العودة   منتديات نسائم الخليج > المنتديات الادبية - قصائد جديده - خواطر جديده - قصص منوعه - روايات طويله > قصص – روايات - قصص قصيرة - روايات كاملة - روايات طويلة - قصص واقعية - Stories




قصص – روايات - قصص قصيرة - روايات كاملة - روايات طويلة - قصص واقعية - Stories


إضافة رد
 
أدوات الموضوع انواع عرض الموضوع
قديم 10-14-2008, 07:14 PM   #11
بحر الآلمـاس
.:[ ماسة المنتدى ]:.

الصورة الرمزية بحر الآلمـاس

رقم العضوية : 15
انظم بتاريخ: Jul 2008
عدد النقـــاط : 10
الجــنـس : شابة
الاقامـة:
المشاركــات : 1,386  


مجموع الاوسمة: (أكثر» ...)

My MMS
بحر الآلمـاس غير متواجد حالياً   رد مع اقتباس
قديم 11-04-2008, 02:46 PM   #12
بحر الآلمـاس
.:[ ماسة المنتدى ]:.

الصورة الرمزية بحر الآلمـاس

رقم العضوية : 15
انظم بتاريخ: Jul 2008
عدد النقـــاط : 10
الجــنـس : شابة
الاقامـة:
المشاركــات : 1,386  


مجموع الاوسمة: (أكثر» ...)

My MMS
افتراضي

وريف خافت بس زياد تقدم لابو عبد الرحمن وهي معه
ناظرت بزياد وزياد ابتسم لها ومدت يدها لعمها اللي جرها يمه وحضنها : وشلونك يالغاليه يابنت الغالي
وريف سمعت نفس صوت ابوها .. نفس الحضن .. نفس الريحه .. نفس الشكل ماتت من البكا بحضن عمها ماكان هامها المجلس اللي مليان رجال.. هداها عمها ورجعت مسكت زياد
ابو عبد الرحمن : وشلونك يابنتي
وريف: انا بخير انت وشلونك ياعمي .. ابوي (((خنقتها العبره))) يسلم عليك
ابو عبد الرحمن: الله يسلمه يارب وينه قطعنا مره وحده له كم سنه والله اني عتبان عليه قوليله البيت بيته هو وامك
وريف بصوت مخنوق: ادعو له بالرحمه..
الصدمه غيمت على كل من كان بالمجلس
ابو عبد الرحمن: مات!!!!!
زياد: ايه نعم من اربع سنين متوفي الله يرحمه
ابو عبد الرحمن: وانت ولده.؟
زياد: لا لا هو ماجاب الا بنت وحده اللي هي وريف
ابو عبد الرحمن: اجل انت زوج وريف
زياد مسك ضحكته : لالا ياطويل العمر انا اخوها من الرضاعه ومن يوم عرفت وريف اني اخوها طلبت تجيكم وتنفذ وصية ابوها الله يرحمه
الجميع: الله يرحمه
ابو عبد الرحمن : ياعبد الرحمن إتصل على لمياء تجي تاخذ وريف تدخلها داخل ويسوون قهوه للضيف
عبد الرحمن : ان شاء الله

واتصل على لمياء
لمياء بصراخ: نعم
عبد الرحمن: نعامه ترفسك سبعين الف رفسه
لمياء : وجعععععع ترفسك انت ان شاء الله
عبد الرحمن: خلصيني تعالي بسرعه خوذي البنت
لمياء: أي بنت؟؟؟
عبد الرحمن: بنت عمي عبد الرحمن
لمياء: هاااه؟
عبد الرحمن: ترى مو وقت ذروة الغباء بسرعه تعالي
وقفل بوجهها ورجع دخل المجلس

شوق: هاه بشري وافق يطلعنا؟؟؟
لمياء بتناحه: لالا ما وافق بس يقول عمي عبد الرحمن
شوق : واااااااااااو جاء؟؟؟ والله اشتقت له
لمياء: لا يقول بنته ويبني آخذها
شوق: طيب روحي وش تنتظرين
لمياء استوعبت وقالت بصراخ وهي متخصره : مو انتي اللي معطلتني
شوق: طسي هناك يالعله

لبست لمياء جلالها وطلعت شافت البنت اللي واقفه مع واحد عند المجلس لما قربت منهم شهقت : زيااااااااااااد
زياد تفشل ووريف ماتت ضحك
انتبهت لمياء لرجتها : اممم انتي بنت عمي عبد الرحمن
وريف: ايه انا
لمياء صرخت :واااااااااااااااااااو
وحضنت وريف
لمياء: تعالي عندنا داخل
وريف ناظرت بزياد
وزياد ابتسم: ادخلي مع بنت عمك
راحت وريف ولمياء داخل .. شوق اللي من طلعت لمياء نشرت خبر وصول بنت عبد الرحمن وصارو كل البنات ينتظرونها بالصاله
اول مادخلت لمياء :يمممممممممممه قسم بالله انكم تخرعون
شيماء: مالت عليك ((وتكلم وريف)) من جد انتي بنت عمي عبد الرحمن
وريف: ايه انا بنته الله يرحمه
شوق شهقت : مات؟؟؟
وريف بتبكي : ايه
لمياء حست بوريف: يالله يا ... اا على فكره وش اسمك
وريف: اسمي وريف
لمياء : يالله اكشفي وجهك
وريف: مافيه رجال هنا؟؟
لمياء: لالا
وريف كشفت وجهها والكل تنح فيها ماشاء الله وش هالزين
شيماء :عرفيها علينا
لمياء: هههههه طيب شوفي يا وريف هذي شيماء اختي وتوأمي وهذي اكبر غلطه بحياتي اعمارنا 21 و3 شهور
شيماء: مالت عليك
لمياء : وهذي صبا اختي الصغيره بأولى ثانوي عمرها 15
لمياء تكمل: وهذي شوق عمرها 23 وشروق عمرها 19 و رغد عمرها 15بنات عمي ناصر ..
وهذولا الاربعه وتين عمرها 22وليان21 وميان 20ولميس وهي توأمي الروحي19 بنات عمي ماجد
لميس : انا ولمو مربوطين بحبل سري
الكل : ههههههههههههههههههههههههههههههههههههههههه
بعد ماسلمت عليهم وريف قالت وتين: وريف اطلعي معنا تسلمين على امهاتنا وجدتي
وريف: اوكي يالله
طلعو البنات مع الدرج اللي كان بنص الصاله وكانت أول غرفه عاليمين مفتوحه وقبل يدخلونها صرخت لمياء: بناااااااااااااااات توقعو مع من وريف؟؟
البنات تلفتو حولهم : مامعها احد
لمياء: ياغبيات قصدي اللي جايبها منهو
ميان: مين يعني؟
لمياء تنهدت : زياااااااااااااااااااااد
طلعت عيون البنات والتفتو لوريف اللي تضحك : من جد؟؟
وريف: هههههههههههه ايه اخوي من الرضاعه
لميس: وااااااااااااي ماتبادليني بأخوك
البنات: هههههههههههههههههههههههههههههههههه
طلعت جدتهم نجلاء من غرفتها : وجع وجع وش هاللجه والصجه.؟؟؟
لميس تهمس: وريف حبيبي هذي جدتي نجلاء أم ابوك الله يرحمه
تقدمت وريف من جدتها
الجده: من انتي
وريف مبتسمه: وشلونك ياجده؟؟ انا وريف بنت عبد الرحمن
الجده حضنتها من قلبها وبكت
الجده نجلاء: وشلونك يابنيتي وشلون ابوك هان عليه يتركني هالمده كلها .. امك وشلونها؟؟
وريف بتأثر : جده ابوي يسلم عليك .. وهو متوفي من اربع سنين
الجده نجلاء: يااااويلي عنك ياوليدي
وصارت تصيح .. ووريف تصيح معها
وتين: يمااااااه نجلاء علامك خلاص ادعي له بالرحمه نكدتي عالبنت
لميس تحضن وريف: خلاص تعالي معنا الغرفه
راحو البنات الغرفه وقدروا يسلون وريف عن بكاها شوي
اما ابو عبد الرحمن دخل البيت يبي يشوف امه بعد مانزلت له الصاله
الجده نجلاء: ارتحت ياخالد؟؟ هذا هو أخوك توفى وهو متضايق.. حرمتني قربه بحياته .. ويوم قطعنا قلت لك رووح دور على اخوك إسأل عنه بس انت عييت وعصيتني حسبي الله عليك من ولد
ابو عبد الرحمن عيونه بالارض: خلاص يمه اللي صار صار واليوم عزا عبد الرحمن الله يرحمه بيبدا
الجده نجلاء: حسبي الله عليك ونعم الوكيل .. حرمتني من ولدي عشانه ما اعرس على بنت عمه .. آآآآه ياحر قلبي عليك ياولدي آآآآه
ابو عبد الرحمن: يمه استهدي بالله .. عبد الرحمن يبي منك الرحمه اللحين
الجده ماردت عليه أخذت عكازها وطلعت مع الدرج
العصر كانو البنات متجمعين كلهم بغرفة لمياء : اهااا يعني ابوي ماكان يبي امك؟؟
وريف: ايه لأنها من خارج العايله
ليان: توقعتيني حلوه كذا
البنات : هههههههههههههههههههههههههههههههههههههه
وريف: ماتخيلت عندي بنات عم كثير وطيبين
دخلت صبا ماسكه رغد بيدها : اقول ياحمير اقصد ياحريم ابوي يقول خلو وريف تلبس جلالها وتطلع تسلم على عيال عمانها
شيماء: حمير ترفسك ان شاء الله .... وزياد معهم؟؟؟
البنات: هههههههههههههههه
صبا : وانا وش دراني
طلعت صبا ورغد ولبست وريف جلالها مثل ماقالو لها ونزلت مع جدتها نجلاء اللي دخلت تاخذها لأعمامها وعيال اعمامها
كانو كلهم بالصاله جالسين ينتظرونها نزلت الجده نجلاء ومعها وريف
ناصر : هلاهلا بالغاليه تعالي سلمي انا عمك ناصر
راحت وريف تسلم عليه وكمل ناصر : وهذا فهد وسعد عيالي
وريف: اهااا اخوان شوق وشروق ورغد؟؟
ناصر: هههههههههه ماشاء الله حافظتهم صم
فهد: على طاري صم سمعتي ياريوف اخر نكته
سعد : يالخبل وريف مو ريوف
فهد: اللي هو .. المهم سمعتي اخر نكته
وريف تضحك بخفه :ههههههه لا وش هي؟
فهد: فيه حمار ينهق وهو مغمض ليه؟
وريف: ليه؟
فهد: حافظها صم
ههههههههههههههههههههههههههههههههههههههه
وريف :هههههههههههههههههههههههههههههههه
ناصر : ياربي عوض علي بهالخبل
ماجد: تعالي يبه سلمي علي انا عمك ماجد
راحت وريف تسلم عليه
وتكلم مالك: وانا ولد عمك ماجد وهذا اخوي هاشم وهذاك الدب اخوي تركي
تركي: الدب انت يالوسخ
ماجد: ياحوووول فشلتونا
عبد الرحمن نزل ناظرته الشمسيه على طرف خشمه: وانا عبد الرحمن عدو البنات اللدود
تكلمت لمياء اللي تتابع هي والبنات من الدور العلوي
لمياء: مالت عليك
عبد الرحمن: مالت عليك طوفه
الكل: ههههههههههههههههههههههههههههههههههههه
عامر : وانا اخو عبد الرحمن عامر
ثامر: وانا توأم عامر واسمي ثامر
وريف ضحكت عليهم : هههههههههههههههه
وريف جلست وهي تحس بإرتياح بعد نص ساعه من هوشات عيال عمها قامت وريف :طيب عن اذنكم ابروح اصلي المغرب

طلعت وريف وهي بتشقق من الفرحه دخلت على البنات اللي كانو بينهم حرب المخدات اول مادخلت وريف جاء في وجهها مخده صرخت: ااااااي عورتوني
شيماء: ههههههههههه بتتعودين
قامت وتين : الغبيه لميس هي اللي رمتها معليش قلبو
وريف تبتسم : لا عادي
ميان: تصدقين كنا نتهاوش نقول وين تنامين
وريف : وش قررتو
ليان: للحين ماقررنا
لمياء: الا قررنا .. على سريري ان شاء الله
صبا: لاااااا على سريري
شيماء: ولا انتي ولا هذي ان شاء الله على سريري
وريف ميته من الوناسه: لا انا بنام عالارض
شروق: ياااااااااااااااااااااااكبرها عند الله ترقدين على الارض
بهاللحظه دق جوال وريف .. نطت لمياء عندها : اذا زياد افتحي السبيكر
ضحكت وريف وفتحت السبيكر
زيااد: هلا حبيبتي شلونك
لمياء مسكت راسها من كلمة حبيبتي وضحكت وريف
زياد: شفيك تضحكين
وريف: ههههههههههه بنات عمي يضحكون
زياد: يعني مرتاحه
وريف: الحمد لله
زياد: انا بروح التدريب تامريني بشي
وريف : لاسلامتك وانتبه لنفسك
زياد: وانتي بعد ... على فكره كلمتي أمك؟؟
وريف: ايه اول ما وصلنا بس طمنتها وقفلت
زياد: اجل سلمي عليها سلام
قفلت وريف وصرخت لمياء:وااااااااااااااي يجننننننننننننننننننن
البنات: هههههههههههههههههههههههههههههه
وتين : وهـ بس فهد أحلى
رغد: وييييييييييييييييييييييييييييييييييع القرد بعين خطيبته غزال
وتين: قرد بعينك

انفتح الباب ودخلت الشغاله ماسكه علبه كبيره مغلفه
صبا: واااااااااااااو وش ذا
حطت الشغاله الهديه وطلعت نطو البنات وشروق فتحت الكرت مكتوب
((بنت عمي وعدوتي الجديده هذي هديه بمناسبة ظهورك عالدنيا اخوك وولد عمك وعدوك عبد الرحمن ))
شيماء: لاااااااااا مو معقول عبد الرحمن يجيب هديه
لمياء: لا مو اخوي هذا
شوق: وريف افتحيها بسرعه
وريف مستانسه من تقبل اهل ابوها لها فتحت الهديه وليتها مافتحتها اول ماشالت الغطا طارت الصراصير بالغرفه وصراخ البنات وصل لآخر الدنيا وريف رمت الكرتون على لمياء اللي قدامها . ولمياء بغى يغمى عليها طلعو يركضون من الغرفه والصراصير وراهم طلعت .. عبد الرحمن اللي كان بالصاله مع الباقين يوم سمع الصياح ضحك : ههههههههههههههههه هدف لنا
وريف كانت تنتفض مثل الطير
شيماء اللي هلكانه من الركض : مسكينه مو متعوده شوفو شلون خايفه
وتين: هييييييييييين يالتبن عبد الرحمن
لمياء: ااااااااااه اوريه الحيوان
لميس: بردها له والله لا أردها له
وريف: لالا واللي يعافيك مانبي مشاكل
ميان: أي مشاكل .. عادي حنا كل ما اجتمعنا كذا وبعدين انتي اللي المفروض تردينه لان المقلب لك
وريف: طيب وش اسوي؟؟
ميان: لازم نردها له بحرافه
لمياء: عبد الرحمن يخاف من البريعصي
البنات: وععععععععععععععععععععععععععععععععععععععع
لمياء: بس حنا مانقدر نمسك بريعصي
لميس : بس لقيتها
شيماء: طيب تعالو ندخل غرفة صبا
دخلو البنات وإستأذنت وريف وطلعت تكلم أمها.. إتصلت على جوال شادن
شادن: اهلييييييييييييييين
وريف: هلا وغلا
شادن: وحشتيني والله البيت بدونكم ولا شي
وريف: تسلمين قلبي وشلون امي ؟؟
شادن: هذا هي جنبي خوذي كلميها
وريف: طيب
ام وريف: هلا يايمه
وريف خنقتها العبره: يمه شلونك؟؟؟ احبك يمه وحشتيني
ام وريف: وشلون اهل ابوك؟؟
وريف: كلهم طيبين حتى عمي خالد مره طيب
ام وريف: جدتك نجلاء شلونها؟؟
وريف: يمه تعرفينهم؟؟
ام وريف: هي اللي كانت تدافع عني
وريف: بخير وكلهم يسلمون عليك وانا اللحين ابقفل بروح اقعد مع بنات عمي
ام وريف: الله يحفظك طمنيني عنك

قفلت وريف من امها وراحت عند البنات يتعرفون على بعض
فتحت عليهم الباب جدتهم نجلاء : يالله يابنات بننزل نتقهوى مع اعمامكم
نزلو البنات وعبد الرحمن من يوم شافهم مقبلين مات من الضحك
لمياء بهمس: ضحكت من سرك
جلسو البنات
عبد الرحمن: هاه وريف شلون الهديه
وريف : هذي هديه؟؟؟ بغيت اموت
عبد الرحمن: هههههههههههههههههههههه هذا المطلوووووب
فهد: صراخكم فجر اذانينا .. هذا وهو صرصور
لميس قامت من مكانها : وين راجو؟؟
تركي: ارسلته للمطعم
لميس انقهرت: نعنبوك انت ماتشبع .. بطنك مصنوع من استرتش
هنا الصاله تفجرت من الضحك عيال وبنات واباء
تركي بإحراج: مادفعتي من فلوسك شي
لميس بعصبيه : انا بطلع احتري راجو صديقتي تبي اشياء برسلها معه
طلعت لميس وطيران على غرفة عبد الرحمن اللي كان بانيها بنص الحديقه الخارجيه

دخلت الغرفه وهي ميته ضحك على اللي بتسويه حطت جلالها على سرير عبد الرحمن وطلعت من جيب تنورتها علبة الدبابيس الصغيره وشافت ثياب العيال كلهم اللي ينامون في غرفة عبد الرحمن وصارت تحط بالثياب دبابيس وهي ميته من الضحك تتخيل اشكالهم خلصت شغلها بنجاح منقطع النظير لبست جلالها ورجعت البيت
فهد: هاه جاء راجو
لميس: لا ماجاء بس انا تعبت ورجعت
ابو سعد : يالله ياعيال قومو اجهزو اليوم اول يوم من ايام عزا عبد الرحمن الله يرحمه
الجميع: الله يرحمه
طلعو الرجال من الصاله
ولميس ماتت من الوناسه لأن عيال اعمامها اللحين بيلبسون الثياب
اول ماطلعو العيال من البنات
وريف: هاه بشري.؟؟؟
لميس: افاا عليكم تمام التمام ههههههههههههههه يالله نطلع نشوف ردة الفعل
طلعو البنات يتسحبون بهالظلما لين وصلو طاقة غرفة عبد الرحمن اللي مفتوحه
كان عبد الرحمن منسدح على السرير وفهد وعامر يسولفون وتركي ياكل اللي جاب له راجو .. دخل مالك واخذ ثوبه يلبسه وماسمعو الا صراخه... آآه آآآه آآه
البنات حاطين يدينهم على افواههم يكتمون الضحك .. وكل من لبس ثوبه يصارخ آآآه آآآه آآه
عبد الرحمن اللي كان ثوبه مليان دبابيس بعد مافصخ ثوبه ناظر بجسمه شاف الدم يصب
عبد الرحمن: لعنة الله على ابليس هالبنات
لميس: ههههههههههههههههههههه عشان لا تتحدون مره ثانيه
تخرعو الشباب من البنات اللي كانو مرتزين على الطاقه من برا وحطو رجولهم للبيت

دخلو البنات غرفة لمياء بعد مانظفتها الشغاله من الصراصير ميتين من الضحك على نجاح الخطه
عدت ايام العزاء وانتشر خبر وفاة عبد الرحمن بين القبيله
وريف كانت نايمه على بطنها على سرير لمياء .. شروق كانت نايمه عالكنبه ولمياء نايمه جنب وريف .. وشوق ووتين نايمين عالارض
اما ميان وليان ولميس نايمين بغرفة شيماء.. واما رغد فـ بالتأكيد نايمه بغرفة صديقة عمرها صبا
صحت شروق شافت الكل نايم ناظرت بجوالها الساعه 2 الظهر طفت المكيف وفتحت الطاقه وفتحت النور وطلعت من الغرفه ..
بعد ربع ساعه قامت وريف ميييييييته من الحر : اوووووووف من سوى كذا؟
وتين: شروووووووووووووق لعنة الله على ابليسك
وريف تفرك عينها: شروق مو هنا
وتين :بس .. هي اللي مسويه كذا
دخلت شروق بعد ماسمعت اصواتهم :هااااااااااااي
وتين ناظرت شي حولها تحذف فيه شروق بس مالقت الا جوالها أخذت الجوال ورمته عليها
شروق: آآآآآآآآآي يامال الكسر عورتيني
قامو البنات بعد ما تروشو يتغدون
لميس: بنات وحده منكم تترجى العيال يطلعونا
ميان: ورا ماتترجينهم انتي؟؟؟
لميس: تبينهم يلعنون خيري؟؟؟ انا مجرحه أجسامهم قبل كم يوم هههههههههههههه والله اني مقديه
وريف: بنات
الكل: هلا
وريف: اش رايكم اقول لزياد يطلعنا
البنات صراااااااااااااااااخ: واااااااااااااو ايه موافقين
وريف: هههههههههههههههههههههههه
وريف أخذت جوالها وارسلت لزياد ((ممكن تطلعنا اليوم نتمشى))
ورد عليها((اذا تبون اللحين موافق بس الساعه 5 ابروح التدريب))
وريف: يابنات يقول الساعه 5 بيروح التدريب اش رايكم اللحين
لمياء تتنهد: مافيه مشكله اهم شي نرووووووووووووح
البنات: ههههههههههههههههههههههههههه
وريف كتبت مسج لزياد ((موافقين ربع ساعه ونجهز))
قامو البنات ركض لبسو عباياتهم ولمياء ترجف مو قادره تثبت
شيماء: هيييييييييه يالأخت علامك
لمياء: مدري مدري شكلي منيب رايحه
وتين: عشان اهفك كف يعلمك
لمياء: طيب بروح

يوم طلعو من البيت زياد انصدم .. هذولا باص مايكفيهم ..
ميان: وااااااااااافشيلتي خرعنا الولد
لمياء: اشعر بدوار البحر
البنات: هههههههههههههههههههههههههههههه
وتين: ساعه بقرب الحبيب
لمياء اللي ترجف: اقترب يومك ان شاء الله
ليان: ياربيه مثل اخوها بس تدعي

بحر الآلمـاس غير متواجد حالياً   رد مع اقتباس
قديم 11-04-2008, 02:50 PM   #13
بحر الآلمـاس
.:[ ماسة المنتدى ]:.

الصورة الرمزية بحر الآلمـاس

رقم العضوية : 15
انظم بتاريخ: Jul 2008
عدد النقـــاط : 10
الجــنـس : شابة
الاقامـة:
المشاركــات : 1,386  


مجموع الاوسمة: (أكثر» ...)

My MMS
افتراضي

زياد نزل من السياره : ما يكفي
لمياء بهمس لوتين: بموووووووووت
وتين كاتمه ضحكتها بس كتوفها تهزهز
وريف: يعني شلون؟؟
شيماء: يعني نتصل على واحد من هالكائنات الحيه اللي داخل ويودونا
زياد: طيب احد يكلمهم ذبحتنا الشمس
لميس: شوق طلبتك كلمي على فهد
وتين : لالالالالالالالا
لميس: ليش؟
وتين: ابي آخذ راحتي ما ابي استحي
البنات: هههههههههههههههههههههههههه
شوق: فهود طلبتك اطلع بسرعه
فهد: شسالفه؟؟
شوق: اطلع وتعرف
وقفلت بوجهه .. طلع فهد من غرفة عبد الرحمن وانحط امام الامر الواقع لأنه تفشل من زياد لايردهم
لمياء: انا ابركب مع فهد ما اقدر اركب مع زياد
شيماء: مانتيب صاحيه
فتح فهد سيارته بالريموت وراحو البنات يركضون يركبون بعد ما اتفقت معاهم لميس يورطون لمياء
ركبت شوق قدام
شروق: شواقه طلبتك ابركب قدام
شوق: لاااااااااااااا انا الكبيره
شروق ركبت ورا وهي تحلطم وركبو ميان وليان وشيماءمعاها ورا
لمياء بتبكي...
وريف اركبت قدام جنب زياد .. ولميس ووتين ركبو ورا
لميس فتحت القزاز : لمياء
لمياء: هاه
لميس: اركبي ولا تبين عزيمه
وريف تضحك وزياد متفشل انه يضحك
لمياء جات متفشله وركبت ورا وهي ساكته

بسيارة فهد
فهد: وين وتين؟؟؟؟
شيماء: وتين يقالها متفشله تركب معك
فهد: الله واكبر منين هالحيا؟
ميان: هههههههههههههههههاااااي ياويلنا من لمياء
ليان: هههههههههههههه اظنها بتذبحنا
شوق: ومن اللعانه راكبين فوق بعضكم عشان مايصير لها مكان
البنات: هههههههههههههههههههه
فهد: شفيها لمياء؟؟
شوق: آآآ ..آآممممم لا ولا شي
فهد: حمد لله والشكر

بسيارة زياد .. الكل يتكلم ماعدا لمياء اللي تحس قلبها بيطلع
زياد استانس على البنات حس انهم مثل خواته يسولف ويضحك معهم بس كان مستغرب من سكوت لمياء
وقف زياد عند محل ايسكريم ووقف فهد وراه..
زياد: هاه وش تبون.؟؟؟
لميس : ابي مطاريس

زياد طلعت عيونه: وشهو
وتين: ههههههههههه جدتي تقول على ايسكريم شوكلاته وفانيليا مطاريس
وريف: وييييع ربي يكرم النعمه
زياد: ههههه واحد مطاريس وبعد؟؟
وريف: انا فانيليا
وتين: وانا توفي
لمياء كانت ساكته قرر زياد يتكلم : وانتي يالمياء
لمياء صابتها رجفه: ما ابي شي
لميس بتحرجها : جيب لها على ذوقك
طلع زياد من السياره ولمياء قامت تصيح
وريف: لمو ياقلبي شفيك؟؟ تبين ترجعين؟؟
لميس: يوووووووه اسفه مادريت انك خبله كذا
وتين: وش هالحب الاقشر؟؟

لميس: هههههههههه اسكتو الرجال جاء
سكتت لمياء ودخل زياد
طلع من الكيس الفانيليا حقته والفراوله حقت اخته وباقي الكيس حطه ورا : تفضلو
لميس: شووووكرررراااان
أخذت لميس مطاريسها اقصد ايسكريمها ووتين اخذت اللي طلبته ولمياء ناظرت بالكيس يوووووه جاب لي نفس ايسكريمه فانيليا..أخذته وهي ساكته

بسيارة فهد دخل عليهم وهو جايب لهم كلهم شوكلاته
شيماء: يالنجس ماطلبنا شوكلاته
فهد: والله يوم رحت هناك نسيت وش طلبتو ... قلت أجيب لكم كلكم مثلي
البنات: اووووف
’,
’,

فيصل: انت ليش مشغول بالك عليها؟
عبد العزيز: عمرها ماغابت 4 ايام متواصله .. ياخي حتى المنتدى ماتدخله ..
فيصل: يمكن ظروف
عبد العزيز: اكيد ظروف والله يستر..

قام عبد العزيز يسوي له شاهي .. يارب استر عليها من زوجة خالها .. لايكون مضايقتها بشي والبنت منتحره ..آآآه لو اعرف طريقها ولا بيتها والله لا أروح .. انا حاس ان فيها شي .. اكيد فيها شي...

رجعو البنات وقبل تنزل وريف مسك زياد يدها عشان لاتنزل .. بعد مانزلو البنات من السياره
وريف: مشكور عالطلعه
زياد: العفو .. بس بسألك
وريف: امر
زياد: لمياء وش فيها؟؟
وريف: هههههههههههههههههههههههههه
زياد: وش فيك؟؟
وريف:اممممم ههههههههه انت السبب
زياد :انا؟؟
وريف: ههههههههههههههه
زياد: وش فيك؟؟ انا قلت شي غلط يعني ولا سويت شي؟؟
وريف: لالا ههههه واي بططططني هههههههههههههههه
نزلت وريف من السياره لحقت البنات وزياد مو فاهم شي
كانت وتين توصف شكل لمياء والبنات ميتين ضحك عليها
لمياء: لا تضحكون اقسم بالله حسيت ودي ارمي نفسي من السياره مرتين
وريف: ههههههههههههههههههه توه زياد يسأل عنك
لمياء: وااااااااااااااااي قولي قسم
شيماء: على اللي سوته اكيد بيقول هذي فيها حاله نفسيه
البنات: ههههههههههههههههههههههههههههههه
طلعو البنات لغرفة شيماء اللي على طول قعدت على كرسي الكمبيوتر وشغلته
شيماء: لي فتره عن النت من يوم جيتو عندنا
لمياء ووتين مرتزين على الطاقه يناظرون زياد وفهد يسولفون تحت .. ووريف ولميس وميان يسولفون
ميان: الا تعالي اليوم صديقتي تقول خواطر صارت مشرفه
وريف سمعت اسم خواطر وطلعت عيونها
وريف: من خواطر؟؟
ميان: خواطر مكسوره اللي بمنتدى الـ.....
وريف تبتسم : وش فيها؟؟
ميان: بس إنسحبت قبل كم يوم
وريف: تحبينها؟؟
وتين: ما افهم شي من كتاباتها بس ارحمها
وريف حزت بقلبها الكلمه: ليش ترحمينها؟؟
وتين: احسها حزينه
ميان : بالعكس احسها رومنسيه حاااااالمه
ابتسمت وريف
لميس : احسها تشبه أستاذة القواعد حقت المتوسط
البنات :ههههههههههههههههههههههههههههههههههههههههه
وريف: شيومه قلبي فتحتي المنتدى؟؟؟؟
شيماء: يس
قامت وريف قدام البنات وسجلت دخولها خواطر مكسوره
ميان مسكتها مع كتوفها : إحلفي
وريف تضحك: هههههههه والله انه انا
ميان تصرخ : وااااااااااااااااااااااااااااااااااااااااو
وحضنتها
وريف لقت رسالتين خاصه وحده من مدير المنتدى يهنيها بالإشراف والثانيه من أسيرة الذكريات
((خواطر شلونك؟؟ عسى خير لك كم يوم ماتدخلين الماسنجر ولا المنتدى شغلتيني عليك))
ميان : من هذي؟؟ ميب معنا بالمنتدى وآخر خاطره لك تكلمتي عنها
وريف : هذي ياطويلة العمر ماعرفتها الا بالماسنجر حتى إسمها ما اعرفه أصلا ماجاء في بالي أسألها عن اسمها وتدرس ببريطانيا وطيبه حيل وحبوبه
شيماء: اهاا ماتشارك بالمنتدى صح؟
وريف: ايه ماتشارك وبتنزل كتاب قريب
شيماء: ماشاء الله .. يعني كتاباتها حلوه
وريف: تجنن ماشاء الله
وتين : يالله عاد قفلو النت خلونا نسولف انتي فتره وبترجعين بيتكم خلينا نستانس
سجلت خروجها وريف وقفلو المنتدى .
عبد العزيز كان مسجل دخوله بكبرياء الجرح اول مالمح اسم خواطر مكسوره فتح ايميله ولالقاها وسجل دخوله بإسم اسيرة الذكريات بس كانت الصدمه ... دخلت وقرأت الرساله الخاصه وطلعت ولا ردت ...
ليش؟؟؟
انا وش غلطت فيه؟؟
وش زعلتها فيه؟؟؟
هين ياوريف .. مو عبد العزيز اللي تهمشينه .. مو عبد العزيز اللي تركنينه
سجل خروجه وقفل النت بكبره

وريف: آآآآآآآه الوقت عندكم يمر بسرعه من الوناسه .. ياليت فجر وشادن هنا
وتين: من فجر ومن شادن؟؟
وريف تبتسم: فجر توأم روحي وصديقتي وشادن بنت خالي
لمياء: اخت زياد؟؟
وريف: ههههههههههههههههههه ايه اخته
لمياء: وش فيك تضحكين
وريف: ههههههههه انتي نكته عمري ماشفت مثلك
ميان: وهـ جوعاااااااااانه
وتين: وانا بعد
شوق: وانا
وريف: وانا بعد .. بنات بغيت أسألكم
لميس: امري
وريف: رغد وصبا وينهم؟؟ خاطري اجلس معاهم
لميس: هالثنتين شياطين ماتدرين وين يروحون
وتين: بنات وش رايكم نروح نشوف شيسوون
وريف: انا ودي أقعد معاهم
ميان: ترى ذاك اليوم شفتهم بالمخزن اللي تحت يوم رحت ادور شغالة خالتي
لميس تشهق: الملاعين شيسوون
وتين: تكفون قومو نشوفهم
لميس: شرايك وريف
وريف: معاكم معاكم
قامو البنات يتسحبون من غرفة لمياء اللي صايره المقر الرسمي لهم فتحو غرفة صبا مالقوهم
ميان: أكيد بالمخزن
ليان: واااااااااي هناك حر يخرب استشواري
لميس: وش المهم نشبع فضولنا ولا شوشتك ؟؟ امشي بس
نزلو البنات الدور الاول توهقو كانت جدتهم جالسه بالصاله
لميس راحت بسرعه يم جدتها وصارت تبوسها على راسها : وشلون جدتي نجول الحبيبه
وتأشر من ورا ظهرها للبنات يعني انزلو .. نزلو البنات وهم ميتين من الضحك
الجده نجلاء: لميسوه غربلك الله عورتي راسي
لميس : افاا هذا وانا احب راسك .. يالله بروح انا زعلانه
الجده نجلاء تـأففت: والله ماغيرهم العيال يداوون العله ماهو مثلكم ماغير هرج
وطارت لميس عالمخزن اللي كان ظلام مافيه نور غير نور جوالها شافت البنات ينتظرونها بنص درج المخزن
وتين بهمس: يالخبله طفي نور جوالك تبين تفضحينا؟؟
لميس بهمس: زيييين انا كنت ابي اشوف
نزلو البنات شوي شوي وشافو نور طالع من المخزن
ميان: يمااااه خايفه
لميس: وجع اكيد هالسلق جايبين معهم كشاف
وطلع صوت رغد وصبا يضحكون
دخلو البنات المخزن شافو صبا ورغد معطين ظهورهم للباب ومجتمعين حول صندوق
لمياء شهقت بشويش: هذا صندوق عامر
قربو البنات لين صارو بالضبط ورا صبا ورغد ويوم انتبهو للي بالصندوق صرخه وحده : واااااااااااااااااااااااااااااااااااااااااااا
رغد وصبا تخرعو وصرخو : آآآآآآآآآآآآآآآآآآآآآآآآآآآآآآآآآآآآه
المخزن كان فاضي وصوت الصراخ سوى صدى .. الصراخ هز البيت كله
كانو توهم الشباب داخلين يقعدون مع جدتهم وكانو مدخلين زياد بالغصب لأنه بالبدايه رفض مستحي منهم بس بعد إصرار الجده دخل
سمعو الصراخ .. ووقف عبد الرحمن بيشوف شسالفه بس يسمع الصراخ يقترب ويقترب وفجأه البنات طلعو من درج المخزن أشكالهم تخرع وكلهم يبكون ..
وريف طاحت عالأرض ميان غطت وجهها وقعدت بالارض تصارخ لميس ماسكه شعر رغد وتبكي ليان ماقدرت تتوازن ولحقت وريف .. صبا واقفه تلهث من الركض .. وتين فصخت شبشبها وصفقت فيه صبا وشروق قامت تستفرغ((اكرمكم الله))
عبد الرحمن بصرخه : شفيكم؟
وتين ولميس وميان ورغد وصبا وشوق وشروق وشيماء ولمياء طارو على الدور الثاني بعد ما انتبهو للشباب
ليان ووريف للحين طايحين
راح هاشم مسك ميان مع كتوفها ويضربها على خدها
زياد وده يروح لوريف بس عيب مايصير
ميان : الجثه الجثه
هاشم طارت عيونه: من ذبحتو
عامر صفق جبهته : الجثه .. حسبي لله عليكم من بنات
وراح ركض للمخزن وفعلا توقعه صح شاف صندوق الجثه مفتوح.. حسبي الله عليهم انا ماقلت لأحد عشان مايخافون
(( موقف حقيقي بجامعة القصيم ))


’,
’,
ليان كانت تقرا اية الكرسي وميته خوف
لميس بعد ماهدت : اشكالنا نكته كانت
وتين ترتجف: لمن هالجثه اللي كانت شكلها اجنبي مو عربي
صبا بلا مبالاه: هذي الجثه لعامر وكل كم اسبوع يجيب جثه
جديده ودايم ننزل انا ورغد نشوفها
شيماء: لعامر!!!!!!!!
لمياء: الله يلعن الطب وايام الطب .. وصلت فيه المواصيل يجيب الجثث لبيتنا انا اعلم ابوي عليه
ميان شالها هاشم ودخلها داخل
وزياد شال اخته ولاهو فاهم شي وحطها عالدرج أقل شي يبعدها عن عيون الشباب شوي
لمياء اللي كانت طالعه تقول لابوها على سواة عامر شافت زياد ودبرته بإخته .. كان محتار وين يوديها وبنفس الوقت ماهو مخليها مرميه كذا
لمياء من ورا الدرج: خلاص اتركها انا انزل مع البنات ونطلعها
زياد : خلاص بس انتبهو لها ترى هي دايم ينخفض ضغطها
لمياء: طيب
راح زياد بس بخاطره يتطمن على اخته وقف ورا الدرج إلا ويشوف ذيك الملاك اللي تنزل كانت لابسه كت أخضر وشورت جنز فوق ركبتها بشوي ولامه شعرها الأشقر ذيل حصان وقذلتها جايه على جنب وجهها حاولت تشيل وريف بس ماقدرت آخر شي عطتها كف
وريف: آآآآه
وقامت وريف تبكي
لمياء: وريف لاتبكين خلاص طلعنا من المخزن
وريف وهي تبكي: لمياء ابي ارجع لأمي
زياد سمع إسم لمياء وتوقف التفكير عنده.... بسرعه طلع للصاله خاف أحد ينتبه له
عبد الرحمن: هاه بشر شلونها؟؟
زياد: خليتها وحده من البنات بتنزل تصعدها فوق
عبد الرحمن: لاتخاف على البنات هذولا يرعبون مو يرتعبون
فهد: حرام عليك
مالك: ههههههههههه ايه مدام وتين معهم حرام عليه
فهد: انت اصلا اسم على مسمى .. مالك دخل
الكل: هههههههههههههههههههههههههههههههههه


طلعت وريف واللي ساندتها لمياء دخلو الغرفه اللي ضحكهم واصل آخر البيت
وريف: لكم نفس تضحكون والله اني للحين ارتجف
لميس: هههههههههههههههههه والله خوش مغامره .. اشكالنا تموت من الضحك وحنا نتطارد مع درج المخزن هههههههههههههههههه
وريف تتذكر : ههههههههههههه فشيله قدام خلق الله كلهم طحت ههههههه
وتين: واااافشلتي.. راحت نعومتي قدام فهد
البنات: هههههههههههههههههههههههههههههههههههههه
شيماء: متحمسه وتينوه فاصخه الشبشب تصفق فيه صبا
ليان: ميان وينها؟؟
وريف: مع هاشم تحت
شوق : كنت جيعانه بس اللحين لاعت كبدي
لميس: بنات شفتو شلون الجثه مقسوم الراس نصين
البنات: وععععععععععععععععععععععععععع
لميس استانست: وريحة المحلول تلوع الكبد
شوق: وييييييييييييييييع الوسخه شروق قامت تستفرغ
شروق : والله ماقدرت استحمل

عامر قفل صندوق الجثه اللي كان يستخدمها بالتشريح وقفل المخزن وطلع يقعد مع الشباب ..
ابو عبد الرحمن : ياولدي وشوله ماقلت لنا أقل شي نقفل المخزن
عامر: يبه مانيب جايبها اتصور جنبها انا جايب الجثه اتدرب عليها وشاريها من دم قلبي وماتكلمت لان المخزن محد يدخله ولابغيت اروعكم

والبنات كملو سهرتهم بسواليف وضحك

الساعه 10 الصبح دخل ابو عبد الرحمن غرفة لمياء شاف الكل نايم فيها ماعدا رغد وصبا .. ابتسم على اشكالهم وحده نايمه على بطن الثانيه والثالثه رجل بالارض ورجل عالسرير
ابو عبد الرحمن: يابنات بنات
وريف اللي ماتعودت أحد يصحيها فزت على طول : هلا عمي
ابو عبد الرحمن : صحي بنات اعمامك
وريف كلها نوم: ليش؟؟؟
ابو عبد الرحمن: مو زين نوم النهار
وريف: ايه طيب
طلع ابو عبد الرحمن من هنا ... وكملت وريف نومها من هنا
على الساعه 12ونص دق جوال وريف
وريف للحين نايمه: الو
ام وريف: قوه يمه شلونك
وريف صحصحت : هلا هلا يمه انا بخير طمنيني عنك
ام وريف : افاا للحين نايمه قومي صلي انا بخير انتي طمنيني عنك
وريف التفت حولها شافت الكل نايم تكلمت بإرتياح: والله يايمه لو اقولك من هنا لبكره طيبين ما اوفيهم حقهم ..حتى جدتي نجلاء تسألني عنك .. وبنات اعمامي يمه عسل والله من اول دقيقه ماحسسوني اني غريبه
ام وريف بإرتياح: الحمد لله وعمتك مريم شلونها؟؟
وريف: من ذي بعد؟؟
ام وريف: اهاا شكلك ماتعرفينها .. هي عمتك الوحيده طيبه حيل
وريف: يمه انتي شخبارك؟؟ وشخبار شادن
ام وريف: شادن عساني ما افقدها كل يوم وهي قاعده معي
وريف: سلمي عليها الظاهر طولنا على جوالها
ام وريف: وانتي الصادقه يالله مع السلامه
قفلت وريف وصحت البنات ونزلو يفطرون وقعدو مع امهاتهم شوي
’,
’,
عبدالرحمن: شباب فيه احد يخبر لي مكان يبيع طراطيع((العاب ناريه))
ثامر: انا عندي
عبد الرحمن فز : احلف
ثامر : قسما بالله تبي فحم .. ولا ثوم .. ولا صاروخ .. متوفره جميع الانواع
عبد الرحمن: ابي فحم حبه وحده بس
مالك : وش ناوي عليه
عبد الرحمن: بتعرفون .. بس تكتمل الخطه اذا البنات قعدو برا
زياد: ياويلك من الله .. ماتشوفهم شلون خافو امس؟؟
عبد الرحمن: ياخوي وسع صدرك ترى وجيههم مو وجيه شفقه ترى النجاسه كلها مخلوقه فيهم
تركي اللي كان ياكل بليله : والله شي بس ياليت المقلب يكون بتميس
فهد: من تميس؟؟؟
تركي يضحك : تميس يعني لميس
عبد الرحمن: والله حاله .. حتى معاييرك بالاكل
الكل: ههههههههههههههههههههههههههههههههههههههه

كانت الساعه 5 ونص العصر
عبد الرحمن : تروكي بعد قلبي
تركي : هااااه
عبد الرحمن: هواه يالدب
تركي: نعم؟؟
عبد الرحمن: نعامه ترفسك لين تفش هالكرش
والتفت عبد الرحمن على سعد
عبد الرحمن: سعد طلبببببببببببببتك
سعد: وش تبي؟
عبد الرحمن: تكفى انت اعقل واحد فينا روح لجدتي ونفذ اللي اقولك عليه تكفففففففففففى
سعد: لا تدخلوني بمقالبكم
عبد الرحمن: لالا انت سوها بحسن نيه وكأنها صارت صدفه تكفففففى
سعد: زين وش اقول لجدتي؟؟

قام سعد وسوا له درب للبيت ومثل العاده جدته قاعده بالصاله
سعد اللي باس راس جدته : وشلونك يمه نجلاء
الجده نجلاء: بخير ياعلك بخير
سعد: يمه وشوله كاتمين انفسكم بالبيت وربي موسع عليكم
الجده نجلاء: وشلون؟؟؟
سعد: انا اقول ورا ما نطلع كلنا بالحديقه نشم هوا
الجده نجلاء: ايووو والله صدقت
سعد: وقولي للبنات بعد يعني كلنا نقعد
الجده نجلاء: زين زين بس اقولهم ونطلع بس انت افرش الفرش
طلع سعد يفرش الفرش واخذت الجده عكازتها وطلعت للبنات

ميان: يوووووه ياجده والله تنعدم البشره مع الشمس
لميس: روحي بس .. والله وناسه اش رايكم بنات
الكل: موافقين
ميان: ياشينكم خلاص موافقه
بعد ربع ساعه بالضبط كانو البنات كل وحده لابسه جلالها وقاعده
شوق: ياليت العيال مايجون وربي ارحم .. اقل شي ناخذ راحتنا
لمياء: عيالنا بكيفهم بس اللي خبركم ياربيييييييييه اخاف يوقف قلبي
البنات فهمو وضحكو : هههههههههههههههههه
الجده نجلاء: منهو اللي على خبرك؟؟ هاه
لمياء:آآآ قصدي قصدي السواق
فطسو البنات من الضحك
عبد الرحمن من طاقة غرفته : مهبوله ذي يوقف قلبها من السواق
زياد فهم ان الكلام له .. بس ليش يوقف قلبها
عبد الرحمن التفت لعامر : عموري انت متهاوش مع البنات وماراح يكلمونك يعني لما تقول لجدتي قومي بيتفشلون يكلمونك ويحسبون انك ماخذ جدتي لانك مو طايقهم
عامر: وربي ودي اشفي غليلي من هالبنات
عبد الرحمن: اجل هذي فرصتك اطلع وخذ جدتي

طلع عامر من الغرفه وهو حاط يدينه بجيوب بنطلونه :مساء الخير يمه نجلاء
الجده نجلاء: هلا ياوليدي تعالي تقهو معنا
عامر يعنني زعلان: قومي يمه مشتاق لسوالفك مابي اقعد مع هالسلق
قامت الجده نجلاء: الله يعيني عليكم اليوم كل واحد يجرني من جهه
عبد الرحمن ماصدق طلعت جدته طلع من الغرفه اللي كانت بنص الحديقه ووريف انتبهت له بس حط يده على فمه يترجاها تسكت وفعلا سكتت
قرب منهم وولع الطرطيعه ورماها بوسطهم البنات مندمجين بالسوالف ما انتبهو الا بالتفجير اللي صاير وسطهم وصرخه وحده : واااااااااااااااااااااااااااااااااااااااا
ماعدا وريف اللي مسكت بطنها ميته من الضحك
الجده سمعت الصراخ ورجعت : بلا يبليكم وش فيكم انتو
عبد الرحمن اللي طايح علارض : بس ياهاشم وقف تصوير
كان هاشم واقف يصورهم من الطاقه والشباب جنبه متفقعين ضحك على البنات
لمياء أخذت حصاه ورمتها على عبد الرحمن اللي انحاش
لمياء: نعنبوك انت بتشيب فيني؟؟
زياد عرفها من صوتها وابتسم .. يالله شلون عايشين بوناسه الله لايغير عليهم
طلعو الشباب من غرفة عبد الرحمن وقعدو عالفرش مع جدتهم ولمياء من يوم شافت زياد سكتت مره وحده
وتين: ههههههههههههه والله ياهو مستاثم فيك هالزياد
جلسو وقامت ميان تصب لهم القهوه
ميان: اييي حاره
مالك : يعنني ناعمه طسي بس هاتيها
اخذ مالك القهوه وقام يقهوي الشباب لين تعب
مالك: نعنبوكم ماتروون قهوه؟ تعبت دبرو لكم احد يصب لكم
عبد الرحمن: انقلع مانبي منتك .. لمياء قومي صبي لنا
لميس: ههههههههههههه لو تحلم ماتقوم
البنات: ههههههههههههههههههههههههه
عبد الرحمن: تقوم غصبن عنها
لمياء بتبكي: لا
عبد الرحمن: لمياء قومي
البنات ميتين من الضحك عارفين لمياء ماتبي تقوم عشان زياد
عبد الرحمن بدا يعصب: لمياء بتقومين ولا اعرف شغلي
لمياء بخوف : ماني قايمه
وريف: خلاص انا اقوم
عبد الرحمن : انا قلت لمياء يعني لمياء
قامت لمياء بتاخذ الدله
عبد الرحمن بلعانه : خلاص خلاص هونت
لمياء : حمار
الكل: ههههههههههههههههههههههههههههههههههههه
أذن المغرب وقامو الشباب يصلون
وتين : بنات لازم نرد لهم المقلب
لميس: بس شلون؟؟ انا ماعندي أفكار أبد
ميان: ولا انا
ليان: ولا انا
شوق: ولا انا
شروق: ولا انا
وريف: ولا انا
وتين: مالت عليكم كلكم
لميس: طيب طلعي لنا فكره من بنات افكارك
وتين: امممممممممممممممم
شروق: بنات عندي فكره
الكل : وش هي؟؟
شروق: ماهي ذيك هي سيارة عبد الرحمن؟؟؟
لمياء: ايه
شروق: شرايكم نسوقها
شيماء: وريف تعرفين تسوقين؟؟
وريف: لايماااه اخاف
شروق: السياره اكيد توماتيك يعني نخلي السواق يشغلها وحنا بس علينا نلفلفها يمين ويسار
لميس نطت بحضن شروق وباستها :مشكوره عالفكره يا احلى بنات عمي
قامو البنات بعد مانادو السواق يشغل لهم السياره
كانو كلهم فوق بعض ورا
لميس اللي كانت بحضن وتين راكبين قدام
لميس: شوف راجو شغل السياره وانزل بسرعه
راجو شغل السياره ونزل وهي تمشي
لميس نطت بسرعه وصارت هي محل السواق وقفلت الباب وصارت تلف بالحديقه شافت باب الشارع مفتوح
وريف: تكفين اطلعي
لمياء: لاااااااااااااااااا الحي راقي ومحد موجود اللحين بننكشف
لميس: لا ماعليك بنرجع بسرعه بس انتو تغطو انا ما اقدر ابسوق
البنات : ههههههههههههههههههههههه
طلعت لميس مع باب الشارع وتحمد ربها انه كبير يعني قدرت تطلع منه بدون ماتحك بالباب صارت تلفلف بالشارع اللي حول البيت والبنات مهيصين ضحك ووناسه
وريف: لميسوه ارجعي البيت خلاص خايفه
لميس: ليش خايفه البيت ورا هالشارع
وريف: خلاص ارجعي والله لنا اكثر من نص ساعه خايفه انا
لميس: ياشين المبزره بس
لفت مع الشارع اللي كانت تعتقد انه شارعهم بس كانت الصدمه ماهو شارع بيتهم
وتين: يماااااااااااااااااااااااااااااااااااه ماهو الشارع
لميس مرتبكه بس ماتبين: يعني وين بيكون اكيد واحد من هالشوارع اسكتو انتو بس
وريف قامت تبكي
ميان: لاتبكين خلاص
صارت لميس تلف وتلف بس مافيه امل يلقونه
بدا التوتر على البنات وفجأه لميس بكت
لميس: والله مالقيته
هم سمعو لميس تبكي .. كلهم قامو يبكون
ولميس تلفلف : يدي عورتني ولا لقينا البيت
وريف: يمااااااااااه شوفو سياره تلاحقنا
ميان ناظرت بجيب المرتبه لقت شماغ عبد الرحمن اخذتها واعطتها لميس
ميان: خوذي تلثمي فيها عشان مايشكون انك بنت
اخذتها لميس وتلثمت فيها
والسياره تقرب منهم والبنات يزيدون بكا والسياره تزيد تقرب لين صارت جنبهم بالضبط ولميس ماتبي تناظر فيهم وتنهار ماسمعت الا صوت رجال يقول: وقفو السياره ترانا عارفين انكم بنات
وتين التفتت عليهم: تكفون لاتسوون لنا شي
لميس : يامجنونه ليش تكلمتي
الرجال: وقفو السياره ولا بتشوفون شي ماصار
لميس بتبكي: والله والله ما اعرف اوقفها
الرجال: وقفووووووووووووووووها
لميس عصبت: ماتفهم انت؟؟ اقولك ما اعرف
علمهم الرجال كيف يوقفونها ووقفت السياره بنص الشارع ونزل الرجال من السياره وهو متلطم


=============
إنتــــــــــــــــهى البـــــــــــــــــــــــــارت

بحر الآلمـاس غير متواجد حالياً   رد مع اقتباس
قديم 11-07-2008, 01:34 AM   #14
نســائـم
.:: الإدارهـ ::.

الصورة الرمزية نســائـم

رقم العضوية : 4
انظم بتاريخ: Jul 2008
عدد النقـــاط : 10
الجــنـس : شابة
الاقامـة: ♥ ιи мч нεαят
المشاركــات : 4,210  


مجموع الاوسمة: (أكثر» ...)

My MMS
افتراضي

روآآآيه ررآآآئع ـه .. وآنـآ قريتهـآ ك ـآمله .. مرهـ مرهـ روع ـه ..

..

لاهنتٍ .. يـآلغ ـآليـه ..

..

نسـآئم .. ًٍ

نســائـم غير متواجد حالياً   رد مع اقتباس
قديم 11-12-2008, 03:10 PM   #15
» qξţάя • άŁђộőβ
.:[ نســ مميز ــائــم ]:.

الصورة الرمزية » qξţάя • άŁђộőβ

رقم العضوية : 41
انظم بتاريخ: Aug 2008
عدد النقـــاط : 10
الجــنـس : شاب
الاقامـة: آعُيًشُ بُـ آلأعُمٍَآَقٍِ
المشاركــات : 720  


مجموع الاوسمة: (أكثر» ...)

My MMS
افتراضي

ஜஜ

∫∫ ∫∫ شي طيب يعطيك ربي العافيه ∫∫ ∫∫
تحياتي
][..qέţaя aĻ7σ0όb..][

ஜஜ

» qξţάя • άŁђộőβ غير متواجد حالياً   رد مع اقتباس
إضافة رد

مواقع النشر (المفضلة)

الكلمات الدلالية (Tags)
لا قلت, أحبك, الشوق, الشوق عطري, العبير, احضنيني, روايه, عطر, عطر العبير, عطري, إسكتي, واحضنيني, قصه, قصه طويله, كامله


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

الانتقال السريع

لاقلت أحبك إسكتي وإحضنيني / روايه كامله


المواضيع المتشابهه للموضوع: لاقلت أحبك إسكتي وإحضنيني / روايه كامله
الموضوع
رواية شما وهزاع - روايه شما وهزاع كامله - روايه شما وهزاع - شمه وهزاع روايه بدون ردو
لاقلت لك خلني
أحبك موت في غيابك ولا شفتك أحبك زود ~ خلفيات بلاك بيري مميزه
أحبك ... أحبك أتسمعها !!
¤*.وآطير لاقلت : أحبك .*¤

عيون البحرين - اخبار البحرين منتديات منتديات
دليل محطات تحميل

 


الساعة الآن 10:40 AM


Powered by vBulletin® Version 3.8.7, Copyright ©2000 - 2017, Jelsoft Enterprises Ltd. TranZ By Almuhajir

 

RSS - XML - HTML  - sitemap - sitemap2 - sitemap3 - خريطة المواضيع - خريطة الاقسام - nasserseo1 - nasserseo2

 

|