على وجهه " مانفعت العضه الي قبل كم يوم ..؟ "

فتحت روابي عيونها لآخر شيء يوم عرفت نيته .. وقفت بسرعه وهي تبعده عنها بقوه " لااااا ميتو والي يعافيك خدودي رااحت "

هالمره متعب هو الي أنفجر من الضحك ..

وروابي علامات الأستفاهم فوق راسها ؟؟؟؟؟؟؟؟؟؟؟

متعب وهو ينسدح ويرجع يناظر الفلم .. ومازال يضحك " هههههه رووبي بالذمه .. توني أكتشف ان ذكاائك نااقص (( فتحت روابي عيونها معصبه .. وهو كمل )) هههههههه اول شيء تأشرين على الرجل اليمين .. وبعدها تقومين بدلع (( يقلد حركاتها وصوتها )) اوبس هنا هنا ميتو يأأألم (( يرجع لصوته )) ههههه تأشرين على اليساار ياذكيه "

حمرررت خدود روابي .. وطااااااح وجهها .. تبي تلعب عليه لعب عليها " هاه .. ايه متعمده انا ابي اشووف ذكائك "

متعب " هههههههه واااضح .. رحتي كملتي عليها يوم نقزتي على رجولك وملامحك مافيها ألم ههههههههههههههههههههه "

كمل ضحكه بهستيريا .. وهي أغتاضت ..

مسح دموع الضحك وهو يأشر لها يعني أكنسي " هههه يابعد قلبي يارووبه .. ضحكتيني الله يعافيك .. يالله أكنسي بس بعيد عن التلفزيون .. ولاتسوين مقالب وتمثيليات مره ثانيه .. كم مررره فهمتك ما أنتي قدددددددي ..؟ ماتفهمي انتي ..؟ "

فااارت رواابي من الغييض .. مع انها بنفس الوقت تونست انه ضحك وهذه غايتها .. بس يقوول انها مو قده لاااا حـــده ..

مسكت البوب الكورن بسرعه خياليه .. وكبته عليه كلللللله .. كان شكله يضحك وهو يجلس مخترع ..

راحت تركض فووق وهي تضحك " ههههههههه انت مو قدي "

بس هو ماخلاها طلع عرق الخباال الي عودته عليه زوجته .. ترك الفلم .. وراح يرررررركض فووق يكمل هبالهم قبل ماتقفل الغرفه .. دخل وهو يدف باب الغرفه بيده ..

وهي تراجعت على وراء تضحك ..

حرك حواجبه بخبث وهو يسكر الباب " طحتـــي وماحد سمى عليك ياروووبة ميتوو "

**************
(( منع من الرقابه ههههههه ))

×××

لــك ذكريـــات مـــا تفــارق خيالـــي
ياللــي معــي ذكــراك روح وســـط روح

ضيعــت فــي وجــه الليالــي سؤالـــي
ودمعـــي علـى خـدي مــن الحزن مسفوح

واشيــاء كثيـره عقـــب فقـــدك ببالــي
إنـــي بــلا حبـــك عذابــات وجــروح

فتحت باب غرفتـه بالمستشفى بيــد منتفضــه .. كان قلبها يدق دق من الخووف ..

والذكريات في بالها عنيــده .. ماودها تتركها دقايق مرتــاحه ..

تذكرت حلا نفسها قبل خمس سنوات يوم كانت بالمستشفى نفسـه .. في ولادة سعود

كان الألم نصه فيها والنص الثاني في ثامــر .. ماتعدى يومين وهو جالسه بالمستشفى علشانها مانام حتى .. ما أكل من الخوف عليها ..

هي بحالة طلق مؤلــم وطويل .. أستمــر يومين .. وهو يتألم معها

كان يمسح على شعرها ويهديها .. كان يهمس لها بنعومه بأذنها .. بعيون حالمه كلها حب " ياليتـه فيني ولا فيك "

ماتركها دقيــقه وحده .,.. اهلها راحوا البيت وهو جالـس .. كلماته ترن بأذنها

(( حلمــي أخليــك سعيده وفرحاانه طووول العمــر .. وأن شاء الله أقدر احقق هالحلم ))

سمتــه بجوالها (( نصفي الآخر )) وهي تحس انها مو مجرد تسميه .. أنما واقــع ..

دخلــت الغرفه بهدووء مثل ماقال لها الدكتور وأخوها

وقفــت مصدووومــه .. تناظر بالمتسند على المخدااات ..

وعيونه مركزهم قدااام .. ورجوله ممدوده بلا حركه .. يدينه حاطهم على جنب ..

كأنه ..... جســد بلا روووح ..

جســد بلا رووووح ..

جســد بلا روووح ..

ترددت الجمله في أذنها وهي تتذكر من كم يوم قالت له هالجمله

(( وأنا أحــس نفسي بدوونك جسد بلا رووح ))

طاحت دموعها مثل اللؤلؤ .. تناثرت على خدها بصمت وبسرعه .. عيونها ماحمرت لكن دموعها كان شكلها غريب ..!!

ماتنزل على خدها وتستقر .. لا .. تمر مرور سريع بــس .. وتطيح بالأرض قطره قطره ..

ماقدر يستحمل حمد تكلم بصووت آجش خافت .. يهديها " حلا حبيبتي انا وش قاايل ..؟ أخليك تشوفينه بشرط ماتبكين وين الوعد الي عطيتيني ..؟ "

مدت يدها المرتعشه ومسحت دموعها ببرود وهي تتقدم لحبـيـبـها .. تتقدم لزوجها

الي حس بوجود أحد وعقد حواجبه ونظراته قدام .. لا تروح يمين ولا شماال ..

دق قلبــه بقوووه .. يحــس انها موجوده معــه بالغرفه

وقفت جنب سريره تقااوم الدمووع ..

شعووور صعب .. صعب .. صعب .. مؤؤلم ..

لما تشــوف الي كان سندك بالحيااه .. كان عوونك بالدنيــا .. يحميك من كل البشــر

عاجز ان يشووفك ..!! عااجز انه يوقف ويضمــك

رجعت دموعها تطيح بالأرض غصب عنها .. شهقت بصووت خافت ..

وطاحت دمعه على يد ثاامر ..

ماكانت تبي شيء في الحيااه بهالوقت .. الا انها تشووف بسمته .. تشووف ضحكتـه .. تشووف حنانه ..

خذ الهنا من حياتي عطني شقا حياتك
مابي البسمه بشفاتي يكفيني بسمة شفاتك

حــس فيها ثامر بعد ماسمع شهقاتها المكبوته .. ودمعتها على يده ..

أنفكت عقده حواجبه .. وباان البروود بعيونه ..

قرب حمد يسلم بهدوء " السلام عليكم .. كيفك ثامر اليوم ..؟ "

مارد ثامر .. سكت دقاايق .. بعدها همس " ليه جبتها معك ..؟ "

حطت حلا يدها على فمها تمنع صرخه .. هي تبي تضمــه تبي تخفف عليه .. وهو يقول ليه جبتها ..

أرتبك حمد وهو عارف شعور ولد خاله " حمد الله يهدااك .. هي مو راضيه تنتظر لما يفتحون لك الزيااره .. الا تشوفك اليوم "

تكتف ثــامر ببرود " تبين شيء ..؟ "

ماكانت حلا مصدقه الي جالسه تشووف .. همست بخووف " ثامر ..؟ ثامر وش فيك ..؟ ماابي شيء الا اني اقولك الحمدلله على السلامه .. ما أبي الا اشووفك .. اجلس جنبك .. ما أبي اصير بعيده عنك ثامر .. ماابي اصير بعيده "

أنهارت تبكي بصوت عالي وتشهق .. وهي تمسك يده وتناظر في عيونه البارده .. اول مره تشووفهم كذا ..!!

ثامر حن قلبه لها .. بس قسااه .. لاازم يقسيه .. أبتسم بأستهزاء " هذا انتي شفتيني .. عسى عجبتك بس ..؟ "

صرخت حلا غصب عنها " عجببببببتني .. بس ماعجبني بروووووووووووووودك ماعجبني ماعجبني "

طاحت بالأرض وحطت راسها على يده تبكي .. وحمد يحاوول يوقفها ..

تكلم بصووت فيه عتااب لثامر " وش ذا الكلام ثامر .. وش صاار لك فقدت الذاكره هذه حلا زوجتك "

رجع يبتسم ثامر بألم " ههههه فقدت البصر والمشي .. وش فيها لو فقدت الذاكره بعد ..؟ نكملها "

حمد ماقدر يستحمل طلع من هدووئه " وش قااعد تخربط ثامـر..؟ "

تكلمت حلا وهي ترفع راسها تناظر زوجها ودموعها مغطيه وجهها " ثاامر الله يخليك لاتعذبني .. خلااص اذا رجعنا البيت بنرجع مثل قبل .. لايهمك شيء ثااني ثامر ..(( سكتت تمسك يده وتناظره نظرات ت**ر الخاطر )) ثامر انا خلااص ماراح استحي لو تكلمت معي برومانسيه قداام أهلي واهلك .. لأنك كلــي وقلبــي .. وما أقدر اعيـش بدونك "

صرخ ثامر مو قادر يستحمل " خلاااااص اطلعواا .. اررررجعوا البيت ارجعووووا "

دخل الدكتور والممرضات معصبين على الصرااخ ..

الدكتور " لو سمحت يادكتور حمد .. راحة المريــض اهم شيء .. أنتهت الزيااره "

وقفت حلا تناظر في ثامر وعيونها مليااانه دموووع .. تكلمت برجااء " ثامر .. قول لـ الدكتور اني راحتك قوله .. "

ثامر لف راسه على الجهه الثانيه وهو مايحرك في جسمه شيء " حلا .. أفضل لي ولك تنسيني .. أحـ .. "

قاطعته تصرخ " انسااااااااااااك ..؟ وش قاعد تقووووووووول ؟؟ وش جاااااااااك .. "

مسكوها الممرضات يبون يطلعونها وحمد يحاول يهديها .. ويناظر بالدكتور " دكتور انتوا وش معطين ثامر ..؟ "

التفت ثامر يناظر قدامه .. مالتفت لهم " ماعطوني شيء .. بس ماتوقع ان ودك تعذب اختك مع واحد مثلي ..؟ "

أنصدم حمد .. وحلا منهااره تركت الممرضات يطلعونها وهي شوي ويغمى عليها ..

تكلم حمد بهدوء وهو يلف بيطلع " انت تعباان الحين .. واذا أرتحت بكره نتفااهم "

سمع ثامر صووت الباب يتسكر والدكتور يكلم حمد ..

غمض عيونه بألم .. وهو يصاارع مع دمعه تبي تنزل .. يصاارع مايبيها تنزل وتهزه ..

لا ياثامر قوو قلبــك

نزل راسه بألم وحزن .. أحبـــك ياحلا وربي أحبــك .. بس انا وعدتك أسعدك

لف راسه بألم ...... بس كيف أسعدك وانا كذ كيـــف ..؟ لو اني ماأمشي لكن أشووف .. قلت اقدر اعتمد على نفسي بالعربه وامشيها واروح وأجي فيها ..

لو اني ما أشوف لكن أمشي .. كان قدرت اعتمد على الله ثم على عصى امشي فيها ..

لكن ما أمشــي .. ولا أشـــوف ..!!

انا كــذا .. انا صــرت كذا ..

رفع راسه وهو يستــغفر ربه ..

ما أبــي أعيشك بحزن وعذااب ياحلا .. ما أبي اخلي فرااشه حره وحلوه مثلك تنسجن طووول عمرها معي ..

تنسجن مع واحد مايقدر يشوفها .. يمدحها .. مايقدر يركض يمزح معها .. يركض يضمها ..

لاااا .. أهم شيء سعادتك .. ماتهم سعادتي .. اهم شيء سعادتك .. لازم أقوي قلبي

حـس بالدمعه الحاااره الي كان يقااوم نزولها .. تسيل على خده اليمين .. كانت تمشي بسررررررعه ..

وكأنها تقول (( غلبتـــك ياثامـــر .. غلبـــتك ))

×××

اليــوم الي بعده .. الساعه 3 العصــر ..

لبســت عباتها .. وهي تشيــل شنطتها السودااء الكبيره بيدها ..

ويدها الثانيــه ماسكه فيها الشيله ..

ناظرت ساره نفسها بالمرايه .. من يوم العزيمه ماحطت مكيااج حتى كحل .. شكلها تعبااااااانه مره ..

رافعه شعرها بمسكه بيضااء وطايحه خصل على عيونها البنيــه ..

سكرت باب غرفتها وهي تنزل الدرج بهدووء ..

شافت مرام لحالها بالصاله تشرب كابتشينو .. سرحاانه والألم بعيونها ..

تنهدت ساره (( مافيـــه احد مرتااح بهالدنيا ..!! ))

أنتبهت لها مرام وناظرتها بسرعه بعيونها الخضرااء الواسعه ..

أبتسمت لسااره " هلا وغلا ساره .. وين رايحه ماشفتك اليوم ..؟ "

قربت منها ساره وباستها على خدها وهي تبتسم لها " هلا فيك .. معليش برووح لأسيــل مواعدتها اروح لها .. طفشاانه وودها تصيح هههههه "

هزت مرام راسها " اها .. سلمي عليها أجل "

ناظرتها ساره بشك " مرام .. مممممم مازلتي مصره على الطلاق ..؟ "

نزلت مرام راسها " ساره انتي عارفه رايي "

هزت ساره كتوفها " ماادري احس ابوي مو موافق "

التفتت ساره بعصبيه على التلفزيون " مايهمني رااي احد هذه مستقبلي ..!! "

ساره وهي تجلس جنبها وتضمها بحنااان " اكيييييييد ياقلبي وانا معك للنهايه " غمزت بدلع .. تبي تغير الجووو

مرام " هههههههه ياحبي لك .. رووحي لاتعصب أسيل "

ساره وقفت تسوي نفسها مصدومه " اوووووووه صح صدق بتعصب وترميني من نافذه غرفتها "

مرام " ههههههههههههههه "

ساره تصاارخ " فووووووويرس يالله تعااال "

طلع فارس من المطبخ يااكل سمبوسه ..

تخصرت ساره " الحين انت كله تاكل ..؟ "

مرام فتحت عيونها " قولي ماشاء الله حرراام عليك "

فارس وقف بتحدي " مالت عليك .. شوفي من بيروح معك "

ساره رفعت يدينها بحسره كأنها عجوز " خايفه عليك ياوليييدي لاينفقع بطنك ولاتنفقع خدودك .. هذا جزااااي ..؟ "

مشى فارس مو مهتم فيها .. ومنقهر بنفس الوقت .. وطلع راايح للسياره

غمزت ساره لمرام بمرح " ههههههههه رفعت ضغطه "

مرام " هههههههه ياعمري عليه "

×××

سمعت أسيــل صوت الجــرس ورااحت تررركض تفتح الباب ..

دخلت ساره وهي تكلم السوااق " أقباال بشوي شوي لاتسوق بسرعه وتصدم بأخوي "

أسيـل " هههههههههههه مو خايفه الا على أخوها "

ساره وهي تسلم عليها " أجل وش على بالك أهم شيء اخوي هههههه "

سحبتها أسيل " يالله بسرررعه عندي سواالف لك "

ساره ترفع حواجبها مستغربه " أمدااك أربع اياام ماشفتيني وصارت عندك سوالف ..؟ "

أسيــل الي تموووووت بسااره " ايييييييه سواالف بناات يا أختــي ادخلي "

ساره " ريلااااااااا** ريلااااااااا** "

وقفوا وكل وحده فاتحه فمها تناظر في الثانيه .. وبعدها انفجروا من الضحك

أسيل وهي تأشر على ساره " ههههههههههههه حنيتي على ايام اول "

ساره طايح وجهها " هههههههههههههه بالموت قدرت انسى هالكلمه (( تقلد البناات الي كانوا معها بالمدرسه بدلع )) آآآنسه ريلا** ممكن قلم .. ههههههههه وربي أشتقت لهالكمه "

أسيل " ههههههههه خلاص من اليوم وراايح قوليها "

ساره " هههههههههه أبشري ماطلتبي شيء "

دخلت ساره بيت عمها وهي تناظر بكل زااويه فيــه تتخيل وليــد يطلع فجأه

تنهدت بحسرره .. وش سالفتها .. وش ذا العشق والهيااام ..؟

دخلوا البنات غرفة أسيــل الي من اول ماجلست .. بدأت سوالفها ..

×××

" هههههههههههههههه خلااص لا تدلدغنـي سعووووووووود "

ماشال سعود يده من خصــر بياان .. وهو يضحك بصووت عالي مستانس ..

صرخت بياان والدمووع بيعونها من الضحك " هههههههههه خلااااااااااااااااااااااااااااااااااص "

طلعت ضي من غرفتها ودخلت غرفة بياان معصبه " وبعدين معك انتي وياه .. جالسه أكتب خااطره ضيعتوا أفكاااري "

بيان وهي تتقلب بسريرها الملكي " خليييييييييييه يبعد ييييييييييييييييده "

سعود ماكان يحرك يده بس ماسك بياان من خصرها .. لكن هي ماتقدر تقااوم على طوول تضحك ..

شالت ضي سعود بمرح " خلاااص ياقلبي مصختها ترى .. تبي خاله بيون (( همست بأذنه بـشيء )) هاه ..؟ "

سعود ضحك بطفووله من الي قالت له " ههههههههههههه اييييييييييييييييييييييييه "

ضي تقول لبيان بيدها باي باي " تشاااو .. دووري بلعب مع سعوود "

ضحكت بيان وهي توقف تبي تسحب سعوود " لاااااااااا هذا حقي بس .. مو قبل شوي تقولين بتكتبيـن خاطره وش صار الحين ..؟ "

ضي وهي تركض لغرفتها ماتبي بيان تاخذ سعود " ههههههههه طاارت الأفكار جاء وقت المررح "

سكرت باب غرفتها بوجه بيان الي حاولت تدخل .. بيان " ههههههههههههه طيب ياضيوووه مردووووده "

لفت بتدخل غرفتها .. بس شافت غرفة جدتها مفتووحه شوي .. أبتسمت وهي رايحه لها ..

مع ان جدتها المفرووض هالشهر ببيت عمها ضااري .. لكن مارضت ترووح وتخلي حلا بنت ولدها الغالي .. تبي تجلس معها وتشووف أخبارها وتراعيها وتهديها ..

مرت بيان على غرفة حلا وضااق صدرها (( لمتى ياحلا .. لمتى بتظلين تبكين وماتاكلين شيء ..؟ ))

دقت الباب على جدتها وطلت براسها .. شافت جدتها على السرير .. تناظر التلفزيون على قناة سكووب .. فيها مسلسل بسمة ألم

تكلمت بصووت مرح " يااحب تيته الحلوه للمسلسلات الحزينه "

أبتسمت جدتها وهي تفتح يدينها تبي تضمها " هلااا بحبيبة تيتـه "

طاارت بيان بحضن جدتها .. وتضمها بقوووه " مشتاااااااااااااااااقه لك يايمـه "

مسحت أم محمد على شعرها " وانا اكثر يابعد عمري "

طاحت دموع بيان وهي تناظر جدتها " شفتي يمــه وش صاار لأختي حلاا ..؟ وين الي دايم مبتسمه .. صاارت داايم تبكي " غطت وجهها بصدر جدتها وجلست تبكي بقووه ..

**ى وجه الجده الهم " يفررجها ربك يابنتي .. الله اذا حب عبد يبتليه "

بيان على وضعيتها ماتحركت " يمــه أمنيتي اني اقدر اسوي شيء لحلا .. ابي اشوووفها دايم فرحاانه .. وترجع حلا الي قبل مع زوجها ثامر الي يموت فيها .... أبي اشووف ضي بعد داايم فرحانه .. ويتحقق الي في بالها (( رفعت راسها تناظر جدتها بدموووعها )) ودي أحقق امنية سااره واسوي المستحيل علشانها بس ما أقدر يمه ..(( كملت وهي تشهق )) ودي أعرف وش في قلب غلا ووش تخبيه علي وليه متغيره .. ابي امسح الحزن من عيون مرااام .. والعذااب الي عاشت فيه طول هالسنين .. (( مسحت دموعها وتكلمت بأحباط )) بس ما أقدر يمه ما أقدر ..!! "

تفاجئت ام محمد .. هذا الحين الي بقلب بيان ..؟

تكلمت بحنان وهي تمسح دموع بيان " اليووم أكتشفت ان طبااعك أكثرها على ابووك (( رفعت راسها تتنهد وهي تتذكر )) كانت أمنياته دايم يسعد غيره .. ناسي نفسه (( نزلت راسها تناظر في عيون بيان )) وانتي يمه نسيتي نفسك .. ولا قلتي لي أمنيتك لنفسك انتي ..؟ "

سكتت بيان تفكر .. تكلمت وهي تنزل راسها " مابي شيء يمه مدامكم معي .. مدام انتي وامي وابوي وخواتي وأخواني وبنات عمي وبنات خالي وصديقاتي مبسوطين .. انا أكيــد بصير مبسووطه .. (( كملت وهي ترفع راسها )) وهذه أحسن امنيه بحياتي "

ضمتها جدتها وهي تمسح دموعها بملفعها .. دعت ربها في نفسها (( الله يسعدك يابنتي ويوفقك وياخذك الرجاال الصالح ))

همست بيان وجدتها ضامتها " ودي اقولك يمه شيء "

رجعت بيان راسها وجلست جنب جدتها وهي تلعب بأصابعها " انا دايم أحس لو جاء بيصير شيء مو زين .. ولما أقول لأحد يضحكون علي ويقولون عني أم الحاسه السادسه .. مادري يمه انا اتوهم ولا صدق فيني هالحاسه ..!! "

فتحت ام محمد عيونها على كبرهم .. عيونها الي رسمتهم نفس رسمة عيون بيان " صدق ..؟ "

بيان مافهمت ردت فعل جدتها " وش الصدق ..؟ "

ام محمد " هههههههههه تصدقين وانا صغيره كنت مثلك وماحد يصدقني "

بيان أستاااااااااانست .. تكلمت بحمااس " والللللله يعني ورااااثه ..؟ "

ام محمد " هههههههههه ياحليلك يايمه .. شكلها وراثه .. يالله علميني وش تحسيــن فيه بالضبط ..؟ "

×××

وقفت أسيل بعد ساعه سواالف وقرقره " يووووووه نسيت أجيب عصير "

ساره بخبث تبي تحرجها " تو النااس يا أختي .. تصلحين تضيفين انتي "

حمرت خدود أسيل وكشت على وجه ساره " ماااااااااالت عليك .. وش تبين فراوله ولا مانجوو ولا تووت ..؟ "

ساره بدلع " ريلاااااااا** ياختي .. ابي توووت طبعاً "

أسيل وهي تفتح باب غرفتها " اوووكي دقايق ياقمـر وراجعه"

ساره بمرح " أحمممممم انا قمر "

أسيل وهي تطلع " ههههههههههه لاتصدقين سقط سهواً "

ساره " هي هي هي هي ضحكتيني "

ظلت ساره تناظر الغرفه بتفكــير .. ياترى وين غرفة وليــد ..؟ بعيده من هنا ..؟

حمرت خدودها .. وفكرت وهي تأنب نفسها ..... (( وانا ليه أفكر بغرفته وش علي منه ))

وقفت بفضووول وطلعت من غرفة أسيــل .. الي تذكره ان جنب غرفة أسيل غرفة روابي ..

تقدمت تطل بالجناااح الي على اليمين .. جمدت مكانها وهي تشوووفـــه ..!!

كان لابس بنطلون رمادي وبلوزه نص كم بنيه .. مطلعه عضلاات يديه

أنتفضت وهي تشوفه يسكر باب غرفته .. ويرجع شعره الأسود بيده ..

مشــى بخطوات ... سمتها ساره .. خطوات مـغــروره

نزل من الدرج بنشااط عظيــم ..

ماحست ساره بنفسها .. الا انها تتوجه لغــرفته وتفتح الباب بهدووء ..

تلفتت يمين ويساار كأنها حراميــه ..

ودخلت وسكرت الباب وراها علشان ما أحد يــحس ..

تحسست الجدار بيدها علشان تشغل النور .. لقتهم .. وشغل اللمبات ..

مسكت أنفاسها على فخــامة الغرفه .... غرفــه راقيه بكل معنى الكلمه ..

ذوووق رجااال راااقي مرررره .. السرير كان رفيــع وعررريــض يكفي 5 أشخااص تقريباً ..

تقدمت ولمست البطانيــه الفخمه الناعمه بيدها ..

(( هههههههه شكل كل شيء يخصه احبــه على طول ))

التفتت على التسريحه ومشت لها .. ماتدري وش قاعده تسوي .. ماتوقعت نفسها جريئه كذا

لو أحد يشوفها وش بيقول عنها ,..! لو أخوانها يدرون .. بتعيــش بهالحياه ..!!

(( ههههههه ما أتوقع )) ..... فكرت في نفسها وهي تبتسم

شافت تسريحته مرتبــه بذووق .. وعطورات رجاليـه عليها .. مسكت عطر وشمته .. نفس ريحة الغرفه ..

كان عطر ميراكل من لانكوووم

شمتــه بقوووه وهي تحس بنشووه وسعاده ..

رجعته مكانه وطاحت عينها على مجموعة صور فوق بعض مبعثره ..

مسكتهم بفضووول قوي .. كانت صور لوليد وهو بنيويورك .. من عمره 23 سنه لما الحيــن ..

(( يخببببببببببل يجننننننن .. بس ليييييييييه حبيته لييييييييه ))

ماحست بنفسها الا ماسكه صوره طالع قمرر فيها .. كان لابس بنطلون جنز مع بلوزه بيضااء وفوقها جكيت أسود جلد ..

كان الثــلج على الأرض .. وشكل الجوو بارد .. لأن خشمه وخدوده حمرااء .. لاابس قبعه فروو ابيض واسود

ورافع حااجب بنظره حاده .. وابتسامه حلوووه ..

(( قللللللللللللللبي وربي قلبي )) حطت يدها على صدرها الي قام يطلع وينزل بسرعه ..

حست بمغص ببطنها .. ماتدري وش سببه .. وجسمها كله صاار حار ..

حطت الصور مكانهم .. ماعدا الصوره الي كان لابس فيها جاكيت .. مسكتها بيدها وهي لافه بتطلع ..

بس وقــــفت من الصدمــه وهي تسمع صوت أحد بيفتح الباب ......!!!


×××

جالــس على الماسنجر طفشااااان .. قلبــه مع أخته حلا وولد خاله ثامــر ..

كل دقيقه مسكه قلبه وتضاايق .. لان حلاا متضاايقه (( آآه ياحلا ماتدري انك تعذبيني معك )) .. صدق التؤم .. تؤم بكل شيء حتى بالألم .. مع ان مافيه شبه من حلا أبـــد ..!!

نبهته أشارة التنبيه من سرحانه .. أبتسم ب**ل .. وهو يشووف الي جالس يخطط عليها له شهر .. هي الي تبي تشووفه ..

تكلم بصوت عالي وهو يمسك رااسه " والله لو اني فااضي لك كان رحت لك طيراان .. بس مو فااضي "

كتب لها " برب " .. ماله خلقها اليوم

بس هي عصبــت ورسلت أشارة تنبيه ثانيه ..

(( اوووووووف غصب يعني تشوفيني اليوم ..؟ ))

كتب لها " خلااص برسل لك صوورتي وش قلتي ..؟ "

ضحك من قلبه وهو يشووف ردها السريع الي يبين انها طارت من الفرح ..

رسل لها صوورته يوم كان بماليزيا .. واقف جنبه أخوه سطام ..

كتب لها " قولي لي من أحلى "

أبتسم بخبث يوم وصفت شكله وقالت هو أحلى (( ايه غصب عنك أصلاً ))

وقف مشاري يتمدد .. وسكر الماسنجر من غير مايقول بااي .. صدق لا قفلت أخلاقه قفلت ..!!!

×××

تقلــب خالد في سريره .. مو جااايه نووووووووم يانااس وش يسوي يعني ..؟

وش فيه كل ماجاه النوم .. نط وجهها في باله ..

لاحووووووووول ..

جلس على السرير معصب يحاول يطرد طيــفها من فكره ..

يبي ينااام يرتاااح .. له أربع ايام يفكر فيها .. يوم شافها صدفه .. ويازينها من صدفــه ..!!

أبتسم لنفسه وهو يتذكر شكلها يوم أنصدمت من الي معها بالبركه ونزلت راسها بالمويه ..

رجعت فيه الذاكره قبل ثلاث سنوات يوم تهاني كان عمرها 17 سنــه ..


تهاني متنرفزه .. بحديقة البيت " لااااااا برووح معكم برووح رضيتوا ولا بكيفكم "

زياد يأشر عليها يتـريق " هههههههه اسمع خلوود وش تقول رضيتوا ولا بكيفكم (( رفع حواجبه )) ليه لو مارضينا وش بتسوين يعني .؟ "

خالد بحنيــه .. مايقدر يجننها " خلااص زيااد حرام عليك خلها تتمشى معنا "

تهاني نزلت راسها مستحيه وقالت بدون ماتحس " يابعد عمري محد حاس فيني غيرك "

فتح زياد عيونه بطريقه مضحكه " هااااااه بعد عمري جنبي ..؟ اجل لو اخليكم لحالكم وش بتسوون "

خالد يدفه منحرج " زيدووووووه لاتدقق بكلام البنت أستح "

تهاني طااااااااااح وجهها وراحت تركض داخل البيت وهي تصرخ " مالت عليك زيوود ماابي اطلع هونت "

زياد يغمز لخالد الي أنقهر ان تهاني ماراح تطلع معه " ههههههههههههههههههههههههه مابغيتي "


انتبه من تفكيره .. وهو يتألم .. يتألم من الصداقــه الي دامت 25 سنــه .. من اول مانطــق بكلمة ماما كان يشووف زياد يلعب معه ..

يتألم من الحـــب الي راح يأذيــه ويألمه لو ماحصــل عليه ..,.

آآه يادنــيا ..!! وشولون دواره .. ماحد يدري وش يصير بكــره فيــك ..!!

×××

وقــف زيــاد عند الأشاره .. للقطــار الطويــل المحمل بالأسمنت ..

سند كوعـه على الباب وحط جبيــنه على يده المسنده .. وهو يفـكـر ..

جاته ذكرى اليــوم المنحـــوس بالنسبه له .. قبــل سنتين ..


كان بيروح ياخذ أخته تهاني من المدرسه .. آآخر يوم أختبارات للرئاسه .. وهي الفرحه مو شاليتها ..

وحب يسوي لها مفاجأه ويجي بدال السواق .. مع خالد .. في سيارة خالد طبعاً علشان تنبسط زياده

كان يسوولف ومندمج مع خالد الي كل دقيقه يضحك على سوالفه

خالد وهو يمسح دموعه من الضحك " الله يرجك ياشييييخ ماتجووز من سوالفك ..؟ "

زياد " ههههههههههه الحين اول شيء بتسويه تهاني تفتح فمها .. بعدها تجي ركض لنا (( قال وهو يضم يدينه تحت ذقنه يقلدها بدلع ..وهو يرمش بعيونه )) خلوووووووود وزيوووووووود توووم وجيييييييري لااا أصـــــدق "

خالد " ههههههههههههههههه اسكت اقوول ترى وصلنا المدرسه "

مروا بالطريق الي يفتح باب المدرسه عليه .. كان زيااد يناظر على يميـنه ..

وخالد يخفف السرعه علشانهم وصلوا ..

مرت سيااره بسرررررررررعه عجيـــبه .. التفت خالد لوراء معصب على صاحب السياره وهو يصرخ

" هييييييييييييه انت ماتشووووووووووو .. "

ماكمل كلامه لأن زيااد صرررررررررخ وهو يمسك بالسيت قدامه ومفتح عيونه لآخر شيء " خااااااااااااااااالد .. برررررررررررررريك بسرررررررعه "

مشــهد فضيـــع ... شــ .,.

قطع أفكاره صووت بواري السيارات الي ورى معصبيـــن ..

التفت لهم معصب وهو يشووف الأشاره صارت خضراء والقطار خلص ..

ضغط على البانزين ومشى بسرررررررعه وهو يلعن نفسه يوم جلس يذكر هاليووم بالذات ..

دق عليه بنفس الوقت صديقه أحمــد .. رد وهو متضااايق " هلا "

أحمد يعرف صووت زيااد زيــن وانه متضاايق طول الوقت " هلا فيك .. أخبارك وينك يارجال ماتنشااف ..؟ "

زياد وهو يلف بقوووه لليمين .. وطلع صوووت الكفــر " أحمد تعالي البيت الحين ابي اشووفك واسولف معك متضاايق حيل "

ماصدق احمد .. ان زيااد بيسولف معه ويفضفض له وهو متضاايق .. اول مره يسويها .. اكيد الصبر عنده خلص ..

احمد " مساافة الطريق وانا عندك "

×××

كانت الديــوانيه هاديه جداً .. مثــل أصحابها المجتمعين فيها

يسولفون بهدوء ويضحكون بهدوء مماثــل ..

لؤي " اقول سطام ترى كلنا بنتزوج مابقى الا انت منا لاتزوجت ولاتحركت تخطب "

سطام بهدوء وهو يناظر بالقهوه بـ فنجانه " الصراحه ..!! ماراح اتزوج الا لما يصير عمري 35 سنه "

بندر فاتح فمه " هاه ..؟ يارجااال من صدقك ..؟ "

سطام يمد الفنجان للؤي علشان يصب له " ايه من صدقي مالي ومال عوار الراس وطلبات الزوجه والعيال .. خلني حر مثل الطير .. والزواج لاحق عليه "

صالح " من معطيك فكرة ان الزواج عوار راس .. تراه استقرار وانا اخوك .. والعمر يمشي ..!! "

سطام عقد حواجبه .. يحاول يطرد وجهها الخاايف من باله " ماحد معطيني هالفكره الحمدلله ابوي مرتااح وعيال عمي مرتاحين .. لكن لسا بدري عليه "

ناظروا الشباب في بعض مستغربين على بــروده ..!!

×××

نزلت تهاني وهي ماسكه شعرها على شكل ذيــل حصاان .. والدمووع لساا أثرها على خدها ..

فقــدت ثامــر وطلته وبسمـتـه ورومانسيته مع زوجتــه ..

اليوم بترووح تزوه أخيــراً ..

مالقت أحد بالصاله كالعاده الكل بغرفته ..

طلعت للحديقه تغير الجو شوي

وتوها بتنزل من الدرج الا تشووف رجاال على الباب يناظر فيها ..

تراجعت بسرعه وهي ترجع خصلات شعرها من على وجهها بخووف ..

سمعت صوت باب المجلس من برى ينفتح وزيااد ينادي " أحمــد حيااك من هنــا "

يوووووه فشله صديق زياد أحمد .. ياويييييييلي عسى مايعلمه انه شافني ..

يوووووه مجنووون يعلمه هو ..

راحت فووق تشووف أخباار غلااا .. دايم مسكره على نفسها وتبكي على ثامــر

×××

جالسه تصيح على سرير المستشفى مثل الطفـــل

" لااااااا ماما ما أبي اسوي عمليه الله يخليــــــك .. الله يخليك ماما "

امها وابوها كانوا جالسين جنبها يبكون

والممرضات يحاولون يهدونها .. والدكتور يطمنها بس مافيه فايده

تكلم ابوها الشايب بضعف " يمه حنين .. العمليه نسبة نجاحها 65 % والدكتور الي بيسويها لك مرره ماهر ودايم ينجح بعمليات القلب .. ماعمره فشــل ..!! "

حنين من جابوا طاري القلب صاحت أكثـر

امها تحاول تهديها " حنين لاتقطعين قلبي انتي كبيــره عمرك 21 مو صغيــره ماتفهمين ..!! (( التفتت على الدكتور )) وين الدكتور الأساسي الي بيسوي العمليه ..؟ "

الدكتور " الحين بيجي "

" السلام عليـكم "

التفت الكل ماعدا حنين للدكتور حمد الي لابس ملابس للعمليه ..

حمد وهو يقــرب من بو حنين " هلا ياعم جاهزيــن ..؟ جاهزه بنتك للعمليه ..؟ "

صرخت حنين من بين دموعها " انا مو موااافقه على العمليه .. امي وابوي خايفين اني امووت بأي وقت .. بس انا ابي اموت موتت ربي .. ولا من هالعملييييييييييييه "

قرب منها حمد بحنانه للمرضى كالعاده وهمس " اهلك يحبونك علشان كذا جبروك تسوينها ..وبعدين من قال انك بتموتين "

رفعت حنين راسها له وماكان عليها شيء الا القبعه الخضرااء للمرضى " دكتوور لا تكذب علي انا عارفه هالحالات وبنت كبيره مو طفله "

حمد تكتف يناظرها بأبتسامه .. كان يعتبرها طفله لانها مريضه عنده " انا ما أكذب يا أمووره .. وبعدين هذا انتي قلتيها مو طفلـه .. والكبير مايخاف "

حنين أرتاحت للدكتور .. ناظرته بنظره كلها دموع " مو خايفه بس ما أقدر اتخيل شكل امي وابوي يبكون بالمستشفى .. منظرهم مو قادره اتخليه "

ابوها تأثر " لا يمه لاتفاوليــن (( التفت على الدكتور يخبي خوفه وتوتره )) تدري انها بالسنــه الثالثه بالطـب ..؟ "

حمد فتح عيونه بأعجاب والتفت لها بمرح " الحين كل هالخوف .. طلع دلع يادكتووره "

ضحكت حنين وهي تمسح دموعها " الله حلوه كلمه دكتوره يادكتور " رفعت راسها تناظره بخجل

حمد .. أرتااح يوم شافها هدت .. أبتسم لها يكمل " اوعدك لو خلصنا العمليه اني اتواصل معك واشووف اخباارك بالدراسه وارسلك كتب تستفيدين منهم للطب .. (( التفت على ابوها )) عن طريق الوالد "

حنين والدنيا مو شايلتها من الفرحه " تسلم يادكتور (( رجع الهم ي**يها )) هذا اذا عشــت .. "

حمد بنظرات لؤم ومرح " وبعديييين ..؟ اسحب كلمة دكتوره يعني ..؟ "

الكل " ههههههههههه "

الممرضه حيااه كانت غاايره من هالبنت الحلوه حنين .. بس تدري ان حمد يتعامل كذا مع الكل ..

دخلو حنين غرفة العلميات وامها وابوها يدعوووون انها تطلع بنتهم بالعافيه .. وتنجح العمليــه ..

مسكت الممرضه أبرة التخدير .. ناظرت حنين بالدكتور حمد .. وأبتسمت بصعوبه وقوه " بالتوفيق دكتور "

أنعجب حمد بالقوه المفاجأه الي جات هالبنت وأبتسم يشجعها .. وهو يشووفها تغيب عن الوعي بالتدريــج ....,.!!

×

×

نهــاية الجــزء السابع القسـم الثــاني

×

أنتهــى هالجــزء .. وأنتهت معه بدايــة قصــه

!! إذا تحبيني قلبك شاريني لا لا تخليني ولا لحظه !!

البدايــه فقــط ..!! لكن أبتدأ ســرد الأحداث

بدأ الألم .. بدأ الفرح .. بدأ الحزن .. بدأت الدموع .. بدأت مغامرة أبطالنا .. بدأ القدر يبين وش مخبي وبدأت الصدف بالظهور

الجــزء الثامــن مثــل ماخططت له .. هو يعتبر بداية الأنسجام بالقصــه

الأجزاء الي راحت تعرفتوا على الشخصيات وطباعهم .. حياتهم والآمهم .. حبيتوا وكرهتوا ..

من الجزء الثامن ببدأ اتكلم عن شخصياات معينه بكل جزء

الجزء الواحد اتكلم عن ثلاث شخصيات أربع .. على حسب ..

من الجزء الثامن .. أبطالنا هم الي رااح يوصفون مشاعرهم .. حركاتهم ..

الغموووض رااح بالقصه .. ومابقى الا القليل منــه ..

هو الي الأحداث بتبينــها لكــم ..

أتمنى الأجزاء الي راحت عجبتكم .. والأجزاء الجايه تعجبكم أكثــر
×

>> الجــزء الثــامن <<

>===(( وكبـُـرت الطفلــه ))===<

×
×
×

نــزل الـكمام الي على وجهه وهو يبتســم براحه للدكتور والممرضات الي معه

ابتســموا له بالمقابل وهم يهمسون " مبروووك دكتور حمد "

د.حمد " الله يبارك فيكم .. هذا بفضل الله ثم بفضل مساعدتكم "

التفت يناظر في البنت الي نايمه بسلااام من المخدر .. كان وجهها أصفــر .. ومبيــن عليه التعب

لــف بيطلع من غرفــة العمليــات يبشــر أهلها الي لهم ساعات منشغلين عليها

سكــر الباب وراه وناظر في امها وابوها الي وقفوا وعيووونهم مليااااانه خوووف

أبتسم لهم د.حمد أبتسامه تطمـن " الحين أقدر اقولكم مبـــروك "

ماقدروا يستحملون الفرحه .. وبكــوا وهم يشكروون ربهم على هالنعمــه

ابو حنين سجد سجود الشكــر لله .. وقاام ضم د.حمد بقوووووه

وهو يهمــس " الله يفرحك بكل حبايبك مثل مافرحتنا .. الله يفرحك بكل حبايبك ياولدي "

مايدري حمد ليــه ضم بو حنين وهو يبتسم براحــه .. شيء يخليه يرتاح لهالرجال .. شيء يقول انه بيشوفهم دايم بالأيام الجايه ..!!


×××

حط زيـاد الشاهي والقهوه على الطاوله قدام أحمد

وجلــس جنبــه يضيــفه .. ناظره وهو يعطيـه الفنجان .. كان شكل أحمد متضاايق

زياد وهو يرفع حاجب " وش فيـك متضايق ..؟ الحين من بيشكي همومه للثاني انا ولا انت ..؟ "

أبتسم أحمد يخفف الجو المتوتر " ههههه لا مو متضاايق بس ... (( نزل راسه يناظر في الفنجان )) بس .,. "

زياد هالمره رفع حواجبه بأستغراب " وش فيك متلعثــم ..؟ بس بس .. وش بسه تحكى ..؟ "

أحمد تنهد ومارفع راسه " آآه ... ياخوي صراحه متفشــل من أهلــك "

زياد زاد استغرابه " ليه وش سويت لأهلي .. بس لأنك جيتني ..؟ "

أحمد رفع راسه مبتسم لصديقه الي طبااعه تغيرت (( وين الأنسان المرح يازياد ..؟ )) " لا وش دعوه كم مره اجي .. لكن (( سكت يفكر .. اووف وش انتظر اقووله وافتك ... ولا أخلي احد يقوله ويفهم غلط )) صراحه وانا واقف على الباب شــفت بنت طالعه ماكانت تدري بوجودي .. ومانتبهت لنفسي .. ممممم يعني قصدي فشلتها لانها لفلت بخووف "

زياد حط رجل على رجــل وهو يفكــر مارد على أحمد الي ينتظر جوابــه ...,..

==(( زيــاد ))==

ما أدري ليه من اول ماقال أحمـد بنت حسيت انها تهانــي ..!!
كان ودي أسأله وشلون شكل البنــت .. لكن احسها صعبه مره ..!
بس الي جاء براسي هالوقت فكــره حلوه ولازم ما أفوتها حتى لو كان الطريق الي يوصل لها هالسؤال السخيـف ..,.
التفتت على أحمد اناظر الخوف بعيونه .. وكأنه ينتظر من جوابــي .. اني أصرخ عليه واقوله المفرووض صديت عنها
لكن انا أبتسمت له وسألته " طيـب البنت شعرها أسود ولا **تنائي ..؟ "
ماادري ليه تهورت وسألت هالسؤال .. وكأني اعلمه بلون شعـر خواتي ..!!
حسيت ان أحمد نفسه أستغرب هالسؤال وتلعثم وهو يجاوب " مممم ماادري ليه هالسؤال .. يمكن تـخـتبرنــ .. "
قاطعتـه بيدي وانا اوسع ابتسامتي " لا مو أختبرك وش دعوه ..؟ انت صديقي .. بس ودي اعرف الكبيره ولا الصغيره .. لأن الصغيره تهون "
جات على بالي هالكذبه وعلى طول قلتها .. وانا امنيتي انها تقنع أحمد .,..
رد علي أحمد بأرتباك " هههه صراحه شعرها مو أسود (( ناظرني بخوف وكمل )) مانتبهت وشلونه "
أبتسمت براحه وانا اتسند واشرب قهوتي .. حسيت ان أحمد مستغرب من هالأبتسامات الي صار لها سنتين ماتطلع بسهوله
انا نفسي حسيت اني شرير وانا أبتســم كذا .. بس الي في بالي بسويه .. والله ثم والله لأرد لك الصاع صاعين ياخالد ..
والله لأخليك تذووق مرارة الحرمان .. تذووق الألم لما تفقد شخص غالي على قلبك .. شخص تعودت عليه من انت صغيــر
حسيــت بصووت يصرخ براسـي (( خالـــد ماكان متعمــد .., غصــب عليـــه ..!! ))
طردت الصوت كالعاده وانا اهز راسي بضيييييق .. التفتت على أحمد بملامح جامده
وخذت فنجانه اصب له قهوه " تدري اني جايبك ابيك تخفف ضيقتي .. لكن من شفتك راحت الضيقه "
بانت ملامح الأستغراب على وجه صديقي أحمد " لاا زيييييين .. من متى تشوفني وتروح الضيقه منك ..؟ "
شبه أبتسامه جات على وجهي من ذكااء وفطنة صديقي .. مع انه ماكان مثل خالد يشاركني بكل شيء .. بكل هواياتي .. لكنِ احبه
أكثــ .. لا ماله داعي اقول اكثر من الي مايتسمى .. لان ذاك شعوري نحوه كره وبــس
تكلمت بصوت قوي وانا ارشف من القهوه " الا اقول .. انت قايل لي تبي تتزوج ماكلمت الوالده تخطب لك ..؟ "
عقد احمد حواجبه " الا والله كلمتها امس (( ابتسم )) كأنك حاس فيني يارجال .. قالت لي بشووف البنات وبتسأل صديقاتها وبتشوف الي تناسبني "
جاوبته بمكر " اذا مالقيــت ترى حنا حاضرين .. طب وتنقى بس "
حسيت أحمد تفاجىء من جوابي " مممم يالله اجل قبل ما ألقى بطب وبتنقى ههههههه "
تعدلت بجلستي وانا اناظر فيه " خلااص ولايهمك .. بس مالازم تـتنقى .. الي شفتها تاخذها .. هذا قوانين العايله "
ماادري ليه قلت كذا .. صدق اني احطم احلام الزفت خالد .. لكن اختــي ..!!
معقول انتقم منها هي ..! وانـا اعرف انها اكثــر وحده حزنت معي على فراقــ ..
غمضت بعيوني .. ليـه صرت كذا يازيــاد .. ليه خلااك خالد كذا ليــه ..
نبهني صوت أحمد المرتبك " اجل مو لله تبيني .. لأني شفتها "
ناظرته بجمود " لا .. مو لأنك شفتها .. بس يعني مد*** تبي وحده من خواتي .. الكبيره احسن .. شيء طبيعي ولا ..؟ "
ارتاح احمد وهو يرد " خلااص كيفك انت الي جبت الطاري .. يعني لانشبت لك ابي اتزوج بكره .. تحمل المسؤليه "
ضحكني رد أحمد لكن مسكت ضحكتي .. الي راح تألمني لو طلعت بعد هالمده ..!!
قلت بثبات احاول اتماسك " خلااص من بكره هي عرووسك "
أحمــد " هههههههه شكلك تبيني صدق "
رفعت حاجب " شرايك يعني ..؟ انت صديقي "
انا نــــذل .. صرخت لنفسي بكٌره .. بس وش اسوي ..؟ الي سويته بسيط بالنسبه للي سواه خالد بدفاشته وقلة انتباهه وطيشه ..
انا حطيت تهاني في يدين أمينه وااثق انها بتسعدها ..لكن هو حط .... حط ... قطعت أفكاري ماابي افكر بهالشيء هالوقت
التفتت على احمد وانا ناوي اكمل لعبتي وأجاريــه ..!!

×××

دقت تهاني الغرفه على أختها ... ماجاها رد وخاافت عليها ..

فتحتها بهدووء وهي تشووف غلا متكووره على نفسها بالسرير وتبكي

سكرت الباب وراها وهي تهمس " مساء الخيــر .. وش في الحلوين يبكون ..؟ "

ماردت غلا عليها ووواصلت بكيها .... جلست تهاني عند حافة السرير .. توها بتتكلم تواسي اختها

بس تفاجئت بصرخة غلا وهي تجلس على السرير بعصبيـه " أطلعــي برى ... انتي وش تبيــن داخله غرفتي ..؟ "

تروعت تهانــي وفتحت عيونها على كبرهم " بسم الله عليك وش فيك ..؟ انا تهاني "

أبتسمت غلا بأستهزاء وهي تمسح دموعها بكف يدها اليمين " لا تهاني اجل ..؟ تصدقين توني أعرفك .. سعيده بالتعرف عليــك "

عصبت تهاني من قلب " وش تخربطين انتي ..؟ صدق من قبل الأختبارات متغيره علي بس مو لهالدرجه !! يعني تحطين حرة ثامر فيني انا وش سويت ..؟ "

غلا دفت تهاني من كتفها بالقوه " ماسويتي شيء ياقليلة الحياااا ... اطلعي برررررررررى .. برررررررررررررى "

وقفت تهاني مفجووعه وخاايفه " غلاا .. غلااا تكفين قولي لي وش سويت "

حطت غلا يديها على وجهها وهي تشهق " هـآآ .. وش سويتي ...؟ تبين اعلمك وش كنت ابيك فيه بعد العزومه ...؟ (( نزلت يديها من وجهها وكملت بكره )) كنت ابي اعلمك انك حقيــ .. "

ماقدرت تكمل .. لان كــف حامي جاها من تهاني على خدها ..

حطت يدها على خدها تلقائياً وهمست " تضربيني ياتهاني ..؟ تضربيني مع ان المفرووض انتي من ينضرب ..؟ "

فقدت تهاني اعصابها .. تحركت بحركات عصبيه وهي تصرخ " انضرررررررب ؟؟ ليه وش سويت ؟؟؟ تكلمي يامحترمه تكلمي !! "

وقفت غلا وجه بوجه قبال تهاني .. ورفعت حاجب ويدها لساا على خدها .. والدموع تسيل على وجهها " انا قريت مذكراتك (( وقفت يوم شافت الصدمه على وجه تهاني )) قريتهم يا أختي .. ياللي الكل واثق فيك .. ثامر ماعمره سألك من في جوالك ومن تكلمين .. زياااد مافكر يسألك حتى .. مع انه شكاك .... تدرين ليه ..؟ (( دارت عليها دوره كامله وهي تناظرها من فوق لتحت وتشوفها ترتجف )) لأنهم واثقــين بالآنسه تهاني وماتوقعوا انها تخونهم وتكلــ .. "

صرخت تهاني وهي تقاطع غلا " بـــــــس .. بـــس ولا كلمه (( التفتت لغلا وأشرت لها بصبعها )) من سمح لك تقرين مذكراتي ..من سمح لك ..؟ "

غلا بأستهزاء تناظرها " لااا ..؟ من سمح لي .. يااختي صدفه من ربي .. خلتني اكتشف اختي العاقل "

رفعت تهاني يدها تبي تضربها كف ثاني .. بس غلا مسكتها " ما أسمح لوحده مثلك تضربني "

سحبت تهاني يدها بقهر وهي تبكي وتتراجع للباب " ليه ..؟ ليه ياغلا وانتي اعز انسانه لي بالدنيا تقولين هالحكي ..؟ ليه تكرهيني كذا ..؟ ليه مااشوف بعيونك حنية ضي وبيان وحلا على بعض .. حنية ساره ومرام .. روابي واسيل .., ليه تغيرتي .. (( اشرت بأتهام )) انتي تدرين اني ماكلمت اي شخص (( اشرت على نفسها بحسره )) كلمت الي احبه .. الي المفرووض متزوجته قبل سنتين يوم جاء خطبني (( أشرت على الباب بكره )) بس اخوووك .. اخووك منعنى وكان هذا انتقااامي .. (( سكتت تاخذ نفس .. وهي تشوف الصدمه على عيون غلا )) ايه انتقامي .. كلمته شهر بعدين ماقدرت اكمل هالخطأ الي انا عليه .. هو بنفسه نصحني ان هالأنتقام مايفيد ..!! (( حطت يدها على فمها تكح بصوت عالي )) غ .. غلا بسألك .. ليه تكرهيني ليييييييييه .. مو هذا السبب (( أشرت بيدها بمعنى لا )) فيه سبب ثاني قوليه لي وريحيني يا أختي "

ماقدرت رجول غلا تشيلها وجلست على السرير تبكي .... تبكي وبــس .. ماهتمت لأحد .. المهم انها تبكي

نص ساعه على هالوضع .. لحد ماملت تهاني وطلعت وهي الثانيه تبكي ..

حطت غلا يديها على وجهها وانسدحت على ظهرها ... (( شفتي ياغلا الغيره وين وصلتك ..؟ انك تكرهي اختك وانتي ماتدري .. انك تزيديها حزن .. مع ان اخوها مريــض وحزينه عليــه .. اخوك ياغلا .. اخووك ..!! ))

مسكت مخده ورمتها بالقوه وهي تحتقر نفسها (( انت السبب يافيصل .. حبك لتهاني هو السبب ..! ))

×××

أنتفضت ســاره وهي تشووف خطوات من تحت الباب .. وقفت عنده وشكل أحد بيفتحه ..

ضمت الصووووره لقلبها بقوووه .. لاااااا .. الا هالموقف .. الا هالموقــف ..

==(( ســـاره ))==

تلفتت يمين وشماال ابي اشووف شيء اختبئ فيه .. شفت على يساري طاوله للكتب وكرسي دوار ..
سحب الكرسي وبنفس الوقت احد يحرك مقبض الباب .. شفت مكان الكرسي فتحه صغيره كعادة كل المكاتب (( الي يدخلو الكرسي فيها ))
دخلت فيها بسرعه جنونيــه وانا اسمع الباب ينفتح .. حسيت يديني تنتفض لأول مره بهالشكل .. كانت الرجفه في جسمي كله
لكن مو مثــل يديني .. تمنيـــــت الموت قبل هالموقف السخــيف .. اكيــد لو شافني بيكرهني ...!
شيء طبيعي وحده تدخل غرفة رجاال بالنسبه لها غريب .. حتى لو كان ولد عمها ..!
بيفكرني متعوووده على هالشيء .. حطيت يدي على فمي امنع الشهقات الي تطلع غصب عني .. حاسه انه يسمع نبضاات قلبي القويه
الي أنتظر بأي وقت تفجر صدري من قو ماتضرب .. اذا انا اسمعها .. اكيد هو بيسمعها ..!
ياوييييييييييييل حالك ياساااره .. ضااااااااع حبك .. ضااااااع شبابك .. لو دروا اخواني مليون بالميه بيذبحوني
صرخت لنفسي .. بيـــقتلونـــي ..
سمعت خطوات جايه على يميني متوجهه للتسريحه .... يمكن أسيــل جايه تدور علي ..!!
خففت على نفسي والرعشه تزيد فيني ... مسكت التنفس عندي .. لدرجه وجهي حسيييته أحمر وحااااار ..
أنتبهت للشخص الواقف على التسريحه انا اقدر اشوفه .. وهو لو التفت لليمين ونزل راسه شوي بينتبه لي اكيــد
عرفتــــه .. وشلون ما أعرفــه وهو معذبنــي من انا صغيــره .. احبـه من انا صغيــره
سمعت صوت جواله يرن بنغمة
(( ارجوك يكفي غياب ورد لي حالاً
تعبان ومحتاج لك تكفى متى ترد لي ))
آآآه ياقلبي ... المفرووض انا الي اغنيها واحطها نغمه .. ناظرته بطرف عيني وانا ميييييييته خووف انه يلتفت لي ..
سمعت صووته الرجوولي بزيااده .. فيه رنه خاصه .. ماحد يمكلها " هلا والله .. هلا بهالصوت "
مادري ليه حسيت بغيره ..!! ليكون يكلم بنت .. ضربت خدي كف وكأني أأنب نفسي .. هذا وقت غييييييره ..؟
فكري كيف تطلعين يالذكيـــه ..!!
رد وليــد بصوت مرح " هههههههه تدري اني نسيت هديتك بالبيت ورجعت اخذها من غرفتي ...... شفت المشواار ..... لا ماتحركت بالسياره بس وصلت سيارتي بالحديقه ..... هههههههههه لاتخليني ارجع هديتك .. ترى انت الخسران ..... شيء يحبه قلبك .. اوووكِ اجل اخليك ... والله فااضي الحين بجيه وهو يسألني ماتزوجت .... بالله عليك لو تزوجت بجي اشووف خشتك ..؟ .. ايه انا صرريح .. يعني افاارق زوجتي واجيك ..؟ ... من صدقك ههههههههه ... طيب يالله عطيتك وجه الحين جاايك .... خلني ادلل عليك ماعندي واحد اقدر ادلل عليه من ربعي غيرك ... ههههههه ان شاء الله .. فمان الله "
قلبي زاادت دقااته وهو مو حاااااس بشيء .. فتح الدرج الثاني بالتسريحه وطلع كيــس راقي مثل غرفته ..
ناظر داخله ويوم تأكد وش فيــه سكــر الدرج .. توه بيلــف وانا ماسكه قلبي بيدي ..!!
بس رجع يناااظر بالصوور .. يوووووووووه مارتبتهم عــدل .. معقووله يشك .. لا لا مااتوقع حافظ المكان الي حاطهم فيــه ..!!
شفته يكــشر وهو يعدل الصور .. بعدين ناااظر جهتي على جنب بعيونه .. طاااااااااااح قلبي
لا رحتتتتتتتتتتتتتتتي فيهااااااا ياسااااااارووووووه رحتتتتتتتتتي فيها
فجأه مسك عطره ميراكل الي تملا ريحته الغرفه .. ورش على نفسه وهو مبتسم .. أبتسامه غريبــه ..!!
انتبــــــه فيــــني ..!!!!!!
لا لا ماتوقـــــع .. افففففففففففففففف مره اهون على نفسي مره ازيدها .. انتفضت وشهقت بخفه وانا اشووفه يتلفت بيطلع
حطيت يدي على فمي بقوووووووووووه غير طبييييييييعيه
وسمعته يمشي لعند الباب ..
بعديــــــــــــن ..!!!!!!!
سمعته .. شال المفتااح من داخل الباب وحطه للجهه الثانيه من برى ....... هاااااااااااااااه لاااااااااا بيغفل الغرفه ..!!
ليكوووووووووووون اكتشفني وحب يسوي لي مقلب لااااااااااا
وقفت بدوووووووون شعووووووووور وتوني بصرررررررخ ..
بس كان وليــد جالس يقفل الباب من برى .. جمدت وماقدرت اتحرك ..
روحي ياسااااااره رووحي ضربي الباب بقوووووووه
تحركت بخفه اسوي الي يقوله عقلي .. لكن وقفني قلبي ..
وش بتقولين له .. انا كنت مختبئه تحت الطاوله لما تطلع .!! انا كنت افتش بغرفتك ..
لا لا لا لا لا .,. احسن شيء .. أنا احبــــــــك ..!!
ايه احسن شيء .. رحت اركض بجنووووون للباب .. حطيت اذني على الباب .. بس ماسمعت صوووووت .. راااااااااح
راااح وخلاااااااني .. رااااااااااااااااااح .. طحت على الأرض وحطيت يديني بقووه على الرخاام .. وانا ابكي .. ابكي بحسررررره ..

×××

نزل وليــد بنشااط تحت للصاله وهو يصفــر ويحرك مفتااح غرفته بيده .. ويده الثانيه فيها الكيــس
أبتسم لأمه الي جالسه بالصاله ..
ام وليــد " وليد ؟؟ مو قبل شووي طلعت ..؟ "
وليــد بأبتسامه " ايه يمه بس رجعت (( رفع الكيس )) بس نسيت هدية طلاال "
هزت ام وليد راسها " اهاا "
قرب وليد من امه بأبتسامة خبث .. وهو يعطيها المفتااح " أسمعي يمه ترى هذا مفتاح غرفتي .. انا قفلت على أسيــل فيها .. هي شكلها جالسه تحووس بالصوور حقيني .. ويوم شافتني تخبت تحت طاولتي .."

خذت امه المفتااح مستغربه " بس ... "

ماخلاها وليد تكمل " ادري يمه بتخااف الحين .. ههههههههه الا بتمووت خوف .. بس بعد خمس دقايق افتحي لها .. ابيها تتأدب بس .. علشان ماتدخل غرف غيرها بدون أستئذان .. انا سمعت انفااسها وااااااضحه تحت الطاوله .. تلقينها طلعت الحين "

غمز لأمه وهو يمشي " افتحي لها بعد خمس دقاايق اوكي ..؟ "

راح وامه ظلت مبلمه ..!! أسيــــل ..!! أنفاس ..!!

التفتت بخووف على المطبخ .. بنفس الوقت طلعت أسيل والبسمه على وجهها " هههههههه يمه بالمووت لقيت الفراوله المثلجه ابي اسوي لي .. (( رفعت الصينيه وهي تمر عند امها )) اما التوت متوافر من حظ الآنسه ساره "

وقفتها امها بخوف " يمه أسيــل .. (( رفعت المفتااح لها )) اخوك وليد توه طالع يقول انك بغرفته سمع انفااسك (( بلعت ريقها من الخوف )) وقفل عليك .. ويقول افتح لك بعد خمس دقايق ..!! "

أسيــل علامات الأستفهامات على راسها " هاه ؟؟ وش تقولين يمه شوفيني قد*** ..... (( ضحكت فجأه )) هههههههه يمكن يتخيل يمه .. يالله اخليك تأخرت على البنت "

راحت فووق تدندن وامها خاايفه .. وشافت بطريقها طاارق " هااي طرووق رووح شووف امي خايفه من الجني الي سمعه اخوك هههههاااي "

طارق خزها " الحمدلله ياااربِ "

طنشــته وفتحت باب غرفتها بكوعها وهي ماسكه الصينيه الي فيها عصير وكيك .. دخلت بمرح " وصل العصير آنسه ريلاااكـ .. "

سكتت وهي تشووف الغرفه فااضيه .. وين الأخت راااحت ..؟

تلفتت يمين يساار .. ودخلت لدورة الميااه ولاشافت أحد ..!!

رجع في بالها كلمات امها ....... لااااااا .. سااره ؟؟؟؟؟؟؟؟؟

راحت ركض من غير تفكير لأمها وهي تلهث " يمه يمه .. هـ هـ .. يمه عطيني المفتااح "

ام وليد تروعت ووقفت " بسم الله شفتي جني ؟ "

طارق رفع حاجب بتهكم " وش جنيييييه ؟؟ "

أسيل مالها خلقه " اسكت يالبزر .. يممه مافي جني بسم الله وش ذا الكلام ..؟ ابي مفتااح الغرفه لانها طلعت لووسي بستي .."

تنهدت ام وليد براحه وهي تجلس " ماادري عن اخوك .. وبعدين هم حقيقه وواقع (( خزت بنتها وهي تعطيها المفتااح )) ولا تخلين هالقطوه تدخل في غرف اخوانك "

اسيل وهي تركض للدرج " ان شاء الله يمممممممه "

فتحت غرفة اخوها على السرريع .. ومثل ماتوقعت شاافت ساااااااره طاايحه بالأرض وتبكي .. حتى ماحست فيها ..

خاافت عليها ونزلت عندها بخوووووووف " سروووووووووونه .. سااااره وش فيك حبيبتي ....؟ لاتخافي انا أسيل "

رفعت ساره راسها الملياااااان دمووع وضمت أسيل مثل الطفل الخاايف " أسيل يمه خفـــت .. (( اشرت على الباب بأتهام وهي ضاامه أسيل )) قفل علي اخوك الباب (( ضمتها أكثــر )) خفــــت يا أسيــــل خفت يخليني لما الليل "

أبتسمت اسيل تطمنها " لا وش دعوه هو كان يظنك انا ... حب يسوي لك مقلب "

هزت ساره راسها يمين وشمال بخووف " خفـــــت "

وقفتها أسيل تهديها كأن ساره أصغر منها .. مع ان بالواقع ساره اكبر منها بثلاث شهور " لاتخافي خلااص ... بس انتي وش جابك غرفة وليد ؟ "

ناظرتها بشك خووف ساره " .. هاه .. ماادري احسبها غرفة رواابي " نزلت راسها من الأحرراج

طلعوا من غرفة وليد ودخلوا غرفة أسيل .. أسيل وهي تجلس سااره على السرير" الله يهديك يعني تدرين ان غرفة روابي جنب غرفتي .. وذااك جنااح الشباب .. اساساً مبين من ديكور الجنااح واثاث الغرفه ..!! "

هزت ساره كتوفها ببرائه (( ما أعرف اكذب بس لااااااازم اكذب )) " مادري كنت اتفرج وفجأه دخلت .. ما امداني اناظر الا اخووك دااخل وتخبيت بسرعه .. يوم حسيت انه رجاااااال " مدت يدها وراها وخذت شنطتها وهي تنزل راسها ماتبي أسيل تنتبه لها وهي تدخل الصوره في الشنطه .. الي كانت بيدها متمسكه فيها وكأنها قلبها

دمعت عيونها .. وأسيــل رحمتها .. عدتها لها من غير اي شك " خلااص سرونه انســـي .. عدت على خير "

×××

بــــــعد أسبــــــوع ....,..

الســـاعه 4 العصــر

نزلت بيان من الدرج رايحه للصاله ..

ووقــفت بخووف وهي تشووف اختها حلا تبكــي من قلبها وامها وجدتها وحمد وسطام ومشاري يحاولون يهدونها ..

جات ضي من المطبخ تركض " خلااااااص حلااا اشربي هالعصيـــر "

طيرت حلا العصيــر بيدها بجنووووون .. وطاااح على الرخاام .. وت**ر قطعه قطعه ..

شهقت حلاا وهي تضم جدتها أكثــر " مااااااابي شيء ابي ثااااااااامر .. ليه يروووووووح بيــت اهله ولا ياخذني معه ..!! لييييييييه مايبي يشووووووووفني .. مايبينـي ازووووووره طواال الأسبوع الي كان فيها بالمستشفى .. ليييييييييييييييييييييه لييييييييييه يانااااااااااس "

دخل أبوها وهو خاايف من الصررااخ الي وااصل برى " يمه حلاا .. وش فيــك كذا .. صاير شيء "

الكل كان متأثر .. وجدتهم متماسكه تحاول تصبــر بنت ولدها ودموعها بعيونها ..

ماتحملت بيااان لفت معصبـــــه راايحه غرفتها .. ليه يسوي بأختها كذا ..!! هذا جزاها تحبـــه ..!!

دخلت غرفتها وقفلتها وراها .. رمت نفسها على السرير بقوووووه وانسدحت على بطنها .. هذا الي يسمونه الحب ...!!

عذب ساره .. عذب ضي .. عــذب مرام .. وعــذب حــلا ..!!

ضربت مخدتها بو** بقووه .. ماابي احب ولا افكر احب .. الحب كذذذذذذذب .. كله كذب .. متأكده انه مو موجود في حياتنا ..

بس بالقصص الخياليـــه بس ..!!!!

مادرت بنفسها الا نااااايمه والأفكار توديها وتجيبها ..


صحـــت بعد ثلاث ساعــات وهي تشووف نفسها في الظلاااااام

وقــفت وشغلت اللمبــات .. وهي تنااظر الساعه ... 7 ..؟؟؟ نامت كل هالوقت ..

راحت بسررررعه تتوضأ علشان تصلي المغرررررب ..

بعد ماخلصت لفت السجاده وهي تستغفر ربها .. وتدعي لحلا ان الله يهديها ويلين قلب زوجها ..

جلست على الابتوب حقها .. وانتبهت للتقويم ... بااااااقي 4 أيام وتطلع نتاايج الثانويه العاااااامه ..

ونااااااااااسه وأخيــــراً ..!!!!

حست بخووف بنفس الوقــت .. من زمااااااان تنتظر هالنتيجه .. تعبت علشان تجيييييييب نسبه حلوووووه

كل بناات العايله الي بالجامعه طلعت نتيجتهم .. كلهم ناجحين .. لكن مافرحوا بالنتيجه .. لأنها بعد حاادث ثامر مبااشره ...!!

شافت صورة سطح المكــتب البنوتيــه .. برتني لابسه نظااره ورديه وكاتبه فوقها .. بياان .. أنثى أرستقراطيــه

أبتسمت على نفسها .. متى بكبــر يعني وبسوي مثــل ضي .. ادخل مواضيع ازيااء ومكيااج .. اتكلم مثلها .. امشي مثلها ..

احرك عيوني مثلها ... ضي ... مثاليه بعيووووون بيان .. وتتمنى تصير مثلها

نفســها تتغيـــر ..... تصير مثــل عمرها 18 سنــه .. مو عشر سنوات ...!!

عقدت حواجبها ووجه وليــد جاء على بالها .. سكرت لابتوبها بعصبيــه وغيض لدرجه حست انه أن**ــر ..

لااااا .... مو انا البنت الي قال عنها وليـــد .. اكرهههه .. اكرهه من كل قلبي ..

لأنه رفضنــي ..!! لأنه قال عني طفــله ..!! لانه مافهم مشااعر سااره ..!! ولأنه بياااخذ ليلووووه ..!!

كل هذه أسباب كرهها له .. مسكت راسها بقوووه .. بتغيـــــر لنفسي .. وبثبت له يوم من الأيام .,.

لما يسمع عنــي .. لما يدري ان معيشــه زوجي بســعاده ... لما يدري اني أعرف للمسؤليه ..

اطبخ لــه بنفسي مو الخدامات مثل مابتسوي له ليلووووه ..

عقدت بيان حواجبها ...... معقووووله اعرف اطبخ .. ابتسمت بمكر وهي توووقف تناظر نفسها بمراية تسريحتها

لاازم تتغير مو بس تحدي لوليد .. تحدي للكــل .. حتى لفهد ...!! حتى لأخوانها ..!!

لبسها الحين بنطلون برمودا وبلوزه ورديه كت .. اول شيء بتسويه تغيــر لبسها ..

راحت لدولابها وهي تتسائل .. معقوووله بتغيــر لنفسي ..؟ ولا تحدي بسوويه بيني وبين الكريه وليــد ..!!

مالقت في ملابسها شيء يصلح للعمر الي تبي تصيــره .. راحت غرفة ضي .. ودقت الباب ماحد رد ..

دخلت وماشافت احد .. توجهت لدولاب ضي .. عااادي هي وضي واحد .. خذت لها تنوره قصيــره عند الركب .. بنيه منفووشه من تحت .. وبلوزه بيج فيها ازرار بنيــه .. كانت مخصره وفيها ياقه حلووه ..

خذت ا**سوارات .. وميك اب .. لأن بأختصاار بياان ماعندها الا جلوووس وكحل ..

راحت غرفتها تلبس .. لبست الأ**سوارات .. والحلق الكبيـــر .. وش ذا اول مره تلبسه ..!! ثقيييييييييل مره .. هي تلبس نعووم ..!!

افففففففففففف .. تغيري يابيااان .. هذا تحدي مو اي شيء ..

شغلت الابتوب وحطت على موقع ,,, النساائي علشااان يعلمونها كيف تحط الظل .. بدت تسويه مثل الصوره .. حطت بودره وميكااج رااقي بني وسكري ..

فتحت شعرها الي مسويته ذيل حصاان على جنب ..!! كانها طفله عمرها 5 سنوات هههههههههه

ياحليلي ... لازم اسوي مممممممم مثل ضي .. ارفع القذله ببٌروش .. وانزل خصــل .. وألــور شعري من تحت ..

جلســت تحط آآخر اللمسات .. بعدها مسكت عطرها من مكيااجي بو الفرو (( fun fun ))

عقدت حواجبها .. هذا ريحته نااااااااعم .. لاااااا لازم اتعطر بعطر ريحته صاارخه ..ههههههه والله وكبرنا في يوم وليله

راحت غرفة ضي تكمل السرقه وهي تبتسم لنفسها .. خذت عطر أختها إيفــوريا ..

وتعطرت من فوووق لتحت ..

رجعت غرفتها وهي تسأل نفسها ... انا ويـــــن برووح على هالزينه ..؟

ماحست بنفسها الا تضحك بصوووت عالي وهي تجلس على السرير بمرح .. تخبلـــت من قلب

والي خبلني الأهبــل وليدوووووووووه .. ووووع مو حلوو اسمه هههههههههه

ناظرت نفسها بالمرايه وهي جالسه ... نظرتها مازالت مثل ماهي .. لاااا مايصلح كذا ..!!

رفعت حاجب وأرسلت لنفسها بالمرايه نظره حااده .. فتحت فمها من الأعجاب بالنظره

واااااااااو أهبـــل .. بس بااقي أتعلم المشيــه والجلســ ..

تروعت من صووت جوالها ..

ناظرت الشاشه .. (( رومانصيــه حيــل )) يتصل بك ..

عقدت حواجبها وراح المرح " الوو "

جاها صوت معصب " الووو .. اسمعي بيااان انا فكرت في الي تقولينه لي لك اسبووع .. احس ماله دااعي بدوون سبب واضح ..؟ "

تنهدت بيان .. كيف تقنع سااره انها تترك وليــد .. كيف تفهم ساره انها تبي مصلحتها وماتبيها تنجرح ...؟

بيان بصوت حزين " سااره لمصلحتك اتركي وليــد اتركيه .. فيه رجاال غيره مليوون واحد .. وانتي حلوه الكل يتمنــ .. "

قاطعتها ساره وهي تصرخ بصووت كله ألم "انساااااااااااااااه ؟؟ مجنوووووووونه انتي ؟؟ احببببببببه يااختي احببببببببببه ؟؟ بعديييييين تعالي (( قالتها بأنفعال بدون ماتقصد شيء )) انتي وش عرفك بالحب قووولي لي وش عرفك فيـــه "

جـــــرح كبيــــر بالنسبــه لبيـــان .. وش عرفــني بالحب صــح ..!!!!!

انا طفلـــــه مدلــعه صـــح ..!! ليه احب ...؟ ماعندي قلب انا .......!!

بيان بصووت مجروح وشبه ابتسامه مرسومه على فمها " صح معك حق .. انا عايشه حيااتي عند اهلي وبس .. وماراح احب الا زوجي وبس ... (( بعصبيه قالت )) ماراح اجرب حركات المراهقين هههههههه ليه اجرب انا ماعندي قلـــب اساساً .. انا مخلووووقه من حجـــر ..!! "

ساره حست انها ألمتها " بياان ........ (( بكت ساره )) وربــي ما أقصد وربي ما اقصد (( شهقت )) انااحبك بيان وماعندي غيرك وغير مرام اشكي لكم .. لكن مرام ويا همومها انتي الي تفهميني ... بس تفاجئت انك تحااولي تخليني ارفضه .. تخليني اتركه بدل ماتساعديني انه يعرف اني احبه "

بيان بتهوور وأنفعااال ماقدرت تمسك نفسها .. صرخت على سااره " أصحــــي ياسااااااره ... وليــــد مايبيـــك .. (( صرخت أكثـــر )) وليـــــد يبي ليلللللللللى .. يبي يتزوج ليـــــلى ..!! "

ماقدرت تسوي اي شيء .. غيــر انها تسكر الجوال وتقفــله كله ..ماتبي تسمع رد ساااره .. هي ماسوت كذا الا لمصلحتها ..

تبيها تنساااه .. ماتبيها تتعلق فيه أكثــر ...... ابتسمت لنفسها بسخريه .... تتعلق فيه أكثــر ..؟

ليه هي ماتعلقت اصلاً ......؟

بس ما أبيها تنصدم لما يجيها خبــر خطوبته ... خبر زواجه ... هي تحب ساااره كثــر ضي .. علشان كذا ماتبي تألمها .. تبي تعرف الحقيقه

لاتعيـــش بأحلامها ..!!!

×××

نـــزل وليــــد من الدرج وتوجه لمكتــب ابوه تحت ..

دق الباب وسمع ابوه " تفضـــل "

دخل وليــد يمشي بشمووخ لأبوه .. وحب رااسه .. جلس قبااله بالكرسي " أخبااارك يبــه ..؟ "

هز بو وليــد راسه " الحمدلله ياولدي .. كأنك تدري اني ابي اتكلم معك الحين "

ابتسم وليد " وانا يبه ابي اتكلم معك "

بو وليــد " تفضــل ياولدي "

وليــد عدل جلسته " يبـــه انا فكرت فيها كثيــر .. وصرت متأكد 100% انــي ابي ليلى .. ابيها يبــه لاني ولامره تخيلت اني متزوج غير ليلى "

بو وليد كشــر " بس ياوليــد انت تعرف عائلــ .. "

بو وليد ناظر ابوه برجااء " يبه واللي يخليك لاتجيب لي طاري عائلتها .. انا ابيها هي .. "

بو وليد بحزم " وليــد لاتقاطعني "

هز وليــد راسه " ان شاء الله يبه .. بس من جد اذا قلت لي عائلتها احس اتمسك فيها اكثــر .. ابي اطلعها من جوهم وحقدهم .."

بو وليــد بتكفيــر " وبيـــان ..؟ "

وليــد رجعت صوورة بيان في وجهه .. غمض عيونــه " يبـه بيان الف واحد يتمناها بس مو من نصيبي ..! "

×××

فهــد كان يتحرك بعصبيــه في مركز شغــله .. اليووم عندهم شغل كثيــر ..

سمع احد يناديه التفت للشرطي الواقف جنبي " ســم ..؟ "

الشرطي " طال عمرك القينا القبض على بو ســرور ..! "

هز فهد راسه براحه " الله يبشرك بالخيــر .. حطوه بالحجز لما اخلص الي عندي وجااي "

الشرطي ضرب التحيه " حاضر طال عمرك "

التفت فهد على صديقه نااصر المكشر وهو يقرأ المعاملات " نااصر دقايق بحط هالأوراق المهمه بسياارتي وجااي .. انتبه للمكتب "

ناصر مركز على المعاملات " ان شاء الله "

طلــع فهد بخطوات واسعه لسيارته .. دق جوالــه ورفعه من غير مايناظر الرقم .. تكلم ببرود كالعاده " نعــم ..؟ "

رجع له الصوت الأنثوي الي له اسبووع يزعجه " وبعديــن فهوودي ..؟ ترى اذا عصبــت مو حلوه "

أبتسم بأستهزاء وهي يفتح سيارته " ليه وش بتسوين .. بتسجنيني ..؟ "

هيفااء بدلع " ههههههههههههههههههه يالبى قلبك .... لا ياحياتي انت سجنت قلبي عندك .. انا احاول اطلعه .."

فهد دخل سيارته " اعطيك كلمــه رجاال .... ان قلبــك في محله ... صدقتيني ولا ..؟ "

هيفاء ماسكه أعصابها " آآيام سووري ماراح اصدق لاني متأكده ان قلبي عندك "

فهد داخل جو معها .. يوسع صدره شوي " مع اني مااحب هالسخافات بس بجااريك .. وبقولك شوفي نفسك بالمرايه اذا كنتي تتحركي فهذا معناه ان قلبك بمكانه "

هيفاء كل يوم تحبه أكثــر مع انه جاافي " ههههههههه لا مااتحرك للأسف ... فهوودي جد ماتبي تعرف اسمي ..؟ "

فهد ضحك بس مو من قلبه " ههههههه تصدقي .. مسميك بجوالي الغثــه ..!! "

هيفااء قلبها قام يدق بقوه يوم ضحك " فهوود اسحب كلامي .. قلبي عندي .."

فهد رفع حواجبه وهو يطلع من السيااره " ليه ..؟ عجبك اسم الغثه "

هيفاء " ههههههههههههه لا لا .. بس يوم ضحكت سمعت صووت دقاات قلبي "

لوى فهد فمه على جنب بسخريه .. وسكــر بوجهها ... بزااااريــن وربي .. بناات آخر زمن ههه

×××

جلــس وليــد بالمجلــس مع حمد " هاه يادكتور أخبارك "

حمد بمرح " تمام يادكتور .. اوبس يامهندس .. نو نو يادكتور "

وليد " ههههههههههه وربي انك شيء .. قول دكتور وفكنا "

حمد راح بيجيب الشاهي والقهوه " لا ياولد عمي مهندس ارقى "

وليد " يمكن هههههههههه "

طلع وليــد للصاله وهو يناادي على دنيا " دنيااااا الشاهي والقهوه بسرعه "

دخــل على وليــد وجلــس يسأله عن أخباره وعن الزيااره المفاجأه الحلوه بالنسبه له ..

وليـد وهو يتكي على الكنب " والله اشتقت لكم ولعمي قلت اجي اسلم مو مثلكم يالقاطعين "

حمد رفع حواجبه " لاااااا اجل قاطعين .. يالله منااك عطيتك وجه .. الصغير هو يسلم على الكبير "

وليد " احلف ياشيخ من الأكبر فينا ..؟"

حمد رفع كتوفه ببرائه " ما اقصد نفسي .. اقصد ابوي .. وبعدين تراك اكبر مني بشهرين لايغرك ؟؟ "

وليد " هههههههه طيب كلني بسم الله .. وين عمي والعيال ؟ "

حمد ضااق صدره " راحوا يزورون ثامر .. وخذوا حلا وياهم وامي وجدتي .. وربي البنت منهاااره علينا .. مثل المجنونه "

هز وليد راسه " الله يصبرها ياارب .. مالومها متعلقه فيه زوجها ..!! وهو قسى عليها "

حمد " ترى ماقسى عليها الا لأنه يحبها .. مايبيها تتعذب معه "

وليـد " داري ياحمـد بــ .. "

ماكمل جملــته لأن صوت مثــل الأنفجااار دوى بالفلـــه كلــها ..

وقف حمد مخترع وهو يصرخ بأسم الوحيدين الموجودين بالبيت " بيــان ... ضـــي "

راح يركض للصاله ووراه من الخوووف وليــد ..

بنفس الوقــت الخدامه الفلبينيه وقــفت مفتحه عيونها لآخر شيء من الخوووووف .. رمت جـــره كبيــره أثريــه وفخمه

موضوعه بزاويه بالصاله بدون ماتدري ... كانت خااايفه ان احد يهاوشها .. الصوووت فجر الآذان من كبــر الجره الي ت**رت بالرخاام .. وأنشلخ شوي من الرخام من كبرها ...

ضي كانت نايمه .. تقلبت بخووف بسريرها وش ذا الأنفجاار .. كل هذا حلم ..؟

اما بيااان طلعت من غرفتها تركض تنزل الدرج .. شافت حمد يركض للصاله الثانيه بخوووف ... وهي نزلت توها بتدخل للصاله الي على الدرج مبااشره

الا صدمــت بكتــف احد جااي يركض من المجــلس .. كانت الصدمه قويه لأنهم كلهم يركضوون ..

طاحت على ورى بخوف .. غمضت عيوونها وهي تمد يدها لتحفه عند الدرج ماتبي تطيح .. بس أحد مسكــها من خصرهـــا ..

حســت بأنفاااس حاااره على وجهها وهي مغمضه وتتأوه بألم من يدها الي خدشتها التحفه ..

همس لها بخووف " بيان ..؟ تعورتي ..؟ "

فتحت عيووونها بصدمه صرخت بدون ماتحس " أنــــــــت ..؟ "

رفعت يدها تبي تدف صدره علشان توقف .. بس حطت يدها على ثوبه شافت دم بيدها يمتزج بثووووبه ..

دفته بقوه اكبر وهي ترجع على ورى وطااحت ولتوت رجلها ..

صرخت بهمس من الألم " آآآي "

عقد وليد حواجبه ونسى نفسها ... نزل تنورتها القصيره البنيه عليها بقوه وهي مغمضه عيونها ..

دفته مره ثانيه وهي تحاول توقف " أبعد عني "

صرخ عليها بعصبيه " ولا كلمه لويتي رجلك كيف تقومين "

ماحست الا هو شايلها من خصرها وحاطها على كرسي جنب الدرج

بكــت قهـــر .. هي آخر عمرها .. رجال مو اخوها يمسكها من خصرها ..!!!

" لااااا ابعد " صرخت بأنفعاال

مسك وليد يدها من القهر .. بدال ماتشكره تصرخ عليه .. مو طايقته " انتي وحده مدلعه كثيــر والظااهر مالقيتي احد يأدبك .. وانا الي بأدبك .."

رمى يدها بأحتقاار خلى شعرها يطير من على وجهها .. رجع المجلس وهو نااسي صووت الأنفجاار الي قبل شوي ...!!

حطت بيان يديها على وجهها وهمست " أكرررررررررررررررررررررررررهه "

سمعت صوت اخوها حمد يركض لها " بياااااااان ؟؟ عسى ماخفتي .. لاتخافي حبيبتي ... الجره الفخمه ان**رت على كانتري ..! "

حاولت بيان توقف " لاتخاف مافيني شيء بس لويت رجلي "

حمد ينااظر بالدم بيدها همس وعيونه تتسع بخوف " طحتــي ..؟ "

ابتسمت له بيان " لاتخااف جرح خفيف "

حمد وهو يشيلها بين يديه " تعااااااالي بوديك فووووق وبفحصه (( تذكر شيء ورجع حطها )) دقيقه بقوول لوليد وبجي .."

نزلت بيان راسها وشعرها نزل على وجهها (( وليـــد انا الي بأدبك مو انت ))

رجعت تبكي بهدووء وهي تتخيل نظراته قداام عيونها ..

تـــابـــع ..,,

×××

دخــل خالــد الديــوانيــه الي كان الأول داايم يجتمع فيها مع زيااد وأصحابه ..

خالد " السلااااام عليـــــكم "

الكل ســكت من الأستغراب .....,,,.. لحظات سكوووت ..

قطعوها الشباب مع بعض وهم يصرخوا ويوقفوا " الدكتـــور خالــــــــد ..!! "

أستلموه ضم وأشتيااق ..وكيف الحاال .. ووينك يالقااطع .. وهو مبتسم لهم ..مشتاااق لجمعتهم .. لو في يده كل يوم يجيهم ..

لكن الشغــل ووو ... التفت يدوره شافه جالسه ببرود ويناظره بكــره .. وكأنه يشووفه كل يووم ...,.

جلــس خالد مع الشباب يسولفون ويعلمهم عن شغــله ... وزيــاد ساكت .. كل شووي يلتفت عليه أحمــد يحاول يخليه يتكلم معهم

خالد " اقووووول تراااني مشتااااق للعب الورق وبالذات الأونو "

صفروا الشباااب بمرح وهي يضحكون " لـــك ماطلبــت "

قاموا يلعبون وكل دقيقه خالد غــش وسرق اسحب أربع .. كانوا يضحكون عليه وعلى ايامه بالغش ...,,.

زياد حس الجووو مخنووق .. ووقف وطلع للزراعه برى .,..

بعد كم دقيقه حس بأحد وراه تكلم بضيق " أحمــد خلني لوحدي والي يرحم والديك .. مالي خلق اشووف وجهه "

جاه صوت حبه سنيــن وكرهه من سنتيـــن " ادري مالك خلق وجهي .. لكن انا لي خلقك "

التفت زياد على خالد مكشـــر " ابعد عن وجهــي تراني ماني ناقصــك .. مو كفاايه طلتك الحلوه خربت الجو "

خالد بحزن " زيااد ليه كل هالكره وانت تعــ .. "

قاطعه زيااد وهو يقرب منه أكثــر " أكرهك ياخالد أكرهك (( ناظره بحقد )) لدرجه بعض الأوقات ودي ادفنك حي .. بس اتعووذ من بليس "

خالد تنرفز وعصب مع انه ناادر يعصب " زيااااد انت تعرف ان مالي ذنب علشان تكرهني "

صرخ زيااد " لا لك ذنب ..... طول عمرك غيووور مني (( رفع حاجب يوم شاف الدهشه على وجه خالد )) ايه نعم غيوور مني .. دخلت معك طب ... بس شجعتني اني اترك الطب لأني مو قده ... ومشيناها لك طول هالسنين ولا قلنا شيء .. لكــن انك تقتــ .."

صرخ خالد خلاااص مو قادر يسكت عليه أكثــر " زيــــــاد انت ماكنت تنجح .. كانوا بيطردونك .. نصحتك تحوول بوااسطه لكن ماغصبتك (( جاء زياد بيرد عليه )) لا لاترد الصداقه عمرها ماتموت .. وحنا مو بناات او شباب مراهقين نعمل هالحركات ..!! تأكد ان في داخلك شيء يصرخ ويقوول انك ظالمني "

زيااد بعصبيه لأن صدق في داخله شيء يعارض مخططاته ..! " مايهــم الحيــن ياخالد (( ضيق عيونه )) مثــل ماقتلت حلــم كنت بانيــه معك .. (( تنفس بقووه )) راح اسوي مثلك واقتل حلم بنيته معــي ..!! "

خالد يحاول يصير هادي .. يحاول يضبط اعصابه " راح اتزوج اختك يازيااد .. بتزوجها ... صدق رفضتني مره .. لكن هالمره لا .. مدام البنت موافقه والأبو موافقيــن "

رفع زياد حواجبه بأستهزاء " صحيح ..؟ "

فجأه جلس يصفــق بقوه وهو يدوور حوول خالد بأستهزاء " مبروووووووووك خالد .. مبرووك ياصديقي .. من الحين اقولك مبرووك "

مشى رايح عنه لسيارته بعدها وقف والتفت له " بس مو على الزواج (( أبتســم ابتسامه وسيــعه مره وعيونه مفتووحه ومبينه جماله .. ونطق بكل حرف بثقل )) على خساارتك "

عــلى خساارتك ,., هذه الكلمه الي ترددت برااس خالد بعد ماراح زيااد .. ليه يازيااد ليه تسوي كذا ليــه ..؟!!

×××

بعــد يوميــن .,..

كانــوا الشيــاب مجتمعيــن في بيــت بو متعــب ..,.. حتى ماخلوا عيالهم يشاركونهم هالأجتمااع ..

بو متعب " هاه وش قلتوا ..؟ "

بو حمد " والله بالنسبه لي الي تشووفه ياخوي حنا موافقيــن "

بو وليــد التفت على بو ثامر " وبعد بو ثامر لازم يوافق عارف حالة ثامـ .. "

قاطعه بو ثامر بحزن " لا وانا اخوك ... الرجاال ماراح يتغير لو بعد سنين .. الحزن متمكن فيــه .. انا اقول سفرنا بيغيـره مثل ماقال بو حمد .. لأننا بنخلي معه حلاا وهو مايدري .."

بو وليد عقد حواجبه " وليه ماتروح معنا حلا ..؟ "

بو حمد هز راسه " وين ترووح وانا اخوك ..؟ البنت كل يوم بكي .. كل يوم منهااره .. عندها تقابل زوجها ولا تساافر .. مجنون انا اخليها تساافر كذا "

بومتعب " وانت صادق ..(( التفت على البقيه )) خلااص اتفقتوا على البلد ..؟ واليوم "

بو ثامر " اليووم معرووف بعد ماتطلع نتيجة بناتنا بيان وغلا نرووح بعدها بأسبووع "

بو وليد " ايه بتطلع بعد يومين "

بو حمد " والبلد عندي مصر ولا سوريا "

بو متعب ابتسم " كنت حاط في بالي هالشيء .. لكن هالمره حاب اسوي مفاجأه للبنات أكبــر ابيهم يستانسون من زمان عن الجمعه "

الشيااب علامة الأستفهام على روسهم ..

بو ثامر " وين ناوي نرووح يابو متعب ..؟ "

بو متعب بأبتسامه وسيعه " بــاريــس "

×××

سنــد وليــد راسه على مخدتــه في سريره .. وهو يفكــر في الي شافها قبــل يوميــن ..

==(( وليـــد ))==

ما أدري ليــه جانــي هالأحساس ... اني ودي املكها واعلمها السنــع
ودي اعلمها ان ماتصرخ على الي أكبـر منها ... أسحق غرورها الي ماله داعي
ماله داعي ؟؟ هههه .. وحمد بس شاف بيدها جرح ... تقولون ميت عليه احد
ضربت التسريحه الي جنب السرير بقوووه من القهــر ... ياكرهي لهالبنت .. وجودها بعايلتنا غلط ...
مسكت راسي بقوووه ... غلط ..؟ طيب وش ذاك الأحساس الي جاني اول ماطاحت عيوني بعيونها ..؟
حبيتها ..؟ لااااااا هههههههههه ذيك حركات مراهقيــن .. وش دعوه 30 سنه يحب ههههههه والله مصخره
وقــفت وانا ودي اطرد شكلها .. بالتنوره القصيره وشعرها الطويل الي تعدى ظهرها .. من وجهي
ليه أفكــر فيها .......... لحظه ..!! ليه قلت لها انا الي أأدبك ؟؟ وش بسوي مثلاً
عقدت حواجبي وتعوذت من الشيطان ...اهدم مستقبلي ومستقبلها .. واتزوجها علشان أأدبها
ههههههه شكلي حنيت لأيام الطفووله
وقفت وحطيت يديني على وجهي ... شميت عطر .....!! عطر نساائي يذبـــح ..!!
رجعت اشمه بقووه ... تذكرت اني مسكتها ..!! توترت بداخلي وحطيت يدي على خدي الي ألمني فجأه من المشاعر الي جاتني ...
وليــد ...؟ وش تنتظر ..؟ ليلى ..؟ غمضت عيووني بقووه .. ومن هذه ليلى ... اكتشفت اني ما أحبها ..
صح انا متى حبيتها ... مجرد زوجه وبس ... نسيت ان الزووجه بتظل معي طوول العمــر
توجهت بحزم لباب غرفتي وانا افتحه ..... واحاول قد مااقدر ارسخ الفكره الي جاتني برااسي ..
لكن تراجعت .. مو اليووم ياوليــد .. عم*** مجتمعيــن مو اليــوم ..!!

×××

نزلت بياان تقفز من على الدرج ... بعدها وقفت ورجعت تناظر الدرج .. يووووه نسيت انزل بهدووء ..

رجعت تصعد الدرج .. وتوها بتنزل الاوقفت ... مممممم الأنثى الأستقراطيه تنزل من المصعد مو الدرج هههههه وربي اني هبله ..

راحت للمصعد وضغطت على الدور الأول ووقفت بشمووخ نفس سااره وضي .. مشت وهي تتمايل بدلع والكعب مخليها مثل النخله ..

سلمت على الموجودين بالصاله " السلااام عليكم "

التفت مشااري يبي يتحرش " غريبه ماقلتي هاايــ ... " فتح عيونه مصدووم بلبس بيان ..

تنوره برمودا جنز بيضااء ..؟ وبدي أخضر فااتح .. مع بلوزه نص كم بيضااء ..؟ من متى تلبس كذاا دايم بنطلون وبدي بس ..

شعرها رفعته بمسكه ومنزله خصل مع انها تعودت تسوي خيال ولا خيالين ..

ردوا عليه بأستغرااب " عليكم السلام "

طات بحضن جدتها جنب ابوها " كييييييييفك تيييييييييييييته "

حضنتها جدتها كالعاده " ياعيون تيته بخير بشوفتك "

تلفتت بيان تدور حلا " وين حلا "

ام حمد بحزن " كالعاده بغرفتها "

نزلت بيان راسها بحزن بس انتبهت على صرخة ضي الي من نزلت تقز فيها " هذه تنوووووووووورتي "

الكل " ههههههههههههههه "

بيان تمسك خصله من شعرها وتلفها على صبعها بمرح " يس ادري ياخيتوو بس من حبي لك البس ملاابسك "

ضي تخصرت بمرح " لا واللللللللللله "

بيان تقلدها " اي واللللللله "

حمد " بياان ترى بعد بكره النتاايج "

بيان انتفضت من الخوف " يمه لاتذكرني اشووف احلااام وكوابيس عن النتيجه "

الكل " ههههههههههه "

بو حمد " لا وش دعوه ان شاء الله خير "

سطام بهدوء " اساساً ماشاء الله كلتي الكتااب ماتبين تجيبين نسبه حلوه "

خزته بيان " عين الحسود فيها عود "

ابتسم سطام " قلنا ماشاء الله "

وقــف حمد وسحب بياان من يدها " تعاالي بيان ابيك بموضوع "

الكل " ؟؟؟؟؟؟؟؟؟؟ "

بيان مستغربه " هاه تبيني " ماحست بنفسها الا بالصاله الثانيــه ..

جلست على الكنب مستغربه .. " خيـــر في شيء خوفتني ..؟ "

ابتسم حمد وهو يجلس قبالها " الخير بوجهك .. صراحه .... (( سكت يبتسم لأخته وهو يشووف توترها ... المفرووض هو الي يتوتر )) ممممممممم قرررت اتـــزوج "

فتحت بيان عيونها مستغربه " تتزوج ..؟ طيب ..؟ وش دخلني قول لأمي "

كشر حمد " يعني مو مستناسه "

بيان بمرح " الاااااااا بس مستغربه ليه جايبني "

غمز لها حمد " لأن العرووسه عندك ..!! "

×××

دقت أسيــل على غلاا وهي عند باب بيت بو ثامر " هلا .. غلا هذا انا عند باب بيتكم .. ادخل ..؟ .. طيب طيب لاتدفين "

نزلت أسيل من السيااره .. غلا عليها مزاجات غريبــه .. اذا طفشت لازم نجيها بأسرع وقت ..

شافت أسيل باب الشارع مفتووح دخلت .. وتوها بتدق باب الصاله .. بس شافته مفتووح بعد .. غريبه وين الكل ..؟

راحت على طول فووق يوم ماشافت احد .. تدل غرفة غلا .. دقت على غرفتها وسمعت غلا من بعيد

" أسووووله قلبي اجلسي بالصاله الي فوق هنا .. بلبس بس كل شيء توسع علي هههههه "

أسيل " ههههههه طيب خذوي راحتك "

جلست أسيــل بالصاله الي مقاابله الغرف حاطه رجل على رجل وتهز رجلها بتوتر ..

بنفس الوقــت كان زيــاد يصعد الدرج بيرووح غرفته تعبااان اليووووووم ..

وقــف قبل مايدخل الصاله وهو يســمع صوووت يعرفه ... صوت عذبـــه ..!!

" غلووووووو لي عشر دقايق كل هذا لبس أخلصي علي "

طل براسه للصاله والصدااع رجع له يوم سمع هالصوت .. وقف مصدوووم .. لا مو هــي ..!!

رجع راسه بقوووووووه وهو يمسكه يحااول يسيطر على نفسه الصدااع زااااااااااد

سمع اخته تجااوب بصوت بعيد " ياليييييييييل أسيل فكيييييينا الحين بخلص "

دخــل غصب عنه الصاله .. هذه أسيــل اخت الي مايتسمى ..!!

وقف قبالها وهو رافع حاجب .. والصدااع كل دقيقه يزيد ..

وقــفت أسيل من الصدمه تدور شيلتها الي طايحه بالأرض .. شالتها من على الأرض بعصبيــه

وحطتها على راسها ووجهها .. شافته يلوي فمه بأستهزاء " هههه اخت خالد تعرف الذووق "

عصبت اسيل هي عارفه بخلااف اخوها معه .. لكن هي مالها دخل " لو سمحت خلني بعيده عنكم "

زياد بجرأه " اذا صدق تبين تصيرين بعيده مابي اشوفك طابه هالبيت برجولك سامعه ..؟ "

فتحت اسيل عيونهم بخوف .. وراسها بدأ يدق بدقات قلبها " و ووش .. تـ "

زياد يناظرها من فوق لتحت بأحتقار " اشكاال خالد وطقته مانبيها عندنا واعتبريها طرده "

طلعت بنفس الوقت غلااا بمرح " اسيـــ .. " جمدت يوم شافت اسيل وزياد يناظرون في بعض وكل واحد بعالم ثاني

مشت أسيل وكأنها مخدره قباله " كيف تتجرأ "

أبتسم بسخريه " بيتنا وكيفي الي ابي يدخله يدخله ..! "

ركضت أسيــل للدرج تجر كرامتها وهي تبكي .. يطردها كأنه جايه له ..؟ كأنها داخله بيته .. على الأقل يحترم ابوه والمعرفه الي توصلنا فيه ..!!

اما غلا وقفت مصدومه تنتفض وش تقوول يعني وش تقووول ..؟

دخل زيااد غرفته مو مهتم بغلا وسكرها ... طاحت غلا على الأرض حاطه يديها على وجهها (( وش في حياتنا تغيرت ليـه يالدنيا انتي كذا ليه ..؟ ))

×××

اليــوم الي بعده ..

راحت غلا لســـاره تبي تخفف الضيقه الي في قلبــها طووول امس تدق على أسيل وماترد عليها ...,.

وهي ماتلومها أبــد ..,..

جلست غلا مع سااره الي شكلها تعبااانه ونحفاااااااااانه ووجها اصفر مثل غلا وازيد

همست غلا " وش صاار فينا ياساره "

لفت ساره وجهها ماتبي غلا تشوف الدموع الي وصلت " بليييز غلا مانبي نحكي عن اشياء تضيق الصدر "

غلا حابه تغيـر جو " تدرين بكره نتايجنا ..؟ "

ساره التفتت لها بأبتسامه " الله يوفقكم .. انتي وبــيــ .. " سكتت مو قادره تنطقها وهي تسوي نفسها تكح

نزل بهالوقت فيــصل يدندن ويصفر ..

شااف غلا الي لبست عباتها على طول وتحجبت " هلا والله ببنت خالي "

غلا ردت وهي تنزل عيونها ماتبي يشوفها " هلا فيك "

جلس فيصــل ولاهمه نظراات ساره وغلا " أخبــار تهاني ..؟ " أبتسم لها بنعومه

حقيييييييييير مايسأل الا عليها .. يبي يجنني هو .. يبي يجنني ..؟

(( جبتها على الجرح .. وكأنك مادريت ..
وانت قاصد ماهي عالنيه اصدفت ..
والدليل انك تبسمت ومشيــت
وانا انادي لك ولا يمي التفت
من عرفتك وانت تجرح ما اكتفيت
دنيتي وهي دنيتي مني اكتفت
اقوى صدمات من يدينك خذيت
هذي صدمه وجديده شرفت
هذا حظي من على الدنيا وعيت
كل ما اضوي شمعه في دربي طفت
مع جميع الناس يا ربي وفيت
ليه بس اللى معه دمعي وقعت ))

تكلمت بصوت مبحوح من الدموع والغصه والغيره " حمدلله "

وقفــت مو قادره تتحمل " سااره عن اذنك ابي امـشي ممكن السواق ولا اتصل على سواقنا ..؟ "

ساره وقفت معها " ليــه تو الناس "

ابتسمت غلا " مره ثانيه حبيبتي "

جاها صوته من يسارها " مع السوااق لوحدك ..؟ "

التفتت له وفعت حاجب من تحت البرقع " ايه فيه اي اعترااض "

عصب فيصل من نبرة صوتها " ايه في ماااانع .. من متى تروحين وتجين لحالك مع السواق "

غلا مو مهتمه " من اليووم "

فيصل وقف " لا يعني اليوم غير ..؟ تجهزي انا عند السياره "

فتحت غلا عيونها من الخوف " ارووووووح معك ..؟ "

رفع حواجبه فيصل " يعني مع السواق عادي ومع ولد عمتك مايصلح ..؟ وربي انكم مخفاات يالحريم "

عصبت ساره " فيصل خلااص برووح معكم "

فيصل اشر بيده " لا انا ورااي مشواار .. وبعدين تراني مآكل لحوم البشــر "

لف معصب راايح للسياره ... يعني الهندي عادي ..وهو لا ..؟

ناظرت غلا في سااره تبي رايها .. هزت ساره كتوفها " رووحي مثل ماقال مايآكل لحوم البشر "

غلا " هههههههه ادري "

مسكت شنطتها وخذت نفــس .. والله ثم والله اذا ماطلعت روووووووحك يافيصل بفي هالمشواار ماكوون غلا ..

×××

دخــل وليــد المطبــخ " يمه وين ابوي ..؟ "

ام وليد بحنان " بالحديقه يشم هواء يبه "

ابتسم لها وليد وحب راسها " وليه ماتطلعين معه تسوون ليله رومانسيه ..؟ "

دفته ام وليد بشوي شوي " الله يقطع سوالفك خليناها لكم ههههه "

وليد " ههههههههههه "

راح وليـــد لأبوه وشافه بالحديقه .. قرر يدخل بالموضوع بسرعه لايعصب ابوه مثل ذاك اليوم ..

وليــد " يبــــه عندي لك بشاااااااااااره "

بو وليــد ماخذ بخاطره على ولده " خيـر ..؟ "

وليد " هههههههه الخير بوجهك يبه .. يبه .... انا قرررررررت .. آآخذ بنت عمي بيان ..!!"

×××

كان فهــد يتمشــى بالبحــر حبيبه كالعاده .. لكن هالمره بأبتسامه حلوه نادره على وجهه ..

يمشي ويمسك الأحجاار ويرميها بالبحر بقووه وونااااااسه .. بكره بيكلم ابوووه وبيخطبها له ...

الدنيا مو شايلته من الفرحــه ..

(( ماهقيـــت ان الهــوى عــذب قلووب الرجااال ))

ماتوقعها أبــد .. ومن ميــن .. من بنت ماتجاوزت 19 سنــه ..!!!

رجع لسياارته بخطوات هالمره متوااضعه والبسمه على شفااته ... طالع يجنننننن بكل معنى الكلمه ..

لازم يكلم نااصر ووليــد ويبشرهم .. هم أقرب ربعه .. مع ان وليد من ساافر ماجتمع معه مثل اول .. بس مازال صديقه

توه بيحرك سيارته .. الا سمع جواله يرن .. لايكون الغثيثه ..؟ رفع جواله ببرود

بس رااح البروووووود يوم شاف ان المتصل وليــد .. ابتسم بقووه

" هلاااااا والله بولد عمــــي يالله تحيييه توني بتصل فيك بقولك عن قراري ..؟ "

وليــد " ههههههههه وش ذا الأستقبال الحار مو عوايدك "

فهد سوى نفسه معصب مع انه طااير من الفرحه " اقوول لاتخليني اتحسف واسكر بوجهك .."

وليد " هههههههههه لا لا .. لأن ودي اقولك عن قرار يجننننننن بالنسبه لك (( سكت )) ولـي طبعاً .."

فهد " هههههههه اجل يالله وين نتقــابل ..؟ "

وليـــد " بجوفريــز الي بالدمام على الكورنيــش "

فهد " خمس دقايق وانا هنــاك "

×

×

×

نهـــاية الجــزء الثامــن ..

اطيــب التحايا

>> الجـــزء التـــاسـع <<

>==(( صدمـــات مؤلمــه ))==<

×
×
×

دخل حمد غرفتــه وهو تعباااااان من الشغــل .. يحس جسمــه كله يألمه ..

بــدل ملابســه .. وانسدح على السرير .. مســك راسه بقوووه ..

وتنهــد من قلبــه وهو يتذكــر كلامه مع بيــان أمــس ..,

/

رمــشت بيان بعيونها بسرعه .. كالعاده اذا جات تستوعب شــيء ..

أخيـراً رفعت كتوفها بأحباط " حمد آم سووري .. بس حظك أبد مو حلو "

سكتت وهي تناظره على جنب .. وعيونها تتسع بنظرات دهشه ومفاجأه

حمد بأستغراب " ليــه حظي مو حلو ..! "

بيان بتفكيـر وعيونها متسـعه " ممممم على حسب اليوم الي شفتها فيه .. مممممم و... (( سكتت تتأمله )) .. بالذمه حمد ماحفظت شويه من ملامح وجهها ..؟ "

أرتبك حمد .. هو مايبي بيــان تعــرف انه صادفها مره ثانيه بالعزومه .. وانه وقف يتأمل فيها .. هذا يعتبر من قلة الذووق .. " لا .... انا بجلس اخز فيها ..؟ نزلت راسي على طول " .. أبتسم أبتسامه مرتبكه

رجعت بيان ترفع كتوفها " اجل آسفه ياحمد ... البنت الي شفتها هي أسيــل بنت عمي ضاري "

حمد علامات الأستفهام فوق راسه " طيــب ..؟ مدامها أسيــل افضل .. على الأقل بنت عمي .. ليه يعني آســفه ..! "

بيان بنظرات مواساه لأخوها الي حب من اول نظره على قولته " يااعمري ياحمد أسيــل تعتبر اختنا من الرضااعه ..! "

حمد بمفاجأه " معــك ..!! "

بيان تهز راسها " لا لا .. امي رضعتها مع ضــي "

حمد " ومتى هالكلام ..؟ ماعمري سمعت انها اختي من الرضااعه .. دايم تتغطى عنا "

بيان تحااول تفهمه " أيـــه هي ماتعودت عليكم .. يعني مافكرنا اننا خوات من الرضااعه او شيء مثل كذا .. مدامنا كلنا يالبنات على قلب واحد .. علشان كذا تعودت تتغطى "

حمد وقف بأحباط " وانتي وش دراك "

بيان وهي تفتح عيونها " كل البيــت يدري .. ولا كان خذتها امي لواحد منكم .. لأن أسيل لها معزه خاصه بقلب امي "

حمد بأن**ار .. رسم أبتسامه حزينه " لأنها مرضعتها "

ناظرته بيان بدون ماترد .. ياليييييـل .. هم ناقصيـن قلووب **يـره بعد ..!

حمد بأمل قليل " متأكده هي الي نزلت اول وحده ذاك اليوم ..؟ "

بيان تهز راسها " ايه متأكده .. شيماء وعبير راحوا بعدها وانا رحت معهم " سكتت تفكـر ..

بعدها وقفــت وهي تشووف حمد يفتح باب الصاله بعصبيه ويطلع ..

/

انقلب حمد على جهة اليميــن وغمــض عيونــه

معقوووله ..؟ معقوووله حبيــت أختــي ..؟ معقووله جاتني مشااعر لأختي ..؟

أستحاله تجيني مشاعر لأسيــل حتى لو جات كذا هالمشاعر وبترووح بعدين .. حتى لو ماعرفت انها اختي من الرضااعه ..,. القلب يحــس

لااااا يمكن مجرد مشااعر

دلك جبيــنه بقووه يحاااول ينااام ... يحااول يناام وينسى صدمـــته .. الحـب الي توه بدأ يبنيه تهــدم

عادي بنـــت بدالها بنــت وش فيك ياحمد ..؟

×××

كانت تدور في غرفتها مثـل الأسد لاجاء ينقض على فريسته ..

رنا " وش فيــك بسم الله من جيت وانتي تدوريــن ماجلستي ..؟ "

ماردت هيفااء .. بس عقدت حواجبها بتفكيـر وهي مواصله دورانها

رنا بملل " اووووف ترى مليــت تكلمي معي على الأقل ..! "

التفتت هيفااء لها وبعيوونها خبث وااضح .. تكلمت بحمااس " لقيييييييتها يارن رن لقيييييييتها "

رنا فتحت عيونها " وش لقيتي ..؟ "

جلست جنبها هيفااء " مافيه الا هالحل علشاان يحبـني ويمووت بالأرض الي امشي عليها .. "

رنا رفعت حواجبها " الله ..!! وش هالحل ياعبقرية زماانك ..؟ "

هيفااء التفتت وهي تعطي رنا نظره مخيفه " أسحـــره ..! "

رنا مافهمت قصدها عدل " أسحريه احد قالك لاتسحرينه .. بس خليه يعطيك وجه قبل "

ضربت هيفااء رنا على كتفها " يالهبله اقصد اسحره بسـحر حقيقي .. يعني اعطي سااحر فلووس ويسحره "

وقفت رنااا من الخووف " هااااااه (( بلمت كم ثاانيه بعدها كملت )) انتي استخفيتي ..؟ كنتي الاول تبين تضرينه .. لكن الحين حبيتيه استحااله تضرينه "

هيفااء حطت رجل على رجل وابتسمت " هذا مـايسمى ضرر .. لو كنت بخليه يمرض سميه هالمسمى .. لكن انا بخليييه يحبني .. يمووووت فيني يبووس رجولي "

مرت قشعريره بجسم رنا وهي تتخيل هيفااء تسحر فهد " حراام علييييييك هيفااء خلي الرجاال بحاله ويا اهله .. هذا ازيد من المرض .. انتي تسرقين قلب الرجاال وتتحكمين فيه حرااام والله "

هيفااء ماهتمت " عااد وربي كيفه .. هو الي جنى على نفسه يوم ماعطاني وجه "

رنا بعصبيه " هيوووف من صدقك انتي ..؟ السحررررررر حرااام حرررررررام .. اتوقع تسوين كل شيء الا هذا "

هيفاء رفعت كتوفها " مو انا الي بسوويه .. السااحر هو الي بيسويه "

رنا " المهم ان انتي الي بتعطيه فلوووس وتخلينه يسحره .... فكري ياهيفااء الحيااه مو سحر وبس .. الحب لازم يجي من فهد مو من السحر حتى انتي ماراح تحسين بحبه لك "

وقفت هيفااء .. تكلمت بأنفعاال " وبعدييييييين يعني رنااااا على هالنصاايح .. انا قررت وبس ومااتوقع فيه حل ثاااني .. الله يغفر لي ان شاء الله "

رنا حست بكره لهيفااء بهاللحظه " يغفر لك .....؟ أي يغفر لك هذا سحر من اكبر الكبااائر "

ناظرتها هيفااء من فووق لتحت " وفري محاضراتك ... وخليني اخذ شيء يخصه علشاان اسحره فيه "

رنا " ومن وين تاخذي هالشيء ..؟ "

أبتسمت هيفااء بأنتصار " افااا عليـك انا هيفاااء خالد .. العبها وانا بنت ابوووووووي !! "

×××

جالسه تهــز رجلها بعصبيــه وهي تشووفه يكلــم بالجوال قدام مو معطيها وجه ..

وهي جالســه ورى مثــل الجماد ..!

تعطيه نظــره ناريــه كل دقيقه .. بس من الي يشوفهــا .!!

==(( غــلا ))==

أحس نفسي ودي اقوم واعطيه كم كف على وجهه علشان يحس في الي جالسه وراه
ياناااس حتى نظره ماعطااني ..!! هههههه وليه يعطيني .. بأي حق اصلاً ..؟
مايعتبرني اكثر من بنت خاله .. لكن انا أعتبرته صديق وانا صغيره .. بعدين حبيب !!
هذه نتيجة الأختلاط ببنات العم وهم صغاار .. اووووف
حركت رجليني بعصبيه لحد ماحسيـت السيت الي قدام قام يهتز معي
سكــر الجوال وحطه بجنبه بصــمت وركز على الطريق
هههههههههههههه لا يابابا مو على غلا ..! انا غلاااااا .. راح اخليك تتحسف انك وصلتني
تتحسف انك علقتني فيك ... هذا اذا كنت تدري ..!
تحركت بعصبيــه وانا رافعه حااجب بخبث تحت البرقع ..
كنــا بشاارع عااام صغيــر ..
ومـــن غيــر سابــق انذار .. ومن غيــر تفكيــــر ..!!
صررررررررررررررخت ..
" يمممممممممممممممممممممممممه "
التفت فيــصل متــروع وهو يمسك بريك على جنب من قوووة الصرخه
" وش فييييييييييييييك ..؟"
جلســت اناقز بالسيت بهباال كعادتي .. ناسيه انه فيــصل .. الهبال يغلب على طبعي ..!
" يمممممممه نزلني نزلللللللللللللني "
وقــف فيــصل على جنب معصــب مايدري وش فيني
فتحت الباب ونزلت بسرعه وانا أعدل عباااتي
" لاتركبني سياارتك مره ثانيه من غيــر لاتنـظـفها من الحشــرات ذي "
فيـصل نزل من السياره ووقف جنبي وهو يناظر داخل السيااره .. حسيت انه مو فاهم شيء " أي حشراات ..؟ "
أشرت على مكاني .. ورديت كأني معصبه " دووور على الصرصااار الي خوفني واقتله .. ساعتها افكر اركب معك "
رفع حواجبه بأستغراب ورد بطريقه مضحكه " صرصاار ..؟ "
هزيت راسي وانا رافعه خشمي فووق بغرور .. وبنفس الوقت ماسكه ضحكتي " ايه صرصاار اعلمك كيف شكله ولا تعرفه ..؟ "
حك ذقنه بعصبيه وهو يناظرني .. نظرات شك " من وين جااء "
رفعت كتوفي ببرائه " وانا وش يدريني .. المفروض انا اسألك "
أشر بيده بمعنى ابعدي ..... رجعت كم خطوه وانا اشوفه يدخل من الباب الي فتحته وينااظر مكاني من تحت
" ويــن هالصرصاار العجيب الغريب ..؟ "
كتمت ضحكتي بصعووبه " دوور عليه "
التفت نصف التفاته علي وهو مازال بالسيت الي ورا " من وين يدخل اصلاً ..؟ "
سويت نفسي معصبه على أسئلته " وانا وش يدريني ..؟ "
ماعطاني وجه وجلس يدوور وشكله معصب ..
التفت لليمين يدور وراء وشفت من جانب وجهه .. حواجبه معقده
هههههههه شكله معصب .. بس طييييب لساا ماشفت شيء ....!!!!!!
التفتت يمين ويسار ادور على أي شيء بالأرض .. شفت حجر صغيــر (( حصى )) .. ايوووا هذا الي ابيــه
نزلت بخفه والتقطته من غير لايشوفني فيــصل ..
كان مدخل جسمه بالسيااره وواقف برجوله برى .. يعني مايقدر ينااظرني ..
ناظرت بالكفـر الي على جهتي ... ومسكت الحـجر بقوووه .. وجلست اضرررررب الكفر فيه .. وانا اناظر في فيصل خايفه يلتفت يشوفني ..
حاولت ادخل الحجر دااخل الكفر بقووووووووه .. لما شفت الكفــر أنشق شق صغيــر .. وطلع صووت تنسيم خفيف مررره ..
طلع فيصل جسمه وانا ترااجعت بسرعه ورميت الحجر بعيــد
تكلم فيصل وهو يعدل ثوبه " والله يابنت خالي ماشفت هالصرصاار الي تقولين عنه الظااهر تتوهمين "
حطيت يديني على خصري " لا والله شايفني مجنونه اتوهم ..؟ لا شفته بعيوني وعنده شنباات طويييييله "
عقد فيصل حواجبه وهو يناظرني " قايستي شنباته ..؟ "
لاااااا لهنا ومااقدر ... أنفجرت بالضحك .. وحسيـــته عصب من قلب
فيصل " الظااهر ان كل هذه تمثيليه .. ماكبرتي عن المقالب ..؟ "
رفعت كتوفي وانا اضحك " ههههههههه لا صدقني ههههههههههه مو هههههههه تمثيليه .. بس .. بس ضحكتني يوم قلت قايستي ... هههههههههههههه "
ماكملت من كثرة الضحك .. كان شكله حلوووووو وهو معصب ... عيونه بنيه .. وشعره الي طالع منه شوي من تحت الشمااغ بني
فيه شبه من ساااره كثيييييييييير .. بس هو احلى هههههههههه هو احلى لاني احبه
تكلم بعصبيه " وين سرحتي ..؟ اركبي فشلتينا مع الناااس الي يمروون "
تكلمت بهدووء مصطنع " ليه فشلتك عاااادي "
ركب قداام وهو يتحلطم " لا ابد عمتي .. مافشتليني عااادي عااادي .. يالله اركبي "
أبتسمت بهدووء وسويت نفسي بركب .. بس وقفت كأني سمعت شيء " وش هذا ..؟ "
تو فيصل بيتكلم .. بس انا سبقته " اصصص صووت تنسيــم ..! "
طلع فيصل معصب وواصل حده " ياااااااربِ مقلب ثاااني وتمثيليه فااشله ثاانيه (( سكت يناظرني .. وكمل بهدوء )) غلااااا انا مستعجل ورااي مشواار واهلك الحين ينتظرونك مو حلوه تتأخري معي .. ادري انك مزوووحه .. بس انتي كبرتي وانا كبرت .. مايصلح الي جالسه تسويه "
كان ودي اصرررخ بوجهه (( أحبــــــك يالباااااارد حرااااااام عليــك حراااااااام ))
بس مسكت اعصاابي .. أي احد بشكي له بيلومني .. بس اكيد ماجربوا الي انا جربته الحين
لما تحب شخص .. وتتمنى يصير لك معه مووواقف .. بس هو يطلع لك فجأه ويقوول الي جالس تسويه مايصلح .. يكلمك ببرود .. وانت تعرف لو ان اختك مكاانك كان رحب بهالمواقف بأبتسامه وسيــعه ..
من قلبي اقووول الشعوور الي تحس فيه مو بس غيــره الا احبااااط .. الا تحس بموووووووتك .. ياليتني ماحبيتك يافيصل ياليت ..!
ركبت مو قادره استحمل .. وتكلمت هالمره بصدق " مشكوور ولد عمتي على هالمحااضره الحلوه .. وانا مراح اعطلك .. بس نااظر الكفر بليييز "
سكرت الباب بكل قوووووووتي .. حسيت انه ان**ر ..
شفته عقد حوااجبه ونااظر بالكفر الي عنده .. بعدها الي عندي ..
فتح عيوونه من الصدمه ونزل يشوووفها ..
آآه ياغلا ... هذا حظك ... وبيظــل حظك ... ياليتني اقدر اقدم الزمن ثلاث سنيين او سنتين .. واشوووف من تاخذ تهاني .. من يااخذ فيصل .. ومن آخذ انا ..!
نزلت رااسي احااول اكتم دموووعي ... وحسيت فيه يفتح الباب الي جنبــي ... عرفت انه بيعتذر ... لأن طول عمره حنون مايأذي احد
رفعت رااسي احاول ابتسم لأني بكحل عيني فيه عن قرب ......... بس جمدت مكاااني ...........
وانا اشوووووف نظرااات العصبيه بعيووووووونه ...
فتحت فمي من الخوووف ... بااقي شوووي يعطيني كــف بهالنظراات
تكلم بصوت عالي " متأكد انك انتـــي الي سويـــتي كذا .. مو متأكد بس الا احلف لك بعد "
حاولت اتكلم .. اقووول أي شيء .. ليه معصب كذا ..؟ بس ماقدرت لأنه ناظرني نظره غريبه ..!!
تكلم وهو يتنهد " غلا ...... انتي توك صغيــره وصدقيني كل الي تسويه مراهقه "
فتحت فمي مستغربه .. مراهقه ..؟؟؟ ليكووون يعرف اني احبــه ..؟؟ لا لا مو معقوولـ
قطع علي تفكيري .. وهو يحرك الباب الي ماسكه بيده اليساار " صدقيني ياغلا انتي توك صغيره والعمر قد*** .. وبياخذك الرجال الي يسعدك ان شاء الله .. انا مااقدر اسعدك يابنت خالي (( ابتسم ابتساامه ناعمه )) انا احب ياغلا .. مو حب مراهقه حب من قلبي ... (( اشر علي )) وانتي تعرفين من أحــب "
خلاااص .... ماعاد فيه كلام ينفع اوصف فيه شعــوري .. ما أتوقع أي انسان يقدر يووصف شعوره باللحظه الي يقوله حبيبه هالكلام ..
صدمــه .. هذا الكلمه المناسبه .. طلع يعرف اني احبه ....؟ طلع يحسبني احب حب مراهقه ... لا دقاات قلبي ماتخطيء يافيصل ماتخطيء
مسكت الباب وسكرته بقوووووووه مره ثانيـــه ... ياليتني سامعه كل*** يابيان .. ياليتني حطيت في بالي ان الحب في المسلسلات بــس ...
غمضــت عيوني وانا اتمنى اني اناام واقووم واشووف نفسي بالبيــت ..
سمعت صووت برى ... الظاهر ان فيــصل يبدل الكفــر .. هههه صدق اني عذبته .. بس ماوصلت للي ابيه .. كنت ابيه يحبني .. يحس فيني لو جلس معي شوي
طلع يحسبني صغيــره ويحب اختي اكثر مما توقعت ..!
دخل السيااره بعد دقايق وانا اسمعه ينفض يدينه مع بعض ... مازلت مغمضه ولافكرت افتح عيوني ..
يمكن المشواار لبيتنا يكوون لغيري قصيــر ... لكن لي لااا .. احسه دهــر ..
حسيت بالسياره توقف .. وسمعت صووت فيـصل " يالله غلا .. سلمي على عمتـي وعلـ .."
ماخليته يكمل لأني قلت وانا افتح الباب " وعلى تهاني عارفه "
نزلت من السيااره وانحنيت اكلم فيــصل وعيني في عينه مو مهتمه وتكلمت بسخريه " لاتاخذ مقلب في نفسك يافيــصل ههه ترى مو لهالدرجه جميــل علشان وحده تحبك .. انت مثل اخوي لا أكثـر ولا أقل .. ولو يعطوني كنوز الدنيا ماخذت واحد يحب وحده .. قلبها لغيره "
سكرت باب السياااره هالمره بهدووء .. ولفيت للبيت ونظرات الدهشه بعيونه مرسومه قدامــي .......!

×××

قامــت من النوووم مرعووووووبه من الحلم الي شااافتــه .. سمت بالله الي قليل تذكــره ..

حطت يدها على قلبها تقيــس نبضااتها .. سمعت صوووت اختها منى تناديها ..

قامت من السرير وهي مكشــره تحااول تفسـر هالحلم ..

طلعت من غرفتها ونزلت تحت .... شافت الكل بالصاله .. أمها وساامي ومنى ورندا

ام سامي " اخيراً قمتي يامال الماحي .."

جلست على الكنب بأهمال " اوووووووووووف يالله مسااء خيــر "

منى تستهزأ " ههه عرفتي انه مساء خيــر زيييييييين فيه تقدم "

أشرت ليلى بتهديد لمنــى " انتي اوص ولاكلمه .. انا مانمت الا الساعه 10 الصبح فياليت تنطمي "

سامي وهو يغيـر التلفزيون بملل " مالي خلق هواشكم ترى راسي مصدع "

التفت ليلى له مستغربه " يووووه سامــي مو شاارب ..؟ غرييييييييييبه من زمااان ماقعدت عدل زي الناس "

وقــف سامــي بعصبيـته المعتاده لاصار مو شاارب .. وجاء عندها وشالها من بلوزتها " انتـي الظاهر ماتربيتي ويبي لك كم كف علشاان تتربـي الله يااخذك ان شاء الله "

دفته معصبه " وخــر عني .. تكفى يالي تربيــ "

ماكملت لأن جاها كــف حااامي .. تعودت عليــه بالأيام الي ماكان يشرب فيها ..

مسكت خدها بيدها وتكلمت بحقد " انت المفرووض تشرب .. على الأقل ماتضرب وتصير مساالم .. مسكييينه ام عيون خضراء تعذبـت معـك "

ماحست الا سامي ماسكها من شعرها ويهزها هــز ويضربها كم كــف على وجهها ..

ام سامي وهي تبعده " خلاااص ساامي خلاااص اتركها ياجعل ربي ياخذها لاتنجس نفسك فيها "

دفها بكره على الكنب وهو يحط اصبعه على خشمه " والله ياليلووه لو طلعت منك كلمه مو زيـنه ان موتك على يديني "

عطاها نظره تخووف ورجع يجلس على السرير وهو متنرفز ..

سكتت ليلى وهي تعدل شعرها .. مانزلت منها دمعه وحده .. لأنها متعوده .. حتى ماهتمت ولا تأثرت .. وكأن قلبها مصنوع من حجر

منى ابتسمت بشمااته على اختها .. وهي تتذكر الأيام الي كان سامي يضربها فيه قبل ماتتزوج " الحين تلقونها تقول بداخلها متى اتزوج الأميـر وليد وافتك منكم "

سامي التفت وهو يغمض عيونه شوي " وليــد ..؟ مره وحده "

تنـرفزت ليلى " ايييييييه بتزوج وليــد غصب عن الكل .... انا حلمت قبل شوي ان وليــد كان مع وحــده بحديقه وراميني بحفــره وجالس يتمشى معها .. كان ودي اقتلها مافكرت اقتله .. وهذا اكبر دليل اني احبه .. بس من احاكي ناس متبلديــ .. "

سكتتها صرخة سامي " بــــــــس لاتغلطين "

ام سامي تضحك على بنتها " هههههههه طيب لو صرتي تتوهمين وهو مايحبتس ولا شيء وتزوج غيرتس وش بتسوين ..؟ "

وقفت ليلى وهي رافعه خشمها " لا مااتوهم وانتي شفتي نظراته لي كيـف .. واذا على قولتك فكر وتزوج غيري .. صدقيني يا أم سامي اني لأخليها تكره حياتها وتكره اليوم الي انولدت فيـه .. وازيدك من الشعر بيــت (( أشرت على نفسها بغرور )) بتزوجه لو عنده ثلاث واخليه يطلقهم كلهم "

لفت راجعه لغرفتها مو مهتمه لأحد .. ههه يفكروني بسكت لو تزوج غيري ... والله لعذبها عذااب ماعمرها شافته ولا بأرعب الأفلام ..!

×××

جلــس فهد قداام وليــد بالكووفي والبسمه على شفايفه ..

وليــد بمرح " يا أخــي حتى بالقرارات مقلدني ..؟ ماباقي الا تسـافر وتاخذ الدكتوراه وتصيـر من قلب تؤمي "

فهد وهو يصفق يناادي على النادل " هههههههه وش اسوي انت الي تقلد "

وليــد " يالله لأنك اكبـر بمشيها لك "

فهد وهو يرفع حواجبه " ولأنك الأصغر بتقول قرارك اول "

وليـد " هههههههه مايفوته شيء "

فهد تكتف بغرور " أفااا عليك أعجبك "

وصــل النادل وطلبوا لهم كابتشينو

فهد بقلة صبر " ها يالله تكلم كلي أذان صاغيه "

وليـد بأبتسامه " قررت أتزووج "

فتح فهد عيوونه من المفاجأه " يااخي هذه كلها صدف ولا وش السالفه "

وليد مافهم عليه " أي صدف ..؟ "

فهد رفع حاجب وابتسم أبتسامه تذووب " وانا بتزوج بعد "

وقف وليــد " لاااااااااا يارجااااااااااال "

فهد يأشر له " هههههههه اجلس اجلس .. والله وكبرنا وليد هههههه "

وليد وهو يجلس " هههههههههه شفت ..؟ المشكله مع بعــض "

فهد يحرك حوااجبه " ومن سعيــدة الحــظ الي بتاخذك ..؟ "

وليد " هههههههه ذكرتني بأيام اول كنت كل دقيقه تحرك حواجبك ..... بالنسبه لسعيده الحظ فهي من بناات عمي "

فهد يمزح " لااااااا لاتقول اختي ..؟ "

وليد " قم بس .. وشلون اخذ اختك وانت اخوها "

فهد وهو يمسك جواله ويهدد وليد " وربي بذا ياوليد .. وش في اخوها حاصلك "

وليد يهديه " لاااااا وش دعوه يالنسب ..؟ (( سكت يوم شاف فهد فتح عيونه )) ههههههههه لا امزح امزح اقصد ياولد عمي "

فهد حط يده على خده " شكلنا مطولين يالله نسحب منك الحكي "

وليد " ههههههههه لا خلااص بقول (( تسند على الكرسي وهو يناظر فهد نظرة غموض )) باخذ بـنت عمي أحمد "

فهد أبتسم " لاااااااا مبرووووووووك ونعم الأختيــار .. يكفي انها بنت عمي أحمد "

وليد مستغرب " اشووفك رااضي على عمي احمد هههههههه "

فهد خزه " وليدووه "

وليد " ههههههههه خلااص شكلي رفعت ضغطك اليوم "

فهد " توك تدري .. قولي متى بتخطبها "

وليــد " ان شاء الله قريـــب .. يالله الحيــن قوولي من بتاخذ ..؟ "

فهد قلد وليد يوم جاء يقوله .. وتسند على الكرسي وعطاه نظره حلوه " انت بتاخذ ضي وانـا باخــ .. "

قاطعه وليد " أي ضي ..؟ فاهم غلط يالأخ ..!! انا باخذ دلوعة العايله ياحلووو .. صدق بـتوهق بس وش نسوي "

فهد ماستــــــوعب .. نطق بهمـس " بيـــان ..؟ "

هز وليد راسه " أيــه .. صدق صغيره .. لكن وش نسوي نربيها (( سكت يوم شاف نظرات فهد .. ظن انها بسبب كلمة نربيها )) مو اقصد اربيها يعني بـ الي فهمتها .. لا يعني هي صغيره وماتفهم بأمور الزواج .. ولا عمي ربى بناته أحسن تربيه "

تكلم فهد وهو مو مستوعب الصدمــــه الي سمعها " بس .. بس المفروض خذت الكبيره " قالها وهو نااسي انه كان بياخذ الصغيره .. كان كل همها يرجع وليد عن قراره

رفع وليد كتوفه بملل " مو لازم الكبيــره ابوي يبي الصغـيره تعرف يمووت فيها ابوي .. وبنفس الوقت هذا ربي كاتبه مو على كبيره ولا صغيره "

قطـع النادل حكيـهم وحط الكابتشينو عند كل واحد فيهم ..

نزل فهد عيونه على قهوته ... (( لا أكيــد حلم .. لا لا مو حلم .. الا كابــوس .. وليــد ..!! نفسه وليــد ..!! ))

وليـد قاطع افكاره " ها ماقلت لي من سعيدة الحظ الثانيه الي بتاخذ صديق عمري "

صــديق عمري .... كانت كلمه قاسيــه على فهــد

أي شخص ياخذ بيـان .. كان ممكن يوقف بوجهه .. لكن .. لكن وليــد ..

وليد " فهــد ..؟ وين وصلت ..؟ "

رفع فهد عيونه على فنجان وليــد .. من غير لايناظر بعيون وليد .. قال بهدوء " ترى كنت امزح معك ماراح اتزوج "

وليد أستغرب " تمزح معـي ..؟ "

حط فهد سكر بقهوته وصار يحركها بملعقته " ايه كنت ابي اشوفك فقلت كذا .. لكن يوم تلقيت الخبـر احس اني بخسرك ممممم يعني ماراح تصير عزوبي هههههه "

رفع عيوونه يناظر في عيون وليــد .. يحااول يثبت كذبـته ..

لكن وليــد مــو من النوع الي ماينتبه ويمشي هالأشياء

تكلم وهو يرفع حاجب بأستغراب " فهد مو علي هالكلام .. لاتنسى اني كنت مسافر 6 سنوات .. هذا غير اني يوم رجعت اول مره اجتمع فيك لوحدنا .. يعني دور عذر غيره وش فيك "

فهد وقــف " مافيــني شيء ياوليــد مافيني شيء .. كتمه جااتني وابي اروووح الحين (( سكت ياخذ نفس وهو حاس ان ثياابه ضاقت عليه .. رفع عيونه يناظر وليد وكمل بهدوء )) الف مبرووك ياولد عمي تستاهل .. وبنت عمي تستاهلك بعد "

وقف وليد معه .. وهو مو عارف وش جاء فهد .. ماخطر على باله .. ولا راح يخطر على باله ان فهد يحب بيان او كان يبيها .. لأن بعايلتهم ماعندهم سالفة الحب او الغرام .. يمكن تهاني وخالد هم الوحيدين الي خالفوا هالنظااام ..

تنهد وليـد " طيب متأكد انك ماكنت تبي تقولي عن زواجك ..؟ "

عقد فهد حواجبه " أي زواج من صدقك توونا لاحقين على عوار الراس "

وليد " هههههههه يعني انا بيعورني راسي "

فهد (( لا انت ماخذ بيان كيف يعورك راسك )) رد بكل جديه " لا ماراح يعورك راسك .. يمكن مثل ماقلت دلوعه .. بس ترى هذا الزين "

أبتسم بأستهزاء لنفســه .. وش جالس اخربط ..؟

وليد وهو يمشي " أي هذا الزيــن يارجال ..؟ قول هذا الشين .. بس يالله ان شاء الله تتغير "

مــسك فهد وليـد من ذرااعه بقوه وحزم " لحظه ..!! انت تحب بيان ياوليد ولا غصبك عمي عليها ..؟ "

رفع وليد راسه وعيونه تتسع " غصبــني ....؟ انا بزر يافهد ..؟ "

رجع البرود يغطي ملامح وجه فهد " لا محشووم بس كل*** مايطمن "

أبتسم له وليد " لا اعبر عن مشاعري لك هههههه ولاتخاف بنت عمي بعيوني .. وانت قلت سعيده حظ تراها ..؟ " غمز لفهد بمرح

هز فهد راسه من غير لايبتسم ومشـوا طالعيــن ولاذاقوا الكابتشينو ..

كان فهد بحالة تفكيـر وعدم إستيعاب ... كان يحلف في نفسه .. لو واحد غير وليد .. لو حتى اخوه فيـصل .. يبي بيان كان وقـف بوجهه

بس هذا وليــد ..!! هذا الي من هو صغيـر معه .. ماحد راح يعرف كيف كانت صداقتهم لو شافوهم الحين .. لأنهم كبروا .. ومشاعرهم ماتطلع داايم ..

في نفـس الوقت فهد عاارف ومتأكد ان وليـد راح يسعد بيان أكثــر منه بكثيــر .. اصلاً مافيه مقارنه .. وليـد حنوون .. شديد وقت الشده ومزوحي وقت المرح ..

يعتمـد عليــه بكل شيء .. له شخصيــه فولاذيـه على الكل ..

صدق ايام الدراسه راح المرح عنه وصار منطوي بالبيت بس يذااكر .. لكن الحين رجــع .. مو مثـله كٌـرَه الكل فيـه بسبب جديته المبالغ فيها .. كان نفسه يتغيـر اذا خذ بيــ .. لا ماايبـي يتذكرها يبي ينساها

اساساً الحب للمراهقيـن بــس .. وهو فيه سؤال يرن برااسه ..

ليــــه حبـــها ..؟؟!!

×××

اليــوم الي بعده (( السبـــت ))

كان بو ثامر وام ثامر وتهاني وغلا .. رايحيــن بيــت بو حمـد .. علشاان يعرفون نتاايج بيان وغلا مع بعـض ..

غلا وهي تعدل شليتها لان بو حمد وعياله موجودين معهم بالصاله " يالله عمتــي أتصلي الحيــن الساعه 8 .. "

بيان تحاول تخفف من دقات قلبها " اووص غلا وش فيك مستعجله خليها بعد شوي "

غلا عصبت " وشو بعد شوي .. الحين الساعه 8 تبين اكثـر "

ام ثامـر " انتي ماادري ليه ماتنتظرين لبكره تطلع نتيجتك بالنت مع البنات لاازم تخلين عمتك تتصل بصديقتها الموجهه وتتفشل من نسبتك "

ام حمد بحنان " لا وش دعوه ان شاء الله جايبه نسبه عدله "

غلا مدت بوزها " ايه ياحلو عمتي واثقه فيني .. وبعدين يمه ترضيـن بيان تطلع نتيجتها بالنت والجرايد قبلي ..؟ "

دفت بيان غلا " انتي واثقه اني بطلع من العشر الأوائل على المملكه ..؟ يمكن مااشوف اسمي وانتظر لبكره مو مثلك الا اليوم "

غلا تهز راسها " العشر الأوائل مو احسـن منــا "

مشاري يهمس لسطام " هالبنت عقربه يانااس الله يعين الي بياخذها "

تهاني سمعت مشاري " ههههههههههههههههههه "

التفتوا عليها مستغربين .... وهي طااح وجهها .. " ههههه اضحك على مشااري "

فتح مشاري عيونه " ابووك يالفضيحه "

نطت غلا بلقاافه " ليه وش قال "

سطام أبتسم لها بهدوء " سلامتك بس يقول ياحظ الي بياخذ بنت خالي "

كمل مشاري " لان ماعندك لسان مثل بنات هالأيام "

غلا عرفت انه يتريق " مااااااااالت "

مشاري فتح عيونه مستغرب وتوه بيرد .. الا قاطعه بو ثامر " غلاا ..؟ "

غلا بهبال " هو الباادي "

الجده ام محمد " خلااص ياعياال .. ماباقي الا تسوون طق أعصــي ..!! "

غلا بهمس لبيان " حلوه طق أعصي خخخخخخخ "

ام حمد أشرت لهم يسكتون " الو .. هلا والله منيـره .. اخبارك .. الحمدلله وانا اختك ماشيــن ... "

ضي تهمس لغلا " تجهزي لصدمة حيااتك غلوو "

سمعها حمد الي طول الوقت سرحان " لاتفاولي على البنت "

غلا تصرقع اصابعها " ماعليك منها ... هم لحد الحين مايدرون بذكااء غلا السـ,,, .. بس ثوااني ويعرفون مدى ذكائي "

بيان " ههههههههههه وحده وااثقه "

سكرت ام حمد الجوال وهي تبتسم للبنات ..

بو حمد " ام حمد تستعمل اسلوب التشويق "

الكل " هههههههههههه "

ام حمد بأبتسامه " غلا الف مبرووك حبيبتي .. تقديرك ممتاااااااز "

ام محمد " مبرووووووك يابنـتي "

نطت غلا ناااسيه عيال عمتها وابوها وجلست ترقص وتحر بيدها بيان وضي وتهاني ..

ام ثامر متفشله " غليوووه ووجع "

انتبهت غلا " ههههههههههههههههه سوووري مااامي مستاااااااااانسه ابيهم يعرفون نسبة ذكاائي "

بيان تكشها " ماالت عليك تكفييين تلقينها باقي درجه وتصير 89 خخخخخ "

ضي + تهاني " ههههههههههههه "

ام حمد بفخر " لا غلاا جايبه 94.50 % "

الكل سكت مو مستوعب .. حتى غلا

" ؟؟؟؟؟؟؟؟؟؟؟؟؟؟؟؟؟؟؟؟؟ "

اول وحده صرخت بيان " غلااااااااااااااايه انت عبقررررررررررررييييييييييييييييه "

غلا لحد الحين مو مستوعبه " أنـــا "

جلسوا عشـر دقايق يحاولون يخلونها تستوعب .. ماكانت تذااكر علشان تجيب هالنسبه .. مافتحت المواد الا ايااام الأختبارات

بو حمد " أحــم أحــم الحين دور الحلوه بيــان "

ام محمد " ان شااااااء الله اعلى النسب ياارب "

بيان قامت يديها ترتجف " يااارب آخذ 100 ياااااااااااااااارب "

غلا بدفااشه " مصرريه وربي "

ضي دفتها " قوولي ماشاء الله وجــع "

فتح بو حمد الجريده وهو يسمي بالله .. ولبـس نظراته ودور على اسماء العشر الأوائل وهو واثق ان بنته منهم

أبتســـم ... وطااح قلب بيااان .. (( تكلــــــم يايبــــه تكلم ))

نزل بو حمد الجريده ووقف يضم بيان الي دموعها محبوسه .. تبي تعرف نتيجة التعب الي تعبتها هالسنـه .. كانوا اهلها يطلعون بالعزايم ويطلعون يتشمون ويروحون المطاعم والمتـنـزهات الا هي بغرفتها تذااكر .. تبي تعرف النتيجه بأسرع وقت .. وبنفس الوقت ماتــبي ..!!

بو ثامر " ترى حمستنا يابو حمد "

ام حمد " قوول طيح قلووبنا "

بو حمد يناظر بيان " الف مبروووك نسبتك 99.94 الثانيــه على السعوديه "

الكل قاام يصفـــر ويبااارك .. الا بيان نزلت راسها بأحباط " ممممم توقعتها 100 ..!! "

غلا دفتها بقووووووووووووووه طاحت بيان على اخوها مشااري " آآآي ووجع "

ام محمد " بأسم الله عليك تعورتي يمه ..؟ "

ام ثامر عصبت على بنتها " هبــله انتي ..؟ ليه تدفين البنت "

غلا تتحلطم " يعني جاايبه هالنسبه ومو غلطانه الا درجه وبدال ماتبكي من الفرحه تقول (( تقلد صوتها )) مممممممممممم توقعتها ميـه "

بيان وامها تضمها " مالك دخل "

ضمتها ام محمد بقوووووه " الف مبروووك ياجعلني ابارك لك على خطوبتك قرررررريب يااارب "

الكل " ايييييييييييييييوا من قدك "

ضي مدت بوزها " وانا ..؟ المفروض قبل "

الكل " هههههههههههههههه "

ام محمد " وانتي بعد ان شاء الله كلكم .."

بيان توها تحس بالفرح " يممممه ونااااااااااااسه اذا رحت المدرسه وخذت الشهااده بشووف هالدرجه وين غلطت فيها "

بااركوا لها الكل ومشااري شاالها وداااار فيها بسررررررررعه وهي تضحك عليه ..

بو حمد وهو يجلس " احم .. عندي لكم خبــر ياجماعه (( التفت على بو ثامر )) ترى حنا اتفقنا يوم اجتمعنا ذاك اليوم نسفركم .. بعد أسبووع بالضبط .. يعني السبت الجاي .. وبنجلس اسبوعين بالسفر .. بس طبعا البلد بيكون مفاجأه "

الشباب " اخييييييييييراً "

بو ثامر " ههههههههه يبونها اليوم قبل بكره "

ضي مستاانسه " والله فلللللله كلنا ..؟ "

بو حمد " ايه كلنا ان شاء الله "

ام حمد " بس احس صعبه بعد اسبووع على الأقل بعد اسبوعين "

ام ثامر " ايه انا مع ام حمد "

ام محمد " يالله تقررون وعلى طول نروح ..؟ "

بيان والفرحه مو شايلتها " ايه حتى انا معهم (( التفتت على غلا )) يبي لنا نسووي حفله للبنات بس .. ونسجل بالجامعه .. ونحضر زواج اخو عبيــر الجمعه ..! "

غلا بفرحه أكبــر .. أخيــرا بتجتمع مع فيــصل حتى لو مايحبها بس تشوفه لمدة اسبوعين " ايييه صح خلوها بعد أسبوعين نتجهز "

بو حمد " بس تدرون مو على كيفنا حنا والعيال ورانا دوامات وبناخذ اجازه لمدة اسبوعين بس .. ونبيها بسرعه .. اسبوع يكفي "

تهاني " على الأقل اسبوع ونص ياعم "

مشااري " ايه صح نتجهز يبه "

بو حمد يرفع كتوفه وهو يناظر بو ثامر " وش رايك بو ثامر "

بو ثامر يبتسم " خلاص اسبوعين اسبوعين "

×××

انسدحت شيماء على سريرها وهي تضم دبدوبها لقلبها بقووه .. تحس ان ودها تغنـي دااايم .. تحس بشعوور حــلو ..

هي عارفــه سببه ..!!

==(( شيمــاء ))==

من ذااك اليوم وانا تفكيري فيــه زاد ... ماادري ليــه دايم افكر فيـه .. يمكن كل بنت مثـل عمري راح تحس بالمشاعر الي احس فيها لو ان صار لها المواقف الي صارت لي معه ..

يمكن يعتبر مراهقه الي احس فيه .. ممممممم بس ياحلوها من مراهقه .. تحسين انك دااايم فرحااااااااانه وطاااااااااايره من الفرحه

اكيــد الي عاشوا الحب فااااااااااهميــني وحاسين في الي احسه بهاللحظه ..!!

دقاات قلبي تزيييد لما اغمض وافكر فيــه ... آآه ياحمد خذيت قلبي .. والمشكله اول مره مااقدر اشكي لبيااان عن الي بقلبي ..

اخوها كيف اشكي لها ..؟ اساساً بتكفر اني ابيها تخطبني له ..!! هههههههههههه وناااسه هو يخطبني ..

وقــــــفت طااااااايره من الفرحه على هالفكره الحلوه .. والمضحكه بنفس الوقت .. لأني عارفه انهم ماراح ياخذون من برى عايلتهم

شغلت الأستريو حقي على أغنيــة راغب علامه .. نسيني الدنيــا

(( نسيني الدنيا نسيني العالم
دوبني حبيبي وسبني اقولك احلي كلام
لو الف الدنيا لو الف العالم
مش ممكن زي غر*** انت الاقي غرام

لو اقولك اني بحبك
الحب شوية عليك
لو ثانية انا ببعد عنك
برجع مشتاق لعنيك
ضمني خليك وياية
دوبني ودوب في هواية
تعال نعيش اجمل ايام

كان اجمل يوم في حياتي
يوم ماقابلتك ياحياتي
ماقدرتش اتحمل من غير ماافكر لحظة
لقيتني بدوب في هواك
خدتني من كل الناس عشت في اجمل احساس
ونسيت ياحبيبي الدنيا معاك
آه ه ه ه

لو اقولك اني بحبك
الحب شوية عليك
لو ثانية انا ببعد عنك
برجع مشتاق لعنيك
ضمني خليك ويايه
دوبني ودوب في هواية
تعال نعيش اجمل ايام
لو اقولك

انا شايلك جوه عنيّه والدنيا دي شاهده عليّه
انا جنبك وبحبك
مش ممكن اقدر انا يا حبيبي انساك
بتمني العمر يطول وافضل احبك علي طول
ده انا ياما حلمت اكون وياك
آه ه ه ه

لو اقولك اني بحبك
الحب شوية عليك
لو ثانية انا ببعد عنك
برجع مشتاق لعنيك
ضمني خليك ويايه
دوبني ودوب في هواية
تعال نعيش اجمل ايام ))

جلســت اردد الأغنيه مع رااغب علامه بحالميه ورمانسيــه وقلبي يدق .. اللللللللله ياليتكم تحسوون هالأحاسيس ..

بس ياخوفي توديني هالأحاسيس بستيــن داهيه ههههههه

×××

بــعد يوميــن (( الأثنين ))

كانــوا بيان وضــي يجهزووون البيــت حق الحفــل الي بياان عزمت فيه كل صديقاتها .. هذه تخرج من ثانوي مو أي كلاام ..!!

دقت بيان على حلا الباب تبيها تفتح لها .. تبي تسولف معها .. تسلم على صديقاتها ..... بس لا مجيــــب كالعاده ..!!

حطت بيان يدها على قلبها يوم تذكرت حالة مرام (( لا لا .... ياربِ ماتصيــر حلا مثل مرام .. يارب ماتمر بالعذااب الي مرت فيه بنت عمي .. ياااربِ ))

سمعت ضــي تناديها تحت وراحت تنزل من الدرج بهدووء تعودته .. علشاانها معاهده نفسها تعدل من حركاتها الطفوليه شوي ..

شافت ضي جالســه ترتب الحلويات في السله " بياان ترى مشااعل وبنت عمها ريم محادثه جمااعيه يبونك على التلفون "

بيان من سمعت طااري مشااعل وريم طاااااااارت للتلفون .. هذولا صديقاتها من ايام المتوسط .. بس يوم انقلوا اهلهم الريااض ماصارت تشوفهم دايم

بيان بحماس " الوووووووووووو شعووووول ريوووووووم "

مشااعل " هلاااااااا وغلااااا بحبي وقلبي بياان .. الف الف الف مبرووووووك يالثانيه على السعوديه من قدك ياشييييخه "

ريم " هههههههههه شوي شوي خليني ابارك .. مبروووووووك قلبي بيان "

بيان دمعت عيونها " حبايب قلبي والله اشتقت لك موووووت .. ربي يباارك فيكم هاه بشروا كم النسبه "

ريم " انا 89 وكثير علي هههههههههههه "

مشاعل " لا انا شطووره جبت 97.33 "

بيان " مبرووووووووووك .. بس زعلتيني ريم لو انك زاايده نسبه "

ريم " ههههههههههه عادي يابنتي "

مشااعل بنبره غريبه " شخبارك بيان ماشتقتي لنا مثل ماشتقنا لك "

بيان عارفه صديقتها مشاعل لصاارت حزينه " اشتقت لكم اكثر من كل شيء .... شعووله حبيبتي وش فيك صوتك متغيـر "

ريم " مافيــ .. "

قاطعها صووت مشااعل الي جلست تبكي .. ماتقدر تتماسك عند صديقتها بيان ..

بيان ارتاعت " شعووووله قلبي وش فيك وش صااير ..؟ "

ريم بعصبيه " مشااعل لاتخوفي بيان ... عادي بيان ماصار شيء بس ابوها يبيها تتزوج واحد من عيال عمي "

ضااق صدر بيان لأنها عارفه مشااعل عنيده " يااعمري طيب عاادي (( سكتت تفكر وهي متعقده من شيء اسمه حب )) لاتقولين تحبين بعد ..؟ "

مشاعل وهي تشاهق " لاا هه لا بياان بس ماابي ولد عمي ماابيه "

بيان " طيب ليـــه وش السبب ..؟ "

مشاعل " ضعيــف شخصيه يابياان كلمه توديه كلمه تجيبه "

بيان تتذكر سامي زوج مرام الي ماعنده الا الضرب ماعنده شخصيه " لااااااا كل شيء ولا الشخصيه " سكتت تدور بعايلتهم على واحد شخصيته ضعيفه بس مالقت .. كلهم بسم الله يخوفون بشخصياتهم القويه

ريم متضاايقه " حراام عليكم .. ابوها يبيه لها .. لاتعاند ابوها مدامه عندها "

بيان تأثرت " ريم حبيبتي مو كل ابو زين .. يمكن الي صاار لأبوك خيـره "

ريم بحزن " صح خيـره انه يموت وانا عمري ثلاث سنوات "

مشاعل ضاق صدرها زياده " ريم اذكري الله الي رااح رااح "

بيان تنهدت " آآه ماحد مرتاااح بهالدنيا "

ريم ومشاعل " ايه والله "

ظلت تسوولف معها لمدة نص ساعه بعدين سكرت وقلبها يعورها ..

أصعب شيء لما احد يفقد غالي على قلبه ... والأصعب لما ينغصب على شخص مايبيه .. صدق التقاليد تقول اننا نتزوج بعدين نحب ..

لكن من حقنا نختاار شريك حياتنا .. نختاار الي يرتااح له قلبنا .. مو لازم حنا نعرفه .. لا من الي يجون يخطبونا .. بس ان ابوها يغصبها ..؟ لاا حراام وربي

مسحت بياان دمعه نزلت .. (( الحمدلله يااربِ على كل شيء .. والله لايحطنا بهالموقفين الصعبين ياارب ))

×××

جلســت روابـي متملله عند التلفزيون وهي تشووف متعب وناايف منمدجين مع فلم الرعب .. ونووف تسوولف على نفسها ..

هزت رجلها بعصبيه وتوتر " أحــــــــم "

ماحد عطاها وجه الا نوف الي جلست تصفق وتضحك .. علت روابي صوتها هالمره " أحــــم "

التفت متعب معقد حواجبه " تبين شيء ..؟ "

روابي عدلت جلستها وتكلمت بعيون **يره " ميتوو وربي ملللل حس فيني ودي اصفق احد من كثر الملل "

متعب يرفع حواجبه " طيب والمطلووب مني ..؟ "

روابي عصبت " المطلوب تطق لي وانا ارقص "

نايف الي انتبه لكلام امه " هههههههههه مصرري بابا "

روابي " اوووص انت .. بو اربع سنواات ولساانه طويل بعد "

مد ناايف بوزه وخبى وجهه ورى ابوه والصيحه فيه ..

متعب " زيــن بتبكين الولد الحين .. عجبك ..؟ استانستي ..؟ "

روابي وقفت " ايييييييييه استانست .. يااخي سوولف معي ملاااااانه طفشااااااانه "

رجع متعب ينااظر التلفزيون " روحي لأهلك .. اوديك ..؟ "

ضربت روابي الأرض برجلها " لا لاتوديني مشكوور ماقصرت .. حقك علي .."

راحت المطبخ تسوي لها شيء من هالملل .. حتى المقالب طفشت منهم لأنهم ينفعون يوم ويرووح مفعولهم عن متعب اليوم الثاني .. مالها الا الصبــر ..

تكلمت بصووت عالي " على الأقل يكلمني يسوولف معي .. وش ذا البروود .. عليه مزاجات متى ماشتهى يسوولف ويضحك .. سولف "

دخلت المطبخ وهي تتحلطم

نايف التفت على ابوه مبتسم " الحمدلله ماما نــوووونــوووو "

رفع متعب حواجبه وهو يضحك " ههههههه حتى البزر فهم حركاتها "

×××

تسند ثامــر على الكنــب بالصاله لوحده .. تحسس الطاوله بيده وشااف جهاز التلفزيون .. شغله وهو مبتسم بسخريه .. على الأقل يبي يسمع أي صووت بدال الهدوء هذا

==(( ثامــر ))==

جلســت اغير بالمحطات وانا اسمعهم بس حتى أي محطه مااعرف .. سمعت اغنيه حزينه لطلال مداح .. الظاهر انها روتانا زمان ..

قصرت على الصوت وحطيت الجهااز .. وسندت رااسي على الكنب ..

أشتقت لروحــي .. اشتقت لنصفي الثانــي .. اشتقت لكل أهلــي وخلانــي .. اشتقت لبسمتها لما اقووم من النوم ..

اشتقت لصوتها الناعم وهي تبوس جبيني وتهمس بأذني (( صبــاح العسل على الحلوين ))

اشتقت لشعرها الطويـل الي العب فيه وانا اناظر التلفزيون .. ليديها الناعمه وهي تمسح على شعري لجيت اناام ..

اشتــــــقت لها كلها ,,,, احبها ياناااااااااس والله احبــها ..

بس مااقدر اعذبها معي .. تشيلني وتحطني على السرير وانا ثقيــل .. تدليني على الأشيااء داايم .. تتزيــن وهي عارفه اني ماراح اشووفها ..

هي عارفه اني ماراح امشي معها لاراحت مكان .. مو معقوله اتركها تروح السوق لوحدها او مع خواتها .. لأني دايم كنت معها دااايم بقربها ..

مااقدر اتحمل بعدها ... لكن بقااوم علشاانها .. ابي لها زوج يسعدها ... يسعدها وينسيها شيء اسمه ثامــر ..!!

سمــع جواله بثووبه يدق ... خذه ورد ... رد وهو مايقدر يعرف من المتصــل ..!!

ثامر بهدوء وقلبه يدق فجأه بقووه " الــووو "

ماسمع رد ... بس بعدها بدقايق سمع الحان تنسااب له ..

وبعدها أغنيــه ,, خلاص يعني ,,

(( خلاص يعني كل شَيّ انتهى وراح .. خلاص يعني ما بقينا حبايب
يعني وعودك كلها كانت مْزاح .. والاّ انت ما لك في المحبّه رغايب
وين العهود ووين لحظات الافراح .. يعني تلاشت مع هبوب الهبايب
القلب بعدك من له اليوم يرتاح .. من بعد ما هو في محبّتْك ذايب
ياما على شانك تحمّلت الاجراح .. وياما جروحي من صدودك عطايب
سرقتني عن جملة الناس يا صاح .. والفكر عندك ماخذنّه نهايب
خِلّك يحبّك يا بَعَدْ سِيْد المْلاح .. إن رحت عنّه راودنّه مصايب
خَلّك معه دام الهوى حيل نضّاح .. والواش رِدّه يا هوى البال خايب ))


كان يسمــع الأغنيه وهو مغمض عيونه الي مايشوف فيهم .. كان يمسك دموعه الغاليه عليــه ..

هو عرف الحين من داق عليه .. مو من الأغنيه لا .. من قلبه الخااين الي مو رااضي ينساها ..

سمع صووت حزيــن .. كان يدفع نـص عمره ولايسمعه حزيـن و**يـر كذا ..

" الو ثامـر ..؟ "

ماقدر غيــر انه يسكــر ويرمي الجوال جنبــه ويرجع راسه بقووه وهو يهمس لنفســه

" لا ياحلا .. لا .. لاتعذبيــني تكفيــن .. لاتعذبيــني "

×××

وقــفت اسيل عند مراايتها تحط اللمسات الأخيره على مكياجها .. علشان حفلة بيان وغلا

وصورة زيــاد وهو يهددها مو راضيـه تروح عن بالها ..

لو انها من بنات هالأيام .. وهي ابوها ضاري .. واخوها وليــد .. كان حلفت ترد له الصااع صاعين

بس هي انسانه هاديه وماتحب المشاكل .. صدق بعض الاوقات تصير مرحه وهبله مثل غلا .. لكن اكثر الوقت هااديه ..

ياااااااااااارب كيف تكره هالي اسمه زياااد .. من قلــب مغروووووور كلمه قليله بحقه ..

بس وش تسوي غيــر انها تدعي عليــه ان كرامته تتحطم في يوم مثل ماحطم كرامتها ..

سكتت تفكر وهي تشيل شنطتها ... هي عاارفه بقصته مع خالد ..!!

(( ممممممممم .. لاااا وش ذا التفكير يا أسيـل من متى انتي شيطان مو انسان .. أستغفر الله العظيــم ))

طلعت من غرفته وهي تحااول تنسى فكرة انها تعلق زيااد فيها وتخليه يحبها بعدين تعذبه مثل ماعذب اخوها خالد ..

(( الي فيه مكفيــه يا أسيــل لاتزيدين عليــه ))

نزلت وقلبها الطيـــب يغلب على أفكارهــا ..

×××

يتبــــــع

7
7